Jak chop z babom

[broneknotgeld]

Echt frela

Cysto sudzo i cycato
Niy zaszkodzi jak sagato.

[broneknotgeld]

Cysto

Cysto frela w cystym domu
Przi niyj nigdy niy ma kromu
Chop z bajtlami maras zrobi
Toż posprzonto i łozdobi.

[broneknotgeld]

Cudzo

Z cudzom zowdy wiynkszy bajer
Ślubno wiy że zy mie frajer.

[broneknotgeld]

Cycato - hehe

Cycek moze być i mały
Bele dzyndzle sie dzwigały
Zowdy wtedy lepi widać
Że chop sie jyj musi przidać.

[broneknotgeld]

Sagato

Ło sagaty niy napisza
Bo zaś ślubno powiy - grzysza
Niy uczynkym - myślom godkom
Tyż sie z nudelkulom spotkom.

[broneknotgeld]

Już mom miech na pukel dany
Cuker - wyrafinowany!

[broneknotgeld]

Anioł - niy kobiyta

Dropia teroz se po gowie
Idzie ło te "cechy płciowe".

[broneknotgeld]

Matrymonialne

Ślepy łysy i szczyrbaty
Wiek - coś łod mojego taty
Taki karlus wom sie zdo?
Możno wyśla fotka mo.

[broneknotgeld]

Dziołcha z Halymby

Czy richtig znocie dziołchy z Halymby?
Tu majom frele dość łostre gymby
Dyć to tyż pedzieć karlusom musza
Jo w swoji widza nawet ta - dusza

Przeca ze ziobra Adama łona
Nawet jak wkulo mi czasym żona
Myśla - toż tako skiż iskry Boga
Że wzioł mu ziobro - co za to moga?

[broneknotgeld]

Chop ponoć pynko
Jak kajś mo miynko.

Nikero baba piyknie sie złości
Co miynke wtedy zowdy se prości.

Ponoć i tukej te frele som
Jo we miyszkaniu jedna z nich mom.

[broneknotgeld]

W namiocie

W namiocie zowdy mom bole krziża
Coby go wygrzoć bardzi se zbliża
Yno że może to być afrontym
Bo przeca z zadku mom take wonty

Rada - dwie frelki wziońć do namiotu
I niy żałować swojego potu
Toż bole krziżą pryndko se stracom
Choć pot poleci za uszy glacom.

[ciupazka]

Kie chop z dwoma babami
(juz o tym marzy),
to juz Ci sie Bronuś
nic a nic nie przydarzy...
Hehe...poza bólym w krzyzak
Hehe...
Hej!

[broneknotgeld]

Tako magnolia

Niyjedna frelka tako magnolia
Gryfno jest nojpiyrw jak jako kolia
Dyć chnetko kwiotki ze astow ściepnie
I na karlusa paskudnie hepnie.

[broneknotgeld]

W gyszynku latoś
dom myjna moja
Mono z tym jakoś
w tyn dziyń łobstoja
Słepia łod wczoraj za Walyntego
Z tom szpaskom chlapna juzaś głymbszego.

www.dziennikzachodni.pl/artykul/3743069,walentynki-2015-nietypowe-pomysly-na-walentynki-w-wojewodztwie-slaskim,id,t.html

[broneknotgeld]

Jako?

Jako sia stracić
A być w proficie?
Ło cia wzbogacić
Kuplować życie
Jako być dlo cia duszom i ciałym?
Ło swojim świecie przepomnieć całym

Jako spokopić
Co prawie dzieje?
Jako sie tropić
Tym iże dnieje?
W Świyntego Jona wele połnocy
Kej na cia kuknom zaś moje łoczy

Kej cie pomacom
Cycek pochalom
Kej sztraby stracom
Kej gorkom falom
Aże przi tymu na mie wylywosz
Ło Świynty Jonie - tymu sie dziwosz?!

www.facebook.com/events/1451284928515856/

[broneknotgeld]

Kejby baby
Cichsze były
By sie w żaby
Niy miyniyły
Toż kusioli niy ślij żabie
Co ci po wrzaskliwy babie?

[broneknotgeld]

Chop a fioł

A dyć tego chopa kery niy mo fioła
Do świyntego Pyjtra drapci bydom wołać
No i tako szkryfnońć trza by
Lepszy czasym fioł łod baby
Dyć dopiyro wtedy kej w kroku mniyj "fioła"

[broneknotgeld]

Frelko, wiysz jako Ci pszaja
Dyć niy po to coby bajać
Tyn Walynty
Chocioż świynty
Gafto na nos, kuko z kraja

Tōż trza coby my ściskali
Coby za sia bardzi brali
Nōm winszuja
Uraduja
Trza łōnaczyć głymbi, dali

Jako w śniku kejsik mojim
Kej sie pszaje to niy broji
Mi we ciebie
Jako w Niebie
Pōnoć w Biblji tako stoji.