Bronkanotgelda słownik ślonski

[broneknotgeld]

Wiym - piyrszo liga fest Wos tyż kusi
Ta sztela piykno do niyj wlyźć musi
Wyście som przeca tego we wercie
Bestoż se słownik moj ślonski biercie.

Przi okazji zaproszom na forum:
www1.gazeta.pl/forum/790620,30353,790602.html?f=261

[broneknotgeld]

Możno ktoś mi w tym pomoże
Zaczynomy w imie boże.

[broneknotgeld]

Abliger

Na abligry se dziwuja
No a potym je flancuja
Bestoż flanca idzie pedzieć
Musisz zowdy ło tym wiedzieć.

[broneknotgeld]

Ancug

Szaket westa i galoty
Z tym niywiela jest roboty.

[broneknotgeld]

Antryj

Niy wiysz? - przeca to boroku
We miyszkaniu jest "przedpokój".

[broneknotgeld]

Aszynbecher

Tam se kepniesz cygareta
No i tyż łostawisz peta.

[broneknotgeld]

Ańcla

Niy miyj tego za miyszkanie
Bo sie życie mynkom stanie

Mieć na ańcli szwigermuter
To już jest darymny futer.

[broneknotgeld]

Ańfach

Ańfach to przeca jest bele co
Wiela za ańfach tyż forum mo.

[broneknotgeld]

Ańfart

We familokach i kamiynicach
Ańfarty były jak tajymnica
Dzisioj coś z tego jeszcze łostało
Ale ańfartow momy już mało.

[broneknotgeld]

Ańbryna

Ktoś łyżkom po gowie mie klupie
- Niy ciyrpia ańbryny we zupie!

[broneknotgeld]

Ańlałf (rudzki)

Ańlałfu narobiołch jo tela
Że głośno sie stowo ta sztela
A wszysko skiż jajec to przeca
Wysypołch ich wiela ze neca.

[broneknotgeld]

Anong

Lepi go niy mieć niż mieć
Niy trza nom nawet go chcieć.

[broneknotgeld]

Abfal

Czowiek czasym tyż abfalym
Szkryflom tukej to ze żalym.

[broneknotgeld]

Apruzina

Szif ze Kuby w apruzinach
Dyć tak było - do pierzina!

[broneknotgeld]

Arbajancug

Łon jest zowdy do roboty
Kitla we niym i galoty.

[broneknotgeld]

As

Wszysko we niym "jest na plus"
Ponoć taki z niego tuz.

[broneknotgeld]

Aska

Gowa w gora - cycki sztram
Łona piyrszo jest ze "dam".

[broneknotgeld]

Asić sie

Niy trza asić sie za wiela
Bo niy zowdy jest niydziela.

[broneknotgeld]

Ausgus

Ze kokotkym łon jest w porze
W doma w siyni i na dworze.

[broneknotgeld]

Bakać

Idzie bakać cygarety
I harować tyż - niystety.

[broneknotgeld]

Bana

Cug na glajzach z wagonami
Pewnie ło tym wiycie sami.

[broneknotgeld]

Banhof

Cugi czynsto tam stowajom
Ludzie ze nich wysiodajom.

[broneknotgeld]

Banka

Ta na glajzach glingo fest
W wiynkszych miastach łona jest.

[broneknotgeld]

Blumkul

Śmierdzi fest jak sie go warzy
Dyć ło smaku idzie marzyć.

[broneknotgeld]

Bombon

Czynsto go do gymby tkosz
Niebo we niyj wtedy mosz.

[broneknotgeld]

Bonclok

Łon jest dobry do tustego
Żur kiszony tyż ze niego.

[broneknotgeld]

Bajlaga

Przeca wszyscy ło tym wiycie
Wylyguje sie na sznicie.

[broneknotgeld]

Bratruła

Kołocz w bratrule ołma nom piykła
Wyloz zokalec - heksa urzykła.

[broneknotgeld]

Bratkartofle

Nojpiyrw warzone potym pieczone
Wcinali my je jak łoparzone.

[broneknotgeld]

Brałza

Bergmon czorny w badyhałzie
Dugo moczoł rzić przi brałzie

Jeszcze inkszo brałza znom
Smak do dzisioj w gymbie mom.

[broneknotgeld]

Bigel

Na biglu wiyszom se jupka
A czasym bawia we gupka.

[broneknotgeld]

Bigylfalta

Na nogawicy jest łona
Niy chytej nigdy rynkoma
Bo przeca urznońć sie idzie
Niy trza ci zaś być we biydzie.

[broneknotgeld]

Bergmon

Bergmon to tyn co na grubie
Durś pod ziymiom cosik dubie.

[broneknotgeld]

Błecha

Niy chcioł byś jom mieć u siebie
Jak sie dropiesz toś niy w niebie.

[loggic]

Biksa

Kafyj czimać w niyj możecie
Stawiać tyż na fensterbrecie
Fajniscie wyglondo na bifyju
Ino być musi pouno tyju!
L.

[loggic]

Buła

Nie dosz pozór, klupniesz sie w gowa
I już srogo buła gotowa!
L.

[loggic]

Buda

To fussbalowy tor jes kaj budziorz bal chyta
Tam tyz najwiynkszo na placu jes ciaplyta.
L.

[broneknotgeld]

Blynda

Blynda w taszynlampie mom
Ździybko światła zaroz dom
I daleko niym zablyndza
Bo jo przeca w Ślonzek pyndza.

[broneknotgeld]

Bigylbret

Tako decha
Co mo pecha
Choć materiał na niyj jest
Przipiykajom jom durś fest.

[broneknotgeld]

Bebechy

Niy za wiela mom uciechy
Jak mi burczom te bebechy.

[broneknotgeld]

Baje

Rechtorka waje
-Ciyngym te baje.

[broneknotgeld]

Baba

Staro panna, ślubno, wdowa
Trza na baba pozor dować.

[broneknotgeld]

Babka

Zista na nia idzie pedzieć
Ło tym tyż wom czeba wiedzieć.

[broneknotgeld]

Binder

Ze Kroacji łon pochodzi
Karkowi mojymu szkodzi.

[broneknotgeld]

Bryle

Na kicholu trza je nosić
Słaby ślyp sie ło nie prosi.

[broneknotgeld]

Byfyj

Byfyj zowdy w kuchni stoji
Ło noczynie łon sie boji
Garce szolki i talyrze
Kere byś niy łotwar dzwiyrze.

[broneknotgeld]

Bumelka

Jo już robia te ćwierć wieku
Bez bumelki - wiydz czowieku.

[loggic]

Buła

Nie dou pozór i klupnou sie w gowa
I juz srogo buła gotowa!

L.

[broneknotgeld]

Blank

Richtig cołkym - tela szkryfna
Blank żech czyźwy - dyć se gichna.

[broneknotgeld]

Bebok

Łon na Ślonsku straszoł zowdy
We tym richtig wiela prowdy.

[broneknotgeld]

Berga

Bergom w łeb tyż dostać idzie
Dyć niywiela z tego przidzie.

[broneknotgeld]

Babske scochy

Babske scochy żech zbiyroł na łonce
Tyż som kwaśne a przeca w niych słońce.

[broneknotgeld]

Bajzel

Bajzel w doma naszym jest
Jak sie przontać niy chce fest.

[broneknotgeld]

Babowka

W gymbie mom słodko
Boch jom tam potkoł.

[broneknotgeld]

Beblać

"Beblać" tyż klawiyrom idzie
Na forum to wszysko przidzie.

[broneknotgeld]

Bakpulwer

Kedyś drożdże były w zocy
Dzisioj łon mo wiyncyj mocy.

[broneknotgeld]

Bal

Ciepać kopać i kepkować
- Niy chciyj na niym zatańcować.

[broneknotgeld]

Bamońcić

We wybory biydny czowiek
Durś bamoncom mu we gowie.

[broneknotgeld]

Baniorz

Łon przi glajzach robi zowdy
We tym rymie wiela prowdy.

[broneknotgeld]

Bas

Zowdy mi sie przipomino
Jak zaś kopla dali spinom.

[broneknotgeld]

Bachraty

Jak puloka już niy widzi
To sie basym ździybko wstydzi.

[broneknotgeld]

Bajukać

Stary chop a tyż bajuko
Jak szpyroniym gardło płuko.

[broneknotgeld]

Babrać

Czy sie zbabrać idzie słowym?
Idzie! -Tela jo wom powiym.

[broneknotgeld]

Babrok

Niy ma dnia by sie niy zbabroł
We tym wprawy wielki nabroł.

[broneknotgeld]

Badki

Naturysty żech uprosioł
By na plaży badki nosioł
Dyć sie ślubno tym wnerwiyła
Zawiedziono jakoś była.

[broneknotgeld]

Badnońć

Jak żech badnońć chcioł na frela
Ślubno zaroz - W pysk ci szczela!

[broneknotgeld]

Bauplac

Bauplac kupioł na cmyntorzu
Dyć budowy już niy dożoł.

[broneknotgeld]

Barzoły

Utopek w barzoły wpod
Z czego był pierońsko rod.

[broneknotgeld]

Belontać

Jak wysłepia seta pionto
Już mi w gowie sie belonto.

[broneknotgeld]

Berać

Umiała berać Szecherezada
Jo tyż - choć frelka tymu niy rada.

[broneknotgeld]

Bery

Niy byda jyj berow prawić
Lepi z dziołchom sie zabawić.

[broneknotgeld]

Bezkurcyjo

Bych go ździeloł pryndko w ryjok
Jak widza ta bezkurcyjo.

[broneknotgeld]

Betlyjka

Przi betlyjce we Wilijo
Śpiywo cołko familijo.

[broneknotgeld]

Bez

Niy. To niy jest wcale flider
Bez kery gnat złomoł szwiger.

[broneknotgeld]

Bezmała

Bezmała my som w Europie
Dyć co dali z tym chopie?

[broneknotgeld]

Bezto

Bezto że wongel tu momy
Bezmała biydy doznomy.

[broneknotgeld]

Beztydziyń

Na beztydziyń i łod świynta
Trza ło pszoniu durś pamiyntać.

[broneknotgeld]

Biksa

Ślonsko biksa łotwiyrajom
I ze tego sie chichrajom.

[broneknotgeld]

Biydaszyb

Zaś fedrujom w biydaszybach
Momy kryzys w Polsce chyba.

[broneknotgeld]

Binda

Łobindować trzeba gowa
Co durś rzońdzić chce łod nowa
I sie ciśnie na tyn wiyrch
A kurować trza jom wpiyrw.

[broneknotgeld]

Blindar

Jak mosz blindar - pod noż przidziesz
Wtedy przeca zdrowym bydziesz.

[broneknotgeld]

Biza

Jak se galant szwongu wziył
Na bizach mu wiater wył.

[broneknotgeld]

Blaszok

Fest sie boł ło ta landara
Aż blaszany kupioł garaż.

[broneknotgeld]

Blacha

Blacha z kołoczym
Cieszy nom łoczy.

[broneknotgeld]

Blank

Kupiyli nastympny szrank
Już go pełny majom blank.

[broneknotgeld]

Blukać

Cołki dziyń jyj blukoł w ucho
Szczyńściym frela była gucho.

[broneknotgeld]

Błozny

Błoznować idzie we rymach
Nado sie tu kożdy tymat.

[broneknotgeld]

Blumwaza

Bez łogrodek wom to powiym
Tam jest kwiotek. A kaj korzyń?

[broneknotgeld]

Boczoń

Do Afryki sie przekludzioł
Jak se yno dziyń łostudzioł.

[broneknotgeld]

Bodnońć

Bodnońć idzie nawet słowym
Tela jo tu yno powiym.

[broneknotgeld]

Bojtel

Bojtel piniyndzy by sie mu przidoł
Pewnie by wszysko na frelki wydoł.

[broneknotgeld]

Boki

Nawet w doma u borokow
Niy ma łokyn bez tych bokow.

[broneknotgeld]

Bolawo

Chodza teroz dość niymrawo
No bo szłapa mom bolawo.

[broneknotgeld]

Boliłoczko

Tyn kwiotek na łonce
Jest jak małe słońce.

[broneknotgeld]

Bolok

Ze niego niyborok
Na boloku bolok.

[broneknotgeld]

Bonkawa

Dyć my sie zbestwiyli
Żodyn jom niy miyli
Kedyś młynkym sie kryńciyło
Do aromy jyj nyńciyło.

[broneknotgeld]

Bonty

To co bonte puszczo tyż
Ło tym chyba dobrze wiysz.

[broneknotgeld]

Borajstwo

Rykniesz nań - już serce ścisko
Bo tam litość przeca miyszko.

[broneknotgeld]

Borok

Ślintać czynsto przi niym możesz
Czasym chichrać - moj ty Boże.

[broneknotgeld]

Brytfanka

W niyj rolady już se piekom
Jo ciyrpliwie na nie czekom.

[broneknotgeld]

Bryja

Bryja gynsto
Tusto czynsto.

[broneknotgeld]

Brynol

Choć łon kolor nosi modry
We procyntach przeca szczodry.

[broneknotgeld]

Brzim

Brzim na zima cołki goły
Choinki już go wyśmioły.

[broneknotgeld]

Bubikopf

Frelki lubiom tako friza
Lepszy kok niż kudły lizać.

[broneknotgeld]

Buda

Fuzbaler ta buda zno
Szkolorz z niyj pożytek mo
Na targu tyż wiela tego
Buda z piwym - coś mojego.

[broneknotgeld]

Buks

Idzie drogom - w gymbie cipa
Z niego przeca niy jest klipa.

[Gość: usia.t]

Jest tyż buda z piernikami
na łodpuście.
Ale to nie w moim guście!
Makrony! Makrony!
Dlo Mariki i Werony.

[broneknotgeld]

Bulić

Bulić forsa grubo idzie
I ruderze tyż to przidzie.

[broneknotgeld]

Bulkać

Zaciyr bulkać już mi zaczoł
Potym byda go łonaczoł.

[broneknotgeld]

Bożo krowka

Czerwono we czornych kropkach
Niy dojono tyż przez chopka.

[broneknotgeld]

Bratering

Łopieczony w łoccie pływo
Take ze ty ryby dziwo.

[broneknotgeld]

Brecha

Chachor zowdy mo uciecha
Jak we rynkach czimie brecha.

[broneknotgeld]

Breweryje

Larmo wielke - breweryjo
Sie spotkała familijo
Kaj łostuda ciyngym jest
Haja możno bydzie fest.

[broneknotgeld]

Brusić

Ślubny noż nabrusić - strach
W nocy moze zrobić - ciach!

[broneknotgeld]

Bymbyn

Walić w niego wiela idzie
Ale co nom z tego przidzie?
Choć zrobiymy wielke larmo
W środku pusty - niy na darmo.

[broneknotgeld]

Byrna

Poszła byrna - wielki ćmok
Jak terozki zrobić krok?

[broneknotgeld]

Byszta

Do kudłow dobro i do żelazła
Nawet do gymby byszta tyż wlazła.

[broneknotgeld]

Bysztek

Noże łyżki i widelki
Bywo mały i tyż wielki.

[broneknotgeld]

Bonclok

Boncloki we Prusach zdo sie cołkich były
Recht w tym - łone Bunzlau naprowdy sławiyły.

[broneknotgeld]

Bysztek

Czi byszteki istnym dali
Jak se w końcu pobiyrali.

[broneknotgeld]

Bajtle

Bajtle przeca to dziecioki
Rodziciele niy boroki.

[broneknotgeld]

Bratering

Robi richtig kwaśno mina
Dyć to dlo nos niy nowina
Jakiś taki pozmorszczany
Pewno istny łopiykany.

[broneknotgeld]

Buły

Buły brać czasami idzie
Wiela ojlow ze tym bydzie?

[broneknotgeld]

Baje

Pyndzyjonista co życiu pszaje
Chciołby se jeszcze wybrać na baje.

[broneknotgeld]

Bonkawa

Bonkawa z mlykym tyż czynsto pija
Bez niyj ze rana jakby mniyj żyja.

[broneknotgeld]

Brytfana

Co w brytfanie upiekymy
www.dziennikzachodni.pl/artykul/681951,szoltysek-godka-slaskich-dzieci,id,t.html
Tako tukej tyż pojymy.

[broneknotgeld]

Bojonczek

Kej włazi do ćmoka
Mo mokro we zokach.

[broneknotgeld]

Bzik

Ano - richtig chycioł bzika
Na komputrze durś chcioł klikać.

[broneknotgeld]

Cera

Łojciec cera zowdy zno
Chyba że po świecie mo.

[broneknotgeld]

Cug

Roztomajte som te cugi
Znom ze glajzow taki dugi
A zaś inkszy z luftym jest
Ciongnie wtedy ponoć fest.

[broneknotgeld]

Cycek

Ło niym to jo wiela pisoł
Boch u cycka przeca wisioł.

[broneknotgeld]

Cygareta

Jak za wiela ich wybakosz
Krebsa niy wygoni "rakorz".

[broneknotgeld]

Chachor

Stary jest czy możno mody
- Jo tam niy chca z niym przigody.

[broneknotgeld]

Ciaplyta

Dyć czasym w duszy jom momy
Do tego sie niy prziznowomy
A łona se siedzi głymboko
Choć bywo że w łoczy tyż skoko.

[broneknotgeld]

Ciga

Zjadła ciga stary charboł
Dlo niyj to był Pearl Harbor.

[broneknotgeld]

Chyrtoń

Chyrtoń mie terozki dropie
Zimne piwo pioł żech chopie.

[broneknotgeld]

Ćmok

Psinco widać powiym tela
Choć ćmok czasym lubi frela.

[loggic]

Cesta

Weg to jes abo tyz droga
Niom dojsc do Gogolina moga.
L.

[loggic]

Cyganić

Wichlać, fuloć, prawdy nie godoć wiela
Za buozna robić - i tela!
L.

[broneknotgeld]

Cfibak

Cfibak zymbom rada doł
Piyrwyj bych sie z tego śmioł.

[broneknotgeld]

Cipa

Znom tyż te nazwisko zocne
Choć to słowo trocha "mocne".

