"Najwybitniejszy Zabrzanin"!!!

[broneknotgeld]

"Nojwybitniejszy Zabrzanin"

Toż plebiscyt zaczynomy!
W "Głosie Zabrza..." dyć go momy!
Z prezydynckim patronatym!
Forum Zabrzu jakby bratym!

[broneknotgeld]

Zdo sie na tyn cajtong link
www.glos.zabrze.pl/
Toż go wklejom, choćbych pynk.

[broneknotgeld]

W Zabrzu dorobia se chnet pyndzyji
Na nerwach zagrom abo na cyji
Dyć zocnych zabrzan tyż popromuja
Bo se już prawie miyszkańcym czuja.

[Gość: lobo]

Moim zdaniem największe szanse ma Jurek Wereta.

[broneknotgeld]

Pierombol, na razie jakegoś Warety we tym rankingu niy wymiyniyli.
Wyglondo mi na to, że go zgłosisz.

[Gość: Ryki]

Brawo lobo!!!. Strzał w "10" z Jurkiem Weretą . Ale jego szara eminencja,
Stanisław Sidor, może go po cichu wyprzedzić.

[broneknotgeld]

Niy tyn plebiscyt i niy ta klasa
Kaj ugorowi przeca do lasa.

Jan Jerzy Badestinus

[broneknotgeld]

Jan Jerzy Badestinus

Piyrszy ło Zabrzu wiela szrajbowoł
Piyrszy w rankingu? Se wom wydowo?

[broneknotgeld]

Badesto

Tako go ponoć we Zabrzu zwali
Czy farorzowi swojymu pszali?
Grzmioł ze ambony czasym w kościele
na tych karlusow i tako frele?

[broneknotgeld]

"Urbarium parochiae Zabrzensis"

Urbarz parafialny farorz szkryfnoł tako
Możno i nad dolom biydoka zapłakoł
Dyć trza we niym widzieć Zabrzo dziejopisa
Ło dziedzinie piyrwyj była chnetko cisza.

familijo Ballestremów

[broneknotgeld]

Giovanni Angelus Ballestrem

Przodek rodu ślonskego z pomnika zaś patrzy
Na tyn piykny pałac swojego prawnuka
I dlo jego ducha wiela tyż to znaczy
Że sie tukej łonczy religio i sztuka.

[broneknotgeld]

Karol Franciszek von Ballestrem

Majontek erbnoł po tych von Stechov
O jakim wcześni niy marzoł
I w nim niy zrobioł za wiela grzechow
Godula mu gospodarzoł.

[broneknotgeld]

Karol Franciszek von Ballestrem

Majontek Stechowa przipod siostrzyńcowi
Sie mu poszczyńściyło - kożdy tako powiy.

[broneknotgeld]

Karol Franciszek von Ballestrem (1750-1822)

Ruda Biskupice no i Pławniowice
Zocne majoratu richtig okolice
Toż rod Ballestremow blysnoł teroz jasno
Oby mu na Ślonsku niy było za ciasno.

[broneknotgeld]

Karol Ludwik von Ballestrem (1755-1829)

Starszy brat pomarł - czas na młodszego
Dyć niy za dugo czimie sie tego
Po siedmiu rokach śmiertka prziłazi
Kaj chce tam umi kosisko wrazić.

[broneknotgeld]

Walynty Wolfgang von Ballestrem

Rzońdzioł majontkym przez dziesiyńć lot
Potym ze świata tego nom spod
Jednak jest z nami tukej do dzisioj
W świyntym Józefie żech ło tym słyszoł.

[broneknotgeld]

O pierombol! Kudły wyrwij!
Tyn grof przeca mioł być piyrwyj

---

Franciszek Karol von Ballestrem

Zaczoł w armiji kariera
Loł Austryjoka Francuza
Koń jednak - tako cholera
Porzondny zrobioł mu uraz

Cugle chcioł czimać we rynkach
Habeta podmiynioł pryndko
Reichstag mioł ze nim udrynka
Bo łon przed nikim niy pynkoł.

[broneknotgeld]

Franciszek II Ballestrem

Graf politycznom był tyż figurom
Parlamynt Rzeszy wzioł za krabikel
Ruda niy była przi niymu dziurom
Trza nom pamiyntać tyn "tortyntikel".

[broneknotgeld]

Mikołaj Wolfgang von Ballestrem

Pan majoratu łostatni
Z drezdyński niy wyloz matni
Grad bomb pożary i gruzy
Widzioł u końca podróży.

Stanisław Bieniasz

[broneknotgeld]

Stanisław Bieniasz

Ano - karlus ze Pawłowa
Z Niymiec wrocioł na te "śmiecie"
Dlo kultury - wielko głowa
Rajcom go mieliście przecie.

