Pomorske blizy

[broneknotgeld]

Niych światło jejich jest ciyngym wyży
Bo czasym życiym te nasze blizy.

[broneknotgeld]

Toż światło blizy niych do dom wiedzie
Zyjmanom droga wskazuje
Jako ta iskra Boga na przedzie
Ku dobru zowdy keruje.

[broneknotgeld]

Polski brzeg morza w blizy bogaty
Żodyn niy powiy co łon sagaty.

[broneknotgeld]

Toż ferajny zajta znom
www.tpcmm.pl/
Tako link se tukej dom.

[broneknotgeld]

"Moje Morze" ze blizami
www.moje-morze.pl/latarnie.html
Podziwejcie se tam sami.

[broneknotgeld]

Cyntralne Muzeum Morske

Muzeum Morske - latarnie sztyry
www.cmm.pl/latarnie.php?main=all&mid=56&lang=pl_
We gora pódziesz - zabolom gyry.

[broneknotgeld]

Byrny blizow

Byrny jejich tu zablyszczom
Cosik tako niychej zyszczom.

[broneknotgeld]

W starożytności

W starożytności łognie polyli
Coby ze morza niy pobłońdziyli
Wyży brandera to zowdy lepi
W ćmoku rozblysko i serce krzepi.

[broneknotgeld]

15 bliz

Na polskim brzegu piytnoście bliz
Do dzisioj świyci - przeca to wiysz
Tyż pora zgasłych sie nom łostało
Co już zobytkym som jakich mało.

[broneknotgeld]

Latarnia Faros

Na wyspie faros bliza stanyła
Z Ptolemeusza dyć woli była
Sostrados z Knidos jom projektowoł
Tako "cud świata" bliźnim wystowioł.

[broneknotgeld]

"Cud świata"

Jednym z siedmiu cudow świata
Bliza se zdowała
Toż w czech roznych tysioncleciach
Na morze blyskała.

[broneknotgeld]

Faros 1302

Czyńsiynie ziymi bliza zbulyło
Z tym we ruinie cołkym to było.

[broneknotgeld]

Ech - se lato mi wspomino
Bestoż wontek dźwigna ino.

[broneknotgeld]

Jak chcesz łokym siyngać wyży
forum.gazeta.pl/forum/72,2.html?f=28940&w=45067018&a=45067018
To pokuszom prawie blizy.

[broneknotgeld]

Ano - dreptać trza
Dyć to cuda - pra!

[broneknotgeld]

Bliza światłym woło
Zaroz mi wesoło.

[broneknotgeld]

Toż niychej blyszczy
I szczyńścio zyszczy.

[broneknotgeld]

Blizow momy wiela
Blyszczy niymi sztela

[broneknotgeld]

Światowy Dziyń Latarniow Morskich
18.VIII.2013

W trzecio niydziela siyrpnia te świynto
Latarniom pszaja - bestoż jo wiym to.

www.facebook.com/events/555937844452251/
Piyrszy roz cosik na Ślonsku bydzie
Świynto latarniow drap tako przidzie.

[broneknotgeld]

Siyrpiyń blizom poświyncymy
Toż niych lecom ło nich rymy.
www.facebook.com/events/555937844452251/

[broneknotgeld]

Coś ło blizach już tam jest
www.sferatv.pl/vod/wakacje-z-telewizja-sfera/audycja/2789-wakacje-z-telewizja-sfera-26-07-2013.html
Radzi tymu bydom fest?

Trza kuknońć tak po 22 minucie programu.

[broneknotgeld]

Link ciekawi
latarniemorskie.cba.pl/index.php?option=com_content&view=article&id=119%3Aoddam-stron
Cosik jawi.

[broneknotgeld]

Blysły blizy

Blysły blizy w Pyskowicach
www.facebook.com/media/set/?set=a.500346846706890.1073741838.195759197165658&type=3
Dyć ciekawo okolica
Czamu tam - sie dziwujecie?
Powiat to glywicki przecie
Co ze puckim fest kamraci
Blysły blizy - nikt niy straci
Dyć recht w tym - pewnikym wiycie
Co kultura we proficie.

[broneknotgeld]

"Nieba bliżyj"

Już wystawa zmontowano
Choć tropiyło mie to rano.
www.facebook.com/media/set/?set=a.540623829320221.1073741840.427827820599823&type=1

[broneknotgeld]

Byrna ze blizy

W Łaziskach przeca i byrna majom
Ze Świnoujścio - wcale niy bajom
Swoje we morze już poświyciyła
Toż do muzeum tako trefiyła
I chocioż wiyncyj już niy zablyńdzi
Ponoć kej cima ło morzu glyńdzi
Sztormowe nocki ciyngym wspomino
Kej w niyj retunek zdoł komuś ino
Kej z szifa blysku jeji czekali
Do Mikołaja prawie rzykali
Przeca jawiyła istnym nadzieja
Byrno - jo do cia sie dzisioj śmieja.

www.facebook.com/AsocjacjaMBP18/photos/a.700745013308101.1073741902.427827820599823/700745703308032/?type=1&theater

[broneknotgeld]

Co latoś z wystawom?
Blizy cosik jawiom.

www.facebook.com/media/set/?set=a.753983154650953.1073741922.427827820599823&type=3

[broneknotgeld]

Muzeum rychtujom
Tako uradujom.

gryf24.pl/2015/03/11/wyremontuja-zabytkowy-dom-latarnika-w-czolpinie-powstanie-muzeum-latarnictwa/

[broneknotgeld]

W Rudzie Ślonski blizow świynto
Już terozki prawie wiym to
Kto za "latarnika"?
Wystyknie tam klikać
Szpas w tym zdo sie - niy "memynto"

www.facebook.com/events/1098225406854312/

[broneknotgeld]

U "ślonskego latarnika"!

U "ślonskego latarnika"
Zaś my latoś sie trefiyli
By na blizy gryfne blikać
U Trefonia - roztomili.

www.facebook.com/Bronis%C5%82aw-W%C4%85troba-195759197165658/photos/?tab=album&album_id=1128141223927446

Świnoujście

[broneknotgeld]

Kaj Świna

Kaj Świna do morza wody swoje leje
Już ôd średniowieczo tako prawie dzieje
Co niyroz brandera tu epno polyła
Z Chorzelina blaskym zyjmanōw darzyła
Ku niyj z morskich falōw we ćmoku kukali
A kej uwidzieli, gynau radowali.

Dōmb Latarnikōw

Dyć nōńdziecie dzisioj taki we Warszowie
Chnet dwa metry ruby, piyńć wiekōw na gowie
Pod dymnym dychali piyrwyj latarniki
W dziyń – w nocy starali by zyjmanōw bliki
Siyngały fojery, kero w Chorzelinie
Polyli – niych portu żodyn niy ôminie.

Świnoujście – 1804

Rok tyn utropiynie niōs pomorski szteli
Po sztormach ze portu małowiela mieli
Dyć trza było wszysko juzaś ôdbudować
Ô blizie przi tymu zaczli medykować.

[broneknotgeld]

„Lauchtbude” – 1805

Kaj falochrōn wschodni podźwigali bliza
Choć licho – pokoże tako portu dźwiyrza
Ańfachowo, z dechōw, wiyrchym zdrzadła miała
Szifōm, kere blisko, ździebko światła słała
We dziyń jako stowa, szejść metrōw wysoko
Tōż właziła tako we zyjmana ôko.

Świnoujście 1818 – 1829

Guenther ze Scabellym zaś port ôdnowiajōm
Falochrōny nowe z kamynio stowiajōm
Tyż ô blizie nowy gynau medykujōm
„Lauchtbuda” na psinco – tako forsztelujōm.

Bliza Świnoujście – 1828

Stoji na wschodniym już falochrōnie
Z budōm drzewnianōm tōż cołkym kōniec
Dōł murowany kamiyniym zocnym
Wiyrch we robocie mono mniyj procny
Dźwigli ze ajzy wieża wysoko
Społym trzinoście metrōw na ôko.

[broneknotgeld]

12 milōw morskich

Trzinoście metrow jōm podźwigali
Dwanoście milōw blyndzi – niy dali
Zdo co na razie tela wystyknie
Przi tymu richtig wyglōndo piyknie
Mono skiż tego jōm przipisujōm
Schinklowi prawie – tym wos dziwujōm?

Schinklowo bliza?

Karl Friedrich Schinkel zaprojektowoł
Ta bliza prawie? Ktōsik dziwowoł?
Jōm conikierzy mu przipisujōm
Dzisioj jyj niy ma, dyć tym radujōm.

W XIX wieku połowie

W dziewiytnostego wieku połowie
Szwōngu nabiyroł durś wiyncyj czowiek
I Świnoujście szwōngu chyciyło
Port fest rozrostoł, tako tu było.

[broneknotgeld]

Dźwigajōm nowo bliza – 1854

Anō – kej staro za blisko kuko
Trza blizy nowy, niych szif niy szuko
Drōgi do portu świnoujskego
Światło z daleka mo wołać tego

Trza blizy nowy, blizy wysoki
Kero przebije blaskym przez ćmoki
Kero szifowi drōga pokoże
Richtig z daleka, zablyndzi w morze.

Trzi roki stowiajōm

Trzi roki latarnio wysoko stowiajōm
Trzi roki wystygły, wcale wōm niy bajōm
Fundamynta mocne bliza mieć musiała
Kej wysoko w niebo laterna dźwigała.

Severin z Berlina

Starszy radca budowlany wszysko projektowoł
Kej dźwigali tyż łōn prawie przi tymu wachowoł.

100-lecie latarni morski STILO

[broneknotgeld]

100-lecie latrni morski "Stilo"

Cołko ze ajzy tu postawiono
Sto rokow stoji - przeca niy kono
Ciyngym ze skarpy ta bliza blyszczy
Niych druge tela rokow tyż zyszczy.

[broneknotgeld]

W choczewski gminie

W choczewski gminie łona jedyno
Jako i przeca w powiecie
Tako trza pszoć jyj niy teroz yno
-Cołke nastympne stulecie!

[broneknotgeld]

Brifmarki 2006

Sztyry brifmarki a na nich blizy
"Stilo" z tym juzaś ździybeczko wyży
Prawie fajrujom jeji stulecie
Toż skuli tego to wszysko przecie.

[broneknotgeld]

Medal na gyburstag

Toż na pamiontka medal wybiyli
Blizom trza asić se tako
Cołke sto rokow ze niom tu żyli
W morze durś świyci jednako.

[broneknotgeld]

Odznaka na gyburstag

Tyż odznaka na pamiontka
Falerysta se raduje
Cosik jest ze tego kontka
Yno łon to forszteluje?

[broneknotgeld]

Turystyczno Odznaka Latarni Morskich "Bliza"

Toż odznaka "Blizy" ze STILO rozkwitnie
Bronz, srybro i złoto - tako bydzie piyknie
Zwiydzojcie latarnie - sztymplujcie "paszporty"
Wasz wander odznaki gryfny bydzie worty.

[broneknotgeld]

Ze Łeby

Kto w Łebie siedzi niych tu zowito
Ło bliza Stilo niy yno spyto.

[broneknotgeld]

Wystawa "Stilo i okolice"

We blizie latoś tako wystawa
Tyn kunszt malarski przepiykno sprawa
Marynistyczny tymat tyż tako
Bo sto lot bliza blyszczy jednako.

[broneknotgeld]

29.07.2006 Wielki Fajer

Przi Stilo jako w Choczewie tyż
W gyburstag se zabawiymy
Tako przijyżdżej jak ło tym wiysz
Tyż po to som moje rymy.

