Ludzie Ślonska

[broneknotgeld]

Marian Makula

Jo niy byda wiela fulać
Kej rozkulo sie Makula
rudaslaska.naszemiasto.pl/artykul/galeria/1224593,czlowiek-roku-2011-rudy-slaskiej-glosowanie,galeria,id,t,tm.html#plus
RAŚ pokliko
Tref "pobryko"
Z "Wernyhory" zrobiom "króla"!

[broneknotgeld]

Z Rudy Ślonski

Dać Godule, dać Meiera
rudaslaska.naszemiasto.pl/artykul/1280587,zasluzonych-slazakow-wyznaczy-zespol-ds-rocznic-i,id,t.html#czytaj_dalej
Tunkla tako i Wyplera.

[broneknotgeld]

Mo gyburstag "Nestor Ślonski"
www.dziennikzachodni.pl/artykul/508751,kazimierz-kutz-ma-dzis-urodziny-dwiesta-lot-zloz-zyczenia,id,t.html
W kunszcie richtig łon niywonski
Niych nom żyje!
Biyrek pije!
W szynku "Dupowate Gonski"!

Juliusz Marcisz

[broneknotgeld]

Juliusz Marcisz - 22.05.1898 - Bielszowice

Julka witajom już Bielszowice
Tukej sie rodzioł - pewnikym wiycie
Tukej boł krzczony, po placu tyroł
Jako Kochłowka płynie zaziyroł

Ano, tyż tukej łazioł do szkoły
Dzieciok boł z niego richtig wesoły
W łoko rechtorom wloz kunszt istnego
Pyndzel sie zdowoł norzyńdziym jego

Toż rodzicielom gorko radziyli
Coby w Berlinie synka kszałciyli
I możno tako by mu trefiyło
Kejby chnet Niebo fatra niy wziyło

Jako terozki - wdowa we biydzie
Julkowi skończyć nauki przidzie
I wartko, wartko trza do roboty
Gruba już czeko - niy z pyndzlym psoty.

[broneknotgeld]

Julek na grubie

Julek na grubie zaczon fedrować
Matce stropiony geld tako dować
Farby i pyndzle jednak kusiyły
Blejtramy czynsto po nocach śniyły

Po szychcie chytoł - szukoł w tym pociech
Co kłod na płotno? -Coś ło robocie!
Czym żył tym blysnoł przeca we końcu
Niy ma co dziwać - lepi przi słońcu.

[broneknotgeld]

Łobroz "Górnicy na filarze"

Ano - choć na dole codziynnie folowoł
Czasu znoloz tela, że cosik malowoł
Jako na filorze - tymu podziwocie
Kej łobroz Marcisza przed łoczami mocie

Nawet obersztajgry kunszt Julka widzieli
Toż go we miernictwo tako wrazić chcieli
Robota z tym leko - kłaść kryski pochytoł
Ponoć i dyrechtor ło pyndzel sie pytoł

Gruba już tymatym Marcisza na zowdy
Na płotno kłod tako czyńść bergmoński prowdy
Chocioż karlus mody, dyć wiy co robota
Wongel w ślonski duszy to niy jest gupota.

[broneknotgeld]

Łobroz "Górnicy na filarze"

Ano - choć na dole codziynnie folowoł
Czasu znoloz tela, że cosik malowoł
Jako na filorze - tymu podziwocie
Kej łobroz Marcisza przed łoczami mocie

Nawet obersztajgry kunszt Julka widzieli
Toż go we miernictwo tako wrazić chcieli
Robota z tym leko - kłaść kryski pochytoł
Ponoć i dyrechtor ło pyndzel sie pytoł

Gruba już tymatym Marcisza na zowdy
Na płotno kłod tako czyńść bergmoński prowdy
Chocioż karlus mody, dyć wiy co robota
Wongel w ślonski duszy to niy jest gupota.