[Gość: zabrzanin]

...po co ten monolog na tym forum? Chłopie, daj sobie spokój, zajmij się czymś
konstruktywnym!!!

[broneknotgeld]

Dziynki że wspiyrosz
I tu zaziyrosz.

Głos Bieniaszowi tym postym dowosz?
Zdo sie co wontek poleci zdrowo.
-
Ruda Śląska - stolica fraszki

Dominik Böhm

[broneknotgeld]

Dominik Böhm

Co architekt w Zabrzu dźwigoł?
Tu z robotom se niy migoł
Świynty Zefel tako prawi
-Böhm swoj kunszt potomnym jawi.

Familijo Borsigów

[broneknotgeld]

August Borsig

W samym Berlinie ciuchcie budowoł
Przijechoł do nos po glajzach
Ślonskego wonglo łon potrzebowoł
Werciyła mu sie ta rajza

Znoloz go przeca we Biskupicach
Już mioł co w ciuchcie folować
Choć życio zgasła mu potym świyca
Syn zaczoł łostro fedrować

Słynyła w Zabrzu przeca "Jadwiga"
Kedyś tyż "Pstrowskim" nazwano
A zaczło sie to skuli Borsiga
Trza nom pamiyntać to miano.

[broneknotgeld]

Borsig w Biskupicach

Przikuloł sie cugym aże ze Berlina
Spodobała mu sie Biskupic dziedzina
Po prowdzie to jednak wongel go tu ciongnoł
Kery do roboty w swojich ciuchciach wprzongnoł

Szachty jego grubow pryndko tu stanyły
Niy yno "Jadwigi" tyż "Ludwika" były
Świtoł mu we gowie plan pieronym wielki
I tukej postawioł inksze swoje werki

Wielke piece kuźnia stalownia walcownia
Pryndko tyż dołożoł do tego gazownia
Piykny pałac tukej dlo siebie postawioł
Bo we Biskupicach wiyncyj czasy bawioł

Zaś dlo robotnikow stowioł familoki
By blisko tych werkow miyszkali boroki
Z czasym wszysko razym "Borsigwerkym" zwano
Przilgło do Biskupic na amyn to miano.

Edward Czerny

[broneknotgeld]

11.06.1917 Zabrze (Hindenburg)

Ano se w Zabrzu Czerny urodzioł
Eberhard - take mioł miano
Tu po ańfartach i placach chodzioł
-Wspomniołch se ło tym jo rano.

[broneknotgeld]

Trza w link klikać
www.edwardczerny.art.pl/
Tam poblikać.

[Gość: wow]

moim kandydatem jest super zabrzanin ARTUR L.-gwiazda tego forum.bez niego zycie traci sens

[broneknotgeld]

Acikow jest wiela
Nazwisko zno sztela?

[broneknotgeld]

"Nojwybitniejszy Zabrzanin"

Nojwybitniejszym możno niy bydzie
Dyć niychej w Zabrzu łon niy we "biydzie".

[broneknotgeld]

Wspołtworca festiwali

Ano, festiwali - ze tego go znocie
W Sopocie, Opolu do dzisioj dyć mocie
Tako i Kołobrzeg werci se wspominać
Fest krasioł muzykom już polsko dziedzina.

[broneknotgeld]

"La Strado"

W Niymcach rodzony
W Niymcach chowany
Tukej go znomy
Przeca nom dany.

[broneknotgeld]

Zabrze 1945-46

Ech - muzyka niy zno granic
Nawet wojna miywo za nic
Bo we nutach se ukryła
Kunsztu łod Czernego siyła

Zabrze rośnie ze muzykom
Służy to filharmonikom
Już niy grajom tu harmaty
Ślonsk i tako niy sagaty.

[broneknotgeld]

Łorkestra E.Czernego

Jazz na łorkestra - koncept karlusa
Ano - to szkryfnońć terozki musz
Co podpowiado nawet sumiynie
-Kunsztym przezocnym Czernego brzmiynie!

[broneknotgeld]

E.Czerny w Dolny Saksońji

Dolno Saksonia Czernego znała
Przeca niyjedna łorkestra grała
Muzyka kerom zochwycioł Niymcy
W Polsce go chwolom - dyć tukej wiyncy!

[broneknotgeld]

E.Czerny we Berlinie

Tu prawie droga kunsztu przerwano
Światu muzyka Twoja jest dano
Muzy i ludzie polom Ci świyczki
Tako już bydzie richtig na wdycki.

