Kwiotka do naszych Frelkow

[ballest]

Myslam, ze zaczynomy nowy tydzien, tydziyn w ktorym zacznymy byc juz wielkim
Forum z ponad 10 000 wpisow, also caukym innou dymensja!
Na tym wontku chcam podziynkowac wszystkim naszym Frelkom, ktore tu pisza, a
jak to najlepi zrobic, no chyba z fajnom rozom!

www.coolphotos.de/bilder2/p6181870.jpg

[ballest]

a jak by jakos frelka nie lubioua rozow, to tu mou orchidea:

www.orchideenforum.de/galerie/phala.jpg

[rita100]

hehe, zasypiesz nas Ballest kwiotkami, ale na takie jesienne dni to nawet nie
złe ;))))
zamiast spadających liści mamy okazy róż :)

[broneknotgeld]

Płatki Rouzy

Porachujesz yno sztyry
Dyć se aże czynsom gyry
Zaroz byś wykusiolowoł
Kunszt natury tako stowo.

[ballest]

Bronek, uobejrzi, jakie fajne som switue kwiotka:
www.coolphotos.de/blumen/pictures/5.jpg
www.coolphotos.de/bilder2/p5013341.jpg
Rita a tu juz troszka jesiennie

www.coolphotos.de/blumen/pictures/9.jpg

[szwager_z_laband]

faktycznie, jo tysz sam Dziynkuja Piyknie wszyskin "Frelkom" za to ze z nami
sam wyczimujom:))

[annak12]

szwager_z_laband napisał:

> faktycznie, jo tysz sam Dziynkuja Piyknie wszyskin "Frelkom" za to ze z nami
> sam wyczimujom:))


:)))A mamy inne wyjście:))

A jak panowie tak pięknie dziękujom
to od nas mocka szkryflania oczekujom
A na zadatek śliczne kwiaty dostajemy
wierzą ,że licznik w górę popchniemy:))

[szwager_z_laband]

co na liczniku to je mi jedno
ale miec szpas to je sam sedno
frelkom popszaja zowdy ze szpasym
chociosz daleko 'scie som za lasym
... i za gorami i za lasami
szkryflou roz szwager ze szwagerkami

:))

Moik

[broneknotgeld]

Moik

Moik żech widzioł - rośnie na łonce
Wylozło z ziymi te żołte słońce
Choć trowy jeszcze zielony niy ma
Łon sie pokozoł - pożegnoł zima.

Gyńsipympek

[broneknotgeld]

Gyńsipympki

Gyńsipympki w ziymi jeszcze
Ale wyńdom pryndko - wierzcie
Zaś trowniki nom ukwiycom
Czym sie zowdy jo zachwycom.

[ballest]

Chcecie gynsipampki, mocie je:
www.fotoplatforma.pl/foto_galeria/1181_DSCN3540.jpg

... z makym :)

[szwager_z_laband]

jo sam widza ino "figa"

Bolioczko

[broneknotgeld]

Bolioczka

Bolioczka nic niy bolom
Yno żołciom swojom kolom
Cołkym letnie to som kwiotki
Już wspominom lipiec słodki.

Narcyz

[broneknotgeld]

Narcyz

Narcyz durś na sia sie dziwo
To jest dlo niego jak piwo.

Tulpa

[broneknotgeld]

Tulpy

Tulpy kwitnom już w łogrodzie
Kolor ich aż w łoczy bodzie
Piykno grzondka jest terozki
Dyć te tulpy to dar boski.

Róża

[broneknotgeld]

Niyjednyj Roży - wyznać to musza
Zagrołbych rola aszparagusa
Yno jak szczimać ze jyj kolcami
Czy jyj liść styknie? Łosońdźcie sami.

[broneknotgeld]

Pole róż

Pole róż w Chorzowie
Teroz mi we gowie
I richtig sie ciesza
Z rekordu Guinnessa.

Konwalio

[broneknotgeld]

Konwalio

Niypozorny kwiotek a jak piyknie wonio
Ło modziutki frelce myśli mi przigonio
Łoko durś przikuwo aroma czaruje
Ale jom niy schrupia bo wiym że łotruje.

[rita100]

Bronku, przebijasz wszystkich :)

Za kwiatki pisane i na zdjęciach slicznie dziękuję - śliczny kwiecisty wątek :)
Myslę, że frelki się radują :)

[broneknotgeld]

Hehehe

Toż po to rym jest i jo nim grzesza
Szkryfna ło kwiotku tako sie ciesza.

[sloneczko1]

dziynkuja za te kwioteczka i na obrazeczkach i we wierszykach---wszystkie
śliczne,śliczniutkie som

[broneknotgeld]

Kwiotkow nigdy za dość
Przeca niesom radość.

[rita100]

W te jesienne dni dzyste
kwiatki ładne są wszystkie :)

[broneknotgeld]

Jako kwiotki tako frele
Gryfność im natura ściele.

