II Zabrzański Festiwal Łorkestrow Dyntych

Gość: PUZOn Re: II Zabrzański Festiwal Łorkestrow Dyntych IP: *.neoplus.adsl.tpnet.pl 06.08.06, 19:25

byndzie? :)

broneknotgeld Re: II Zabrzański Festiwal Łorkestrow Dyntych 06.08.06, 21:26

Oby nom Ponboczek doł
Byda Jymu bardzi pszoł.
- broneknotgeld Re: II Zabrzański Festiwal Łorkestrow Dyntych 06.08.06, 21:27
  
  Możno termin jego znocie
  I na forum drapko docie.
  - broneknotgeld Re: II Zabrzański Festiwal Łorkestrow Dyntych 16.08.06, 19:38
    
    Łod Mandrysza
    
    Jak na Zobrzu tromby słysza
    Zowdy myśla - łod Mandrysza.
    - aka-jo Re: II Zabrzański Festiwal Łorkestrow Dyntych 17.08.06, 18:35
      
      Nic na ten temat nie wiem:(
      - broneknotgeld Re: II Zabrzański Festiwal Łorkestrow Dyntych 20.08.06, 12:06
        
        Szkoda - miasto cosik niy reklamuje.
        Bydzie sie dzioło 9-10 września.
        
        broneknotgeld Re: II Zabrzański Festiwal Łorkestrow Dyntych 25.08.06, 19:47
        
        Festiwalowi kto patronuje?
        Czyjego miana łon tako?
        Możno ktoś ło tym cosik tu "wsuje"
        Czy yno tromba zapłako?
        
        broneknotgeld Re: II Zabrzański Festiwal Łorkestrow Dyntych 31.08.06, 10:17
        
        Festiwal im. Edwarda Czernego
        
        Tela dołożyć moga do tego
        Że richtig miana łon jest Czernego.
        
        aka-jo Re: II Zabrzański Festiwal Łorkestrow Dyntych 31.08.06, 13:06
        
        Kaj lon sie bydzie odbywol?
        
        broneknotgeld Re: II Zabrzański Festiwal Łorkestrow Dyntych 31.08.06, 19:38
        
        09.09.2006 Musztra paradno łorkestrow policyjnych
        
        Stadion "Walki Makoszowy"
        Blyśnie musztrom "pszeparadnom"
        Tako Zabrze pewno powiy
        -Im muzyki niy ukradnom.
        
        broneknotgeld Re: II Zabrzański Festiwal Łorkestrow Dyntych 31.08.06, 20:11
        
        Policaje ze Bytomia
        forum.gazeta.pl/forum/72,2.html?f=141&w=47829961
        grajom, maszyrujom
        Katowickich chcom prześcignońć
        forum.gazeta.pl/forum/72,2.html?f=59&w=47829561
        tako se musztrujom.
        
        broneknotgeld Re: II Zabrzański Festiwal Łorkestrow Dyntych 05.09.06, 18:21
        
        Toż prawie dzisioj trefiołch na plakat festiwalu.
        Tako musza swoj feler poprawić.
        Łorkestra z Bytomia to bydom jednak wojoki, a niy policaje - wyboczcie.
        Słyszołch, że dzwoni alech niy wiedzioł we kerym kościele.
        No, terozki jak już cołke Zabrze jest łoplakatowane wszysko bydzie klarowne.
        
        broneknotgeld Re: II Zabrzański Festiwal Łorkestrow Dyntych 31.08.06, 22:16
        
        Ze Sośnicy łorkestranty
        forum.gazeta.pl/forum/72,2.html?f=94&w=47839187
        Przi nich gładzom se i ranty.
        
        broneknotgeld Re: II Zabrzański Festiwal Łorkestrow Dyntych 03.09.06, 17:49
        
        11.06.1917 Zabrze (Hindenburg)
        
        Ano se w Zabrzu Czerny urodzioł
        Eberhard - take mioł miano
        Tu po ańfartach i placach chodzioł
        -Wspomniołch se ło tym jo rano.
        
