Azja

[broneknotgeld]

Przi Europie jest kolosym
Toż niy kryńćcie na nia nosym

[broneknotgeld]

Prawiom co Azjo kolybkom naszom
Choć niom tyż czasym nikerzy straszom.

[broneknotgeld]

Trza we Azja porajzować
Cosik w tym portalu dować
nk.pl/#forum/17/977/536?find=last#post16

[broneknotgeld]

Zaś na Azja kukna
Cosik kajsik blukna.

Azerbejdżan

[broneknotgeld]

Azerbejdżan

Pakuj manatki, jedź kaj manaty
Przeca żeś niy je cołkym sagaty.

[broneknotgeld]

Jezioro Kaslijskie dyć morzym je przeca
Nad tym morzym Baku - kejsik tam poleca.

Baku

[broneknotgeld]

Baku

Baku wiyrchym dropie
Durś rośnie na ropie.

[broneknotgeld]

Baszta Jungfery

W Baku ty baszcie ciyngym dziwocie
Legynda ło niyj pewnikiym znocie
Lipsta łod szacha tam zamiyszkała
Iże mu cerom tyż - dowiedziała
Toż skiż utropy z wiyrchu skoczyła
Lipsta i cera tako straciyła.

[broneknotgeld]

Baszta Jungfery XII w.

Łod wschodu dziedziny łona wachowała
Widać co broniyła, co wiela strzimała
Mono i świontyniom ze czasym tu była
W dziewiytnostym wieku na morze blyńdziyła

Szifom port bakijski tako łoznojmiała
Zyjmanow przi tymu richtig radowała
Dzisioj w niyj muzeum miasta historyji
A mo ło czym prawić przeca bez mecyji.

Syria

[broneknotgeld]

Toż możno Syrio teroz wos skusi
Wandrus zoglondnońć przeca tu musi.

[broneknotgeld]

Syryjsko lira

Dyć my jom jednak funtym zowiymy
Przi złotku ciynko to przeca wiymy.

[broneknotgeld]

W Syrii

W Syrii Oriyntu poczujesz smak
Tam kaj wygody bydzie ci brak.

[broneknotgeld]

Syria

Tu Fenicjany Babilończyki
Persy Rzymiany - niy Syryjczyki
W starożytności tako rzońdziyli
Profitow swojich nawet niy kryli.

[broneknotgeld]

Syryjske taksowki

Antykym ci sie jawiom we łoczach
Dej pozor - mogom straczyć po nocach.

[broneknotgeld]

Quala'at Marqab

Twierdza zdobyczom krziżowcow była
Toż w jejich rynkach wiela znaczyła
W niyj se łoparli Saladynowi
Niy było leko - to kożdy powiy

W końcu zdobyli jom Mameluki
Zdo sie zapadła pod ziymia z hukym
Bo przeca zamek tyn podkopali
I żywy łogyń w tunele dali.

[broneknotgeld]

Quala'at Sayhun

Zdo ci sie nojwiynkszom twierdzom we tych stronach
Zdobywać jom jako - możno lepi skonać
Dyć dzisioj na gora podreptosz spokojnie
I niy myśl za wiela ło ty świynty wojnie.

[broneknotgeld]

Krak de Chevaliers

Twierdza to nojpiyrszo krziżowcow ty ziymi
Zdo sie we tych murach jakbyś był ze niymi.

[broneknotgeld]

Niyzdobyty Krak de Chewaliers

Toż zamku krziżowcy w boju niy straciyli
Choć wielkom armijom go tu łoblygali
Bez Jerozolimy jednak co znaczyli
Ano toż sie stało - twierdza swo poddali

Zaś wrocić se mogli we rodzinne strony
Jeszcze familijom se swojom nacieszyć
Krucjaty z tym koniec - toż przeca to znomy
Skiż krziża niy bydom już tukej tyż grzeszyć.

[broneknotgeld]

Quala'at ibn Maan

Wele Palmyry gorsko forteca
Ze arabskego łona już neca
Blikom se na nia - tako dziwuja
Jakby dwa rożne światy zaś czuja.

[broneknotgeld]

W Syrji teroz fest utropa
wiadomosci.gazeta.pl/wiadomosci/1,114881,14607545,152_dni_niewoli_u_syryjskich_rebeliantow___To_kraina.html
Dyć wandrusa jo spokopia.

Aleppo

[broneknotgeld]

"Haleb"

Dlo nos Aleppym ciyngym te miasto
Haleb - arabske przeca to "ciasto".

[broneknotgeld]

Aleppo

Jedno z ciekawszych miast tego Wschodu
Ze handlu ciyngym swo siyła brało
Kupcow z Indyji tako z Zachodu
Zowdy tu było przeca niymało.

[broneknotgeld]

Wielki Meczet

Wielki Meczet w Aleppo
minaretym woło
"Allah Akbar!" - toż jakoś
niy ma mi wesoło.

[broneknotgeld]

Cytadela w Aleppo

Prawiom co była tu niyzdobyto
Czas jom pokonoł - jakby kto pytoł
Dzisioj ruina - muzeum tako
Czy ze inkszymi tukej jednako?

Damaszek

[broneknotgeld]

Z Sindbadym Zyjmanym

Ano ze Sindbadym tu se "pozyjmania"
Włazi to do gowy - wcale niy cygania.

[broneknotgeld]

Karawanseraje Damaszku

Toż karawan piyrwyj wiela tu stowało
Że zdo sie w nich miejsca ciyngym brakowało
Dzisioj czynsto puste - czas downy w niych gości
Niychej se dzisiejszym tu żodyn niy złości.

[broneknotgeld]

Damascynka

Co damasyńsko stal dzisioj ścignie?
-We gowie tako fraga nom mignie.

[broneknotgeld]

Al-Hamidija

Torg syryjski nojwiynkszy w Damaszku
Godka polsko usłyszysz tu czasym
Dyć z tym sukym se jo niy łoczaskom
Choć nojlepszy łon wschodni jest krasy.

[broneknotgeld]

Papieski Damaszek

Wiela papiyży doł Kościołowi
We downych wiekach - niych kożdy to wiy
Choć do Allaha tukej rzykajom
Dyć krześcijaństwo w historii majom.

[broneknotgeld]

Damaszek - Świynte Miasto

Świyntym Miastym islamu durś bydzie
Toż i papiyż porzykać tu przidzie.

[broneknotgeld]

Meczet Omajjadow - 2001

Darmo w historii arabski szukej
By inkszy papiyż zawitoł tukej
Przed Janym Pawłym meczet łotwarty
Toż ekumynizm wiela jest warty.

[broneknotgeld]

Wielki Meczet Omajjadów 705

Wpiyrw tu świontynia Jowisza stoła
Rod Mahometa dyć szwong fest mioł
Ze jego woli sztela se skroła
Kery Damaszek naprowdy chcioł

Toż krześcijany i muzułmany
Prawiom co grob ty Jana Krzciciela
Richtig był tukej łon pochowany?
Ano - zapytać dyć sie łośmiela.

[broneknotgeld]

Relikwie Jana Krzciciela

Toż i sunnity przi nich rzykajom
W zocy świyntego i łoni majom
Tako se łonczom nom religije
Choć tyż je dzielom inksze mecyje.

[broneknotgeld]

Wiela miast starych teroz na świecie
kere do dzisioj tako łostały?
Tysionce rokow minyły przecie
A tu ludziska ciyngym miyszkały.