[broneknotgeld]

"Ślonsk" i "Mazowsze" Czernego znało
Z jego muzykom przeca śpiywało
Kunsztym se swojym tyn istny dzieloł
Tako sukcesy zespołom ścieloł.

[broneknotgeld]

W Zabrzu Czernego łorkestry grajom
Pewno skiż tego tyż ludzie pszajom
Bydzie na bezrok fest koncert z tego?
Kto za kulturom - dźwigo Czernego!

Familijo Donnersmarckow

[broneknotgeld]

Donnersmarckowie

Na "czwortkowym targu" kariera zrobiyli
We Spiszu kajś wele Lewoczy
Jak grosz cysorzowi kedyś pożyczyli
To Henckel na Bytom nom wskoczył

A potym do tego Bogumin dodali
Na Ślonsku już mieli dwie nogi
Fortuna sie piyknie toczyła im dali
Aż urosł majontek tyn srogi.

[broneknotgeld]

Markiza de Paiva

Sławno to była kokota
Żodyn niy skompioł jyj złota
A jak sie z wiekym roztyła
W Świerklańcu końca dożyła.

[broneknotgeld]

We Świerklańcu

Pałac kerymu Wersal mogby coś zazdrościć
Zrodzioł sie ze wielki francuski miłości
Duch markizy de Paiva błonkoł sie w komnatach
Niy dała mu rady łod Slepcowa Katia.

[broneknotgeld]

"Guido"

Pamiontka łostała
"Giudo" gości prosi
Familiji chwała
No i Zabrzu głosi.

[Gość: z]

z

[Gość: mat]

broneknotgeld rymy mosz fest gryfne :)jysli mozno to jo bym prosil cus na tymat famili Donnersmarck'ow

[broneknotgeld]

Niy ma sprawy.

[Gość: antybronek]

DO bronka łoda tako

tak se smolisz, tak se srosz -
a na ludziach Ty sie znosz?
Boł tu w Zobrzu karlus taki
co sie wszystkim doł we znaki!
Lojtów biydnych łon sztyjc bronił
Wdycki ofen zawsze do nich
Niy ciyrpieli go Prusoki
zawierali go do paki
a Tyn dalij robioł swoje
socjal partjo se założył
na gazeta durch tyz łożył
co broniła praw roboli
ale łoni fest mu pszoli
szefym partii go wybrali
siedym lot tyn borok stary
haresztu łodbyć musioł kary
Potym nastoł mały Adi
(mały rzondzi - nima swady -
jest niyszczynscie yno wielkie)
Francik - tak go matka zmianowała,
uciyc musioł- by byc frei
by niy uciyk
"arbeit macht frei"
Potyn, jak juz niemce wleźli
go szukali
niy noleźli
a łon durch im kole żici
swoje smazył kotleciki
to Krajowo Armia zbroił
to sportowy klubik stroił
PPSem zawiadywoł
no i durch sie tyz ukrywoł
A jak prziszło "wyzwolenie"
to czerwone tuste lenie
chcieli chopa wykorzystac
Prezidyntym go zrobili
Zobrzym rzondzić mu radzili
tak jak chcieli
sie ździwili
A Ón dalij robioł swoje
i hanysów biydnych bronioł
na komuchów durch pieronił
i jak mantra durch powtarzoł:
"Polsko zdrajcy dziś obłażom
rzondzi - ruski ambasador
niy ma u nos demokracji
Katyń - sprawa ruskij nacji"
To oblazły go ubeki - i jak niemce
w celo wciepli
Wytoczyli mu procesy - ze Ón zdrajca je endecki
A Ón zwykły socjalista
jak nic niy mioł
doł ci pyska
Zowzdy bronił tych w potrzebie
Zowzdy Polsko mioł przed siebie
Zowzdy bronił swoich racji
mało takich - niy mom racji?
A Ty Bronek sie wymondrzosz - wiys fto taki?
Nikt dzis niy wie
BEZ ZNACZYNIO - JEMU JEDNO
ÓN NAPEWNO Z PYJTREM W NIEBIE
A plebiscyt - kożdy wiy - tyn co zyje wygro w nim
ino jedno je pytanie - czy u Pyjtra plac dostanie?

[Gość: jo]

chodzi ło Paulka Dubiela juniora? :)

[broneknotgeld]

Familijo Dubielow jest we plebiscycie
Czy Zabrze pamiynto? Sami łodpowiycie.

[Gość: antybronek]

czytejcie dokładnie - Dubiele Franz na imie niy mieli - Franz boł
yno jedyn - Trąbalski

[broneknotgeld]

Wypełnić kupon przeca wystyknie
By w plebiscycie se znoloz piyknie.

