Jak chop z babom

[broneknotgeld]

To ci frelka

Frelka mi sie roz prziśniyła
Co richtig fajnisto była
Niy chciołch lygać zaroz na nia
Werto była podziwiania

Napas żech sie nojpiyrw łoczy
No a potym jak żech skoczył
Ze łożka pechowo skulnoł
Gowom w szłapa stoła ...lnoł.

[broneknotgeld]

Rymy mi lecom
Jak se podniecom
A jak "szczytuja"
Erotyk suja.

[broneknotgeld]

"Niy znocie dnia ani godziny" - Sztaudyngera słowa
Nigdy niy wiym kedy w sex mi sztartnie gowa
Po prowdzie to powiym - Chciołbych coby czyńści
Fraszkow w tym tymacie byłoby tyż gyńści.

[broneknotgeld]

Przez tydziyń jest żech słomiany wdowiec
Dzisioj mi piwo chodzi po gowie
Dyć niy chca myśleć co potym bydzie
Jak zaś tyn sex w palica przidzie.

[broneknotgeld]

Niy zakrywej chopie gymby!
- Fto ci Karlik wybioł zymby?

- Moja staro to zrobiyła
Fest sie rynkom wywinyła
Jak jo zaczoł jyj coś fulać
- Miała we niyj nudylkula.

[broneknotgeld]

Chop sie łożynioł - ślubno we biydzie
Już na zolyty do niyj niy przidzie.

[broneknotgeld]

Z Austalii uczone ciepli mi we gowa
Że chop mo codziynnie nasiynie łoddować
Pomogo to zowdy - powiedzieli łoni
Bo raka prostaty karlusom wygoni.

[broneknotgeld]

Lato nad Bałtykym

Bałwanki na wodzie bawanki na niebie
A jakeś bałwany chcom hopsnońć na ciebie
Pożondliwym ślypiym halajom ci wdziynki
Dyć po prowdzie niy mom z tego nawet mynki
Choć żech już niymody durś pszajesz mi wiela
Bestoż z jejich chuci śmioć jo sie łośmiela.

[broneknotgeld]

Chippendalesi w Gliwicach

Drugi roz tukej już tańcowali
Pisk frelkow słychać było na sali
Kożdo by chyntnie ich pomacała
Niyjedna łod sia coś wiyncyj dała.

[broneknotgeld]

Jak ślubny...

Jak ślubny cycek pieszcza to w duszy sie myśla
Że możno zaroz Bogu signal łod siebie wyśla
Siyngom rynkom do pympka i niżyj - do fucinki
Niebo sie mi łotwiyro - rozkoszy słysza jynki
Już niom sie teroz stowom a łona jest już mnom
Choć krotko przeca jednak razym my w niebie som.

[broneknotgeld]

Już Rydzykowi ło tym faflajom
Że tukej ślonske porno szkryflajom.

[broneknotgeld]

Mie sie podobo przisłowie stare
Chop mo mieć świyczka - baba ogarek.

[broneknotgeld]

Pokozołch frelce kedyś gromnica
A u niyj zaroz czerwone lica.

[broneknotgeld]

Zabrzance

Kedyś przez zabrzanka
Dorobiołch sie manka
Choć niy wypominom
Jak cycek wspominom.

[broneknotgeld]

Sexsłowo

Piyknych słow z sexym we Polsce niy ma
Bo jakimś tabu tukej tyn tymat
Na pitka idzie godać bułeczka
Tako co w środku mo ta kryseczka
Ze gwary jednak niy zwej jom żymłom
Bo to sie sucho choby tyn "mymłon"
Jo tam już wola pedzieć że bryjtka
Dyć tako słodko jak cało Gryjtka.

[broneknotgeld]

Ptoszek

Ptoszek to piykne jest słowo
Łod lot nom służy już zdrowo
Chop zowdy cieszy sie z ptoszka
W zocy go momy niy troszka
Frelka zaś tyż jego lubi
Choć sie tym głośno niy chlubi.