[broneknotgeld]

Cwerg

Cwergi w doma czasym som
Jak cie niy ma sprzontnom krom.

[broneknotgeld]

Cajtong

Cajtong ślubno cygarety
Take życio tyż podniety.

[broneknotgeld]

Cwist

Możno ciynkim być jak cwist
Dyć tyż mocny taki gizd.

[broneknotgeld]

Cycyhalter

Zowdy cycki we niym sztram
Pewnie dobrze im jest tam.

[broneknotgeld]

Cyja

Na cyji fajniście gro
Grajfka łon do tego mo.

[broneknotgeld]

Cufal

Rym bez cufal taki wyloz
Yno żech na forum prziloz.

[broneknotgeld]

Cimpel

Cimple łapły papagaja
Na śmierć była z tego haja.

[broneknotgeld]

Cwaja

Rektor w szkole dowoł jom
Bestoż dobrze cwaja znom.

[broneknotgeld]

Chuderlok

Sama yno skora-kość
Blikom - już mom tego dość.

[broneknotgeld]

Colsztok

Stolorz bez colsztoka
Jest jak chop bez kroka.

[broneknotgeld]

Cyferblat

Na cyferblat bliko
Już do betow rzyko.

[broneknotgeld]

Cyferblat

Na cyferblat bliko
Już do betow rzyko.

[broneknotgeld]

Chopionka

Po chopsku durś chodzi
Bo jyj to niy szkodzi.

[broneknotgeld]

Cangi

Cangi take chciołby mieć
By szło czimać nimi mocno
Internetu wielko sieć
Chocioż sprawa to niyzocno.

[broneknotgeld]

Canpasta

Dziury w zymbach ci "przemyje"
A prochnica i tak "żyje".

[broneknotgeld]

Capnońć

Capnoł jo bych modo frela
Ale lotek już za wiela.

[broneknotgeld]

Cedzitko

Jak rym ciepniesz na cedzitko
To niy przyńdzie łokym wszytko.

[broneknotgeld]

Cesta

Czyńści w uszach sztrasa brzynczy
Cesta jednak tyż niy mynczy.

[broneknotgeld]

Chichrać

Chichrać z rymow tyż sie idzie
Z tego zdrowie yno przidzie.

[broneknotgeld]

Cygaństwo

Zaroz mie łopieprzy Rom
Jakoś rada se z tym dom.

[broneknotgeld]

Scyganić

Normalnie to chopa dusi
Dyć scygani jak już musi.

[broneknotgeld]

Ciarach

Przeca wiycie kto to ciarach
-Namarasi i na marach.

[broneknotgeld]

Cider

forum.gazeta.pl/forum/72,2.html?f=38506&w=39598833&a=40462992

[broneknotgeld]

Cichtować

Choć karlusa cichtowała
Wiela z niego dyć niy miała.

[broneknotgeld]

Ciband

Ciband se na kark założoł
Za fest skryńcioł - krotko pożoł.

[broneknotgeld]

Cinza

Cinza ze jednego grosza
W portmaneju ciyngym nosza.

[broneknotgeld]

Ciurlikać

Tako wele ucha mi piyknie ciurlikoł
Że mi se zdowało jakby prawie rzykoł.

[broneknotgeld]

Ciućmok

Ciućmok wiela niy poradzi
Choć kaj niy trza cosik wsadzi.

[broneknotgeld]

Chwolba

Z wielgi chwolby profit mały
Choćbyś wpiyrw wytrzyszczoł gały.

[broneknotgeld]

Deka

Dekom idzie sie przikrywać
I jak leżysz na nia dziwać.

[broneknotgeld]

Drach

Drachy na lufcie piyknie furgajom
Czasym ze sznorkow sie urywajom.

[broneknotgeld]

Dynkmal

Dynkmale w gowie terozki momy
Bo te kerchofy już łodwiydzomy.

[broneknotgeld]

Dinks

Ło moj Boże
Wiela rzeczy tym być może.

[broneknotgeld]

Delina

Leży borok na delinie
Niy chcioł gzić se we pierzinie.

[loggic]

Drzistać

Najod sie leber fanzole,grochu
a potym drzisto se na boku.
L.

[broneknotgeld]

Dyć

Dyć tyż "ja" - tela jest prowdy
Pamiyntejcie ło tym zowdy.

[broneknotgeld]

Dałerwele

Zrobioł bych se dałerwela
Ale kudłow niy mom wiela.

[broneknotgeld]

Dynga

Jak po dyszczu klara przidzie
To pewnikym dynga bydzie.

[broneknotgeld]

Dołza

Niy tkej drota do tyj dołzy
Sztrom cie kopnie choć niy w hołzy.

[broneknotgeld]

Dran

Świynty Pyjter kiwnoł nań
"Podź bo prziszoł na cia dran".

[broneknotgeld]

Droźnić

Nim sie skończoł czas wesela
Droźnioł se ze ślubnom wiela

[broneknotgeld]

Doczkać

Pyndzyji chca doczkać jo
Możno Bozia tyż to do.

[broneknotgeld]

Dorta

Już gyburstag - dorta świyczki
Cieszyć z tego trza sie wdycki

[broneknotgeld]

Dratwa

Prosty jak dratwa - tako żech słyszoł
Dyć juz niyjedyn na tym źle wyszoł
Choć syntyncyjo zdowo sie zocno
Dratwa niy prosto - tela że mocno.

[broneknotgeld]

Druknefle

Roz nudelkulom dostoł po zymbach
Już na druknefle zawiyro gymba.

[broneknotgeld]

Drapszajs

Choć se może niy podobać
forum.gazeta.pl/forum/72,2.html?f=28940&w=24316700&a=46025822&t=1154112793359
Prezydyncko tyż choroba.

[broneknotgeld]

Drapszajs

U mie po przepiciu bywo
Tako wcale tyż niy dziwo
-Drapci przeca żech "pościeloł"
Boch kielonkow wiela "strzeloł".

[broneknotgeld]

Driker

Kej driker łostani
Sie czujesz jak w matni.

[dr_scott]

drabiniok

jak łospolisz srogi fojer
nie poradzisz go sztopnońć
robi drabiniok taki bajer
coby w fojer wodom gichnońć

[broneknotgeld]

Elefant

Elefanta przeca znocie
Tromba wielko - już go mocie.

[broneknotgeld]

Elwer

Elwer robić niy chcioł nic
Dzisioj to jest choćby wic
Ze fuzbalu elwer znom
Tyż to miano tukej dom.

[broneknotgeld]

Erbnońć

Po ołpie erbnoł ta grajfka
Na spaniu łon kurzy fajfka.

[broneknotgeld]

Ek

Na eku stoła
Darmo niy pszoła.

[broneknotgeld]

Ek

Skiż eka szrancka
Ojla mo Francka.

[broneknotgeld]

Erbnońć

Erbnońć wiela idzie
Szczyńście z tego przidzie?

[broneknotgeld]

Eli

Eli ja, a eli niy
Kto to richtig dzisioj wiy?

[broneknotgeld]

Familijo

Fater muter bajtli kupa
Pełno była by chałupa.

[broneknotgeld]

Familok

We familokach som familije
Jakoś do dzisioj sie im tam żyje.

[broneknotgeld]

Fela

To może być zwykło decha
Choć na grubie z niyj pociecha
Jak sie mukniesz czasym na ni
- Niy chciyj jednak niom po bani.

[broneknotgeld]

Frelka

Marne bez frelki jest życie
Karlusy - wy ło tym wiycie.

[broneknotgeld]

Fuzekle

Podobno ktoś woloł być w piekle
Niż woniać te moje fuzekle.

[broneknotgeld]

Floster

Niy trza dować mi po zymbach
Styknie floster na mo gymba.

[broneknotgeld]

Fandzolynie

Tela se fandzola tukej
Że sie tymu som dziwuja
Szpasu szukosz - no to klupej
Bo jo czynsto go tyż suja.

[broneknotgeld]

Fizymatynta

Dyć i komputer w środku je mo
Choć niy kożdymu możno sie zdo.

[broneknotgeld]

Farorz

Na kożdy farze po Bogu piyrszy
No i w parafii łon jest nojwyrszy.

[broneknotgeld]

Forhang

Niy trza czaskać tymi drzwioma
Jak forhangi mo sie w doma.

[broneknotgeld]

Fecht

Kożdy rzond nom fest dogodzi
Dyc durś wiyncyj na fecht chodzi.

[broneknotgeld]

Flinta

Jak łon szczyloł - uciyk hazok
Bo ta flinta czimoł mazok.

[broneknotgeld]

Flaszka

Flaszce tyn chop umi pszoć
Co sie baby przestoł boć

[broneknotgeld]

Fiber

Jak mosz fiber krankol bier
Dyć to zowdy bydzie "feer".

[broneknotgeld]

Fort

Coby chop fort jechoł czeko
I nojlepi fest daleko.

[broneknotgeld]

Fojercojg

Cygaretow łon niy kurzy
Ale fojercojgym służy
Choć do frelki fest sie poli
Dyć te cipy łona woli

[broneknotgeld]

Faca

Joch chcioł - łona zaś niy chciała
Jeszcze faca wtedy dała.

[broneknotgeld]

Fakla

Z faklom kedyś sie chodziyło
Ale downo już to było.

[broneknotgeld]

Fuzlapa

Niym w guminiok wsadzisz szłapa
Łowiń se jom we fuzlapa.

[broneknotgeld]

Forsztelować

Posty tukej trza mi dować
By szło godka forsztelować.

[broneknotgeld]

Fojercojg

W fojercojg se frela szkyrtła
Dyć przi tymu niy kopyrtła.

[broneknotgeld]

Frechowny

Toż karlus frechowny był
Ale pod balkonym wył.

[broneknotgeld]

Fojercojg

Z fojercojgym trza żyć w zgodzie
Jak sztrahecle niy som w modzie.

[broneknotgeld]

Faflok

Niy zawiyro mu se gymba
Choć jednego mo w niyj zymba.

[broneknotgeld]

Fet

"Ciyngym tego mosz za wiela"
-Tako prawi moja frela.

[broneknotgeld]

Farmazony

Farmazonow wiela ciepoł
Aże se już wszyskim hepoł.

[broneknotgeld]

Flaszynpucer

Flaszynpucer wzioł pyndzyjo
Glacom blyszczy - tragedyjo!

[broneknotgeld]

Fajla

Fajla raszpli tak pedziała
-Bych za muster cie niy brała.

[broneknotgeld]

Fingerhut

Noparstek być może - fingerhut tyż bywo
Sztopnadla skiż niego ponoć niyszczyńliwo.

[broneknotgeld]

Fecht

Po fechcie łazisz se tu i tam
Tako abfale cołki twoj kram.

[broneknotgeld]

Fonca

Zdo wom co jest dali cima?
Przeca z foncy śłońca ni ma.

[broneknotgeld]

Galoty

Chop je nosi na swyj rzyci
Ło pieronie - Szkot czymś śmiyci.

[broneknotgeld]

Glajzy

Bana i banka inksze je majom
Dyć bez nich nikaj sie niy ruszajom.

[broneknotgeld]

Gańba

Gańby to niy mom za wiela
Jak szkryflom na waszo sztela.

[usia.t]

Glaca

Glaca to wysokie czoło,
kerym świyci sie wokoło.

[usia.t]

Glyjta

Glyjta -to na gorku łata,
coby służył dugie lata.

[usia.t]

Hadra

Majtom hadrom po chałupie
-a tu do drzwi wtoś mi klupie.

[usia.t]

Igel

Igel to jest przeca jyż,
Chyba dobrze ło tym wiysz.

A nadepnąć igla w lesie?
Ała ,uuuuu sie potym niesie!

W gołyj szłapie igłów wiela
tu pomocno jest flygiera.

[broneknotgeld]

Gyry

Dwie je yno momy
Czasym podziwiomy
Bo gyry u frelki
To czynsto skarb wielki.

[broneknotgeld]

Gyjbis

Rano ze szolki tkosz go do gymby
Juz możesz szczyrzyć te "zdrowe" zymby.

[broneknotgeld]

Gizd

Utropa ze gizdym jest
Bo to chachor richtig fest.

[broneknotgeld]

Gibko

Gibki na forum żech był
Ale coś brakuje siył.

[broneknotgeld]

Gelynder

Zy mnom wiela mioł roboty
Czynsto targoł mi galoty.

[broneknotgeld]

Gruba

Gruba szachty czynsto mo
Niy yno nom wongel do.

[broneknotgeld]

Gumin

Jak żeś jeszcze niy łobyty
Poślom cie po guminity.

[broneknotgeld]

Gorol

Na Ślonsku niy-Ślonzok to
Czy ktoś z wos gorola zno?

[broneknotgeld]

Giskana

Giskana z łogrodka znocie?
-Niy! -Durś szlałchym podlywocie!

[broneknotgeld]

Grajfka

Pewnie tyż do czegoś mosz
Mamlas żeś jest jak niy znosz.

[broneknotgeld]

Gliniok

Tam nauczoł żech sie pływać
Niy ma co sie z tego dziwać.

[broneknotgeld]

Galert

Dyć bez świński raci łon
Jak bez serca pusty dzwon.

[broneknotgeld]

Golacz

Żdziybko kudłow z zadku mom
Do golacza z tym sie pchom

Kasuje za gowa cało
Bo piniyndzy durś mo mało
Ciyngiym mie po kapsie goli
To glacoka przeca boli.

[broneknotgeld]

Galant

Ancug łoblyk wzioł tyż szlips
Teroz cołkym inkszy gips.

[broneknotgeld]

Gardiny

Gryfnie w łoknie zowdy wiszom
Pochwol - gospodorze słyszom.

[broneknotgeld]

Gardinsztanga

Rożne zorty jyj bywajom
Ze gardinom fest sie pszajom.

[broneknotgeld]

Gitra

Nic już na mie niy poradzom
Chyba że za gitra wsadzom.

[broneknotgeld]

Glazyjki

W glazyjkach se chodza jak pon
Dyć trocha a pedzom mi - von!

[broneknotgeld]

Gywera

Wnerwio sie czowiek czasym - cholera
Że aż by chycioł jakoś gywera.

[broneknotgeld]

Gurt

Boł se i na dworze purtać
Bo w galotach niy mioł gurta.

[broneknotgeld]

Gadzina

Jak gadzina połodbywoł
Ledwo sie na nogach kiwoł.

[broneknotgeld]

Garniec

Choć jest myńszy łod kastrola
Jo na garniec go pitola.

[broneknotgeld]

Garusić

Nagarusioł w doma Trudzie
Sprzontnońć leko to niy pódzie.

[broneknotgeld]

Gdowa

Gdowiec wzioł sie jedna gdowa
I zaczyło sie łod nowa
Kto kogo do truły wsadzi?
Tyn se dali poparadzi.

[broneknotgeld]

Gyburstag

Gyburstag to u mie "dziyń zwyciynstwa" zowdy
Tela yno szkryfna moji richtig prowdy.

[broneknotgeld]

Geltag

Z geltagym do knajpy se wloz
Podobno łostatni już roz.

[broneknotgeld]

Geltasza

W geltag geltasza mo rubo
Niy dugo jednak - niy dugo.

[broneknotgeld]

Gerować

Jak yno dobrze przegerowało
Kamratow w chałpie było niymało.

[broneknotgeld]

Gibać sie

Gibej sie z kankom - ołpa che pić
Bez piwa ciynżko mu przeca żyć.

[broneknotgeld]

Gibko

Zowdy gibko przi gupocie
"Langsam" jednak we robocie.

[broneknotgeld]

Gichnońć

Gichnońć gnojym gospodorza
Na to jo sie niy łodwoża.

[broneknotgeld]

Gipsdeka

Durś leży i paczy w gipsdeka
A wstowo by ponarzekać.

[broneknotgeld]

Gizdula

Z niyjedny mody frelki gizdula
W gowie mo yno - jakby zahujać?

[broneknotgeld]

Glacaty

Glacaty - szczyńśliwy czowiek
Bo słońce nosi na gowie.

[broneknotgeld]

Glacok

Glacokowi włos niy spadnie
Bestoż tyż niy bydzie na dnie.

[broneknotgeld]

Glancować

Wyglancowany do frelki chodzioł
A łona flondra - toż jyj zaszkodzioł.

[broneknotgeld]

Glaska

Gorzoła glaskami pioł
Dzisioj wspomnom yno - "boł".

[broneknotgeld]

Gładko

Jak mosz gładko pod szłapami
Wylyź se ze ślynzuchami.

[broneknotgeld]

Gnojok

Bez gnojoka ciynżko żyć
Łon tyż przeca musi być.

[broneknotgeld]

Gnot

Lojzik w robocie złomoł se gnot
Z rewiyru potym był pieron rod.

[broneknotgeld]

Gnotek

Na gnotku leżoł już ryj
Możno spytocie sie - czyj?

[broneknotgeld]

Godać

Wiela by ło pszoniu godać
Yno tela jo chca dodać

[broneknotgeld]

Godka

Zowdy wtedy mocno godka
Jak wyłazi ci ze środka.

[broneknotgeld]

Gody

We Wielkanoc wspomnioł Gody
Jak był Krystus cołkym mody.

[broneknotgeld]

Gichnońć

Jak mu yno dali dychnońć
Zarozki chcioł kogoś gichnońć.

[broneknotgeld]

Goik

Goik we zima - goik przi wiośnie
Po co go ścinać? Niych lepi rośnie!

[broneknotgeld]

Gołymbiorz

Gołymbiorz chyba mo szmyrgla leko
Jak na gołymbie za dugo czeko.

[broneknotgeld]

Glizda

Wnerwio Ańdzia sie na gizda
Co jyj wciep do batek glizda.

[broneknotgeld]

Goń

Chcesz sie wybrać z niom na goń
Łona szczylo! Boże broń!

[broneknotgeld]

Gora

Na gorze lompy rożniste miała
Tam przeca zowdy wszysko ciepała.

[broneknotgeld]

Goreć

Chałpa goreje
A łon sie śmieje
Możno jom hajsnoł se nawet som
Toć piromanow tyż przeca znom.

