Mity

[broneknotgeld]

Moj synek już do liceum łazi
Spytoł mie prawie - Cowiysz ło mitach?
Czy ktoś sie tukej ło to łobrazi
jak cosik szkryfna by przestoł pytać?

[broneknotgeld]

Niych je dziecioki po ślonsku znajom
No i uciechy ździybko z tym majom.

[jaborygyn]

Cy aby rihtig pewne `s'cie soom,
co Synek grecke zadowo Woom?

Niy lepi zaczoon'c' prosto ze kraja,
uo mitah polskih? Tako je raja!

Dlo uogupjanio stworzoone boouy.
Cy z ih skutkooma rada sie doomy?

Uodwagi na to styknie korzdymu?
Naczoon'c' dyskusjo z tego problymu?

Niy uciekejma za forhang z Prowdoom,
co platoom w zwadzie moge byc' godnoom.

A jurz pewnikym Naszym Ci Dzieckoom,
"wstydu" ze tego skrywac' pod keckoom.

Trza dac' Jym hycic' mocno rynkooma
Prowda i wtynczos skoon'czyc' z mitooma.

[broneknotgeld]

Ślonzoki muszom być wykształcowe
Bez tego stracom sie cołkym łone
A mity grecke poznać po ślonsku
To mieć Europa we swojym konsku.

[jaborygyn]

Cy kej Ci Uoone inaksze boouy?
We trzuh jynzykah ciyngjym wprowjane!
Tela co pjyrwyj proocz Wjedze, rzoouy
Iboong i Majster za wzoor Jym dane.

Za sia se karka niy uokrooncali.
Przed sia patrzeli. Dali i dali ... .
Jak wybjyrali, wybrac' zmuszooni,
to Filozofa z Gregoow sie wziooni.

Uod Roomy Prawo zalatowauo,
kjere przigarli. Jejih sie stauo.
Przi Niym wytrwali i do teroska,
prawym byc' zawdy - to rzoudno uoska!

Zas' samo "wjedza", ta podkuodano,
cy musi s'lepo byc' kupowano?
Kej niyrouz skryte se za nioom siyndoom
tres'cie, co casym Szloonzouka bjydzoom.

Uostowo Wjara, ta we Latinuum,
co Jynzyk daua, Goudka, z Nowinoom!
We Nij sie Wjedza przegloondnoon'c' musi,
i pewnos' douwac', co Nous niy skusi.

Do pragliwos'cie, zuos'cie, uobraze,
poniywjyranio czy inkszy skaze.
Przesioc' dac' tres'cie. Cy guoomb niy zgnity?
Uodpedziec' prosto. Cy to niy mity!

[broneknotgeld]

Mity "biblijom" religii Grekow
Trza tyż je poznać dobry czowieku.

[broneknotgeld]

Hades

Krolestwo zmarłych w Hadesa mocy
Cołke podziymie Tartaru ćmok
Skiż strachu mieli go wszyscy w zocy
Niyszczyńściym jego na ziymi krok.

[broneknotgeld]

Demeter - rodzicielka

Demeter boskom jest rodzicielkom
Toż skuli ziymi dlo ludzi - Wielkom.

[broneknotgeld]

Demeter

Cera Kronosa ze Rei matki
Toż ziymia tusto w łopiece miała
Kero kormiyła starych i dziatki
Co na niyj rosło fest tymu pszała

Dyć łona ludzi jakby żywiyła
Chop ciyngym ze niom łoroł sioł zbiyroł
Już teroz wiycie kaj jeji siyła
I czamu czowiek na nia spoziyroł.

[broneknotgeld]

Kore - cera Demeter

Z Zeusym krotko Demeter była
Kore ich pszonio owocym
Cera ze matkom jak jedno siyła
We dziyń i tako tyż w nocy.

[broneknotgeld]

Jazjon i Demeter

Jazjon Demeter kedyś fest pszoł
Syna Plutosa tyż ze niom mioł
Co blyszczoł richtig fest zamożnościom
Yno niy myślcie ło tym ze złościom

Jazjon skiż pszonio jednak źle skończoł
Zowistny Zeus we to sie włonczoł
Pieronym w ziymia go cołkym wbioł
Za to że lipsta z boginiow wzioł.

