Stolica ślonski fraszki Niymcom

[broneknotgeld]

"Rok Polski" w Niymcach chnetko se przidzie
Ze piyrszym stycznia już tako bydzie
Dyć nasze forum Niymcom coś do
Ta ślonsko fraszka - wiela jom zno.

[broneknotgeld]

Inkszych zaproszom w tym do wspołpracy
Bych jo niy musioł przegrzywać glacy
A wontek pryndko lecioł do przodka
I rymym blysła tyż naszo godka.

[broneknotgeld]

forum.gazeta.pl/forum/72,2.html?f=261&w=8718330&a=13168323

[broneknotgeld]

Ponoć Bawaria jest echt niymiecko
Ło tym tu godo i małe dziecko
Dyć w Niymcach kożdy pszaje landowi
Toż i Bawarczyk to zowdy powiy.

[broneknotgeld]

Bawario (land)

Land wielki bogaty - umynczysz tu gyry
Dyć idzie Bawario podzielić na sztyry
Jest Gorno i Wschodnio tyż Szwabia Bawarsko
Zaś szworto Frankonia se głosi tu dziarsko

[broneknotgeld]

Wypisz wymaluj

Hutlik ze piorkym krotke galotki
I jamnik głośny choć ponoć słodki
Do tego dołoż dwie beczki biyra
Stoji Bawarczyk ciyngym na gyrach.

[broneknotgeld]

forum.gazeta.pl/forum/72,2.html?f=261&w=8718330&a=13167452
Na razie tela tukej wystyknie
Se zoglondnijcie - tyż przeca piyknie.

[broneknotgeld]

Z Bawarii na zacho pódziesz we tyn land
Toż przeca tu Niymiec jakby jedyn rand.

[broneknotgeld]

Hehe - "Na zachod" wyży być miało
"d" se na piwo chyba urwało.

[broneknotgeld]

Czi krainy w tym landzie przepiykne znojdziecie
Badynio i Szwarcwald - te już znocie przecie
Wirtembergia miejscowi ciyngym Szwabiom zowiom
Toż na take miano jo tyż tukej stowiom.

[broneknotgeld]

Sercym Niymiec mi sie zdo
Dyć czy rola tako gro?

[broneknotgeld]

Ren ze Mozelom se tukej płynom
Do końca świata tego niy minom
A jo wesoło ciyngym mom mina
Jak tutejszego wypija wina.

[broneknotgeld]

Wiela tu znojdziesz ludzi ze Ślonska
Kierzy ściongnyli do tego konska
Tako łod downa już przeca było
Zdo sie - niywiela z czasym zmiyniyło.

[broneknotgeld]

Iserlohn

Z jegłow i szpyndlikow słynie
W cołki niymiecki dziedzinie.

[broneknotgeld]

1755

Piyrszo putnia tu zrobiyli
Do tabaki - moji mili
No toż latoś se kichniecie
Ćwierć tysinca lot już przecie
Jak tyn gyszeft se rozkuloł
Niy byda wos wcale fuloł.

[broneknotgeld]

Chorzów-Iserlohn 19.II.2005

Piyrszy rok wspołptracy przidzie
Zakichany Chorzow bydzie.

[broneknotgeld]

Piyrwyj w tych ziymiach Sasy miyszkali
Toż je po wojnie tako nazwali.

[broneknotgeld]

Dania z Niymcami durś se spiyrała
U sia te ziymie mić przeca chciała
Był kedyś nawet plebiscyt tukej
Po piyrszy wojnie w historii szukej.

[broneknotgeld]

Miyndzy Odrom a Łabom leży ta dziedzina
Tu czasy komuny tyż przidzie wspominać.

[broneknotgeld]

Przilondek Anklam

Ponoć łon Rugia przed morzym broni
Dyć czas rachunek dowo niytoni
Kredowo skała niy szczimie wody
Arkonie z falom brakuje zgody.

[broneknotgeld]

"Przilondek Arkona"

Kurde coś myli mi sie skiż piwa
No ja - po poru niy trza sie dziwać.