[broneknotgeld]

Towarzystwo Lubownikow Sztuki Stosowany
Lipiny - 1918

Rok we kerym kajzer ze Niymiec sie traci
Rok w kerym Lipiny kunszt pyndzla bogaci
Na Piaśniki pylać mogliby we zokach
Do restauracyji co łod Pateroka

Julek łod poczontka boł we ty ferajnie
Farby kłaść na płotno dyć poradzioł fajnie
Choć niy cołkym yno pyndzle boły w gowach
Kej coś sie bulyło - coś rosło ze nowa

Mieli "lubowniki" tyż Franca Lazara
Łoj, śniyła nikerym już ta "polsko miara"
Muster ze "Eleusis" tyż sie przeca wziyli
Przi tymu za Polskom zdo sie cołkym byli.

[broneknotgeld]

broneknotgeld napisał:

> Towarzystwo Lubownikow Sztuki Stosowany
Zwionzek Lubownikow Sztuki Zastosowany
Lipiny - 1918

[broneknotgeld]

"Lubowniki" ślonski ziymi 1918-1922

Ano - we Lipinach na tyn muster "rośli"
We ta strona kunsztym wartko richtig poszli
Nic że hołdy tukej, że gruby, że werki
Ślonzek ich wypszony zdoł gryfny i wielki.

[broneknotgeld]

We "Sokole"

Dyć i we "Sokole" Marcisza widzieli
A po wojnie wrało w gornoślonski szteli
Julek boł propolski bestoż niy dziwota
Na państwowy grubie drap stracioł robota
I chocioż "sokolsko" richtig we niym dusza
Niyleko mu żyło - tako szkryfnońć musza.

[broneknotgeld]

Malyrz Julek

Kto znoł w Kochłowicach Wincynta Wałacha
Tyn ło niym by niy mog coś złego poklachać
Kej familokowe izby łobsztrajchowoł
Gipsdeka bieluśko, a ściana jak nowo

Toż Julek z niym pyndzla sie chycioł wiykszego
Grajfki we szlomkryjdzie niy topioł do tego
Fach pewny we ryncach, z tym geld co na życie
Gyry ze drabiny mocniejsze tyż - wiycie.

[broneknotgeld]

We Armiji Wielkopolski 1919-1920

Zamiynioł pyndzel chnet na gywera
Sie ze Pyrami skamracioł teraz
Zdo sie co dusza mioł insurgynta
A sznit wojskowy - niy jego "piynta"

We wielkopolski zocny dziedzinie
Julek niy siedzioł na rzici w kinie
Dyć wom niy szkryfna jako wojowoł
-Na Gorny Ślonzek sie wrocioł zdrowo.

[broneknotgeld]

I juzaś w doma

W roku dwudziestym zaś w Bielszowicach
A Gorny Ślonzek - jake mo lica?
Przed plebiscytym i przed powstaniym
Richtig fest gorko boło już na niym

Toż i dlo Julka ciynżke te roki
Co komu niesom ku Polsce kroki?
Łon za tym ofyn, wciongo tyż inkszych
Ech, fermynt, fermynt zdo sie durś wiynkszy!

[broneknotgeld]

We powstaniach, w plebiscycie

Ano - wartko leci życie
We powstaniach, w plebiscycie
Julka tyż niy brakowało
Kej mu Polski tu fest chciało

Blysnoł Gwiozdom Gornoślonskom
Wstyngom z Krziżym - tyż niywonskom
Dyć to boło już po czasie
Kej na polski stoł tu sztrasie

Za co mu sie przitrefiyło?
-Zdo sie jakby w pyndzlu żyło!
Chciyj w łobrozy ze tym kukać
Historyji ślonski szukać.

[broneknotgeld]

broneknotgeld napisał:


> Za co mu sie przitrefiyło?
> -Zdo sie jakby w pyndzlu żyło!
> Chciyj w łobrozy ze tym kukać
> Historyji ślonski szukać.
www.muzeum-miejskie-zabrze.pl/pl/marcisz0.php

[broneknotgeld]

Szlus z "lubownikami" - 1922

Ano - szlus z "lubownikami"
Cosik "za" - pedzieli sami
Choć palety sie łostały
Niy w tym koncept dyć boł cały

Niy - sie tako dogodali
Kej tu Polski doczekali
Wiela ze tym im spełniyło
Co za Niymca w duszach kryło

Bestoż szlus z "lubownikami"
Chocioż przeca niy z pyndzlami
Kunszt ze duszy swoje robi
Czas przi grajfce niy nazgobi.

