Gość: Bronek IP: *.elsat.net.pl / 10.1.0.* 19.05.03, 12:57 Lecha Szarańca czytoł żech ksionżka A potym pisołch ło różnych konskach. Odpowiedz Link Zgłoś Obserwuj wątek Podgląd Opublikuj
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:01 Agnieszka Łod huty cynku szło jeji miano Bo jom tu piyknie "Agnes" nazwano Konsek a byliby my w Chorzowie Dyć jom przigarła gmina Wełnowiec Kto z wos pamiynto te piykne zdjyńcie? Co biydaszyby przi "Prezydyncie" W latach kryzysu pokazywało Z tego słynyła Agnieszka cało Dzisioj sie wspomnij ta kolanijo Jak czasym droga Agnieszki mijosz. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:03 Kostuchna W Kostuchnie miyszkali na "Murckach" robiyli No a potym jeszcze na tych "Bożych Darach" Coby ze grubami tu sie niy pomylić "Emanuelssegen" - wspomna nazwo stara Potym to cuzamyn we "Murcki" zebrali Miano łod bergmonow kere szli z roboty Ta gruba w Kostuchnie fedruje nom dali Jak na niyj durś robisz to nosisz galoty. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:04 Alfred Tyj gruby "Alfred" już tu niy momy Ło "Hohenlohe" zapominomy A na Alfredzie przeca bergmony We familokach byli sie pony To tukej po swyj ciynżki robocie Mieli ze życio choć trocha pociech W Polsce Alfreda nom podzielyli Do Siymianowic konsek dopiyli Reszta z Wełnowcym we Katowice W tym eku trzech miost momy granice. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:05 Amanda Na mapie Katowic jom ciynżko jest znolyść I niy mosz dyć richtig tam za czym tyż polyść Choc było tu kedyś dość gwarno i ludno Skończyła sie gruba zrobiyło sie nudno Kolonia i gruba jedne miały miano Przepiyknie je kedyś Amandom nazwano. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:06 Bagno Bergmony z "Elfridy" tu kedyś miyszkali Naprowdy w marasie sie czynsto toplali Jak huty "Bernhardi" nastały tu czasy To Roździyń sie chwoloł tutejszym marasym A dzisioj te "Bagno" to wynzeł drogowy Jak z Ronda se jedziesz prosto do Mysłowic. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:07 Bederowiec Bederowiec to był Domb Józef Beder to był ksiondz Biydnie sie tu ludziom żyło Wiela slamsow we tym było Kto pamiynto te "Maroko" Kaj niyjedyn choncwot skokoł Dzisioj to jest niby szpan "Tysionclecie" prziszło dran Stojom tu wielgachne bloki A niy stare familoki Zaś po drugi stronie skarb Tyn nasz ślonski lunapark Kery dzisioj robi klapa Bo w niygospodarnych łapach Coś mi jeszcze świto teraz Niy ma drogi tu Bedera. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:09 Bogucice Już w wieku czinostym - łod lot to godajom Stoła tukej wioska na prawie niymieckim Dyć nojstarszy papior z kerego jom znajom Wionże z wojewodom sie tym sandomierskim Otton ze Pilicy - take jego miano We cztyrnostym wieku wieś mu ta nadano Mikołaja była we tym szczyro wola - Ksiyńcia Raciborza no i tyż Opola Potym było tukej Ksiynstwo Pszczyńske sławne Z kerego Salamon wykroł ordynacjo No i w końcu prziszły czasy niy tak dawne Jak po Mieroszewskim Tiele-Winckler nastoł Bo wszyscy my wiymy że te Bogucice Były ważnom czyńściom "Państwa Mysłowice" Przipadła im przeca ciekawo kariera Rosnyły se razym z majontkym Wincklera. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:11 Kuźnica bogucko Staro kuźnica przi rzyce Rawie Stoła tu ponoć w piytnostym wieku To sie niy mieści we gowie prawie Ajza dyrś loli - mody człowieku. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:12 "Ferdynand" Jako by żyły bogucke strony Bez "Ferdynanda" kerego znomy Ta gruba dowo durś przeca życie Dzisioj jyj miano to "Katowice". Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:13 "Fanny" "Fanny" to miano jest huty cynku Kaj ciongło wiela boguckich synkow Dzisioj już werku tego niy szukej "Czas cynku" skończoł sie przeca tukej. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:14 Kościoł bogucki Matko Bosko Bogucko łaskami tu słynie Werci sie z pielgrzimkom być i w tyj dziedzinie. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:16 Borki Przicupły prawie nad tom Brynicom W Sosnowiec ciepnoł byś stond kłonicom Mie gruba "Polska" zaciekawiyła Co w miyndzywojniu tukej stanyła Dyć dwóch knajpiorzy jom miało przeca Co z niyjednego jedli chlyb pieca. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:17 Boże Dary Tu gruba "Boer" Hohberg założoł Do tego kolonio doszła Za staryj Polski wongel tyn wożoł Pszczyna stond jeszcze niy poszła Przed drugom wojnom zmiynili miano Kawałka tyj ślonski ziymi Już "Boże Dary" wszysko to zwano Teroz cieszymy sie nimi. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:18 Boże Dary Kedyś we pszczyński gminie Podlesie Potym w Kostuchna wlepiyli No a za Gierka - wieść ślonsko niesie Do tych Katowic je wpiyli. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:20 Brynów W historio sie wpisoł we tyn wiek piytnosty Choć nikt tu niy miyszkoł aż po siedymnosty Ponoć we włodaniu kedyś był Cieszyna A za Salamonow przigarła go Pszczyna Ponow tukej było chyba aż za wiela W dziewiytnostym wieku we rynkach Wincklera Pod koniec go jednak Hohenlohe capnoł No i już za Polski w Katowicach klapnoł. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:21 W Brynowie W Brynowie Polokow zawsze było tela Że nawet z Katowic "wyciepli" ta sztela Jak zrobiyli ze nich miasto cołkym nowe Brynow gminom zostoł - co tyż było zdrowe Potym fest rozkwitło polske życie tukej A korzyni tego "U Rzychonia" szukej. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:22 "Oheim" - "Wujek" Ksionże Hohenlohe gruba ta postawioł Wielgachno bo łon sie drobnicom niy bawioł We tych Katowicach do dzisioj fedruje Bo przeca ze "Wujka" durś sie wongel suje. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:23 Burowiec Wedle Dombrowki tyj Mały Chałpy Burowca se stały Ziymia se leko łorali Aże Wincklerow poznali Ze hut sie tu zakopciyło Gruba tyż rosła aż miło Swoje dociepli łod Gischa Kajsik strociyła sie cisza Wongel i ajza - ołow i cynk Bamber ze tego tukej by pynk. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:24 Domb Łod średniowieczo już Domb był tukej U bożogrobcow dowodow szukej Przeszli jak burza przez Domb Tatary Zniszczyli nawet tyn Chorzow stary Dyć miechowitow wioski to były Lazarytowi ciyngiym służyły Tymu z Bytomia - Świyntego Ducha Kaj wiela chorych znodło otucha. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:26 We Dymbie Farorz ze Chorzowa srebra tukej szukoł Pieronym uparcie pod ziymia durś kukoł Domb kolybkom bergmonow skiż tego sie stoł Dyć różnistych metali rudy przeca mioł. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:27 Dymbowe szachty Ta "Ksiynżno Jadwiga" i "Jadwiga Nowo" Gruby parafialne - tyż farorz je stowioł Łone już fedrunkym wonglo sie trudniyły A te jejich szachty jeszcze płytke były. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:28 Pudlingarnia Baildona pudlingarnia tukej Teroz jom w hucie "Baildon" szukej Chocioż zmiyniała właścicieli Miano łostało bo tak chcieli. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:30 "Waterloo" "Waterloo" - gruba tako tu była Dusza Baildona we niyj sie skryła Czimoł na społa łon jom z klasztorym Tym co pomogoł Ślonzokom chorym Potym wyrosła z niyj "Eminyncjo" Bo w wonglu przeca była potyncjo Za tyj komuny "Gottwald" jom zwali Dyć czorne złoto sypało dali Złonczyli jom tyż ze "Kleofasym" A jak czerwone przestało straszyć I nikt niy kłonioł sie tymu po pas Zrobiyli "Katowice - Kleofas" Dyć nojważniejsze jest to że w Dombie Tyn duch Baildona durś w ścianie rombie. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:31 Dombrowa Niydowno łona we Katowicach Durś swojym lasym może zachwycać Wiedzie do niego ta droba "Saska" Mor tukej dopod wojsko - do diaska Byli na służbie Augusta Sasa Tukej skończyli w Dombrowy lasach. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:32 Dombrowka Mało Niy wiym czy idzie godać ze mało Jak z samyj nazwy by wynikało Gmina tu przeca dość ludno była Co koloniami sie łobłożyła Norma i Pnioki Czekaj Burowiec Ze niyj wyrosły te sztele nowe A jak dołożyć gruby i werki Powiym że konsek Ślonska był wielki. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:33 Łod Gischego Spadkobiercy Gischego tu wiela zrobiyli Bo łoni we huty geld swoj durś topiyli Tyn ich "Gisches Erben" tu cynk srebro ołów Wybiyroł garściami ze Dombrowki stołu. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:34 "Jerzy" Ta gruba w Dombrowce trza tyż tu wspominać Bo sie niom asiyła przeca cało gmina Choć życie bergmona niy było wesołe Robota we "Jerzym" dowoł Hohenlohe Za tyj staryj Polski zaczły sie problymy Pryndko jom zamknyli ło tym tukej wiymy. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:35 Dobro Myśl Terozki tu stojom yno same bloki A kedyś miyszkali z Wełnowca boroki Roboty dyć łoni w kryzysie niy mieli Bez to we barakach siedzieć tu musieli Ło te dobre myśli niy było za leko No i do roboty durś mieli daleko. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:36 Fryderyka Kolanijo Fryderyka kedyś tukej była Dyć w Wełnowiec sie dość downo cołkym nom wtopiyła Hohenlohe jom założoł dlo tych z werkow jego Miano swoje tyż dołożoł no i tela z tego. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:38 Giszowiec Ta modo osada Gischewaldym zwano Łod tych z "Gisches Erben" wziyła swoje miano Las piyrwyj należoł do Thiele-Wincklera Osiedle powstało piykne jak cholera Dzisioj by pedzieli że było wzorcowe Chałpy przeca tukej tyż cołkym stylowe Bergmon po robocie w łogrodku sie siedzioł Za co tak harowoł - ło tym dobrze wiedzioł Leciało to dalyj za tyj stary Polski Dyć po drugi wojnie nastoł już czas "swojski" Łoboczyli my to w "paciorkach rożańca" Jak komuna wziyła starzykow do tańca "Łobalić trza stare - postawić se nowe" Bez to momy tu tyż osiedle klockowe Stare ze tym nowym dziwnie pomiyszali Ciekawe co piyrwyj bydzie sie zaś walić. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:38 Huta Arnold Huta cynku "Arnold" i jyj kolanijo Janowa to była kedyś familijo W Katowicach dzisioj lecom im godziny Arnolda poszukej wele tyj Boliny. Odpowiedz Link Zgłoś
lollaa Re: 'Osady i osiedla Katowic 19.05.03, 13:55 Boze - jak ja bym chciała tak pisować! Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 20.05.03, 19:42 Jeronie - dyć frelko To sprawa niywielko Trza Ślonskym podychać Kaj indzi niy wzdychać A potym - to powiym Poczonsnońć rynkowym. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:40 Janow Ta janowsko ziymia kedyś w Mysłowicach Mieroszewskich cało była okolica No a polske ponki hulali za wiela Majontek sprzedali we rynce Wincklera Jak tu była gmina to ci łod Gischego Fedrowali wongel richtig na całego We Polsce w Janowie wiela sie zmiyniyło Koncek w Mysłowice cołkym sie wtopiyło Reszta zaś dotrwała do Polski Lydowyj Dyć pryndko jom wciepli do Szopiynic nowych A jak w siyła rosły potym Katowice Połknyły tyn Janow z miastym Szopiynice. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:40 "Gische" Kopalń janowskich było bez liku Zrobiyli z nich jedna - "Gische" Wiela pokolyń naszych gornikow W ziymia łod lot tu sie pisze I chocioż teroz inksze jyj miano We gymbie "Wieczorek" momy Fedruje bergmon tukej co rano Durś wongel stond dobywomy. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:41 We Janowie We Janowie malować lubiyli Z tego downiyj już tu zasłynyli Piyrszy ze nich Ociepka Teofil Jo bych pedzioł że łon był "carbofil". Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:42 Jozefowiec Miano łostało po tym Bederze Zeflik mu przeca godali Droga Bedera - naszkryflom szczerze Tyż Jozefowskom nazwali Bo jak komuna prziszła po wojnie A ze niom zaś inkszo nyndza Farorz we grobie społ niyspokojnie Niy chcieli patrona ksiyndza Dyć zamazane to jakoś dzisioj Jakby historio ktoś sprościoł Ło tym ksiynżoszku wiyncyj by słyszoł Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:43 Jozefowiec Skiż Hohenlohego - pana na Bytkowie Pryndko sie rozwinoł tyn nasz Jozefowiec Ci ze werkow jego musieli kajś miyszkać Po blisku - by piechty zadreptać na szychta Były jednak tukej tyż przeca i szkoły Chor i rożne zwionzki co Polsce durś pszoły Już we polskich czasach pryndko Jozefowiec Włonczyli na amyn we gmina Wełnowiec Jak po drugi wojnie rosły Katowice To sie upomniały ło te okolice Miano nom łostało - tako zwom osiedle Droga Jozefowsko co leci tyż wedle Yno zaginyło nazwisko Bedera Choć myśla ło ksiyndzu - biere mie cholera. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:44 Karbowa Dzisioj to historio - miano zaginyło Ze Katowicami w jedno sie stopiyło Była to osada Bogucki Kuźnicy Folwark piykny leżoł na samy granicy Huty i cegelnie powstały tyż tukej Dzisioj jednak lepiyj ich wcale niy szukej Jak zajrzysz to widzisz teroz blokowisko Kaj? -"Na Paderewskim" - powiy kto tu miyszko. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:45 Katowicko Hołda Kto dzisioj tyj nazwy używo? Chyba jakiś trocha dziwok Wyleciała już ze mapy Choć tam czynsto niesom szłapy Jak w Kościuszki żeś jest parku To na Hołdy tyj kawałku Rondym Mikołowskym karniesz Zaś ta Hołda cie przigarnie Nawet konsek autobany Tukej jest wyrychtowany No i "Wujek" durś fedruje Przeca Brynow prawie tu jest. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:47 Klizmowiec W Katowicach z Klizmowca nic niy ma Szłoby tukej łopuścić tyn tymat Dyć przez pamiyńć zocnego młynorza Jednak szkryflać sie ło tym łodwoża Domki kedyś te fińske tu stoły Teroz w niebo sie dropiom "pachoły" Beton jakoś niy cieszy mie wiela Wolołch staro spokojno ta sztela Tysionclecie tu dzisioj jest Gorne Chocioż życie wydaje sie chmurne Jada bankom i blikom ze glajzow Widza yno tyn kopiec amajzow Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:48 Kokociniec Konsek Katowic przi samy Rudzie Możno Kłodnicom spłynońć tam pódzie Jest tu osiedle bergmonow "Ślonska" To tyż ze Rudom nitka niywonska Piyrwyj tu były jednak dziedziny Łod tych Hochbergow ksionżont ze Pszczyny Huta i gruba tu postawiyli Wonglym już przeca ajza topiyli. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:49 Kolonio Wysockiego Na trasie z Giszowca do tego Nikisza Po drodze kolonio se leży Terozki niywiela jo ło niyj już słysza Wysocki jyj patron - uwierzysz? Dyć był to se karlus co Flawian mioł miano Łon kedyś harowoł na "Gischu" Komunie pszoł mocno i bestoż tak zwano Osada przi sławnym Nikiszu. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:50 Kopaniny Prawe i lewe te Kopaniny Kedyś Hochbergow piykne dziedziny Dzisioj przigarły je Katowice Przi Mikołowie te okolice. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:51 Kostuchna Staro osada to jest Piotrowic Kero sie tak rozwinyła Że nim włonczyli jom do Katowic Miastym być tyż już zdonżyła. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:52 Koszutka Kolanijom Bogucic swego czasu była Ponoć łod młynorza miano swoje wziyła Jak te gruby i werki zaczli tukej stowiać To i chałpow trza wiyncyj było wybudować Z czasym familoki klocki zastompiyły Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 13:57 Wyboczcie mi, że jeszcze roz to samo, ale źle żech to wlejoł Koszutka Kolanijom Bogucic swego czasu była Ponoć łod młynorza miano swoje wziyła Jak te gruby i werki zaczli tukej stowiać To i chałpow trza wiyncyj było wybudować Z czasym familoki klocki zastompiyły We mojyj pamiyńci yno łone były. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:22 Kuźnica Bogucko Kuźnica Bogucko tukej piyrwyj była Łona nad Roździankom sie nom rozwinyła Dyć ło niyj Walynty Roździeński napisoł Że Jurga Kleparski kuźnikym tu prziszoł Bez lata jom zwali durś łod tyj kuźnice Choć rosła tyż tukej ta wieś Katowice Po myśli inkszego kuźnika - Andrzeja By z czasym zastompić jom we dalszych dziejach. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:24 Huta "Marta" Dzisioj jom niy ma choć dugo była Prawie przi rynku miasta nowego Tam kaj ta sławno kuźnica żyła Wspomnij kuźnika tu boguckego. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:25 Ligota Łod Staryj Ligoty wszysko sie zaczyło Choć we downych czasach ciynżko tukej było Rzondziyła tu przeca czynsto tyż zaraza Po polach sie huloł wiater we tych razach Jak sam zaś nastały czasy huty "Idy" Poleku Ligota wylazła ze biydy Doszła jeszcze gruba kerom "Szadok" zwali Wongel do tyj huty we niyj dobywali Dobrze tyż sie stało że cug tu puściyli Bo małe letnisko z Ligoty zrobiyli Przi banhofie rosła osada łod nowa Ta staro przi nowyj zaczyła sie chować Wszysko to sie dzioło tu za Niymca jeszcze We powiecie pszczyńskim była wtedy - wierzcie A już za tyj Polski cołko okolica Czwortom tajlom była we tych Katowicach Dyć do dzisioj to jest Katowic dziedzina Chocioż tak niydowno włodała niom Pszczyna Jak tam kedyś zajrzysz wspomnij moje słowa I tyskego piwa chlapnij se dlo zdrowia. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:27 Muchowiec Mucha tu miyszkoł chop małorolny Niy mioł za wiela dyć czuł sie wolny Lotoł sie czynsto nad łonkom nisko Bestoż zrobiyli potym lotnisko. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:28 Murcki Ponoć tukej właśnie łod lot pany Pszczyny Dobywali wongel z tyj swojyj dziedziny Łodrywali chopa ze uprawy roli Kopać musioł w ziymi wedle jejich woli Chodzioł umurckany potym do zagrody Bo mu na tyj grubie żałowali wody "Emanuelssegen" kopalnia ta zwano Łod murckow osada pryndko wziyła miano. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:29 Emanuelssegen" To jest richtig staro naszo ślonsko gruba Chop tukej fedrowoł ściongniynty łod pługa Tu już sztrajkowali w łoziymnostym wieku Bo sztajger bergmonom ubliżoł - czowieku W dziewiytnostym wieku ta gruba durś rosła I wtedy tyż tukej ajzynbana doszła Wonglo coroz wiyncy trza było fedrować Bo Hochberg we Wrocku zaczoł go przedować Za tyj staryj Polski zaś tu sztrajki były Kryzysym sie przeca gruby niy karmiyły Ciyrpieli bergmony wtedy wielgo biyda Niy było tu leko - godać ło tym byda Już po drugiyj wojnie "Murckami" jom zwano Jak piyrwyj osada - łod niyj teroz miano Ważne że durś tukej wongel nom fedrujom We Polska łon idzie - niych dalyj go sujom. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:32 Co to jest? Dzielnica i gruba jedne majom miano Skiż wonglo tak piyknie je przeca nazwano Kedyś było tukej "Wolne Państwo Pszczyna" Dzisioj to Katowic ciekawo dziedzina. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:33 Nikiszowiec Dyć niy było by "Nikisza" Jakby tu zabrakło "Gischa" Ze tyj gruby szachty miano Do osiedlo przipisano Zillmann to zaprojektowoł Swojo dusza w cegły dowoł Wyszło piykne mini-miasto Juz docynić prziszoł czas to Bo perełka naszo ślonsko Tyż historio mo niywonsko To jest jakby jedyn świat W Ślonsku ślonski richtig brat. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:34 "Perła" Ta "Perła w koronie" widziołch pora razy Tam ze Nikiszowca som piykne łobrazy Dziynki Kutza sztuce Polska to widziała Dyć jednak pewnikym pryndko zapomniała Trza to jakoś zmiynić - Nikisz nom promować Nowe klocki przi tym powinny sie schować Chyba niy przipadkym ta "janowsko grupa" Właśnie tu sie jakoś zebrała we kupa Pyndzle se chyciyli - malowali piyknie Było tego tela że dzisioj nom styknie. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:35 Norma Piyrwyj tukej huta cynku nosiyła to miano I szyb gruby "Ferdynanda" tako tyż nazwano Katowicko kolanijo we Dombrowie Małyj To ślad kery nom pozostoł po imprezie całyj. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:38 Nowy Czekaj W młynie na Brynicy Czekaj mieloł zboże Dzisioj sie to w gowie pomieścić niy może Dyć łod niego nazwa osady sie wziyła Gmina Huta Laura dugo tukej była Potym to przeciepli w miasto Szopiynice No a teroz widzisz - som te Katowice. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:39 Obroki Obroki w Załynżu przi Chorzowie leżom Rosły nom skiż gruby - w to tyż świyńcie wierzom Wszysko sie kryńciyło wele "Kleofasa" Nic sie niy zmiyniyło - jest tak we tych czasach. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:39 Ochojec Nad rzekom Ślepotkom ta wioska leżała Z czasym sie rozrosła trocha wybujała No a na łostatku lazaryt tu powstoł Kaj niyjedyn bergmon koncek zdrowio dostoł. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:40 Osiedle Belojannisa Był pieroński pożar na tym "Kleofasie" Bergmonow uczciyli już we Polski czasie Kery na osiedlu se tukej zamiyszkoł Nazwiskym boroka nom czasym zablyskoł Bo do dzisioj drożki ze osiedlo tego Noszom miano ofiar - wiela w tym dobrego. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:41 Osiedle Modych Na Osiedlu Modych Szukej swyj przigody Przijedź do Zadola Jak mosz tako wola Schowej sie w malinach Tam zrzyndnie ci mina Jak szukosz dobroci To skryj sie w paproci Podzimki borowki Wlezom ci do gowki Mynczy cie rodzina Łostow jom w jeżynach. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:42 Osiedle Paderewskiego Paderewski możno mynczy sie we grobie Jak na wielgo płyta tukej gafto sobie Pryndko by zaś zamknoł jakoś forteklapa No i przi okazji komuś prziczas łapa Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:43 Osiedle Roździeńskiego Nastowiali tukej trocha tych wieżowcow I dali im miano Katowic "gwiazdowcow" Dobrze że to niy som cołkym te "gwiazdory" Jak żech wloz tam na wiyrch toch był ździybko chory Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:44 Osiedle Francka Rybki Do Sosnowca stond jest blisko Bestoż Rybka tukej blysko Jest w tym jednak wiela racji Zginoł łon za okupacji Za komuna dołbych krycha Krziżyk zrobia z tego grzycha To mu prziznom za Oświyńcim Rybka mo być we pamiyńci. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:45 Osiedle Staszica Wdepły te klocki nom do Giszowca Chciałyby dalyj dyć już niy potrza. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:46 Osiedle Tysionclecia Tysionclecie poleku rośnie nom tu dali Nawt kościoł do tego piykny zbudowali Doszły tukej tyż nowe jakeś "kukurydze" Mozno kedyś ze tego dobry "popcorn" bydzie. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:47 Panewniki Nojpiyrw był tukej jedyn Panewnik Starym go zowiom do dzisioj Panwie robiyli tu w dziyń powszedni Downo to było - joch słyszoł W cztyrnostym wieku był wele Kłodki Teroz żech tyż to łoboczoł Czimie sie jeszcze małyj Ślepotki I nigdy jom niy przekroczoł Domb tukej rosnoł wele zajazdu Co blikoł na Jana wojsko Pod Wiedyń ciongnoł łon wielkom jazdom Armia z łodsieczom szła polsko Dyć niydaleko łod Panewnika Klasztor zaczyli budować Wyrosła piykno tyż bazylika Stary sie zaczoł dziwować Bo pryndko inksze chałpy tu doszły Urzyndy knajpy i szkoły W Nowym już łone piyknie wyrosły Tyn kont był teroz wesoły Panewnik zmiynioł sie w Panewniki I w Polsce już tak go zwano Czy dzisioj wiedzom to małe smyki Że jest łod panwi to miano? Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:52 We Piotrowicach We Piotrowicach "tyske" sie loło Jak yno je zaczli warzyć Do "ksionżyncego" łoko sie śmioło Szło sie tyż przi nim rozmarzyć Dyć tukej była ta "pszczyńsko ziymia" A na niyj był browar tyski Chocioż tych starych czasow już niy ma Tonknońć trza w kuflu zaś pyski. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:53 Piotrowice Wioska Uniszowy i jyj okolice Podzielyli kedyś - wyszły Piotrowice Tukej za rektora Karol Miarka robioł Nim sie w Mikołowie drukarni dorobioł Kedyś piykno gmina była ze Piotrowic Yno że traciyła wiela do Katowic Już za staryj Polski czyńść ziym jyj łodepli I w somsiednie miasto pryńdziutko se wepli Dyć jeszcze przed wojnom straciyła je Pszczyna Stała sie ze tego Katowic dziedzina Dzisioj byś niy pedzioł że z inkszego ciasta Bo wprzongły sie mocno już do tego miasta. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:54 Pnioki Coingnyły te Pnioki w strona Siymianowic Choć należom teroz do miasta Katowic Kolonio to była tyj Dombrowki Mały Z niom we Szopiynice potym sie dostały Jak dalyj leciało to już dobrze wiycie Terozki to wszysko przeca Katowice. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:55 Podlesie We pszczyńskim Podlesiu po czeskich husytach Niy ujrzoł żeś chopa ani tyż kobiyta Dyć poleku wioska sie zaś zaludniyła Podlesie urosło - ziymia sie blyszczyła A tutejszy sołtys pod Wiedniym bioł Turkow Z pszczyńskimi chopami nasiekoł z nich wiorkow Kedyś tu kwatery miały wojska Sasa Chop przi nich zaciskoł richtig swego pasa Nastoł w koncu tukej tyn wiek dziewiytnosty Łon tyż dlo Podlesia wcale niy był prosty Choć durś przeca rosła cołko okolica Ze klucza wyrskego hrabiego Promnica Kmiycie już pańszczyzny płacić tu niy chcieli W końcu i na swojim gospodarzyć mieli Bo w połowie wieku uwłaszczynie prziszło Kere niy kożdymu fest na dobre wyszło Z powietrzym morowym tu sie tyż mynczyli Chocioż coroz gyńści we tyj gminie żyli Nowy wiek im przinios same "Boże Dary" No i tyż sie wynios porzondek tyn stary Jakoś sie kulało w tyj Polsce do przodu I durś przibywało we gminie narodu Za Gierka Kostuchna jednak tu rzońdziyła Krotko - bo poznała tych Katowic siyła. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:57 Pod Młynym Młynorza Kaśka młyn tukej miała Tyż tu sie kończy Dombrowka Mała Mielyła zboże po naszyj stronie Bo przeciyż Ślonska tukej był koniec. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:59 Downy Roździyń Łon już nom wyrosł w cztyrnostym wieku Ponow mioł wiela - niy licz człowieku Tukej tyż staro kuźnica była Kero nad Rawom sie rozłożyła Wtedy jom zresztom Roździankom zwali Sławny Roździeński tukej był dali Co pisoł wierszym ło swyj robocie Z keryj durś wiela mioł przeca pociech Do wieku pary kuźnica doszła Z czasym historiom swojom łobrosła I choć jom potym wcale niy było Ło jyj kuźnikach durś coś sie śniyło. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:01 Roździyń Łod Mieroszewskich Winckler go chycioł I wiela konskow pod przemysł wycioł Ta huta "Dietrich" i "Wilhelmina" "Bernhardi" - wszysko sie przipomina Ci z "Gisches Erben" tyż sie dociepli Rosł Roździyń pryndko a łoni krzepli Lazaryt był tu szkola wiyńziynie Kościoł i browar na pokuszynie "Konsum" na Ślonsku piyrszy był tukej Nawet drukarni w Roździyniu szukej Tych rzemieślnikow bez liku było Wszysko dość pryndko sie tu kryńciyło Dyć był wrośniynty we Szopiynice Niy było miyndzy nimi granice Za staryj Polski tyż tak łostało A i po wojnie dalyj kulało Zrobiyli z niego przeca dzielnica Co ciyngiym tkwiyła we Szopiynicach Choć to za dugo jednak niy trwało Jest w Katowicach terozki całość. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:04 Sośnina Była nad Rawom Sośnina Terozki jednak jyj niy ma Ta kolanijo ze Dymba Wyglondo choby we zymbach Gyjbis tu Piastow sie leży Zajrzyj jak niy chcesz mi wierzyć. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:06 Stawiska Miano łod stawow wele Boliny Konsek janowski to jest dziedziny Łon sie rozwinoł skiż "Uthemanna" Szopiynic huta tak była zwana Dzisioj sie kończom tu Katowice Pryndko przekrokniesz we Mysłowice. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:07 Szabelnia Kuźnica Turzonów kedyś tukej była Kero sie w szabelnia pryndko zamiyniyła Szabla szopiynicko niy słynyła może Pamiyńć nom łostała i za to - szczyńść Boże. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:08 Kedyś w Szopiynicach Husyty do Szopiynic prziszli ze Zagorza Ciynżko dlo tyj wioski była ta ich burza Dyć poleku jednak zaś sie zaludniyła A przed wiekym pary Mieroszewskich była Wszysko sie zmiyniyło łod tyj "Wilhelminy" Cynk we niyj topiyli ze ślonski dziedziny A do tego doszło pryndko grubow pora No i cug - przemysłu ślonskego podpora. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:09 Szopiynice Roździyń-Szopiynice tako gmina była Zanim sie tu Polska naprowdy zaczyła Dyć jeszcze za Niymca sie nom rozłonczyły Niydugo - a jednak już osobno były Jak zaś tukej Polska głośno zaklupała Szopiynicom gminno miejskość sie dostała Miastym cołkom gymbom by wtedy se były Yno prziszła wojna i już niy zdonżyły Stało sie to jednak w piyńdziesiontym roku Nawet powiat miejski wykroli na boku Bo tyn Janow Ślonski i Dombrowka Mało Do powiatu wlazły - tako była całość Problym jednak we tym że te Katowice W końcu połaszczyły sie na Szopiynice I choć jest tyż ze nich osobno dzielnica To jakoś niy wszyscy chcom sie tym zachwycać. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:10 Wełnowiec Bogucice z Bytkowym pasły tukej owce I możno skiż tego nazwali Wełnowcym Tako myśl terozki chodzi mi po gowie Powiym że bajdurza ale we połowie Tyżłod Wełny było podobno to miano Yno że młynorza tako tukej zwano. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:11 Hohenlohe w Wełnowcu Nic sie tu niy dzioło bez Hohenlohego Bo była to przeca dziedzina łod niego Łon założoł kedyś piyrsze gruby tukej W Wełnowcu tyż jeszcze huty jego szukej W sawnyj "Hohenlohe" juz koksym polyli We piecach kaj ruda na ajza topiyli Dołoż tyż do tego jeszcze huta cynku Wiela łon roboty mioł dlo ślonskich synkow W końcu tu zbudowoł gmaszysko te wielke Kaj dyrekcjo była "Hohenlohe Werke". Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:12 "Hohenlohe" Jedna gruba i dwie huty W nie Wełnowiec był łobuty Wszyske miały take miano Na cześć ksiyńcia je nadano. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:13 Wełnowiec Za Niymca i za Polski staryj Była tu samodzielno gmina Losu niy bierom już na bary Dzisioj Katowic to dziedzina. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:14 Wilhelmina Na Wilhelminie już niy te czasy Kere tu kedyś bywały W łoczy sie ciepiom yno te sztrasy A piyrwyj świat tu był mały Kery sie kryńcioł wele tyj huty Łod "Spadkobiercow Gischego" Ze "Wilhelminy" suchali nuty Żyli do rytmu takego. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:15 Wymysłow Piyrwyj jak keryś jechoł z Wrocławia Tym traktym na Mysłowice To za Ślepotkom mioł już zabawa Bo bliske to okolice. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:16 Zadole Na Zadolu nad Ślepotkom miyszko sie spokojnie Możesz nawet tu sie dychnońć jak mosz życie znojne Trocha jest za dużo blokow ale szczimać idzie Te Zadole do sie lubić i niych już tak bydzie. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:17 Załynsko Hołda Dwie Hołdy były - jedna przi drugi I tyj Załynski żywot jest dugi Bergmon z hutnikym tykej miyszkali Stond do roboty niy mieli dalyj Bo gruby huty i inksze werki Wszyske tu rosły - wysyp był wielki. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:18 Osiedle Witosa Na Hołdzie Załynski wyrosło osiedle Jak jedziesz A - 4 to łone jest wedle. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:18 "Bugla" Bugla - tak sie chop tyn zwoł Co gront czimoł bo durś sioł Ziymia łorać zboże sioć Niy ma co sie z tego śmioć Dyć choć mocno tym sie smucioł Kijym rzeki niy zawrocioł Jakbyś był tu cołkym blisko Wlyź na "Bugla" - kompielisko. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:20 Załynże Załynże to richtig jest staro już wiocha Tych kuźnic tu było łod diobła i trocha Panow tyż zmiyniało choby rynkawiczki Ważne że istniało nom przeca tu wdycki. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:21 Kramsta w Załynżu We Wrocku handlowoł W Załynżu fedrowoł "Charlotte" i "Victor" te dwie kopalynki "Oheim" potym capnoł - poszło to łod rynki Dyć Kramście sie jeszcze huta zamarzyła Nazwoł jom tyż "Victor" - cynk tukej topiyła. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:22 Kleofas" Załynski "Kleofas" Godula rychtowoł Nojpiyrw ze wspolnikym potym som jom stowioł Ta Joanna Gryzik gruba dziedziczyła W końcu tych łod Gischa durś wonglym karmiyła. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:23 Huta cynku "Johanna" Czy duch Goduli kedyś wyjawi Czamu te miano Joanna sławi? Jak zmarł to huta i mało frela Osiym lot miały - powiym tu tela. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:24 Zaopusta Ze Podlesio Zaopusta Jakoś mynczy moje gusta Skond ta nazwa? -Jo niy powiym Możno jednak tyż sie dowiym. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:26 Zarzecki wodnik Miyndzy Bagnikym a Kaskadnikym Kożdy sie może poczuć wodnikym Pełno tu rybow kajbyś niy blikoł Joch sie tu kedyś łusek nałykoł Czyje te łuski do dzisioj niy wiym Jednak z tutejszyj słodki to ryby. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:27 Zarzecze Ze Uniczowow wyszło Zarzecze Było we pszczyńskim kedyś powiecie Gminno kariera jednak skończyło Jak ze Podlesiym sie połonczyło Potym Kostuchna Zarzecze chciała Z nim w Katowice sie tyż dostała. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:27 Zawodzie Dlo Bogucic to było za wodom Za tom Rawom jo jeszcze tyż dodom Nastowiali tu werkow aż tela Że wyliczyć sie ich niy łośmiela Choć cieszyło sie gminy prawami Jednak zepli je z Bogucicami Piykny ratusz tyż miała ta gmina We Zawodziu go niy trza wspominać Ekonomia w nim teroz kroluje No i ważne że nom sie niy suje Blisko jest stond do cyntrum Katowic Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:30 Zawodzie Dlo Bogucic to było za wodom Za tom Rawom jo jeszcze tyż dodom Nastowiali tu werkow aż tela Że wyliczyć sie ich niy łośmiela Choć cieszyło sie gminy prawami Jednak zepli je z Bogucicami Piykny ratusz tyż miała ta gmina We Zawodziu go niy trza wspominać Ekonomia w nim teroz kroluje No i ważne że nom sie niy suje Blisko jest stond do cyntrum Katowic W tyj dzielnicy ci kożdy to powiy. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:31 Porcelana Porcelana "Gische" to jest dobro marka Tako mi pedziała kedyś jedna starka Łona niy wiedziała że to "Bogucice" Dyć miejsce podała - teroz Katowice. Odpowiedz Link Zgłoś
Gość: starobaba Re: 'Osady i osiedla Katowic IP: *.dip.t-dialin.net 20.06.03, 23:52 Witom Cie Bronku na katowickim gonku ! Zachciauo mi sie do forum katowickiego i zaroz mnie tu spotyko cos miuego, zech tyz Bronka tu spotkaua tego zech sie spodziywaua. Rozsuawio uon tu te Jego forum piyknie, kaj rymowanek dlo wszystkich styknie. Zamiast zaglondac czynsto do flaszki zaglondejcie na te IGRASZKI-FRASZKI Rozumy tam nasze fest trynujymy i bezto sklerozy niy dostanymy, tam sie bawiymy doprowdy na sto dwa. Zaproszomy: www.echoslonska.com/forum2 Pyrsk, starobaba Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:32 Zuzanna Gruba "Susanne" tu była Kolonio Zuzia łod niyj sie wziyła Kaj to jest dzisioj? Mało kto powie MIejsca poszukej we tym Janowie. Odpowiedz Link Zgłoś
lollaa Re: 'Osady i osiedla Katowic 19.05.03, 13:55 OOOOOOOOOOOOOOOOO!!!!!!!!!!!!!!!!!!! Odpowiedz Link Zgłoś
lollaa Re: 'Osady i osiedla Katowic 19.05.03, 13:53 Oj, ale ześ się napisałeś! PODZIWIOM!! Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 14:00 Dziynki Terozki musza przerwać ale potym tu to skończa. Zaproszom na forum "Igraszki Fraszki" www.echoslonska.com/forum2 Bronek Odpowiedz Link Zgłoś
Gość: GOSC Re: 'Osady i osiedla Katowic IP: *.um.katowice.pl 19.05.03, 14:09 eheheheh fajne to jes Bronek, prziloz sam tukej czysciyj i nom pisz! Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.05.03, 15:34 Na tym żech skończoł litanio cało Myśla że styknie bo jest niymało. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 20.05.03, 07:59 Fryderyk Wilhelm Grundmann Stoła nom po wojnie jeszcze jego chałpa Kozała jom kipnońć jakoś naszo małpa Wiater we tym miejscu szumi durś po cichu By pamiyntać ło tym katowickim grzychu Dyć łostatnio ło nim głośniyj tukej słychać Do jego pomnika zaczynomy wzdychać Na rynku nojlepi trza go nom postawić Coby roz na zawsze pamiyńć sie poprawić. Odpowiedz Link Zgłoś
Gość: Arnold Re: 'Osady i osiedla Katowic IP: 213.186.78.* 20.05.03, 09:03 Gość portalu: Bronek napisał(a): > Fryderyk Wilhelm Grundmann > > Stoła nom po wojnie jeszcze jego chałpa > Kozała jom kipnońć jakoś naszo małpa > Wiater we tym miejscu szumi durś po cichu > By pamiyntać ło tym katowickim grzychu > > Dyć łostatnio ło nim głośniyj tukej słychać > Do jego pomnika zaczynomy wzdychać > Na rynku nojlepi trza go nom postawić > Coby roz na zawsze pamiyńć sie poprawić. Wszysko fajne, ino kipnonc chalpa Grundmanna kozali gorole z Czerwonego Zoglymbio. Zgadzom sie - plac na dynkmal jes na ringu. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 20.05.03, 11:04 Szkryfnołch - naszo małpa - myślołch ło Poloku Dyć jo tyż jest Polok - wiyncyj nos borokow Kerzy przeca cyniom niy yno co polske Co było na Ślonsku wszysko nasze - swojske. Odpowiedz Link Zgłoś
Gość: Arnold Re: 'Osady i osiedla Katowic IP: 213.186.78.* 20.05.03, 14:52 Gość portalu: Bronek napisał(a): > Szkryfnołch - naszo małpa - myślołch ło Poloku > Dyć jo tyż jest Polok - wiyncyj nos borokow > Kerzy przeca cyniom niy yno co polske > Co było na Ślonsku wszysko nasze - swojske. No to my sie troszka Sam niy do godali Bo jo niy jes Polok Ino S`loonzok dalij :) Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 20.05.03, 15:17 Czych polski Ślonzok, czy ślonski Polok? Mie to ganc egal, to niy moj bolok Ślonzek jest w Polsce to dobrze wiym Tego niy zmiynia tak jak tyn rym. Odpowiedz Link Zgłoś
