Francja po śląsku

[broneknotgeld]

Francyjo

Francyjo jak wino kożdymu smakuje
Bo tyż tu nojwiyncy se go produkuje
Zaś lawyndom wonio podobno łod zowdy
Parfin tukej krolym - wiela we tym prowdy.

[broneknotgeld]

"Mistral"

W dolinie Rodanu durś se woda płynie
I mistral pierońsko wieje w ty dziedzinie.

[broneknotgeld]

Francuski

Francjo ło francuski tyż pierońsko dbo
Tako ambicyjo z downych czasow mo
Przeca był to w świecie jynzyk dyplomacji
Pieszczom sie z niym teroz - dyć wiela w tym racji.

[broneknotgeld]

"TGV"

Nojgibszy w Europie teroz cug francuski
Polski jest przi tymu jak na grubie wozki.

[broneknotgeld]

Taki somsiod

Francjo Brazylio mo za somsiada
Myśla - niy bydzie tu ło to zwada
Przeca jest łona tyż we Gujanie
I pewno dugo tako łostanie.

[anatoli]

d'jà qu'j'en bave pour entraver le polak, vu qu'c'est pas d'la tarte, voilà-t-y
pas qu'y s'mettent à jaspiner en dialecte.

qu'esse vous diriez si j'me mettais à causer l'parigot ? Hein ?

kurde bele !!!

[broneknotgeld]

Toż "kurde bele"
Ze ślonski sztele
Niychej nom żyje gryfno Francyjo
Tako tyż Ślonzek - to niy mecyjo.

[broneknotgeld]

Menton - Lazurowe Wybrzeże

Kedyś w Grimaldich władzy z Monako
Potym Francyjo to wziyła
Dlo Menton było przeca jednako
Dyć łone swoja mo siyła.

[broneknotgeld]

Świynto Citrony w Menton

To tukej kedyś pramatka Ewa
Co hapła w Raju prziniosła
Piykno gałonzka citrony drzewa
Piyrszo we Menton wyrosła

Miasto ze tego downo słynyło
Zocny to owoc Europy
We dziewiytnostym wieku tak było
Cytrus łodbiyroł utropy

Teroz to dzieje sie w karnawale
Świynto Citrony tu majom
Coś brak jyj - dyć to niy mynczy wcale
Z Hiszpanii se sprowadzajom.

[broneknotgeld]

Cytrusowo parada

Ze cytrusow tukej figury budujom
Potym te parady w czi niydziele idom
A co niy łognije ludziskom "wysujom"
- No tak co roku bo turysty przidom.

[broneknotgeld]

Karnawał cytrusow

Citron z apruzinom czi tydnie krolujom
Tako tukej było już przed drugom wojnom
A że ćwierć Europy tyn zwyczaj fest ujon
Ło zyski w tym czasie sztela jest spokojnom.

[broneknotgeld]

Apruzinowy "Disneyland"

Tako we tym roku Monton se pokoże
Do tego dodejcie "lazurowe" morze
Choć to niy jest lato yno jeszcze zima
Monton swoje zrobi - niy zeżre ich tryma.

[broneknotgeld]

Krol Karnawału Nicejom rzońdzi
Dyć po dwoch tydniach na stos zabłońdzi
Szczyńściym co roku majom inkszego
Latoś se znojdli "Klonowanego".

[broneknotgeld]

Festiwal Kwiotkow

Karnawał bez kwiotkow w Niceji niy wyńdzie
A w dziyń festiwalu to łone som wszyńdzie
Nojpiykniejsze jednak na wozach tu znojdziesz
Aroma w kicholu że ślepy tyż dojdzie.