[broneknotgeld]

Co z tym kunsztym ślonskim?

Co z tym kunsztym ślonskim? Jako bydzie dali?
Polska we dziedzinie terozki "na fali"
Czas łostawić pyndzle? Tuszki do niczego?
Dusza na blyjtramy niy do nic zocnego?

Ech, niydoczekanie! Julkowi niy w gowie
Z niego niy jakowyś "dupowaty" czowiek!
Drap go coś w tym tropi, drap pomedykuje
Drap ferajnom nowom zaś poreskiyruje?

[broneknotgeld]

Nowo Wieś 1924

Toż sie Marcisz staro - wciongo w to sołtysa
I farorz pomoże - jako nudle wiyszać?
Downych "lubownikow" łod nowa kupluje
Ferajna chnet bydzie - ano - uraduje
Kej Ślonzek rozkwito ze autonomijom
Tako i kunszt w przodku - tych kierzy tu żyjom

[broneknotgeld]

Nowo Wieś - wiosna 1925

Fajer ski z ferajny co prawie blysnyła
Ze pyndzla i tuszek zdo sie jeji siyła
Nowo Wieś tym dźwigo we ślonski dziedzinie
Kunszt ze naszy duszy niychej niy przeminie
Toz se niy dziwejcie, niy tropcie za wiela
Łobrozy tyż po to coby dać wesela
Łobrozy tyż po to coby w duszach zocnych
Fojery rozpolić - dować ludzi mocnych
Tako tyż z ferajnom we ty szteli bydzie
Kej jom tukej momy we przodek niych idzie.

[broneknotgeld]

Towarzystwo Przijacioł Sztuk Piyknych - Nowo Wieś

Ano - sie Nowo Wieś richtig dziwowała
I skiż kunsztu istnych tako radowała

Marcisz prezesowoł, Wałach sekretorzym
W Zarzondzie Sycowa tyż chnet cosik woży
W Drozdowskim z Katowic rechtora dyć majom
Wiela ich nauczoł - wcale jo niy bajom

Trza tu Góreckiego mi wspomnieć Eryka
Ło wsparcie istnego niy muszom aż rzykać
Im mecenasowoł w swyj restauracyji
Inaczy by wiyncy mieli z tym mecyji

Tako w miyndzywojniu ferajna roskwitnie
Kery we ferajnie tyn Muzie niy citnie
Zdowo sie Parnasym ta ślonsko dziedzina
Kto z pyndzlym, blejtramom - jak w zupie ańbryna.

[broneknotgeld]

Wystawa ferajny - grudziyń 1926

U Góreckiego epno wystawa!
Ech, richtig zocno dlo Ślonska sprawa!
Nic co we kunszcie som amatory
Niy kuknońć na to? Czowieku - choryś?!

Łobrozy, rzźby w drzewie, we fecie!
Restauracyji ściany jak kwiecie!
Dugo w pamiyńci wszysko łostało
Dugo tych cudow dyć brakowało

Wiela zjechało tymu dziwować
Coby na Ślonsku świodectwo dować
I wieść ło kunszcie niyść dali potym
Kunszcie ze ryncow ciynżki roboty.

[broneknotgeld]

Ech, te zabawy!

Ech, te zabawy! Czy pamiyntocie?
Niy ma miesionca kej ich niy mocie
W restauracyji radości wiela
U Góreckiego - szkryfna wom tela

Dyć se niy myślcie co był w proficie
Grosz z tego dowoł kunsztowi życie
Szło na palety, pyndzle, blejtramy
Mioł istny serce gorke - niy kamyń

Toż źle niy dzioło sie tu ferajnie
Choć kryzys przidzie - mniyj bydzie fajnie
Jakoś przi kunszcie swojim strzimali
Jakosik bliźnich tym radowali.

[broneknotgeld]

Nowo Wieś 1939

Dyć zaś cudo tu być miało
Sie wystawy nowy chciało
Z wrześniym ofyn przidzie drugo?
Ech, zły tref niyhersko mrugo!

Nic, choć poszły zaproszynia
Historyji wom niy zmiynia
Wojna pyndzlym? Niy - gywerom!
Kej to szkryflom ory bierom!