[broneknotgeld]

Eristychon

Niy chciyjcie nigdy być w jego skorze
Zdowało mu sie co jest we gorze
I gaj Demeter cołkym poniszczoł
Tako gniyw wielki bogini zyszczoł

Toż wiecznym głodym go pokorała
Ziymia sie nad nim niy zlitowała
Niy mo spokoju w wodzie i w niebie
Przeca łon w końcu zjod cołkym siebie.

[broneknotgeld]

Porwanie Kore

Frelkom modziutkom ta Kore była
Nimfy Sycylji dobrze jom znały
Rosła szczyńśliwo - w radości siyła
Jawioł sie przed niom jakby świat cały

Niy przeczuwała że Hades srogi
Gaftoł se ciyngym na nia spod ziymi
Bog chuć mo wielko i swoje drogi
Stało sie w końcu to ło czym wiymy

Przed Kore roz sie łotwarła ziymia
Hades wyjechoł z niyj na rydwanie
Ucapioł frelka i już go niy ma
Co sie terozki pod słońcym stanie?

[broneknotgeld]

Demeter dugo cera szukała
Przeszła po świecie blikła na woda
W dziesiyńć dni łoczy se wypłakała
W końcu z Hekate poszła pogodać

Ta poradziyła spytać Heliosa
Co jest pod słonkym łon widzi zowdy
Dyć choć zadziyro dość czynsto nosa
Matce ło cerze niy skompioł prowdy.

[broneknotgeld]

Zymsta czy żałośc?

Już ło porwaniu se dowiedziała
Ło tym że Zeus doł przizwolynie
Złość we niyj richtig wielko zebrała
Z ziymi niy wyszło żodne nasiynie

Głod nastoł wtedy naprowdy srogi
Ludziskow z tego wiela pomarło
Straciyli na tym tyż nawet bogi
Dyć i ofiarow sie im niy garło.

Już ło porwani

[broneknotgeld]

Taki koniec

Aż w końcu Zeus wysłoł Hermesa
Kaj duszy Charon tyla przewozi
Be Kore zabrać ze ronk Hadesa
Natura wyrszo we tym łod bozi

Dyć łona ziorka granatu zjadła
W podziymiu rosłu owoce śmierci
Jakby po drugi stronie już zdrzadła
W ćwierci umarto - żywo w czi ćwierci

Dziewiyńć miesiyncy na wiyrchu żyje
Prziroda wtedy rośnie szczyńśliwo
Kaj wielko cima potym se kryje
Ziymia zamiyro - to wos niy dziwo.

[hepik1]

O Jeeezou!Może z dzieckiem lepiej porozmawiać nie za pomocą forum ?Zwłaszcza z
wlasnym dzieckiem? Notgeld -litości.

[ciupazka]

Coś Ty Hepciu!
Przepiyknie pise, spróguj Ty!
Godom Ci, ze wte dopiyro,
kie sie chycis za pioro
i pisanie fraski,
pojmiys som kielo to trudno,
kie PonBócek nie dol nom laski.
Telo.Pozdr.

pardon, nawala mi klawiatura

[hepik1]

Ciupazka ,ja wiem,że Twoja miłośc do twórczości Bronka to beznadziejna
sprawa.Tyle,że w Rudzie ani jednego Greka już dawno nie widziano.Chce swoje
dziecko uczyć niech uczy w domu a niekoniecznie na oczach "całej 'Polski.Jak
żona Notgelda zacznie oglądać Pogodę na sukces a Notgeld zacznie nam fraszkowo
streszczać co ona widziała ty tez bys była zachwycona

[ciupazka]

I co_ _ Przesykodzo Ci to_ _ patryoj ,co to mi sie robi i jako pise, hehe i tu
mom problem...Hej!

[ciupazka]

i jesce, to OLA J. go tak natchnyna , ATENY 2004 i temu tyz worce!!! Hej!

[rico-chorzow]

hepik1 napisał:

> Ciupazka ,ja wiem,że Twoja miłośc do twórczości Bronka to beznadziejna
> sprawa.Tyle,że w Rudzie ani jednego Greka już dawno nie widziano.Chce swoje
> dziecko uczyć niech uczy w domu a niekoniecznie na oczach "całej 'Polski.Jak
> żona Notgelda zacznie oglądać Pogodę na sukces a Notgeld zacznie nam fraszkowo
> streszczać co ona widziała ty tez bys była zachwycona


Hepik zowdy na Aresa drodze
Zowiść,niywiydza mu niy pomoge
Szkryflać hoby Bronek niy oumiy
Niych go Hades wchuoniy
Coby siy richich podszkolou
I uo Grykach niy .......?