        broneknotgeld Re: II Zabrzański Festiwal Łorkestrow Dyntych 04.09.06, 13:43
        
        "Łojcym"
        
        "Łojcym" zabrzańskim filharmonikom
        Toż skuli tego tyż tukej klikom.
        
        aka-jo Re: II Zabrzański Festiwal Łorkestrow Dyntych 05.09.06, 18:25
        
        Zabrze nie zyje....
        
        broneknotgeld Re: II Zabrzański Festiwal Łorkestrow Dyntych 06.09.06, 10:53
        
        Jako "niy żyje"? -Dyć yno śpi
        Łorkestry zbudzom - to kożdy wiy.

Gość: Jo Re: II Zabrzański Festiwal Łorkestrow Dyntych IP: *.dynamic.dsl.as9105.com 06.09.06, 11:23

Tu sie moge zgodzic z Toba;0
SPI................

Tylko czy orkiestry beda w stanie budzic??

broneknotgeld Re: II Zabrzański Festiwal Łorkestrow Dyntych 06.09.06, 14:05

Dyć po połedniu to tyż w niydziela
Jako mo zaspać zabrzańsko sztela?
Jeszcze se przyńdom ździybeczko sztrasom
Możno przi tymu kogoś wystraszom.

broneknotgeld Re: II Zabrzański Festiwal Łorkestrow Dyntych 06.09.06, 21:52

Łorkestra Garnizonu Siył Powietrznych z Bytomia

Pod batutom kapitana!
Durś Kowalski mynczy z rana
By parada w Zabrzu wyszła
Do Czernego jakby prziszła.

broneknotgeld Re: II Zabrzański Festiwal Łorkestrow Dyntych 07.09.06, 10:06

Z paradynmarszym

Frelkom se cycki aże dźwigajom
Tako karlusow fest podziwiajom
Czy na fujarze, czy na klarnecie
Dyć popiskała by kożdo przecie.
- broneknotgeld Re: II Zabrzański Festiwal Łorkestrow Dyntych 07.09.06, 18:49
  
  Przi łorkestrantach już tako bywo
  Dyć mie to richtig wcale niy dziwo.
  - broneknotgeld Re: II Zabrzański Festiwal Łorkestrow Dyntych 08.09.06, 09:07
    
    Aspirant sztabowy Paweł Pastucha
    
    Toż Pastucha fest musztruje
    Kożdy ta batuta czuje
    Poparadzom se marszowo
    I zagrajom richtig zdrowo.
broneknotgeld Re: II Zabrzański Festiwal Łorkestrow Dyntych 08.09.06, 11:45

Tyjater Nowy 10.IX.2006 godz.16.15-16.45

Łorkestra Gorniczo Piekary Ślonske

Ano - Majchrzyk dyryguje
Se piekarsko rynka czuje
We łopiece Matki Boski
I z muzykom - toż bez troski.
- aka-jo Re: II Zabrzański Festiwal Łorkestrow Dyntych 08.09.06, 14:08
  
  To juz jutro;)
  Masz jakis program tego festwialu??
  Moze link zapodasz?
  - Gość: informator Re: II Zabrzański Festiwal Łorkestrow Dyntych IP: *.internetdsl.tpnet.pl 08.09.06, 16:16
    
    Tegoroczny Zabrzański Festiwal Orkiestr Dętych im. Edwarda E. Czernego odbędzie
    się w dniach 9 i 10 września.
    
    Przewidziane na pierwszy dzień atrakcje to m.in. pokaz musztry paradnej
    orkiestr wojskowych i policyjnych oraz występy Orkiestry Garnizonu Sił
    Powietrznych z Bytomia i Orkiestry Reprezentacyjnej Policji z Katowic.
    Dodatkowo w tym dniu na obiektach rekreacyjnych wokół stadionu Walki Makoszowy
    odbędzie się festyn połączony z pokazem sprzętu wojskowego i policyjnego.
    
