Ludzie Ślonska

Oscar Troplowitz

[broneknotgeld]

Oscar Troplowitz - 95-lecie krymu "Nivea"
9-20.IX.2006 Muzeum w Glywicach

Tako wystawa w glywicki szteli
Coby radocha my z tego mieli
Krym dobry - tako glywicko marka
Dyć używała go już i starka.

Grzegorz Gerwazy Gorczycki

[broneknotgeld]

Rozbark ok. 1665

Adam Gorczyca kmieć dość zasobny
Ze ślubnom Annom doł światu syna
Grzegorz Gerwazy we kunszt łozdobny
Muzykom przeca jego dziedzina.

[broneknotgeld]

Ksiynżoszek 1692

Toż wyświyncony zostoł w Krakowie
Terozki inkszy ze tym już czowiek
Miano sie koże szkryflać Gorczycki
Ze tym w pamiyńci łostoł na wdycki.

[broneknotgeld]

"Klejnot kapłanstwa"

W katedrze wawelski epitafium mo
"Gemma sacerdotum" - kto łacina zno?

[broneknotgeld]

Pszoł heresztantom

W wawelskich basztach wiyńźnie siedzieli
Choc ło muzyce mało wiedzieli
Dyć heresztanty znali istnego
Niyjedyn zaznoł opieki jego
Bo pszoł bliźniymu i w trefie złym
Tako tu szkryfna - dyć ło tym wiym.

Ślonski Kopciuszek

[broneknotgeld]

Ślonski Kopciuszek

Joanna Gryzik - Kopciuszek ślonski
Tyż pokazuje co niy łod gonski
Yno ze ziymi naszy wyrosła
Z geldym Goduli we grofy poszła.

[broneknotgeld]

Połsiyrota

Siyrotom była - geld erbła taki
Że ciynżko muster znojść jyj jednaki.

[broneknotgeld]

Grafini Joanna

Dlo Szombiyrek, Orzegowa
Tako Bobrka isto paniom
Dyć niy yno ło tych mowa
Inksze sztele przi niyj stanom.

[broneknotgeld]

Pani na Kopicach

Ano - kajś wele Grodkowa
Pomiyszkuje - ło tym mowa
W Rudzie jednak czasym bywo
To pewnikym wos niy dziwo.

[broneknotgeld]

Pochwola
Co skuli
Karola
Goduli
Na plakat zaziyrom
www.facebook.com/photo.php?fbid=10151116743212582&set=a.424017057581.203432.141157102581&type=1&theater
Choć som niy wybiyrom.

Walenty Roździeński

[broneknotgeld]

Hamernik Walenty Roździeński

Znocie tego hamernika
W kuźnicy zdoł sie rzykać
Dyć robocie swoji pszoł
Mało kery tak jom znoł.

[broneknotgeld]

Łojciec ze Hercyngow

Ze Hercyngow Jakub Brusek
Wzioł za ślubno Zycha cera
Szwiger kuźnik we Roździyniu
Toż i ziyńć z niym robi teraz.

[broneknotgeld]

Kuźnik Zych

Zych sołtysym we Roździyniu
Z Salamonow łaski tako
Mioł kuźnica tyż w rzondzyniu
Pewno z biydy tu niy płakoł.

[broneknotgeld]

Jakub Brusek

Toż Jakuba ajza słucho
Z Zychym we kuźnicy robi
Kaj niy zbłońdzi cisza głucho
A fach hamernika zdobi.

[broneknotgeld]

Jan i Walynty

Syny Bruska kuźnikami
Walyntego znocie sami
Bo dziedzina ta rozsławioł
Literatym tyż se jawioł.

[broneknotgeld]

Sie sońdzioł

Sońdzioł sie Walynty ze Salamonowom
Choć łona dlo niego była zwiyrzchniom głowom
Bestoż princ na Pszczynie musioł cosik pedzieć
A że kuźnik przegroł - tako poszoł siedzieć.