[broneknotgeld]

Arkońske latarnie

Ta starszo Szinkel zaczoł budować
Sto łoziymdziesiont lotek już tymu
W dwudziestym wieku nowo trza stowiać
Jyj seta klupła - mie brakło rymu.

[broneknotgeld]

Na Rugii

Na Rugii piyrwyj Randowie żyli
W Arkonie grod mieli zocny
We Światowida łoni wierzyli
Dyć prziszoł na nich czas nocny

Podbiyli wyspa przeca Duńczyki
Na nic słowiańske tu bogi
Poszli se tułać - zabrali kryki
Kaj jednak majom niyść nogi?

[broneknotgeld]

Rostock - 1161

Nad rzekom Warnow już Rostock stoł
Słowiański przeca rodowod mioł
Dyć chnetko se to fest pomiyniyło
Bo coroz wiyncy Niymcow tu było.

[broneknotgeld]

Rostock 1218

Z tym rokym prziszły tu prawa miasta
Toż wiyncy szwongu teroz i basta
Ze Hanzom drapko pódzie do przodka
Dyć ło tym jeszcze bydzie tu godka.

[broneknotgeld]

We Hanzie

Choć sercym Hanzy Lubeka była
Toż Rostockowi tyż dałą siyła
Przi niyj urosnoł bałtycki port
Ze roku na rok wiyncy był wort.

[broneknotgeld]

Uniwersytet 1419

W tym konsku Europy uczelnio to piyrszo
"Latarnia Połnocy" - nikierzy godali
Zdo sie że dziedzina ze tym wiela wyrszo
We piytnostym wieku piyknie leci dali.

[broneknotgeld]

Anklam

Kaj rzeka Piana durś wody toczy
Tam miasto Anklam możesz łoboczyć
W kerego herbie gryf jest na murach
Sławne czowiekym co lotoł w chmurach.

[broneknotgeld]

Otto Lilienthal 1848-1896

We Anklam piyrszy pilot se rodzioł
Chocioż tu przeca niy furgoł wcale
Inkszych za sobom dopiyro wodzioł
Dobrze sie stało co tkoł w to palec

Jednak furganie życiym przepłacioł
Dyć kożdy lotnik zno Lilienthala
Swojom robotom wszyskich wzbogacioł
Zdo sie że za to szłoby go halać.

[broneknotgeld]

W Muzeum Lilienthala

Na krzidłą tukej przidź se poblikać
Zawiodły Otta - niy zdonżoł rzykać.

[broneknotgeld]

Krzidła

Anklamskego gryfa krzidła niosły w gora
Lilienthala zdo sie jakby tako samo
Dyć w końcu se życie znodło w ciymnych chmurach
Jak lecioł na ziymia zdonżoł pedzieć - mamo.

[broneknotgeld]

Anklam 1243

We papiorze znodli starym
Że w tym roku Anklam było
Niy wiym czy grod cołkym jary?
Dyć dość ludzi tukej żyło

A jak przeszło lot sztyrdziści
Miasto z Hanzom se rozrosło
Swe bogactwo ze tym ziści
Przeca do znaczynio doszło.

[broneknotgeld]

W szesnostym wieku

Szwedy jakby Bałtyk żarli
Toż i Anklam se zagarli.

[broneknotgeld]

W łoziymnostym wieku

Teroz pruski Anklam już
Dyć za Piana ani rusz
Ciyngym jeszcze tam Szwecyjo
Choć czas pryndko przeca mijo.

[broneknotgeld]

1815

Napoleon stracioł - we Prusach zyskali
Granica na Pianie przi tym sie "zawali".

[broneknotgeld]

Meklemburgia

Meklemburgio z Mazurow mo wiela
Zdo sie cołkym podobno to sztela
Tu zyjmanow raj richtig terozki
Pod żaglami uciykniesz łod troski.

[broneknotgeld]

Jezioro Muritz

Zdo sie jakby godali Słowianie
Jejich słowo ukryte w tym mianie
Dyć jezioro jest wielke jak "morze"
Sztorm cie chyci - Bog yno pomoże.

