HUBERT I ALFRIDEK

[rita100]

Hubert polazł do dochtóra. Dochtór łoboczuł jygo czyrwony kinol i goda:
- Za gwołt psijeta, a za mało żryta.
- Co robzić, na wciórko nie styknie.

[rita100]

Chtoś zaklopowoł do dżwierzów i ryczy: - Łotwórz policaj !
Za dźwierzami fest mocny rumor i za silka łotwiero zestrachany Hubert, a tamój
uśniechnianty Alfridek i godo: - Nie strachaj sia, to ino jo z halbkó przyloz.
Na to Hubert godo: - Ty głupeloku, a jo do sroka spuściuł coluski gónsior zina.

[rita100]

- Te Hubert, co Tobzie sia stało ? Chtórny ci te zamby wykowoł ?
- Mojo baba !
- A przeciez godoł co wycióngała na badi !
- Paraluch morowy, tyz am tak mysloł !

[rita100]

Hubert i Hilda żuli pospołu do kupy juz dwadziścio lot, a eszcze sobzie nie
ślubowali. Nie hajtli sia, bo roz łóna ni chcioła keby łón buł łożarty, a łón
juzaś nie chcioł kej buł trzeżbzi.

[rita100]

We Francyji w rystołracjo:
Hubert: Ty, majóm tu strasznie dobre ślimoki.
Alfridek: Ja, tóż nie mów?
Hubert: No, jedyn noju prazie łobsłóguje.

[rita100]

Hubert ze Alfridkam sia łodzitowujó, bo Hubert wyciunga do Rajchu.
Alfridek godo: - Ty mosz fejniście, tam je gwołt roboty, a psianióndze 'lyzom na
ziamni', ino trza sia schylić.

Hubert przyjechoł do Hamburga, wysiodo z cuga, jidzie i łoraz ślypsio, lof lezy
20 EURO, juzaś chce podniyś...prazie sia schylo, pomyśloł, psiokrew, psiyrszy
dziań to jo nie bande robiuł !

[rita100]

- Hubert, jek myślisz, co je barzi ciajżkie, kilo psiyrza abo zelaza ? - pyta
sia Alfridek
- Ty gupsieloku, przecie kilo to kilo!
- No to jekieś taki móndry to spuść se kilo psiyrza, a potam kilo zelaza na
noga, a łoboczysz co je ciajznsze!

[rita100]

- Jek Hubert sortuja pranie ?
- To tak ! Na łuciorane i łuciorane, ale eszcze można łodziać.

[rita100]

- Co robzi Hubert, kedy che sia kómpać w bani w bómbelkach ?
- Na łobzod zjada groch z kapusto.

[rita100]

- Kedy Hubert mówzi do rzeczy ?
- Keby szofe łotwiera

[rita100]

Hilda goda do Huberta:
- Wziesz, jo to mniała am w swojam życiu dwóch takich rychtycznych chopów.
- A chto buł tan drugi ? - pyta sia Hubert.
- O jenu, co ci bande godać, toć nawet psiyrszygo nie znosz....

[rita100]

Alfridek godo:
Ziysz, Hubert, dzisioj w nocy tak mie zamby boleli, co psiokrew ani niy mog
usnóńć. Znosz li tan ból ?
- Niy, bo jo ze zambami nie śpsia.

[rita100]

Na targu trasia sia Hubert z Alfridkam
- Zitoj Alfridku, co tu bandziesz kupowoł ?
- Kónia, ale psianiandzy ni mom... A Ti Hubert, co na jarmarku kupsisz ?
- Jo, to bym chcioł sprzedoć kónia, ale kónia ni mom !

[rita100]

Alfridek potkoł Huberta i godo jamu:
- Alech cie psiokrew długaso nie ziydzioł.
- Toć am siydzioł
- A za co to ?
- Za to com głowo ło mur bziuł
- To za to tyz juz wsadzajom ?
- No jo! Bo ziydzisz, to niy buła moja głowa.

[rita100]

- Alfridek, skónd mosz take psiankne nowe koło ?
- Ach, ziysz, buł-am z Hildo nad jyzioram i kómpalima sia. Kómpalim sia, potam
całowalim sia, potam znowój kómpalim sia, a potam..... Hildo pozieduwała:
A teroz se Alfridek bzierz to na co ci w lepa". Mnie nie trza dwa rozy godać.
Łaps za koło i juz je moje.

[rita100]

Roz Hubert z Alfridkiem szli kele kościoła. Łoraz Hubert styjoł czopka na znak
pozdrozienio.
- Jo myśloł - goda Alfridek - coś ty z Ponam Bogam je na bakier ?
- No bo tak je - godo Hubert - mym sia ino pozdraziamy ale z sobó ni godowa.

[rita100]

Pozieduje Hubert do Alfridka:
- Hubert, tak sobzie myśla, ze wciórcy pozinni lokować psienióndze w gorzołeczce.
- Taaa, łóna je nojwyżej łoprocentowano.

[rita100]

Do karcmy wchodzi Hubert i goda do karcmarecki:
- Moje mnianio Hubert Bónbola i prosza jedan sznapsik.
- Toć panoczku, ni musi pan sia przedstaziać coby kupać sznapsik - goda karcmarecka
- Musza, musza. Nie chca być anonimowy łalkoholikam!

[rita100]

Potkoł Hubert Alfridka:
- Kaj jidziesz ?
- Na sznpasik.
- Psiokrew, jek Ty potrasisz człozieka namózić - reduje sia Hubertus

[rita100]

Alfridek potkoł Bziyrnotke
- Bziyrnotko, ksiotuszku, je take psiankne pozietrze, a słóneczko aż pali,
przeszpacyruj sia ze mnó do lasa.
- Niy, do lasa z tobó niy puda, bo eszcze ma krzywda uczynisz.
- Toć przysiangom ci, nojdroższo, ze nie zrobzia ci żodnej krzywdy.
- No jó, a boć co tam mowa jiśc ?