[broneknotgeld]

Walynty Roździeński - kuźnik niwecki

Wyloz ze heresztu - z Roździynio wykludzioł
Bo na starych śmieciach gniyw se we niym budzioł
Rzońdzioł kuźnicami w końcu niweckimi
Co wele Mrzygłodu stanyły na ziymi.

Olbrycht Strumieński

[broneknotgeld]

Olbrycht Strumieński

Z Mysłowic istny pochodzioł przeca
Chocioż do Balic za niym poleca
Kaj u Firlejow rzondcom we dworze
Już gospodorzyć przi fiszach może

Z tego zasłynoł - zarybioł stawy
Skiż geldu przeca a niy zabawy
I ksionżka ło tych rybnikach spisoł
W cołki Koronie żeś ło tym słyszoł.

Jan Jerzy Badestinus

[broneknotgeld]

Jan Jerzy Badestinus

Piyrszy ło Zabrzu wiela szrajbowoł
Piyrszy w rankingu? Se wom wydowo?

Edward Czerny

[broneknotgeld]

11.06.1917 Zabrze (Hindenburg)

Ano se w Zabrzu Czerny urodzioł
Eberhard - take mioł miano
Tu po ańfartach i placach chodzioł
-Wspomniołch se ło tym jo rano.

[broneknotgeld]

"Nojwybitniejszy Zabrzanin"

Nojwybitniejszym możno niy bydzie
Dyć niychej w Zabrzu łon niy we "biydzie".

[broneknotgeld]

Wspołtworca festiwali

Ano, festiwali - ze tego go znocie
W Sopocie, Opolu do dzisioj dyć mocie
Tako i Kołobrzeg werci se wspominać
Fest krasioł muzykom już polsko dziedzina.

[broneknotgeld]

Łorkestra E.Czernego

Jazz na łorkestra - koncept karlusa
Ano - to szkryfnońć terozki musz
Co podpowiado nawet sumiynie
-Kunsztym przezocnym Czernego brzmiynie!

[broneknotgeld]

Niych i taki link tu bydzie
rajza.nazwa.pl/slazak.htm
Kery żyje możno przidzie.

[madohora]

„Ludzie śląska”

Ło takim chopie dzieci czasym słyszom
Ło nim dzisiej w książkach już niy piszom
Niy ważne jest imie, nieważne jest miano
Łon tym wyngiel kopie pod kopalni ścianom
Roz to bydzie Karlik, kiedy indzi Zdzichu
Łon ło swoje życie modli sie po cichu
Roz miyszko we Zabrzu abo kajś w Gliwicach
A może tyż nawet w Rudzie Bielszowicach
Łon tom szolom zjyżdżo, w kopalni otchłanie
Niyjedyn na zawsze już tam pozostanie….

[broneknotgeld]

Ło bergmona Ci tu idzie?
Wyloz z doły - wiyrchym bydzie
Dyć se czasy miyniom tako
Że i sztajger czasym płako.

[madohora]

broneknotgeld napisał:

> Ło bergmona Ci tu idzie?
> Wyloz z doły - wiyrchym bydzie
> Dyć se czasy miyniom tako
> Że i sztajger czasym płako.
***************************************
I sztajger i bergmon choć tak różni w pracy
Przed Bogiem przecież wszyscy my jednacy.

[broneknotgeld]

Do Barborki tyż rzykajom
Dyć patronce zowdy pszajom.

[madohora]

broneknotgeld napisał:

> Do Barborki tyż rzykajom
> Dyć patronce zowdy pszajom.

Ino łona czasym zaśnie
I na jakiś grubie czaśnie

[broneknotgeld]

Bywo i tako
Durś potym płako.

Erwin Sówka

[broneknotgeld]

Erwin Sówka 1936

Już mo Giszowiec tego karlusa
Chnet zabajuko, stanie na nogi
Ze kunsztym rośnie drapko tyż dusza
Dlo kery Ślonzek zowdy jest drogi.

[broneknotgeld]

Piytnoście rokow

Piytnoście rokow mioł Erwin prawie
Życie sie zdało jak śnik na jawie
Już na blejtrama pyndzlym sztrich dowo
Kunszt ze niym idzie - jako wydowo?

