Szpaska???

[broneknotgeld]

Jako z godkom naszom?
www.facebook.com/notes/pro-loquela-silesiana/j%C4%99zyk-%C5%9Bl%C4%85ski-ekspertyza-naukowa-dr-el%C5%BCbiety-anny-seku%C5%82y/10150237473512565
Cosik wiyncy wiycie
Ślonzokow wystraszom
kej we niyj durś życie?
Trza swoje nom zrobić i na sia rachować
Coby ciyngym kwitła potrza wiyrchym dować.

[broneknotgeld]

Kubiny 34

Koniec Ficinusa?
Trza sie zaś tym tropić?
www.facebook.com/profile.php?id=100000960287190#!/photo.php?fbid=157371807658642&set=o.154693214593730&type=1&theater
Ślimto ślonsko dusza?
Jako to spokopić?
Trzeci dom w ruinie - wiela to we wercie?
Czy w tym rudzki muster? Tako zaś niy biercie.

[broneknotgeld]

A to ci nowina
Czy cieszyć sie pódzie?
katowice.naszemiasto.pl/artykul/884819,krotko-piotr-uszok-zadeklaruje-dzis-poparcie-dla-obywateli,id,t.html#42a5ff5cd784db66,1,3,9
Mom wesoło mina
Jako ze tym w Rudzie
Dyć te ślonske forum kulturom w świat blyńdzi
nk.pl/forum/17/977
W nojzocniejszo strona niy łod dzisioj pyńdzi.

[broneknotgeld]

"Zowdy z nami"
-wierzyć idzie
katowice.naszemiasto.pl/artykul/886245,biskupi-o-papiezu-jan-pawel-ii-dawal-nadzieje-kazdemu-z-nas,id,t.html#1e1a8e9da25142cb,1,3,6
My niy sami
toż niy w biydzie
Gości tyż we ślonskich duszach
Tako szpaska dać tu musza.

[broneknotgeld]

Leszek na górze
Leslie na dole
katowice.gazeta.pl/katowice/1,35019,9553366,Sasiedzi_poklocili_sie_z_senatorem_o_licznik_gazowy.html
We zgodnym chórze?
Łoka w rosole?
Kaj "wolność Tomku we swojim domku"
ktoś pokupluje ich jednom romkom?

[broneknotgeld]

Prawiom co we Rudzie
Buk ruby tyż rośnie
Słychać ło tym cudzie?
Sie pytom przi wiośnie
Łoj - żech kedyś trefioł sie ze nim na Wiyrku!
Som pniok jego zdoł sie jakby Dudy gyrkom!

[broneknotgeld]

"Zobot" z Ficinusa
www.dziennikzachodni.pl/aktualnosci/406905,industriada-2011-zaprojektuj-i-zbuduj-zobota-konkurs,id,t.html
Jakby cigowaty
Tako szkryfnońć musza
Jako stanońć na tym?
Kej ciga Ryszawo sie piyrwyj straciyła
Ponoć na Ficinus nazod niy trefiyła.

[broneknotgeld]

Ze hauskyjzom sznita
Kminkym zawoniała
Chop to niy kobiyta
Kogoś ora brała
Dyć radościw wiela kej zagości w doma
I po stole łazi prawie tako kroma.

[broneknotgeld]

Z tustym sznita
I cebulom
Niy trza pytać
Dyć niy fulom
Zjydz a zowdy zdrowy bydziesz
Kej smakuje - żeś niy w biydzie.

[broneknotgeld]

Zaś na Ficinusie
znodła sie cigula
rudaslaska.naszemiasto.pl/artykul/948317,industriada-2011-w-rudzie-slaskiej-zdjecia,1123913,id,t,zid.html#galeria
Zaś radujom tu sie
Jo niy chca wos fulać
Blysła kolanijo dyć przi Industriadzie
Ło djoskach niy myślom ani jakiś zwadzie.

