Kulenamole robjymy Koonkurs "WICHAJSTER"

[hanys_hans]

Robiymy sam koonkurs Kulenamole
Narazie noom robioom go ino gorole
Bes germanizmoow nawet som majster
Niynasztyngluje konkursu "wichajster"
Robioom typowane suowa ino gorolske
Ze s´loonki goutki djalekty polske

bratjakuba napisał:

> szwager_z_laband napisał:
>
> > pszoc wygrauo i to mie raduje:)
> >
> > ale tych suow je tela ze sie niy dziwia ize tela zguoszyn bouo -
> > same my sam kedys je wymiyniali
> ++++++++++++++++++++++++++++++++++++++++++++++++++++++++++++++++++++
> Jo też Wom wszyckim przaja>
> Możno by sie przidało wygrzebać te nasze typowane spwa a śnich ułożyć też tako
> lista i przeprowadzić wewnyntrzny konkurs.
> +++++++++++++++++++++++++++++++++++++++++++++++++++++++++++++++++
> > np szuo by dac take jeszcze:
> >
> > skuli
> >
> > hercklekoty
> >
> > podciep
> >
> > oumiczka
> > ================================================================
> My przeca mieli i wichajster, i mamulka no i ancug przeca.
> >
> > itd, usw:)

[szwager_z_laband]

no to jak BratJakuba mo pierszynstwo na usztalowanie pszepisow!

[bratjakuba]

szwager_z_laband napisał:

> no to jak BratJakuba mo pierszynstwo na usztalowanie pszepisow!
+++++++++++++++++++++++++++++++++++++++++++++++++++++++++++++++++++++++
Jo sie do ustalanio przepisow nie nadowom,Ale wspolnymi siyłami
cośik zbajstlujymy.

Piyrszy swoje wyobrażynia powiniyn przedstawić hanys bo widza tymat mu sie
spodoboł,toż na pewno mo już jako myśl,a i doświadczynie.

[bratjakuba]

Jo za klympnera.

We łażiynce coś sie zatkało.Ciepło woda durch ciurkała a kokotek nie doł sie
zakroncić.
No coż byście zrobiyli na moim miejscu?
Dyć toch prawie zrobioł.Zawołoł ech klympnera,t.zw.hydraulika.
Boł srogi,chudy i nie ogolony ze siwymi sztoplami na pysku.
Wloz do badycimra,pokryncioł kokotkami,wyciongnoł holeizla,poklepoł po rułach i
pado: ferszlusy trza roztrajbować bo droselklapa je żle zblindowano i riksztosuje.
No toż trza jom rozblindować mu padom.
Ja, godo mi majster,rozblindować,rozblindować,jak ech nie wzion lochbajtla.
A to szkoda ,godom toż przidzcie jutro z lochbajtlym.
Jutro ni moga bo mom robić iberlauf u Karwotki.
No to co? sie pytom.No nic. Kupcie nowe kokotki to sie zrobi zwyczajnie
szprajccangom.
Pedzioł z Bogym i poszoł.
Jo kupioł nowe kokotki.Szprajccanga mom swoja.Zakryncioł ech culałf
wykryncioł niple bo kokotki miały inkszo dimenzyjo.zakryncioł ech redukcyje do
nich kokotki na hanfie i od godziny mom ciepło i zimno woda nazot.
Padocie,że to mogło sie przidarzić eno za starego piyrwu.Toć dyć mocie recht.Tak
było downi.

Terozki by stykło szprajccangom odkryncić obertajl
Potym w kokotku wyrznyć kopffrezom nowy anszlag.
Hanfym poprawić szrałbdichtong.Odkryncić i obrocić
wentilplata abo wymiynić cały dichtungskopf komplet.
Na obertajl założyć nowy oring,zakryncić rynkom, dociognyć
szprajccangom i fajrant.

[anton_28]

Piynkno ta geschichta, Bracie !!

chyba se zrobia ausbildung na klympnera :))

[ballest]

Tak richtig pedziec, to klympner je Dochtorem uot Hajcungow!
Mom ale pytaniue do brata, wiysz co to je gylnik?

[bratjakuba]

ballest napisał:

> Tak richtig pedziec, to klympner je Dochtorem uot Hajcungow!
> Mom ale pytaniue do brata, wiysz co to je gylnik?

U nas sie na to godało sznita abo kraiczek -chleba.
Ale to słowo mo też szyrsze znaczynie.Słyszoł ech też gelnik syra,taki
trojkont twarogu.

Achim u faroża.

A dyć Jezus sie urodzioł bez zima, śniega było po pas,
tam w te szopie pod Annabergym.
A ci pastyrze prziszli,piyknie sie przywitali
i dali co mieli, a to gelnik syra, mlycz-
ka trocha, owieczka,co by sie Jezusek ogrzoł.

[seppel]

Junge,Junge!
Hut ab vor dir Brüderchen
Bei'di bin'i wie en Außengeländer ;)

[bratjakuba]

seppel napisał:

> Junge,Junge!
> Hut ab vor dir Brüderchen
> Bei'di bin'i wie en Außengeländer ;)

Zagańbiosz mie Seppel.Czy jo Ci sie spodoboł jak ech zostoł klempnerym,abo
spodobało Ci sie te ślonske beblanie.
Z druge strony przipuszczom,że tyn tekst je zrozumiały eno dlo tych
co rozróżniajom gybis od Beisszangi.