[broneknotgeld]

Sasino - Choczewo 29.07.2006

Darmo autokar wozi po trasie
Richtig to przeca bydzie na czasie
W tym dniu i bliza zwiydzi sie darmo
Gyburstag zocny - łona niy marno.

[broneknotgeld]

IV Zlot Miłośnikow VW Garbusow
28-30.07.2006

Przi gyburstagu latarni Stilo
"Cherbi" Choczewo tako pokilo
Na czi dni zjadom tu garbusami
Asić sie bydom tymi autami.

[broneknotgeld]

Co to "Cherbi" tako wiycie
forum.gazeta.pl/forum/72,2.html?f=28940&w=24115299&a=45123528
Dli nich "garbus" jako życie.

[broneknotgeld]

IX.2006 Miyndzynarodowy Plyner Malarski - Lubiatowo

Ano, teroz mi sie zdowo
blyśnie fest te Lubiatowo
A i Stilo we stulecie
Jaśni świyci tako przecie.

[broneknotgeld]

Sto rokow już stoji

Na sasińskim wzgorku
Sto rokow już stoji
Rybok skuli istny
Mniyj se morza boji
Bo przeca we nocy
Droga mu pokoże
Zyjmanow raduje
Toż szkryfna - Szczyńść Boże.

[broneknotgeld]

Tela na choczewski stronie
www.choczewo.com.pl/pol/aktualnosci.htm
Dyć to przeca niy jest koniec.

[broneknotgeld]

Niy mieć w zocy blizy "Stilo"?
forum.gazeta.pl/forum/72,2.html?f=396&w=45536015&v=2&s=0
Richtig mie to w glaca kilo
Trojmiejskego forum admin?
forum.gazeta.pl/forum/72,2.html?f=57&w=19517235&a=45668034
Czy Ponboczek ciyngym nad nim?

[broneknotgeld]

Jako z tym tam teroz bydzie?
forum.gazeta.pl/forum/72,2.html?f=57&w=45705884
Ktoś ze nożyczkami przidzie?

[broneknotgeld]

Na "Trojmiasto" dać niy idzie
forum.gazeta.pl/forum/72,2.html?f=10388&w=45835567
Link ło blizach w Gdyni bydzie?

[broneknotgeld]

Bliza STILO kaj znojdziecie?
www.choczewo.com.pl/pol/index.htm
We godle Choczewa przecie
A na zajcie link tyż ślonski
Ło ty gminie w rymach konski.

[broneknotgeld]

Zaproszynie

Toż zaproszajom - dobrze to wiycie
www.umgdy.gov.pl/pium/wiadomosci/podglad?kod=o8eb5dv4w2.oxvyobv4w1&typ=n
Blizie pisane niych duge życie.

[broneknotgeld]

Herb Choczewa

Na modry tarczy latarnia Stilo
Ze kożdy strony kłosek jom kilo.

[broneknotgeld]

Toż ty zajty niy łomina
www.latarnie.pti.pl/content/stilo.htm
Trza se trocha powspominać.

[broneknotgeld]

Apruzinowym szlakym

Apruzinowym szlakym żech szoł
Tako do Stilo dońść richtig chcioł
Nogi do rzici chnetko właziyły
Dyć na ta bliza w końcu trefiyły.

[broneknotgeld]

Stilo 1859

Mapy szykowali morski nawigacji
Skiż tego w tym richtig wiela było racji
Coby we tym miejscu stowa postawiyli
Jako pomyśleli tako i zrobiyli.

[broneknotgeld]

Stowa Stilo 1861

Kaj "Chałpy w Borze" wele ty Łeby
Stowa w tym roku dźwigali
Tako skiż szifow przeca potrzeby
Wiela talarkow wydali

Majster z Lymborka wzioł drzewo z sosny
Dwadziścia metrow szoł w gora
Skończoł - był ponoć richtig radosny
Chocioż wiyrch stowy niy w chmurach.

[broneknotgeld]

1700 talarkow

Tela ta stowa skarb kosztowała
Bioło-czerwone pasy tyż miała
No i prawiyli co niy na łoko
Szejśćdziesiont szejść stop łona wysoko.

[broneknotgeld]

Friedrich Bork z Leba Boor

Tutejszy gospodorz mioł stowa w łopiece
Toż sztyry talarki za miesionc broł przecie.

[broneknotgeld]

Stowa Stilo

Bratki Stielow z Łeby
Wydma łobsadziyli
Zdo sie co tyż łoni
Tako jom łokrzciyli
Dziynki niym porosnoł
Piosek zocnym lasym
Kery przeca cieszy
I nos ze tym czasym.

[broneknotgeld]

Stowa Stilo 1861-1904

Koniec stowy tukej
Jest poczontkym blizy
Kero wydźwignyli
Przeca jeszcze wyży.

[broneknotgeld]

Stilo 1901

Niymiecki Zwionzek Nawigacyjny
Doł wniosek coby bliza budować
Rzond pruski tymu tako przichylny
Choć geld trza było na to wydować.

[broneknotgeld]

Niy yno bliza

Niy yno bliza - buczka trza było
Coby se we mgle larmo robiyło.

[broneknotgeld]

Walter Korte (1855-1914)

Karlus w Berlinie zaprojektowoł
W nawigacyjnych znakach łon majster
Kunszt swoj Pomorzu tako tyż dowoł
Bliza to przeca niy jest wihajster.

[broneknotgeld]

"Julius Pintsch" - Berlin

Fyrmy berliński dokumyntacjo
Niy piyrszo jejich to bliza
Szpecjalizacjom dyć nawigacjo
Dlo szifow łoczy i dźwiyrza.

[broneknotgeld]

Stilo 1904

Budowa zaczynto ślusorze se pocom
W rok wieża postawiom choć niy robiom nocom
Dyć jeszcze laterna trza gryfnie zmajstrować
Coby byrna mogła we morze blyndować.

[broneknotgeld]

Werk z Gdańska

Werk z Gdańska na bliza ze ajzy doł wszysko
Tubingowo wieża tako Stilo zysko.

[broneknotgeld]

Jako we zimie?

Jako we zimie
latarnik szczimie?
Dyć mo cyntralne tu łogrzywanie
I gruby korek tako na ścianie.

[broneknotgeld]

75 m.n.p.m.

Tako latarnia wysoko stoji
Blysko we morze daleko
Zyjman se myni tu wydmow boji
Rejs bezpieczniejszy go czeko.

[broneknotgeld]

Na Latarnikow

Na Latarnikow do dzisioj stoji
Mały familok ta sztela stroji
W niym latarniki durś pomiyszkujom
Tako i bajtli tyż wychowujom.

[broneknotgeld]

"Wilhelm Weule" - Goslar

Fyrma z Goslaru robi optyka
Toż inkszym blizom ło tako rzykać
Byrna łukowo tu na sztrom stały
Sto dziesiyńć voltow - kop tym niymały.

[broneknotgeld]

81 800 marek

Wszysko cuzamyn tela kosztuje
Do cołki sety trocha brakuje.

[broneknotgeld]

Tabulka fyrmowo 1906

Mesingowo tabulka w blizie była dugo
Dyć złodziejske łoko tukej na nia mrugo
By w końcu jom ukraść choćby na pamiontka
Toż u nos utropa niyjednego kontka.

[broneknotgeld]

Tabula pamiontkowo 2006

Latoś już dali nowo tabula
Tam kaj ta piyrszo - niy byda fulać
Skiż gybusrstagu tako "replika"
By niy ukradli - trza tyż porzykać.

[broneknotgeld]

Nautofon 1906

Kilometer łod latarni przi plaży już stoji
Buczy głośno - dyć se richtig zwiyrz aż tego boji
Toż i Neptun tym wnerwiony - śle za falom fala
Som se do sia tako pedzioł - "Kolumna łobala".

[broneknotgeld]

Buczek mgłowy

Dwadziścia jedyn metrow wysoki
Przi mgle za głośny se zdowo
Dyć z tym zyjmany niy som boroki
Szifom sygnały durś dowo.

[broneknotgeld]

Bliza Stilo 1926

Ano se wiela z tym pomiyniyło
Byrna żarowo tako wstawiyło
A przi złym trefie (choćby kurszlusie)
Lampa gazowo łoświyco tu sie.

[broneknotgeld]

Przed drugom wojnom

Toż jeszcze przeca przed drugom wojnom
Przi blizie jest maszynownia
Robota ze tym bardzi spokojnom
Na miejscu tu "elektrownia".

[broneknotgeld]

Maszt meteo 1944

Przi ścianie połnocny
Łon ty maszynowni
Terozki go niy ma
Dyć przeca był downi

W szejśćdziesiontych rokach
Cołkym zatracony
Bestoż go już prawie
W pamiyńci niy momy.

[broneknotgeld]

Z końcym wojny

Z końcym wojny ze fligra
Szczylali w ta bliza
Dyć im tako łodpedziała
-Rany se wyliża.

[broneknotgeld]

Stilo - kwieciyń 1946

Po krotki przerwie zaś rozblysnyła
Szejśćdziesiont rokow Polsce świyciyła
I dali tako tyż przeca bydzie
Choć seta klupła - durś niy we biydzie.

[broneknotgeld]

Halogyny Stilo 1975

Toż halogyny blyszczom terozki
Aże do dzisioj już tako
Ze łoświycyniym myni tyż troski
Przi ćmoku zowdy jednako.

[broneknotgeld]

Ze buczka bliza

Kolumna buczka ze blizy Stilo
Teroz kaj ińdzi niebo już kilo
Toż we Jastarni świyci na morze
Oby durś tako - dej istny Boże.

[broneknotgeld]

Nowo wieża nautofonu

Ceglano wieża wybudowali
Wiynkszo i dali łod plaży
Tam stary buczek zamontowali
Co dzisioj mozno se marzy

Bo przeca wszysko prawie w ruinie
Nautofon - downe tu dzieje
I pamiyńć ło niym możno przeminie
Purtek ze tego se śmieje.

[broneknotgeld]

Stilo nigdy niy zgaśnie?

Mozno i zgaśnie dyć niychej stoji
Zobytek przeca już zocny
Druge sto rokow brzeg morski stroji
Co we te blizy durś mocny.

[broneknotgeld]

Po starym buczku

Co po starym buczku do dzisioj łostało?
Toż jeszcze cokołu morze niy zabrało.

[broneknotgeld]

Stulecie cokołu buczka

Leży se na plaży i kłonio durś morzu
Łon przeca tak samo sulecio tu dożoł.

[broneknotgeld]

Wieża nowego buczka

Po nowym buczku wieża łostała
Na widokowo by se tyż zdała
Dyć we ruina drapko już idzie
Za pora rokow zbulić czas przidzie.

[broneknotgeld]

"100-lecie Latarni Morskiej Stilo"
autor - Apoloniusz Łysejko
Gdynia 2006

Toż wszyskim kierzy chcom sie czegoś wiyncy dowiedzieć ło blizie Stilo, prawie
tako broszura chca polecić.
Joch tyż do niyj siyngoł przi ukłodaniu rymowanek.

[broneknotgeld]

Ech - dyć "Stilo"
Dysza kilo.

[broneknotgeld]

"Stilo"

"Stilo" znaczy cisza
A jo tu coś słysza
Smutno szumi morze
Miyj w łopiece Boże.

[broneknotgeld]

Za spokoj dusz

Tako ze blizy na morze blikom
Za spokoj dusz tyż se tukej rzykom
Toż przeca tymu możecie wierzyć
Kajś na dnie "Wilhelm Gustloff" tam leży.