[broneknotgeld]

Krakow

Miast Wisły mo tukej Jezioro Krakowskie
Dyć grod ło tym mianie tyż wpiyrw był słowiański
Ano - niyzbadane som wyroki boske
Krakow jednak mały i niy "wielkopański".

[broneknotgeld]

Wele Krakowa

Wele Krakowa rezerwat dzisioj
Tam kaj jezioro - ło tym żeś słyszoł
Rożniste ptoki lyngnom se tukej
Dyć dej im pokoj niy strosz niy szukej.

[broneknotgeld]

Stolica Niymiec we samym środku
Wlyźć tukej pódzie z niyjednom godkom.

[broneknotgeld]

forum.gazeta.pl/forum/72,2.html?f=261&w=8718330&a=18141484
Kolin i Berlin

Kolin i Berlin w jedno sie zloły
Z tym jakby szwongu dostały
Brandenburg w końcu łostoł se goły
Margrabia dwor tu doł cały

[broneknotgeld]

Herb Berlina

Niydzwiedź we tarczy - nad niom korona
Czamu ze cegieł jednak jest łona?

[broneknotgeld]

Niydźwiedź?

Margrabiego Albrechta Niydźwiedziym tyż zwali
Dyć i po niym jeszcze orła durś dowali
Na papiory miasta - łon znakym jest jego
Jeszcze tu niy widać niydźwiedzia groźnego.

[broneknotgeld]

Dwa niydźwiedzie herbowe

Czorny i bronotny teroz w godle som
Miyndzy niymi oreł - czy jo fioła mom?

[broneknotgeld]

Herb 1338

Niydźwiydź w końcu jedyn - nad niym ciyngym ptok
Jaki miasto zrobi z tym kolejny krok?

[broneknotgeld]

forum.gazeta.pl/forum/72,2.html?f=261&w=8718330&a=18141539
Z Hohenzollernami

W Hohenzollernow już Berlin rynkach
Toż i niydźwiedzia czekała mynka
Oreł na niym już mo szpony
Tyn "znak czasu" skondsik znomy.

[broneknotgeld]

Z łobrożom

Niydźwiedz bez orła bywo łodmianom
Dyć ze łobrożom zowdy dodanom.

[broneknotgeld]

Herb 1709

Misiu na zadnich łapach już stoji
Ciyngym paniska se jednak boji
Łobroża przeca na karku jego
Niy uwolniyli jeszcze istnego
Nad niym furgajom zaś orły dwa
Z Prus z Brandynburgii - wspomnieć nom trza.

[broneknotgeld]

Po 1839 roku

Korona z cegieł herb teroz zdobi
Podobnoś we niyj jest miasta siyła
Chocioż łobroża durś gańba robi
Czas by utropa se już skończyła.

[broneknotgeld]

1.X.1875

Już niydźwiydź niy mo znaku niywoli
Tym sie w cysorstwie Berlin chce chwolić.

[broneknotgeld]

"Most Frelek" - 1789

Fiszom przi moście tym handlowali
Frelki ze służby po nie łaziyły
Ryboki czasym podszczypywali
Zdo sie przi tymu - toni kupiyły.

[broneknotgeld]

forum.gazeta.pl/forum/72,2.html?f=261&w=8718330&a=14083458

[broneknotgeld]

Wieża telewizyjno

Metrow mo tela wiela rok dni
Ło tym berlińczyk dyć kożdy wiy.

[broneknotgeld]

"Tele Cafe"

Nojlepi łoglondać tyn Berlin ze wieży
Z wysoka wygodnie - możecie mi wierzyć
Kawiarnia se w cołko godzina łobroci
Zaś w te same miejsce łoko twoje wroci.

[broneknotgeld]

Brandenburg

"Brenna" - tak piyrwyj miejscowośc zwali
Na wyspie w nurcie Haweli
Wiela z Niymcami tu wojowali
Wspomnij - jak bydziesz w ty szteli.

[broneknotgeld]

Brenna

Krol Niymiec Hynryk ta Brenna zdoboł
Słowian na gowa przeca łon pobioł
Biskupstwo prziszło tukej ze czasym
Dyć uciekali jeszcze stond lasym

Bo przeca było wielke powstanie
Zaś princ słowiański we Brennie stanie
I wroci drapko co piyrwyj było
A skuli siyły kajsik sie skryło

Trza Niymcom teroz cołkym łod nowa
Pieronym krwawo ło to wojować
By z Brenny zrobić Brandenburg swoj
W końcu łopłacioł im se tymn boj.

