Barborkowy konkurs poetycki

[broneknotgeld]

Wiym że bergmonow u Wos niy ma, dyć możno jest jakiś kościoł abo kaplica pod
wezwaniym ty świynty. Tako zresztom i świynto Barbara niy yno gornikom
patronuje. Udało mi sie namowić "Wiadomości Rudzke" do wyrychtowanio takego
konkursu. Bliższe informacje znojdziecie we tym wontku
forum.gazeta.pl/forum/72,2.html?f=34281&w=31701581
Wiersz może być szkryfniony po polsku, ślonsku abo gwarowo.
Toż możno ktosik ze tego forum by sprobowoł.
Zaproszom do udziału.

[anaiss]

co to jest "bergmonow"?

[broneknotgeld]

bergmon - górnik
gruba - kopalnia
szachta - szyb
szychta - dniówka

[broneknotgeld]

Wspomożyciele

Sztyrnoście świyntych grupa liczyła
Łona na Ślonsku durś w gymbach była
Czynsto wołało sie ich pomocy
Jak te niyszczyńście zojrzało w łoczy

Błażej - tyn chroni strony głosowe
Ze bolym gordła we nim sie chowej
Pomogo czynsto naszym zymbiskom
I jak krew z rany pierońsko trysko

Jerzy - wiadomo - chroni wojoka
Łon go we bitwie niy spuszczo z łoka
Kedyś przed łostrym bronioł żelazym
Potym łod kuli - dyć wiela razy!

Akacjusz czimie ze zbiegym sztama
Pilnuje jego aże łod rana
Coby niy dropła go wredno władza
Rzykej do niego - jo ci poradza

Erazm nos wspiyro w wielki chorobie
Ło kery czasym nic niy wiy czowiek
Żołondek nyrki wontroba serce
Wszyskim sie tropi tyn świynty wielce

Wit paczy ciyngym na guchych niymych
Wiy łon co dzieje sie ze ichniymi
Padaczka miywosz czy słabe nerwy
Z Witym we życiu mosz wiyncyj werwy

Do kogo rzykać szły prziszłe matki?
Wiymy bo przeca do Małgorzatki
Łona przi cionży i przi porodzie
Bestoż jyj imie do dzisioj w modzie

Zaś świynty Krzisztof chroni wyndrowca
By nikt niy wodzioł go po manowcach
Pogoda zsyło ci jak nojlepszo
I przed powodziom z nim bydziesz spieprzoł

A Pantaleon - teroz mi powiydz
Kto dbo ło cało w zogrodzie gowiydź?
Co dziynki niymu dobrze sie chowie
I mniyj utropy mosz z tym na gowie

Cyriak w pokusie cie przipilnuje
Choć czasym trocha to niy sztimuje
Niy potrza bydzie tyż egzorcysty
Jak mu zawierzysz durś bydziesz czysty

Idzi w łopiece mo wszyske matki
Kere umynczom jejich gagatki
Namowi czasym cie do spowiedzi
Jak wiy że ciynżki grzych w duszy siedzi

Eustachy fesztrom wielkim patronym
Posłuch mo w borze łon tam jest ponym
Nawet jak zbiyrosz grziby jagody
Świynty uchroni łod złyj przigody

Dionizy czimie sie twojyj gowy
Dobry na bole kożdy ci powiy
Dropia sie teroz we własno glaca
Wiym kto pomoże mi zaś na kaca

Ja - niy trza wiela mi przipominać
Dyć jo pamiyntom że Katarzyna
Mo w swyj łopiece te wszyske frelki
A łobowionzek przeca to wielki

Na koniec powiym - naszo Barbara
Stoji przi ciebie jak żeś na marach
Byś w wierze pomar pilnuje przeca
Łona łostatnio jest z tego neca.

[broneknotgeld]

Kult w średniowieczu

Łod śmierci z Bogym patronkom była
Choć pryndki ale ze wiarom
We wiekach średnich Jeji w tym siyła
Bo inkszom żyło sie miarom

Człowiek sie krotko tym swiatym cieszoł
Pryndko go ziymia chowała
A przeca jednak tyż mocno grzeszoł
Jak z Bogym pomarł to chwała

Barborka czciyli w Europie całyj
Ci co wiedzieli że kosa
Tnie rowno - wielki żeś jest czy mały
I niy zoglondo do trzosa

Bergmon co śmierci durś kukoł w łoczy
Rzduchoł kilofym jom czynsto
Mioł ta patronka mocno we zocy
I rzykoł do Niyj durś gynsto

Prziszła na Ślonzek tyż ze gwarkami
Ze Niymiec Czech i stron inkszych
Z średnoiwiecznymi kolonistami
Jyj kult tu nabroł siył wiynkszych.

[pressforum]

jeszcze troche i sobie tmik na tym forum opublikujesz ;)