[broneknotgeld]

Gorczek

Gorczkym baba chopu wloła
Jeszcze sie przi tymu śmioła.

[broneknotgeld]

Gorko

Łoj Dorko! Dorko!
Zowdy przi ciebie jakoś mi gorko!

[broneknotgeld]

Gorolka

Niyjedna gorolka Ślonzoka by chciała
Niyjedna go mo już - abo bydzie miała.

[broneknotgeld]

Gorszyć

Gorszyć sie niy ma wcale co tukej
Humoru we tym słowniku szukej.

[broneknotgeld]

Gyjbis

Jeszcze w gymbie go niy nosza
Oby jak nidłuży - prosza.

[broneknotgeld]

Glajzy

Glajzy?
-Dwie łajzy!

[broneknotgeld]

Gorść

Zowdy w gorści cimpla mieć
Ponoć wiyncyj niy trza chcieć.

[broneknotgeld]

Glingać

Banka glingo - wszkryfna tela
I na glajzach jeździ wiela.

[broneknotgeld]

Gorzołka

Ze tom gorzołkom weselsze życie
Pewnikym cosik tyż ło tym wiycie.

[broneknotgeld]

Groczka

Jakby groczka słownik tyn
Ło tym jo już downo wiym.

[broneknotgeld]

Grajfnie

Sztrajchnoł grajfnie mi miyszkanie
Teroz jest sztalugi "branie".

[broneknotgeld]

Grodza

Połno grodza z kartoflami?
Dyć już zima jest za nami!

[broneknotgeld]

Gryfcok

Za gryfcokym goni frela
Jedna? Szkryfna tu że wiela!

[broneknotgeld]

Gryfny

Choć był gryfny pecha mioł
Bo ksiynżniczka z bajki chcioł
Tela ropuch wycałowoł
Że mu dzisioj nic niy stowo.

[broneknotgeld]

Gulik

Gulik idzie zdobić z duszy
Ze tym w przodek potym ruszyć.

[broneknotgeld]

Gupielok

Gupieloka kaj chcesz szukej
Nawet do sia tyż zaklupej.

[broneknotgeld]

Gurt

Francek był richtig ze tym fest furt
Jak se przi sznali łodpnoł mu gurt.

[broneknotgeld]

Godka

Ołpa prawiyli - Świynto jest godka
Bo mo Ponboczka jakby łod przodka.

[broneknotgeld]

Glaskugle

Hehe - dyć terozki na drzewku glaskugle
Z Niymiec tako prziszły - niy wiyszejcie nudle.

[broneknotgeld]

Grinclich

Grinclich tako
Ibrich płako.

[broneknotgeld]

Gaftać

Na karlusa gaftła frela
Gryfny cosik niy za wiela.

[broneknotgeld]

Gugoły

Jak zymby kroły
take gugoły?

[broneknotgeld]

Grajfka

Poboczek chcioł
By grajfka mioł.

[broneknotgeld]

Hyrpa

Jak sie poddosz jakiś hyrpie
Cołke życie bydziesz ciyrpieć.

[broneknotgeld]

Hut

Hut jest dobry na ta glaca
Niy trza sie po gowie macać.

[broneknotgeld]

Hajer

Tym czym kombajn kedys hajer
Łon na grubie niy był frajer.

[broneknotgeld]

Heksa

Baba Jaga to jest polsko
Dyć na Ślonsku heksa swojsko.

[loggic]

Herzklekoty

Sleciou ze stromu, roztargou galoty
W lazarycie pedzieli ze wykopyrtnou na herzklekoty.
L.

[broneknotgeld]

Herski

Niyherski jest karlus zy mie
Yno cosik w duszy drzymie.

[broneknotgeld]

Halba

Halba w czech to marno sprawa
Jedna na łeb - już zabawa
Czech ćwierci zaś bych niy szczimoł
Wiym boch niyroz przi tym drzymoł.

[broneknotgeld]

Hnetko

To zarozki teroz bydzie
No - chyba że już niy przidzie.

[broneknotgeld]

Hereszt

Do heresztu sie szykuja
Za to że te rymy suja.

[broneknotgeld]

Hafefloki

Usia nom "loki" tu wymiyniyła
A hafefloki kajsik straciyła.

[broneknotgeld]

Heknadla

Heknadlom te stringi robiom
Już niyjedna frelka zdobiom.

[broneknotgeld]

Halastra

Niy wiym czy by lepi było
Jakby tu hlastra prziszła
Pewnie wiela by szkryfnyło
Dyć gupoty - tak se myśla.

[broneknotgeld]

Hercowa

Śleper swyj hercowie pszoł
Bo w nia dusza cołko doł.

[broneknotgeld]

Hoker

Zicnij se na niego w kuchni
Yno do zadku niy gruchnij.

[broneknotgeld]

Habić

Nahabioł za wiela
W hereszcie mo sztela.

[broneknotgeld]

Hamster

Hamstra w doma bajtle majom
Richtig wiela jymu pszajom.

[broneknotgeld]

Haszpka

Jak czowiek już niy mo roboty
Na haszpce sie czimiom galoty.

[broneknotgeld]

Hasie

Hasie na gowa sie sypia
ale i tak fraszki rypia.

[broneknotgeld]

Heknadla

Cila zowistno ło Francka była
Z tego heknadlom chopa dobiyła.

[broneknotgeld]

Hekele

Przi poście na chlebie
Za to bydziesz w Niebie?

[broneknotgeld]

Hica latym - słonka tela
Że se topi nawet frela.

[broneknotgeld]

Hebama

Ano - bez hebamy piyrwyj ani rusz
Klacła we połrzitek - Pon Bog pedzioł - "Już".

[broneknotgeld]

Hepać

Niy chca kwańtow tukej ciepać
Dyć soroństwym głośno hepać!

[broneknotgeld]

Herny

Kto herny
czy mierny?

[broneknotgeld]

We hajmacie
twoje lacie?
www.dziennikzachodni.pl/artykul/759037,hajmat-slaski-slownik-slow-kontrowersyjnych,id,t.html

[broneknotgeld]

Istny

To jest przeca zowdy łon
Yno niy trza mylić z "lon".

[broneknotgeld]

Ipi

Choć te ipi wielke mom
Jakoś rada sie z niym dom
Rybnik jeszcze mie niy woło
Yno Ruda - na wesoło!

[broneknotgeld]

Ino

Jo tu ciyngym "yno" pisza
No bo zowdy tak sie słysza
Ale jak ktoś "ino" woli
Niych se ze tym nic niy smoli.

[broneknotgeld]

Izbetka

Jak mosz izbetka yno dlo siebie
To sie w niyj czujesz choćby we niebie.

[broneknotgeld]

Imynt

"Do imyntu" - tyż po ślonsku
Choć jo w tym łacina słysza
We Europy mu som konsku
Zaś sie asza - dyć niy grzysza.

[broneknotgeld]

Infintlich

A to ci chudoba
Życie jak choroba.

[broneknotgeld]

Ibrich

Na ibrich trza mieć coś zowdy
Trzimejcie se taki prowdy.

[broneknotgeld]

Ja

Ja - to przeca tela znaczy
Że sie zgodzosz - niy łonaczysz.

[broneknotgeld]

Jakla

Kożdo jakla knefle mo?
Czy mie ino sie to zdo?
No bo zaroz w gowa wloz
Tyn pieroński rajfeszlof.

[broneknotgeld]

Ło poprawka teroz prosza
"Rajfeszlosa" przeca nosza.

[broneknotgeld]

Jamgor

To już przeca prawie larmo
Pitnońć wola - niy po darmo
Czasu szkoda na łostuda
Pryndzyj koniec jak se póda.

[broneknotgeld]

Japa

Cołki we tym tyn twoj dziub
Jak cie zmynczy - nowy kup.

[broneknotgeld]

Jegła

Żeś u jegły jest we uchu
Dyć ledwo cie widzć zuchu.

[broneknotgeld]

Kragel

W chyrtoń kragel cie fest dropie
Knefel se łodepnij chopie.

[broneknotgeld]

Krabikel

Za krabikel mie roz wziyli
I ze knajpy wyciepnyli.

[broneknotgeld]

Kamela

We gorzole widza dwa - a na czyźwo jedyn ino
Jak wypija coś do dna jeji pukel se wspomino.

[broneknotgeld]

Kopruch

Małe to - furgo - pierońsko brzynczy
A jak cie bajśnie to przeca mynczy.

[broneknotgeld]

Kopyrtnońć - wykopyrtnońć

Może to być yno yntka
Abo gorzyj - tako wyndka
Kerom chytać chce kostucha
Niy bier bo wyzioniesz ducha.

[broneknotgeld]

Kryka

Spotkoł żech sie z tom motykom
Ołpa dali mi po gnyku.

[broneknotgeld]

Klipa

W klipa idzie piyknie grać
No i klipie lyjty dać.

[broneknotgeld]

Krepel

W "tusty czwortek" tako moda
Trza kreplami sie łobjodać.

[broneknotgeld]

Kurbla

Do ślynzuchow żech jom mioł
I ze niymi zowdy broł.

[broneknotgeld]

Karmynadla

To jest taki kotlet-biyda
Jym i jeść go zowdy byda.

[broneknotgeld]

Kaja

Kaja rzońdzi se na gowie
Pod niom przeca cołki czowiek.

[broneknotgeld]

Karpyntel

Na cołki karpyntel puścioł se muzyka
Ucholom somsiadow doł wielko wyćwika.

[broneknotgeld]

Kastrol

Zowdy w sobota
Przi tym kompaniu
Łon mioł robota
No i przi praniu.

[broneknotgeld]

Klachula

Na te klachy czas mo zowdy
Yno wiela we tym prowdy?

[broneknotgeld]

Kminić

Kminku nom do tego trza
Ale kminia wos tu - pra?!

[broneknotgeld]

Kokot

Chodzi kokot za kurami
Ło tym przeca wiycie sami.

Na głowie kokoty miołch
Teroz z tego bych sie śmioł
Bo mi blyszczy wielko glaca
Niy musza kokota macać.

[broneknotgeld]

Kokotek

Poszukej go przi ausgusie
I podziwej ździybko mu sie
Zjeść kokotka - dyć niy idzie
Ale picie możno przidzie.

[broneknotgeld]

Klachy

Ponoć durś je robiom baby
Dyć i chopow gonić trza by.

[broneknotgeld]

Kamelki

Te kamelki wiela mogom
Jak sie mynczysz ze chorobom.

[broneknotgeld]

Kalny

Ślyp coś robi sie już kalny
Humor niby jeszcze fajny
Dyć sie z biyra ździybko ćmi
Kończ - po gowie chodzi mi.

[broneknotgeld]

Kipa

Niy ciep kipy na delina
Aszynbechra to dziedzina.

[broneknotgeld]

Kobuch

Łon jest gorszy łod szafnera
Mandat wlepi ta cholera.

[broneknotgeld]

Konkastla

Do konkastli wongel tkoł
Coby ciepło w doma mioł.

[broneknotgeld]

Kminić

Zowdy kminioł łon jom wiela
Dyć leciała na to frela

[broneknotgeld]

Krom

Krom we izbie czy we gowie?
Kajsik niy posprzontoł czowiek.

[broneknotgeld]

Koperblajsztift

Koperblajsztift tuplikować
Myncza teroz swoja gowa
We kolorze kryklo nieba
Dyć i flider wspomnieć czeba
A jak wrazisz go do gymby
Posztrajchuje nawet zymby.

[broneknotgeld]

Krojcule

Uczom krojcuje i tako bawiom
Istnych co zowdy po ślonsku prawiom.

[broneknotgeld]

Klipa

Idzie klipom tako być
I patykym w patyk bić.

[broneknotgeld]

Kwap

Jest nojmiynkszy kwap z kaczora
Wiym jo ło tym niy łod wczora

[broneknotgeld]

Kwap

Kwap we jupkach czasym bywo
Aże gyńś se tymu dziwo
Niy zowiści polarnikom
A jo przed gyńsinom zmykom.

[broneknotgeld]

Kibel

W kiblach żech wongel ze hołdy dźwigoł
Przeca za bajtla żech se niy migoł
Kynsy ze skipa czynsto leciały
Toż familoki radocha miały.

[broneknotgeld]

Kamelki

Kamelki se w doma naprowdy przidadzom
Przeca wykurować z chorobska poradzom.

[broneknotgeld]

Kanoldy

W gymbie ci se zrobi słodko
Jak kanolda prawie potkosz.

[broneknotgeld]

Knyrps

Lyjna knyrpsa se kupiyła
Bubikop przed dyszczym skryła.

[broneknotgeld]

Kminić

Cołke życie istny kminioł
Dyć przed śmierciom se łodmiynioł
Niy dowali tymu wiary
Nic że richtig był już stary.

[broneknotgeld]

Konszczyczek

Konszczyczek dała
Wiela zabrała.

[broneknotgeld]

Koło

Nojpiyrw biyrek i gorzoła
No a potym chytej koła.

[broneknotgeld]

Kapsa

Rynce w kapsach buks durś nosi
Niy wyciongnie - niy trza prosić.

[Gość: forman5]

KAOŃ

[broneknotgeld]

Knif

Łod istnego knif
Zdo sie jako dziw.

[broneknotgeld]

Lauba

Dyć niy yno tyn jom zno
Co łogrodek jakiś mo.

[broneknotgeld]

Luft

Wszysko może być "do luftu"
A bez niego to byś gruch tu.

[broneknotgeld]

Larmo

Mosz go w doma coś za wiela
Pódź! - Już woło piwno sztela.

[usia.t]

Loki

Jakie rozróżniomy loki?
-Loki,puloki (półloki),
familoki i gupieloki.

[broneknotgeld]

Lajerman

Na lajerce ciyngym gro
Jakiś grosz ze tego mo
Ale kaj lajerki som?
Godej a dwa grosze dom.

[broneknotgeld]

Lazaryt

Jo sie w doma durś kuruja
Lazarytu niy szczimuja
Coś łostrego czynsto styknie
Do zdrowio przichodza piyknie.

[broneknotgeld]

Leber

Leber kajsik mo robota
Bo dlo niego to gupota.

[broneknotgeld]

Lajbik

Bez lajbika jedna frela
Szpanowała cyckym wiela.

[broneknotgeld]

Lynga

Ze Francyji żymła to
Kożdy przeca lynga zno.

[broneknotgeld]

Luki

Na gowiczce luki miała
Karlusami zakryncała.

[broneknotgeld]

Labiydzić

Labiydzić to my umiymy
Choć czasym ło tym niy wiymy.

[broneknotgeld]

Lacie

Czasym być pod laciym źle
Kiej ińdzi sie tego chce.

[broneknotgeld]

Laclik

Laclik sie przido tyż opie
Dyć wcale niy jest to gupie.

[broneknotgeld]

Laga

Z lagom w rynce zowdy "mocny"
Ale czowiek to niyzocny.

[broneknotgeld]

Lajerka

Wele klopsztangi lajerka gro
Może grosz jakiś ktoś za to do.

[broneknotgeld]

Lajsta

Po lajsta do bora szoł
Bo tam se lajnońć jom chcioł.

[broneknotgeld]

Lak

Na elzokel i na tisz
Co takego? Pewno wiysz.

[broneknotgeld]

Lakować

Polakowoł zokel w siyni
Aż sie w łoczach piyknie miyni.

[broneknotgeld]

Lamyńcić

Lamyńcić już niy ma czasu
Jak chcymy wylyźć z marasu.

[broneknotgeld]

Lałfka

We rajtuzach lałfka poszła
Łoj - wysoko richtig doszła.

[broneknotgeld]

Lańcuch

Czyńści keta nań godajom
Choć i lańcuch przeca znajom.

[broneknotgeld]

Larmować

Larmować zowdy chcioł wiela
Arbajtać - dyć ani tela.

[broneknotgeld]

Łatoś

Latoś Unia tukej bydzie
Przeca pewne że to przidzie.

[broneknotgeld]

Latoś

Latoś Unia tukej bydzie
Przeca pewne że to przidzie.

[broneknotgeld]

Latowe

Latowe ciuchy frelka pasuje
Chocioż za łoknym śniyg jeszcze suje.

[broneknotgeld]

Lebo

Lebo pija - lebo niy
Ponboczek ło wszyskim wiy.

[broneknotgeld]

Lecyjako

Lecyjako halba kupioł
Stykło by sie pryndko upioł.

[broneknotgeld]

Lekcyj

Lekcyj jakby sie zrobiyło
"Opozycjo" kajsik wciyło.

[broneknotgeld]

Legitka

Ktosik mioł w zocy tako legitka
Z kerom był zowdy wele korytka.

[broneknotgeld]

Legnońć

Kedyś we trule legnońć sie przidzie
Możno trza myśleć co potym bydzie.

[broneknotgeld]

Leko

Jak żeś mody to ci leko
Na starość zaś ciynżor czeko.

[broneknotgeld]

Leluja

Karlus! A choćby leluja jako!
Freli na lajbik by sie popłakoł.

[broneknotgeld]

Lipsta

Co tu robić z lipstom w nocy?
Łoj! Zamknijcie lepi łoczy.

[broneknotgeld]

Licka

W licka jyj kusiola doł
Dyć na wiyncyj chyntka mioł.

[broneknotgeld]

Lilowy

Zowiść wlazła mu do gowy
I ze tego aż lilowy.

[broneknotgeld]

Listonorka

Briftryjgerka idzie pedzieć
Jakbyś tyż chcioł ło tym wiedzieć.

[broneknotgeld]

Liznońć

Liznoł lizok bo mioł chyntka
No a potym zrobioł yntka.

[broneknotgeld]

Lizok

Ze lizokym stoji glina
I mo richtig srogo mina.

[broneknotgeld]

Lojfer

Niy chcioł mieć łod ślubny fanga
Wzioł tyn lojfer na klopsztanga.

[broneknotgeld]

Lomp

Lompa frelka se wybrała
No i miała to co chciała.