[broneknotgeld]

Coś ło niym prawiom
echomiasta.pl/index.php?option=com_content&task=view&city=katowice&id=8474&Itemid=46
Tako nom jawiom.

E.G.Meyer

[broneknotgeld]

Eduard Gustav Meyer - 31.XII.1834 Halle

Żeście ło tym coś słyszeli?
Szczyńście sie Meyerom ścieli!
Synka ślubno chopu rodzi
Eduard chnet po Halle chodzi
Czasym kompie we Soławie
Ktoś mu wroży życie w sławie?

[broneknotgeld]

Halle - Getynga

W Halle zaczoł sztudiyrować
Coby ludzi mog kurować
Chnet se przenios do Getyngi
Czy łoberwoł jakeś ciyngi?

Dyć pozmiynioł swoje plany
Już lazaryt mu niy dany
Inżinierym woli być
Tako przidzie dali żyć.

[broneknotgeld]

Wyższo Szkoła Gorniczo we Leoben

Sztudia wiod Eduard teroz w Austryji
Edukacyjo w bergmoński szkole
Dyć se niy łostoł we ty Styryji
Sławy niy spotkoł tako na dole.

[broneknotgeld]

We werkach

W roztomajtych werkach Eduard znod robota
Potrza doświodczynio - dyć to niy gupota
Przi produkcji przeca niy idzie zabowiać
No i ciyngym trzeba ludźmi reskiyrować.

[broneknotgeld]

Resita we Banacie (1858)

Tu ajzynhuta już nadzorowoł
Wtedy w madziarski była dziedzinie
Przi Rumuniji dzisioj dyć stowo
Ech - dziesiyńć rokow drapko mu minie.

[broneknotgeld]

"Germania" we Neuwied wele Koblyncji

Dyć wrocioł do Niymiec - taki werk na gowie
Roboty niy braknie - chyto se jyj czowiek
Nowe doświodczynia życie zowdy niesie
Meyerowi przeca ciyngym tego chce sie.

[broneknotgeld]

We Düsseldorfie

I tukej werkym chnet reskiyruje
Przemysł Meyera dyć potrzebuje
Wiedzom że z niego fachman jest wielki
Przi ajzie robić - niy duperelki.

[broneknotgeld]

Dortmund 1875

W epnym koncernie dyrechtoruje
Kery przi niymu rozkwito
Zajtom technicznom łon reskiyruje
-Jakby se ło to ktoś pytoł.

[broneknotgeld]

Dortmund 1879

Piyrszy roz w Niymcach stal wytopiajom
Nowom metodom Thomasa
Meyera sukces - wcale niy bajom!
Pokozoł jako mo klasa!

[broneknotgeld]

"Oberbedarf" 1880

Już widzymy go na Ślonsku
"Oberbedarf" dźwigoł bydzie
W Ballestremow znod se konsku
Przi Meyerze profit przidzie?

"Friedenshütte" ciynko przyńdzie
To co stare straty niesie
Dyć recesjo zdo sie wszyńdzie
Reformować jednak chce sie.

[broneknotgeld]

Wielke plany 1881

Przi wielkich piecach stalownia nowo
Koncept Meyera taki był prawie
Potym walcownia co glajzy dowo
No i trza blachow we ty "zabawie"

Z tym "Oberbedarf" bydzie w proficie
Dyć nowoczesność tyż coś kosztuje
Dlo huty we tym jest nowe życie
Toż grof Ballestrem plany przijmuje.

[broneknotgeld]

Koksownia Hoffmana 1881-1883

Przi epnych piecach tako stanyła
Ze koksu huta brała tyż siyła
Komor co roku jyj dokłodajom
We końcu dwiesta dziesiyńć aż majom.

[broneknotgeld]

Stalownia thomasowsko 1883/84

Drapko stanyła - cudym sie zdało
Wiyncy we wercie produkcjo cało
Dlo huty profit, ludzi - robota
Dyć niy godejcie ze to gupota.

