Jedność Gornoślonsko

[broneknotgeld]

Ślonzek wyńdzie nom ze tego?
Jedność - jakby coś nowego
Gornoślonsko na poczontek
Toż niych leci tukej wontek.

[broneknotgeld]

Szyga Brehmer i Gorzelik
Ze Gaszyńcym razym w zgodzie
Wspolnie zrobić by to chcieli
Możno bydzie to już w modzie.

[broneknotgeld]

Niy ma w Rudzie tekstu ło tym?
serwisy.gazeta.pl/kraj/1,34309,2182401.html
No toż tela z tym roboty.

[broneknotgeld]

Niych dubeltowo tyn wontek leci
forum.gazeta.pl/forum/72,2.html?f=59&w=14248352
We Katowicach i tu sie kleci.

[broneknotgeld]

Kandydat na synatora

Szukać kandydata trza na synatora
Chyba na Smolorza przidzie teroz pora
Okryng katowicki możno za nim stanie
Kampanio czas zaczońć panowie i panie.

[broneknotgeld]

Możno urośnie Ślonsk na JEDNOŚCI
Trza nawet wciongać do tego gości.

[broneknotgeld]

Tyn wontek

Chciyjcie dać na inksze fora
Prziszła na to przeca pora
Jo żech tu doł i we Rudzie
Dyć niych łon we Ślonzek pódzie.

[broneknotgeld]

"Jedność Gornoślonsko" przeca
Może wyńść ze tego neca
Fest połonczom niych nos linki
Skiż radości - a niy mynki.

[broneknotgeld]

Trza sie cieszyć - ślonsko zgoda
Szczyńściym przeca - czeba dodać
I choć ciynżke z tym poczontki
Niychej rosnom durś te wontki.

[broneknotgeld]

Tarnowskie Gory już majom wontek
forum.gazeta.pl/forum/72,2.html?f=102&w=14248634
Wlyźcie tam - zrobcie coś na poczontek.

[broneknotgeld]

Edukacjo regionalno

Przi edukacji stowiom na JEDOŚĆ
Coby już była tako powszedniość
A że som cosik tyż ze tym "broja"
Niychej se stanom tam kaj jo stoja.

-
forum.gazeta.pl/forum/71,1.html?f=261

[broneknotgeld]

Szajsnoł żech sie na Platformie
Wiym - jo niy jest w jejich "normie"
Co mi teroz sie łostało?
Konsek Ślonska? - Dlo mnie mało

W gowie przeca Ślonzek cały
Tym cieszyły by se gały
Dyć kto ło tym richtig myśli?
To nikomu sie niy prziśni?

Tyż wiym - dzisioj to za wczas
Poślom ze tym mie kajś w las
Dyć tam zielyń - toż nadzieja
Duszom jo sie wtedy śmieja.

[broneknotgeld]

Trza nom kożdy konsek wspiyrać
Ze marasu je pozbiyrać
Umyć łogrzoć dać tyż jodła
By sie ślonsko dusza znodła
Tam kaj nawet niy szukomy
Choć jom przeca wszyńdzie momy

Potym "klocki" zaczońć skłodać
Co wom wiela byda godać
Przidzie Ślonzek czy niy przidzie?
-Przeca lepi jednak bydzie.

[broneknotgeld]

Statut Zwionzku Gornoślonskego

Co by ty pedzieć ło tym wom rano?
Jedność - w statucie jest zapisano
Se łod poczontku tak naszkryflali
Choć czasym ło tym zapominali

Szczyńsciym czytajom go zaś terozki
Wiedzom że wspolne som nasze troski
Skuli "amnezji" wiela straciyli
Dyć to jest ważne - jednak przeżyli

[broneknotgeld]

"Niy poddom sie"
Boch z Rudy przeca jest
Suchejcie mie
Czeba to wspiyrać fest.

[zewarszawki]

Jeżeli wiekszość ślązaków chce autonomii albo uznania za mniejszość narodową to
wszyscy powinni to uszanować ( oj dostało by mi się od ziomali za to co
wypisuje).Moja najdroższa też podczas spisu powszechnego wpisała narodowość
śląska.I co? Mi to nic a nic nie przeszkadza najważniejsze że jest przy
mnie.Daniel.

[broneknotgeld]

No i piyknie. Przeca niy trza nikomu niypoczebny łostudy. Jo som, w
dzisiejszych realiach, niy jest żech zwolynnikym autonomicznego Ślonska w
Polsce, yno Polski autonomicznych regionow. Inkszo sprawa, że samo ideja
autonomii jest u nos czymś naturalnym. Myśla, że niy trza sie ło to z cołkom
Polskom "bić", yno trza w to wciongnońć inksze regiony. Wtedy by cosik ze tego
wyszło. No, ale jak niy ma jedności u sia w doma, to tym bardzi niywiela zrobi
sie kaj ińdzi. Toż popiyrom ta "Jedność Gornoślonsko".