[broneknotgeld]

Wojynno tułaczka

A dyć w wojsku polskim Marcisza znojdziecie
Na wschod ze pułkami wycofuje przecie
Lwow go trocha widzioł, Stanisławow tako
Niy Syberio dano, choć Kaukaz jednako
Prziwitoł niy gościa, a uciekiniera
Armynio tyż wspomnieć trza prawie mi teraz
Co pomogło przeżyć? Pyndzel i szlomkryjda
Kej izby sztrajchowoł myńszo jego biyda
Dyć niy ma co dziwać - dom ciongnoł po wojnie
Toż wrocioł kaj marzoł coby żyć spokojnie.

[broneknotgeld]

Zaś na ślonski ziymi

Zaś na ślonski ziymi Marcisza widzicie
Tukej mu pisane było przeca życie
Tukej zaś ferajna chce nazod podźwigać
Tukej ze robotom i kunsztym niy migać

Dyć zdo sie darymno w tym jego nadzieja
Komuna istnymu niy za dobrodzieja
Zdoł se jakby asić swojom wolnom wolom
Za to we tych czasach już go niy pochwolom
We raji kaj inksi stoć nojwyży może
Toż se niy dziwejcie kej godoł - Szczyńść Boże.

[broneknotgeld]

"Kołka plastykow amatorow"

Widzieli Marcisza kaj kołka te były
Fryncita, Glywice se przed niym niy kryły
Tako samo Wiyrek, w końcu Bielszowice
Z pyndzlym przi blejtramie leciało mu życie.

[broneknotgeld]

+Juliusz Marcisz+ 22.II.1978

Łoziymdziesiont rokow - wiek zdo sie godziwy
Łoziymdziesiont rokow - memynto - niy dziwy
Kerhof w parafiji Andrzeja Boboli
Dynkmal tam Marcisza - rym istnego chwoli.

[broneknotgeld]

Juliusz Marcisz

Pyndzlym budzioł
Ślonsko dusza
Czas to studzioł?
Jako ruszać?
W Rudzie konkurs z mianym jego
Niy przepomnom tu istnego.

[broneknotgeld]

Choć sie zdo grać czasym buca
katowice.gazeta.pl/katowice/1,35063,11401191,Kazimierz_Kutz__Slazacy_dostana_wreszcie_wiatru_w.html
Jo podzielom zdanie Kutza.

[broneknotgeld]

Stowkom boło życie
piekaryslaskie.naszemiasto.pl/artykul/1334381,mielismy-wlasnego-hansa-klossa-mikolaja-beljunga-nikt-o-nim,id,t.html#bcaf7b45eefd1323,1,3,6
Sie ło tym dowiycie

[broneknotgeld]

Coś ło Donnersmarckach bydzie
www.zghalemba.pl/
Tyn sie dowiy kery przidzie.

[broneknotgeld]

Co by tu pedzieć?
opole.gazeta.pl/opole/1,35114,11791378,Prof__Rostropowicz__Slazakom_pewnych_pytan_sie_nie.html
Trza ło tym wiedzieć!

[broneknotgeld]

Co by tu pedzieć?
opole.gazeta.pl/opole/1,35114,11791378,Prof__Rostropowicz__Slazakom_pewnych_pytan_sie_nie.html
Trza ło tym wiedzieć!

[broneknotgeld]

Ło Donnersmarckach

Kto tam niy boł, stracioł cosik
filia18halemba.blox.pl/2012/05/Dzieje-rodu-Henckel-von-Donnersmarck.html
Na "szwortkowym torgu" grosik?

[broneknotgeld]

Jedno co wiymy
katowice.gazeta.pl/katowice/1,35019,11969628,Gorzelik_do_prezydenta__W_oczach_wielu_Slazakow_panstwo.html
-Swoje zrobiymy.

[broneknotgeld]

Radujom Glywice!
Czamu? Dyć dowiycie

www.dziennikzachodni.pl/artykul/652677,john-baildon-szkot-ktory-zostal-slazakiem-ma-nowy-nagrobek,id,t.html

[broneknotgeld]

Niy nowina
wiadomosci.onet.pl/regionalne/slask/bezdusznosc-urzednikow-klopoty-kolekcjonera,1,5268465,wiadomosc.html
Smutno mina.