[broneknotgeld]

Brandenburg 1157

Już tu Słowiany niywiela znaczom
Toż Brandenburgii z niego stolica
Niymcy "na swojim" teroz łonaczom
Uradowane majom durś lica.

[broneknotgeld]

Roland

We Brandenburgu na rynku stoji
Wasal Karola Wielkego
Piyńć metrow z hokym - toż sie niy boji
Terozki tukej żodnego.

[broneknotgeld]

"Las Sprewy"

Zowiom go czasym "krainom wody"
Z łodkom dońść musisz tukej do zgody.

[broneknotgeld]

Nastympny Niymiec konsek ciekawy
Byda mioł ze niym trocha zabawy
Toż jak harcować mi kedyś przidzie
We gorach Harcu nojlepi bydzie.

[broneknotgeld]

Kalte i Warme Bode

Kalte Bode - Warme Bode
Ciepłe z zimnym trza pomiyszać
Życie moje już niy mode
Dyć tu jeszcze cosik zgrzysza.

[broneknotgeld]

W gory Harzu

Z Nordhausen mosz bana do Wernigerode
Po drodze przejedziesz dopływy ty Bode
Choć glajzy som wonske dyć wiela radości
Bo przeca ci w sercu Harz cołki zagości.

[broneknotgeld]

W Wernigerode

Z "fachwerku" stare Wernigerode
Lepi wyglondo niż cołkym mode.

[broneknotgeld]

forum.gazeta.pl/forum/72,2.html?f=261&w=8718330&a=12623649

[broneknotgeld]

Quedlinburg

Quitilo warownia postawioł
Łod niego miasto te miano mo
Łon "dobrze godoł" - tako sie jawioł
Harz historyjo ło niym ta zno.

[broneknotgeld]

Za Karola Wielkiego

Toż i Karol Wielki tyn grodek mioł w zocy
Rozbudowoł zamek - dołożoł mu mocy
Przeca jego wojsko ciongło fest na wschod
By blyszczoł w Europie Karolingow rod.

[broneknotgeld]

WE Quedlinburgu historio stoji
Zdo sie fachwerkym łod lot tu stroji
Co "pruskim murym" u nos zowiymy
-Teroz już wszysko forsztelujymy.

[broneknotgeld]

Jak fyniks z popiołu tu se łodrodziyła
W zjednoczyniu Niymiec biere swoja siyła.

[broneknotgeld]

W gory Harzu

Z Nordhausen mosz bana do Wernigerode
Po drodze przejedziesz dopływy ty Bode
Choć glajzy som wonske dyć wiela radości
Bo przeca ci w sercu Harz cołki zagości.

"Z Nordhausen" - toż wkleja ta fraszka tyż tukej
Bo ty szteli przeca we Turyngii szukej.

[broneknotgeld]

Kyffhauser

Zdo sie że Harz to jest mini
Dyć se urodom tyż miyni
Zoglondniesz tukej ciekawie
Bele byś blisko był prawie.

[broneknotgeld]

Kulpenberg

Nojwyrszo gorka tego masywu
Niy przipomino jakegoś dziwu
Czi metry brakło by piyńćset było
Mało - dyć przeca jyj wystarczyło.

[broneknotgeld]

Jaskinie Barbarossy

We Kulpenbergu znojdziesz jaskinie
Przeca je żodyn wandrus niy minie
Ryszawobrody ponoć tu śpi
Niyjedyn pewno już ło tym wiy.

[broneknotgeld]

Bad Frankenhausen

Jak mosz dzieci chorowite
Z niymi tukej se zawitej
To dlo bajtli uzdrowisko
Wiyncy zdrowio szkrab twoj zysko.