[broneknotgeld]

Ze tom JEDNOŚCIOM zaś w przodek rusza
Bo przeca ślonsko jest moja dusza.

[broneknotgeld]

serwisy.gazeta.pl/kraj/1,34309,2193396.html
Wybryki?

"Zwionzek Gornoślonski niy chce polityki"
Toż to możno Szygi jakoweś "wybryki"
Ździybeczko uciyrpi na tym jego forma
Co łon mo we zocy? Wiymy - dyć Platforma

Możno chnet na posła z PO zasztartuje
Już jakby przi nosie tyn mandat aż czuje
Dyć Zwionzek istnieje dziynki ludzom w Kołach
Kaj ło synatora Ślonska trza zawołać.

[lswaczyna]

broneknotgeld napisał:

> serwisy.gazeta.pl/kraj/1,34309,2193396.html
> Wybryki?
>
> "Zwionzek Gornoślonski niy chce polityki"
> Toż to możno Szygi jakoweś "wybryki"
> Ździybeczko uciyrpi na tym jego forma
> Co łon mo we zocy? Wiymy - dyć Platforma
>
> Możno chnet na posła z PO zasztartuje
> Już jakby przi nosie tyn mandat aż czuje
> Dyć Zwionzek istnieje dziynki ludzom w Kołach
> Kaj ło synatora Ślonska trza zawołać.

Fraszka je grfno ino z tego co wiym to niy Szyga je winy ale zarząd ZG besto Jo
jak i inksi założyciele "JG" zrobymy wszystko ijeszcze troch by sie to nie
rozleciało. Mocno liczymy na wszystkich kerzy przają ŚLĄSKOWI bez względu do
jaik órganizacyji noleżą.
Lyjo

[broneknotgeld]

Niy gowa winno? Te rynce nogi?
Trza sie użolić losym niybogi?
Toż niych tom funkcjom prezesa szczeli
Jak majom za nic go w jego szteli.

[broneknotgeld]

"W tych wyborach niy wysztartujymy"

Anonim jakiś tako mioł godać
"Pionto Kolumna"? - Przimiyrzo szkoda?

[broneknotgeld]

Przi sztyrech stronach pionto se znodła?
Zarozki tako istnych ubodła?

[broneknotgeld]

Niy idzie godać że ktosik - zdrajca
Czuja w tym jednak Platformy jajca
PO niy wyńdzie cołkym na zdrowie
Jak mandat chyci Przimierza czowiek.

[broneknotgeld]

Trza tako

Trza do wyborow dować durś swojich
Niychej sie Ślonzok tego niy boji
Dyc mody teroz fest sztudiyruje
Poparcie zowdy we tym niych czuje

Tukej być majom dlo niego szanse
Piniondz robota i tyż awanse
Kultura piygno godno rozrywka
A nad tym Ślonzek - choć niy przikrywka.

[broneknotgeld]

Niy przikrywka

Dyć przeca Ślonzok w Polsce mo znaczyć
A i w Europie sie niy łonaczyć
By prziszoł dlo nos tyn czas pogodny
Region we UE był richtig godny.

[broneknotgeld]

Ciekawie ło tym Smolorz zaś prawi
miasta.gazeta.pl/katowice/1,35055,2205717.html
Z inkszego końca mu sie to jawi.

[broneknotgeld]

Smolorz ło "Jedności" tyż naszkryfloł cosik
Talara dciepnoł czy yno swoj grosik?
Po jymu do zadku to co "stare" ciongnie
We budowa Ślonska przeca se niy wciongnie

Łon to wszysko widzi ciyngym "przez Uszoka"
W jedna strona paczy - wyńdzie na boroka
Dyć "stare" ze "nowym" niy zowdy sie bodzie
Ze szkodom dlo Ślonska może być we zgodzie

Zwionzek Gornoślonski to niy "vipy" ino
Zowdy byda tukej ło tym przipominoł
Niychej Koła poprom co Szyga podpisoł
To nudli niy bydzie żodyn na tym wiyszoł.

[lswaczyna]

Zgdzą sie z tobą w 100% jak mało kej. Besto twoja fraszka puszcz drukiem za
twoją zgodą.W piątkowej GW ło JG i gupocie nikerych "ŚLĄZOKÓW" napisoł Kuc.
Lyjo

[broneknotgeld]

No toż piykne dziynki.
Czi tydnie mie na Ślonsku niy było, toż mom terozki zaległości. Poleku sie
jednak wciongna we wszysko łod nowa.
Co do tych mojich fraszek to jednak czynsto trza im korekty. Jo je pisza w
autobusach na kolanie, abo przi samym komputrze i bestoż jest to
taki "surowiec". Jak sie jednak coś przido i ukoże w druku to tyż piyknie.

