Kwiotki i inksze ziyla

[broneknotgeld]

Bakłażan
Indiom dziynkuja za bakłażana
Z citronym zjod żech jednego z rana.

[broneknotgeld]

Imbir

"Lokomocyjno" utropa mynczy
Imbir niyjedna pila "wyrynczy".

[broneknotgeld]

Arbuz

Dzikego znojdziesz jeszcze w Afryce
To jego przeca som okolice
W Egipcie ponoć wpiyrw go sadziyli
Potym we Azji niym sie cieszyli

Wloz do Europy ze Arabami
Łod inkszy strony tyż z Mongołami
No i do dzisioj niym se cieszymy
Już lato prziszło - wiela go zjymy.

[broneknotgeld]

Podzimki

Ze samego rana uzbiyrane w lesie
Aroma sie jejich po chałupie niesie
Zjydzcie ze śmietonkom - ślinka zaroz leci
Jeronie - sie uszy aż czynsom u dzieci.

[broneknotgeld]

Już piyrszuy kasztan w glaca mie klupnoł
Ojla se mało łostała
Czy roczek w jesiyń tako se hupnoł?
Czy sztrofa mi sie dostała?

[broneknotgeld]

Cis

Czamu fest rzodki tyn gryfny cis?
Czamu go chronić durś czeba?
Bo ptoka potrza by ziorko wcis
A potym wysroł we gleba.

[broneknotgeld]

Majeranek

Przeca dobrze wiycie - zioło Afrodyty
Kto zjod majeranek w nocy niywyżyty.

[broneknotgeld]

Ponoć nojlepszo kawa ze kota
Czy richtig żere jom ta niycnota?