wiosna nasza

broneknotgeld Re: wiosna nasza 02.10.03, 17:47

Maj mo pszonie durś we gowie
Kożdo frelka nom to powie
Tyż durś ło tym karlus myśli
W nocy sie to czasym prziśni
Tela mocy jest we maju
Że sie ludzie wiyncyj pszajom.

broneknotgeld Re: wiosna nasza 02.10.03, 17:53

Na głowie w maju już wyros włos
Bestoż tyż tukej zabiyrom głos
Blyszczy sie jedyn włosek na glacy
Zaroz to widać jakoś inaczy
Jużech pokozoł go nawet frelkom
Z jednego włosa radość mom wielkom.

broneknotgeld Re: wiosna nasza 02.10.03, 17:54

Momy teroz piykny maj
To jest przeca bykow raj
Znak zodiaku to majowy
Rym sie bykom pcho do gowy.

broneknotgeld Re: wiosna nasza 02.10.03, 17:55

Byk bykowi niy dogodzi
A jałowka po to chodzi.

broneknotgeld Re: wiosna nasza 02.10.03, 17:59

Majka

W maju jom niy boli gowa
Pszoć sie w maju durś gotowa
Bo to przeca wiosna jest
Trza korzystać richtig fest.

broneknotgeld Re: wiosna nasza 02.10.03, 17:59

Kto durś maj we gowie mo
Niych tu jakeś rymy do
Pryndko lecom te miesionce
Zaś majowe bydzie słońce.

broneknotgeld Re: wiosna nasza 02.10.03, 18:00

Jak w maju frela szaleje
W lipcu niy zowdy sie śmieje
Żołondek czynsto sztrajkuje
Już łona wiy - już to czuje.

broneknotgeld Re: wiosna nasza 02.10.03, 18:01

We wrześniu

Zowdy we wrześniu ślubow jest mocka
Godajom - "Winno majowo nocka".

broneknotgeld Re: wiosna nasza 02.10.03, 18:02

W maju te pszonie bije do gowy
Pryndziuchno potym miesionc miodowy
Po niym terozki ślub jest dopiyro
No i ta para już sie dociyro.

broneknotgeld Re: wiosna nasza 02.10.03, 18:03

A jakby tak z kwiotka na kwiotek
Nastympne dwadziścia lotek
- No niychby yno we maju
W piekle byda czy w raju?

broneknotgeld Re: wiosna nasza 02.10.03, 18:03

We wiosna wszysko jest naj
Bo momy wtedy tyn maj.

broneknotgeld Re: wiosna nasza 02.10.03, 20:50

Blikej na inksze - czimej sie swoji
Pedzioł mi w ucho wiosynny mojik.

broneknotgeld Re: wiosna nasza 15.03.04, 17:07

Już dzisioj rano ptoszki śpiywały
Pewno wiosynka se łoznajmiały
Widać że jeji sie już doczkomy
Ckniyło nos za niom - dyć prawie momy.
- broneknotgeld Re: wiosna nasza 16.03.04, 15:54
  
  Na cukrowki blikom jak gniozdo budujom
  Łone tyż terozki richtig wiosna czujom.

broneknotgeld Re: wiosna nasza 18.03.04, 07:52

18 marca

Marzec pryndko rośnie nom
Gro w niym jakby jakiś dzwon
Pewno wiosna sie przidarzy
Bo już wiela za niom marzy.

broneknotgeld Re: wiosna nasza 19.03.04, 07:14

Marzanna we Toszku

We Toszku dziecioki ta Marzanna spolom
Dyć kaj indzi przeca utopić jom wolom.

broneknotgeld Re: wiosna nasza 19.03.04, 23:41

W lesie już ponoć słychać dziyńdzioły
To jakby wiosny signal wesoły.

hepik1 Re: wiosna nasza 20.03.04, 06:41

Jednego dziyncioła to już od dłuższego czasu słychać a przinajmni widać...;)
- broneknotgeld Re: wiosna nasza 20.03.04, 08:11
  
  Ano ano - zaś tu wloz
  Widzi mi sie że w som roz.
  - hepik1 Dziyndzioły wszystkich szteli -łączcie się do kupy 20.03.04, 09:14
    
    forum.gazeta.pl/forum/72,2.html?f=638&w=10097500&a=10097500
    - ciupazka Re: Dziyndzioły wszystkich szteli -łączcie się do 20.03.04, 13:25
      