[broneknotgeld]

Frankenhausen 15.05.1525

Chopske powstanie w Turyngii było
Zdo sie - łoberwie ksionże i możni
Tysionce ludzi pod broń stanyło
Pod Frankenhausen czuli sie wożni

Dyć wojska princa słabe niy były
Tu insurgyntom wydały bitwa
Chopow na gowa krwawo pobiyły
Topor cioł karki - niy jakoś brzitwa.

[broneknotgeld]

W XIX wieku

Był czas jak miasto kneflami stoło
Dyć czy z tym było tukej wesoło?

[broneknotgeld]

Erfurt

We państwie Frankow Erfurt już był
Fest mu biskupstwo dodało siył
Stond krześcijaństwo poszło w Słowiany
Dyć miecz miast krziża czyńści był dany.

[broneknotgeld]

"Furt"

"Furt" to "brod" przeca - na rzece Gera
Ło mianie wiyncy wiymy już teraz.

[broneknotgeld]

Erfurt 1392

Uniwerkym swojim już sie asi miasto
Niy dziwota przeca nojwyrszy już czas to

[broneknotgeld]

Adam Ries (XVI w)

Pszoł richtig tyn karlus fest matymatyce
Dyć se nawet zdało - śnioł w arytmetyce
Podryncznik łostawioł - arcydziełym zdo sie
Skiż tego do dzisioj Riesa w zocy mo sie.

[broneknotgeld]

Georg Stortz (XVI w)

W Erfurcie renoma medyka łon mioł
Dyć tyn karlus ksionżkom richtig wiela pszoł
W końcu tu założoł swoja bibliotyka
Do kery pościongoł za darmo "publika"
By se poczytali co łon nagromadzioł
Żodyn w tym przibytku mu przeca niy wadzioł.

[broneknotgeld]

Erfurcke łogrody

To niy jakoś sprowka mody
Ciyngym w zocy tu łogrody
Gyszeft na tym Erfurt robi
Toż łon nom Europa zdobi.

[broneknotgeld]

Weimar

Piyrwyj małego ksiynstwa stolica
Kery sie richtig łośmioły lica
Do dwoch poetow w Europie wielkich
Toż jejich dzieła niy duperelki.

[broneknotgeld]

Goethe i Schiller

Z Schillerym Goethe łazioł w zawody
-Kery wiersz szkryfnie wiynkszy urody
Czasym skiż tego se powadziyli
Dyć przeca w końcu we zgodzie byli.

[broneknotgeld]

Johann Wolfgang Goethe w Weimarze

Zdo sie w Weimarze czas lecioł piyknie
Poru poetom tego wystyknie
Tukej przed śmierciom "Fausta" naszkryfloł
Niym kufel piwa swojego "wychloł".

[broneknotgeld]

Dowom Saksonia tukej na końcu
Dyć niychej land tyn leci ku słońcu.

[broneknotgeld]

Kaj Łużyce?

Po czyńści tyż wyży
Dyć teroz dom niży.

[broneknotgeld]

Łużyce

Miyndzy Odrom a Sprewom łużycko dziedzina
Nawet we dwoch państwach - trza ło tym wspominać
Dyć lepi Łużycom we Niymcach sie dzieje
Ciyngym Łużyczanin se tu w słonku śmieje.

[broneknotgeld]

Serbio-Łużyczanie

Ze plemion słowiańskich łoni sie łostali
Zdo sie jakby cudym tych czasow dotrwali
Jynzyk mieli w zocy. Mocny bo we piśmie
I flaga na kero żodyn tu niy piśnie.

[broneknotgeld]

Lipica

Osada słowiańsko Lipica tu była
Z lipy swoje miano przepiykne se wziyła
Niymce jom podbiyli - grod wybudowali
Bestoż se ło Lipsku pogodomy dali.

[broneknotgeld]

Lipsk - 1165

Ponoć z tego latoś richtig Lipsk jest rod
Łoziymset sztyrdziści mo miasto już lot.

[broneknotgeld]

Targi Lipskie - 1506

Maksymilian I nadoł tyn prziwilej
Z kerego do dzisioj miasto przeca słynie
Rokow chnetko piyńćset a niy jakeć chwile
Durś se bogaciyło w niymiecki dziedzinie.

