Forum Regionalne Śląskie Zabrze
ZMIEŃ
    Dodaj do ulubionych

    Barbórkowy konkurs poetycki

    29.11.08, 20:10
    Z dniem 12.XI.2008 roku tygodnik "Wiadomości Rudzkie" ogłosił IV
    edycję poetyckiego konkursu barbórkowego.
    Niepublikowany dotąd na papierze wiersz o św. Barbarze, jej kulcie
    lub tradycjach górniczych związanych z patronką tego zawodu i miasta
    Ruda Śląska należy przesłać na adres tygodnika do 15 grudnia tego
    roku.
    "Wiadomości Rudzkie"
    ul. Niedurnego 36
    41-709 Ruda Śląska
    Wiersz może być napisany po polsku lub śląsku.
    Autor proszony jest o podanie swojego adresu, wieku i sposobu
    kontaktowania się.
    Za najlepszy wiersz przewidziana jest nagroda w postaci figurki św.
    Barbary, wykonanej w węglu (ufundowanej przez ZZRG przy
    KWK "Pokój").Przyznane zostaną też cztery wyróżnienia. Nagrodzone
    wiersze "Wiadomości Rudzkie" opublikują na swoich łamach.
    Uroczyste ogłoszenie wyników konkursu i wręczenie nagród nastąpi w
    styczniu na terenie Rudy Śląskiej.
    Bliższych informacji udziela redakcja tygodnika: nr
    tel. 032 2486097
    Obserwuj wątek
      • broneknotgeld Re: Barbórkowy konkurs poetycki 01.12.08, 19:31
        Barborkowo
        ==============

        Co z Niom jest grane?

        W kalyndorzu Kościoła tyj Barbary niy ma
        Mondrale pedzieli - "Niy niosła jom ziymia"
        Ale Kościoł polski do dzisioj jom nosi
        A ło jeji wsporcie kożdy Ślonzok prosi

        U nos jest Barborka jako piyrwyj była
        My wiymy że ze Niyj płynie na nos siyła
        Kero w ciynżki doli zowdy dopomoże
        W chodniku kopalni abo i na dworze.
        • Gość: muchozol Re: Barbórkowy konkurs poetycki IP: *.adsl.inetia.pl 02.12.08, 13:50
          O, jakie ładne! Pikne!
          • broneknotgeld Re: Barbórkowy konkurs poetycki 02.12.08, 18:19
            Wspomożyciele

            Sztyrnoście świyntych grupa liczyła
            Łona na Ślonsku durś w gymbach była
            Czynsto wołało sie ich pomocy
            Jak te niyszczyńście zojrzało w łoczy

            Błażej - tyn chroni strony głosowe
            Ze bolym gordła we nim sie chowej
            Pomogo czynsto naszym zymbiskom
            I jak krew z rany pierońsko trysko

            Jerzy - wiadomo - chroni wojoka
            Łon go we bitwie niy spuszczo z łoka
            Kedyś przed łostrym bronioł żelazym
            Potym łod kuli - dyć wiela razy!

            Akacjusz czimie ze zbiegym sztama
            Pilnuje jego aże łod rana
            Coby niy dropła go wredno władza
            Rzykej do niego - jo ci poradza

            Erazm nos wspiyro w wielki chorobie
            Ło kery czasym nic niy wiy czowiek
            Żołondek nyrki wontroba serce
            Wszyskim sie tropi tyn świynty wielce

            Wit paczy ciyngym na guchych niymych
            Wiy łon co dzieje sie ze ichniymi
            Padaczka miywosz czy słabe nerwy
            Z Witym we życiu mosz wiyncyj werwy

            Do kogo rzykać szły prziszłe matki?
            Wiymy bo przeca do Małgorzatki
            Łona przi cionży i przi porodzie
            Bestoż jyj imie do dzisioj w modzie

            Zaś świynty Krzisztof chroni wyndrowca
            By nikt niy wodzioł go po manowcach
            Pogoda zsyło ci jak nojlepszo
            I przed powodziom z nim bydziesz spieprzoł

            A Pantaleon - teroz mi powiydz
            Kto dbo ło cało w zogrodzie gowiydź?
            Co dziynki niymu dobrze sie chowie
            I mniyj utropy mosz z tym na gowie

            Cyriak w pokusie cie przipilnuje
            Choć czasym trocha to niy sztimuje
            Niy potrza bydzie tyż egzorcysty
            Jak mu zawierzysz durś bydziesz czysty

            Idzi w łopiece mo wszyske matki
            Kere umynczom jejich gagatki
            Namowi czasym cie do spowiedzi
            Jak wiy że ciynżki grzych w duszy siedzi

            Eustachy fesztrom wielkim patronym
            Posłuch mo w borze łon tam jest ponym
            Nawet jak zbiyrosz grziby jagody
            Świynty uchroni łod złyj przigody

            Dionizy czimie sie twojyj gowy
            Dobry na bole kożdy ci powiy
            Dropia sie teroz we własno glaca
            Wiym kto pomoże mi zaś na kaca