    W drugim dniu Festiwalu orkiestry górnicze przejdą ulicami Zabrza, a od godziny
    16.00 do około 20.30 odbędą się koncerty w Teatrze Nowym. Muzycy zaprezentują
    swoje programy w trakcie półgodzinnych występów w następującej kolejności:
    Orkiestra Górnicza Piekary Śląskie, Orkiestra Kopalni Bobrek Centrum Ruch
    Centrum, Orkiestra Kopalni Sośnica Makoszowy Ruch Sośnica, Orkiestra Kopalni
    Bolesław Śmiały, Orkiestra Kopalni Bobrek Centrum Ruch Bobrek, Orkiestra
    Kopalni Sośnica Makoszowy Ruch Makoszowy.
    
    Głównym celem stworzenia Festiwalu Orkiestr w Zabrzu było podtrzymanie i
    kultywowanie tradycji śląskiej, której ważnym elementem były orkiestry dęte -
    przede wszystkim górnicze. Pomysłodawcą i przewodniczącym Komitetu
    Organizacyjnego Zabrzańskiego Festiwalu Orkiestr Dętych jest dr inż. Piotr
    Buchwald. Patronat honorowy objął prezydent Jerzy Gołubowicz.
    
    Biuro Prasowe UM w Zabrzu
    
    W uzupełnieniu dodam, że impreza na stadionie Walki rozpoczyna się o godz.13.oo
    a wystepy orkiestr o godz.15.00
    - broneknotgeld Re: II Zabrzański Festiwal Łorkestrow Dyntych 08.09.06, 17:29
      
      Ano - tela tyż jo wiym
      Przeca wiszom se plakaty
      Toż wystyknie jeszcze rym
      Czy łostanie to już na tym?
- broneknotgeld Re: II Zabrzański Festiwal Łorkestrow Dyntych 08.09.06, 18:01
  
  Tyjater Nowy 10.IX.2006 godz.16.55-17.25
  
  Łorkestra Gorniczo Bobrek-Cyntrum ruch Cyntrum
  
  Toż Barwiński koncert do
  Bytom go ze tego zno
  Aże blacha se zapoci
  Tako bydzie moji złoci.
- broneknotgeld Re: II Zabrzański Festiwal Łorkestrow Dyntych 08.09.06, 18:10
  
  Tyjater Nowy - Zabrze 10.IX.2006 godz. 17.35-18.05
  
  Ze ferajny Podolskiego
  Zowdy idzie coś zocnego
  Kunsztym tako istni blysnom
  Z insztrumyntow zoft wycisnom.
  - broneknotgeld Re: II Zabrzański Festiwal Łorkestrow Dyntych 08.09.06, 18:15
    
    Łorkestra Gorniczo Sośnica-Makoszowy ruch Sośnica
    
    Winiyn żech to Podolskiymu
    Chocioż feler niy do rymu.
- broneknotgeld Re: II Zabrzański Festiwal Łorkestrow Dyntych 08.09.06, 18:20
  
  Tyjater Nowy - Zabrze 10.IX.2006 godz. 18.15-18.45
  
  Łorkestra Gorniczo Bolesław Śmiały
  
  Fojcik jako "Bolek Śmiały"
  Aże mu sie blyszczom gały
  Trza nom przirychtować uszy
  Ze muzykom we nie ruszy.
- broneknotgeld Re: II Zabrzański Festiwal Łorkestrow Dyntych 08.09.06, 18:26
  
  Tyjater Nowy - Zabrze 10.IX.2006 godz. 18.55-19.25
  
  Łorkestra Gorniczo Bobrek-Cyntrum ruch Bobrek
  
  Słodczyk richtig wiela słodzi?
  Dyć łorkestrze to niy szkodzi
  Kunszt swoj cołki nom pokoże
  Łorkestranty - Szczyńść Wom Boże.
- broneknotgeld Re: II Zabrzański Festiwal Łorkestrow Dyntych 08.09.06, 18:32
  