[broneknotgeld]

40 000 ton surowki

Sztyry epne piece unowocześnione
Wiyncy ton surowki terozki dowajom
Modernizacyji werku to niy koniec
Na walcownie nowe chnet jom wylywajom.

[broneknotgeld]

Walcownia grubo 1885

Walcownia tako glajzy już dowo
Kerych na grubach durś potrzebujom
Tyż dwuteownik we łoczach stowo
Niy darmo wiyncy w Niymcach bydujom.

[broneknotgeld]

Walcownia blachy 1885

Gospodarka ruszo - blachy potrzebuje
Toż jom tyn werk prawie wiela wywalcuje
Geld se drapko wroci co fyrma wraziyła
-Oby recesyjo yno niy wrociyła.

[broneknotgeld]

Wytwornia tery i amoniaku 1885

Co wongel niesie tu niy zmarnuje
Tera, amoniak niy yno marzy
Markami sypnie kto potrzebuje
Akcjonariuszow profitym darzy.

[broneknotgeld]

Kuźnia 1886

Co trza do ciuchci, wagonow, maszyn
Już wykuwajom we kuźni naszy
Kraj cołki tego dyć potrzebuje
Co na Fryncicie huta wykuje.

[broneknotgeld]

Martynownia 1887

Piece martynowske, piytnostotonowe
Prawie ze tym rokym wybudowoł czowiek
Toż kapitał społki drapko podźwignyli
Dwanoście miljonow - Meiera chwolyli!

[broneknotgeld]

Katastrofa! 24/25.VII.1887

Gaz wiekopiecowy nocom eksplodowoł
Jakby koniec świata Fryncicie zwiastowoł
Wele epnych piecow kotły rozwalone
Zdało sie co hucie przidzie ze tym koniec

Koksownia, walcownia, na odlywni straty
Chnet by ło dwa piece werk był mniyj bogaty
Pożar po wybuchu tyż strowioł dość wiela
Som ofiary w ludziach - w żałobie sztela.

[broneknotgeld]

Łodbudowa 1887

Dyć se to wszysko cudym zdowało
Do końca roku produkcjo cało
Zaś rozkulano kej przed wybuchym
Meier popisoł sie mocnym duchym
Prawiom co świat se tymu dziwowoł
Jak huta w formie na powrot stowioł.

[broneknotgeld]

Fojerwera!

Majom już we hucie swija fojerwera
Łogyń drapci zdusi jakby prziloz teraz
Nic że ktosik godo -"Monrzy som po szkodzie"
Ze świyntym Florjanym trza im żyć we zgodzie.

[broneknotgeld]

Sztromwerk 1887

Sztrom se huta swoj wytworzo
Z chłodni para w niebo idzie
Koncept ludzki - łaska Bożo
Era sztromu przeca bydzie.

[broneknotgeld]

"Milowicer Eisenwerk" 1882

Ajzynhuta w Milowicach
Mo "Oberbedarfu" lica
By na mycie uszporować
Lepi tam coś produkować

Dyć niy śmierdzi geld łod cara
W rublach tyż godziwo miara
Kaj waluta co na złocie
Tam z gyszeftu wiela pociech.

[broneknotgeld]

Cugym ze huty! 1888

Już niy klajnbanom - normalne glajzy
Cug stoji w hucie - kraj czeko ajzy
Rok trzech kajzerow widzioł na tronie
Dyć huta blyszczy - dlo niyj niy koniec.

[broneknotgeld]

Nagrzywnice Cowpera 1888

Nagrzywnice luftu dyć terozki nowe
-Łoczyszczajom gazy już epnopiecowe
Profit dlo natury tyż niesie to przeca
Choć zdowo sie cołkym ze inkszego neca.

[broneknotgeld]

Gruba we Markuszowicach (Markdorf) 1890

Na słowackim Spiszu w cysorski Austryji
Znod se "Oberbedarf" niy skiż komedyji
Rudom ajzy przeca dziedzina słynyła
Dyć niy darmo społka gruba tu kupiyła

Wsod do pieca zocny - toż i stal jednako
Erbli co nojlepsze - Ballestrem niy płako
Co ze huty idzie teroz prima-sortym
Dlo grofa werk wiyncy łod złota jest worty.