Stilo

[broneknotgeld]

Na gyburstag do Choczewa
forum.gazeta.pl/forum/72,2.html?f=28940&w=24115299
Bliza Stilo se wybrała
Dyć to pedzieć prawie trzeba
Wiela niy pofajrowała.

[broneknotgeld]

7 stilo - Choczewo.

"Siedym stilo" - piniondz majom
Dom ta dycha - niy zawajom.

[broneknotgeld]

We Choczewie je wystawa
Zdo - ciekawo gynau sprawa.
www.facebook.com/GBP.Choczewo/posts/4423714691025899

[broneknotgeld]

Bliza piyrwyj?

Jeszcze niym tu piyrszo bliza zaświyciyła
Zapolali łogyń na wieży kościoła
Mozno sie skiż tego świontynia spolyła
Szify za daleko by na pożar wołać.

Hel

[broneknotgeld]

Helsko bliza 1667

Staro bliza wypolono - nowo wnet stowiajom
Niychej w nocy i ryboki na Hel se wrocajom.

[broneknotgeld]

Bliza 1826/27

Ano już bliza jest murowano
Przeszło styrdziści metrow dźwigano
Blask ze niyj lecioł mil siedymnoście
Łolyj z rzepoku polom jyjmoście.

[broneknotgeld]

Bliza 1926

Łolyj ze rzepoku na nafta zmiyniyli
Ciekawe czy dali ze tym zablyńdziyli.

[broneknotgeld]

Bliza 1942

Dziesiyńć metrow łod ty stary
Nowo bliza teroz stowo
Dyć to niy som jakeś czary
Wcale se nom to niy zdowo.

[broneknotgeld]

Helski blizy niy pokożom?
www.latarnie.pti.pl/content/hel.htm
Przeca wszyske wiela wożom

[broneknotgeld]

Prawie latoś żech z niyj kukoł
Dyć niy ło tym byda blukoł.

[broneknotgeld]

Kaj "krowski łogon" poszpacyrujom
www.gazetakaszubska.pl/19649/bity-ze-stradu-kaszubskie-zwyczaje-na-helu
Pewno przi tymu tyż uradujom.

[broneknotgeld]

Helsko bliza - XVII w.

Na wieży kościelny brandera skłodali
Zyjmanom, rybokom - coby tu wrocali
Coby tyż do Gdańska spokojnie trefiyli
Na jakoś mielizna tako niy natknyli.

[broneknotgeld]

"Żuraw" na cyplu

Ano - sie kościoła wieża wypolyła
Zły tref - dyć za bliza zyjmanom służyła
Toż wartko tyn "żuraw" był teroz stowiany
Coby niy traciyli sie w nocy zyjmany
We gorze sie poloł kocioł połny smoły
Hajcowały djoski czy możno janioły?

[broneknotgeld]

"Żuraw" - 1702

Sztorm zniszczoł ta bliza - niy łodbudowali
Choć mozno kajś łogyń dali rozpolali.

[broneknotgeld]

Z końcym XVIII wieku

Ano - z końcym wieku zaś bliza tu świyci
Latarnik durś poli - niy yno kej bryza
Cołki rok kej cima mo światła wachować
I talarki swoje za służba rachować.

[broneknotgeld]

Stowiajom nowo bliza 1806-1826

Dwadziścia rokow bliza stowiali?
Toż ruła mieli choć zrychtowali
We końcu gryfno i murowano
Helowi tako jest istno dano.

[broneknotgeld]

Latarnio Hel - 1.VIII.1827

Już ze laterny we morze blysko
Szejść lampow zwyrto - zyjmanom mrugo
Co poł sekundy toż widowisko
Helowi służyć bydzie dość dugo.

[broneknotgeld]

Latarnio Hel - 1926

Z tym rokym w latarni petronelym polom
Zdo sie co we Polsce richtig tako wolom?
Sie z tym światło blizy trocha pomiyniyło
Po prowdzie te nowe niy na dugo było.

[broneknotgeld]

Latarnio Hel - 1938

Sztrom pociongli ze tym rokym
W blizie byrna trojżarowo
Trzitysioncwatowym łokym!
Ech, co nowe wiyrchym stowo!

[broneknotgeld]

19.IX.1939

Tako latarnio helsko szpryngniono
Tako skonała kej Polska kono
Choć Niymce jom tu wybudowali
Poloki cołki jyj niy łoddali.

[broneknotgeld]

Nowo latarnio - 1942

Bliza Helowi potrzebno była
Toż Niymce z cegły dźwigajom nowo
Wele ty piyrszy w lesie stanyła
Sztyrdziści z hokym metrow wystowo.

[broneknotgeld]

1000 watow byrna

Byrna tysionc watow we laternie świyci
Kejby sie spolyła tref cimy niy sklyci
Bo wartko zażarzy byrna forantowo
Nawet kej latarnik przi niyj drap niy stowo.

[broneknotgeld]

203 schody

Dwiesta trzi schody - wiyrch blizy kusi
Dwiesta trzi schody - wlyźć czowiek musi
Z wiyrcha na cypel helski podziwać
Z wiyrcha z daleka szifom pokiwać.

Jastarnia

[broneknotgeld]

"Borowsko Bliza"

W Jastarni-Borze łona stanyła
Geld prawie słali z Francyji
Szifom pomocno w tych czasach była
Z niom myni tu tragedyji.

[broneknotgeld]

"Borowsko Bliza" 15.XII.1872

Już na połwyspie łona rozblysko
I choć z daleka niy widać
Niyjedyn rybok cosik z niom zyskoł
Toż i rym ło tym trza mi dać.

[broneknotgeld]

"Borowsko Bliza" 1936

Już światła blizy z tym rokym ni ma
Żol - ano tako se stało
Na Gorze Szwedow nowo chcom czimać
Możno to zdo sie za mało?

[broneknotgeld]

"Borowsko Bliza" 1939

Szkoda wieży
Już szpryngniono
Zdo sie Polska
Ze tym kono.

[broneknotgeld]

Wspominka z Jastarni

Ech - bliza była
W Jastarni-Borze
Dyć se straciyła
Wrocić niy może.

[broneknotgeld]

Bliza na Gorze Szwedow 1936

W ty szeli tako latarnio drugo
W czidziestym szostym stanyła
Ze tym "Borowsko" już nom niy mrugo
Ta przeca jom zastompiyła.

[broneknotgeld]

Wieża blizy na Gorze Szwedow

Toż przeca łona yno kratowo
Żodyn laterny niy nadzorowoł
Stykło co z Helu czimali piecza
Tako ze jejich jakby tyż neca.

[broneknotgeld]

Na Gorze Szwedow 1936-1991

Szejśćdziesiont piyńć rokow nom bliza świyciyła
W końcu wyłonczyli - tako se straciyła.

[broneknotgeld]

Co łostało?

Niy cołkym wieża zdemontowali
Toż niyciekawe świadectwo dali
Zdo sie to straszyć dzisioj w ty szteli
A możno tako mieć tukej chcieli?

[broneknotgeld]

Czecio bliza 1938-1939

Toż postawiyli wieża kratowo
Już se świyciłą - dowom wom słowo
Dyć prziszła wojna i ta szpryngnyli
Niymcom ty blzy niy łostawiyli.

[broneknotgeld]

Szworto bliza

We dwudziestego wieku połowie
Stowiać już szworto chycioł se czowiek
Wieża ze buczka "Stilo" zabrali
Tu se przidała i służy dali
Ze niyj laterna nowo nom mrugo
Na mil piytnoście świyci dość dugo.

[broneknotgeld]

Jedna łostała

Ze sztyrech blizow jedna łostała
Czy ta Jastarnia pecha z tym miała?

[broneknotgeld]

Bioło-czerwono

Sztrajchniono w bioło-czerwone pasy
Na polskim brzegu istno niy straszy.

[broneknotgeld]

Blyszczy

Blyszczy na Bałtyk i na zatoka
Tako doglondo ze dwoch stron ćmoka.

[broneknotgeld]

Tako z blizom wyszła sztuczka
www.latarnie.pti.pl/content/jastarnia.htm
Stoji se na wieży buczka.

[broneknotgeld]

"Borowsko Bliza" - 15.XII.1872

Bliza dźwigli w Helu-Borze
Coby tu świyciyłą w morze
Choć po prowdzie - niydaleko
Co we końcu jom tu czeko?

[broneknotgeld]

Borowsko Bliza - 1936

Już niy świyci - wyłonczyli
Gora Szwedow łoświyciyli.

[broneknotgeld]

Borowsko Bliza - IX.1939

Ano - we wrześniu cołkym już skono
Przez polske wojsko tukej szpryngniono.

[broneknotgeld]

Gora Szwedow - 1936

Na Gorze Szwedow bliza znojdziecie
Ta drugo wojna nawet strzimała
Dyć już niyczynno - tref tako plecie
Maszt ciyngym stoji - choć niy na chwała.

[broneknotgeld]

Na Gorze Szwedow

Na Gorze Szwedow maszt blizy straszy?
-Tela łostało z latarni naszy.

[broneknotgeld]

Bliza Jastarnio 1938-1939

Przed samom wojnom nowo stowiali
Dyć jeji wieży Niymcom niy dali
Bestoż jyj darmo w Jastarni szukej
Choć na dwie wieże prawie pokukej.

[broneknotgeld]

Bliza Jastarnio - 1950

Buczka łod "Stilo" w niyj druge życie
Toż historyjo - terozki wiycie.

[broneknotgeld]

15 milow morskich

Na tela w morze blyńdzi latarnio
Znak dowo szifom co już Jastarnio.

Rozewie

[broneknotgeld]

Rozewie

Już we średniowieczu światło tu blyszczało
Droga tym na morzu tako wskozywało
Cosik ło tym przeca Kaszuby godajom
Choć dowodow na to szkryfnionych niy majom.

[broneknotgeld]

"Rosehoned"

Z piytnostego wieku w Bałtyku łopisie
Ze flamandzki locji tako nom jawi sie.

[broneknotgeld]

W siedymnostym wieku

W siedymnostym wieku już bliza tu stoła
Staro szwedzko mapa tako wyjawiyła
Brać morsko zyjmanić se myni z tym boła
We ćmoku brzeg przeca przed niymi jawiyła.

[broneknotgeld]

Rozewie 1821

Toż bliza kero do dzisioj stoji
W tym roku zaczli budować
Sztela rozewsko nom ciyngym stroji
Możecie se forsztelować?

[broneknotgeld]

15.XI.1822

Już se Rozewie fest rozświytlyło
Lampy Arganda blyszczom aż miło.

[broneknotgeld]

Laterna rozewsko 1866

Aparat Fresnela wtedy założyli
Łolyj rzepakowy we niym już polyli
Na godzina stykło sztyrdziści piyńć gram?
Czy se polepszyło tako wszysko tam?

[broneknotgeld]

Drugo bliza rozewsko

Jak już we Czołpinie bliza postawiyli
To i na Rozewiu drugo zbudowali
Terozki se blaskym jejich niy mylyli
Przeca skuli tego wszysko zdublowali.

[broneknotgeld]

Dubeltowe światła

Jena wele drugi stanyła se prawie
Świycom blizy piyknie - dyć niy ku zabawie
Tako te dwa jasne łoczka jejich jarzom
Że aże stolymy ło takowych marzom.

[broneknotgeld]

Rozewie 1910

Toż ze tym rokym se pomiyniyło
Ta bliza starszo w gora dźwignyło
Byrna w laternie już na sztrom dali
Bydzie nom gryfnie świycić ku fali

A nowszo gaszom choć ciyngym stoji
Już niy rozblyśnie - to se niy kroji
Dyć na Rozewiu przeca łostała
I niych tu bydzie - szteli na chwała.