[broneknotgeld]

Lompy

Do chasioka lompy wyciep
Tako zaczoł nowe życie.

[broneknotgeld]

Lotać

Za karlusami ciyngym lotała
Az w końcu bajtla ze tego miała.

[broneknotgeld]

Luftplompa

Flak ze blazy - mantel ap
Bez luftplompy teroz knap.

[broneknotgeld]

Luftbiksa

Ze luftbiksy szczylać chcioł
Do tych cimplow - taki fioł.

[broneknotgeld]

Luftować

Szwaja tyż luftować trza
Dyć na dworze lepi - pra?

[broneknotgeld]

Lulać

Lulać sie bajtlowi chciało
Nogawicom poleciało.

[broneknotgeld]

Lulok

Bez luloka idzie lulać?
-Dyć przestońcie mie tu fulać.

[broneknotgeld]

Lyberka

We klapsznicie zaś lyberka
Pszaje mi ta moja frelka?

[broneknotgeld]

Lyjty

Lyjty ciyngym broł łod baby
Chopa przed niom bronić trza by.

[broneknotgeld]

Lyjberwoszt

Z lyjberwosztym sznita mioł
Choć ze metkom ciyngym chcioł.

[broneknotgeld]

Laclik

Ołpa bajtlym łostoł
Toż laclik zaś dostoł.

[broneknotgeld]

Luftbiksa

Ze luftbiksy szczylać szpasym?
Ponoć lekci tym marasym.

[broneknotgeld]

Lyski

Lyski w łogrodach, lyski ze lasu
Gyjbis se rychtuj na nie zawczasu.

[broneknotgeld]

Lipsta

Siwo, czorno czy ryszawo
Na nic zdo sie jak niymrawo
Dyc niy musi byc i wierno
Bele w pszoniu fest wyzgerno.

[broneknotgeld]

Lyjty

Łod swoji Gryjry
Wzioł Francek lyjty.

[broneknotgeld]

Leper

Zelter mu na dekel bije
Yno wtedy wiy że żyje.

[broneknotgeld]

Linijorz

Szkolorzowi se przidowo
Rowno krycha ze niym stowio.

[broneknotgeld]

Lampucera

Za kogo se biera?
Richtig Lampucera!

[broneknotgeld]

Łostuda

Łostudzie w końcu czeba zarodzić
Przeca durś piyknie sie potym godzić
Trza to ze ślubnom ciyngym trynować
Zwoda i zgoda na zmiana dować.

[broneknotgeld]

Łachy

Co na siebie teroz mosz
I do szranka czynsto tkosz
Abo tyż do wertikoła
Jak żes przeszoł ślonsko szkoła.

[broneknotgeld]

Łonaczyć

Co by to richtig miało tu znaczyć?
Wiela roboty w słowie - łonaczyć
Jo wos łonacza tukej rymami
Co mom na myśli? - Powiydzcie sami.

[broneknotgeld]

Łoński

Łońskego roku lepi nom było
Bo zaś na gorsze sie łodmiyniyło.

[broneknotgeld]

Łazić

Łazić do szkoły mu sie niy chciało
A i na gruba tyż sie niy zdało.

[broneknotgeld]

Łechtać

Ańdzia Francka połechtała
I już spokoj ze niym miała.

[broneknotgeld]

Łaszczyć

Łaszczysz sie ło grosz
Zdrowie swoje dosz.

[broneknotgeld]

Łechciwy

Łechciwy mo ciynżke życie
Kilaniym go wykończycie.

[broneknotgeld]

Łobciepać

Niyjedyn łobciepoł dom
Dyć robota jego znom.

[broneknotgeld]

Łobwiesić

Pierońsko wioło na dworze
Ktosik łobwiesioł sie może.

[broneknotgeld]

Łobiod

Na łobiod rolada mioł
Tako jako zowdy chcioł.

[broneknotgeld]

Łobleczono

Łobleczono niy sagato
Choć tyż piykno. Co wy na to?

[broneknotgeld]

Łoblykać

Jak sie łoblyc rano w mig?
Coby jeszcze był tyn szyk!

[broneknotgeld]

Łobrozek

Jak łobrozek frelka mioł
Dyć ktoś inkszy łożko grzoł.

[broneknotgeld]

Łobsztalować

Łobszstalowoł se już raja
Coby myni potym wajać.

[broneknotgeld]

Łobrzinek

Łobrzinki kołocza pozjodoł
I ło fajerze durś godoł.

[broneknotgeld]

Łobstoć

Łobstoł dobrze w downym czasie
I terozki niy w marasie.

[broneknotgeld]

Łociypka

Na łociypce słomy
Wspominoł se kromy.

[broneknotgeld]

Łogyń

Łogyń we kachloku już rozhajcowany
Zaroz do bratruły kołocz bydzie dany.

[broneknotgeld]

Łojce

Łojcow suchać zowdy trza
To sie przeca werci - pra?

[broneknotgeld]

Łokminić

Jak łokminioł wiela ludzi
Prowda sie w niym zaczła budzić.

[broneknotgeld]

Łomylać

Łomyloł gymbom za wiela
Nikt niy kapowoł i tela.

[broneknotgeld]

Łomasta

Kartofel z lomastom chcioł
Yno taki w zocy mioł.

[broneknotgeld]

Łoroz

Łoroz sie to dowiedzieli
Narod ślonski jest w tyj szteli.

[broneknotgeld]

Łorynżada

Łorynżada niy dlo niego
Woli łyknońć coś mocnego.

[broneknotgeld]

Łosprawiać

Ło wszyskim na forum idzie se łosprawiać
A jo ślonskim rymym chca wos fest zabawiać.

[broneknotgeld]

Łostawić

Pitnoł - dyć wszysko łostawioł
Bo sie z niom mynczoł - niy bawioł.

[broneknotgeld]

Łostronżyny

We krotkich gatkach wloz w łostronżyny
Terozki robi bolesne miny.

[broneknotgeld]

Łoszkliwiec

Frelka pedziała mu że łoszkliwiec
Dyć dali paczoł na nia fest chciwie.

[broneknotgeld]

Łowiyndzina

Łowiyndzina - take miano
Pewno była łowionzano.

[broneknotgeld]

Łofaronić

Pewno mie łofaronicie
Musza szczimać - take życie.

[broneknotgeld]

Łopitolić


Łopitoloł igel igla
Łoba potym jakby z bigla.

[broneknotgeld]

Miano

Broneknotgeld miano mom
Tym poczontek łod krztu znom.

[broneknotgeld]

Miano

Broneknotgeld miano mom
Tym poczontek łod krztu znom.

[broneknotgeld]

Miglanc

Dejcie pozor se na niego
Trza mieć ślyp durś na istnego.

[broneknotgeld]

Mocka

No ja - w godce to jest tela
Ze przebiyro cołko sztela.

[broneknotgeld]

Mamlas

Z mamlasym szpasu jest wiela
Jednak śmioć sie niy łośmiela.

[broneknotgeld]

Maras

Slonski maras jo mom w zocy
W niym naprowdy wiel mocy
Ze Francyji prziszło nom to
Dyć przez Berlin - przeca znom to.

[broneknotgeld]

Mutra

Teroz prowda jo już znom
Jakoś mutra w gowie mom.

[broneknotgeld]

Maszkyty

Czasym na nie smak ci przidzie
Dyć se maszkyć - niych już bydzie.

[broneknotgeld]

Macha

Zowdy tako macha robioł
Jakby ktosik go tu pobioł.

[broneknotgeld]

Maglować

Nios wszysko pomaglowane
Yntka zrobioł i zaś pranie.

[broneknotgeld]

Majtnońć

Na karlusa sie majnyła
Dyć mu bajtla urodziyła.

[broneknotgeld]

Majzel

Majzel motek - już robota
A niy jakoś tam gupota.

[broneknotgeld]

Makowy

Chocioż zim już mocnych niy ma
Dyć makowy idzie czimać
Ta "stoletnio" pamiyntomy
Ale do niyj niy wzdychomy.

[broneknotgeld]

Makron

Ańdzia na łodpuście była
Makronow nom nakupiyła.

[broneknotgeld]

Malckawa

Malckawy mało pijymy
Dyć teroz sie fest bestwiymy.

[broneknotgeld]

Malta

Kalfas malty pełny był
Na cegły już brakło siył.

[broneknotgeld]

Makowki

Bez makowek mieć Wilijo!
Tego już niy szczimoł Tyjo.

[broneknotgeld]

Małpica

Małpica go łobskokała
Banana tyż jymu dała.

[broneknotgeld]

Malyrz

Wjechoł walcom se na ściany
I antryj pomalowany.

[broneknotgeld]

Mamlać

Mamloł jodło czi godziny
Gyjbis łostoł mu u Lyjny.

[broneknotgeld]

Mamulka

Mamulka mo maminsynka
Tako już u nich rodzinka.

[broneknotgeld]

Mandle

Mandle wytli - dyć głowkuje
Co se do makowek wsuje?

[broneknotgeld]

Mantel

Ańdzi karlus se przigodzioł
Co pod mantlym sago chodzioł.

[broneknotgeld]

Manele

Maneli za wiela niy mioł
Z p[ijokami zowdy czimoł
Jak gorzołka wypić chcioł
To co yno za nia doł.

[broneknotgeld]

Mantelszyrca

Mantelszyrca na sia wdzioła
Bo ło klajd sie przeca boła.

[broneknotgeld]

Marasić

Bajtel ciyngym sie marasioł
Dyć tym nawet sie łon asioł.

[broneknotgeld]

Markew

Jedyn mulat markew jod
Dyć we zima jednak zblod.

[broneknotgeld]

Markotny

- Co żeś taki jest markotny?
- Boch terozki bezrobotny!

[broneknotgeld]

Masara

Masara we kuchnia wleciała
Do żuru se zanurkowała.

[broneknotgeld]

Masarnia

Karlik robioł we masarni
Dyć wyglondoł coroz marni
Bo jak yno coś zjeść chcioł
Zaroz krymf go jakiś broł.

[broneknotgeld]

Maszka

Maszka na karkolu mioł
Pełnom gymbom życie broł.

[broneknotgeld]

Masny

Zjod żech krupniok taki masny
Że żołondek jakby ciasny.

[broneknotgeld]

Masorz

Za masorza sie wydała
Głodu z niym już niy zoznała.

[broneknotgeld]

Maścić

Sztamfkartofle maścić chcioł
Dyć jałowe wciamrać mioł.

[broneknotgeld]

Maślonka

Gowa po koniaku mynczy
Pij maślonka - już niy jynczysz.

[broneknotgeld]

Maśniczka

Maśniczka? - Łoj downe czasy
Niy ma dzisioj taki klasy
Margarina ciyngym jymy
Fest sklerozy sie bojymy.

[broneknotgeld]

Motlać

Jak tu umisz motlać fest
Toś wygrany chopie jest.

[broneknotgeld]

Maznońć

Bajtla maznońć chciołbych czasym
Dyć łon mie policjom straszy.

[broneknotgeld]

Mylka

Do dzisioj mi niy podłazi
Muter sie już niy łobrazi.

[broneknotgeld]

Merta

Merta im przi ślubie przipli
Dyć na cnota to sie wypli
Dziecko w drodze - pryndko idzie
I poł roku z tym niy bydzie.

[broneknotgeld]

Meter

Idzie metrym mierzyć rymy?
Idzie! - Jak sie niy mo trymy.

[broneknotgeld]

Miano

Niy mosz miana to cie niy ma
Tako szkryfna we tyn tymat.

[broneknotgeld]

Miech

Miech kartofli - wonglo miech
Jakby fraszek nasuć - ech!

[broneknotgeld]

Miesionczek

Miesionczek pełny na Francka blikoł
Bo łon durś wtedy do niego rzykoł.

[broneknotgeld]

Mietła

Na mietle frelka ciyngym lotała
Tako godali tukej bezmała.

[broneknotgeld]

Miglanc

Miglanc sie wymigo zowdy
Tela szkryfna richtig prowdy.

[broneknotgeld]

Migym

Co by yno łod niyj chcioł
Migym wszysko przeca mioł.

[broneknotgeld]

Miszmaszyna

Miszmaszyna wygroł Francek
Już buduje dom dlo wancek.

[broneknotgeld]

Miszong

Co ci chopie po miszongu?
Brakło cegły - niy ma szwongu.

[broneknotgeld]

Mita

Pewnie ło tym dobrze wiycie
Co bydzie jak bal na micie.

[broneknotgeld]

Mlyć

Ziorno trza na monka mlyć
Tako zowdy musi być.

[broneknotgeld]

Mlyko

Choć we mlyku sie kompała
Skora jak rapica miała.

[broneknotgeld]

Mlyty

Przed Godami mak zemlyty
Bo makowek chcom kobiyty.

[broneknotgeld]

Moczka

W Wilijo mie mynczy moczka
Trza jom zjeść - na inkszych poczkać.

[broneknotgeld]

Modre

Modre morze w łoczach jyj
Ale topić sie niy chciyj.

[broneknotgeld]

Mono

Mono ja a mono niy
To Ponboczek yno wiy.

[broneknotgeld]

Moplik

Tamte mopliki kaj sie podzioły?
Skiż nich i frelki zowdy sie śmioły
Za karlusami ciyngym blikały
Bo tyż sie przeca przejechać chciały.

[broneknotgeld]

Mota

Wele świyczki loto mota
Ciongnie cosik jom do knota.

[broneknotgeld]

Motyka

Bez motykow nudne życie
Przeca tyż coś ło tym wiycie.

[broneknotgeld]

Motek

Guminiany motek mioł
W pionto klepka niym durś proł.

[broneknotgeld]

Muldać

Nupel mioł na flaszce piwa
Namuldoł sie ze niyj wiela
Bestoż niy ma co sie dziwać
Że tyn biyr go ciongnie tela.

[broneknotgeld]

Mulorz

Mulorz muloł małowiela
Bestoż sie niy dzwigła sztela.

[broneknotgeld]

Muskle

Muskle u chopa
Czasym utropa.

[broneknotgeld]

Mycka

Ze myckom nawet do wyrka chodzioł
Pokozać glaca łon sie niy godzioł.

[broneknotgeld]

Myjtermas

Myjtermasym sztrom pomierzoł
Wielke szczyńście że to przeżoł.

[broneknotgeld]

Myjna

Łobetnoł se swoja myjna
Bo kozała mu to Lyjna.

[broneknotgeld]

Myńszy

Wielki czowiek myńszym jest
Jak go w końcu poznosz fest.

[broneknotgeld]

Magiwyrfel

Niby psinco - prawie nic
Jak skosztujesz - inkszy wic.

[broneknotgeld]

Makowy

We makowach se zimy niy boja
Dyć skiż mie zaś łoblyko je moja.

[broneknotgeld]

Mazok

Niy dość że pitnoł jako tyn hazok
To jeszcze ślimto pierońsko mazok.

[broneknotgeld]

Majkifer

Treficie we maju
Na łonce i w gaju.

[broneknotgeld]

Mokwa

Mokwa wiela wynokwiała
Niym na inkszy świat wybrała.

[broneknotgeld]

Mandle

Mandle w hyrtoniu wele Wiliji
Majom utropa, wiela mecyji
Skuli szpecjału fest sie strachajom
W makowki przeca mandle wkrywajom.

[broneknotgeld]

Masara

Zaś ta masara
Furgo przi garach.

[broneknotgeld]

Naprany

Mo problymy ze palicom
Bo w gorzole sie przeliczoł.

[broneknotgeld]

Naskwol

Naskwol pedzieć zowdy idzie
Yno co mi z tego przidzie.

[broneknotgeld]

Nabity

Nabity we flaszka boł
Dyć gorzoły łon niy pioł.

[broneknotgeld]

Nacinkany

Nacinkany do dom prziszoł
I pierony fest usłyszoł.

[broneknotgeld]

Naciongnońć

Choc naciongnoł se już olik
Łona go inaczyj woli.

[broneknotgeld]

Nachtop

Dlo bajtla dyć i dlo ołpy
Zowdy nachtop tyn dlo dupy.

[broneknotgeld]

Nachytać

Hiby wielke już nachytoł
Bo sie ciyngym ło coś pytoł.

[broneknotgeld]

Najscać

Najscoł kot do kwiotka
Uschnoł - ło tym godka.

[broneknotgeld]

Namowiny (zmowiny)

Wzioł pieszczonek kupioł kwiotki
I do Trudy poszoł słodki.

[broneknotgeld]

Nańcie

Nańcie - dowom wom ta godka
Łona leci skondś ze środka.

[broneknotgeld]

Napasztować

Ślonska niy trza napasztować
Po co ze niym durś wyprowiać?
Spokoj nom poczebny zowdy
No i Ślonzok - tela prowdy.

[broneknotgeld]

Napoczońć

Napocznołch szkryflać tyn słownik
Z godkom już niy to co downi.

[broneknotgeld]

Narozki

Narozki w zima robi sie ciymno
No i jest przeca pieronym zimno.

[broneknotgeld]

Narychtować

Narychtowoł tela jodła
A łona głodu niy znodła.

[broneknotgeld]

Naskludzać

Naskludzioł tela gratow do chałpy
Że trza tam skokać choćby te małpy.

[broneknotgeld]

Nasztalować

Choć se budzik nasztalowoł
Zowdy rano z niym niy stowoł.

[broneknotgeld]

Nasuć

Nasuł soli mi we tyj
No a potym pedzioł - "Pij".

[broneknotgeld]

Naszkryflać

Styknie - już niy chca wiyncyj naszkryflać
Terozki ida se cosik wychlać.

[broneknotgeld]

Nazod

Nazod niy trza sie nom cofać
Lepi szczimać jeszcze trocha.

[broneknotgeld]

Nażgany

Nażgoł se jak bela
Bo ciepła go frela.

[broneknotgeld]

Nec

Chciołby wszysko w nec se tkać
Dyć kasjerka godo - "Płać".

[broneknotgeld]

Nelki

Nelki piykne w zocy były
Jejich czasy sie skończyły?

[broneknotgeld]

Nikery

Nikery by durś bamońcioł
Kijokym wiater se trońcioł.