[broneknotgeld]

Nowo walcownia 1895

Ze samych wylywkow co chcom już walcujom
Toż na Gornym Ślonsku tako durś przodujom.

[broneknotgeld]

Luftkolejka 1895

Wongel z "Brandynburga" jako transportować?
Ano - przeca idzie luftym hucie dować
Z Rudy na Fryncita furgać teroz zdo sie
Czy jak gafto na doł to mo wszyskich "w nosie"?

[broneknotgeld]

Bynzol z huty 1896

Już go tukej wytworzajom
Tera tako destylujom
Na tym profit wiynkszy majom
No i wongel uszanujom.

[broneknotgeld]

Fryncita 1898

Miasto Bytom łodsprzedowo
Ziymia we tym Czornym Lesie
Huta w tyn czas richtig zdrowo
Toż rozwijać dali chce sie

Geld wykłodo na dziedzina
Jako tyż bergmońske pola
Łojciec dbo przeca ło syna
Tako zdo sie Bożo wola.

[broneknotgeld]

Sztromwerk 1898-1899

Sztyry motory na gaz ze huty
Już sztrom werkowi tako dowajom
Koncept w tym djoska kery podkuty?
Jo na Meiera dyć niy zawajom.

[broneknotgeld]

+08.01.1889+

Nic żeś jeszcze wiela werkowi chcioł służyć
Śmiertka przi robocie do sia cie zabrała
Tref już niy zezwoloł ni dnia wiyncy użyć
Huta-żywicielka richtig żałowała

Ze niom i Fryncita we żałobie przeca
Straciyła czowieka co jom lata dźwigoł
Zdowoł sie z inkszego jakby richtig neca
Przed tym co niyleke nigdy łon niy migoł

Sto dziesiyńć już rokow przeszło łod dnia tego
Bestoż prawie kłada swoje ślonske strofy
Wspomna jak poradza Meiera zocnego
Dyć za prowda dzisioj niy śmiom wlepić sztrofy.

[broneknotgeld]

Dynkmal Meiera 1900

Stanoł przi bramie - jest na kolumnie
Meier zoglondo na huta dumnie
Patrzy kaj kawał dobry roboty
We kery widać durś jego cnoty

Pod niym hamernik podźwignoł rynka
Z ciynżki roboty niy yno mynka
Pomocnik prawie dyć łodpoczywo
Kto dynkmalowi dzisioj se dziwo?

[broneknotgeld]

"Ponie Meier"

Niy chciołś by prawiyli "ponie dyrechtorze"
Przeca prziszołś po to by ty hucie służyć
Wiedza, doświodczyne, hart ducha - moj Boże
Wszysko żeś poradzioł ku dobru w tym użyć

Przi werku rozkwito dyć richtig Fryncita
Bez tego by chyba ciyngym lasym była
Hamernika czeko we doma kobiyta
Ze ajzy niyjedna familjo tu żyła

Tyś tyż swoja cegła na wieki położoł
Niychej pamiyńć tako we ludziach łostanie
Przeciw tymu richtig być se ktosik wożoł?
Hańbom jakby kajsik mioł twoje staranie

Dyć se we mogile przewrocać niy musisz
Znojść idzie durś ludzi co cie w zocy majom
Wyrwać ze pamiyńci nawet som niy skusisz
Jo, choć ślonskim rymym, wcale tu niy bajom.

[broneknotgeld]

"Ponie Meyer"

Dynkmal miołś przi werku - stanońć juzaś musi
To co skuli wojny Fryncita straciyła
Czas już zdo sie na to - złe do zła niy skusi
Wrocić trza dziedzinie czym piyrwyj asiyła.