Gość: Arnold Re: 'Osady i osiedla Katowic IP: 213.186.78.* 20.05.03, 15:35 Do mie tyn moj S`loonsk Jes ino s`looski Niywazne czy pod wladzom Niymiec czy Polski Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 20.05.03, 19:36 Godosz to samo yno inaczy Ważne że Ślonzek dlo nos Coś znaczy Tyn jedyn, cołki, łod tych Katowic Aż do Grinberga. Tyż prowda - powiydz. Odpowiedz Link Zgłoś
Gość: Arnold Re: 'Osady i osiedla Katowic IP: 213.186.78.* 20.05.03, 20:53 Gość portalu: Bronek napisał(a): > Godosz to samo yno inaczy > Ważne że Ślonzek dlo nos Coś znaczy > Tyn jedyn, cołki, łod tych Katowic > Aż do Grinberga. Tyż prowda - powiydz. Mosz recht w tym co godosz Ja, tu sie zgodza Bo my som S`loonzoki S Tobom sie niy wodza :) Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 20.05.03, 19:47 Rymy to naprowdy nic Katowice to jest wic. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 20.05.03, 19:52 Cosik mi sie pomylyło Dlo tyj "lollii" to zaś było. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 21.05.03, 19:55 Richard Holtze Przewodzioł łon Radzie we tych Katowicach I łaźniom skiż niego szło sie tu zachwycać Łodcisnoł tyż tukej swoj sztympel dość fest Czas by to docynić - stoć nos na tyn gest. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 22.05.03, 16:24 Franciszek Winckler W Goduli szoł ślady Wyraźnie to widać Lepiyj sie doł rady Niy wżynioł sie w biyda Majontek ucapioł Dziynki pewnyj wdowie "Po mie jom obłapioł" Aresin nom powie. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 22.05.03, 16:58 Karlik G i Francik W Karlik nosz samotnie Umar we Wrocławiu A Francik łodwrotnie Niywiasta łostawioł Majontek ich wielki Wszysko co zostało Erbły mode frelki Bo Niebo to chciało. Odpowiedz Link Zgłoś
Gość: Bronak Re: 'Osady i osiedla Katowic IP: *.elsat.net.pl / 10.1.0.* 23.05.03, 08:10 A joch myśloł że Wos rusza Ło dzielnicach godać skusza Widza że niymodny tymat Niy chce tyż sie grzebać w rymach. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 31.05.03, 18:26 Boćki w Katowicach Tym janowskim boćkom tyż sie jo dziwuja Dyć ciesza sie z tego i im kibicuja Niych sie mode chowiom im durś we Janowie Niychej niy ukrziwdzi im tam żodyn czowiek Bo to przeca szczyńście dlo całyj dzielnicy I dzieciokow nowych trza tam wszyskim życzyć. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 02.06.03, 06:50 Janowske boćki rano klekocom Jak sie fest pszajom tam ludzie nocom. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 03.06.03, 10:50 Ponoć w tym nibyślonskim sejmiku Zwionzkowcow było wczoraj bez liku Cosik sie tukej poleku budzi Yno co potym zaś sie tu wkludzi? Odpowiedz Link Zgłoś
Gość: GOSC Re: 'Osady i osiedla Katowic IP: *.um.katowice.pl 03.06.03, 10:52 ehehehheheeheh Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 04.06.03, 12:56 Wiym - niy czeba wiela krakać Lepiyj śmioć sie niż zaś płakać. Odpowiedz Link Zgłoś
willi2 Re: 'Osady i osiedla Katowic 05.06.03, 00:07 Za te piykne rymowanki co napisou Bronek Chyntnie wypija nastympny kiylonek. Chodz marny ze mnie poeta Sprobuja szkryfnonc jakiegos kotleta. Ale niy dzis ,moze jutro ? Ale musi mnie Wena przystroic we futro. wierza ze jak te slowa urosnom,chodz narazie tyla to bydom piykne jak skrzydla motyla. Odpowiedz Link Zgłoś
Gość: GOSC Re: 'Osady i osiedla Katowic IP: *.um.katowice.pl 05.06.03, 08:56 eheheheh dobre wilus Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 05.06.03, 19:49 Willymu No toż jo Ci tyż dziynkuja Wlyź na forum kaj rymuja Tam tymatow tabu niy ma Możno stracisz sie w tych rymach. www.echoslonska.com/forum2 Odpowiedz Link Zgłoś
willi2 Re: 'Osady i osiedla Katowic 06.06.03, 00:41 Gość portalu: Bronek napisał(a): > Willymu > > No toż jo Ci tyż dziynkuja > Wlyź na forum kaj rymuja > Tam tymatow tabu niy ma > Możno stracisz sie w tych rymach. > > www.echoslonska.com/forum2 Witom Cie ponownie Bronek! Z tymi rymowankami ciongnie sie za Tobom duzy = ogonek. I siy juz potracic po lekku idzie szkoda ,ze tylko nasze rymowanki widze. Na Echu Slonska byl zech pare tydni tymu i szukou zech tam z Wami rymu. Pamientocie Wafloka ? = o Jastrzymbiu kierowou godka, Ale niy podrodze byly Jastrzymbie,tosz musiol zech trzymac para w gymbie. Wpadna zas Was odwiedzyc,tylko se login musza zmienic. Bo skleroza mom juz wtorno i zech zapomniou hasla ,hmmm = to trudno. :-) Odpowiedz Link Zgłoś
builder Re: 'Osady i osiedla Katowic 06.06.03, 01:09 willi2 napisał: > Gość portalu: Bronek napisał(a): > > > Willymu > > > > No toż jo Ci tyż dziynkuja > > Wlyź na forum kaj rymuja > > Tam tymatow tabu niy ma > > Możno stracisz sie w tych rymach. > > > > www.echoslonska.com/forum2 > > > Witom Cie ponownie Bronek! > Z tymi rymowankami ciongnie sie > za Tobom duzy = ogonek. > I siy juz potracic po lekku idzie > szkoda ,ze tylko nasze rymowanki widze. > > Na Echu Slonska byl zech pare tydni tymu > i szukou zech tam z Wami rymu. > Pamientocie Wafloka ? = o Jastrzymbiu kierowou godka, > Ale niy podrodze byly Jastrzymbie,tosz musiol zech > trzymac para w gymbie. > > Wpadna zas Was odwiedzyc,tylko se login musza zmienic. > Bo skleroza mom juz wtorno > i zech zapomniou hasla ,hmmm = to trudno. > > :-) -pisoz z cibie nie lada choby sie najodl marmolada Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 06.06.03, 16:38 Niy ma co sie z kogoś śmioć I szkryflać niy trza sie boć Przeca w naszym Internecie Niy kożdy Erato dziecie Abo jakiś Kaliopy My som Ślonska yno chopy. Odpowiedz Link Zgłoś
emce_dwa Re: 'Osady i osiedla Katowic 10.06.03, 10:50 cze ! mogę sobie dołączyć do swoich dwóch wydań "Osad ..." Twoją wersję ? ślązak w pierwszym pokoleniu z mysłowic mc2 pozdrawiam i gratuluję Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 10.06.03, 15:56 Po toch jo to pisoł by inksze czytali Yno ło autorze niy zapomnij dali. Odpowiedz Link Zgłoś