[broneknotgeld]

Przeszło piyńć tysiyncy rokow

Tako trza roki grodu rachować
Jakymu miastu przi tymu stować?

[broneknotgeld]

Barada

Nad rzekom Barada tyn Damaszek leży
Dar Antylibanu - idzie tymu wierzyć
Tako tu oaza ciyngym woda pije
No i grod prastary dziynki tymu żyje

[broneknotgeld]

Stolica Persji

Persy stolica w Damaszku mieli
Wiela zaczyło to dlo ty szteli.

[broneknotgeld]

W Cysorstwie Rzymskim

W Cysorstwie Rzymskim choć niy stolica
Damaszek ciyngym mioł krase lica
Znocie zocniejsze miasto na wschodzie?
Jego bogactwo aż w łoczy bodzie.

[broneknotgeld]

Damaszek 635

Czas muzułmański nastoł terozki
To dlo wcale niy troski
Ciyngym grod kwitnie i tako rośnie
Toż łon przewodzi "arabski wiośnie".

[broneknotgeld]

We średniowieczu

Damaszek blyszczoł we średniowieczu
Dyć niyherskego czasu niy przeczuł.

[broneknotgeld]

Ślintej Damaszku

Damaszku ślontej - Mongoły idom
Śmierć głod zniszczynie - ze tym tu przidom
Miasto wydźwignie sie ździybko z nowa
Ciyngym sie staro podnosić gowa.

[broneknotgeld]

Starowka

Starowka w Damaszku murym łobwiedziono
Kery tu Rzymiany jeszcze zbudowali
Tako historyjom downom łobleczono
Coby my sie wiekom tukej dziwowali.

[broneknotgeld]

"Suq al-Hamidijja"

Torg w mieście nojwiynkszy
Tu Oriynt cie goni
Życie tyż upiynkszy
Czy kupisz je toni?

[broneknotgeld]

Na Starym Mieście

Na Starym Mieście czas zaczimany
Niym tu dychajom alejki bramy
Sklepy warsztaty no i świontynie
Wszysko stanyło - nigdy niy minie?

[broneknotgeld]

Starowka

Starowka w Damaszku mo jakby czi zorty
Muzułmański konsek nojwiyncy jest worty
Myńszy tukej czimiom ciyngym krześcijany
Czeci zaś był Żydom do życio tu dany.

[broneknotgeld]

Żydowsko dzielnica

Żydowsko dzielnica
Nojlichsze mo lica
Skiż "wojny domowy"
Kożdy ci to powiy
Że jak dzieli ludzi tyż ta religijo
To robi sie wiynkszo ciyngym tragedyjo.

[broneknotgeld]

Meczet omajjadow 705

Toż mioł być tyn meczet nojwiynkszom świontyniom
Jednak to niy zowdy se przeca udowo
Dyć niych jego czasy tu nigdy niy minom
Dość dugo już stoji a wiecznie sie zdowo.

[broneknotgeld]

"Manra al Issa"

Czi minarety
Som nad meczetym
Z Jezusa mianym
Jedyn tu dany.

[broneknotgeld]

Sanktuarium Jana Krzciciela

Toż w Wielkim Meczecie
Tyż se uklynkniecie
Dlo krześcijanina
To niy jest nowina.

[broneknotgeld]

Mauzoleum Saladyna

Spotkosz se z nojwiynkszym istnych bohaterym
Damaszek niy skompioł mu przeca kwatery
Szczontkow Saladyna w sarkofagu szukej
Dyć go niy łotwiyrej - se w gowa poklupej.

Palmyra

[broneknotgeld]

"Miasto Palm"

Stond jeji miano rzymske - Palmyra
Oaza przeca tukej do dzisioj
Toż zodziwiony stojisz na gyrach
Był to "cud świata" niym ześ tu prziszoł.

[broneknotgeld]

"Miasto Daktyli"

Tadmur - Araby zowiom tyż tako
Ze palmy daktyl - zdo sie jednako.

[broneknotgeld]

Dnia niy styknie

Dnia ci niy styknie na te ruiny
Toz niy rob taki skawaszony miny
Se we oazie kajś przenocujesz
Z rana łod nowa historio czujesz.

[broneknotgeld]

Świontynio Baal-Szamina

Fenicke bostwo czczone w Palmyrze
Wlyź do świontyni przez wielke dźwiyrze
Znojdziesz se jakby we downych wiekach
Nic że ruina - dzieło czowieka!

[broneknotgeld]

Obóz Djoklecjana

Co wpiyrw na miejscu obzu było?
Pałac krolowy to przodzi kryło?
Ano Rzymiany wiela zniszczyli
Toż "wandalami" Palmyry byli.

[broneknotgeld]

Krolowa Zenobia

Na przekor Rzymu krolestwo wznosi
Przed legionami rzymskimi broni
W końcu pobito łaski niy prosi
Dyć jom Aurelian w niywola goni

"Miasto Palm" blysło i tako zgasło
Krolestwo cołke zenobia traci
Słońce w tych stronach na zowdy zaszło?
Świyci kaj Rzym jest i go bogaci.

Maalula

[broneknotgeld]

W Maaluli

Miast minaretow wieże kościołow
Ponboczka tukej dyć chwolom
Możno to jakiś grod łod aniołow?
-Z Krystusym rzykać durś wolom.

[broneknotgeld]

Klasztor św Sergiusza

W Maaluli klasztor a w niym ikony
Werci prziglondnońć se tukej łonym
Kunszt przeca tako znakym łod Boga
Toż je łominońć tukej niy moga.

Seidnai

[broneknotgeld]

W Seidnai

Czy aramejski jeszcze tu słychać?
Niym godoł Jezus i apostoły
Wiarom te Seidnai zdo sie durś dychać
Łoczy napasa boch z tym wesoły.

[broneknotgeld]

Klasztor Nojświyntszy Maryji Panny

Downom warowniom krziżowcow zdo sie
Na wulkaniczny dyć skale
Masywne mury we łocach mo sie
Dyć tu niy biyli sie wcale.

[broneknotgeld]

Klasztorne krziże

W tym gmaszysku jak je zrachować
Dyć dej se spokoj z tym możno
Na chwała Pana chciyj se dziwować
Paciyrz - to sprawa tu wożno.

[broneknotgeld]

Cudowny łobroz Matki Boski

Matka Bosko we kościele przez kobiyty czczono
Tu rzykajom wszyske do Niyj by rodziyło łono.

Tajlandia

[broneknotgeld]

w Tajlandii

Mosz tu wygoda jakby w Europie
Dyć egzotykom dychosz se chopie
Yno dej pozor ździybko na Tajki
Kere som jakby ze inkszy bajki.

[broneknotgeld]

Bangkok

Stolica kraju cie wito piyknie
Zwiedzić jom chyba czasu niy styknie.

[broneknotgeld]

Ayuttahaja

Stolicom Syjamu piyrwyj łona była
Toż i dzisioj widać we niyj downo siyła.

[broneknotgeld]

Dycho Syjamym

Dycho Tajlandia ciyngym Syjamym
Tako łostanie tukej na amyn.

[broneknotgeld]

Duge karki

Żol bab ze wiosek
Skiż dugich karkow
Sypie sie piosek
Im inkszom miarkom

dyć we klepsydrze
Przesypie tako
Ciyrpiyń niy wydrze
Skończom jednako.