[marijankaonline]

Rym z niydzielōm
Wito sztela
Wszyscy dzielōm
Moc wesela
Limeryki fraszki szpaski
Dyć ôd serca niy ze łaski

B/P

[marijankaonline]

Przi kawie

Kawa budzi
Wonio piyknie
Wiyncy ludzi
Kawy łyknie
Kej sie kawki napijymy
Rymy zocne sam kliknymy

B/P

[marijankaonline]

Szpaskowe mostki

Słonka niy ma
Nocka idzie
Smak na ryma
Wyna przidzie?
Eli słonko eli gwiozdki
Rymek stawio swoje mostki

Most ku słonku
Złotym blysko
W piyknym dzionku
Widzisz wszysko
Modre niebo biołe chmurki
Na filorach trzi przepiórki

Strzybny mostek
Blyszczy w nocy
Milion gwiozdek
Mrugo w łoczy
Porajzujesz mlycznom drogom
Kej luneta mosz ze sobom

Barbara Politaj

[marijankaonline]

Promocjo

Szpaska w świecie
Leci piyknie
Wiosna plecie
Przeca styknie
Rymek ślonski już niy dziwo
Godka naszo - dyć prawdziwo!
B/P

[broneknotgeld]

Promocyji godki
nigdy niy za wiela
nk.pl/#forum/17/977
Czy smak jeji słodki?
Dlo mie jako frela
gryfno, zowdy modo i mondro do tego
Prawie jako ślubno - toż przeca nic złego.

[broneknotgeld]

Śledzia wyndzonego

Śledzia wyndzonego
Do dzisioj pamiyntom
Jod żech go ciepłego
Rybom niy zoklyntom
Ech, smakowoł richtig mi we Lubiatowie
Na bezrok zaś kukna - już dzisioj mom w gowie.

[broneknotgeld]

Czy yno pytała?
Tyndyncyjo widać
Łodpowiydź dowała?
Tako chciała kidać
slask.naszemiasto.pl/artykul/1071619,jerzy-gorzelik-mamy-prawo-manifestowac-przywiazanie-do,id,t.html#6ec5e6296540bdf6,1,3,7
Dyć strzimoł Gorzelik istno cołkym zdrowo
A kej tyndyncyjno - wyszło - niyfachowo.

[broneknotgeld]

A możno prawie
ta polityka
zdo sie w Warszawie
jako motyka
www.dziennikzachodni.pl/opinie/470907,smutno-bylo-pierwszego-dnia-w-sejmie,id,t.html
Lachać sie idzie i dziwać tymu
Sejm seksym żyje? -Mie styknie rymu.

[broneknotgeld]

Kejś Ślonzok - poradzisz
Sie pośmioć ze siebe
katowice.gazeta.pl/katowice/1,35068,10655260,Michal_Smolorz__Ostatnia_____zemsta_Janoscha.html
Ze istnym niy wadzisz
nawet i we Niebie
Kejś Ślonzok mosz cosik tyż ze Sowizdrzoła
Toż niy darmo szpaska bydzie ci fest pszoła.

[broneknotgeld]

Na nacyjo
Postawiyli
opole.gazeta.pl/opole/1,35086,10884274,Stowarzyszenie_Osob_Narodowosci_Slaskiej_zarejestrowane_.html
Komedyjo?
-Ucieszyli!
We Opolu pokozali!
Jako sie pokulo dali?

[broneknotgeld]

Trefoniowi
Stykło siyły
Kożdy to wiy
Kunszt mu miły
Galeryjo niych rozblysko
www.dziennikzachodni.pl/wiadomosci/474748,w-rudzie-slaskiej-otwarto-galerie-gerarda-trefonia-zdjecia,id,t.html
"Ptok" przezocny - tako wszysko.

[broneknotgeld]

Opłatkowo szpaska

Niych sie wom wiedzie
Niychej wom darzy
Kej śpiom niydźwiedzie
Trefi co marzy
"Opłatek" szpaskom tyż we Wilijo
Coś ło tym prawi Ewangelijo?