[broneknotgeld]

Niymocny

Karlik coś niymocny dzisioj
Bo rożniste tronki miyszoł.

[broneknotgeld]

Niyrob

Niyrob napluł na robota
Choć ło jednych był galotach

[broneknotgeld]

Niyrod

Lojzik niyrod w nocy był
Jak na Truda brakło siył.

[broneknotgeld]

Niyroz

Niyroz niy dwa
Pogodomy se tu - pra?

[broneknotgeld]

Niyrichtig

Niyrichtig był Antek dzisioj
W nocy już na klamce wisioł.

[broneknotgeld]

Niyskoro

Niyskoro se wzioł modo frela
No i już go niy ma - tela.

[broneknotgeld]

Niyżdżały

Francik jeszcze był niyżdżały
Już go dziołchy podrywały.

[broneknotgeld]

Niyskorzyj

Niy rob teroz - zrob niyskorzyj
Idź na piwo - ździybko pożyj.

[broneknotgeld]

Nogawica

Nogawica bryftryjgera
Azor lubioł jak cholera.

[broneknotgeld]

Natron

Wypioł natron se na kaca
Aż kurzyła mu sie glaca.

[broneknotgeld]

Nazdać

Nazdać czasym komuś czeba
Choćby stracić ździybko nieba.

[broneknotgeld]

Nogły

Nogły karlus z niego był
Był - dyć już zabrakło siył.

[broneknotgeld]

Nojprzod

Nojprzod na sia paczeć trza
Potym inkszym wciepać - pra?

[broneknotgeld]

Nudle

Po to yno nudle wiyszać
Coby wszyske je pomiyszać.

[broneknotgeld]

Nudelzupa

Frelko - to jest twoja broń
Tym karlusa ciyngym goń.

[broneknotgeld]

Nudelkula - nudelzupa
Ale zy mie teroz dupa.

[broneknotgeld]

Nudelzupa

"Jak niydziela - nudelzupa"
Tako zowdy godoł ołpa.

[broneknotgeld]

Nupel

Jak bajukać yno poczoł
Już se nupel w piwie moczoł.

[broneknotgeld]

Nynać

Dej internet mu przed łoczy
A i nynać łon zaboczy.

[broneknotgeld]

Nudelkula

Frelko - to jest twoja broń
Tym karlusa ciyngym goń.

[broneknotgeld]

Niyskoro

Choć niyskoro sie wydała
Chopa przeca pochowała.

[broneknotgeld]

Ołberiba

Zupa ze niyj dobro fest
No a knola cudym jest.

[broneknotgeld]

Ojla

Ojla na gowie po nudelkuli
A ślubno teroz sie do mie tuli.

[broneknotgeld]

Oplerek

Za oplerkym ciyngym blikoł
Możno łon do niego rzykoł.

[broneknotgeld]

Obmierznońć

Obmierzła sie chopu baba
I zamiynioł jom we żaba
Biydny kto jyj do kusiola
Już "bykowe" płacić wola.

[broneknotgeld]

Oklupać

Kupioł cegły oklupane
Pedzioł -"Nowo chałpa stanie"
Nowo? - Dyć ze cegły stary
Choćby ołpa co jest jary.

[broneknotgeld]

Oblyc

Oblyc sie do truły trza
Czas już na mie prziszoł - pra?

[broneknotgeld]

Ołpa

"Czas już na mie" - tela pedzioł
Kedy pomrze łon som wiedzioł.

[broneknotgeld]

Ołma

Zowdy radość majom w doma
Tam kaj żyje jeszcze ołma.

[broneknotgeld]

Obstoć

U frelek łon zowdy obstoł
Choć chcioł wiela - jednak dostoł.

[broneknotgeld]

Odbywać

Jak se gowiydź połodbywoł
Ze ślubnom już niy wydziwioł.

[broneknotgeld]

Ocyganić

Ocyganić idzie siebie
Żyć we swojim niby-niebie.

[broneknotgeld]

Okocić

Z krolym na zolytach była
Zowdy potym sie kociyła.

[broneknotgeld]

Obsztalować

Obsztalowoł jedna cera
Dyć rodziyło sie ich wiela
W doma wielki mioł "babiniec"
Tyn "zarobioł" se na winiec.

[broneknotgeld]

Okropicznie

Okropicznie freli pszoł
Zowdy przi niyj "twardy" mioł.

[broneknotgeld]

Ożarty

Ożarty prziszoł se do dom
Łoberwoł - tela wom godom
Godo "Niy było zwady"
Dyć nudelkuli mo ślady.

[broneknotgeld]

Ostuda

Pryndko zaś do knajpy póda
Bo we doma mom ostuda.

[broneknotgeld]

Opieronić

Opieronioł dziołcha za to
Że we pryku niy sagato.

[broneknotgeld]

Oszkrabina

Krol co lubi oszkrabina
Przeca znocie - do pierzina!

[dr_scott]

piguła

jak cie w ryja ktoś chlaśnie
to piguła jes właśnie :)

[broneknotgeld]

Pila

Pile na choroba som
Tyż pile z piorami znom.

[broneknotgeld]

Pampoń

Co we zocy u pamponi?
Wiela majom morg i koni.

[broneknotgeld]

Paryzol

Jak na dworze richtig leje
Łon sie do mie ciyngym śmieje.

[broneknotgeld]

Plynckyrz

Tyn plynkyrze dobrze zno
Kery je na rzici mo.

[broneknotgeld]

Prykol

Już żech sie z prykola zwlok
Bych zaś tukej kuknońć mog.

[broneknotgeld]

Purt

Purt może być stary
i taki łod mary.

[broneknotgeld]

Pra

Po to szkryflom tukej - pra
Bo nom prowda godać trza.

[broneknotgeld]

Przikopa

Wele drogi we przikopie
Ktoś na ciebie czeko chopie.

[broneknotgeld]

Pachoł

Choć już pachoł z niego boł
Jeszcze fater pasym bioł.

[broneknotgeld]

Padać

Padocie że zima już
Ano - prziszoł na nia mus.

[broneknotgeld]

Paje

Tyn Franc Josef paje mioł
Bych go za nie targać chcioł.

[broneknotgeld]

Paket

Paket z maszketami Dzieciontko im dało
Było tego tela że jeść sie niy chciało.

[broneknotgeld]

Pana

Pech w tym jak sie mynczysz z panom
Choc mosz droga "wylizano".

[broneknotgeld]

Papiok

Papiok papie przaje wiela
Na dachu se majom sztela.

[broneknotgeld]

Papiyrzany

Jaki gyszeft w Polsce rośnie?
-Papiyrzany! Kajś go wroźcie!

[broneknotgeld]

Paplać

Paplać ciyngym wiela idzie
Yno co nom z tego przidzie?

[broneknotgeld]

Paplaty

Był po gymbie fest paplaty
Zowdy yno w dziyń wypłaty.

[broneknotgeld]

Paple

Paple miała durś łokrongłe
I te łoczy jak dwa wongle.

[broneknotgeld]

Paplok

Jak w miesionczek w paplok blikoł
Ło coś wiyncyj ciyngym rzykoł.

[broneknotgeld]

Popaprać

Niywiela było roboty
A popaproł już galoty.

[broneknotgeld]

Papyndekel

Z papyndekla coś stawiomy
Potym durś utropa momy.

[broneknotgeld]

Parfin

Smrod parfinym se przikrywo
Po swojymu na świat dziwo.

[broneknotgeld]

Pasiaty

Pasiate łobleczynie ponoć już mi mierzom
Komuś sie prziśniyło i teroz w to wierzom.

[broneknotgeld]

Pastuszki

Pastuszki pewnikym zaś przidom
Coś dom im bo mynczom sie z biydom
Prziniesom radosno nowina
W kolyndzie tyż słysza dziecina.

[broneknotgeld]

Patrony

Ze łodpustu mioł patrony
Ciyngym straszoł niymi wrony.

[broneknotgeld]

Pecynek

Do Hameryki pojechoł synek
Bo tukej ciynżki chleba pecynek.

[broneknotgeld]

Pedzieć

Pedzieć Polsce trza po ślonsku
Że my som we swojim konsku.

[broneknotgeld]

Petronelka

Dyć jak prziszoł tyn wiek sztromu
Zrobioł z niyj łozdoba domu.

[broneknotgeld]

Piekarok

W piekaroku żeleźnioka
Upiykli coś dlo boroka.

[broneknotgeld]

Pierdoła

Frelka sie karlusa boła
A ze niego był pierdoła.

[broneknotgeld]

Pieron

Jasny pieron szczeloł z nieba
Zaroz sie przeżegnać czeba.

[broneknotgeld]

Pieronić

Jo niy byda wom pieronić
Byście mie niy chcieli gonić.

[broneknotgeld]

Pierucha

Ło pierucha!
Zaś we zupie pływo mucha!

[broneknotgeld]

Pierziński

Pierziński chachor ze Francka był
Ale na Trudka niy mioł łon siył.

[broneknotgeld]

Pieszczonek

Jak yno pieszczonek doł
Zarozki po dziubie mioł.

[broneknotgeld]

Pieśniczka

Ździybeczko sie zaś popiyli
Ślonske pieśniczki nuciyli.

[broneknotgeld]

Pijok

Ciongnie go durś gorzołeczka
Już wypioł niyjedna beczka.

[broneknotgeld]

Pila

Na pila dej pozor
Na dziub a niy ozor.

[broneknotgeld]

Pilontko

To jest yno pila modo
Bronek ci to tukej godo.

[broneknotgeld]

Piska

Ciepnoł piska pod gipsdekom
Co z malunkym dali - czekom.

[broneknotgeld]

Piskać

Piskać umioł łon "przepiyknie"
Jak na moje uszy - styknie.

[broneknotgeld]

Pisok

Weź do rynki pisok jakiś
Szkryflej rymy - choć dlo draki.

[broneknotgeld]

Pistołla

Ze pistołlom w pryku spać
Po tym strach u niego znać.

[broneknotgeld]

Pitfać

Ze pitfanio tela przidzie
Że czowiek zmynczony bydzie.

[broneknotgeld]

Pitfok

Chcioł łogolić sie pitfokym
Ale wyloz łon mu bokym.

[broneknotgeld]

Pitnońć

Jak tu dzisioj pitnońć biydzie?
Przeca łona pryndko idzie.

[broneknotgeld]

Piykne

Lipinsztifty mo dwa piykne
Mie som jeji dziubek styknie.

[broneknotgeld]

Piyrwyj

Ja - dyć piyrwyj lepi było
Niych ołpowi tyż jest miło.

[broneknotgeld]

Piznońć

Piznońć czasym czeba w stoł
By poczontek jakiś boł.

[broneknotgeld]

Piźniynty

Nawet piźniynty ło tym wiy zowdy
Że ludzie rożne miywajom "prowdy".

[broneknotgeld]

Plac

Chcieli założyć forhangi
Na placu wele klopsztangi.

[broneknotgeld]

Plackaty

Plackaty mo nos choćby wancka
Bo durś łobrywoł łod Francka.

[broneknotgeld]

Placpatrony

Placpatronami larmo durś robioł
Aż w końcu fater dupa mu łobioł.

[broneknotgeld]

Plała

Plałom sirynka ciyngym przikrywoł
Coby sie inkszy na nia niy dziwoł.

[broneknotgeld]

Plompa

Zaś opona musioł plompać
Bo sie ze niom chodzioł kompać.

[broneknotgeld]

Platfus

Bestoż że platfusa mioł
Zowdy lotoł a niy szoł.

[broneknotgeld]

Plyjd

Pod plyjdym z frelkom se bawioł
Tyn plyjd to potym wyjawioł.

[broneknotgeld]

Płachta

Ańdzia na płachcie już leży
A Bercik cosik sie jeży.

[broneknotgeld]

Płaczka

Łona czasym w łoku kryńci
Ale wiela to niy mynczy.

[broneknotgeld]

Pojakymu?

Pojakymu szkryflom to?
Dyć po ślonsku - mi się zdo.

[broneknotgeld]

Pojeść

Ledwoch yno pojod się
Do roboty goniom mie.

[broneknotgeld]

Pojedzony

Po ańtopfie pojedzony?
Ja. Dyć niy chca wnerwiać żony.

[broneknotgeld]

Pojscać

Pojscoł sie przi beczce piwa
Niy ma co się tymu dziwać.

[broneknotgeld]

Pokludzić

Belekaj nos chcom pokludzić
Trza nom w koncu się już zbudzić.

[broneknotgeld]

Pokroć

Ańdzia chlyb przi cycku kroła
No i w końcu go pokroła.

[broneknotgeld]

Poleku

Poleku – bele do przodka
Tako starzikow jest godka.

[broneknotgeld]

Policaj

Lon tyż dzisioj klepie biyda
Łapowa się może przidać.

[broneknotgeld]

Policyjo

Ze Warszawy ktoś niom rzońdzi
Widzi mi sie że coś błońdzi.

[broneknotgeld]

Płat

Choć se bogacioł
Platu niy płacioł.

[broneknotgeld]

Profit

Czy ze szkryflanio profit mi przidzie
Niy - przeca wiym to że pomra w biydzie.

[broneknotgeld]

Po bosoku

Po bosoku szoł do kibla
Dyć po drodze trefioł igla.

[broneknotgeld]

Po prowdzie

Po prowdzie to z niego ćma
Niywiela go widać – pra?

[broneknotgeld]

Po prożnicy

Po prożnicy słownik tyn?
Niy – dyć se trynuja rym
Przido mi się ibong taki
Póda kaj zimujom raki.

[broneknotgeld]

Po ptokach

Ślonsk to niy jest coś po ptokach
Trza mieć jednak szwong we krokach.

[broneknotgeld]

Po widoku

Po widoku robić chcioł
Ale ruła wielko mioł.

[broneknotgeld]

Piszczoła

Użondlyła
i sie śmioła.

[broneknotgeld]

Pocieszny

Na pociecha dobry łon
Jest jak wina pełny dzbon.

[broneknotgeld]

Podarzyć

Podarzyło mu sie w totka
Miljon wygroł – ło tym godka.

[broneknotgeld]

Pod parza

Pod parza se frelka chycioł
I coś jyj we ucho klycioł
Na dziubku się niy skończyło
Cało nocka pszonie było.

[broneknotgeld]

Podchlybić

Podchlybioł sie jeji muter
I tak dostoł czorny futer.

[broneknotgeld]

Podciep

Tyn podciep sie wszyńdzie wkryńcioł
Yno swojich łon niy mynczoł.

[broneknotgeld]

Podzim

Na podzim wonglo se kupia
Coby do wiosny doklupać.

[broneknotgeld]

Podzimki

Bez nich tyj wiosny niy bydzie
Bo skiż podzimek zaś przidzie.

[broneknotgeld]

Podziwać

Podziwej se na te forym
Blysk ślonskego tu humoru.

[broneknotgeld]

Pódź

Pódź pódź! Woło cie wodnica
Dyć mo cołkym blade lica.

[broneknotgeld]

Pofyrtany

Pofyrtane dni som czasym
Chciałoby se uciyc lasym.

[broneknotgeld]

Poganka

Lepiyj znosz pogańske krupy
Kere muter tko do zupy.

[broneknotgeld]

Pogorszyć

Pogorszoł se Francek z Trudom
Pod pierzina jednak pódom.

[broneknotgeld]

Pohalać

Pohalali go po gowie
I glacaty teroz czowiek.

[broneknotgeld]

Połednie

Do połednia śpi we pryku
W nocy robi fiku miku.

[broneknotgeld]

Połfontek

Połfontek chcioł kupić żymloka
Dyć niy rozumiom boroka.

[broneknotgeld]

Połno

Połno ludzi w bance było
Przi torgu sie przeluźniyło.

[broneknotgeld]

Połosprowiać

Połosprowiać chcesz po ślonsku
To tyż szkryflej w naszym konsku.

[broneknotgeld]

Połrzitko

Połdupek jest jak połrzitko
Yno niy godej że "brzidko".

[broneknotgeld]

Połno

Jedzynio mo połno rzić
Niy wiy co to głodnym być.

[broneknotgeld]

Pomaluśku

Pomaluśku w dobro strona
Zowdy ciongnie moja żona.

[broneknotgeld]

Pomywać

Napomywoł żech sie w świynta
Dugo byda to pamiyntać.

[broneknotgeld]

Pokuplować

Idzie klajstrym pokuplować
Dwa cuzamyn jedne tako dować.

[broneknotgeld]

Ponboczek

Ponboczek na Ślonzek blikoł
Co zowdy do Niego rzykoł
Ździybko inaczyj łostatnio
I zaroz myni dostatnio.

[broneknotgeld]

Pomknońć

Pomknoł cołkym se na zodek
Już go niy pamiynto przodek.

[broneknotgeld]

Portmanyj

Skond do życio piniondz jest?
Z portmaneja - łon mo gest!

[broneknotgeld]

Porzykać

Do kruchty porzykać wloz
Dyć niy piyrszy przeca roz
Klara ciyngym mu sie śniyła
No i zowdy sago była.

[broneknotgeld]

Poschroniać

Pod tepich to poschroniała
I już śmieci nic niy miała.

[broneknotgeld]

Posypka

Bez posypki ślonski kołocz
Łoj - niy bydzie nom wesoło.

[broneknotgeld]

Poszelontać

Poszelontać szło by wiyncy
Dyć do tego czeba ryncy.

[broneknotgeld]

Posznupać

Posznupoł ołmie we szrankach
I narobioł tam tyż manka.

[broneknotgeld]

Posztopować

Posztopować ci jom mom?
Tyś fuzeklom chyba som!

[broneknotgeld]

Potek

W komunijo potek zygorek kupowoł
Dzisioj i komputer krześniok już dostowo.

[broneknotgeld]

Potka

Z potkom łon po sklepach chodzioł
Na portmanyj fest jyj szkodzioł.

[broneknotgeld]

Pozor

Dejcie pozor na karlusa
Łon chce cudze frele ruszać.

[broneknotgeld]

Prastarka

Prawnuki sie już sypnyły
A w niyj jeszcze dużo siyły.

