rita100
13.07.09, 23:48
Jek Ciómperlik cere kedajś achtowoł
Rózia i Hanys Ciómperlikozie mnieli ślicno cere. Na miano jij było Gustlicka.
A dzyweczka taka szwarna była, co galany do nij schodzili sia jek nie
przymierzajonc na film "Przemineło z wiatrem". No i przyłaził taki jedan
szykowny Francik, co to eszcze wónsów ni mioł.
Stary Hanys Ciómperlik wielce dboł ło hónor swojij cery i co siułka dawoł
pozor na młodzionów, coby miandzy nimi żodnych fizymantów ni buło. No jó !
Alić czy łusiedzi Hanys w jednam placu keby zaro musi na łobora jiść, abo
tabake zakurzić.
A młodzion ino na to czekoł i zaro noczuł szkubać gryfno dziywcyne. To za
rynkaw jó szkubnół, to lubeźnie za palusek jó fito, to za kabot.
I tak roz, drugi, trzyci, szworty i tedy stari Hanys nie strzymoł. Wloz do
jizby i goda:
- Dziywcynko, jidź na dwór, nazbieroj kruszek i Gustlikoziu przynieś, bo
jeszcze nie kosztowoł.
I kedy cera wyszła na dwór tak stary Hanys poziedzioł:
- Słuchoj Gustliczku, ty wiysz, co możesz sie czuć jek w swojam domu. Chce ci
sia pić, wiysz, co kofka w żbónku je, możesz jiśc i se naloć i sie napić. Chce
ci sie zakurzić, możesz leź na ganek, tam só cygarety, możesz se wziójść i
zakurzyć, wiysz, chcesz se zagroć na harmóniji, wiysz, ze stoji na kómodzie,
możesz se jó wzióńć i zagroć. Możesz som łu noju robić, co chcesz, co ino
żywnie by ci sia podobało, ale suchaj chopoczku, żebyś ty mi moja cere za
kabot fitoł, toż z tygo niy mo nic !
no to pyrsk
