Epitafia

[broneknotgeld]

Durś ojli chcioł
Bestoż je mioł
Jak pochowali
Ojle mioł dali.

[broneknotgeld]

Wyloz na gora
Skoczoł bez sznura.

[broneknotgeld]

Trowa wonio mu inaczy
Toż dorobioł se swyj "daczy".

[broneknotgeld]

Ze poczontkym karnawału
Dostoł istny aż zawału
Hercszlag - jak ktoś niy spokopi
Toż mu truła farorz kropi.

[broneknotgeld]

Zowdy słepoł ze zymfcioka
Przestoł nom po łebach skokać.

[broneknotgeld]

Wedle swoji woli
Już se karlus poli
Dyć trza mieć sumiynie
Czym gosić pragniynie?
Gorzołeczkom styknie?
Niych se poli piyknie!

[broneknotgeld]

Kto na stypie
Ledwo zipie
Pewno zaroz przidzie dran

[broneknotgeld]

W mogile se legnoł - nom fraszki łostawioł
Tako na wiek wieki Ślonzokow rozbawioł.

[broneknotgeld]

Legła na marach
Tusto masara!

[broneknotgeld]

Niy był jako twardy dysk
Pod choć dostoł yno w pysk.

[broneknotgeld]

Woloł gorzoła łod mlyka
Trza teroz za niego rzykać.

[broneknotgeld]

Jak dugo mlyko łod cigi pioł
Tak dugo z nami tyn istny boł.

[broneknotgeld]

Pioł mlyko łod ptoka
Już chowiom boroka.

[broneknotgeld]

Dali mu ptasiego mlyka
Potym prziszli wszyscy rzykać.

[broneknotgeld]

Fisza w biksie zjod
Zaroz potym pod.

[broneknotgeld]

Nojpiyrw robiom se hopsasa
Potym chowiom kontrabasa.

[broneknotgeld]

Prziszła frela do dochtora
Dyć to była ślonsko zmora
Co umiała
Wycyckała
Toż spokopioł - krepnońć pora.

[broneknotgeld]

Pod łod pili
W jedny chwili.

[broneknotgeld]

Niym coś uklycioł
Hercszlag go chycioł.

[broneknotgeld]

Niy doł rady
Pod łod szpady.

[broneknotgeld]

Czy żyć werci
se skiż śmierci?

[broneknotgeld]

Tym se istny asioł
Że śmiertka wystraszoł.

[broneknotgeld]

Niy wykiwoł - w końcu pod
Dyć ze szpasu był fest rod.

[broneknotgeld]

Choć śmiertce "doł bobu"
Szpas zabroł do grobu.

[broneknotgeld]

Truda chopow trzech straciyła
Niym przi szwortym kopyrtnyła.