[broneknotgeld]

Prawić

Ło powstaniu starzik prawioł
Że skiż Polski dom łostawioł.

[broneknotgeld]

Prawok

Myśloł że prawoki znod
Dyć szatany w koszyk kłod.

[broneknotgeld]

Preswoszt

Preswoszt - tyn ze świniobicio
Ślonskowi dodowoł życio.

[broneknotgeld]

Prozny

Prozny dzbonek? A kaj piwo?
Co ci sie tak gowa kiwo?

[broneknotgeld]

Przeca

Szkryflać wiela idzie przeca
Tu - do Internetu neca.

[broneknotgeld]

Przeciepować

Ślybny szaca przeciepowoł
Som niywiela w nocy dowoł.

[broneknotgeld]

Przedsia

Wszysko przedsia widzieć chcioł
Hercklekoty z tego mioł.

[broneknotgeld]

Przekabacić

Pryndko go przekabaciyli
Polska ze Niymcami myli.

[broneknotgeld]

Przekludzić

Przekludzioł Ślonzok sie do Warszawy
Dyć życio teroz jest niyciekawy.

[broneknotgeld]

Plyd

Plyd po chopsku se łoblykła
Tako baba już prziwykła.

[broneknotgeld]

Przekopyrtnońć

Czekali nań mało wiela
Przekopyrtnoł sie w niydziela.

[broneknotgeld]

Przekroć

Pryndko przekroli wieprzka na poł
Bo dobry masorz go przeca bioł.

[broneknotgeld]

Przepadzity

Na żur karlus przepadzity
Bestoż pszajom mu kobiyty
Ponoć żur do kroka idzie
Łon pomogo nawet w biydzie.

[broneknotgeld]

Przichlybek

Przichlybek sie znojdzie zowdy
We tym richtig wiela prowdy.

[broneknotgeld]

Przichlybiać

Fest ołpie sie przichlybiała
I wszysko po niym dostała.

[broneknotgeld]

Psinco

Żyć w dostatku ciyngym chcioł
Ale psinco z tego mioł.

[broneknotgeld]

Pszoć

Czamu kajsik miołbych wioć?
Dyć jo wszyskim chca tu pszoć.

[broneknotgeld]

Puc

Jak był mały - puc smakowoł
Wyros z niego chopa kowoł.

[broneknotgeld]

Ptok

Ptok na Ślonsku idzie z gowy
Fioł - coś ło tym kożdy powiy.

[broneknotgeld]

Pucować

Pucowoł fest swoja jupa
Zmarasioł jom tam kaj dupa.

[broneknotgeld]

Pucpapior

Pucpapior do klopa doł
I uciecha ze tym mioł.

[broneknotgeld]

Puding

Puding po łobiedzie zjysz
Ze Angliji - pewnie wiysz.

[broneknotgeld]

Pukel

Pukel ze roboty dostoł
Dyć przi swojim jednak łostoł.

[broneknotgeld]

Pitling

Jakby niy boł uwyndzony
Popływali by my z łonym
Dyć go rybok w nec zapyńdzioł
Potym keryś fest łosmyńdzioł.

[broneknotgeld]

Pukeltasza

Pukeltasze z papyndekla kedyś sie nosiyło
Pamiyntocie? - Za Gomuły przeca tako było.

[broneknotgeld]

Puklaty

Nojpiyrw wszysko wzioł na raty
Teroz z tego jest puklaty.

[broneknotgeld]

Pultok

Zowdy upultany łon
Bo te miano do sia wzion.

[broneknotgeld]

Pulok

Chcesz to godej se i "ptoszek"
We tym prowda tyż po trosze.

[broneknotgeld]

Pulpul

Ze pulpulym ciynżko sprawa
Pieron niy wiy co zabawa
Zrobi bardzi sie czerwony
I ze placu cie przegoni.

[broneknotgeld]

Purt

Purt smrodlawy może być
Abo stary - co chce żyć.

[broneknotgeld]

Purtnońć

Purtnoł mocno przi łobiedzie
Smrodym teroz zołza jedzie.

[broneknotgeld]

Putnia

Do putni wciepcie swoj grosik
Dejcie na biydnych tyż cosik.

[broneknotgeld]

Pylnońć

Pylnoł sie z kankom po piwo
Teroz mu gowa sie kiwo.

[broneknotgeld]

Pyndala

Pyndalami mocno kryńcioł
Choć stoł w miejscu to sie zmynczoł.

[broneknotgeld]

Pyndzyjo

Pyndzyjo se blysko mi ciyngym z daleka
A blisko durś słysza "Haratać - niy czekać"

[broneknotgeld]

Pyndziałek

Tyn pyndziałek szewce lubiom
Wtedy szydła czynsto "gubiom".

[broneknotgeld]

Pyrlik

"Bier pyrlik - idź cweki wbijać"
Pedzioł przodowy kedyś do Tyja.

[broneknotgeld]

Pyrtnońć

Droga prosto choćby stoł
Pyrtnoł bo już tako boł.

[broneknotgeld]

Pasikonik

Dej pozor jak se legniesz we trowie
Coby niy znoloz sie w twoji gowie.

[broneknotgeld]

Pytlik

Ze niego momy monka pytlowo
Na niym se szrotka resztkom łostowo.

[broneknotgeld]

Paryzol

Paryzol nosioł we dyszcz
Podobnoś nawet i wiyszcz.

[broneknotgeld]

Psinco

Psinco - taki wic
Szkryfna tela - nic.

[broneknotgeld]

Podwiyl

Podwiyl jeszcze chop na chodzie
Sie na frelka modo kłodzie.

[broneknotgeld]

Pyndzyjonista

Pyndzyjonistom jo chciołbych być
Fach nojzocniejszy - z niym chce sie żyć.

[broneknotgeld]

Podwiyl

Podwiyl jeszcze chop na chodzie
Se na frelka modo kłodzie.

[broneknotgeld]

Pyndzyjonista to karlus taki
Co mu briftryjger geld do dom nosi
Ze gruby nawet niy belejaki
Ze wolnym czasym życie se krosi.

[broneknotgeld]

Pszoć

Pszoć trza nom zowdy
Toż czym jest życie
Bez istny prowdy?
Pewnikym wiycie.

[broneknotgeld]

Pecynek

Pytoł sie mie kedyś synek
- Tato, co jest tyn pecynek?
Toż brotbiksa żech łowożoł
- Zowdy tam pecynek wożoł.

[broneknotgeld]

Psinco

Łonacoł wiela
Mo psinco - tela.

[broneknotgeld]

Roztomajty

Ciyngym niy wiym jaki jest
Bo sie zmiynio richtig fest.

[broneknotgeld]

Rojber

Łod "raubrittera" se wywodzi
Bo łon przeca zowdy szkodzi.

[broneknotgeld]

Rewiyr

We robocie jakby manko
Po to jednak jest tyn krankol.

[broneknotgeld]

Rajzyfiber

Rajzyfiber zowdy mom
Jk na dugo żegnom dom.

[broneknotgeld]

Rachować

Kery by to porachowoł
Wiela Ślonzek łod sia dowoł?

[broneknotgeld]

Radiska

Śmieja sie z całego pyska
Jak zaś widza ta radiska.

[broneknotgeld]

Radyjko

Radyjko "Koliber" - to znom
Ciyńgym je w pamiyńci mom.

[broneknotgeld]

Radzi

Bydom możno kedyś radzi
Że Bronek we Rudzie sadzi.

[broneknotgeld]

Raja

Raja dzisioj keryś zno?
Ja - skiż banku PKO
Po swoj geld tam czynsto stoja
Sztyjc "komuna" - to myśl moja.

[broneknotgeld]

Rajbetka

Choć rajbetkom ściana halo
Malta sie pod nogom walo.

[broneknotgeld]

Rajcować

Porajcować czasym czeba
Bo niy yno chce sie chleba.

[broneknotgeld]

Rajfeszlos

Tyn pieroński rajfeszlos
Zaś mi kudeł w niego wloz.

[broneknotgeld]

Ryjmatyka

Ryjmatyka biere mie
A tu mody durś sie chce.

[broneknotgeld]

Johann Kraus

Krausa pierniki czy pamiyntocie?
Tam kaj piekarnio i to tyż mocie.

[broneknotgeld]

Rajcula

Mioł rajcuja w doma Francek
Chowoł przed niom sie we szranczek.

[broneknotgeld]

Rajtować

Jak rajtujesz piyrszy roz
Dupa cołkym biydno mosz.

[broneknotgeld]

Rajza

Rajza w zima? Tam kaj ciepło!
Łoj - pod nosym cos mi skrzepło.

[broneknotgeld]

Rant

Na rancie mi słownik stoji
Orła czy reszki sie boji?

[broneknotgeld]

Rombnońć

Rombnoł w borsztajn no i leży
Możno mu pomogom kierzy?

[broneknotgeld]

Rechtor

Rechtor pały dzisioj wlepioł
Tym ze rana fest pokrzepioł.

[broneknotgeld]

Richtig

Richtig w Unii my bydymy?
Dyc po prowdzie - zaś niy wiymy.

[broneknotgeld]

Rod

Rod ze tego czowiek bywo
Jak majontku mu przibywo.

[broneknotgeld]

Rolada

Kloski dali bez rolady
To ci kuchnia łod parady.

[broneknotgeld]

Roler

Do skłodanio roler modny
Chocioż czasym niywygodny.

[broneknotgeld]

Rolszuły

Jak na szłapy wzioł rolszuły
Mioł na gowie zaroz buły.

[broneknotgeld]

Rolwaga

Do przekludzki dobro była
Kaj terozki sie straciyła?

[broneknotgeld]

Roma

Czegoś brak mi teroz w doma
Ano niy wiym kaj jest roma.

[broneknotgeld]

Romel

Na romlu wiela uciychy
Łon tyz dobry jest na grzychy.

[broneknotgeld]

Romplować

Wiela w nocy romplowała
Za Hanika se zabrała.

Łon romplować zowdy chcioł
Jak kelicha w czubie mioł.

[broneknotgeld]

Rozlajerowany

Rozlajerowany karpyntel w radjoku
Dej se ze tym spokoj już teroz boroku.

[broneknotgeld]

Roztomiły

Z niego karlus roztomiły
Tnom sie nawet ło to żyły.

[broneknotgeld]

Ruby

Rubyś cosik
Jydz za grosik.

[broneknotgeld]

Rus

Po ćmoku rusy wychodzom
Ale niywiela nom szkodzom.

[broneknotgeld]

Rusyjo

Choć Rusyjo blisko była
Na Ślonsku niy "zagośćiyła".

[broneknotgeld]

Rychtować

Piyrszo we doma muter stowała
Śniodanie wszyskim nom rychtowała.

[broneknotgeld]

Ryczka

Na co mi stołek? Ryczka wystyknie
Ze niyj tyż widza że życie piykne.

[broneknotgeld]

Ryk

Lepi po cichu - niych ryk niy idzie
A Ślonzok tukej tak czy siak bydzie.

[broneknotgeld]

Ryć sie

Do koryt fest sie ryje
Choć tam yno som pomyje.

[broneknotgeld]

Ryl

We łogrodku przido ci sie
"Rylym" wyzwać to tyż śni sie.

[broneknotgeld]

Ryma

Robioł wiela we przeciongu
Teroz kichol nabroł szwongu.

[broneknotgeld]

Rypnońć

Rypnoł rynkom Zefel w stoł
Przeca łon gospodorz boł.

[broneknotgeld]

Ryszawy

Był "Ryszawy" nawet tank
Szkryfna jeszcze - richtig blank.

[broneknotgeld]

Rzodko

Cosik rzodko ta wodzionka
Łoju niy ma - chleba kromka
Czosku niy czuć. Co to jest?
Dyć jom niy chce nawet pies!

[broneknotgeld]

Rzigać

Wszysko z procyntami zmiyszoł
No i tako na tym wyszoł.

[broneknotgeld]

Reż

Reż we flaszce czasym ciongnie
Ponoć tyż w choroba wciongnie.

[broneknotgeld]

Rzompie

Tartar kożdy szachty to je
Take ło tym zdanie moje.

[broneknotgeld]

Ryczka

Ślecieć z ryczki
idzie wdycki
Toż delino
Poczkej yno.

[broneknotgeld]

Roncetla

Na roncetli szkryfli tako
"Geldu tela - niych niy płako".

[broneknotgeld]

Raszpla

Niy poradza se niom golić
Jako raszpla mom pochwolić?

[broneknotgeld]

Sago

Sago frelki we śnie widza
Wtedy sago sie niy wstydza

[broneknotgeld]

Sagaty

Sagaty był Noe jak sie naproł wiela
Cham sie z niego lachoł i mo yno tela.

[broneknotgeld]

Szpana

Szpana w życiu zowdy bywo
Jak sie ludziom władza dziwo.

[broneknotgeld]

Szpanga

Kto wymyśloł tako szpanga
Że chop z babom chce do tanga?

[broneknotgeld]

Sztopnadla

Niy trza na nia sie dziwować
Yno zoki posztopować.

[broneknotgeld]

Starka

Dlo mie łona bydzie ołma
Tako my godali doma.

[broneknotgeld]

Starzik

Do kompletu łon ze starkom
szkoła dowoł tyż nom - smarkom.

[Gość: forman5]

Soroń

[broneknotgeld]

Soroni tyż momy wiela
Choć maraszom ślonsko sztela.

[broneknotgeld]

Szczewiki

Ślubno mo ich galeryjo
Dyć i cołko familijo
A jo tela wiela musza
I na wiyncyj sie niy skusza.

[broneknotgeld]

Szłapy

Kajsik ciyngym niyść mie chcom
Dyć niywiela Ślonska znom
A łon przeca do Grinberga
Niy jest to dziedzina cwerga.

[broneknotgeld]

Sztela

To jest miejsce roztomajte
Tela powiy nawet bajtel.

[broneknotgeld]

Spokopić

Jak spokopić Polska cało
Na to pała mom za mało
Styknie yno Ślonzek w gowie
A i z tym sie mynczy czowiek.

[broneknotgeld]

Sztof

To ci sztof na szaty
W kerych krol sagaty.

[broneknotgeld]

Sztok

Szolom wyjechił se na tyn sztok
Potym ze łokna mioł piykny skok.

[broneknotgeld]

Szluk

Czasym szluk chopym telepie
Dyć gorzoła dali słepie.

[broneknotgeld]

Sztrajchować

Posztrajchować cołki świot
Z tego malyrz by był rod.

[broneknotgeld]

Sztreka

Niy chciyj se tam posztrekować
Możesz cugom se dziwować.

[broneknotgeld]

Szwigermuter

Szwigermuter zowdy pszaja
Yno czasym robia haja.

[broneknotgeld]

Szumny

Wdzioła frela klajd se szumny
By karlus był ze niyj dumny.

[broneknotgeld]

Szwandrać

Niy szwandrej przi mie za wiela
Nul rozumia cie - i tela.

[broneknotgeld]

Sam

Sam we Rudzie żech sie rodzioł
Sam do szkoły przeca chodzioł
Sam żech freli swoji pszoł
Familijo sam tyż mioł
Sam zakopiom moje kości
Bo sam wiela mom radości.

[broneknotgeld]

Schacharzyć

Schacharzyć sie pryndko idzie
Jak żeś ciyngym we ty biydzie.

[broneknotgeld]

Schronić

Popiołch mocno - do dom ida
Schronić sie przed ślubnom biyda.

[broneknotgeld]

Seblykać

Ołpa w kościele niy lubioł rzykać
Bo ciyngym frelki łon chcioł seblykać.

[broneknotgeld]

Seblykać

Wlyźć w cudzo dusza w szczewikach - czy
Lepiyj seblykać - podpowiydz mi.

[broneknotgeld]

Serweta

Serweta we szkrobku już leży
A szpaner "zymbiska" durś szczerzy.

[broneknotgeld]

Sfalić

Wongel sfalołch do pywnicy
Dyć zaś baba na mie ryczy
Ciyngym szuko mi roboty
Łod pyńdziałku do soboty.

[broneknotgeld]

Sfrocać

Nojpiyrw nażar sie za czech
Potym sfrocoł - to ci pech.

[broneknotgeld]

Sebuwać

Wlyźć w cudzo dusza w szczewikach - czy
Lepiyj sebuwać - podpowiysz mi?


Sebuwać z seblykać mi sie pomylyło
Jeszcze roz to szkryflom by już dobrze było.

[broneknotgeld]

Siednońć

Dyć se siednij chopie - dychnij
I tyż piwo jakeś gichnij.

[broneknotgeld]

Siymiyniotka

Tako zupa ze Wilijom
Ale lepi niy lyj mi jom.

[broneknotgeld]

Sioć

Sioć ze wiosnom czeba nom
Taki rym jo tukej dom.

[broneknotgeld]

Sipieć

Jak durś sipi dyszcz na dworze
Cosik czowiek niy w humorze.

[broneknotgeld]

Siupnońć

Pora razy siupnoł w szkole
A dzisioj we vipow kole.

[broneknotgeld]

Siuśka

Fest zapaczoł sie na siuśki
Dyć niy yno na ich byźki.

[broneknotgeld]

Siyń

W siyni sie somsiedzi znali
Sol i cuker durś życzali.

[broneknotgeld]

Sjechać

Z gelyndra sjechoł na dupie
Teroz galoty se klupie.

[broneknotgeld]

Skalić

Skaloł dusza swojo diobłu
Ale zaroz tyż mu skrod jom.

[broneknotgeld]

Szkat

Tako ślonsko gra we karty
Niy grej jednak jak łożartyś.

[broneknotgeld]

Skiż

Skiż czegoś coś sie dzieje
Skiż frszek - dusza śmieje.

[broneknotgeld]

Skoczka

Niy yno jom kundel mo
Dyć i czowiek skoczka zno.

[broneknotgeld]

Skuli

Skuli mie
Niy miyń sie.

[broneknotgeld]

Słazić

Słazić z wyrka trza co rano
Choć niy zowdy żeś wyspano.