Ruda Śląska - stolica fraszki

[broneknotgeld]

Powinszowania noworocznom szpaskom

Ślonski godce
Z Nowym Rokym
Żyć we klotce?
Ślimtać łokym?
Być jynzykym jyj winszuja!
Kej rozkwito - sie raduja!

[broneknotgeld]

Ślonski godce
Z Nowym Rokym
Żyć we klotce?
Ślimtać łokym?
Być jynzykym jyj winszuja!
Kej rozkwito fest raduja!

---

Ślonzok, Polok
abo Niymiec
Dyć niy bolok
kej łodmiyniec
Ślonzek wielokulturowy
Jako piyrwyj niych w rok nowy!

---

Na trollika
Ślonsko fraszka
Stknie klikać
-Rymow taszka
Z Nowym Rokym tym co zgobiom:
-Niychej sie po rzici szkrobiom!

[broneknotgeld]

Godka blyśnie!

Szpaskom
modnom
Fraszkom
godnom
Godka blyśnie
Wrog jyj skiśnie!

[broneknotgeld]

I "numerki"
sie rachujom
Zowdy frelki
tako czujom
Szpas - toż niychej tego styknie
Bo kejś ślubno za mnom kliknie.

[broneknotgeld]

Heft łod wandrusa
nk.pl/#forum/17/977/544
Zdo sie co prawie
W Krakow trza ruszać
Być we Warszawie
Pyry dyć niychej tyż posłuchajom
I wrocławioki - wcale niy bajom.

[broneknotgeld]

Juliusz Marcisz

Pyndzlym budzioł
Ślonsko dusza
Czas to studzioł?
Jako ruszać?
W Rudzie konkurs z mianym jego
Niy przepomnom tu istnego.

[broneknotgeld]

Michał Smolorz

"Hexom" dyć mianujom
Niy na darmo przeca
Kej cwekami sujom
Niy klepiom po plecach
Z mietłom szpyndlikowom chcom furgać wysoko
Ponoć rzić potrzasko kto richtig fest skoko.

[broneknotgeld]

Hynryk VIII

"Pies na baby"
Czy boroczek?
Co suć trza by
Mu we kroczek?
Kiblym ściyntych głow niy tropioł
Czy Ponboczek go spokopioł?

[broneknotgeld]

Mahatma Gandhi

Mało robioł
Mało jodoł
Ktos go pobioł
W zochwyt wpodoł
Mocny duchym ponoć był
Wloz we pamiyńć choć bez siył.

[broneknotgeld]

Lord Byron

Poezyjom zmamioł
Niyjedna kobiyta
Świat czy łon cyganioł?
Bajlaga kaj sznita!
Lord co w polityce, poezyji, pryku
Jako "Childe Harold" - za wandrusa rzykom.

[broneknotgeld]

"Neokorfanciorze"
Z zocny ziymi naszy
Rosnom ło ty porze
"Maciyrzokow" straszy?
Dyć darmo łostuda - wiyrchym niych Ślonzoki
www.dziennikzachodni.pl/artykul/645393,ras-demaskuje-v-kolumna-w-po-i-spisek-z-sld,id,t.html
Ślonskość radość niesie kaj "pnioki", kaj "krzoki"

[broneknotgeld]

Czy te gyny
sukcesowe
u mie driny?
Pyto czowiek
www.dziennikzachodni.pl/artykul/649623,gorzelik-o-kampanii-slaskie-sukces-w-genach-zwyciezyc-i,id,t.html
Niy wiym jako mom łodpedzieć
-Pewno młodsi bydom wiedzieć.

[broneknotgeld]

Ślonzok?!

Cy jo jest?
Czy ni ma?
Leca fest?
Na przima?
www.dziennikzachodni.pl/artykul/653893,pustulka-mniejszosc-slaska-jest-czy-jej-nie-ma-czy-istnieje,id,t.html
Godka mom - niom asza!
Ślonskości niy zgasza!