[broneknotgeld]

broneknotgeld napisał:

> Sexsłowo
>
> Piyknych słow z sexym we Polsce niy ma
> Bo jakimś tabu tukej tyn tymat
> Na pitka idzie godać bułeczka
> Tako co w środku mo ta kryseczka
> Ze gwary jednak niy zwej jom żymłom
> Bo to sie sucho choby tyn "mymłon"
> Jo tam już wola pedzieć że bryjtka
> Dyć tako słodko jak cało Gryjtka.

[broneknotgeld]

Pisiuńcia

Nikerym niy trza za wiela słońca
Bele po blisku mieli pisiuńcia.

[broneknotgeld]

Ponoć jak koniec jest cołkym blisko
To ludzi w dołku dopiyro ścisko
Znoł żech starziko - prowda to świynto
Kery tak godoł na te "memynto"
-"Chopie mie cołkym niy chce ta kosa
Bo co jom widza to ptoszkym strosza".

[broneknotgeld]

Pisia

Wtulom sie w pisia
Choby we misia
Choć bardziyj wola
Dać jyj kusiola.

[broneknotgeld]

Cycek

Cycek! Cycek! Trza mi cycka!
Niych na glacy stowo mycka!

[broneknotgeld]

Cipka

Cipka w gowie niy zaszkodzi
Przeca chop w galotach chodzi.

[broneknotgeld]

Sexbomba

Zanim wybuchnie
To już mi puchnie.

[broneknotgeld]

Cipce

Cipko cipulko cipeczko
Do nieba ci niydaleczko
Bo jak sie znojda we ciebie
Toch prawie już we tym niebie.

[broneknotgeld]

Stringi

W heklowanych stringach cipce fest jest piyknie
Niy trza wiela godać - dyć chopu to styknie
Larmo słychać teroz aż ze Koniakowa
Czamu? - Niy poskopi tego moja gowa
Bo "krolestwo życia" ta koronka zdobi
Dobro tyż reklama heklowaczkom robi.

[broneknotgeld]

Śmiertka to przeca tyż yno frela
Chyto za ptosza - mo z tego tela
Że jak łon mocno nastroszy piorka
Ze wstydu zmyko nom ze podworka
Problym jest wtedy jak łon ze strachu
Do środka wskoczy - twoj koniec brachu!

[broneknotgeld]

"A jeśli przyjdzie do mnie ta z kosą
Niech będzie miłą piękną i bosą".

Niy wiym czy dobrze cytuja tukej
U Sztaudyngera tyj fraszki szukej.

[broneknotgeld]

Drażniontka

Drażniontka stanyły frelce
I karlusowi coś wielce.

[broneknotgeld]

Wesołego ale luja
Wszyskim frelkom jo winszuja.

[broneknotgeld]

Jak jo kedyś zaczoł nupać
Frelka rano sykła - dupa.

[broneknotgeld]

Cipka

Cipka - klotka to dlo ptoszka
Łon dy siedzioł w niyj niy troszka
Na łodwyrtka - jak nojduży
Bo mu dobrze cipka służy.

[broneknotgeld]

Chop mo ponoć te galoty
By se chronioł swe klyjnoty
Kece dlo nos to gupota
Choć niy byda pytoł Szkota.

[broneknotgeld]

Jakby był w kecach no i na szczudłach
Niyjedna frelka przez to by schudła
Bo by wspinała sie durś na palcach
No i macała te jego jajca
Karki tyż duge by dziołchy miały
Durś by w klejnoty wlepiały gały
I tak przez mynske narzondy rodne
Były by frelki bardziyj urodne.

[broneknotgeld]

Cosik cyganisz bo chop niy woło
Jak yno widzi swo baba goło
A jak niy widzi to przeca czuje
Jakiś feromon co w niyj buzuje
Chop je niywinny - winno je baba
Kedy je zimno jak jakoś żaba.

[broneknotgeld]

Kto pszaje siebie inkszym tyż pszaje
Wtedy i "dziyńdzioł" pryndzyj tyż staje
A jakby z niego był "cimpel" mały
To wtedy bydzie choć bardziyj śmiały
Chyntnie prziwołoł bych teroz "cwerga"
Kutasik mały - potyncjo wielga.

[broneknotgeld]

Dyć "bez łogrodek" to tukej troszka
Jo przeca pija do - tego "ptoszka".

[broneknotgeld]

Terozki byda bardzi stateczny
Ślubno pedziała że mom być grzeczny
Bo mie ze łożka chyba wykopie
Fest na mie rykła - Poprow sie chopie!