[broneknotgeld]

W ryncach Kristerów

Do piyrszy wojny tako z tym było
We familiji fach latarnika
Jak Polska wlazła to se skończyło
Na darmo ło to Kristerom rzykać.

[broneknotgeld]

Leon Wzorek 1920-1939

Toż w miyndzywojniu Lyjo tu rzońdzioł
By szif we ćmoku zaś niy pobłońdzioł
Nawet tabula jego jest tukej
Toż przi okazji na nia pokukej.

[broneknotgeld]

Leon Wzorek IX.1939

Ano - dyć wojny z niego ofiara
Trza ło tabula se było starać
Tu przeca wachta łostatnio jego
Pamiyńć niych jako te buka drzewo.

[broneknotgeld]

Bliza Wzorków 1920-1985

Tu familijo Wzorków se czimie
Yno bez wojna inaczy
We jejich ryncach bliza niy drzymie
I na Pomorzu coś znaczy.

[broneknotgeld]

Władysław Wzorek

Zastompioł brata zaroz po wojnie
Jak jeszcze było tu niyspokojnie.

[broneknotgeld]

Zbigniew Wzorek

Syn łod Lyjoka
-Jako tyn łojciec
Już na pyndzyji
-Se podziwojcie.

[broneknotgeld]

Bliza im. Stefana Żeromskiego
1.VII.1933

Choć poniymiecko ta bliza była
Podobnoś ze tym se upolszczyła
Pisorz ze morzym tyż był zwionzany
Toż i Rozewiu tako już dany.

[broneknotgeld]

Tabula (1933)

Jest i tabula tu Żerommskiego
Ze tym ta bliza miana istnego.

[broneknotgeld]

"Izba Żeromskiego" 26.VI.1938

Prawie muzeum tukej łotwarli
Cołkym pisorza do sia przigarli.

Rozewie

[broneknotgeld]

Muzeum Latarnictwa

Dyć te muzeum tu tyż znojdziecie
Bestoż trza zwiydzać ta sztela
Blizow we Polsce trocha jest przecie
Dowiysz se ło nich tu wiela.

[broneknotgeld]

"Dzieje latarnictwa morskego"

Takom wystawom Rozewie kusi
Zoglondnońć na nia niyjedyn musi.

[broneknotgeld]

Ech te rozewske buki

Richtig tu rosnom cos za wysoko
Nad niymi światło ty blizy skoko
Dyc chnet jom w gora dźwigać trza bydzie
Bo jako szifom blyskać jyj przidzie?

[broneknotgeld]

Rozewie 1978

Cylindra se dorobiyła
Łoziym metrow podźwignyła
I laterna cołkym nowo
To niy yno mie sie zdowo.

[broneknotgeld]

33 metry

Metrow tela już wysoko
Z polskich blizow nojjaśniejszo
W ćmoku cieszy zowdy łoko
Dyć i bez dziyń z tym gryfniejszo.

[broneknotgeld]

Z 26 mil morskich

Szifowi światło jeji już blysko
To szkryfnońć styknie przeca za wszysko.

[broneknotgeld]

Pomorski zobytek 1972

W registrze zobytkow pomorskich znojdziecie
Tako dlo potomnych trza łostawić przecie
Choćby i wygasła - ze Rozewiym bydzie
Na zatrata nigdy niych istno niy przidzie.

[broneknotgeld]

Radiolatarnia (1945)

Tako i wysyło tyż sygnał radiowy
Radionawigacjo to koncept niy nowy.

[broneknotgeld]

"RO"

Alfabetym Morse'a w eter sygnał dowo
Prawiom co tak dugo jako bydzie zdrowo.

[broneknotgeld]

Rozewie satelitarne

Tako w Rozewiu jako w Dźiwnowie
Mo satelita blizy we "gowie"
Niy yno szify ze tym znojdziecie
Świat w przodek leci bo ciyngym chcecie.

[broneknotgeld]

Odznaka "Blizy"

Chcecie odznaka "Blizy" se zdobyć
Trza na Rozewiu trocha wom pobyć
Bliknońć se na świat tukej z wysoka
Toż to uciecha zowdy dlo łoka.

[broneknotgeld]

Rozewske buki

Durś chcom zasłonić światło ty blizy
Bestoż se rosnom coroz to wyży
Ty historyji pewno niy znocie
Tako dyć ło tym tu poczytocie

--------------------------------

We czas "potopu" wszysko se dzioło
Jak Szwedy tukej wylondowali
Niy było w Polsce richtig wesoło
Wiela jyj przeca niyszczyńścio dali

Po blisku Puck se pierońsko bronioł
Wojska szewdzkego było tu wiela
Dyć jedyn oddział tukej zagonioł
Kaj latarnika wtedy już sztela

Z blizy jak zowdy szło światło w morze
Istny swojego fachu pilnowoł
Ze tym niyszczyńście prziszło - moj Boże
Toż se im borok wrogym wydowoł

Blask blizy mog być nawet sygnałym
Kery by wysłoł jakiś łodsieczy
Na nic se jego godki im zdały
-Co trza go nawet przeca ty keczy

Toż rapierami chopa zażgali
Na łoczach lipsty co jymu pszoła
Z tym klontwa jeji na siebie brali
Srogo bo przeca śmierć jom łogrzoła

Tako jak stoli w drzewa już miyniom
Liście ze palcow bukowe rosnom
Szłapy se w ziymi drapko korzyniom
Do dzisioj szumiom ło tym ze wiosnom

Światło laterny durś chcom zadusić
Podobnoś wtedy klontwa złomano
Dyć czy zło w dobro idzie łobrocić?
-Deliberuja nad tym co rano.

[broneknotgeld]

Wpiyrw 21,3 m

Tako wysoko tu piyrszo wieża
Dzisioj już tego jo niy wymierza
Bo wiela razy przebudowano
Blizy terozki tym chmurom dano.

[broneknotgeld]

Ech - Rozewie ciyngym blyszczy
www.latarnie.pti.pl/content/rozewie.htm
Z turystami cosik zyszczy.

[broneknotgeld]

Rosehoned XV w.

We flamandzki locji tako łopisany
Zyjmanom ze światłym na Bałtyku dany.

[broneknotgeld]

Rosehoned 1696

Na szwedzki mapie tyż uwidzicie
Był za latarniom - tymu wierzycie.

[broneknotgeld]

Cera Franka

Frank - szwedzki kupiec wiela handlowoł
W Szwecyji zboże polske sprzedowoł
Profitu wiela ze tego było
Dyć roz niyszczyńście epne trefiyło

Ano, we burza żagle potracioł
Fran kaj Rozewie z tym życie stracioł
Wiela zyjmanow sie potopiyło
Cera z niym była - co jyj trefiyło?

Fest do Ponboczka istno rzykała
Fala we topiel jom niy zabrała
Morze sie jakby ulitowało
I kaj Rozewie londowi dało

Toż mody rybok znod jom, kurowoł
Co było trzeba ze duszy dowoł
I z niym na zowdy istno łostała
Z niym dziecek wiela dziedzinie dała

Dyć zowdy w nocy - sie zodziwicie
Łogyń na gorce polyła - wiycie
Coby zyjmany go uwidzieli
Coby retnyli możno z topieli

Kej cera Franka legnyła w grobie
Choć familijo po niyj w żałobie
Dziecka jak łona łogyń polyły
Po nich zaś wnuki jyj za to wziyły

Tako sie dzioło tu przed wiekami
Niym bliza dźwigli toż wiycie sami
Dzisioj fest asi sie niom dziedzina
We Polsce starszy łod niyj dyć niy ma.
www.facebook.com/photo.php?fbid=522952454420692&set=a.482128675169737.1073741825.427827820599823&type=3&theater

[broneknotgeld]

Latarnio Rozewie 1821

Rewsko bliza prawie dźwigajom
Dwadziścia metrow z hokym - niy bajom
Kaj piyrwyj łogyńzowdy polyli
Daleko w morze bydom świyciyli.

[broneknotgeld]

Latarnio Rozewie - 15.XI.1822

Lampy Arganda blask ślom we morze
Rozewie tako prawi "Śzczyńść Boże"
Piytnoście lampow - zdo sie dość wiela
Dyć potrza richtig tu prawie tela.

[broneknotgeld]

Bliza Rozewie - 1866

Aparat Fresnela do laterny kładom
Łolyj ze rzepoku - na tym dali "jadom"
Dwadziścia mil z hokym światło z morza widać
Kej blyszczy zyjmanow myni tropi biyda.

[broneknotgeld]

Dwie latarnie rozewske - 1875

Bliza w Czołpinie z tym rokym świyci
Jako rozewsko - tref tako klyci
Toż wartko stanie latarnio drugo
Niych dubeltowo Rozewie mrugo.

[broneknotgeld]

Drugo latarnio rozewsko - 1875

Łośmioboczno wieża, z cegły, tynkowano
Niydaleko piyrszy ta drugo stowiano
Chnet metrow trzidzisci - latarnio wysoko
Petronelym polom - światło cieszy łoko
Dach kukfrowy jeji wartko zzielynieje
Mur "apruzinowy" cieszy kej już dnieje
Dyć w nocy dwie blizy "Rozewie!" wołajom
Tako znak zyjmanom we morze dowajom.

[broneknotgeld]

Latarnio Rozewie - 1910

Kej buki wyrosły, kej światło chcom zdusić
Tako staro bliza podźwigać sie musi
Piyńć metrow w wiyrch styknie? Sie zdo niy za wiela
Dyć prawie z tym rokym podźwigali tela.

[broneknotgeld]

Byrna na sztrom - 1910

Kej bliza dźwignyli byrna na sztrom dali
Sygnał jeji inkszy z tym leci na fali.

[broneknotgeld]

Drugo latarnio - 1910

Trzidziści piyńć rokow blask morzu dowała
Teroz wygaszono - dyć stoji na chwała
Do dzisioj w Rozewiu jom przeca znojdziecie
Toż możno tyż na nia terozki kukniecie.

[broneknotgeld]

Latarnio im. Stefana Żeromskiego - 1933

Ano, Żeromski ta bliza znoł
Toż miano swoje tako jyj doł
Tabula ło tym cosik ci prawi
Już polske dzieje latarni jawi.

[broneknotgeld]

Latarnio Rozewie - 1938

Jest ło Żeromskim już tu wystawa
Zdo sie muzeum - ciekawo sprawa.

[broneknotgeld]

Izba Pamiyńci Stefana Żeromskiego

Prawie Rozewie niy przepomniało
Istny mo Izba durś tukej cało.

[broneknotgeld]

Muzeum Latarnictwa

Dość wiela blizow momy na brzegu
Mustrym niymieckim stojom w szeregu
Pora za Polski tyż podźwigali
Co było cieszy łoko tu dali
Byrny, soczewki, aparatura
Piyrwyj blyńdziyły - blask lecioł w chmurach
Niyjedna zdo sie durś majstersztykym
Toż na Rozewiu niy łomiń blikym.

[broneknotgeld]

Latarnio Rozewie - 1978

Juzaś latarnio dźwigli niymało
Dyć sie tym bukom rosnońć durś chciało.