[broneknotgeld]

Torg na wodzie

Czy yno tukej tyn torg na wodzie?
Czy tyż kaj ińdzi tako we modzie?

[broneknotgeld]

Syjamske koty

Toż rasa kota doł światu Syjam
Możno coś jeszcze tako łodkryja.

[broneknotgeld]

Narodowy szport

Ze kick-boxingu Tajlandia słynie
Toż narodowy szport w ty dziedzinie.

[broneknotgeld]

Bath

Dziesiyńć bathow - jedyn złoty
Z rachowaniym mniyj roboty.

[broneknotgeld]

"Songkran"

Take świynto z Rokym Nowym
Wele naszy Wielkanocy
Coś se ło tym tukej dowiym?
Budda z tym jest bardzi w zocy?

[broneknotgeld]

Dyngus?

W "Songkran" kozdy mo być mokrym
Toż se woda wszysndy leje
Niy zasłonisz se i hokrym
Szczyńście ze tym nom sie śmieje.

[broneknotgeld]

Z familijom

Z familijom trza fajrować
Śmioć sie bawić pić tańcować
Nowy Rok niych szczyńście niesie
W "Songkran" żyć nom zowdy chce sie.

Bangkok

[broneknotgeld]

Bangkok

Bangkok Tajlandji gryfnom stolicom
Tu se Buddami wszyscy zochwycom.

[broneknotgeld]

Posongi Buddy

W Bangkoku ponoć nojwiynksze som
Bestoz radocha ze tego mom
Łone przi tymu blyszczom fest złotym
Tony som na nich - to niy gupoty.

Krabi

[broneknotgeld]

Krabi

Zatoka Krabi turystow kusi
Kto roz tu zojrzy tyn wrocić musi

Liban

[broneknotgeld]

Liban

Liban - zdo ci sie krajiczek mały
Przi brzegu morza ciongnie sie cały
Tu historyjo siyngo głymboko
Tako tyż ciyngym przed łoczy skoko.

[broneknotgeld]

Czy mami?

Winnice i apruziny
Lasow piniowych doliny
Dyć cedra szukom łoczami
Czy yno z herbu niym mami?

Bejrut

[broneknotgeld]

Birutu - XV w.p.n.e.

Ło Birutu wiymy z tabulek klinowych
Toż czasy Fynicjan nom włażom do gowy.

[broneknotgeld]

Berytos

"Rzymske" Berytos prawym słynyło
Toż tu sie wiela tego uczyło
Jedna ze piyrszych szkoł prawa w świecie
W tutejszy szteli urosła przecie.

[broneknotgeld]

"Paryż Bliskego Wschodu"

Niy darmo tako go zowiom
Czym po Osmanach se dowiom?
Francyji to kolanijo
A dlo wolności mecyjo.

[broneknotgeld]

Bejrut

Cosik z Paryża - cosik z Damaszku
Bejrut mosz tako jak na łobrazku.

[broneknotgeld]

Leży na wzgorzach

Wzgorza Libanu do morza idom
Toż Bejrut legnoł se na nich
Jak wyży miyszkosz niy klepiesz biydom
Gorka cie niy łocygani.

[broneknotgeld]

"Zielono linijo"

Jeszcze niydowno Bejrut dzielyła
Szczyńściym co dzisioj se już straciyła
Niy trza łoddzielać krześcijanina
Tym łod bliźniego muzułmanina.

Izrael

[broneknotgeld]

Ano - podobnoś zocno dziedzina
Pon Bog przeznaczoł wybrańcom swojim
I tukej zesłoł tyż przeca Syna
Kery do dzisioj przed światym stoji.

[broneknotgeld]

Ziymio niyspokojno - znojdziesz ukojynie?
Przeca tyś jest jako te nasze sumiynie.

Morze Martwe

[broneknotgeld]

Morze Martwe

Morze Martwe - Morze Soli
Jam Hamelach - jak kto woli.

[broneknotgeld]

W depresyji

Może Martwe w depresyji
Czy z tym wiela jest mecyji?
I czy richtig fest sie tropiom
tym że wcale niy utopiom?

[broneknotgeld]

Solny maras

Solny maras z tego morza
Mo łodmłodzać wiela lot
Możno wybrać se łodwoża
-Jo niy yno bych był rod.

[broneknotgeld]

Ściepała

Kleopatra we solance tyż se tu kompała
Ponoć aż dwadziścia rokow przi tymu ściepała.

[broneknotgeld]

Sie kurczy

Ponoć sie kurczy z roku na rok
Toż czas by zrobić w ta strona krok.

[broneknotgeld]

Dowo zdrowie

Morze Martwe dowo zdrowie
Wiy niyjedyn ło tym czowiek
Co sie tukej wykurowoł
Chocioż wiela wpiyrw chorowoł.

[broneknotgeld]

Jerycho

Richtig nojstarszy grod na ty ziymi?
Ze wykopalisk coś ło tym wiymy
Dlo nos kolybkom tako być może
Kaj ińdzi szukać dzisioj na dworze?

[broneknotgeld]

7000 p.n.e

Cywilizacjo se rozwinyła
Mury Jerycha tymu służyły
Archeologio tako łodkryła
Że człowiek piyrwyj mioł na to siyły.

[broneknotgeld]

Izraelici w ziymi Kanaan

Kananejczykow tukej podbiyli
Hebron za swoja stolica wziyli
Kaj Filistyny i Fenicjany
Somsiod terozki nowy z tym dany.

[broneknotgeld]

Fenicjany

Jejich to koncept z tym alfabetym
Im tyż do handlu niy trza podniety.

Betlejem

[broneknotgeld]

Sie w Betlyjym stało - przeca dobrze wiycie
forum.gazeta.pl/forum/72,2.html?f=28940&w=31964268&v=2&s=0
We duszach to naszych już na cołke życie.

[broneknotgeld]

Przi Jerozolimie

Przi Jerozolimie Betlyjym znojdziecie
Choć małe dyć wielke naszom wiarom przecie.

[broneknotgeld]

"Dom chleba"

Tako z hebrajskego miano tuplikujom
Sie chlebym powszednim wszyscy tu radujom.

[broneknotgeld]

"Dom miynsa"

Araby zaś łod sia inaczy to widzom
Tyż te miano zocne - przeca sie niy wstydzom.

[broneknotgeld]

Za Jerozolimom

Za Jerozolimom kajś miyndzy gorkami
W dwie godziny piechty - sprowdźcie se to sami
Tam Judzko i Negew po blisku pustynie
Betlyjym znojdziecie - szczyńście niy łominie.

[broneknotgeld]

Stare Betlyjym

Stare Betlyjym wiela przeżyło
Ciyngym sie cosik przeca miyniyło
W czasach Heroda już tu Rzymiany
Bizantyjczykom tyż grod był dany
Arabom tako potym krziżowcom
Tu i Mameluk niy czornom owcom
Po Turkach prziszli drapko Angliki
W końcu tu byli i Jordańczyki
Terozki tako pod Izraelym
We palestyńśki strefie Betlejym.

[broneknotgeld]

Pont

We Ziymia Świynto w pont se wybiyrosz
I na Betlyjym przeca zaziyrosz
Kaj Jezusiczek sie nom narodzioł
W biydzie - toż na to i Pon Bog godzioł

Tako na Gody przidziesz se tukej
Na Placu Żłobka kościoła szukej
W niym Narodzynio Grota zaś znojdziesz
Do źrodła wiary ze tym tyż dojdziesz.