[ciupazka]

Hepcio robi nom tak na despekt, co inksego myśli, a co inkse godo,
przecie musi gęmbusie ozewrzyć, coby to było: Forum. On zozdrosny nawet
o moje miłości do poezji, do Taterek, do cłeka jako takiego, jeee,
niekze. Mne to se ne vadi. Ahoj!

[broneknotgeld]

Hepik tu jakby "trojański koń"
Co sie załapoł jednak na goń
Signal terozki jakowyś słysza
Trza nominować go do "Hanysa".

[broneknotgeld]

Ze Muzami sztama trzimia
forum.gazeta.pl/forum/72,2.html?f=28940&w=25007644&v=2&s=0
Bo nojczyńści przi nich drzymia.

[broneknotgeld]

Syphilos

Prawiyli ło niym rożniste dziwy
Świniopas mody i urodziwy
Co go Apollo liplingym mioł
Niy yno jymu podobnoś pszoł

Toż z woli boga zaczoł chorować
Tako że niy szło tego kurować
Zowiść Apolla ciyrpiynie dała
Łodka Charona w końcu zabrała.

[broneknotgeld]

Tytanie

Szejść cer Uranos ze Gajom spłodzioł
Tref rożnie potym te istne wodzioł.

[broneknotgeld]

Do Homera i Hezjoda zoglondnońć nom czeba
Łoni bogow łopisali - ziymi, wody, nieba.

[broneknotgeld]

Jako było na poczontku?
Trza coś szkryfnońć we tym wontku
Wpiyrw tyn wielki Okeanos
- wieczny Czas i ciyngym Chaos
Ze Czaosa wyszła Gaja
I tyn Eros co mu pszaja
Z łukym berbeć jakiś mały?
Niy - w niym koncept Grekow cały
- siyła wielko co durś płodzi
Bez niyj nic - choć czasym szkodzi.

[waga.w]

Mojry gdzieś przy Olimpie mieszkały
Z pałacu swego losem rządziły
Początek życia i koniec znały
Bo przeznaczeniem człowieka były .

Nasze trzy siostry nici swe przędły
Kloto , Lachesis , Atropos razem
Dni Greków kwitły , a potem więdły
Mojry w tym świata przecież obrazem .

[waga.w]

Imię me Kloto - jam twym początkiem
Daję ci siły na życie całe
Człeku - dla mnie tyś nie wyjątkiem
Czy czyny wielkie czy nawet małe .

[waga.w]

Lachesis jestem - nić trzymam w rękach
Radości niosę i smutki też
Czy w szczęściu żyjesz , czy toniesz w mękach
Moja w tym głowa - pewnie to wiesz .

[waga.w]

Atropos końcem - w tym moja rola
Nić już przecięta nieubłaganie
Mnie nie przeszkodzi i bogów wola
I najżarliwsze nawet błaganie .

[waga.w]

Córki Temidy , córki Zeusa
Losem śmiertelnych tako rządziły
Czas z nimi płynie - nic go nie wzrusza
Odwieczne prawo - tym Mojry były .

[broneknotgeld]

A czy starogrecke Mojry
miały cosik ze dintojry?
--

We ty nici tref czowieka?
Na nożyczki trza mi czekać?

[broneknotgeld]

Bykym przi Europie być
Jako bogu ze niom żyć!

[broneknotgeld]

Sie niy pisza
Za Parysa.

[broneknotgeld]

Morfeusz

Ponoć łon na stare lata
Durś posyłać chce do brata.

[broneknotgeld]

Chaos

Miszong jedyn wielki
Kunszt, siyła, nosiynie
Bez karlusa, frelki
Kaj boske sumiynie?
Dyć chnet Gaja-Ziymia ze tego sie rodzi
I Uranos-Niebo! -Co z pszonio zaszkodzi?

[broneknotgeld]

Tytany

Szejść siostrow i bratow
Tytanie rodzyństwo
Boł Tartar bez kratow
Czy fatra w tym swiństwo?
Gaja swojich dziecek richtig żałowała
Skond złość Uranosa na potomstwo brała?

[broneknotgeld]

Wiela spłodzioł

Spłodzioł dziecek wiela
Uranos ze Gajom
Zdo sie richtig tela?
Wymiynić za rajom?
Tytany, cyklopy, hekatonhejrony
Niyzocne - toż tako im Tartar szkryfniony.