[seppel]

Gaswasserscheiße Beruf je powazany aber
Slonske beblanie mi sie podobo:)
Ja mit der Beißzange
to je tak samo jak ze Fuchsschwanz'ym
niy jedyn sie pyto co mo Handwerk do Mody

[ballest]

mosz recht Gelnik moze byc chleba, syra, wszystkiego co idzie ukroc !

[sloneczko1]

jo znom sznita ,krajiczek i kromka

[hanys_hans]

szwager_z_laband napisał:

> no to jak BratJakuba mo pierszynstwo na usztalowanie pszepisow!
szwager_z_laband napisał:

> no to jak BratJakuba mo pierszynstwo na usztalowanie pszepisow!


Noo toosz czekoomy na Brata Jakuba
Niych dowo sam swoja gezecoof pruba
Uoon je autorym tego koonkursu pszeca
Niy znejdziesz nikaj lepszego szpeca

[bratjakuba]

Wciepna sam jeszcze link do tych naszych nejpiyknieszych słow.
Som ech mioł biyda to znejść toż możno sie i komu przido.

forum.gazeta.pl/forum/w,34281,97249156,97249156,Konkurs_nojpiykniejsze_slonskie_slowo.html

[szwager_z_laband]

Stowomy tera tysz blank rano, ino juz zodyn niy musi psziniys wynglo
do konkastli, no i zodyn niy musi dowac obacht na ogyn we piecu.
Kedys cza bouo tysz hasie wyniys do hasioka, a niy jak staro
Grousska suc bajtlom nim po kiouzdawkach , kere my se wczora
narichtowali na chodnikach – ale my mieli potym na nia nerwy...
Ale to bouo we zima ino, bo we lato to my juz downo byli na
bagrach popuywac. Na placu to mieli my jeszcze cyrkus ze „tanty“
Klarom – to boua kobiyta od „onkla“ Jorga , ona nom zaro jak nos ino
uwidziaua, godaua ze momy dzisiej byc cicho bo Jorg je po nocce i
niy momy mu pod oknym larmowac. Tosz ryczeli my „pocichu“i grali ino
we „krola“, i „pocichu „tysz psziszuo nom grac we duca. Dzisiej we
duca juz zodyn niygro a fuzbal sie gro ino na fuzbalplacu. Tak
kole pouydnia cza bouo is mamie do sklepu trocha pokupowac na obiod.
Pieronym niy lubiouech uazic do masorza, bo tam niyfajnie woniauo.
Nojlepiyj to zech szou do piekorza i potym po drodze obgryzou skorka
od fajnego ciepuego jeszcze chleba – ino za to szuo za keryms tam
razym dostac juz szmary. Po obiedzie juzas my wylezli na plac i
grali w skrytwa abo we city pod murym. Na wieczor sie roztwiyrauy
okna i wouali nos dodom – my sie ino wetowali kery bydzie piyrszy
dran a kery dzisiej wygro i bydzie na som ostatek sie mog ostoc na
placu – jak tyn szpil leciou, to my juz wszyske siedzieli downo na
trowie i sie ino smioli i paczeli jak nos je corosto myniyj. W doma
juzas wskokiwali my do wody, ale tera to do badywanny i szorowali my
couki maras, kery my bez dziyn wypucowali we kozdyj ece u nos na
placu.
Jak my sie juz swiyciyli, to cza bouo potym kole stoua wcisnonc
sznity co nom je mama abo ouma narichtowaua na kolacjo. No a dalyj
to juz nic ino hajota sie ostaua …

[bratjakuba]

Konkastla- była u nos koulkastla,skrytwa -fersztek-szpil a zamiast we city,
grali my w pinki o mur.
Ballest sie dziwi,że tela słow nie zno.Przeca chnet w kożde wsi była inkszo godka ale jakoś wszyjscy sie rozumieli.

[sloneczko1]

jo dali mom konkastla,rustuja w piecu i wynosza hasie;) a roz na rok otwiyrom
dźwiyrka od komina i wymiatom go,kedyś gynsiym skrzidłym sie omiatało,tera jusz
modernie,śmiatkym

[szwager_z_laband]

te sadze je podobno dobrze dac pod tomaty jak je flancujesz juz do
ziymi we ogrodku!

tak my pszinajmiyj "w doma" robiyli

[szwager_z_laband]

z tym pinakynim to my tysz godali np "idymy popinkac" - ino to sie
juz wiyncyj ogolnie godauo, i tak szuo popinkac trocha ze balom abo
we cynbergraja zagrac.

wypinkac sie to tysz bouo ale wypulac sie;)


te suowo je tysz fest stare i som dwie odniego etymologie kere
dzisiej sie ze sobom wadzom:

mosz miano Pinkwart np, i to znaczy,jak jedne godajom, tego co
pilnowou uli we lasach we slonskich lasach downo tymu, abo, jak
godajom druge, tego co pilnowou piyniondzow.

