Podkarpackie - Bieszczady

[broneknotgeld]

Wojewodztwo Podkarpackie
W Rzeszowie stolica
Woloł zwać bych je - bieszczadzkie
Szczyńśliwsze z tym lica.

[broneknotgeld]

Łostały ślady

Ślady po wsiach se łostały
Na bieszczadzkim szlaku całym
- Łemki Bojki Pogórzany
Dom rodzinny wom zabrany.

[broneknotgeld]

Ciyngym

Ciyngym coś prawiom zocne Bieszczady
Ło tych po kerych łostały ślady.

[broneknotgeld]

"Siwe Wiry"

Buk ze jodłom w rezerwacie
Karlus z frelom na sabacie.

[broneknotgeld]

Podkarpacko ziymia
Jako ciongnońć tymat?

[broneknotgeld]

Kedyś se wybiera
Dyć prawie niy teraz.

[broneknotgeld]

W Bieszczedy

Do Szwajcarji niy pojada
Wander styknie po Bieszczadach.

[broneknotgeld]

Rezerwat "Progi Skalne"

Na rzeczce Hoczewce progi take chroniom
Z niyj wody do Sanu po tych hopsrach goniom.

[broneknotgeld]

Na hucule

Se po Hucułach konie łostały
Jako Bieszczadow tyż skarb niymały.

[broneknotgeld]

W bieszczadzkich cerkiewkach

Dzwiyrza i łokna z połednia majom
Toż skuli słonka - bestoż niy wajom
W środku z połnocy znojdujesz djoska
To już zodziwio możno niy troszka.

[broneknotgeld]

Ech, trza by zaś "pokowbojić"
Na tym forum cosik zbrojić.

[broneknotgeld]

broneknotgeld napisał:

> Ech, trza by zaś "pokowbojić"
> Na tym forum cosik zbrojić.
Po podkarpacku
czy po bieszczadzku?

Szlak Architektury Drzewniany

[broneknotgeld]

Szlak Architektury Drzewniany

Wiela na tym szlaku cerkiewek nojdziecie
Czasu niy stracicie kej podziwujecie.

[broneknotgeld]

Drzewniane świontynie

We Bieszczadach perełkami
Dyć sie przekonejcie sami
I pozwiydzać je wybiercie
Przeca tego som we wercie.

Michniowiec

[broneknotgeld]

Michniowiec

Wioska wele Ukrainy
Cerkew wos zodziwi driny
Dyć niy ino, toż kuknijcie
Kej sie werci tako chciyjcie.

[broneknotgeld]

Michniowiec 1527

Z woli Zygmunta jest lokowano
Z tym dlo ty wioski zdowo sie rano.

[broneknotgeld]

Cerkiew w Michniowcu 1557

Ano - już wtedy cerkew dźwignyli
Przeca ze Bogym żyjom i żyli
Dyć po ty piyrszy nic niy łostało
Drugi fest bydzie sie tu dziwało.

Sanok

[broneknotgeld]

Pomnik Dobrego Wojaka Szwejka

Szwejk na ławce se tu zicnoł
W rynce czimie faja
Przinios szczyńście do Sanoka
Choć czasym jest haja.

[broneknotgeld]

Jego nos

Mo utropa z nosym Szwejk
Toż łon przeca niy jest szejk
We miljonach szczyńście widzom
Trzić mu nosa sie niy wstydzom.

[broneknotgeld]

Skansyn

Chałupom z Beskidow i Bieszczad se dziwej
Nojwiynkszy ich skansyn - gowom tako kiwej.

[broneknotgeld]

Park Etnograficzny

Nojwiynkszy polski skansyn w Sanoku
Toż przi zwiydzaniu niy zwolniej kroku.

[broneknotgeld]

Cerkiew z Ropek

Dziwosz se jyj we skansynie
Kunsztym piyrszo w ty dziedzinie?
Kaj zocniejszy dzisioj szukać?
We Bieszczadach możesz klupać.