[broneknotgeld]

Tartar

Spokopić nom jako
ćmok, wiater Tartaru
Tam ptok niy zakrako
Niy ludzkom tyż miarom
Kajś Noc tyż mo pałac - trza dać tymu wiary
Dyć przeca niy ludzi to richtig jest miary.

[broneknotgeld]

Okeanos

Nijstarszy z tytanow
Bog "rzeki" nojwiynkszy
Ano - oceanow
Dyć bezto niy miynkszy
Woda cołko ziymia z wszyskich stron łoblywo
I po wieki wiekow biere ze niyj "żniwo".

[broneknotgeld]

Kronos

Nojmodszy z tytanow
Bestoż niy w Tartarze?
Kaj wiela "baranow"
Uranos durś karze
Choć Gaja sie tropi - dzieciokow żałuje
Możno czas tyn przidzie, ze Kronos zretuje?

[broneknotgeld]

Zdrada Kronosa

Za namowom matki
Siyrp z ajzy mo w rynce
Fatra z tym łostatki?
Skończy włodać w mynce?
Tron stracioł Uranos razym z przirodzyniym
Ech, by niywygodnym sie mu stoł siedzyniym.

[broneknotgeld]

Erynie

Z Uranosa juchy
Rodzom sie boginie
Zdo ci sie żeś zuchym?
Łomijej Erynie
Pomsta na wiek wiekow im już ciyngym w gowie
Niy darmo som u nich te kudły wynżowe.

[broneknotgeld]

Klontwa Uranosa

Kronos wiedzioł!
Czym sie tropioł?
Łojciec pedzioł
Kej mu "wkropioł"
-"Skończysz jako jo boroku
choć łostanie ci coś w kroku".

[broneknotgeld]

Kronos i Reja

Tytan z tytankom
Jako to żyli?
W dzieciokach manko
Choć je płodziyli
Dyć zjodoł Kronos wartko co jego
Zowdy w tym było coś łokropnego.

[broneknotgeld]

Szoste dziecko Reji

Piyńć dziecek straciyła
Ech - Kronos potworym!
Szoste łochroniyła
Czas boł na to skory
Toż łojcowi kamyń w beciku podała
Łopieka nad bajtlym ze tym ołma miała

[broneknotgeld]

Porzykała

Reja wpiyrw do Gaji
Gorko porzykała
Niy stoła we raji
"Gyszeft" wielki miała
Jako skryć dziecioka przed łokym Kronosa?
-"Gajo, Matko-Ziymio, jo cera cie prosza".

[broneknotgeld]

Dzeus

Berłym pizła w skała
Woda z niyj gichnyła
Dziecko wykompała
Mianym łobdorzyła
Dzeus - nawet Kronos nic ło tym niy wiedzioł
Niy znoloz sie żodyn kery by mu pedzioł.

[broneknotgeld]

Na Krecie

We idajski grocie
W kolybeczce złoty
Dzeusa tu mocie
A niy kajś pod płotym
Mlykym Amaltyji i nocom i ranym
Ambrozjom, nektorym, miodym futrowany.

[broneknotgeld]

Amaltyja

Ciga mlyko dała
Ciga tyż mu pszoła
A Dzeus bezmała
Piyrwyj jom mioł wołać
Choć spiywajom nimfy, kurety tańcujom
Ciga jako mamka - se to forsztelujom.

[broneknotgeld]

"Rog łobfitości"

Tako tyż trefiyło
Rog cigi złomany
Co z utropom było?
"Łobfitości" mianym?
Dyć z woli Dzeusa szczyńściym Amaltyji
Mieć go w rynce prawie - z życiym mniyj mecyji.

[broneknotgeld]

Kurety tańcujom

Kaj Dzeus we grocie
Kurety tańcujom
Sługo Reji znocie
Jeji kapłanujom
Bymbny i piszczołki - larma ze tym wiela
Niych to Kronos słyszy - niy potomka - tela.

[broneknotgeld]

"Egida"

Dzeus już karlusym
Krepła Amalteja
We boj trza mu ruszyć?
Czy grać dobrodzieja?
Ech, ze skory cigi cudowno "egida"
Miecz tarczy niy zniszczy, niy przebije dzida.

[broneknotgeld]

Kronos zwroco

Za radom Dzeusa
Kronos co dostanie?
A dyć szkryfnońć musza
-Cosik na zwrocanie
Ku radości Reji - na nic jego mynki
Zwrocane som cery, zwrocane i synki.