[broneknotgeld]

Mioł swoj dynkmal na Fryncicie
Czy zaś bydzie - co powiycie?

www.dziennikzachodni.pl/artykul/506087,pomnik-meiera-wroci-do-nowego-bytomia,id,t.html

[broneknotgeld]

Eduarda Meiera
Wspomnieli zaś teraz
www.dziennikzachodni.pl/artykul/799899,list-do-dz-rondo-im-kaczynskich-w-rudzie-slaskiej-zenujacy,id,t.html

[broneknotgeld]

Mie tyn dynkmal kusi
www.dziennikzachodni.pl/artykul/802679,stowarzyszenie-slazakow-za-likwidacja-ulicy-gwardii-ludowej,1,2,id,t,sm,sg.html#galeria-material
Zdo sie - wrocić musi.

[broneknotgeld]

Na Gorzelika

Boł marszałkym
Dyć już ni ma
Chnetko całkym
Przidzie zima
Ponoć Polska fest zmroziyło
Co Ślonzokom przitrefiyło.

[broneknotgeld]

Dni pora
Boł wyży
Kaj "zmora"?
Z niom niży?
Ślonzoka niy dziwo
Kej "macocha" kiwo.

[broneknotgeld]

Werci sie promować
www.wiadomosci24.pl/artykul/dziedzictwo_ballestremow_175604.html
Link kajniykaj dować.

[broneknotgeld]

"Ślonske zdrzadło"
www.wiadomosci24.pl/artykul/slaski_wiech_jerzy_buczynski_132180.html
Niy dziwadło.

[broneknotgeld]

W zielone grajom?
rudaslaska.naszemiasto.pl/artykul/717640,dlugopisgate-radny-sejmiku-chce-odwolania-gorzelika-z-wladz,id,t.html
Czy za fest pszajom?

[broneknotgeld]

Poł miljona ktoś rachuje
www.dziennikzachodni.pl/stronaglowna/357354,pol-miliona-ludzi-poda-w-spisie-narodowosc-slaska,id,t.html
Mie i ćwiortka uraduje
Ważne bydzie to przi wiośnie
Że powiymy - ślonskość rośnie!

[broneknotgeld]

RAŚ sie "spalikotyzuje"?
Czy Palikot "zeRAŚuje"?
rudaslaska.naszemiasto.pl/artykul/738464,palikot-w-rozmowie-z-dziennikiem-zachodnim-slask-powinien,id,t.html
Ano - rok welunku momy
-Sobom być zapominomy?

[broneknotgeld]

Kej godka wspiyro
rudaslaska.naszemiasto.pl/artykul/741522,twarze-rudy-slaskiej-krystian-galuszka,id,t.html
Na wiyrch zaziyro

[broneknotgeld]

Werci sie poczytać
www.dziennikzachodni.pl/stronaglowna/360352,gorzelik-specjalisci-od-slaska-z-bydgoszczy,id,t.html
Dyć czy potrza pytać?

[broneknotgeld]

Wiosynny register 2011

Jako ło tym pedzieć?
www.youtube.com/watch?v=-BNn2AUNRV4&feature=watch_response
Trza choć tela wiedzieć!

[broneknotgeld]

A dyć niy ma cołkym źle
katowice.naszemiasto.pl/artykul/757252,badania-mieszkancy-poprzemyslowego-slaska-zyja-przeszloscia,id,t.html#c579fd383c3580fd,1,3,5
Kej sie nom durś cosik chce.

[broneknotgeld]

Do Mysłowic kuknońć przidzie
www.dziennikzachodni.pl/stronaglowna/362866,myslowice-wernisaz-wystawy-deportacje-gornoslazakow-do-zsrr,id,t.html
Z lutym tam wystawa bydzie.

[broneknotgeld]

Gornoślonsko tragedyjo
www.youtube.com/watch?v=u-cD73hXwzY
Tyż ciekawo relacyjo

[broneknotgeld]

Jako poseł Plura pedzioł
www.marekplura.pl/
Kuknij tam, a bydziesz wiedzioł.

[broneknotgeld]

Ze Ślonzokym
dyrś mecyjo?
www.jankolodziej.neostrada.pl/akt.html
Idzie krokym
kaj nacyjo?
Ani Niymiec, ani Polok?
Dlo łobydwu jako bolok?