[broneknotgeld]

Rozewie

Już we średniowieczu światło tam blyszczało
Drōga tym na morzu tako wskozywało
Cosik ô tym przeca Kaszuby godajōm
Choć dowodōw na to szkryfniōnych niy majōm.
www.facebook.com/groups/332939560673928/posts/1095732547727955/

Krynica Morsko

[broneknotgeld]

"Strażniczka Mierzeji"

Tako tyż zowiom krynicko bliza
Toż teroz do niyj se rymym zbliża.

[broneknotgeld]

Niy było

Miyndzy Helym a Pilawom
Durś blizy niy było
Coś za dugo se z tym bawiom
Dyć w końcu ruszyło.

[broneknotgeld]

Krynicko bliza 1894

Edward Stach z Elblonga ta wieża bajstlowoł
Na gzyms i postumynt Drezno granit dało
Ze cegły licowy tyż majster murowoł
Aże na czerwono we słonku blyszczało

Laterna ze Gdańska - optyka z Berlina
Co nojlepsze wtedy ta bliza dostała
Tako radowała se richtig dziedzina
Ze końcym z Krynicy światło morzu dała.

[broneknotgeld]

Krynicko bliza 1.V.1895

Blyszczy z daleka - mil łoziymnoście
We łobie strony - lepszy niy proście.

[broneknotgeld]

Krynicko bliza 1895-1945

Piyńćdziesiont rokow sztela krasiyła
Niymcy jom Ruskom niy dali
Tako historio se jyj skończyła
Swoje z Krynicy zabrali?

[broneknotgeld]

Krynicko bliza 1945

Ech - wleźli na nia ruske sołdaty
Możno ich powiod tam czort rogaty
Dyć bliza była zaminowano
Tako z istnymi w luft zaroz dano.

[broneknotgeld]

"Krynicki ćmok" 1945-1948

Żol zocny blizy - światła tu trza
Ciynżko wyczimać bez tego - pra?

[broneknotgeld]

Bliza "Bałtyk" 1948

Na wieżyczce pynsjonatu światełko se poli
Dyć to przeca durś za mało - niy ma co sie smolić
Yno bliza nowo stowiać bo trza jom naprowdy
Drapci chciyjcie wyrychtować - mo być tu na zowdy.

[broneknotgeld]

Już rychtujom

Politechnika Gdańsko se tropi
Puzyna tako wszyskim keruje
Czego se chyci dyć niy utopi
Bliza uczelnio zaprojektuje.

[broneknotgeld]

25.VIII.1951

Gdański Urzond Morski mioł w tyn dziyń tu świynto
To dyrechtor Wallas przeca zapamiyntoł
Toż blysnyła piyknie - richtig we tym grajfka
Niy szło yno ło to że łon przetnoł szlajfka.

[broneknotgeld]

25.VIII.1951 - 25.VIII.2006

Piyńćdziesiont piyńć rokow - gyburstag tyż zocny
Tako go pokropia richtig czymsik mocnym.

[broneknotgeld]

Radjolatarnio krynicko 1957-1997

"KM" - tyn sygnał ta bliza miała
Toż Morse'ym w eter go przesyłała.

[broneknotgeld]

Krynicko bliza 1996

Z tym rokym była remontowano
I na czerwono posztrajchowano
Jako ta piyrszo - daleko mrugo
Dyć pamiyntejcie - łona tu drugo.

[broneknotgeld]

We środku Krynicy Morski

Piyrszo za Krynicom stoła
Drugo tyż w tym miejscu
Dyć se idzie to zawołać
-We miasta już sercu!

[broneknotgeld]

Zwiydzejcie

Wandrusom dźwiyrza tu łotwiyrajom
I wczasowiczom w Krynicy pszajom
Tako ta bliza zowdy zwiydzejcie
Ze chyńciom geld tyż na bilet dejcie.

[broneknotgeld]

Z wiyrchu

Zalyw widać i zatoka
Ze uciechy szłoby skokać.

[broneknotgeld]

Niby ty latarni pszajom
www.latarnie.pti.pl/content/krynica_morska.htm
A kaj zdjyńcia gryfne majom?

[broneknotgeld]

Kahlberg

Kaj piyrwyj osada łode Prusow wodza
Kero dyć Krziżaki ze ziymiom zrownali
Kaj jantarym darzy durś Bałtyka woda
Tam Kahlberg ryboki juzaś podźwigali

Możno skuli tego co ranki tu kalne
Choć we roku słonka zdo sie richtig wiela
Miejsce na mierzeji przeca richtig fajne
Toż z czasym urośnie ździybeczko ta sztela.

[broneknotgeld]

Kahlberg-Liep - VII.1843

Blumenthal rejyncji kwidzyński szefowoł
Toż sie Kahlberg tymu wcale niy dziwowoł
Co istny w tym czasie z urzyndu zaziyro
I ofyn tu kurort nadmorski łotwiyro.

[broneknotgeld]

Kurort Kahlberg

Z Elblonga już piyrwyj tukej przipływali
I ze gdańska nawet tu w wodzie toplali
Tymu niy dziwejcie - tako kurort rośnie
Dychnie sie niyjedyn - to szkryfna radośnie.

[broneknotgeld]

"Kompielisko Morske Kahlberg" - 1876

A dyć take miano społka nowo nosi
Gyszeft elblonżanom sie wartko rozwijo
Kierzy tu chcom dychnońć - Kahlberg do sia prosi
Ty szteli dyć przeca słonko niy łomijo.

[broneknotgeld]

Miyndzy Helym a Piławom

Miyndzy Helym a Piławom
Zyjman cimom trocha tropioł
Rejs dyć niy jest mu zabawom
Widziołby coś kejby popioł

Dyć jest cima przi mierzeji
Na mil morskich poranoście
Ślimtać komuś wele keji?
Bliza! Bliza drap tu wroźcie!

[broneknotgeld]

Berlin - 4.V.1893

Toż sie stało - dali zgoda
Coby bliza drap stanyła
Kaj we nocy ćmok i woda
Zyjmanom tako blysnyła.

[broneknotgeld]

Kamyń wyngelny - VI.1894

Stach z Elblonga mioł budować
Prosiyli kajzera nawet
Coby kamiyń zamurować
-Niy przijechoł Wiluś prawie

Dyć robota sie polyła
Co być miało szło we gora
Bliza fest potrzebno była
Kaj zyjmanom "ciymno dziura"

Ze Matarni gdański cegła
Granit drezno tako dało
Gdańsk tyż dźwignoł tu laterna
Braci Picht ampla niymało

Rok wystyknoł - podźwigali
Blysk na mile w morze leci
Wiela tym uradowali
-Tref zyjmanom lepszy kleci.

[broneknotgeld]

1 maja 1895

Ano, z tym dniym już łoddano
Bliza gryfno, fest ceglano
Dyć tyż siwo skiż granitu
Rod jest Kahlberg? -Po co pytom.

[broneknotgeld]

18 Mm

Blysko w morze dość daleko
Dwie sekundy - krotko tako
Szif niyjedyn na to czeko
Pauza - sztyry - durś jednako

Z milow morskich łosiymnostu
W morzu blyski jeji widać
Kahlberg już niy "ciymnom krostom"
Mustrym terozki trza by dać.

[broneknotgeld]

48 m n.p.m.

Dziewiytnoście metrow wieża
Wydma tyż niy tako mało
Lecioł blysk w morze z wybrzeża
Szif uwidzioł - pomogało.

[broneknotgeld]

Na brynol 1895-1928

Trzidziści lot z hokym bynzolym polyli
Chocioż takom amplom tyż czasym tropiyli
Kej dysze palnika trza pucować czynsto
Przerwy przitrefiały tukej coś za gynsto.

[broneknotgeld]

5.XII.1928

Już na gaz laterna i blask wiynkszy tako
Roboty tyż myni - bestoż niyjednako
Dyć co bynzolowe w rezerwie łostało
Podobnoś we zima czasym przidowało.

[broneknotgeld]

Utropa we zimie

Utropa we zimie - szyby łoblodzajom
Bliza blyńdzi słabo - wcale wom niy bajom
Toż wietrzom laterna i niydogrzywajom
Swiatłu to na dobre - ludzie gorzyj majom.

[broneknotgeld]

Latarnio Kahlberg - 1938

Z tym rokym blizie sztrom pociongnyli
Radzi ze tego pewnikym byli
Byrna niy palnik - wiela wygody
Blysku pewniejsze bałtycke wody.

[broneknotgeld]

Przez drugo wojna

Przez drugo wojna bliza zetrwała
Dyć szczyńścio cołkym jednak niy miała
Bo sie w sztyrdziestym piontym straciyła
Cołke poł wieku w Kahlbergu była.

[broneknotgeld]

3.V.1945

Toż ruske wojsko ze tym dniym tukej
Już niymieckego wcale niy szukej
Bliza durś stoji - przeca niydugo
Zły tref terozki do niyj zamrugo.

[broneknotgeld]

Szpryngniono

Ano - szpryngniono - pobojowiska
Podminowane dyć było wszysko
Ruske wojoki z tym potracone
Choć wojny przeca prawie był koniec.

[broneknotgeld]

Krynicki cmyntorzyk

Przi blizie prawie cmyntorzyk mały
Tych kierzy życie tukej straciyli
Dlo nich sie skończoł ze tym świat cały
Cegła i granit durś wroge były.

[broneknotgeld]

"Łysica"

Niymce ze kurortu drap pouciykali
Dyć Kahlberg uciyrpioł - Ruski "używali"
Poleku zaś życie łod nowa wrocało
I sztela ze polska tako mianowało.

[broneknotgeld]

Wioska rybokow

Ano - pynsjonaty poszły w zatracynie
Szczyńściym fiszow tukej durś niy brakowało
Toż poleku dźwigo - tref mo tyż sumiynie
Bydzie niyjednego jeszcze radowało.

[broneknotgeld]

"Bałtyk" blizom

Niy dziwejcie tymu - pynsjonat wysoko
Toż w ćmoku już kuko tam ryboka łoko
Dziesiyńć milow morskich leci swiatło w morze
W komunie na morzu tyż godo "Szczyńść Boże".

[broneknotgeld]

Latarnio w Łysicy - 1951

Niydaleko piyrszy zaś bliza stanyła
Dyć laterna wyżyj terozki źwignyła
Z betonikow dźwigli, miejscami zbrojyli
No i na czerwono co siwe sztrajchnyli.

[broneknotgeld]

Ze 53 m n.p.m.

Byrna tysionc watow ze laterny blysko
Dwadziścia mil morskich - prawie tako wszysko
Dwa razy dwa blyski som dwusekundowe
Po tym pauza dugszo - spokopi drap czowiek.

[broneknotgeld]

Łysica - 25.VIII.1951

Z tym dniym szlajfka przetli
Z tym dniym bliza świyci
Czy sie kajsik wetli
Co tref tako sklyci?

Wartko lecom roki
Trzecie tysionclecie
W blizie ciyngym kroki
Blyńdzi jako chcecie.

[broneknotgeld]

Krynica Morsko - 1958

Wioska na mierzeji juzaś podźwigano
Juzaś jako kurort ciyngym budzi rano
Letnikow prziciongo bursztynowom plażom
Kej roz tukej trefiom niyroz choć zamarzom.

[broneknotgeld]

Radjolatarnio "KM" - 1956-1997

"Kropka, kryska, kryski trzi"
Toż Krynica - kożdy wiy
Ktoś alfabet Morse'a znoł
I latarni tako pszoł.

[broneknotgeld]

Krynica Morsko bioło-czerwono

Wieża czerwono - laterna bioło
Tym tyż we morze ta bliza woło
Kej szif jom widzi - już wiy - Krynica
Bioło-czerwone durś jeji lica.