[broneknotgeld]

Marian Cieśla

W Suszcu żył, sie jymu dziwoł
www.dziennikzachodni.pl/artykul/676225,sztoler-slazacy-sa-robotni-ale-sa-tez-lebry-i-lobijoki,id,t.html
"Bomboniorzom" palcym kiwoł.

[broneknotgeld]

Wspominomy Korfantego
Toż sie przido link do tego
www.dziennikzachodni.pl/artykul/681379,greiner-korfanty-ma-racje-mowiac-o-powstaniu-jako-buncie,id,t.html

[broneknotgeld]

Pochwola
Co skuli
Karola
Goduli
Na plakat zaziyrom
www.facebook.com/photo.php?fbid=10151116743212582&set=a.424017057581.203432.141157102581&type=1&theater
Choć som niy wybiyrom.

[broneknotgeld]

August Hlond - prymas Polski

Szczyńściym co po polsku tyż godać poradzioł
www.dziennikzachodni.pl/artykul/693979,90-lat-diecezji-katowickiej-czy-ks-hlond-mowil-po-polsku,id,t.html
Bez tego by pewno pieronym fest wadzioł
Za ksiyndzym Kubinom szła polsko łostuda
"Papiyż Gorol" wiedzioł, co mogom dzioć "cuda"
forum.gazeta.pl/forum/w,28940,23022365,41296241,Re_Wontek_papieski.html
Pon Bog palec pokłod na gowie Ślonzoka
Wzionby go do Nieba nawet i we zokach.

[broneknotgeld]

Szkoda co sie niy udało
rudaslaska.naszemiasto.pl/artykul/galeria/1610597,stanislaw-gerard-trefon-zostanie-zwyklym-bohaterem-w-rudzie,id,t.html#50ceacf25ba22931,1,3,5
Promocyji trza niymało.

[broneknotgeld]

Szurmana lica
katowice.gazeta.pl/katowice/1,35063,13192871,Ks__Tadeusz_Szurman__Katowice_jeszcze_do_najpiekniejszych.html
We Katowicach.

[broneknotgeld]

Smolorzowi szpaska

Żol kej pochowali
www.dziennikzachodni.pl/artykul/739423,pogrzeb-michala-smolorza-panie-michale-slask-w-potrzebie-a,id,t.html
Trza lyźć Jego sztrasom
Trza ciś kara dali
Ślonzoka wystraszom?
Toż po darymnicy byś żył, pomar tako
Kej ślonskość rozkwito nic co ktosik krako

Żol co Cie już niy ma
Dyć pamiyńć łostanie
Szymro ślonsko ziymia
-Lepszy czas nastanie
Niy ślimtom już prawie - zdo sie co raduja
Ty "Hexo" w galotach - Ci szpaska zrymuja!

[broneknotgeld]

Choć miyndzy nami już go niy momy
Dyć jeszcze niyroz se poczytomy.
www.dziennikzachodni.pl/artykul/738719,twarog-redaktor-smolorz-bedzie-w-dz-obecny,id,t.html

[broneknotgeld]

Toż coniyco wiymy
www.dziennikzachodni.pl/artykul/740243,slazakiem-jest-po-prostu-ten-kto-slazakiem-sie-czuje-wyniki,id,t.html
Sie uradujymy?

[broneknotgeld]

Trza powinszować
www.dziennikzachodni.pl/artykul/741785,franciszek-pieczka-dzis-swietuje-85-urodziny,id,t.html
Wiyrchym durś dować.

[broneknotgeld]

Niy wyszli "na tarczy"
katowice.gazeta.pl/katowice/1,35063,13255576,Klotnia_o_Gorny_Slask_w_telewizji__Mialo_byc_o_historii_.html
Kej "z tarczom" - wystarczy.

[broneknotgeld]

Miyszkoł Kostek Latka w naszym Orzegowie
Dyć go pokusiyło powstanie styczniowe
Toż se niy dziwejcie
Yno tam kukejcie
www.facebook.com/events/185980238212871/
Czas zlecioł - pamiynci mo sie trzimać czowiek.