[broneknotgeld]

"Thomanerchor"

Chor łod "św. Tomasza"
Śpiywo już łoziymset lot
W niym historyjo jest wasza
Ze kery Lipsk cołki rod

Śpiywajom bajtle karlusy
WE niebo leci ich głos
Boga nim przeca chsom ruszyć
By lepszy doł ludziom los

Kantora czy pamiyntocie?
-Ćwierć wieku chorowi groł
Toż richtig Bacha już znocie
Tako robota tu mioł.

[broneknotgeld]

J.S.Bach

Jan Sebastian Bach
Bajtli mioł aż strach
Możno se poryczysz
-Dwadziścia doliczysz.

[broneknotgeld]

Bach i fisze

Co ło tym Bachu terozki słysza?
-Sława dzisiejszo dała mu fisza
Co w jego nuty zapakowali
-Mendellsohnowi tako sprzedali

Tyn se muzykom Bacha zochwycioł
"Papior pakowy" chnet cołki chycioł
Łodkrył go światu jakby łod nowa
-Niy wymyślyła by tego gowa.

[broneknotgeld]

"Potok"

"Bach" znaczy "potok" - jego muzyka
Niy przipomino jednak strumyka.

[broneknotgeld]

Lipsk - 1813

Bitwa pod Lipskym - wolny już kraj
Z Napoleonym niy był to raj
Okupacyji fertig terozki
Choć przeca przidom nastympne troski

[broneknotgeld]

Lipsk - Drezno 1839

Piyrszo bana w NIymcach z Lipska wyjechała
Po glajzach do Drezna chnet se dokulała.

Bronek, daruj sobie tą durną zabawę

[w36]

Widzę że znowu zaczynasz jakiś kilometrowy wątek-monolog, by tu codziennie
zaznaczać swoją obecność i cieszyć się ze swojej destrukcyjnej działalności
wobec forum. I znowu będziesz przepisywać jakieś materiały, a na temat geografii
Niemiec to starczy Ci na długo. Przyjrzyj się Bronku na rezultaty podobnych
Twoich przedsięwzięć, żenujące. Jedynym okazującym entuzjazm i niezdrowe
podniecenie to jesteś Ty sam, a wiesz jak to się nazywa :)).
I nie traktuj tu nas jak debili, proszę, bo każdy sobie może takie tematy
zgłębiać, bez Twojej pomocy.
Do tego ta Twoja infantylna autoreklama "stolica fraszki", Bronek daj spokój bo
od tego już się niedobrze robi. Załóż sobie wreszcie forum i tam przepisuj,
choćby książkę telefoniczną.

[broneknotgeld]

Tyż se piyknie "reklamujesz"
Sztynks swoj pewno ciyngym czujesz
Chcesz by lecioł aż na Niymcy
Hehe - mie to niy umynczy.

[w36]

Bronek, wiesz przecież że w ogóle nie chodzi o temat.
Dla Ciebie to znowu kolejny popis, wiadomo czy to Papież, Bytom, Pomorze czy
Niemcy, Tobie wszystko jedno, to ma być reklama Bronka Wątroby.
Skończ wreszcie z tą dziecinadą Bronek, przecież wiadomo kim jesteś. I nie
musisz nam tu udowadniać że czytasz te różne książki, bo to nie jest aż takim
powodem do chwały. Co do Twojej umiejętności wierszowania, to też już jesteśmy
aż nadto świadomi. Ty z papierka po czekoladzie wykręcisz temat na tuzin
fraszek. A tu w wątku, z góry wiadomo że będziesz przepisywać te dane z historii
i geografii Niemiec przez parę miesięcy. Ale po co ? Bronek.
Podaruj sobie ten i ewentualne następne tego rodzaju wątki. Choćby przez wzgląd
na innych rudzian na tym forum.

Co chcesz tak usilnie udowodnić. Przecież nie da się porównać Twojego pisania na
ilość, z twórczością kogoś takiego jak przykładowo Gałuszka, z jego poezją tak
pięknie opisującą naszą Rudę. Ty reprezentujesz co najwyżej podejście "siłowe"
do poezji, jakieś może ambicje na rekord Guinessa, ale brak Ci niestety
umiejętności wyrażania uczuć oprócz samouwielbienia.