[broneknotgeld]

Plac Żłobka

Ano - Betlejym to richtig serce
Tukej urzyndy i bazylika
Pokoj zdo ci sie jak na zicherce
Dyć przeca ciyngym prziłażom rzykać

Choć se świontynio twierdzom ci jawi
Toż niy dziwota - wiela przeżyła
Pont we te miejsce duszy niy zbawi
Styknie co wiara rośnie we siyła.

[broneknotgeld]

"Drzwi Pokory"

Do bazyliki wlejziesz schylony
Dyć my pokora życiowo znomy
Tako i pokłon cosik tu woży
Jak chce sie blikać na tyn Dom Boży.

[broneknotgeld]

Dźwiyrza bazyliki Narodzynio Pańskiego

Za Konstantyna czi dźwiyrza miała
I tako wiernych do sia prosiyła
Dyć chnet dwie bramy zamurowała
A z czeci mało fortka zrobiyła

Ano - złe czasy przeca tu prziszły
W "morzu" arabskim jest wyspom łona
Na duge wieki marzynia prysły
Choć wiara żyła - niy chciała skonać.

[broneknotgeld]

Niy dlo Mamelukow

Jako na koniu wjechać przez brama?
Dyć tu na gyrach czeba sie schylać
Dlo Mamelukow zdo sie to "dramat"
Do bazyliki niy trza im pylać.

[broneknotgeld]

Przeciw rabczykom

Niy wjedzie wozym
Zrabuje mało
Leko łobronić
Tako tyż dało

Jak tu już była
"Brama pokory"
Bele kto zdobyć
Niy był jom skory.

[broneknotgeld]

Skiż pontnikow?

Skiż pontnikow dźwiyrza małe?
Pokłon majom dać u proga?
-Teoryje czi aż całe
Tyż we wszyskich szukej Boga.

[broneknotgeld]

"Świynto Grota"

Świynto grota - niy stajynka
W bazylice se łostała
Niy zniszczyła tego rynka
Pon Bog czuwoł dyć bezmała.

[broneknotgeld]

Za Hadriana

Za Hadriana tako było
Kaj sie Dziecie narodziyło
"Świynty" lasek posadziyli
Adonisa we niym czciyli.

[broneknotgeld]

Za Konstantyna Wielkego

Z laskym "wytli" Adonisa
Już tu ło niym jo niy słysza.

[broneknotgeld]

Betlyjym 326

Ano - z woli Konstantyna
Koscioł rosnie kaj Dziecina
Sie w Betlejym narodziyła
W krześcijanach przeca siyła.

[broneknotgeld]

Świynto Helyna

Łod Konstantyna Wielkego mama
Durś na budowa świontyni bliko
Co yno może tako do na nia
Dyć do Ponboczka tyż ciyngym rzyko.

[broneknotgeld]

Jezusiczku - leżysz w żłobie
Kaj Betlejym pokłon Tobie.

[broneknotgeld]

Link w ty sprawie
wiadomosci.gazeta.pl/Wiadomosci/1,80277,9070113,Palestynczycy_zglosili_Betlejem_do_listy_dziedzictwa.html
Dowom prawie.

"Ziymia Świynto"

[broneknotgeld]

Ziymia Świynto

"Pionto Ewangelio" - tako ktosik prawioł
Toż se na ty ziymi Jezus nom pojawioł.

[broneknotgeld]

Pont po Ziymi Świynty

W pont na klynczkach po niyj łazić
I Jan Paweł II chcioł
Toż se idzie wyłobrazić
Jako Ziymi Świynty pszoł.

[broneknotgeld]

Sie dokonało

Co w Ziymi Świynty se dokonało
Na wszyske wieki z nami łostało
Toż ziymia naszo już łodmiyniono
Życiym rozkwito choć człowiek kono.

[broneknotgeld]

Niy miała leko

Świynto Rodzina leko niy miała
Jak we Betlejym ańcli szukała
Maryjo przeca brzymiynno była
Zdo sie Ponboczek dowoł jyj siyła
By tu we cichy stajynny grocie
Dzieciontko rodzić w bolu i pocie.

[broneknotgeld]

We stajynny grocie

We stajynny grocie
Dziecionteczko mocie
Ze sianka posłanie
Se dziwujcie na Nie

Dyć ze Jezusiczkym
Tako już na wdycki
Co pszonie bliźniego
Dobrym Wszechmocnego

Toż trza sie niym dzielić
Inkszym tyż je ścielić
Tym co niy dostali
A niy ciyngym żalić.

[broneknotgeld]

Palestyna Hellynow

Aleksander Macedoński chycioł Palestyna
Dyć jo przeca mu niy byda tego wypominać
Chocioż Wielki se dziedzinom za dugo niy cieszoł
Możno richtig skuli tego że pierońsko grzeszoł.

Ruda Śląska - stolica fraszki

[broneknotgeld]

Czas Antiocha

Po Aleksandrze czas na Antiocha
Kery tyż Wielki był przeca trocha
Dyć niy dlo Rzymu - tego za wiela
Choć go słuchała niyjedna sztela.

[broneknotgeld]

Powstanie Machabeuszy 165-163 p.n.e.

Toż ze tym słabnom tu Seleucydy
We Palestynie gorom już Żydy
Świynto "chanuka" do dzisioj majom
Ło Judzie tako tyż pamiyntajom.

Birma

[broneknotgeld]

Birma

Złote pagody we ty dziedzinie
Uroda Birmy niychej niy minie.

[broneknotgeld]

"Longyi"

Chp w galotach tu niy łazi
-Na rzić dugo kecka wrazi.

Rangun

[broneknotgeld]

Ranguńsko ulica

Ranguńsko ulica torgym sie wydowo
Ktosik ze straganu towor ci podowo
Tam smażom i warzom - do krepli tyj pijom
Zdo sie jako piyrwyj we stolicy żyjom

Turcja

[broneknotgeld]

Turcjo

Azjo Myńszo - Turcjo cało?
Piyrwyj wiela - dzisioj mało?
Dyć łominońć jom niy idzie
Ślonsko fraszka tukej bydzie.

[broneknotgeld]

Riwiera Turecko

Mo i Turcjo swo Riwiera
Trza zoglondnońć se tam teraz.

[broneknotgeld]

Turecke liry

Miljon starych - jedna nowo
Proste to sie przeca zdowo.

[broneknotgeld]

"Efes"

Jest turecke take piwo
Miano chyba wos niy dziwo.

[broneknotgeld]

"Gozlome"

Ajerkuchy kyjzom tako filowane
Choć czasym warzywa do środka som dane.

[broneknotgeld]

Na rzece Kopru

Pontonym zrychtujom ci ciekawy spływ
Atrakcyjo gryfno no i richtig dziw.

[broneknotgeld]

"Azjo Myńszo"

Tako Rzymiany już piyrwyj zwali
Prowincjo w kery tyż panowali.

Alanya

[broneknotgeld]

Alanya

Riwiera Turecko Alanyjom blyszczy
Toż i na turystach wiela miasto zyszczy.

[broneknotgeld]

Czerwono Wieża

Tako cie terozki wito
Z czinostego wieku łona
Port broniyła - jak sie pytosz
Tu Seldżuki byli w doma.