[broneknotgeld]

Skulać

Niy zjechoł ze gory bo skuloł sie na doł
I taki narciorza bywo ziymski padoł.

[broneknotgeld]

Słepać

Dyć zoleży czasym co?
Piwo słepać - to mi gro.

[broneknotgeld]

Słodek

Pnie sie w gora słod po słodku
I niy myśli ło upodku.

[broneknotgeld]

Smark

Smark łobsmarkoł se rynkowy
Choć mioł sznuptuch w kapsi nowy.

[broneknotgeld]

Smażonka

Smażonce jo rada dom
Nawet jak jom zrobia som.

[broneknotgeld]

Smolić

Smolić cołko polityka
To pierońsko jest motyka.

[broneknotgeld]

Smrodziuszki

Sadza ciyngym je na groby
Niy skiż smrodu - skiż łozdoby.

[broneknotgeld]

Smyczyć

Ślonski pukel smycza jo
Czy to yno mi sie zdo?

[broneknotgeld]

Smykać

Za ta frela trza durś rzykać
Co sie w nocy lubi smykać.

[broneknotgeld]

Smyńdzić

Tela w knajpie ich smyńdziyło
Że sie cima aż zrobiyło.

[broneknotgeld]

Snople

konda ponoc z niego wielki
U kichola zaś snopelki.

[broneknotgeld]

Somsiek

We somsieku na tym sianie
Ale było używanie.

[broneknotgeld]

Spatrzyć

Rewiyr chcioł żech spatrzyć sie
A dochtor wyciepnoł mie.

[broneknotgeld]

Spieronić

Borowoł żech w doma wiela
Spieroniyli mie - to tela.

[broneknotgeld]

Spaśny

Spaśny kokot - kajś mioł kura
Dyć łostały po niym pióra.

[broneknotgeld]

Spiknońć

Z kamratami żech sie spiknoł
Dyć za wiela przi tym łyknoł.

[broneknotgeld]

Spodek

Tako żech słyszoł roz godka
Łod spodka chyć jom. Łod spodka!

[broneknotgeld]

Spodnica

W spodnicy po kuchno łaziyła
A Froncka ciyngym zwodziyła.

[broneknotgeld]

Stronkato

Stronkato frela
We dałerwelach.

[broneknotgeld]

Spodnioki

Ja - zaś nom ta zima idzie
Na spodnioki czas już bydzie.

[broneknotgeld]

Sprzezywać

Sprzezywali mie za spam
Tamtararatararam!

[broneknotgeld]

Srocz

Hajźlym idzie tyż go zwać
Łon poczebny byś mog srać.

[broneknotgeld]

Srogi

Niyroz nańdzie cie strach srogi
Z waty wtedy jakby nogi
Myśli gowa - Pitnońć trza
A niy idzie jakoś - pra?

[broneknotgeld]

Szpryma

Frela niy sagato
We szprymy bogato.

[broneknotgeld]

Sromota

Wtedy ci sromota przidzie
Jak żeś w jakiś wielki biydzie.

[broneknotgeld]

Sprawunek

Za sprawunkym jakimś tyrom
Dyć by trza już dychnońć gyrom.

[broneknotgeld]

Stargać

Mandat posła idzie strgać?
Coby Polska przestoł szargać!

[broneknotgeld]

Scyganić

Normalnie to chopa dusi
Dyć scygani jak już musi.

[broneknotgeld]

Strom

Ciś do niego tam kaj las
Bo durś jeszcze na to czas.

[broneknotgeld]

Staroszek

Tyż na ołpy idzie godać
tela yno jo chca dodać.

[broneknotgeld]

Starość

Starości mom ze tym wiela
Jak podźwignońć rudzko sztela?

[broneknotgeld]

Szplitry

Łod szplitra jednego
Chce sie durś drugego.

[broneknotgeld]

Stow

Se we stowie gyry moczoł
Aż utopek go łoboczoł
Już niy znodli tego chopa
Ślubno miała z tym utropa.

[broneknotgeld]

Stoplany

Leje! - Po co jo to godom?
Dyć stoplany wloz żech do dom.

[broneknotgeld]

Strup

Chcioł tańcować se na słupie
Teroz yno strup na strupie.

[broneknotgeld]

Styknońć

Styknie mi tego co usia mom
We tym tyż szczyńście że jo to znom.

[broneknotgeld]

Stynkać

W robocie stynkom sie czasym
Bo w gowie już mom wywczasy.

[broneknotgeld]

Suchatelnica

W suchatelnicy frela klynknyła
Kapelonkowi se nachwolyła
Że ciepnoł wszysko - szoł do "cywila"
Nul jednak z tego - dała mu tyla.

[broneknotgeld]

Suć

Różne kwańty czowiek suje
Czasym nawet se rymuje.

[broneknotgeld]

Swaczyna

Po niyszporze jest swaczyna
Niy trza ło tym zapominać.

[broneknotgeld]

Symnońć

We przedziale kofer symnońć
Na zol idzie ze niym rymnońć.

[broneknotgeld]

Syminać

Coś syminać z frelki chcioł
Ale jednak fest sie boł.

[broneknotgeld]

Synek

Synek kedyś mi godali
Chciołbych by to było dali.

[broneknotgeld]

Syr

Lachać sie do syra idzie
Ździybko zdrowio z tego przidzie,

[broneknotgeld]

Szac

Kejby niy ta moja glaca
Wziyła by sie mie za szaca.

[broneknotgeld]

Szaket

Pod szaketym westa miyj
Być galantym ciyngym chciyj.

[broneknotgeld]

Szalter

Trza nom tyn szalter do szczyńścio szukać
Choć niy bydymy we niego klupać.

[broneknotgeld]

Szalter

Trza nom tyn szalter do szczyńścio szukać
Choć niy bydymy we niego klupać.

[broneknotgeld]

Szaufynster

Piykny szaufynster - telewizyjok
Dyć niy nabiere sie tam moj ryjok.

[broneknotgeld]

Szplitry

Zjod sztyry szplitry
Zapioł je litrym.

[broneknotgeld]

Szałot

Szałot pryndko sie nom jy
Dugo robi sie go - niy?

[broneknotgeld]

Spokopić

Chcesz spokopić ślonsko godka?
Trza te rymy na wiyrch potkać

[broneknotgeld]

Szcziga

Szczigi w Rudzie sabat majom
Przi ratuszu wynokwiajom
Polityka - szcziga piyrszo
Dyć niy łona z nich nojwyrszo
Nic jo na to niy poradza
Wszyske szczigi czimie - Władza.

[broneknotgeld]

Szaty

Kupioł freli nowe szaty
Bo w piniondzach niy sagaty.

[broneknotgeld]

Szczukawka

Piwo dobre jak sie szczuko
Moja rynka zaś go szuko.

[broneknotgeld]

Szczyrbaty

Czasym bajtel zawalaty
Z tego bywo tyż szczyrbaty.

[broneknotgeld]

Szczyrkać

W potmanyju drobne szczyrko
A mie ślyp za grubym zyrko.

[broneknotgeld]

Szczyrkowka

Coś telepie sie we gowie
Czy szczyrkowka nosi czowiek?

[broneknotgeld]

Szczyrbok

Jak już posioł wszyske zymby
To szczyrbaty niy mioł gymby.

[broneknotgeld]

Szolontać

Szolontoł szampanym tela
Łotwar - łostało niywiela.

[broneknotgeld]

Szeslong

Legli sie roz dwa boroki
Na szeslongu dość szyrokim
Ale porki z niych niy było
Do frelkow jednak ciongnyło.

[broneknotgeld]

Szipa

Szcziga miotłom lotać woli
A ta szipa cosik smoli.

[broneknotgeld]

Szisbuda

Przi szisbudzie na łodpuście
Myśli frelka ło rozpuście
Kedy karlus jom uszczeli?
- To we gowie naszy freli.

[broneknotgeld]

Szklok

Szczyńściym był tyn szklok we gymbie
I niy myśloł żeś ło zymbie.

[broneknotgeld]

Szkuty

Szkutow jyj sie łodechciało
Łogolyła sie kajś cało.

[broneknotgeld]

Szkubki

We pamiyńci ołmy noszom
Ło spominki tego proszom.

[broneknotgeld]

Szlajać

Szlajać karlus by sie chcioł
Dyć piniyndzy mało mioł
I przez sprawa tako marno
Ciyngym słyszy - Nic za darmo!

[broneknotgeld]

Szlajer

We szlajerze jeji dziubek
A przi boku jakiś bubek.

[broneknotgeld]

Szlajfka

Był już cołkym blisko mety
Dyć go szlajfka sztopła - rety!

[broneknotgeld]

Szlic

Jak nojwyży to mo być
Co? -Dyć przeca godom - szlic!

[broneknotgeld]

Szlips

Jo tam zowdy binder godom
Szlipsa nigdy niy zakłodom.

[broneknotgeld]

Szlojder

W "ciynżkich szlojdrach" służoł Francek
Prziwioz ruksak pełny wancek.

[broneknotgeld]

Szlus

Kedy ze słownikym szlus?
Jak mie nońdzie taki mus.

[broneknotgeld]

Szlynzuchy

Downo żech na szłapach niy mioł
Możno jednak bych jo szczimoł
Na szlynzychach choć godzina
Yno lodu cosik niy ma.

[broneknotgeld]

Szłapcug

Rubnie zaś łostatnio cosik
Szłapcug przidzie mu przeprosić.

[broneknotgeld]

Szmaciorz

Zbiyro szmaty - żyje z tego
Trza to w zocy mieć - kolego.

[broneknotgeld]

Szmary

Łod ołmy ciyngym pamiyntom szmary
Choć żech już teroz chop prawie stary.

[broneknotgeld]

Szmaterlok

Asi sie jak szmaterlok
A mo ufifrany krok.

[broneknotgeld]

Sznit

Na sznit czynsto przikroć chcom
A czy jo sie tymu dom?

[broneknotgeld]

Sznita

Jak zabraknie sznity chleba
Kajś " za chlebym" jechać czeba.

[broneknotgeld]

Sznitlok

Sznitlok to jest dlo mie wiosna
Wtedy czuja że zaś rosna.

[broneknotgeld]

Sznora

Źle rymuje sie ta sznora
Czasym trza by mieć tyż piora.

[broneknotgeld]

Sznupok

Łon ci włazi nawet w dusza
Som se godo - "Sznupać musza".

[broneknotgeld]

Sznuptuch

Szczimać ryma bez sznuptucha
Trza "wielkego" chyba ducha.

[broneknotgeld]

Sznuptuch

Szczimać ryma bez sznuptucha
Trza "wielkego" chyba ducha.

[broneknotgeld]

Szola

Lepszo "piekło - niebo" szola
Łod kożdego karasola.

[broneknotgeld]

Szpanować

Niy yno gardiny idzie
Czynsto trza szpanować w biydzie.

[broneknotgeld]

Szpas

Tysz tyn słownik - godom przeca
Dyc dlo szpasu jo go kleca.

[broneknotgeld]

Szperplata

Ze szperplaty chałpa mo
Co pałacym mu sie zdo.

[broneknotgeld]

Szpicpapior

By był ździybko gładszy rym
Na szpicpapior ciepej niym.

[broneknotgeld]

Szpok

Szpoki zjadły wszyske cześnie
Szczyńściym że to było we śnie.

[broneknotgeld]

Szporobliwy

Szporobliwy z niego chop
Żol piniyndzy na "skok w bok".

[broneknotgeld]

Szporować

Szporować sie dzisioj werci?
Lepiyj kredyt mieć do śmierci?

[broneknotgeld]

Szpotlawy

Jak popije - krok szpotlawy
Niy pomogom szolki kawy.

[broneknotgeld]

Szprajchy

Przikroł sie kołym - a przeciong mioł
Bo pora szprajchow ktoś z niego broł.

[broneknotgeld]

Szpyndlik

We szpyndlikach rym jest mocny
Choć godajom że niyzocny.

[broneknotgeld]

Szpyndlikorz

Grosz do grosza szpyndlikowoł
Aż sie nom pod ziymia schowoł.

[broneknotgeld]

Szperhok

Marzy mi sie taki szperhok
Kerym zamknoł bych jo kerhof.

[broneknotgeld]

Szpyrka

Szpyrki do smażonki trza
Dobro wtedy przeca - pra?

[broneknotgeld]

Szrank

Tam i chopa schować idzie
Szrank sie przido w kożdy biydzie.

[broneknotgeld]

Szroba

Ponoć wielgo szroba mom
Dyć se rada ze niom dom.

[broneknotgeld]

Sztachnońć

Cygaretom sztachnońć chcioł sie
Dyc ło puca swoje boł sie.

[broneknotgeld]

Sztajger

Łod Skarbnika sztajgra woli
Bo łon yno łopierdoli.

[broneknotgeld]

Szteker

Choć se klupia czynsto w dekel
Dyć niy działo to jak szteker.

[broneknotgeld]

Sztopować

Fuzekle kedyś my sztopowali
Dzisioj te z dziurom czeba wywalić.

[broneknotgeld]

Sztrom

Jak miyszkali ołma w giblu
Sztrom nosiyli my im w kiblu.

[broneknotgeld]

Sztepdeka

Przez sztepdeka frela ściskoł
Dyć sie pod nia jednak wciskoł.

[broneknotgeld]

Sztamfować

Fest kartofle sztamfowała
Jakby chopa ubijała.

[broneknotgeld]

Sztamfer

Sztamfer w rynce se chyciyła
No i Francka niym pobiyła.

[broneknotgeld]

Szterować

Polityka korumpuje
Yno kogo to szteruje?

[broneknotgeld]

Sztiglować

Dlo lipsty sie fest sztiglowoł
Aż galantym jyj sie zdowoł.

[broneknotgeld]

Sztomel

W gymbie czimie sztomel bajtel
Dyć ze niego durś jest srajtel.

[broneknotgeld]

Szterować

Truda Francka szterowała
No i w końcu łoberwała.

[broneknotgeld]

Sztompel

Nanosioł sie sztompli na grubie
Teroz yno w nosie dubie.

[broneknotgeld]

"Szychta"

Ze stary lampki łona sie wziyła
"Die Schit" - toż "warstwa" łoleju była
-Tela na dniowka se wypolało
Tako i szychta bergmona cało.

[broneknotgeld]

Szpil

Na szpilplacu
Se łonacoł
Kepnoł łostro
-Retuj siostro!

[broneknotgeld]

"Sztajger"

"Steigen" - dyć złazić trza po drabinie
We ćmok ty gruby - poznać po minie
Że mu niy zowdy ze tym wesoło
Możno skiż tego sztajger na bioło.

[broneknotgeld]

Sztrachecle

Niy trza mieć sztrachecli czasym
Coby łogyń poszoł lasym.

[broneknotgeld]

Sztrekować

Sztrekuje sie rno sztrekuje we nocy
Ale niy przibywo mu ze tego mocy.

[broneknotgeld]

Sztrykować

Zoki mi usztrykowała
Ale jednak ich niy dała.

[broneknotgeld]

Sztuchnońć

Czasym ło coś mie sztuchajom
Siyły kipnońć dyć niy majom.

[broneknotgeld]

Sztyjc

Sztyjc za rymym leci rym
Ale myśla - dobrze z tym.

[broneknotgeld]

Sztyjc

Sztyjc za rymym leci rym
Ale myśla - dobrze z tym.

[broneknotgeld]

Sztympel

Fraszka mo tu sztympel "Ruda"
Z niom we Ślonzek dali póda.

[broneknotgeld]

Szykowny

Karlus fest szykowny był
Dyć felery swoje krył.

[broneknotgeld]

Sztajfny

Sztajfnego mioł
Kej yno chcioł!

[broneknotgeld]

Szisdrot

Prawiom tyż ło niym tako - "momyntka"
Yno koperki niy tkej pod piyntka.

[broneknotgeld]

Szpanong

Wiela mo szpanongu
we sztekdołzie sztrom
Ci mi ze tym trefi
kej tam paluch tkom?

[broneknotgeld]

Śleper

Wongel piyknie łon foluje
Ze hercowy fest go suje.

[broneknotgeld]

Ściepnońć

Trza fet ściepnońć - to sie wiy
A tu czowiek ciyngym jy.

[broneknotgeld]

Śpik

Jeszcze sie kecki łod mamy czimie
Dyć cosik w bajtlu już przeca drzymie.

[broneknotgeld]

Śpikol

Yno niy udowej zucha
Wsodź se kichol do sznuptucha.

[broneknotgeld]

Ślecieć

Idzie poznać to po strupach
Jak z wysoka śleci dupa.

[broneknotgeld]

Ślonsk

Łod Katowic do Grinberga
Dyć zaciepnij aż tam berga.

[broneknotgeld]

Ściorany

Ze knajpy prziszoł do dom ściorany
Wszysko zaboczoł bo był naprany.

[broneknotgeld]

Ślazować

Zowdy lewom nogom ślazowoł ze pryka
Aż go roz skiż tego przejechała bryka.

[broneknotgeld]

Ślintać

Za tym co było ślintać niy czeba
Jak zaś przed nami tyn konsek nieba.

[broneknotgeld]

Ślompać

Uślompany bajtel bo sie wymarasioł
Dyć godzina tymu pulowrym sie asioł.

[broneknotgeld]

Ślonzoki

Godali co nos tu niy ma
A teroz jaki jest tymat.

[broneknotgeld]

Ślypia

Ślypia jeji widzi w nocy
Ponoć sie skiż tego moczy.

[broneknotgeld]

Ślyść

Ślyść ze zesla mogbych tukej
Ale Rudy kaj poszukej?

[broneknotgeld]

Śniodać

Bez śniodanio marny dziyń
Niy wyłaź nawet na siyń.

[broneknotgeld]

Śmiotek

Śmiotkym bez pysk mu szczelyła
I dwa zymby aż wybiyła.

[broneknotgeld]

Śmiertka

Roz we łoczy mi zajrzała
Oby pryndko zaś niy chciała.

[broneknotgeld]

Śmioć sie

Po to momy rudzke forum
By tyż śmioć sie - do oporu.