[broneknotgeld]

Piontka zwrocono

Reji zwrocone
Z brzucha Kronosa
Jego z tym koniec?
Niy straci włosa?
Hades, Posejdon, Demeter, Hera
Hestio przi bracie. W boj trza lyźć teraz?!

[broneknotgeld]

Wojna bogow

Kronos z tytanami
Na Otrysie stoji
Dzeus ze bogami
Kaj Olimp przi zbroji
Ech, ziymio tesalsko tyś świodkym jest tego!
Dziesiyńć rokow wojny - czasu niyzocnego

Morze szumi wiela
Jynczy ziymia, niebo
Olimp ruszi tela
I Tartar skiż tego
Gwiozdy pospodały, lasy wypolyły
Kej te boje bogow w Tesaliji były

Dzeus wsparcio szukoł
Toż znoloz w Tartarze
Na cyklopow kukoł
I tych co po parze
Ryncyskow niy mieli yno prawie setka
Czy ze tym ty wojny fertig przidzie chnetka?

Dziyń i noc cyklopu
Pierony rychtujom
Kery to spokopi?
Dzeusowi kujom!
Coby niymi razioł boleśnie tytanow
Coby nikt już nigdy niy widzioł w nich panow

Hekatonchejrony
Trzista skał ciepajom
Trzech ich toż niy kromy
A i jo niy bajom
Tytany łoślepły, bez czucio, ranione
Pierony Dzeusa niesom jejich koniec

Kery pod sto rynkow
Istnego chytało
Koniec jego mynkow?
Czy ciyngym za mało?
We Tartar ciepniynty - przepomnieć go przidzie
Kaj ćmok, maras, wiater na wiek wiekow bydzie

Z Kronosym tyż tako
Łojca syn niy szczyńdzi
Ptok możno zakrako
I Gaja poglyńdzi
Dyć mu to Uranos piyrwyj przepowiedzioł
-"Syn ci tron łodbiere - bydzie na niym siedzioł".

[broneknotgeld]

"Gigantomachia"

Dzeus ze rodzyństwym
Niy porzońdzioł dugo
Trza zaś blysnońć mynstwym
Wielko wojna drugo
Giganty synami ty Ziymi-pramatki
Im szkryfnione rzondy? -Niy świata łostatki!

Ech, gigantow rodzie
Mustrym roztomajty
Kej ludzkim - mniyj bodziesz
Dyć gadow tyż - kaj ty
Chcesz chytać Olimpu i trona Dzeusa
Bogom - włodcom świata - trza na wojna ruszać

[broneknotgeld]

Strach dopod nikerych
-Niy tego z pieronym!
Wojna to niy bery
Toż rozkozoł łonym
Kaj stoć majom prawie coby sie łobronić
Som zaczoł giganty we blyskach "pieronić"

Ze gor som dźwigane
Epne barykady
Synom Ziymi dane
Czy niy ma już rady?
Pierony Dzeusa niywiela im szkodzom
Giganty wygrajom? -Złe myśli se rodzom

[broneknotgeld]

W Ksiyndze Przeznaczynio
Jako to szkryfnione?
Zły tref sie łodmiynio
Kej czowiek w łobronie
Stanie wele bogow - giganty pokono
Chocioż ich zrodziyło Gaji-Ziymi łono

Toz niy darmo sowa
Ptokym łod Atyny
Z helmiskum jyj gowa
Rozum dyć mo driny
Sprowodzo łobronce - ano, Heraklesa!
Z niym pewno wygrajom - już teroz sie ciesza

[broneknotgeld]

Dziyń boju łostatni
Heros z łuku razi
Wyndom ze ty matni?
Strach z bogami łazi?
Dyć przignoł Djonizos z halastrom satyrow
Rajtujom na łosłach - niy żałujom gyrow

Ech, co sie to dzioło?
Ryk łosłow nios gorom
Gigantom wesoło?
Zyrkajom ku chmurom
Strach ich chnetko wszyskich wartko łoblatuje
Skiż łosłow ze boju wiela rejteruje

[broneknotgeld]

Alkineus łostoł
Gryfny, ciyngym świyży
Choć ran wiela dostoł
Olimpu już bliży
Z ziymi z kery zrodzioł, kej jyj yno tyknie
Siyły nowe zbiyro - na boj cołkym styknie

Toż trza było prawie
Herosa wielkego
Coby w bogow sprawie
Pokonoł istnego
Herakles go wywiod kaj strony niy jego
Tam wartko pokonoł i zabioł do tego

Gigantomachiji
Ze tym koniec przeca
Niy ma tragedyji
Dyć w ta strona leca
Olimp łobroniony - bogi sie radujom
We ty intyncyji łostro potańcujom.