[broneknotgeld]

Czy ta "Jedność" ciyngym jest?
Czy sie kajś schowała fest?

[lswaczyna]

Je ino prawie wszyscy na urlałb pojechali.

[broneknotgeld]

Terozki Szyga zrobioł swoj ruch
Opole pedzioł - jeronie BUCH

Toż gornoślonsko przeca stolica
Co mu łodpedzom we Katowicach?
A jako w Bielsku czy Czynstochowie?
Dropnoł se prezes przi tym po gowie?

Jo bych Opolu doł wojewody
We Katowicach sejmik - dlo zgody
Jakby zaś niy szło tak powelować
To Ślonzek cołki z Wrockym budować.

[broneknotgeld]

To niy "dopust boski"
serwisy.gazeta.pl/kraj/1,34309,2270889.html
Tyn link skuli troski.

[broneknotgeld]

[broneknotgeld]

Możno tako mi sie zdo
Jednak pódzie wklejić to.
miasta.gazeta.pl/katowice/1,35019,2275812.html

[broneknotgeld]

W ZG se terozki wadzom
serwisy.gazeta.pl/kraj/1,34309,2283591.html
Tak utropie niy zaradzom.

[broneknotgeld]

Na synatora w Okryngu Rybnickim

JEDNOŚĆ kandydata teroz wystawiyła
Łoboczymy jako w jedności tam siyła.

[broneknotgeld]

Jako ta "Jedność" - tu naszkryflali
www.zwiazekgornoslaski.org/aktualnosci/jednosc.htm
Toż łoboczymy co bydzie dali.

[lswaczyna]

Na synatora w Okryngu Rybnickim
>
> JEDNOŚĆ kandydata teroz wystawiyła
> Łoboczymy jako w jedności tam siyła.

Niy wiym czy łoboczymy bo ze strach krety już ryją.

[broneknotgeld]

Z kreci roboty Polska durś słynie
Żodno nowina w naszy dziedzinie
Widać to nawet na Forum Ruda
Choć jo sie starom by były "cuda".

[paul11]

Je nadzieja, że Klucznioka poprze Kuc

[broneknotgeld]

Nadzieja jest zowdy
miasta.gazeta.pl/katowice/1,35068,2225728.html
A w tym wiela prowdy.

[paul11]

broneknotgeld napisał:

> Nadzieja jest zowdy
> miasta.gazeta.pl/katowice/1,35068,2225728.html
> A w tym wiela prowdy.
Jutro ponoć bydzie konferyncjo prasowo JG w sprawie wyborow do Synatu w Rybnickim.

[broneknotgeld]

Coby sie ło tym łostoł tu ślod
Link wciepnij jutro - jo byda rod.

[paul11]

Wejżij na informacje PAP a możno cosik ciekawego z wczorajszyj konferyncji
prasowej sie dowysz.

[lswaczyna]

JG wystawiła Pana K.Klucznioka w wyborach do Senatu RP w okręgu Rybnickim

[lswaczyna]

Kto ma krewnych, znajomych w Rybnickim niech agituje.

[broneknotgeld]

Hehe - godocie - trza "agitować"
Szkrobia se teroz w glacato gowa
Bo mi te słowo źle w uchu brzynczy
No i po prowdzie ździybeczko mynczy.

[lswaczyna]

broneknotgeld napisał:

> Hehe - godocie - trza "agitować"
> Szkrobia se teroz w glacato gowa
> Bo mi te słowo źle w uchu brzynczy
> No i po prowdzie ździybeczko mynczy.

Możno styknie godać prowda ło ŚLĄZOKACH.

[broneknotgeld]

Dlo mie tego cołkym styknie
Jak przegrywać - to tyż piyknie
Wiym - tu idzie ło wygranie
Dyć tyż ło te "własne zdanie".

[broneknotgeld]

Kurde - jakby tak powołać Wyborczy Komitet
Tych kierzy regiony chcom w Polsce wprowadzić
Możno z tego byłby naprowdy pożytek
Ło REGIONY werci se z "warszawkom" wadzić.

[broneknotgeld]

miasta.gazeta.pl/katowice/1,35019,2475479.html

[paul11]

broneknotgeld napisał:

> miasta.gazeta.pl/katowice/1,35019,2475479.html
Może by tak w Rudzie

[broneknotgeld]

W Rudzie Jedność? Coś se zdowo
Że jest u nos za niyzdrowo.