[broneknotgeld]

Stare mury

Zdo sie ich tukej richtig za wiela
Sułtan Seldżukow lubioł ta sztela
Latym nad morzym zowdy przebywoł
Z tym miato rosło - dyć to niy dziwo.

[broneknotgeld]

Twierdza

Z wysokego wzgorza se miastu dziwuja
Moc ty twierdzy jakby we duszy swy czuja
Zdo sie co w niyj siyła państwa seldżuckego
Drapko tu urosło i blysło do tego.

[broneknotgeld]

Lalka z tykwy

Lalka z tykwy na pamiontka
Z tureckego przeca kontka.

[broneknotgeld]

"Kale" (twierdza)

Dyć poł godziny na twierdza mało
Czi razy wiyncy by se przidało
Festelnie kuszom piykne widoki
I już cie mynczom ździybeczko kroki.

[broneknotgeld]

"Jaskinia Piratow"

Richtig tam piraty swoj łup pochowali
Szczyńśliwy kto znoloz - my płynymy dali.

[broneknotgeld]

"Jaskinia Delfinow"

We zima widać je przi jaskini
Łod downych rokow sie to niy miyni.

[broneknotgeld]

"Jaskinia Delfinow"

We zima widać je przi jaskini
Łod rokow downych sie to niy miyni.

[broneknotgeld]

"Jaskinia Fosforyzujonco"

Kożdy spokopi jak do niyj wpłynie
-Czamu jyj dali to miano
Toż niychej ciebie i to niy minie
Wspominka bydzie ci dano.

[broneknotgeld]

"Jaskinia Kochankow"

Zoglondnońć do niyj niy bydzie leko
Wspinaczka w gora na ciebie czeko
Jakby tunelym yno jest łona
Kery trza bydzie jednak pokonać
Zowiom jom tako bo cie umynczy?
Czy jakoś frelka przi ciebie klynczy?

[broneknotgeld]

Jaskinia "Damlatas"

Ponoć ze astmy cie wykuruje
Dyć jakby ryma moj kichol czuje.

[broneknotgeld]

Plaża Kleopatry

Kleopatra z Antoniuszym
ponoć tukej zolyciyła
Dyć dej pozor bo ta porka
przeca richtig źle skończyła.

[broneknotgeld]

"Korakezion" II w.p.n.e.

Toż załozyli miasto piraty
A "Gryfno Gora" te miano znaczy
Zdo sie co byli łoni ci braty
Bo ciebie tako tyn grod łonaczy.

[broneknotgeld]

"Alayie"

Tako Seldżuki te miasto zwali
Dzisioj to trocha poprzemiyniali.

[broneknotgeld]

"Alanya"

Feler w depeszy - stond Alanya
Ataturkowi sie spodobało
Toż skuli niego - wcale niy kryja
Take do dzisioj miano łostało.

[broneknotgeld]

Piontkowy torg

Zowdy we piontek w ty Alanyi
Ze handlyrzami wiela mecyji
Trza na pamiontka cosik se kupić
Niy dej przi tymu sie jednak złupić.

[broneknotgeld]

" Łoko Proroka"

Zły blik łod cia dyć łodgoni
Toż kup "ślipek" - bele toni
Tako bydziesz mioł pamiontka
Ze alanyjskego kontka.

Antalya

[broneknotgeld]

[broneknotgeld]

"Yivli Minare"

Żłobkowany tyn minaret Seldżuki dźwignyli
W trzinostym wieku przeca potyngom tu byli.

Perge

[broneknotgeld]

W Perge

W Perge świynty Paweł tyż nauczoł ludzi
Toż ta staro sztela ciekawość w nos budzi.

[broneknotgeld]

Zabytki Perge

Stadjon tyjater łaźnie agora
Przeca niy stojom tukej łod wczora
Tako ucieszom starożytności
Napasom łoczy niyjednych gości.

[broneknotgeld]

Fabryczka złota

W Turcji sie ciyngym złoto dobywo
Toz i fabryczka tako niy dziwo
Tukej zoglondniesz wiela roboty
Trza byś mog cieszyć sie swojim złotym.

Side

[broneknotgeld]

Side

Ano - zaś ruiny
Ślad starożytności
Dyć przeca nikogo
To tukej niy złości.

[broneknotgeld]

Antyczny tyjater

Niyjedyn we Turcji antyczny tyjater
Po kerym se dzisioj yno hulo wiater.

[broneknotgeld]

Świontynio Apollina

Dyć jakby czas jeji niy przeszoł tu cały
Durś se nasze łoczy kolumnom dziwały.

[broneknotgeld]

Wodospad "Manargat"

Niydaleko Side - toz tam zoglondnijcie
Dyć zaroz Niagary w niym widzieć niy chciyjcie.

Anamur

[broneknotgeld]

"Anamurium"

Miasto wydźwigli Bizantyńczyki
We VII wieku już łopuszczone
Bestoż tu niy ma nawet muzyki
Dyć ciyngym widać co to niy koniec.

[broneknotgeld]

Złote lata III w.n.e.

Złote lata przeminyły
Chocioż szteli ty szczyńściyły.

[broneknotgeld]

Zamek krziżowcow

Toż takim zamkym Anamur blyszczy
Twierdza to była krziżowcow
Możno i dzisioj ta sztela zyszczy
Yno trza ściongnońć filmowcow.

Aspendos

[broneknotgeld]

"Aspendos"

Anatolijsko zaś to ruina
Piyrwyj bogato była dziedzina?

[broneknotgeld]

Tyjater

Ze tych starych łon nojlepszy?
Toż przestońcie tako pieprzyć!
Chocioż gryfno akustyka
Idzie z Bogym tu porzykać.

[broneknotgeld]

Śpiywajom opery

Śpiywajom opery w tym starym tyjatrze
Wrażynio nikt tego już przeca niy zatrze.

Kapadocja

[broneknotgeld]

Kapadocja

Kapadocja cie pokusi
Niyzwykłościom aże dusi.

[broneknotgeld]

"Perła Turcji"

Kapadocjo mo te miano?
Niych na zowdy tako bydzie
Łod natury Turcji dano
Sie zodziwi kto tu przidzie.

[broneknotgeld]

Skały Kapadocji

Zdo sie co prziroda wszysko wyrzeźbiyła
Rynka ludzko przeca tego niy chyciyła
Tako kunszt natury richtig nos zodziwio
Tukej cuda kerych kaj ińdzi niy bywo.

[broneknotgeld]

Dolina Gorme

Dlo krześcijaństwa miejsce to zocne
Wiara kościoły kuła tu mocne
Tako we skale dzisioj je momy
Czy Kapadocjo naprowdy znomy?

[broneknotgeld]

Skalne kościoły

Toż ich tu tela co dni we roku
Dolinia Gorme - niy żałuj kroku
W "Liście UNESCO" som te kościoły
Dyć skuli tego joch tyż wesoły.

[broneknotgeld]

Podziymne miasta

W skale wykute schroniynie dały
Jak wiyrch był richtig tu wrogi cały.

[broneknotgeld]

"Kaymakli-Derinkuyu"

Z podziymnych miastow te nojepniejsze
Nawet na czasy richtig dzisiejsze
Zdo sie labirynt tyn przeca cudym
W kerym szło skryć se ze cołkym ludym.

[broneknotgeld]

W Kaymakli Derinkuyu

Pod ziymiom dusz tu dziesiyńć tysiyncy
Mogło se miyszkać ze szejść miesiyncy.