            Ja - niy trza wiela mi przipominać
            Dyć jo pamiyntom że Katarzyna
            Mo w swyj łopiece te wszyske frelki
            A łobowionzek przeca to wielki

            Na koniec powiym - naszo Barbara
            Stoji przi ciebie jak żeś na marach
            Byś w wierze pomar pilnuje przeca
            Łona łostatnio jest z tego neca.
            • Gość: Fustek A gdzie tu Zabrze? IP: 195.94.210.* 03.12.08, 19:47
              Ale co to ma wspólnego z Zabrzem?
              • broneknotgeld Re: A gdzie tu Zabrze? 04.12.08, 11:14
                Konkurs jest dlo wszyskich kierzy poradzom napisać wiersz po ślonsku
                abo po polsku, dlo zabrzan tyż.
                Tym bardzi, że miasto żyje ciyngym górnictwym, jak tyz turystykom ze
                tym zwionzanom.
            • broneknotgeld Re: Barbórkowy konkurs poetycki 04.12.08, 11:14
              Czy przi mnie staniesz?


              Czy przi mnie staniesz jak bydzie trzeba?
              Strach i ciyrpiynie z Tobom lżyj znosić
              Czy moja dusza pódzie do Nieba?
              Miyj we łopiece - chca ło to prosić

              Godziwy koniec - Tyś mu patronkom
              Pamiyntej - przeca byda umiyroł
              Pióro we tincie terozki tonkom
              Żech na Barborka darmo zaziyroł?
              • Gość: Stańczyk Re: Barbórkowy konkurs poetycki IP: 89.108.200.* 04.12.08, 21:42
                Co to za kobita,
                co po Zabrzu bryka w stroju górnika
                a czego się dotknie, dróg, domów, gruntów, Górnika Zabrze..
                to zbabrze?
                • broneknotgeld Re: Barbórkowy konkurs poetycki 07.12.08, 21:59
                  Św. Barbara

                  Patronka z bergmonym na tym dole była
                  Przed wielgim niyszczyńściym czynsto go chroniyła
                  Czasym jak mu wongel blysnoł mocno w łoczy
                  Myśloł że jom we nim choć ździybko łoboczy

                  Doczekoł sie w końcu łon pyndzyji swoji
                  Dyć teroz ło żywot ciyngiym sie zaś boji
                  Jak downiyj se rzyko ło trocha tyj mocy
                  Dlo swojyj Barborki - bo jom mo we zocy.
                  • Gość: jo Re: Barbórkowy konkurs poetycki IP: *.stk.vectranet.pl 08.12.08, 10:34
                    gryfne Bronek mosz tye teksty, szkryflej wiela mogesz :)
                    • broneknotgeld Re: Barbórkowy konkurs poetycki 10.12.08, 08:21
                      Nojstarsze miejsca kultu

                      Klasztor we Edessie już we wieku czwortym
                      Mioł w Niyj swo patronka i wiela był worty
                      Krześcijańske Kopty we starym Kairze
                      Kościoła łotwarli na łościyrz swe dzwiyrze
                      Łod siodmego wieku im patronowała
                      Na wyspie w islamie z nimi tukej trwała

                      Dyć sławno fest była Barbara we Rzymie
                      Tu na starym fresku znojdli Jeji imie
                      I w łoczy wejrzeli tyj fajnistyj frelce
                      Krziż mo ksionżka z pawiym i myśli coś wielce
                      Możno nawet ło tym że czas pryndko leci
                      I chnetko sie Syria Jyj pieczy poleci.
                      • broneknotgeld Re: Barbórkowy konkurs poetycki 10.12.08, 11:48
                        Ech, te "Wiadomości...".
                        Kuknoł zech prawie do dzisiejszego numeru, a tam ło
                        konkursie "cisza".
                        Hmm, to był łostatni drik coby tom drogom trefić do ludzi kierzy
                        jeszcze chcieliby we tym konkursie wystompić - toż szkoda.
                        No dyć jo i tak "robia swoje".
                        Farorz rudzki parafiji św. Barbary zgodzioł se na to, coby tam
                        prawie łodbyło sie uroczyste wrynczynie nagrod.
                        Tela że po kolyndach, kere sie tam kończom 18 stycznia.
                        Hehe - 19 stycznia, to prawie jo zafajruja skiż "roczka"
                        nojwiynkszego ślonskego forum we portalu "nasza-klasa.pl"
                        nasza-klasa.pl/forum/17/977
                        Toż jakiś nojbliższy, nastympny termin bydzie nojbardzi
                        prowdopodobny.
    Inne wątki na temat:

    Najnowsze z forum Zabrze

    Nie masz jeszcze konta? Zarejestruj się

    Nakarm Pajacyka
    Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin
    Treści z serwisów internetowych Grupy Wyborcza.pl oraz serwisu tokfm.pl prezentujemy w ramach komercyjnej współpracy z ich wydawcami: Wyborcza sp. z o.o. oraz Grupą Radiową Agory sp. z o.o.
    Wybrane treści z serwisu Sport.pl są dostępne po wykupieniu płatnej subskrypcji