[broneknotgeld]

Krynicko bliza

Dyć wandrusowi łotworzy dźwiyrza
Zaprosi do sia krynicko bliza
Siył niychej styknie - czekajom schody
Yno poleku kej żeś niymody

Z wiyrchu pokukosz na połne morze
Zalyw Wiślany tyż ci pokoże
Za niym już przeca Frombork, Tolmicko
Na zachod kukniesz - Gdańsk z dalsza blysko.

Czołpino

[broneknotgeld]

Czołpino

Miyndzy Łebom a Rowami Czołpino znojdziecie
Pewno tam tyż zocno bliza łodwiydzić zechcecie
Toż łod czyrwca aż do siyrpnia idzie wlyźć na gora
I dziwować se z wysoka choc niy cołkym w chmurach.

[broneknotgeld]

Bliza w Czołpinie 1875

Możno za te franki w złocie jom wybudowali
Co Prusoki na Francuzach we wojnie wygrali.

[broneknotgeld]

Czołpino 1872-1875

Trocha to trwało niym tu stanyła
Dyć przeca w miejscu łodludnym była

Wysoko wydma kaj dwa jeziora
I bliza z cegły co niy łod wczora.

[broneknotgeld]

15.01.1875

Już se ta bliza tu zablyszczała
Tako zyjmanom tyż pokozała
I choć sie wiela już pomiyniyło
Zowdy przi jeji świetle to było.

[broneknotgeld]

W laternie

W laternie piyrwyj łolyj polyli
Ze czasym byrna na sztrom wraziyli
Tysioncwatowo łona wystyknie
By światło w morze blyskało piyknie.

[broneknotgeld]

E.Kummer

Toż jom istny projektowoł
Przeca gryfnie - se niy zdowo
Wiela łona już szczimała
I czasowi niy poddała.

[broneknotgeld]

Aparat fresnela w laternie

Piyńćdziesiont rokow swiycioł z latarni
Niym go na byrna zmiyniyli
Możno i światło dowoł łon marni
Dyć trza by my go chwolyli.

[broneknotgeld]

Chołpino 1926

Tako laterna przebudowali
Z tym rokym byrna na sztrom jyj dali
"Made in France" ze tym i reszta
Jako terozki tu Niymcow zbesztać?

[broneknotgeld]

Do dzisioj stoji

Do dzisioj stoji
-wojny szczimała
Choć se przi tymu
tyż postarzała.

[broneknotgeld]

Na Baranku

Na Baranku ta bliza stanyła
Pora wydm przeca zowiom tu tako
Łona za swe nojwiynkszo dyć wziyła
Kożdy cieszoł sie z tego - niy płakoł.

[broneknotgeld]

Na Park Słowiński

Na Park Słowiński z niyj se dziwocie
Jezioro Łebsko przeca poznocie
I wydmow wiela tako tyż widać
Dyć blik ku morzu jeszcze trza by dać.

[broneknotgeld]

Łod 1994

Łod tego roku zwiydzać jom idzie
Toz niychej dali i tako bydzie
Odznaki "Blizy" trza wom do szczyńścia
Se zoglondnijcie - niy mocie wyńścia.

[broneknotgeld]

Ło tym trza pamiyntać ino
www.latarnie.pti.pl/content/czolpino.htm
By zoglondnońć kaj Czołpino.

[broneknotgeld]

"Baranki"

Kaj wydmy "Baranki" latarnio stowiajom
Cegła, cymynt, wszysko łod morza dowajom
Tymu niy dziwejcie - ze londu utropa
Drogi tam niy było - toż tako spokopia.

[broneknotgeld]

Idzie sie dziwać

Blizie w Czołpinie dziwać sie idzie
Wojny strzimała, niych zowdy bydzie.

[broneknotgeld]

Chnetko do kōńca

Chnetko do kōńca w dwudziestym wieku
Tu latarniki mieszkali
Dyć już niy teroz, wiydz to człowieku
Niywiela tu „używali”.

[broneknotgeld]

Czołpino 2010

Już latarnika cołkym niy trzeba
Już tu niy musi być bliżyj nieba
Na światło niy trza durś pozor dować
Tym już niy tropi czowieka gowa.

[broneknotgeld]

Kaj Gardno, kaj Łebsko, przepiykne jeziora
Pośrodku znojdziecie tam bliza – niy zmora.

[broneknotgeld]

Miyndzy jeziorami

Miyndzy jeziorami Czołpino znajdziecie
We Słowińskim Parku – kej tu trefić chcecie
Na wydmie co zdo sie richtig dość wysoko
Kuknijcie – ta bliza uraduje łoko.

[broneknotgeld]

Kej zwiydzosz blizy

Kej zwiydzosz blizy bydziesz w Czołpinie
Przeca latarni ty niy łominiesz.

[broneknotgeld]

Czołpino 15.I.1975

Już w laternie polom - aparat Fresnela
Na łolyj - w tym czasie to zdo sie za tela
Na ćwierć setki metrow wieża wydźwigano
Jakby jako baszta wydmie dokłodano.

[broneknotgeld]

Czołpino 1926

Z laterny wyciepli aparat Fresnela
Cudo ze Francyji światło dowo teraz
Tako już łostało na lata w Czołpinie
Blysk na morze kładzie w słowiński dziedzinie.

Gdańsk Nowy Port

[broneknotgeld]

Wiela by był wontek wort?
www.latarnia.gda.pl/?menu=main&lang=pl&page=1
Czym bez blizy Nowy Port?

[broneknotgeld]

Twierdza Wisłoujście - 1482

Wpiyrw drzewniano-ziymno była
Dyć z tym rokym wzbogaciyła
Sie ło wieża murowano
Ku łobronie richtig dano

Dyć szło na niyj łogyń skłodać
Co by wiyncy wom tu godać?
W tym latarnio Gdańsk mioł swoja
Szkryfna tako - niy nabroja.

[broneknotgeld]

Wisłoujście - 1758

Z tym rokym na wieży już łognia niy polom
Latarnio we porcie dźwignyli - jom wolom.

[broneknotgeld]

Latarnio gdańsko - 1755

Wele Brzeźna, w porcie prawie
Latarnio dźwigajom
Zdo sie możno wom ciekawe
-Wonglym łopolajom.

[broneknotgeld]

Z nabieżnikym

Po prowdzie dwie były - kurs niy belejaki
Kej sie kuplowały cuzamyn dwa znaki.

[broneknotgeld]

Latarnio gdańsko - 1817

Na latarni teroz polom epne świyce
W laternie już prawie, niy inaczy - wiycie.

[broneknotgeld]

Latarnio gdańsko - 1819

Świyce niy na dugo we laternie były
Terzo trzi palniki gazowe świyciyły
Dyć z czasym dwa jeszcze tam dokuplowali
Cuzamyn piyńć tako - światło leci dali.

[broneknotgeld]

Nabieżnik - 1825

Kej piyńć palnikow na gaz świyciyło
Ze nabieżnika światło straciyło.

[broneknotgeld]

Latarnio gdańsko - 1888

Piyrszo na pruskim brzegu Bałtyku
Ta bliza asi sie elektrykom
Byrna w niyj świyci - blask niy gazowy
Zdowo ci znakym już ery nowy
Choć prawie teroz ta "para rzońdzi"
Kery w sztom wierzy tyn niy pobłońdzi.

[broneknotgeld]

Latarnio w Nowym Porcie - 1894

A dyć zaś dźwigli latarnio nowo
Byrna na sztrom w jyj laternie stowo
Stoji do dzisioj - jyj podziwejcie
Dyć blyskow w morze już niy czekejcie.

[broneknotgeld]

"Kula Czasu"

Kej dwanosto - leci w doł
"Szklonka" - kapnoł nawet woł
Jako tyn dzwon łokryntowy
Słychać było kaj Port Nowy.

[broneknotgeld]

Latarnio Nowy Port - 1921

"Szklonek" słychać już niy było
W radyjoku dyć dzwoniyło.

[broneknotgeld]

Latarnio Nowy Port - 1984

Dziewiyńdziesiont rokow blyńdziyła we morze
Teroz już sie dychnońć prawie richtig może
Toż jom wygasiyli - łoświyciyli nowo
Tam kaj Port Połnocny gdańsko bliza stowo.

[broneknotgeld]

Latarnio Nowy Port 2008

"Kula Czasu" zaś w doł leci
Tref ciekawie istny kleci.

[broneknotgeld]

Latarnio Port Połnocny

We Gierkowskich czasach już port budowany
Jakby szyrszym łokym na świat Polsce dany
Latarnio wysoko nad Kapitanatym
Kozdymu sztimuje kej stanyło na tym.

[broneknotgeld]

Port Połnocny - 18.VI.1984

Blysko we zatoka na ćwierć setki milow
Trzi blyski z przerwami - uwidziołch bez brylow
Z polkich blizow łona nojmłodszo terozki
Blysko w morze ciyngym - w tym niy dopust Boski.

[broneknotgeld]

Niy zwiydzicie

Ta latarnio niy zwiydzicie
W porcie wartko leci życie
Wandrus yno by tu wadzioł
Toż niy bydzie drap paradzioł.

[broneknotgeld]

Latarnio Port Połnocny - 2014?

Trzidziści rokow ty blizie bydzie
Trzidziści rokow - co ze tym przidzie?
Możno zrychtujom tam "dziyń łotwarty"
Trzidziści rokow - piykne mo karty.

[broneknotgeld]

Piyrszo latarnio gdańsko tam była
www.facebook.com/photo.php?fbid=10153131106090424&set=a.10150131641850424.392784.487587700423&type=1&theater
Twierdza niy yno przeca broniyła.

[broneknotgeld]

Skiż gyrow, niy gowy
Tytuł honorowy
Dyć niy byda wajać
Blizom wiela pszaja.

www.facebook.com/195759197165658/photos/a.278332652241645.64630.195759197165658/908944449180459/?type=1&theater

Sopot

[broneknotgeld]

Sopot - 1903

Kaj wpiyrw gazownio zakład budujom
W kerym sie ludzie teroz kurujom
Tako tam było do drugi wojny
W czas dlo Sopotu cołkym spokojny.

[broneknotgeld]

Miejski Badyhaus 1945-1956

Po drugi wojnie sie kompiom tukej
Dzisioj już tego dyć darmo szukej.

[broneknotgeld]

Lazaryt - 1956

Kej cie tropiyła fest ryjmatyka
Na darmo było w kościele rzykać
Stykło kurować sie we Sopocie
Tako i dzisioj - lazaryt mocie.

[broneknotgeld]

Latarnio Sopot - 1977

Komin wpiyrw tukej był lazarytu
Dyć łod dwoch rokow w niym niy polyli
Łobudowali - na cudo blikom
Latarnio wiyrchym tako zrobiyli.

[broneknotgeld]

Wieża widokowo

Sie Sopotowi z niyj idzie dziwać
Możno na molo komuś pokiwać
Komin, latarnio, wieża widokow
Z dołu i z gory cudym dlo łokow.

[broneknotgeld]

Bliza w Sopocie
Przi molo mocie
Toż tam kukniecie
Kej yno chcecie.

Ustka

[broneknotgeld]

Na stacji pilotów 1871

Na stary stacji światło już blysko
Lekci do portu dopłynońć
Toż sxzif znak zocny z laterny zysko
I Ustki niy chce łominońć.

[broneknotgeld]

6 mil morskich

Choć światło blyńdzi niy za daleko
Se zyjman dowiy że port tu czeko
Mioł dyć we zocy lampa naftowo
Co we zły chwili nadzieja dowo.