Efez

[broneknotgeld]

Efez

Artymizjon we efezie
Cudym świata był
Toż zoglondna na wybrzeże
Kaj se dzisioj skrył?

[broneknotgeld]

Samotno kolumna

Samotno kolumna we Efezie stoji
Możno w nocy ślinto do bogini swoji
Smutek z niyj wyziyro bo łostatnio tukej
No i Artymidy kaj terozki szukej?

[broneknotgeld]

Tyjater w Efezie

Pewno żeś już ło niym słyszoł
Dyć zodziwi cie i dzisioj
Trza aktorow dyć pozbiyrać
I na jejich kunszt zaziyrać.

[broneknotgeld]

Bibliotyka we Efezie

Papirusy pergaminy
Były skarbym ty dziedziny
Dyć fasada ciyngym stoji
Tysionclecia sztela stroji.

[broneknotgeld]

Ruiny bazyliki św. Jana

Ewangelisty tu pochowali
Choć ciało prochym duch w sercach dali.

[broneknotgeld]

W ruinie

Efez w ruinie dyć ciyngym kusi
Tu kożdy wandrus zoglondnońć musi.

[broneknotgeld]

"Meryemana"

Toż prawie tukej wzgorze znojdziecie
Kaj Matka Bosko miyszkała przecie
Niym Krystus zabroł jom se do Nieba
Tako porzykać w Efezie trzaba.

Didyma

[broneknotgeld]

Didyma

Kaj Morze Egejske Didyma znojdziecie
Dzisioj zdo sie niczym - piyrwyj zocno przecie.

[broneknotgeld]

Świontynio Apollina w Didyme

Starożytne Greki tu pielgrzimowali
Toż Apollinowi łoni richtig pszali
Bog słońca w dziyń widzioł na tym świecie wszysko
Możno dopomogoł - ktoś szczyńście łodzyskoł.

[broneknotgeld]

Przepowiednio Apollina

Do Didymy przipłynyli
Apollina chcom znać rada
Dyć czy żol bogowi chwili?
Nic niy bydzie podpowiadać?

[broneknotgeld]

Ze świontyni

Ze świontyni Apollina
Kolumny łostały
Tako mosz stropiono mina
Przi nich tyż żeś mały.

Pergamon

[broneknotgeld]

Pergamon

Czy pergamin ze ty szteli?
Ano - szkryflać na niym chcieli.

[broneknotgeld]

Bibljotyka Pergamońsko

W starozytności nojwiynkszo była?
Czy stond se zowiść Egipcjan wziyła?
Dyć papirusu tukej niy słali
Tym kierzy słowu nojbardzi pszali.

[broneknotgeld]

Pergamin

Toż szkryfna tako jak na spowiedzi
-Wygarbowano skora gowiedzi
Już używali we Pergamonie
Jak z papirusym prziszoł tu koniec.

[broneknotgeld]

Bibliotyka?

Kaj w Pergamonie dzisioj jyj szukać?
Niy chciyj tu do niyj na prożno klupać.

[broneknotgeld]

Pergamoński tyjater

Przetrwoł i zochwyco
Durś raduje lico.

[broneknotgeld]

Świontynio Trajana

Cysorz zdobywca tyż przeca bogym
Tako w świontyni zoglondniesz progi.

[broneknotgeld]

Ołtorz Zeusa Pergamońskego

Tu go niy szukej - jedź do Berlina
Choć w Pergamonie jego dziedzina.

[broneknotgeld]

Asklepion

Ano - lazaryt ze wiekow downych
Za srogich czasym dyć tyż szykownych.

Bursa

[broneknotgeld]

Bursa

Bursa prziciongnie cie zobytkami
Kere dychajom durś Osmanami.

[broneknotgeld]

Piyrszo stolica

Imperium Osmańske tu stolica mo
Dyć już Bizantyjczyk moc sułtanow zno.

[broneknotgeld]

Sułtańske grobowce

Jak przistało na stolica
Tu gasiyły im se lica
Toż se dzisioj dziwujymy
Czas przelecioł - przeca wiymy.

[broneknotgeld]

Wielki Meczet w Bursie

Ano - godny ty dziedziny
Trza zoglondnońć tam tyż driny.

[broneknotgeld]

"Kaza Hani"

Jedwobny bazar kłonio se wiekom
Dyć jo na jedwob przeca niy czekom.

Dalyan

[broneknotgeld]

Dalyan

Dynkmal żółwia w ty dziedzinie
Niychej czas jego niy minie.

[broneknotgeld]

Żółw - karetta

Toż gatunek we utropie
Tako chroń go babo, chopie.

[broneknotgeld]

Dynkmal żółwia

Żółwicy z modym tu se dziwocie
Chnet na dynkmalu yno je mocie.

[broneknotgeld]

Przi ty szteli

Ano - przi ty szteli plaża tyż znojdziecie
Bele żółwich jajec tam niy wybierecie.

[broneknotgeld]

Łodkom

Z Dalyan łodkom zwiydzicie skały
Kere mi zdo sie jak cmyntorz cały
Bo w nich likijske grobowce przeca
Zobytkym zocnym ze tego neca.

[broneknotgeld]

Do Kaunos

Z Dalyan do Kaunos
-Dziwać se ruinom
Ech - niy tako samo
Czasy nasze minom.

Myra

[broneknotgeld]

Myra

Wele miasta Demre ciyngym Myra leży
Dyć dzisioj ruinom - w to możecie wierzyć.

[broneknotgeld]

Jako plaster miodu

Cmyntorz w skale kuty tukej cie zodziwio
Dyć wiela podobnych w ty dziedzinie bywo.

[broneknotgeld]

Bazylika w Myrze

Tukej Mikołaja przeca pochowali
Biskupa kerymu i za życio pszali
Teroz jako świynty gyszynki nom nosi
Ło kere niyjedyn przeca wiela prosi.

[broneknotgeld]

Wyspa Kekova

Z Myry na Kekova wybieresz se łodziom
Tam ślypia pod woda niyjednego wodzom
Zatopione miasto - tako se dziwujesz
I tyż siyła morza jakby bardzi czujesz.

Ani

[broneknotgeld]

Ani

Przi granicy ze Armyniom Ani se dziwocie
Ano - staro ta dziedzina chyba mało znocie.

[broneknotgeld]

Kupluja

Za rzekom Armyńji se z Ani dziwuja
Tako łobie strony łokym tyż kupluja.

[broneknotgeld]

Stolica Armuńji

Tysionc rokow tymu stolicom te Ani
Historyjo przeca cie niy łocygani
Armynio w tych czasach richtig wiynkszo była
Dyć z tureckim wojskym se niy poradziyła.

[broneknotgeld]

Stolica Armyńji

Tysionc rokow tymu stolicom te Ani
Historyjo przeca cie niy łocygani
Armynio w tych czasach richtig wiynkszo była
Dyć z tureckim wojskym se niy poradziyła.

[broneknotgeld]

Po Anahidzie

Persow bogini ta Anahida
Miano łostało - ze resztom biyda.

[broneknotgeld]

W X wieku

W dziesiontym wieku Ani jak kwiecie
Ze sto tysiyncy dusz tukej przecie
Władcow armyńskich dziedzina mocno
Dzisioj ruina - choć ciyngym zocno.

Van

[broneknotgeld]

Jezioro Van

W Turcji jako morze małe
Ciynżko je łopłynońć całe.