[broneknotgeld]

Śmiyrgus

Łoć nom czeba wszyske frelki
Dobrze jak jest śmiyrgus wielki.

[broneknotgeld]

Śrybło

Śrybła mieli my na Ślonsku
Wykopali - kons po konsku.

[broneknotgeld]

Świdraty

Jak jymu wejrzeć we łoczy?
Dyć kożde kaj ińdzi skoczy.

[broneknotgeld]

Świdrzyć

Na basynie świdrzoł wiela
Ciyngym yno po tych frelach.

[broneknotgeld]

Świtnońć

Śmirtce trza by jakoś pitnońć
Dyć niy czas to coby świtnońć.

[broneknotgeld]

Ślabikorz

Ze ślabikorza uczoł se czytać
Dyć niy po ślonsku! Chcecie zapytać?

[broneknotgeld]

Świdrato

Erna do kapsow Zefla kukała
Świdrato z tego teroz bezmała.

[broneknotgeld]

Toć

Toć tyn słownik leci piyknie
Szkryflanio na jesiyń styknie.

[broneknotgeld]

Tyrać

Tyrać idzie przi robocie
W doma jak za wiela pociech
Ale dychnońć trza sie w końcu
Bo zaboczysz ło tym słońcu.

[broneknotgeld]

Tinta

Downiyj tintom żech durś pisoł
Potym kugelszrajber prziszoł.

[broneknotgeld]

Tiger

Mo pazury i zymbiska
Boja jo sie jego pyska.

[broneknotgeld]

Tuplowany

W tuplowanym świecie żyja
Jak za wiela se wypija.

[broneknotgeld]

Tuplikować

Wiela wom wytuplikuja
We tych rymach co je suja.

[broneknotgeld]

Tepich

Na klopsztandze tepich klupoł
Tela lot że aż łogupioł.

[broneknotgeld]

Tyj

Dyć skiż tyju we antryju
Idzie dostać tyż po ryju.

[broneknotgeld]

Tytka

Z tytek Chebzie zasłynyło
Wiela sie tu ich lepiyło.

[broneknotgeld]

Tyjater

Tyjatrym jest nasze życie
Chyba ło tym cosik wiycie.

[broneknotgeld]

Tygel

Szpyrka na tygliku mom
Pora jajec jeszcze dom
Bo smak prziszoł na smażona
I chleba dobrego kroma.

[broneknotgeld]

Tyta

Roz do szkoły łon iść chcioł
Jak ta wielko tyta mioł.

[broneknotgeld]

Tuste

Tuste w bonclok już żech wloł
Na dugo je byda mioł.

[broneknotgeld]

Tulpa

W marcu tulpy były w modzie
Dzisioj yno we łogrodzie.

[broneknotgeld]

Tukej

Tukej - we tyj szteli naszy
Broneknotgeld ciyngym straszy.

[broneknotgeld]

Tuberok

Niy chce wcale dać kusiola
Godo - "Tuberoka wola".

[broneknotgeld]

Tubera

Tubera już nos tak niy kosi
Dyć zaś wiyncyj jom tu nosi.

[broneknotgeld]

Trza

Trza pilnować sie. Łoj trza!
Ciyngym przi gorzole - pra?

[broneknotgeld]

Truła

Dyć to tako krzinka jest
W keryj ciymno cosik fest.

[broneknotgeld]

Trowa

Po bosoku leć po trowie
Możno wyńdzie ci na zdrowie.

[broneknotgeld]

Trocha

Pytom Trudy - Pszajesz mi?
Chocioż trocha? - Łona: Niy!

[broneknotgeld]

Trefić

Jak roz trefisz swoje frela
W cudzym wyrku - Nic z wesela!

[broneknotgeld]

Toplać

Mucha we gorzole toploł
Łona czyźwo - łon sie ochloł.

[broneknotgeld]

Topek

To coś dlo małego fropa
Ty za wielko mosz ta dupa.

[broneknotgeld]

Topkrac

We ausgusie gary myje
Topkrac - łon skiż tego żyje.

[broneknotgeld]

Toni

Toni to już ponoć było
Drożyj bydzie sie nom żyło.

[broneknotgeld]

Tonkać

Mosz plynckyrze - rynce tonkej
I mi tukej już niy fronkej.

[broneknotgeld]

Tomata

W tomacie siyły niy szukej
Dyć za zdrowiym na nia kukej.

[broneknotgeld]

Tijoletka

Siedzi przi niyj czynsto frela
I we zdrzadło bliko wiela.

[broneknotgeld]

Tinta

Tintom filer zatankuja
Z niego rymy tyż "wysuja".

[broneknotgeld]

Terozki

Terozki mu frelki w gowie
Bo już taki z niego czowiek.

[broneknotgeld]

Terować

Pedzioł kedyś do dachdekra
Coby poterowoł świekra.

[broneknotgeld]

Tera

We piekle mie tera czeko
To już keryś mi zaszczekoł.

[broneknotgeld]

Teliczka

Szczyńścio bywo tyż teliczka
Co czasu - niym zgaśnie świyczka.

[broneknotgeld]

Taszlampa

Już mi roz ukradli sztrom
Bestoż ta taszlampa mom.

[broneknotgeld]

Tasza

Dobra nasza
Kaj jo - tam tasza.

[broneknotgeld]

Tanksztela

Na tankszteli se poznali
W życie razym pojechali.

[broneknotgeld]

Tabulka

Taki niynażartek w rodzinie sie znod
Tabulkami szokolada ciyngym łon by jod.

[broneknotgeld]

Tablet

Ida z kawom - kopia w stoł
Cołki tablet byda moł.

[broneknotgeld]

Topkrac

Na celulit topkrac zdo sie
Gładko skora po niym mo sie.

[broneknotgeld]

Tepich

Se kulali na tepichu
Trudka worto była grzychu.

[broneknotgeld]

Topkrac

Prawie teroz bez topkraca
Ze garami se łonaca.

[Gość: otto]

Ciąg dalszy totalnego bełkotu.
żałosne.

[broneknotgeld]

Topkrac

Fest topkracym gymba mył
Richtig gryfny potym był.

[broneknotgeld]

Tuszki

Coś do pyndzla tuszki majom
Czy jo tukej yno bajom?

[broneknotgeld]

Tera

Tery se boja
Za wiela broja
Kwapym łobsujom
"Kaczka" zrychtujom!

Re U

[broneknotgeld]

Utropa

Ze rymym utropa mom
Dyć mu jednak rady dom.

[broneknotgeld]

Ubliżyć

Ubliżoł łon jedny freli
Bo uciyk z jeji pościeli.

[broneknotgeld]

Ufifrać

Ciaplytom żech sie ufifroł
Choć potym ze tego chichroł.

[broneknotgeld]

Uciompany

Jak ci leci ze kichola
Uciompano rymom dola.

[broneknotgeld]

Ujek

Ujek z Niymiec - czynsto skarb
Ale czasym jakby garb.

[broneknotgeld]

Ujechać

Ujechoł zech na ciaplycie
Boli dupa - dyć to wiycie.

[broneknotgeld]

Ukidać

Nudle leżom na galotach
Ukidanych przez gupota.

[broneknotgeld]

Ukloźdnońć

Niy trza aż na lodzie być
Kloźdniesz i już boli rzić.

[broneknotgeld]

Ukroć

Ukroć chleba rano trza
A sie czasym niy chce - pra?

[broneknotgeld]

Umrzik

To to samo co umarlok
Jedno pewne - już niy żarłok.

[broneknotgeld]

Urznońć

Chocioż pitwok urznoł siech
Co poradza? Ciyngym pech!

[broneknotgeld]

Ustoń

Ustoń na ta dziołcha blikać
Lepiyj byś se poszoł rzykać.

[broneknotgeld]

Usznupany

Usznupany pysk mo cały
No bo żarłok jest niymały.

[broneknotgeld]

Uślintać

Jak ci ciynżko jest na duszy
Uślintosz sie - cosik ruszy.

[broneknotgeld]

Utoplec

Utoplec sie kajsik stracioł
Bo mu czowiek staw zagracioł.

[broneknotgeld]

Uwarzyć

Franckowi sie ciyngym marzy
Że mu Truda żur uwarzy.

[broneknotgeld]

Utrzić

Utrzyj pysk jak żeś już zjod
Żeś niygłodny być tyż rod.

[broneknotgeld]

Utropa

Ze utropy żałość idzie
Lepi niychej to niy bydzie.

[broneknotgeld]

Uśmiyrknońć

Uśmiyrkła skiż złości
czy ze ciekawości?

[broneknotgeld]

Ucichtować

Ucichtowoł jedna frela
Dzieci teroz mo za wiela.

[broneknotgeld]

Wandrus

Ciyngym go po świecie ciongnie
W jedna sztela sie niy wprzongnie.

[broneknotgeld]

Wodzionka

Zocno zupa to ze chleba
Łoj i czosnek tyż tam czeba.

[broneknotgeld]

Wrazidlaty

Tam kaj niy mog łapska tkoł
Choć tyż po paluchach mioł.

[broneknotgeld]

Wysłepać

Krzinka piwa już wysłepoł
I pierońsko przi tym hepoł
Nyry szwongu tyż nabrały
Cosik pryndko filtrowały.

[broneknotgeld]

Wyzgerno

Wyzgerno durś ślubno moja
Bestoż trocha jo sie boja
Czy niy ciepnie czasym mie?
Bo bachraty robia sie.

[broneknotgeld]

Wic

Tyn słownik to możno wic
Ślonzek we niym. Czy to nic?

[broneknotgeld]

Wancka

Po szizlongu chodzi wancka
Hepie jyj sie krew łod Francka.

[broneknotgeld]

Wysztiglować

Czasym trza sie wysztiglować
By przikłod tym inkszym dować.

[broneknotgeld]

Wyszkyrtać

Fojercojg mi sie wyszkyrtoł
Łognia niy doł choć żech zwyrtoł.

[broneknotgeld]

Wyszkrobić

Wyszkrobiyła mu spodnioki
Kaj terozki mo boloki?

[broneknotgeld]

Wysiady

Lecom klachy na wysiadach
Trza ich suchać - tako rada.

[broneknotgeld]

Wyrychlić

Wyrychloł do przodka sie ktosik
A teroz ło litość już prosi.

[broneknotgeld]

Wyrobiać

Kto modym wyrobioł za wiela
Na starość spokojno chce sztela.

[broneknotgeld]

Wyro

Po nocny szychcie we gowie wyro
Tako jo godka mom cołkym szczyro.

[broneknotgeld]

Wyparzoł

Wyparzoł Francek z roboty
Bo fest go polyły galoty
Dyć w doma już ślubno czekała
I cosik łod niego tyż chciała.

[broneknotgeld]

Wypaplać

Niy godejcie jyj za wiela
Bo wypaplo - no i tela.

[broneknotgeld]

Wynokwiać

Tela z karlusami łona wynokwiała
Że sie cosik pryndko zowitkom łostała.

[broneknotgeld]

Wylazować

Wylazować z polski biydy
Jak durś momy tukej gnidy.

[broneknotgeld]

Wyklupać

Wyklupane na klopsztandze tepichy
Jakby szło wyklupać ze nos wszyske grzychy?

[broneknotgeld]

Wykludzić

Wykludzioł sie z familoka
Kaj szukać teroz boroka?

[broneknotgeld]

Wyjscać

Zefel latoś nom zaniymog
Bo sie wyjscać jakoś niy mog.

[broneknotgeld]

Wyglancować

W końcu wyglancowoł szuły
Fest zbabrane łone boły.

[broneknotgeld]

Wyduldać

Wyduldoł halba wyduldoł dwie
Teroz we gowie mu cosik wre.

[broneknotgeld]

Wydano

Ślubno zowdy jest wydano
Ło tym myśla se co rano
Jak we nocy my sie pszoli
Być wydano - to niy boli.

[broneknotgeld]

Wycyckać

Wycycko wszysko z karlusa
Prawie wampiyrza mo dusza.

[broneknotgeld]

Wyciepnońć

Trza wyciepnońć co jest złego
Z dobrym ciongnońć do nowego.

[broneknotgeld]

Wreć

Już łod downa u nos were
A mie ora z tego biere.

[broneknotgeld]

Wparzoł

Jak po łogyń tukej wparzoł
Pewnie kajsik coś nawarzoł.

[broneknotgeld]

Woszt

Na woszcie chop dugo ciongnie
Ale w końcu sie wyprzongnie.

[broneknotgeld]

Wosztlik

Wosztlik to jest mały woszt
Łon niy styknie ci na ruszt.

[broneknotgeld]

Wonianie

Do wonianio kwiotki kuszom
Bo nikere som ze duszom.

[broneknotgeld]

Woniać

Woniać yno mu sie chciało
Chyńć do tego mioł niymało.

[broneknotgeld]

Wongel

Choć w niym tela wielki mocy
Dzisioj go niy majom w zocy
Cudzy gaz po gowie chodzi
To wonglowi wiela szkodzi.

[broneknotgeld]

Wojok

Polski wojok we tym NACIE
Niymieckymu godo - bracie.

[broneknotgeld]

Wiyrch

W cygaństwie niy idzie żyć
Na wiyrchu mo prowda być.

[broneknotgeld]

Winkel

Na winklu frelka se stoji
Ampla pod nogi jyj świyci
Ło sia sie wcale niy boji
Przeca zarobio na pici.

[broneknotgeld]

Wiela?

Wiela fraszek dziynnie kleca?
- Tu do Internetu neca.

[broneknotgeld]

Wieczerzo

To łostatnie nasze danie
Potym yno piykne spanie.

[broneknotgeld]

Wieprzki

Lubia jo te wieprzki z krzoka
Ze chlywika tyż se zjym
Coby w tym niy było ćmoka
Fraszka ciepia - bo jo wiym.

[broneknotgeld]

Wilijo

Piykno tako jest wilijo
Kedy cołko familijo
Siednie se do stoła w zgodzie
I nikogo nic niy bodzie.

[broneknotgeld]

Wichajster

Tela tego we tym jest
Że te słowo mocne fest.

[broneknotgeld]

Weta

Wetna teroz sie ło piwo
Kto rymuje - tyn jest dziwok.

[broneknotgeld]

Westa

Jak w ancugu westa jest
Już szykowny karlus jest.

[broneknotgeld]

Wertiko

To taki "szranczek" mały
Kaj sie lajbiki schowały
Miały tam łone szuflodka
Dyć niy ło babach sam godka.

[broneknotgeld]

We wercie

Myśla - we wercie jest wiela
Ta naszo rudzko sztela.

[broneknotgeld]

Werbus

Werbusy byli tu zowdy
We tym poszukej se prowdy.

[broneknotgeld]

Wela

Mie sie kudły niy kryńciyły
Dzisioj zresztom godom - były.

[broneknotgeld]

Weksle

Zapytej sie swoji freli
Eli weksle u niyj - eli?

[broneknotgeld]

Wdycki

To to samo jest co zowdy
We tym wiela przeca prowdy.

[broneknotgeld]

Wciepnońć

Tysionc haseł chca tu wciepnońć
Coby godka zaczła krzepnońć.

[broneknotgeld]

Waszpek

Ze waszpeka gichnoł wodom
We śmiyrgus - za frelkom modom.

[broneknotgeld]

Waszkorb

Pełny waszkorb z magla wzioł
Ale donios uno poł.

[broneknotgeld]

Waszbret

Cołkym gryfny to "automat"
Na niym prało sie rynkoma.

[broneknotgeld]

Waserwoga

Niy chciyj na niyj woda wożyć
Chciyj "pion-poziom" prziuwożyć.

[broneknotgeld]

Warzyć

Ponoć chop nojlepi warzy
A mie wszysko w kuchni parzy.

[broneknotgeld]

Waryjot

To ktoś taki co mu ipi
Choćby rym we gowie kipi.

[broneknotgeld]

Wandrus

Tego gyry ciyngym parzom
Yno rajzy mu sie marzom.

[broneknotgeld]

Wander

Rajza może być daleko
Na cia nawet łona czeko.

[broneknotgeld]

Walkować

Trza pościele wywalkować
Potym je na wyrko dować.

[broneknotgeld]

Walca

Przejedź walcom se po ścianie
Jakiś muster niom dostaniesz.

[broneknotgeld]

Wajać

Wajoł karlus coś za wiela
Aż mu bez pysk dała frela.

[broneknotgeld]

Wadzić

Dyć tu ciyngym sie fest wadzom
Ci co wiela niy poradzom.

[broneknotgeld]

Wachtyrz

Choć dlo inkszych pozor dowoł
Siebie łon niy uwachowoł
Dyć ukradli mu galoty
Wiela śmiychu było potym.

[broneknotgeld]

Wysztiglowany

Wysztyglowano do frelki szoł
Yno fuzekle dziurawe mioł.

[broneknotgeld]

Wajać

Ślubno wajo - ty mamlasie
Zaś żeś dzisioj w "niydoczasie".

[broneknotgeld]

Wyzgerny

Był wyzgerny
Dyć niywierny.

[broneknotgeld]

Wyflegować

Ponoć sie wyflegujymy
Kej we trule już bydymy.

[broneknotgeld]

Wilijo

Kej Wilijo przi wieczerzy
Tyż Duch Świynty - idzie wierzyć.

[broneknotgeld]

Wajcha

Wajchom glajzy se przeciepna
Cug przekulo - potym hepna.

[broneknotgeld]

Yno

Bałamońci modo frela
Yno lotek mo za wiela.

[broneknotgeld]

Yma

Czamu jak jo widza Yma
Zaroz mie dopodo ryma?

[broneknotgeld]

Yntka

Yntka zrobić pryndko przidzie
Jak sie z knajpy do dom idzie.

[broneknotgeld]

Ynst

Z Ynsta ponoć był kyns klipy
Niy zakurzoł nawet cipy.

[broneknotgeld]

Zaboczyć

Zaboczyć tyż idzie to
Kaj potmanyj swoj sie mo.

[broneknotgeld]

Zbulić

Pryndko idzie zbulić coś
A zbudować? Powiy ktoś?