[broneknotgeld]

Nowo stacjo pilotow 1892

Majom piloty już nowo sztela
Przi falochronie wschodnim stanyła
Z tym - jakby dlo nich tyż zocno "frela"
Wieża wysoko tako stanyła
Na kery wiyrchu laterna właśnie
Światełko ze niyj przi ćmoku mrugo
Toż niychej bliza nigdy niy zgaśnie
I Ustka cieszy se istnom dugo.

[broneknotgeld]

Ustecko bliza 30.08.1993

Bliza zobytku już nosi miano
Dlo naszych dzieci zocne to wiano.

[broneknotgeld]

Kaj ujście Słupi

Kaj ujście Słupi kwitnie port Ustki
Pomorze tukej niy jako pustki
Kwitnie we Prusach handel bałtycki
Zdo sie co bydzie tako na wdycki.

[broneknotgeld]

Latarnio 1871-1892

Stacjo pilotow maszt miała mocny
Bliza to była we porze nocny
Co na czerwono ciyngym świyciyła
W morze szejść milow tako siyngnyła.

[broneknotgeld]

Latarnio 1892

Stacjo pilotow nowo dźwignyli
Ze ośmiobocznom wieżom, ceglano
Wiyrchym laterna - w morze świyciyli
Kej noc we Ustce - durś gaszom rano.

[broneknotgeld]

Latarnio 15.XI.1945

Kej drugo wojna bliza strzimała
Zaś blyńdzi w morze - tym radowała
Szify i kutry w porcie tutejszym
Tako jest przeca po dziyń dzisiejszy.

[broneknotgeld]

Postomino 1945-1946

"Słupoujście" sie straciyło
Toż ta bliza w Postominie
Szczyńściym co niydugo było
Tako w polski już dziedzinie.

[broneknotgeld]

Latarnio w Ustce - 1.I.1947

Z tym dniym już Ustka Polsce niy wadzi
Brzegym Bałtyka tako paradzi
Latarnio blysko kej zowdy w morze
Z tym dniym tref Ustce pedzioł - Szczyńść Boże.

[broneknotgeld]

We łostudzie

Ustka z Łebom we łostudzie
-Kero latym wiyrchym pódzie?
Ustka z blizom - Łeba niy
Kaj "stolica"? -Ktosik wiy?

[broneknotgeld]

Zdo ciekawe
Dom tu prawie.

www.latarnica.pl/index.php/2015/03/stara-pieczec-ze-stara-ustecka-latarnia/

Jarosławiec

[broneknotgeld]

Latarnio Jaroslawiec 1830

Piyrszo latarnio tukej stanyła
Dyć coś za nisko podobnoś była
Toż sie chyciyli podźwigać nowo
Teroz wysoko już richtig stowo.

[broneknotgeld]

Latarnio Jarosławiec 1835-1838

Drugo już prawie tukej budujom
Cegłow na bliza niy pożałujom
Toż podźwigano richtig wysoko
Trzi gzymsy widzi tyż moje łoko.

[broneknotgeld]

Jarosławiec - 33,3 m

Trzi razy wiyncyj byłaby setka
Dyć tu wystyknie - wcale niy betka
Szify już swiatło widzom z daleka
Zdo sie co woło bliza czowieka.

[broneknotgeld]

Latarnio Jarosławiec 1.VII.1838

Już blask leci z blizy nowy
Polom łolyj rzepokowy
Dyć sie teroz wyłobroźcie
Lampow prawie tu piytnoście.

[broneknotgeld]

Na gaz

Gazym tukej tyż polyli
W końcu sztromu dyć chyciyli.

[broneknotgeld]

Latarnio Jarosławiec - 1908

Prawie sztrom już pociongnyli
Byrna tako łoświyciyli
Kero tysionc watow miała
Latarnika radowała.

[broneknotgeld]

Jarosławiec - 1957

Niy yno świyci, już - kryjolyjo!
Tukej tyż radjonawigacyjo!

[broneknotgeld]

Bliza Jarosławiec - 1975

Sie sztyry byrny durś łobrocajom
Po szejset watow terozki majom
Toż światło w morze leci daleko
Leci, dyć trzeba - bestoż niy czeko.

[broneknotgeld]

Kuknij na bliza

Żeś w Jarosławcu - kuknij do blizy
Z niyj tyż - niy darmo tam bydziesz wyży.

[broneknotgeld]

Piyrwyj tu wiela utropy było
Piyrwyj – niym z blizy światło świyciyło.

[broneknotgeld]

Jarosławiec XVIII/XIX w.

Wioska rybacko - co tu sie dzioło?
A dyć niy było zowdy wesoło
Tu Bałtyk czynsto łodbiyroł życie
Tropioł zyjmanow - pewnikym wiycie.

[broneknotgeld]

Jarosławiec 1830

Na cyplu prawie bliza stowiajom
Wiela pożytku dyć z niyj niy majom
Wieża za nisko - blyńdzi za blisko
Tela coch szkryfnoł zdo sie już wszysko.

[broneknotgeld]

Jarosławiec 1838

Bliza dźwignyli epno, ceglano
Klifowi jako ta frelka dano
Łokrongło, gryfno, sztyroczyńściowo
Z wiyrchu laterna blask morzu dowo.

[broneknotgeld]

Na klifie

Na klifie teroz latarnio stoji
Kej w morze blyńdzi Bałtyk mniyj broji
Co w piyrszy było niy zmarnowali
Tu do laterny palniki dali

Wiela ich było - prawie piytnoście
Łolejym polom - sie wyłobroźcie
Szesnoście milow blysk leci falom
Toż tu zyjmany myni już żalom.

[broneknotgeld]

Na wschod niy świyci

Na wschod niy świyci - wydmy tam przeca
Na zachod, połnoc - za światłym leca.

[broneknotgeld]

Na gaz 1901-1909

Acetylynym trocha polyli
Dyć potym juzaś łolejym
Gazym sie tukej ciyngym tropiyli
Co piyrwyj - tako woleli.

[broneknotgeld]

Latarnio na sztrom - 1914

Gaz, łolyj - psinco - to godom wom
Blizie nojbardzi sztimuje sztrom
Kożdy latarnik sie tako chwoli
Kej we laternie tysionc wat poli.

[broneknotgeld]

Wojna strzimała

Dyć drugo wojna bliza strzimała
Armjo sowiecko w niywola brała
Toż jeszcze trocha czasu zetrwało
Niym łona polsko już była cało.

[broneknotgeld]

1.VI.1947

Z tym dniym już bliza cywilom świyci
Jyj historyjo polsko echt klyci.

Darłowo

[broneknotgeld]

Darłowo XIV w.

Kej grod tu stanoł i pot tyż mieli
Przeca niy dziwo w bałtycki szteli.

[broneknotgeld]

We Hanzie

Kej we Hanzie była siyła
I Darłowo prziciongnyła.

[broneknotgeld]

Darłowo 1872-1879

Toż falochrony pobudowali
Tako przed portym prowdziwym dali
A coby w ćmoku sie tu trefiyło
Ze brzega Wieprzy światło blyńdziyło.

[broneknotgeld]

Stacjo pilotow - 1885

Przi falochronie z cegłow stanyła
Ze wieżom z keryj w morze blyńdziyła
Lekci do portu tako wpływało
Profit ze tego Darłowo miało.

[broneknotgeld]

6 Mm

Bliza świyci niydaleko
Dyć we ćmok szif na to czeko.

[broneknotgeld]

Latarnio Darłowo - 1927

Stacjo pilotow rozbudowali
Przi tymu wieża tyż podźwigali
Jedyn sztok wyżyj laterna bioło
Blyńdzi we morze - zdo sie wesoło.

[broneknotgeld]

14 Mm

Blyńdzi laterna terozki dali
Kej wieża jeji fest podźwigali
I mo dwadziścia metrow ze hokym
Blyńdzi - Darłowa prowdziwym łokym.

[broneknotgeld]

W zima utropa

W zima utropa - morze za blisko
Toż niy dziwejcie kej lodzi wszysko
I światłu ciynżyj "wylecieć" w morze
Źle kej sztorm prawie, a mroz na dworze.

[broneknotgeld]

Latarnio Darłowo - VII.1946

Po drugi wojnie juzaś stond blyndzom
Roki durś lecom, zdo sie co pyndzom
Światło tyż miyniom kej potrza tako
Dyć blask stond leci, choć niyjednako.

[broneknotgeld]

Światło biołe

Jednym sie niy tropi gowa
-Światło biołe ze Darłowa
Tela co cykle miyniyli
Pora razy, dyć niy kryli.

[broneknotgeld]

Latarnio Darłowo - 2006

Co nowego? Szkryfnońć musza
Kusi bliza już wandrusa
Juz jom ofyn zwiydzać idzie
Niychej zowdy tako bydzie.

[broneknotgeld]

Byrna 1000 W

Tysionc watow byrna biere
Jako inksze conikere
Tysionc watow blyńdzi w morze
Droga szifom tako wskoże.

[broneknotgeld]

Bliza Darłowo 2007

Niy trza sztekra - ćmok łoświyco
Te Darłowa zocne lico.

[broneknotgeld]

Bliza Darłowo 2010

Niy trza już jyj latarnika
Dyć durś świyci - idzie blikać
We ta strona, w ćmok, na morze
Możno kedyś wom pokoże.

Gąski

[broneknotgeld]

Gonski - 1876

Wele Kołobrzega, dyć ciyngym ze wschodu
Bliza już dzwigajom - prowda ło tym godom
Sto metrow ze hokym łod brzega stanyła
Dzisioj sie wydowo co zowdy tu była.

[broneknotgeld]

Łod morza

Łod morza cegła, cymynt zwoziyli
Rośnie - toż radzi tymu fest byli
Wieża poł setki metrow wysoko
Na niyj laterna raduje łoko.

[broneknotgeld]

Latarnio Gonski 1.I.1878

Ze tym dniym już świyci - już Gonski raduje
Dyć zyjman łod morza tyż blizie dziwuje
Światło z falom leci milow łoziymnoście
Dali już niy trzeba, toż ło to niy proście.

[broneknotgeld]

Gonski 1907

Wpiyrw ciyngym świyciyła
Tyż migo z tym rokym
Szifom łoznojmiyła
Co pod Gonsek łokym.

[broneknotgeld]

Funkenhagen

Ano - sie Gonski tak mianowały
Ze Funkenhagen w morze leciały
Promiynie światła - szifow retunek
Zyjman mioł ze tym myńszy frasunek.

[broneknotgeld]

226 schodow

Zdo sie dość wiela
Szkryfna tu tela
Dy je wysoko - metrow poł setki
Wlyźć na wiyrch dlo mie już niy som betki.

[broneknotgeld]

Petronelym świycom

Petronelym świycom poł wieku już tukej
Trzi tony ze hokym - w pamiyńci niy szukej
Tela we laternie co roku wypolom
Zetrwo niym sztrom dadzom i byrna pochwolom.

[broneknotgeld]

We środku tunel

We środku tunel skiż petronelu
I coby blyskom czas rowno ścieloł.

[broneknotgeld]

Funkenhagen 1927

W soczewce Fresnela już byrna sie świyci
Latarnikom lekszo robota tref sklyci.

[broneknotgeld]

Bliza 1933

Z zachodu pynko elewacyjo
Jako łostawić to - kryjolyjo?!
Toż ze tym rokym już plomby kładom
Zdało to istnym jedynom radom.

[broneknotgeld]

Bliza 1933

Z zachodu pynko elewacyjo
Jako łostawić to - kryjolyjo?!
Toż ze tym rokym już plomby kładom
Zdało to istnym jedynom radom.