[broneknotgeld]

Miasto Van

Toż jest miasto - przeca szkoda
Coby była yno woda.

[broneknotgeld]

Z Van

Z Van pochodzom biołe koty
Take ze nich tyż niycnoty
Że dwa ślypia rożne majom
Kolorowo nom mrugajom.

[broneknotgeld]

Kocie ślypia

Jedne żołte - druge modre
We kolory ślypia szczodre.

[broneknotgeld]

Kot w wodzie

W Van se lubiom kompać koty
Toż myślicie co gupoty
Dyć żech tyż se tymu dziwoł
Jak z jeziora kocur kiwoł.

[broneknotgeld]

Lud Urartu XIII-VII w.p.n.e.

Ech - prastare wspomna czasy
Ze Urartu ktoś tu straszy?

[broneknotgeld]

Zamek w Van

W tym prastarym zamku inskrypcje klinowe
Tako lud Urartu zarozki we gowie.

[broneknotgeld]

Kościoł św. Krziża (X w.)

Toż ormiański kościoł na wyspie tu stoji
"Niywoli turecki" sie jakby niy boji.

[broneknotgeld]

Bodrum

Piyrwyj Helikarnas tako richtig wiycie
Choć czas wartko pylo ciyngym tukej życie.

Bodrum

[broneknotgeld]

Mauzoleum Mauzolosa

Ździybko kamyni po tym łostało
Co cudym świata sie mianowało.

Chiny

[broneknotgeld]

Chiny

Toż za Portugalczykami
Zwiymy państwo te Chinami.

[broneknotgeld]

"Qin" (Cin)

Ze dynastyji te miano prziszło
Kery zloć w jedno dziedzina wyszło.

[broneknotgeld]

"Zhongguo" (Państwo Środka)

Richtig środkym świata były?
Czy w cygaństwie yno żyły?

[broneknotgeld]

Dynastyjo Qin (Cin)

"Da Qin" - co w jejich rynkach se znodło
"Da" znaczy "wielki" - tako niy bodło.

[broneknotgeld]

Zhonghua Renmin Gongheguo
(Chińsko Republika Ludowo)

Czecie państwo w świecie dyć ludzi mo tela
Że zdo sie nojpiyrszo to ze krajow sztela.

[broneknotgeld]

Możno ło Chinach tyż coś szkryfniecie
Wontek niy yno dlo mnie jest przecie.

[broneknotgeld]

08.08.08

Koł dość wiela - ździybko zwady
Wszysko skuli olimpiady?

[broneknotgeld]

Chiński Nowy Rok
www.slaskie.pl/strona_n.php?jezyk=pl&grupa=10&art=4436
Zrobicie tam krok?

[broneknotgeld]

broneknotgeld napisał:

> Chiński Nowy Rok
> www.slaskie.pl/strona_n.php?jezyk=pl&grupa=10&art=4436
> Zrobicie tam krok?
www.dziennikzachodni.pl/artykul/498120,10-miejsc-ktore-trzeba-odwiedzic-w-2012-roku-galeria,1,3,id,t,sm,sg.html#galeria-material

Wietnam

[broneknotgeld]

Socjalistyczno Republika Wietnamu

Ano - socjalizm wywojowali
Jako im teroz pódzie z tym dali?

[broneknotgeld]

Toni Wietnam

Jedno trza szkryfnońć - jest Wietnam toni
Z czasym turystow wiyncy przigoni
Pewnikym ze tym tyż podrożeje
To dlo wandrusa normalne dzieje.

[broneknotgeld]

"Cat Ba"

Tako tu zowiom
Park Narodowy
W niym jakby dżungla
Włazi do gowy.

[broneknotgeld]

Zatoka Halong

Łobsioły bogi jom fest wyspami
Jakby kamiynie epne z grotami
Jak se dołozysz słonko i plaża
To wyńdzie tako jako jo marza.

forum.gazeta.pl/forum/71,1.html?f=28940

[broneknotgeld]

Wietnamczykow w Polsce wiela
Zdo sie bez to blisko sztela.

Hanoi

[broneknotgeld]

"Wujek Ho"

Co stolica "cudym" mo?
Mausoleum Wujka Ho.

[broneknotgeld]

Mauzoleum Ho Chi Minh'a

"Poszoł" łon Lynina śladym
Ano - niy ma na to rady
Co roku na "lifting" ruszo
Pewno i to kogoś wzruszo
Że do Moskwy se wandruje
-Tako socjalista czuje.

[broneknotgeld]

"Paryż Oriyntu"

Niy ma co sir dziwać że mo take miano
Dyć była Francuzom ta sztela poddano.

[broneknotgeld]

Na mopliku

Na mopliku we Hanoi
Se wietnamski ludek troji
Zdo sie - tukej do moplika
W końcu możno zacznom rzykać.

La Mat

[broneknotgeld]

La Mat

Wioska blisko jest stolicy
Znojdzie kto na jodło liczy
-Ze nojlepszy kuchni gadzi
Wy tyż tymu bydźcie radzi.

[broneknotgeld]

"Wioska Wynży"

Zowdy tu wiela było gadziny
Trza pokosztować - niy robić miny.

[broneknotgeld]

Nalywka

Gorzołeczka z gadym
Dyć niy na okłady
Kupić zowdy idzie
Choć na cle żeś w biydzie.

Indie

[broneknotgeld]

Indie

Indie tyglikym som kulturowym
Tako mi teroz wlazło do gowy
Jako je zamknońć we ślonskim rymie?
A czy te forum tela wyczimie?

[broneknotgeld]

Pora tysiyncy rokow

Pora tysiyncy rokow - toż wiela
Wszysko szczimała indyjsko sztela
Dyć misz-masz łostoł wielki do dzisioj
Ło kerym ździybko i jo usłyszoł.

[broneknotgeld]

Indus i Ganges

Indus i Ganges rodzicielami
Prastarych kultur kere indiami
Na roztomajty muster "kryńciyły"
Przez tysionclecia co sie straciyły.

[broneknotgeld]

Kultura harappańsko (III tysionclecie p.n.e.)

Mohendżo Daro Harappa tako
Znojdziecie dzisioj we Pakistanie
Dyć dlo kultury ludzki jednako
We historyji tu piyrszo stanie

Noc że durś pismo niy łodczytane
Ciyngym zakrywo tyż tajymnice
Cywilizacji światowy dane
Przeca to niy som jakoweś wice.

[broneknotgeld]

Pismo

Pismo harappańske kedy łodczytomy?
Toż przeca skiz tego myni istnych znomy
Tako archeolog wszysko pokazuje
Historyk mniyj pewnie se przi tymu czuje.

[broneknotgeld]

1700-1500 r.p.n.e.

Kultura Harappy poleku zoniko
Klimat dyć se miyni i ciynży żyć wyszło
Pastyrz na te ziymie już ciekawie bliko
Toż downiejszym miastom zatracić se prziszło.

[broneknotgeld]

Ariowie

Już ludy pastyrske tu cisnom falami
Dziedzina zoludnio se teroz Ariami
Ci co piyrwyj byli pewno we niywoli
Stare se zatroco - nowe jako chwolić?

[broneknotgeld]

"Wedy"

W nich wiedza Ariow cołko spisano
Tako na jutro dlo istnych dano.