[broneknotgeld]

Tyfon

Ech, bogini Gajo
Dziecka mosz stracone
Kek ślimtosz niy wajom
Dyć czy na tym konie?
Tyfona żeś teroz ze złości zrodziyła
Pomstliwo ześ wtedy widać richtig była

Istny jako gora
Ludzki we połowie
Mo gowa we chmurach
Dyć potwor niy czowiek
Zamiost gyrow wynzy wielge kłymbowisko
Strach przed niym śmiertelny - to szkryfna za wszysko

Bogi sie strachajom
Nawet niy gańbujom
Wartko uciykajom
Kaj Egipt wandrujom
Tam we gowiydź miyniom coby zwiyść Tyfona
Dzeus yno łostoł - musi go pokonać

Nic że stwor mo rynce
Z zachodu do wschodu
Kej syczy to w mynce
Krepujom - wom godom
Nic że z gymby ciyngym gorkom terom pluje
Nić że z jego ślypiow łogyń ziymia czuje

Dzeus przeciw stoji
Z ajzy siyrp mo w rynce
Ze tym dyć niy boji
Uranos boł w mynce
Kej Kronos tym prawie łojczulka kastrowoł
Tyfonie - to skończy sie dlo cia niyzdrowo!

Tracke gory z tego
Niy darmo czerwone
Skiż juchy istnego
Dyć na tym niy koniec
Bog nieba cie przikroł Sycyljom - ciynżarym
Keri i na ciebie za wieki już miary.

[broneknotgeld]

Sztyry wieki ludzkości

Nojsompiyrw wiek złoty
Kej tyn Kronos władoł
Niy loł chop sie potym
Jak bog - tako padoł
Śmiertelnikow wtedy na ziymi niy było
Toż sie richtig zocnie wtedy ludziom żyło

Kej strzybny wiek prziloz
Już momy Dzeusa
Czowiek gorszy wyloz
Tako szkryfnońć musza
Z bajtla dugo rosnoł, dyć krotko żył potym
Bogow już niy słuchoł - czas nios mu zgryzoty

Spiż ludziom przigodzioł
Plymie z tym mocarne
Herakles sie rodzioł
Teby, Troja - szwarne
Herosy śmiertelne, dyć czasy to chwały
Wiek ajzy już potym - czowiek zdo sie mały.

[broneknotgeld]

Prometeusz

Tytan - toż syn Gaji
Jako nom przisłużoł?
Piyrszy zdo sie w raji
Kery gliny użoł
Tako ze niyj prawie czowieka ulepioł
Bogom łogyń ukrod - ludzi niym pokrzepioł.

[broneknotgeld]

Prometejski czowiek

Ech, beocko ziymia
Cosik ło tym prawi
Możno niy we rymach
Dyć przeca nom jawi
Jako Prometeusz sie glinom "zabowioł"!
Jako we nia ślimtoł! Jako łogyń dowoł!

Z rydwanu Heliosa
Skrod iskrow ździybeczko
Utar bogom nosa?
-Możno prawie deczko
Wszysko pokuplowoł i czowieka stworzoł
Na muster z Olimpu, choć łon mało wożoł

Toż czowiek boł słaby
Siył mioł ździybko - tela
Pokozoł sie sagi
Spokopioł niywiela
Trza go było wspiyrać we niyherskim świecie
Grek ze downych czasow cosik ło tym plecie

By dać łogyń ludziom
Wykrod go zaś bogom
Przi niymu sie budzom
Łogrzoć tako mogom
Nauczoł wszyskego co som istny umioł
Kto Prometeusza we tym wyrozumioł?

[broneknotgeld]

Pandora

Na Prometeusza
Dzeus srogo kukoł
Kej mioł czowiek dusza
Pomsty za to szukoł
Toż Hefajstosowi drapko rozkazuje
-"Stworz gryfno kobiyta - niych ziymia raduje"

Drap sie ze tym sprowioł
Bog co kunszt mioł w zocy
Kej dzieło wyjowioł
Prziciongało łoczy
Kobiyta Pandorom bogi mianowali
I cosik łod siebie jyj łofiarowali

Anong jyj Atyna
Richtig zocny dała
Łojca, szaca, syna
We tym zodziwiała
Że wszysko co w doma ze kunsztym robiyła
Toż dlo familiji jako skarb w tym była

Dała Afrodyta
Co ku pszoniu idzie
Gryfniejszo kobiyta
Czy na ziymi bydzie?
Zolyty jyj duszom - kery chop sie wzbroni?
Kej chuć przi niyj czuje - za Pandorom goni!