  Tyjater Nowy - Zabrze 10.IX.2006 godz.19.35-20.30
  
  Łorkestra Gorniczo Sośnica-Makoszowy ruch Makoszowy
  
  Mandrysz z końcym wszyskich ruszy
  Łon u siebie tako wzruszy
  I zabawi i zodziwi
  Toż bydziecie z tym szczyńśliwi.
  - broneknotgeld Re: II Zabrzański Festiwal Łorkestrow Dyntych 10.09.06, 22:53
    
    Bymbny łod Mandrysza
    
    Ech - te bymbny łod Mandrysza
    Aże teroz durś je słysza
    Tako wystymp zaczynajom
    W Zabrzu - kaj im zowdy pszajom.
    - broneknotgeld Re: II Zabrzański Festiwal Łorkestrow Dyntych 10.09.06, 22:55
      
      Poł wieku
      
      Poł wieku z łorkestrom
      Toż Mandrysza dusza
      Zdowo sie tym luftym
      We trombach im ruszać.
      - broneknotgeld Re: II Zabrzański Festiwal Łorkestrow Dyntych 15.09.06, 22:46
        
        Łorkestra Mandrysza
        
        Łorkestra Mandrysza jako gruba staro
        Sto rokow jom momy dyć zdo sie durś jaro.

broneknotgeld Re: II Zabrzański Festiwal Łorkestrow Dyntych 09.09.06, 08:38

Miołch somsioda łorkestranta
Swoji trombce richtig pszoł
Toż niy zdziwi fraszka sam ta
I że rym jyj chycić chcioł

Somsiod był utropom dlo mnie
Co noc pora razy groł
Ślubno kochoł niyprzitomnie
Co sztelong - insztrumynt broł

Ech - rachować se niy chciało
Toż mie mynczoł cudzy fioł
We niym życie aż huczało
A joch ciyngym mało społ

Szczyńściym bajtla zmajstrowali
Ponoć istny tego chcioł
W nocu spokoj tako dali
Cicho jakby makym sioł.

broneknotgeld Re: II Zabrzański Festiwal Łorkestrow Dyntych 10.09.06, 13:05

Witom wszyskich łorkestrowo
Tako mi se dzisioj zdowo.
- broneknotgeld Re: II Zabrzański Festiwal Łorkestrow Dyntych 10.09.06, 14:18
  
  Zabrzański Szczurołap
  
  Szczurołap fujara mioł
  Dyć z łorkestrom durś grać chcioł
  Tako stado wytresowoł
  Ponoć dzisioj koncert dowo!

broneknotgeld Re: II Zabrzański Festiwal Łorkestrow Dyntych 10.09.06, 14:27

10.09.2006 godz.15.00 - Zabrze

Sztrasami pomaszyrujom
Zabrze blyśnie z tym muzykom
Kunsztym se tu delektujom
Za to słonko jo porzykom.

broneknotgeld Re: II Zabrzański Festiwal Łorkestrow Dyntych 10.09.06, 14:33

10.09.2006 godz.16.00 - Zabrze

Przed Tyjatrym Nowym tyn koncert łotworzom
Latoś po roz drugi już se na to wożom.

broneknotgeld Re: II Zabrzański Festiwal Łorkestrow Dyntych 10.09.06, 22:26

Kto tam niy był niych żałuje
I na bezrok już poprawi
Czerny tymu patronuje
Se zabrzanin zocnie jawi.

broneknotgeld Re: II Zabrzański Festiwal Łorkestrow Dyntych 12.09.06, 17:14

Solo na trombce lipście durś grywoł
Jak mioł jom ślubnom - łazioł na piwo.
- broneknotgeld Re: II Zabrzański Festiwal Łorkestrow Dyntych 12.09.06, 17:16
  
  "Suwakuje"
  
  Na puzonie "suwakuje"
  Aże frelka chuć fest czuje.
  - broneknotgeld Re: II Zabrzański Festiwal Łorkestrow Dyntych 12.09.06, 17:19
    
    Z trombom
    
    Z trombom se radzi
    Ze ślubnom niy
    Ło co se wadzi?
    A kto jom wiy?!

Najnowsze z forum Zabrze

Zaloguj się