[bratjakuba]

W latach 50-tych słuchoł ech w radiu taki cotydniowy kabaret z Berlina(zach).Krynciyło sie to wszystko wokoł obecności amerykańskich wojsk w Niymcach.
Pojawioł sie tam piyrszy rouz,choć jeszcze nieśmiało tyn zwrot,
"Ami go home" a refren i uzasadniynie było:
Wer soll das bezahlen,
Wer hat das bestellt,
Wer hat so viel Pinke-pinke,
Wer hat so viel Geld? :|

[szwager_z_laband]

www.youtube.com/watch?v=uQQm7bKJskM
;)

[bratjakuba]

szwager_z_laband napisał:

> www.youtube.com/watch?v=uQQm7bKJskM
> ;)
++++++++++++++++++++++++++++++++++++++++++++++++++++++++++++
To o czym godom było zwionzane z tym:
www.ksta.de/html/artikel/1099064180290.shtml

[dede99]

Jak zech czytol te wasze geszichty to przipomniala mi sie jeszcze ,,pucwola"!
Zno to ktos z wos,wiycie co to jest?

lg dede

[szwager_z_laband]

to je u pepikow oficjalnie:)

www.ragen.sk/?id=3

[seppel]

die Putzwolle ?
na Bahnie by sie bes tego niy obeszuo
tero zresztom tysz

[hans-jurgen]

szwager_z_laband napisał:

> to je u pepikow oficjalnie:)
>
> www.ragen.sk/?id=3
--------------------------------------------------------------------
--------------------------------------------------------------------
Mysle, ze nie tylko u pepikow, bo Putzwolle = czysciwo,
uzywalo sie w kazdej hali maszyn, w kazdym warsztacie slusarskim,
a takze na okretach, na parowozach itd.

[bratjakuba]

Przejrzoł ech jeszcze rouz tyn cały konkurs i typy.
Som tam i wichajster choć po mojymu by miało byc wihajster.
Je też ancug,westa i som balakwasty.

[bratjakuba]

Du Hachar verfluchter, pieronischer Bux
Marika übern Reifen springt, was die pajacy ham mitbringt
Sollt ich kapitulirowatsch (…) Tatulek hat zaś Krieg gemacht
Die Mamulka denkt sich doma, was machen Soldaten, denkt sich, żro
kopusta, kloski, trinkt sich Wein
(…) Hab geschrieben Mutter gestern, hab kanone puzowatsch, is pieronstwo
kaput gegangen, muß go bezahlowatsch (…)
Sabioł szablom ganz alleine tausendzwölf turkusen
Moj junge se szlecht auffirowou, ani se sztifli nie wiksowou
Proszę pani, ten auzgus je fersztopfowany
Breslau große Stadt! Berlin jeszcze wiynkszy, rozumisz
Nim di dronga, hau di kobyła, bandzie besser ciongła

[bratjakuba]

Mariko ty starou kryko, ty mos tyn pysk jak stari wertiko
(…) Szlajfiyrze mieli ta łośka z bruskami zamontowano na linksztandze przi kole
Alexander schoł na wander, kupioł boty za trzy knoty
Obejrzi, ludzi choby mrowcow w lesie
Trzy piwa a karty
A, Ignac, słuchej jeno, co robisz? Pójdź, zagromy jedna runda szkata!
Staro, narychtuj tam jeno ten mitak
A potem musza iść do cechauzu po Krankenbuch,
bo do canarcta ida zymby poblombować
A potym geburstag mioły jego baba i bajtel

[szwager_z_laband]

sam cos do smiychu i konsek inaczyj:)

[img]https://schlesien.nwgw.de/foto/albums/userpics/normal_godka%
20001.jpg[img]

[img]https://schlesien.nwgw.de/foto/albums/userpics/normal_godka%
20002.jpg[img]

[szwager_z_laband]

pierona niy klapuo:))

[szwager_z_laband]

no to tak:)

schlesien.nwgw.de/foto/displayimage.php?album=158&pos=42
schlesien.nwgw.de/foto/displayimage.php?album=158&pos=43

tak coby se spomniec ...

[szwager_z_laband]

... a podobnych wontkow juz pora bouo:

forum.gazeta.pl/forum/w,34281,52414048,52945723,kuropizda.html

zgodywanka

[szwager_z_laband]

kto to je/bou po slonsku pszecechtor?

[sloneczko1]

może co podpowiysz bo jo niy wiym

[szwager_z_laband]

podpowiydz je blank srogo - rechtor:)

[sloneczko1]

no dobra,rechtor to rechtor a tyn pszecechtor to jaki to rechtor?

[sloneczko1]

Jednego dnia synek pado do rechtora:
Mamulka sie dali spytać,czy radzi krolika jycie?
No toć,a jeszcze tak gryfnie poczosnkowanego.
Po tygodniu rechtor pado do synka:
No i jak tam z tym krolikiem?
na to synek:
Już nom wyzdrowioł;)

[szwager_z_laband]

to je ajnfach drugi rechtor