[broneknotgeld]

Plymiona indoaryjske

Trocha czasu dyć to trwało
Prziłaziyli tu falami
W końcu jejich sztela cało
Ci co piyrwyj już sługami

[broneknotgeld]

Kasty chnetko

Ci co tu piyrwyj robiom na roli
Z nich se wywodzom tyż sługi
Wszysko po Ariow terozki woli
Tako na czas richtig dugi.

[broneknotgeld]

Sztyry kasty

Sztyry kasty drapko tukej
W nich co dzisioj tako szukej.

[broneknotgeld]

Kasta braminow

Ano kapłany - toż kasta ducha
Ich ciyngym rozum winiyn se słuchać.

[broneknotgeld]

Kasta kszatrijow

W niyj ludzie siyły i blasku broni
Wojownik w Indiach zowdy niy toni.

[broneknotgeld]

Kasta wajśjow

Rola rzymiosło kupiectwo tako
Wpiyrw we ty kaście wszysko jednako.

[broneknotgeld]

Kasta śudrow

Istni cuzamyn zowdy sługujom
Tako we dole - to forsztelujom.

[broneknotgeld]

Sanskryt

Toż dugo godka ta niy szkryflano
Tradycjo gymbom przekazywano
Dyć jom we końcu w "Wedach" zamknyli
Jak już pisanio se nauczyli.

[broneknotgeld]

Wander dusz

Dusza zdo wszyskim se we wszechświecie
Czy ciało niczym? Radościom przecie!
Dyć może być tyż yno utropom
Jak dusza w gorszy kaście utopiom

Za to co dobre idzie we gora
Za wiela złego ta ciymno dziura
Tako doczesne tukej ciyrpiynie
Karom co budzi w ludziach sumiynie.

[broneknotgeld]

"Karma"

Karma jest życio świata łobrozym
Dlo twoji duszy wiela to woży
Bo jyj rychtujesz wander w wieczności
Zły abo dobry - szkryfna nojprości.

[broneknotgeld]

Ciyrpiynie

Toż czym naprowdy tako ciyrpiynie?
Sumiyniym duszy? W tym łodkupiynie?
Niym karma wiedzie cie w lepszo strona
Zły tref w wieczności idzie pokonać.

[broneknotgeld]

Wele 800 r.p.n.e.

Ajza we Indiach z tym łodkrywajom
Tako i szwongu wiyncy zaś majom
A ludzie jeszcze bardzi se dzielom
Toż cołke życie im kasty ścielom.

[broneknotgeld]

Budda VI w.p.n.e.

Z kasty kszatrijow łon se wywodzioł
Czy wojownikow we boj prowodzioł?
Toż wielko biyda widzioł na świecie
Chcioł jyj zaradzić jakosik przecie

Nauczoł istny by żyć we zgodzie
Ze tym co widać w cołki przirodzie
Prawość i skromność medytacyjo
Szczyńście przinoszom niy tragedyjo

Tako buddyzmu łojcym sie stoł
Ideja życio w zocności mioł.

[broneknotgeld]

Mahavira VI w.p.n.e.

Ano dyć istny szoł swojom drogom
Z nadziejom włazioł kaj tyż utropa
Do szczyńścio za niym wszyscy lyźć mogom
Yno trza suchać nauki chopa

Toż Mahavira łojcym dżinizmu
Kery tyż duszy spokojność dowo
I chocioż inkszy jest łod buddyzmu
Z niym czowiek lepszym tako sie stowo.

[broneknotgeld]

Toż ciekawie pewno bydzie
forum.gazeta.pl/forum/72,2.html?f=59&w=52540520
Azjo tako niy we biydzie.

Chiny

[broneknotgeld]

Kichol wandrusowi potkać
Trza by tyż do Państwa Środka.

[broneknotgeld]

Chinom jo sie podziwuja
Choć tu ludzi niy zrachuja.

Pekin

[broneknotgeld]

Przi bramie pałacu cysorza
Na Mao se kuknońć łodwoża
Pewnikym te miejsce tym zyszczoł
Że cołkym tych Chinow niy zniszczoł.

[broneknotgeld]

"Zakozane Miasto"

Ano - co cysorske piyrwyj yno jego
Szczyńściym dzisioj kuknońć se idzie do tego.

[broneknotgeld]

Hutongi

W nich downe Chiny ciyngym som żywe
Toż sie dzielnicom ludzi podziwej
Majom hutongi durś ludzko dusza
Bestoż w ta strona prawie sie rusza

Sztokow tu żodnych niy porachuja
Zielonym tyjym sie poczynstuja
Ech - mono chnetko niy bydzie tako
Ktoś za "hutongym" w klockach zapłako.

[broneknotgeld]

W pekińskim parku

W pekińskim parku durś ibongujom
Dusza i ciało tako radujom
Możno do tego tyż dokuplujesz
Blizy Chinczykow se z tym poczujesz.

[broneknotgeld]

Kaczka po pekińsku

Na ajerkuchu ci jom podadzom
Trocha cebuli do tego wsadzom
Zołzy ze śliwek niy pożałujom
Tako żołondek twoj uradujom.

[broneknotgeld]

Dynkmal ksionzek

A dyć to znojdziesz prawie w Pekinie
A dyć polyli je w ty dziedzinie
Co komunistow piyrwyj wnerwiało
Teroz dynkmala se doczekało.

Indonezja

[broneknotgeld]

Indonezja

Na tysioncach wyspow leży
Tymu niychej kożdy wierzy.

[broneknotgeld]

Państwo Mahometa?

Indonezja zdo sie państwym Mahometa
Idzie to tyż poznać po tych minaretach.

[broneknotgeld]

Flores

Wyspa kwiycio czym sie zdowo?
Jako raj we łoczach stowo?
Indonezji zdo sie końcym
Kaj natury kunszt pod słońcym.

Flores

[broneknotgeld]

Flores

Wyspa kwiycio czym sie zdowo?
Jako raj we łoczach stowo?
Indonezji zdo sie końcym
Kaj natury kunszt pod słońcym.

[broneknotgeld]

Smoki na Flores

Smoki z Komodo tu przipływajom?
A mono swoje na Flores majom?

[broneknotgeld]

Krześcijańsko Flores

Dlo muzułmanina jako koniec świata
We krześcijaninie ciynzko widzieć brata.

[broneknotgeld]

Autobana "Trans-Flores"

Ano - ze zachodu na wschod niom se karniesz
Tu cudnych widokow do ruksaka zgarniesz
Ryżowe tarasy, paprocie i gaje
Banany, waniljo - Ponboczek im pszaje.

[broneknotgeld]

Wulkan Kalimutu

Trzi jeziorka znojdziesz we jego kraterach
Piyrsze jasnomodre - turkusym sie miyni
Druge kej zielono łoliwka jo biera
A trzeciedyć czorne - smołom zdo sie ziymi.

Labuanbajo

[broneknotgeld]

Labuanbajo

Fligrym tu przifurgniesz kej Flores cie skusi
Ciekawości świata wandrus niy zadusi.

[broneknotgeld]

Na lotnisku

Na lotnisku cigi widzisz
Dyć se niymi tu niy biydzisz
Bo natura wyspy woło
Aż na duszy jest wesoło.

Ende

[broneknotgeld]

Ende

"Końcym" zowiom ta dziedzina
Toż jyj prawie niy łomina.

[broneknotgeld]

Sukarno w Ende

Tam kaj "Koniec" go zesłali
Dyc Holyndry mu niy pszali
Na nic jednak to sie zdało
Kolanijo stracom cało.