Hermes po swojymu
-Doł co tajymnicom
Niy durś ku dobrymu
Dyć wierzysz jyj licom
Pokusić poradzi, schwolić choć scyganić
Chopa mieć pod laciym - czy boga łomamić?

We końcu Pandora
Gryfnie łobleczono
Dyć wiosynno pora
Tako ukwiycono
Bogi jom przi tymu łobwiesiyli złotym
Putnia ausztojerym erbła jeszcze potym

[broneknotgeld]

Putnia Pandory

Niom wywianowano
Z "łaskawości" bogow
Stanyła se rano
W Prometejskim progu
Dyć tytan Pandora łod siebie łodprawioł
Inkszych tyż napomnioł. -Czy łod złego zbawioł?

Brat kej kuknoł na nia
Pszoł po jednym bliku
Przeca niy cygania
Niy darmo tu klikom
Chnet Pandora ślubnom Epimeteusza
A jako ze wianym? -Szkryfnońć ło tym musza

Na nic napomniynia
Pozor niy dowali
Niy mieli sumiynia
Siebie yno pszali
Pandora ślubnego drap przekabaciyła
Toż rynkom tytana putnia łotworzyła

Ech - co se to stało?
Jako nom trefiyło?
Złe z wiatrym furgało!
Dobre kajś straciyło?!
Ze wiana na ludzi już idom choroby
Ze strachu przed niymi dyć krepnońć tyż szłoby

Kruki czorne budzi
Abo tyż i wrony
Zło wdepło na ludzi
Już wszyndy je momy
Utropy jyj wianym - nom łod bogow darym
Dzeusie pomstliwy - niy znosz we tym miary?!

[broneknotgeld]

Herkules

Z Dejaniry rynki
Mioł śmiertelne mynki
Żol mi Herkulesa
-Biyrym se pociesza.

rzymske

[broneknotgeld]

Z "Eneidy"

Ano - mitologia tyż podobnoś prawi
Trojańczyk Eneasz se w tych stronach jawi
Tako cołke Lacjum we władzy chnet jego
-Możno trza łopytać se Grekow do tego.

[broneknotgeld]

Cwilingry

Gryfno Rea Sylwia z rodu Eneasza
Marsowi tu tako we łoko wleciała
Bog kim przi czowieku? -Ano dobra nasza
Nic że choć westalkom cnota ślubowała

Stało sie - toż tako cwilingry nom jawiom
Śmiertelno we Lacjum herosow już rodzi
Dyć czy sie z inkszymi bajtlami zabawiom?
-Krol Amuliusz drapko przeca im zaszkodzi

Wele brzegu Tybru pociepnońć ich koże
By z głodu pomarli abo łod zwierzyńcia
Zmiynić przeznaczynio jednak już niy może
Wilczyca wykarmi - niy trza i zoklyńcia

Remus z Romulusym tako drapko rosnom
Wele nich Latynow troszka tyż sie zbiyro
Ano se łodmiyni zły tref keromś wiosnom
Założyć osada rodzi sie chyńć szczyro

Kaj wzgorz siedym stoji i orły furgajom
Cwilingry we końcu zakłodajom Roma
Toż "gniozdku" swojymu zarozki fest pszajom
I jejich kamraty tyż tukej som w doma.

[broneknotgeld]

Roki dwa - toż na dwie nogi!
forum.gazeta.pl/forum/72,2.html?f=28940&w=40089427&s=0
Se radujom z nami bogi!

[madohora]

Ale żech sie naszukała
Już bych nowy wątek dała
Mitow, bojek nom potrzeba
Som my trocha bliży nieba

[broneknotgeld]

Momy tu mity, jak tyż legyndy
Kere niy yno ze ślonski grzyndy.

[madohora]

Zeus
Władca na Olimpie siedzi
I nad światem się biydzi
Tylko czymu on jyden
Ma żon ponad siedym

[madohora]

Zeus z Olimpu do Rudy wloz
I zaroz na kwinta spuścił nos
I woło: „Na Olimpie cisza
Bo jo teroz fraszki pisza”

[broneknotgeld]

Czy se Muzy zaś zleciały
i Zeusa szterowały?