      Hepik1 dziyndzioli, fanzoli
      a mo pusto na szteli?
      To w Rudzie śpiywały jaskółki,
      ze nojgorse som jest spółki...?
      Telo.Pozdr.
      - hepik1 Re: Dziyndzioły wszystkich szteli -łączcie się do 20.03.04, 16:32
        
        Hepik1 dziyndzioli, fanzoli
        A tobie sie p.....doli.
        A poza tym niy pusto ,niy moji,niy spółki.3X NIY
        
        Telo.Pozdr.
  - broneknotgeld Re: wiosna nasza 20.03.04, 23:45
    
    WIOSNA
    
    Wiosna! -Jakby nowe życie
    Przeca dobrze ło tym wiycie
    Zowdy cosik w nos sie budzi
    Ciongnie bardzi zaś do ludzi
    Baba z chopym karlus z frelkom
    Cisnom do sia z siyłom wielkom.
    - broneknotgeld Re: wiosna nasza 21.03.04, 23:53
      
      "Dziołuszki! Bydźcie dlo nos dobre"
      Jak te nasze niebo przepiykne i modre
      Niy darmo dyć Adam stracioł swoje ziobro
      Dlo karlusa frelka zowdy mo być dobro.
      - broneknotgeld Re: wiosna nasza 30.03.04, 21:10
        
        Zaś jest ciepło - słonko - wiosna
        Wszyńdzie słychać jakby - ROSNA.
        
        broneknotgeld Re: wiosna nasza 03.04.04, 11:45
        
        Żaś te trowy wypolajom
        Fioła ze tym richtig majom
        W fojerwerze huk roboty
        A to wszysko skiż gupoty.
        
        broneknotgeld Re: wiosna nasza 08.04.04, 17:11
        
        Ciyngym trowa sie hajcuje
        A przeca to niy pasuje
        No i ziymia jałowieje
        Dioboł fest sie z tego śmieje.
        
        broneknotgeld Re: wiosna nasza 16.04.04, 19:29
        
        Wreszcie nom teroz magnolie kwitnom
        Już żodne "mrozy" wiosny niy wytnom.

broneknotgeld Re: wiosna nasza 17.04.04, 22:28

Halymbsko magnolia

Winkel "Miodowo - 1-go Maja"
Tam na magnolia se blikom
I choćbych nawet mioł w gowie haja
Przi jeji kwiyciu se rzykom.

hepik1 Re: wiosna nasza 18.04.04, 08:45

Koło moji chałpy Notgeld sie krynci,
yno udowo ,że go magnolia tak nynci,
A jo sie z rana tak z łokna dziwowoł,
Że jakiś łysol do drzewa modły odprowioł.

pejsaty Re: wiosna nasza 21.04.04, 13:25

sloneczko calkiem przyjemnie dzisiaj grzeje
wezme browarow pare i... sie schleje
;)

pejsaty Re: wiosna nasza 21.04.04, 16:31

piwsko juz sie mi skonczylo
ale nie powiem... bylo milo
- broneknotgeld Re: wiosna nasza 21.04.04, 22:04
  
  Coś za mało chmielu było
  I za pryndko sie skończyło
  Możno jednak recht jest w tym
  Dużo piwa - śpi tyż rym.

broneknotgeld Re: wiosna nasza 13.05.04, 16:17

"Zimne łogrodniki" swoje dokazujom
Zimne gyry Zośki przeca łoni czujom.

broneknotgeld Re: wiosna nasza 15.05.04, 13:39

"Zimno Zośka" prziszła dzisioj
Możno zaś napocho cosik
Dyszcz jakby nad nami wisioł
A farorz pogody prosi

Festyn robi przi kościele
Słonko by sie fest przidało
Wtedy byłoby wesele
No i wszysko sie udało.
- broneknotgeld Re: wiosna nasza 03.06.04, 09:34
  
  Skończy sie wiosna i przidzie lato
  We kerym frelka bardzi sagato.

Najnowsze z forum Śląskie - region

Zaloguj się