[szpilowyhajama]

Mom jednego takigo na ślypiach co sie paradzi na
liście "Najwybitniejszy Zabrzańin" Jest niem niy jaki KROCZEK były
szpicel Szwabski. Szkoda pieronie ze lezy w
Mikulczycach. "Szpilowyhajama z Lublina"

[broneknotgeld]

Hmm, za to niy ma tam nojwybitniejszego burgemajstra - Hansa
Lukaschka.
Pierombol, jak żech tu kedyś szkryfnoł, że mogby mieć we Zabrzu
sztrasa swojego miana, to zarozki zwyzywali mie łod hilterowca, choć
przeca som Lukaschek był jednym z nojwiynkszych antyfaszystow
ślonskich (zamiyszny we zamach na Hitlera).

[szpilowyhajama]

Ej "kamrat" gryfny von broneknotgeld.Umis ta piosynka?

Kiedy rano wstajom zorze, jedzie Hitler na motorze zbiyro szmaty na
armaty zbiero miski na pociski.

[szpilowyhajama]

No to pyrsk luckowie, maszcza do prykola,robic nyny bez fozekli.

[broneknotgeld]

Pierombol, dyć chyba żech jest za mody coby znać ta śpiywka.

[Gość: gryfnyhop]

szpicel szwabski? skąd takie informacje? przeciez to ten od tego choru, co nagrody zdobywa

[walrus1]

moj chop to
Alois Piontek
pl.wikipedia.org/wiki/Alojzy_Piontek

[Gość: :)]

Alojzy Piatek kojs ty byl, cus ty jodl i cus ty pil :P

[broneknotgeld]

Już chyba za późno na nominacyje.

[broneknotgeld]

Czy już cosik ło wynikach tego plebiscytu wiadomo?

[Gość: szpilowyhajama]

Mojom maskotkom ZABRZA jest "Pstrowski" Bo niy jedy dzieki
Pstrowskiemu spinoł sie do nieba no i Miasto Zabrze tak samo.

[broneknotgeld]

Niych se ło to nikt niy boji
Ciyngym Pstrowski w Zabrzu stoji.

[broneknotgeld]

Piyrszy Religa - z niym polityka?
Ksindz prawie drugi - trza Zabrzu rzykać
A Czerny trzeci - tako muzyka.

[broneknotgeld]

A jake miejsca zajyli inksi?

[Gość: szpilowyhajama]

Godajom ludzie ze Ruda Ślonsko jest Stolicom fraszek??????????
A jako jest prowda? Karlusy z Rudy Ślonski bakali na dole
W kopalni "Jadwiga" W.Pstrowski" w Biskupicach co drugi kapowł na
stojonco swojego kamrata
A szpecym był bez partyjny strugowy PIECHA. Obecnie wybitny
mieszaniec ZABRZA

[broneknotgeld]

Łoj - toś szrajmbnoł.
Ziobro by se ucieszoł.

[Gość: szpilowyhajama]

Ziobro jest 'KRAKUSEM" niy wiadomo co czuje do Ślonskich kapusiow

[broneknotgeld]

Dyć trza Ci to sprowdzić, a niy szkryflać po prożnicy.

[Gość: Szpilowuhajama]

Co sie stało ze nasz premier IV RP niy kuknoł na Ślonsk? Może wzion
sie o do serca co jo pisoł dzien tymu?

[broneknotgeld]

Możno se chlebym struł.
Kwachu ponoć tyż na cosik choruje.
Dran teroz na Tuska?

[Gość: Szpilowuhajama]

Ej kamrat wywołałes wilka z lasu est chory Ziobro

[Gość: Szpilowuhajama]

Według mnie to jest nojlepszy Zabrzanin były senator Jerzy Markowski
mieszkoł w Mikulczycach na ulicy Gogolinskiej 21 to był jedyn
chłop co fcinoł Ślonski kołoc z posypkom bez kucanio. "bez zagrychy"

[broneknotgeld]

A z doma jako se mianowoł?

[broneknotgeld]

Zdo sie z heresztu prziszoł tyn gryps
-"Wygro z Gowinym Ziobro ło gips".

[broneknotgeld]

Pierombol, wiym uno kto zajoł piyrsze trzi miejsca.
Szrabji kajś jako tyn konkurs wyszoł całościowo?

[szpilowyhajama]

Jo pszerywom cisza wyborczi.leca pryntko do hazla i tam byda
trombioł na cały Lublin.Buch buch buch,czujecie cos w Zabrzu?

[broneknotgeld]

Lublin za daleko
Dyć Zabrze poczeko.

[broneknotgeld]

Tam tyż idzie zagłosować
rajza.nazwa.pl/slazak.htm