[madohora]

A tako Bogini co się nazywo Hera
To nojważniyjszo na Olimpie frela
Zeus za innym loto ochoczo
A łona mu wszystko wyboczo.

[broneknotgeld]

Niyroz cholera
Biere tyż Hera

[madohora]

Wieczno dziewica
Ojca oblubienica
Do walki ciągle staje
I wciąż podbija nowe kraje

[madohora]

Podobno nojmondrzejsza frela
Warto innych jakich wiela
Ino czymu durch wojuje
I tym mieczym wymachuje

[madohora]

Atena w Rudzie Śląskiej

Atena w wojennym trudzie
Zatrzymała się też w Rudzie
Usiadła sobie do komputera
I już nie walczy. O cholera!

[madohora]

Piękny młodzieniec, utalantowany
A wkoło Muzy – jego dworu damy
Apollo siedzi samotnie na Parnasie
A Muzy pracują do dzisiaj – zda się.

[madohora]

Posejdon
Posejdon morzami rządzi
Czasym pomogo jak ktoś zabłądzi
Czasym trójzymbem w skały uderzo
Wiatry i sztormy nom namierzo

[madohora]

Zarzucają mu brak urody
I to, że nie jest już młody
A z Zeusa jakiegoś wyroku
Żyje w piekieł mroku

[madohora]

Hermes
Hermes chłopczyk ze skrzydłami
Ciągle lata z przesyłkami
Dzisiaj już konsorcjum ma
Zwie się chyba DLH

[madohora]

Dionizos
A Dionizos nam jest bliski
Bachanalia, odaliski
Choć nie bawi się fraszkami
Ciągle lata ze flaszkami

[madohora]

Herakles
W dobie bezrobocia dostał „umowę zlecenie”
I od razu stanął na biznesowej scenie
Dwanaście prac mu wyznaczyli
I za każdą z osobna zapłacili
Ciekawe czy rachunki wystawiał z VAT-em
Zyskał czy stracił więc na tym?
A co na to Sanepid, skarbówka, chora kasa?
Przecież Herakles nie był na wczasach
Może posłali mu jakąś kontrolę
A on cicho zaklął; „O ja pier……olę”

[madohora]

Edyp

Edyp chodził z miasta do miasta
I pilnował by to nie była Jokasta
Bez wiagry ale wyposzczony
Pierwszą, lepszą wziął za żonę
To dla Freuda nie lada gratka
Matka – żona, żona – matka

[madohora]

Odyseusz

Wszystkim wmawiał, że wojna była
A jego Penelopa po prostu znudziła
Niby po całym świecie durch krążył
Tam się dziś spóźnił, tu zaś nie zdążył
Tak jak my wszyscy gdy biyda gniecie
Szukoł se szczynścia we wielkim świecie

[madohora]

Narcyz

Narcyz tyż się chcioł znolyźć w niebie
Bez to zapatrzył się som w siebie
Mysioł, że niy ma nic piykniyjszego
Chyba zboczeniec jakiś był z niego?

[madohora]

Syzyf

Berga od sztajgra dostoł
I pod gorom już zostoł
Co ta berga kulnoł pod gora
To się zerwała jakoś wichura
Śmiejom się z niego dzieci
Bo kamień zaś na doł leci
I tak jak perpetum nobilie
Powtarzo to przez wszystkie chwile

[madohora]

Midas

Jak wiater kłos zboża lekko poruszy
Usłyszysz: „Król Midas mo ośle uszy”
I jeszcze zasłynął takom gupotom
„Wszystko co pomacom to mo być złoto”
Dobrze jest czasym forsa mieć
Ale tyż czasym trzeba coś zjeść
A potem łaził i kloł jak cholera
Na tego całego Poliszynela

[madohora]

Perseusz

Perseusz na Olimpie się nudził
Spodobali mu się ludzie
Na ziemi nieraz stawał
I nasze problemy poznawał
Chciał nam zapewnić szczęście
I ogień przyniósł w prezencie
Ale Zeus pan na włości
Doczepił się do prawa własności
I tak sobie w ramach kary
Przykuł Perseusza do skały
Wszyscy o tym chyba wiedzą
Sępy mu wątroba jedzą
Sprzedał ludziom swoją dusze
I teraz cierpi katusze