[ballest]

Dziouszki a tera takie richtig fajne lilie do wos.

www.seniorennetz-erlangen.de/digitalfoto/bilder/liliengarten/lil3.jpg
www.seniorennetz-erlangen.de/digitalfoto/bilder/liliengarten/lil5.jpg
www.seniorennetz-erlangen.de/digitalfoto/bilder/liliengarten/lil9.jpg

Jaśmin

[broneknotgeld]

Jaśmin

Kwitnie piyknie na bioło choby ta dziywica
Jak łona aromom chopa tyż podniyca
Bestoż modo frelka to dlo mie "jaśminka"
Choć żech som niy mody uszczknoł bych jyj kszynka.

Begonia

[broneknotgeld]

Begonie

Gubernator Antyli doł im miano swoje
Mnich francuski je łodkrył w siedymnostym wieku
Dzisioj kolorami cieszom łoczy twoje
Balkon i łogrodek - sodź je tam czowieku.

[broneknotgeld]

Begonia

Łod Begona miano se tyn kwiotek wzioł
Łon gubernatorym na Antylach boł
W Brazylii go piyrszy francuski mnich znod
Plumier sie nazywoł - z begonii był rod.

Malwa

[broneknotgeld]

Malwa

Łozdoba to jest naszych łogrodkow
Łodyga jeji wcale niy krotko
Zowdy zza sztachet tyn kwiotek wyńdzie
Dyć podziwiomy go prawie wszyńdzie

Niy yno jednak łona jest piykno
Bo przeca tyż nom pomogo
Jak sie mynczymy kucaniym chrypkom
I brzuch nom coś niydomogo.

[rita100]

Malwa wielki kwiat
do jesieni trwa

Irys

[broneknotgeld]

Irysy

W Egipcie cynione
Przez Grekow chwolone
We zocy Francyji
No i Floryncyji

Z łogrodka je znomy
I durś podziwiomy
Som choby lilije
A klara w nich żyje.

Zimowitek

[broneknotgeld]

Zimowitki

Zimowitki już rosnom we różowym fiolecie
Chyba szepto kwiotek że zima sie plecie.

Chryzantyma

[broneknotgeld]

Chryzantymy

Wiela urody łone tyż majom
Ale z kerchowym mi sie zlepiajom.

Gardynia

[broneknotgeld]

Gardynia

Aleksander Garden doł miano kwiotkowi
Żył łon w Hameryce - kożdy ci to powiy
Tam ze Chin te krzoki downo sprowadziyli
Z pomocom Gardena pryndko rozmnożyli.

Dziywanna

[broneknotgeld]

Dziywanna

Z Itaki Odysa - ponoć to godajom
Przed czarami Kirke dziywanna chroniyła
Bestoż jyj i dzisioj wiela ludzie pszajom
Wierzom że w niyj siedzi jakoś wielko siyła.

[broneknotgeld]

Ło dziywannie

Dziywanna pomoże jak cie gardło mynczy
A i przi żołondku jakby myni jynczysz
Pryndzyj przi niyj nawet zagoji sie rana
I we nerwobolach zaśpiywosz "Łoj dana".

Kłodzko róża

[broneknotgeld]

Róża kłodzko

Pełnik europejski różom kłodzkom zwany
Zowdy był na Ślonsku przeca podziwiany.

[ballest]

No to mocie ta Konwalia
www.pflanzen-bild.de/blumen/Maigloeckchen-Bluete-weiss/Convallaria-majalis05.jpg

Flider

[broneknotgeld]

Flider

Z flidrym cołkym wiosna momy
Dyć to wszyscy wiymy
Woniom jego se dziwomy
Koniec to tyż rymy.

Azalia

[broneknotgeld]

Azalie

Azalie sie aszom
wielokolorowo
Gryfne swojom krasom
tako im sie zdowo.

"Rajski ptok"

[broneknotgeld]

Strelicjo krolewsko - "rajski ptok"

Dziko rośnie we Afryce
Pewno ło tym wszyscy wiycie
Krewni ziyla - toż banany
Łony kwiot ciekawy dany

Ksiynżno of Meclenberg-Strelitz
Miano dała take jeji
Ślubnom krola Anglji była
Stond "krolewsko" se zrobiyła.

Niyzapominajka

[broneknotgeld]

Niyzapominajko

Niyzapominajko - ło czym mom pamiyntać?
Dobrze wiysz że u mie to jest richtig piynta
Pewno cie mi zesłoł Tyn co jest we Niebie
Dyć pamiyntom ło Niym jak blikom na ciebie.

[rita100]

Niezapominajka drobniutki kwiatuszek
czasmi ozdobą nie jednych poduszek ;)

[broneknotgeld]

W betach sie niy zapomino
Kwiotek tako przipomino.

Cieszynianka

[broneknotgeld]

Cieszynianka

Zielony kwiotek - złoty środeczek
Łod cieszynianki co wiyncy chcecie?