Co do notgeldów, to już przecież dużo więcej masz coś do powiedzenia, choć
akurat zaniedbujesz sprawę, wynosząc ponad nie promocję własnej osoby. Popatrz
jak zawaliłeś sprawę w Żaganiu. Jakie piękne i jasne dla wszystkich opracowanie
tematu przez Rafała Szymczaka. A ty co ? Napisałeś parę opracowań, gdzieś tam są
porozrzucane po serwerach, niektóre już zniknęły. Będzie wstyd jak Szymczak
postawi jakieś strony o notgeldach i może nawet opisze nasze Rudzkie.

[broneknotgeld]

Niy zowrocisz rzeki kijym
Dyć niy wiymy nawet czyjim.

[croolick]

Hola, hola, bez Bronka nie napisalbym tego teksciku o zarskich notgeldach! Po
prostu mialem chwilke wolnego i skonfrontowalem rozne informacje o notgeldach w
sieci i z tej kompilacji urodzil sie tekst. Podobnie tez z ilustracjami -
posiadam tylko jeden notgeld - reszta wyszperana w sieci...
Borek to jedna z najbarwniejszych postaci netu - opowiadam o nim wielu zanajomym.

[broneknotgeld]

No i piyknie
Tego styknie
Dziynki tyż za dobre słowo
Choć przesadzosz - mi sie zdowo

[ciupazka]

Nic nie przesodzo, rób se swoje ,
Widać, ze mos zwoje
i widać wsędzie Twoje
a nie w 36 i hepika znoje, hehe...

Niek sie ślonsko fraska suje,
I niek Ci Bronku nifto i nika
dlo niyj miyjsca nie załuje!

Wiwat Bronek, wiwat Bronek,
niek nom piyknie zawse spiywo
tyn utalyntowany ślonski skowronek!
Hej!
Telo.Pozdr.

[silesia7]

Broneknotgeld tys je richtik naszym wieszczym, jak Kochanowski do Poloków, tak ty do nos Slonzoków!!!

[hepik1]

Krzywd€ chłopu robici€.
On w to wi€rzy b€zkrytyczni€ ;))

[broneknotgeld]

Hehe - piyknie
Dyć już styknie
Tu ło Niymcach wiela dom
Nawet jak z tym byda som.

[w36]

broneknotgeld napisał:

> Tu ło Niymcach wiela dom

Szkoda Twojej roboty z tym przepisywaniem. Ja byłem w Niemczech inni byli też,
więc obejdzie się bez tego Twojego kopiowania historii i geografii. A jak kto
nie był, to przecież sobie może ARD czy innego Niemca puścić na telewizorze ;))

Zresztą już ktoś kiedyś już na temat przepisywania haseł z encyklopedii, napisał:

"Patriotyzm żyje konkretnie i znajduje swój konkretny wyraz w uczuciach
człowieka. Dlatego w swoich utworach pisarze i działacze sztuki nie powinni
wyliczać abstrakcyjnych - monotonnych i suchych haseł, lecz konkretnie i głęboko
odzwierciedlać szlachetne patriotyczne uczucia naszego narodu przez idee,
uczucia i życie ludzi, którzy żyją w rzeczywistości..."
KIS

Lepiej byś pocis do przodka coś z tej sorty, Twój bardzo ulubiony temat, a tego
w encyklopediach jest mało, :

forum.gazeta.pl/forum/72,2.html?f=261&w=16025697&a=16027194
forum.gazeta.pl/forum/72,2.html?f=423&w=14038356&a=15442118

[broneknotgeld]

Ano widzisz jako piyknie
Co kto lubi to mu styknie.

[broneknotgeld]

www.msz.gov.pl/start.php?page=1132500000
Niych tyn link tyż tukej bydzie
Możno cosik z tego przidzie.

[broneknotgeld]

Polska z Niymcami teroz we zgodzie
Toż możno ślonskość bydzie tyż w modzie

[broneknotgeld]

Czamu to cynzura tnie?
Tyn rok ciyngym przeca je!