[broneknotgeld]

Gonski - 1945

Bliza zarozki niy zablyńdziyła
Kej czyńść soczewki cołkym straciyła
Dwa lata trwało
Niym tako stało
Niym zaś we morze światłym mrugnyła.

[broneknotgeld]

Gonski - 1947

Ano - zaś świyci, zaś w morze mrugo
Niych tako zowdy, niych tako dugo
Na polski Bałtyk ze Gonsek dziwo
I szifom swiatłym z daleka kiwo.

[broneknotgeld]

Bliza 1951

Szprice z cymyntu tako dostała
Coby sie wartko niy rozleciała
Kej łod zachodu ciyngym spynkano
Tropioł sie czowiek niyroz tym rano.

[broneknotgeld]

Ze końcym XX wieku

We końcu dali jyj halogyny
Robić za wiela niy trzeba driny
Toż latarnkow ze blizy tracom
Przi niyj za wiela niy ubogacom.

[broneknotgeld]

Kurujom "olkitym" - 1964

Kurujom "olkitym" dyć na psinco zdo sie
Z zachodu durs pynko, gro istnym na nosie
Zleci trocha czasu, zaś jom łotać przidzie
Bez blizy by były dyć Gonski we biydzie.

[broneknotgeld]

Bliza Gonski 1985-1997

Tropiom naukowce ze politechniki
Medykujom wiela - czy bydom wyniki?
Ciyngym jom łotajom, silikon w nia cisnom
Czy łona to strzimie? Łoni przi niyj skisnom?
"Olkit" wydubali, ze nowa murujom
Czas w końcu pokoże jako wykurujom.

[broneknotgeld]

W trzecim tysioncleciu

W trzecim tysioncleciu bliza sama świyci
Co tref latarnikom terozki uklyci?
Ano - dyc turysty fest Gonskom dziwujom
Toż za przewodnikow istnych potrzebujom.

Kołobrzeg

[broneknotgeld]

Kołobrzeg 1666

Ze Hanzom piyrwyj kwitnyła sztela
Toż szkryfna tukej jo yno tela
Już we papiorach kajsik to dali
Co blask stond lecioł w morze na fali.

[broneknotgeld]

Na maszcie - 1866

Prawie ze masztu terozki świycom
Piyńć milow w morze - na tela liczom
Dyć blyndzi przeca niy ze wysoka
Maszt łoziym metrow - choć myni ćmoka.

[broneknotgeld]

Na czerwono - 1881

Świyciyli z masztu piyrwyj na bioło
Z tym rokym sztela inaczy "woło"
Ano - już blyńdzi stond na czerwono
Choc niydaleko, przeca niy kono.

[broneknotgeld]

Fort przi Parsyncie

Fort przi Parsyncie z downa tu stoł
Ćwierć tysionclecio chnet bydzie mioł
Stacjo pilotow tu z czasym bydzie
No i do blizy Kołobrzeg przidzie.

[broneknotgeld]

Latarnio Kołobrzeg 1899

Na sztyry sztoki wieża dźwignyli
Stacji pilotow we forcie starym
Toż stond we morze teroz świyciyli
Choć z wysokości ździybko przimały.

[broneknotgeld]

Latarnio Kołobrzeg 1909

Niywiela staro bliza zetrwała
Podobnoś chnetko by rozleciała
Budujom nowo, piykno, ceglano
Ćmok ze niom myńszy - niym gaśnie rano.

[broneknotgeld]

Latarnio - 1911

Sztyrnoście milow w morze blyskała
Kołobrzegowi tako na chwała
Ćwierć setki metrow wysoko była
W tyn czas Kołobrzeg mioł richtig siyła.

[broneknotgeld]

12/13.III.1945

Sie drugo wojna tu przewalyła
I we latarnio tako trefiyła
Łodbudowywać trza bliza było
Yno sie ździybko uspokojyło.

[broneknotgeld]

Zaślubiny ze Bałtykym - 18.III.1945

Sie polske wojoki
Tu falom kłoniali
Fuzlapy niy zoki
Trza lyźć było dali.

[broneknotgeld]

Latarnio Kołobrzeg - 11.XI.1945

Czerwono gwiozda blyszczy na wieży
Ruskymu wojsku ta bliza leży.

[broneknotgeld]

Latarnio Kołobrzeg - 1947

W latarni gazym juzaś polyli
Czy latarniki sie to chwolyli?

[broneknotgeld]

30 m n.p.m.

Na moje łoko
Niy za wysoko
Kołobrzegowi dyć prawie styknie
Bliza ze fortu wyrosto piyknie.

[broneknotgeld]

Nowo laterna - 1949

Nowo laterna - byrny na sztrom
Dyć ździybko inksze niż w doma mom.

[broneknotgeld]

Łońskim wiekym

W łoziymdziesiontych rokach łońskego
Łońskego wieku - mom rym do tego
Laterna cołko remontowali
Dyć halogyny już blizie dali.

[broneknotgeld]

Bliza Kołobrzeg 29.01.1991

Zaś nowym światłym bliza rozblysko
Na łoziymnoście milow - już wszysko
Łod strony morza durś widać blyski
Toż sie radujom szifowe pyski.

[broneknotgeld]

Radjolatarnio "KB" 1957-1995

Kryska, kropka, kryski dwie
I trzi kropki - Morse chce
Tym Kołobrzeg poznowali
Kej sygnały nadowali.

[broneknotgeld]

Latarnio Kołobrzeg - 1992

Fort i latarnio już zwiydzać idzie
Rod z tego kożdy kery tu przidzie.

[broneknotgeld]

Latarnio 2010

Latarnio świyci bez latarnika
Go zastompiyła automatyka.

[broneknotgeld]

Anō - blyńdzi yno w nocy
W dziyń sam kuknōm wasze ôczy.
www.facebook.com/groups/332939560673928/posts/1025059104795300

Niechorze

[broneknotgeld]

Niychorze

Świnoujście, Jarosławiec
Miyndzy niymi luka
Dyć zyjmanom łoczy prawie
Światła chciały szukać
Toż sie tymu niy dziwejcie
Latarnio budujom
Na Niychorze pokukejcie
Blizom dyć radujom.

[broneknotgeld]

Latarnio Niychorze 1.XII.1866

Blisko brzega kaj klif prawie
Latarnio stanyła
Zdo sie nom co śnik na jawie
Durś jest jako była.

[broneknotgeld]

Latarnio blyskała

We morze ta bliza z przerwami blyskała
Na dwadziścia milow dyć światło dowała
Yno niy dziwejcie tymu richtig wiela
Kej we niyj sie świycioł aparat Fresnela.

[broneknotgeld]

Na łolyj z rzepoku

Na łolyj z rzepoku latarnio świyciyła
Dyć dwadziścia rokow prawie tako była.

[broneknotgeld]

Bliza Niychorze - 1886

Sie we laternie cosik zmiyniyło
Już petronelym tukej polyło.

[broneknotgeld]

Niychorze - 1924

Byrnom świycom kej sztrom majom
Lekci tako - jo niy bajom.

[broneknotgeld]

Niy cołkym strzimała

Niy cołkym strzimała utropa frontowo
Laterna straciyła - łoberwała "zdrowo"
Toż prawie po wojnie trocha tu zetrwało
Niym zaś jeji światło we morze blikało.

[broneknotgeld]

Latarnio Niychorze - XII.1948

Ano - juzaś świyci na milow dwanoscie
Ło wiyncyj zarozki jom przeca niy proście
Choć sie z tym poleku poprawiom tu przeca
Jo ze historyjom blizy dali leca.

[broneknotgeld]

Niychorze - 1952

Z tym rokym zmiyniajom zaś tukej optyka
Coby dali świycić, dali w morze blikać.

[broneknotgeld]

Bliza Niychorze - 1992

Jest co tukej zwiydzać, jest sie czymu dziwać
Toż wandrusow nyńci - na "ja" trza im kiwać
Niychej sie na schodach gyry potrynujom
Widokym ze wiyrcha dusza uradujom.

[broneknotgeld]

Niychorze 2008

Laterna w remoncie dyć niy dugo przeca
Halogyny świycom z "niychorskego neca"
Już ze tym dwudziesty chytajom aż mili
Kierzy chcom niych sprowdzom, kej niy uwierzyli.

[broneknotgeld]

Latarnio Niychorze - 25.VII.2010

Ze tym dniym już bliza iluminowano
Kej klara zachodzi tu - aże po rano.

[broneknotgeld]

Niechorze - 2016

Sto piyńdziesiont rokow latuś klupnie prawie
Ty latarni gryfny jako snik na jawie.

[yagna1]

[broneknotgeld]

yagna1 napisała:

>
Dziynki za dobre słowo. Pozdrowiom.

[broneknotgeld]

Przi niypogodzie zwiydzej se blizy
Tako i wontek niychej jest wyży.

[broneknotgeld]

"Choczewsko bliza" - konkurs se marzy
Dyć czy se taki richtig przidarzy?

[broneknotgeld]

Z tego fest uciecha mom
wejherowo.naszemiasto.wp.pl/wydarzenia/762160.html
Toż i link tyn prawie dom.

[broneknotgeld]

Latarnik Gornoślonski Kultury?

Ktoś kejś mi pedzioł co trza takego
Jo łod sia szkryfna - trza niyjednego
Coby durś blyńdzioł
Sztichlow niy wyńdzioł
Niy szczyńdzioł ćmoka gornoślonskego!

www.facebook.com/events/109648853046413/

[broneknotgeld]

Czołpino 15.I.1975

Juz w laternie polom - aparat Fresnela
Na łolyj, w tym czasie to zdo sie za tela
Na ćwierć setki metrow wieża wydźwigano
Jakby jako baszta wydmie dokłodano.

[broneknotgeld]

Czołpino - 1926

Z laterny wyciepli aparat Fresnela
Cudo ze francyji światło dowo teraz
Tako już łostało latarni w Czołpinie
Blysk na morze kładzie w słowiński dziedzinie.

[broneknotgeld]

Idzie sie dziwać

Blizie w Czołpinie dziwać sie idzie
Wojny strzimała - niych zowdy bydzie.

[broneknotgeld]

Do końca września podziwać idzie
Choć link do tego niych tukej bydzie.
rudaslaska.com.pl/i,morskie-klimaty-w-magistracie,100,947879.html

Oksywie

[broneknotgeld]

Oksywie 1887-1933

Oksywsko bliza

Zdo - nad Bałtykym nojmyńszo była
We Pucke Morze ciyngym blyńdziyła
Dyć kej na klifie światło wysoko
Drap rybokowi trefiało w łoko.

[broneknotgeld]

Puck - Oksywie

Ano - kej portu w Gdyni niy było
Ze Pucka wszysko tukej płynyło
Toż familiji łod latarnika
We strona Pucka trza było blikać.

[broneknotgeld]

Bliza Oksywie - 1933

Już w gdyńskim porcie światło blyńdziyło
Sie ze Oksywio tako straciyło.

[broneknotgeld]

Bliza Oksywie - 1939

Co z niyj łostało? Kamiyni kupa!
Niy udowała już teroz trupa.

[broneknotgeld]

Oksywski cmyntorz

Ano - kaj piyrwyj ta bliza była
Cmyntorz - niyjedna na niym mogiła.

[broneknotgeld]

10 mertōw

Dzeisiyńć metrōw wieża – małowiela – wiycie
Kejniykej dyć łod niyj zoleżało życie
Kej brzeg tu wysoki, wystykło pewnikym
Coby tam kaj potrza siyngła swojim blikym.