emce_dwa Re: 'Osady i osiedla Katowic 11.06.03, 07:07 :) no właśnie tak nieśmiało chciałem prosić o elektroniczny autograf :) pozdr. z mysłowic mc2 Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 11.06.03, 19:00 Dziynki za te pozdrowiynia Dyć jo we tym nic niy zmiynia Piyknie jednak tu zaproszom Na forum kaj Ślonsk durś głoszom. www.echoslonska.com/forum2 Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 12.06.03, 19:56 Stary banhof Stary banhof w Katowicach Możno blyśnie jeszcze Idzie sie nim tu zochwycać Coś trza zrobić wreszcie Pomysł mo Fundacjo Ślonsko Kultura tam wkludzić Ta szyroko i ta wonsko By Ślonsk jakoś budzić. Odpowiedz Link Zgłoś
emce_dwa Re: 'Osady i osiedla Katowic 19.06.03, 06:29 JA tylko przesunę na liście - bo szkoda, co by te teksty gdzieś zniknęły :) pozdrawiam Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 19.06.03, 09:58 Kognitariusz? Kto to jest? Glaca dropia teroz fest Dyć jo z gańby sie niy chowia Trza by mi to wyklarować. Odpowiedz Link Zgłoś
Gość: mc2 Re: 'Osady i osiedla Katowic IP: *.landl.com.pl / 192.168.0.* 18.07.03, 12:55 po zamknięciu kopalń stu proletariat przyszedł tu teraz grzebie w internecie kognitariuszem stał się przecie ... sorry za te częstochowskie rymy :( - kognitariat - społeczeństwo informatyczne www.wprost.pl/ar/?O=41709 pozdrawienia z forum MYSŁOWICE MC2 Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 15.06.03, 10:27 Maria Goppert-Mayer Katowicko frelka w atomie grzebała Dyć nawet do bombki sie w Stanach zabrała Bo wdycki nojbardzi jom ciongło te jondro I Nobel jyj przipod za cołko ta mondrość. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 23.06.03, 20:48 Katowicki rynek Jego przebudowa downo majom w planie Niy teroz a potym ponoć to sie stanie Ło tym se co roku cosik tu rajcujom Powiym że w to wierza boch chyba jest ułom. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 27.06.03, 22:55 Ponoć Lech szaraniec w naszych Katowicach Łod Holtzego teroz łodwroco swe lica Dyć historia niy jest sługom "pryncypała" Choby mu posada we rynkach leżała. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 07.07.03, 21:30 We Murckach Chcom we Murckach na cokołach artystow postawić Co umieli nos zochwycić no i tyż zabawić Przymsza ich niy bydzie dzielić - razym tukej stanom Możno jeszcze o połnocy oklaski dostanom. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 08.07.03, 08:29 Katowicko policjo Katowicko policjo chce mieć tyż maskotka Misia pieska baranka abo nawet kotka Myśla że nojlepi ślimok im spasuje Kery nawet rogi czasym pokazuje Niy jest łon pluszowy ale za to śliski No i jego domek zowdy przeca bliski. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 09.07.03, 16:55 Społdzielnia "Piast" Ponoć we "Piaście" piastowske zwyczaje Nafaflosz na Zarzond - spodziywej sie haje Możno nawet za to zagrożom eksmisjom Dyć sie tam przejyli tom "piastowskom" misjom. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 13.07.03, 16:03 Jak Korfanty z Piłsudskim Przed tym Sejmym Ślonskim na parkingu stoji Bliko na marszałka i trocha sie boji Bo łon z ty habety srogo nań tam łypie Myśli chyba ło tym jak Wojtkowi sypie. Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 18.07.03, 12:41 W sprawie pomnika Holtzego Uszok dostoł wiater w uszy Do Holtzego już wyruszył Dobrze że sie tako stało Jymu to sie należało Teroz słyszeć chca Szarańca Łon dobry do tego tańca Wodzirej swoj krok już podoł Co Szaraniec bydzie godoł Odpowiedz Link Zgłoś
Gość: Bronek Re: 'Osady i osiedla Katowic IP: *.elsat.net.pl / 10.1.0.* 29.07.03, 22:32 Ślonsk Kto z Katowic ciepnie berga W okolice aż Grinberga? Odpowiedz Link Zgłoś
Gość: tolek Re: SKIEROWANIE..... IP: *.zab.cdp.pl, / 192.168.208.* 30.07.03, 09:31 do Poradni Zdrowia Psychicznego w Katowicach. Odpowiedz Link Zgłoś
Gość: Bronek Re: SKIEROWANIE..... IP: *.elsat.net.pl / 10.1.0.* 30.07.03, 15:02 Możno "tolek" tam przijmuje Papiory mi wyklaruje. Odpowiedz Link Zgłoś
Gość: mc2 mc_dwa emce_dw Bronek IP: *.landl.com.pl / 192.168.0.* 30.07.03, 15:13 cześć Bronek ! brakuje takich Kognitariuszy w mysłowicach jak Ty :( założyłem forum MYSŁOWICE, ale straszne chamówa przeszła ze starego forum na stronach UM (zresztą przez nich forum zamknięto) postanowiłem założyć forum: m y s ł o w i c e moje miasto forum.gazeta.pl/forum/71,1.html?f=12323 jeśli zechciałbyś zostać ojcem chrzestnym - będę wdzięczny :) nie przeczytałem jeszcze tektów o K-cach ... praca ale trochę szkoda familoków na Zawodziu - nie zdązyłem ich utrwalić na kliszy, już nie wspominając o tych budynkach przy trasie na Chorzów szkoda, bo to były piekne domy - zwłaszcza ten na Dąbiu - porośnięty winoroślem - koło niegotramwaje lekko musiały skręcać ... Konrad Świnarski był podobno zaskoczony urodą przedwojennych Mysłowic - gdybyś mógł do swojej kolekcji dołączyć tekst o Mysłowicach - bede wdzięczny pozdrawiam mc2 Odpowiedz Link Zgłoś
Gość: Bronek Re: Bronek IP: *.elsat.net.pl / 10.1.0.* 31.07.03, 18:08 Kognitariusz Teroz te słowo mie durś łonaczy Chyba se świyci na moji glacy. Odpowiedz Link Zgłoś
Gość: Bronek Re: Bronek IP: *.elsat.net.pl / 10.1.0.* 31.07.03, 18:11 Mysłowice fest mom w zocy Dyć brakuje czasu mocy By we wszyskim naroz grzebać Langsam jednak żyć mi czeba. Odpowiedz Link Zgłoś
Gość: Bronek Re: Załynże IP: *.elsat.net.pl / 10.1.0.* 31.07.03, 18:15 Załynże w GW Załynże mo ta Gazeta w zocy Skond w tyj dzielnicy tela jest mocy? Ichni Załynski ło tym niy prawi To jednych wnerwio a inkszych bawi. Odpowiedz Link Zgłoś
Gość: Bronek Re: Załynże IP: *.elsat.net.pl / 10.1.0.* 06.08.03, 16:17 Plac kaj willa stoła ponoć pokropiyli Za budowa banku terozki sie wziyli Możno we tym bydzie jakiś znak historii Bank Polski z tablicom ło Grundmanna glorii. Odpowiedz Link Zgłoś
Gość: Bronek Murcki IP: *.elsat.net.pl / 10.1.0.* 27.08.03, 18:50 Banhof we Murckach Cug już tukej niy zajedzie Banie naszyj źle sie wiedzie Choćby we Murckach ślintali Niy bydzie lepi z tym dali Banhofa jednak mi szkoda Jakby tu życio mu dodać? Dyć to zabytek niymały A może stracić sie cały. Odpowiedz Link Zgłoś