[broneknotgeld]

Kutzowi

Lepi na landowie Hilda se pomacać
Niż przez dziura w kapsie we kroku se gracać.

[broneknotgeld]

DZIYNKI

Alech mioł dzisioj szpetno przigoda
Jak ło tym myśla to mie aż szkoda
Wloz żech w autobus tak miyndzy frelki
Kaj ścisk był jakby trocha za wielki
Dyć nojgryfniejszo ze nich siedziała
Łoczy mi pasły sie niom bez mała
Frelka tyż blikła - do mie mrugnyła
"Prosze" - już miejsca mi ustompiyła.

[broneknotgeld]

Dziubeczkowi

Moj dziubeczku złoty jo ci durś fest pszaja
Dyć sie kożdy nocy w całości łoddaja.

[broneknotgeld]

Coś za tusty zy mie kokot
By po frelkach wiela skokoł
Chocioż robia to nachalnie
Jednak ino wirualnie
Niy trza zresztom mi komputra
Jo seks party w myślach utna
Cysto cudzo i cycato
Mrugna i już je sagato
Sex we chopski przeca jaźni
Niy trza wiela wyobraźni
By we myślach widzieć akty
Take naszy chuci fakty

No a jak już dość pogrzesza
To do ślubny potym śpiesza
W jeji ciałko tak sie wtulić
By mie chciała zaś utulić.

[broneknotgeld]

Noc poślubno

Noc poślubno je po ślubie
Kożdo kero żeś ze ślubnom
Chyba my som we tym klubie
Jak niy to nom zaroz łubnom.

[broneknotgeld]

Wiym że te frelki nos tu czytajom
Jak trza coś szkryflać jakoś sie czajom
Gryfni to szłoby wtedy do przodka
Yno że mynczy już mie ta godka
Niy byda szkamrać że brak kobiyty
Bołbych sie trocha wchodzić w zolyty
Choby dlo szpasu było to przeca
Jak kto mo glaca to sie podnieca
Zaś by mi zagroł tyn testosteron
Bo z byka zawsze wychodzi pieron
Dyć to już leci aż łod Zeusa
Jak za Europom zaczoł sie ruszać
W pszoniu zaś wiela je wyobraźni
Ździebko sie boja zdwojynio jaźni
Trocha to jednak kusi i nyńci
Może sie jakoś frelka nom wkryńci
Talyntym sobom tykej nom blyśnie
A może kogoś goronco ściśnie
Jak my tu łoba zacznymy marzyć
To w końcu może sie to przidarzyć
Lepi już przyńda w pobożne myśli
Bo zaś mi cudzo frela sie prziśni.

[broneknotgeld]

Ilona

Żol karlusa dlo Ilony
Jo niy widza we ni żony
Jak łostuda sie przidarzy
To i lona mu uwarzy.

[broneknotgeld]

A moja dusza to czasym szła by
Do taki jednyj fajnistyj Gabi
Czasym gelyndra czimać sie musza
Tak do niyj targo ta moja dusza.

[broneknotgeld]

Łod czasow tyj "Piynknyj Helyny"
Gupieli niy yno Hellyny
Jak Hela cycuszkym muśnie
To goronc w ciebie aż chluśnie.

[broneknotgeld]

Ewa

Ewa to mojyj ślubny jest miano
Z zowiści chyciołch jom za kolano
No i poprosioł żech jeszcze dziecka
By jom czimały z zadku za kecka.

[broneknotgeld]

Pozdrow łodymie tyż ciepło Gryjtka
No i pohalej ta jeji bryjtka.

[broneknotgeld]

Żeby wiedzieć czyś jest wierny
Trzeba ździebko być pazernym
Trza nom widzieć te pokusy
Czuć je a jednak niy ruszyć.

[broneknotgeld]

Dyć muszymy ło nich godać
Trza tyż grzyszyć trocha łokym
By se życiu miodu dodać
Haltnońć jednak przed wyskokym.

[broneknotgeld]

Yno uwożej se na latarnie
Bo możno keroś do sia przigarnie
Łoczami szcziżesz na wszyske frele
Chyba na gowie niy yno wele.