[broneknotgeld]

SANOK

Województwo podkarpackie, powiat sanocki
gmina miejska
---
Powierzchnia: 38,08 km2
Liczba ludności: 40633
Pierwsza wzmianka historyczna: 1150
Lokacja miasta: 1339
---
Kościół pw. Św. Michała Archanioła – XIV-XVIII w.
po pożarze rozebrany
--------------
Sanok

Princ halicki Jerzy tyn Sanok lokowoł
Ze władcami Polski po swojemu zwmowioł
Prawym magdeburskim te miasto stanyło
Na Rusi halicki piyrsze take było

Dyć bojary struli drap władce swojego
Drap sztela halicko Kazika Wielgego.

Cisna

[broneknotgeld]

Cisna

Cisna w kotlince spokojnie leży
Co jeji skarbym? -Możecie wierzyć
Gory a na nich te połoniny
Bestoż zoglondnij do ty dziedziny.

[broneknotgeld]

Nad solinkom

NadSolikom se trocha tyż poszpacyruja
Gyry w niyj zatonkom choć ziomb wody czuja.

Solina

[broneknotgeld]

Solina

Jako w Bieszczadach minońć Solina?
Toz perłom zdo sie naszo dziedzina.

[broneknotgeld]

Jezioro Solińskie

San przegrodziyli epnom zaporom
I zrychtowali take jezioro
Kere zabrało ziymi wsi pora
A było prawie to jakby wczora.

[broneknotgeld]

Zapora na Sanie 1968

Na bezrok klupnie sztyrdziści rokow
Przyńdź ta zapora - trza wiela krokow.

[broneknotgeld]

Staro Solina

Staro solina wodom zalono
Nad niom piyńdziesiont metrow jest pono.

[broneknotgeld]

Solińsko plaża

Jakoś ło niyj jo niy marza
Kamiynisto przeca plaża
Piosek złoty zowdy wola
Take brzegi ciyngym chwola.

Lesko

[broneknotgeld]

Lesko

Zicło se Lesko przi samym Sanie
Gyszynk łod rzeki jaki dostanie?

[broneknotgeld]

Lesko Kmitow

Piyrwyj to łod Kmitow było
Z twierdzy Sobień tu trefiyło
Im sie wkludzić dlo wygody
Lesko - grod już niy za mody.

[broneknotgeld]

Boł zech w Lesku na feryjach
Być tam jeszcze roz dozyja?

Krosno

[broneknotgeld]

Krosno

Siedym wiekow Karpaty nasze Krosno krasi
Toż se tu niyjedyn zocnym grodym asi.

[broneknotgeld]

"Krośnieńskie Karpackie klimaty"

Ze końcym siyrpnia tako impreza
Co galicyjske serca raduje
Głośno w Bieszczadach - jo tymu wierza
Toż skuli tego mie rym se suje.

[broneknotgeld]

broneknotgeld napisał:

> "Krośnieńskie Karpackie klimaty"
>
> Ze końcym siyrpnia tako impreza
> Co galicyjske serca raduje
> Głośno w Bieszczadach - jo tymu wierza
> Toż skuli tego mie rym se suje.
Słowok i Madziar ze Ukraińcym
Na te "Klimaty" zjyżdżo do Krosna
Przeca zabawa ich niy umynczy
Grod przi poszocielach tyż godo - "Rosna".

[broneknotgeld]

Na Starowce

Na Starowce w dziyń "Klimatow"
Madziar se Słowakym pije
Ukrainiec szuko bratow
Ze Polokym w zgodzie żyje.

[broneknotgeld]

Festiwal Wina Madziarskego

Szkot Robert Portius winym handlowoł
Fundnoł przi farze zocno kaplica
Tyż swoje miano imprezie dowo
Z madziarskim winym wesołe lica.

[broneknotgeld]

Pałac Biskupi

Sie w niym z biskupym już niy prziwitom
Dyć ło naftowe ample zapytom
I glas co kunsztym naprowdy słynie
Niy yno we ty zocny dziedzinie.

[broneknotgeld]

Stary cmyntorz (XVIII w.)

Ło historyji Krosna coś prawi
Downych miyszkańcow i dzisioj jawi.

[broneknotgeld]

Kirkut (XIX w.)

Ech - zdo sie jako z inkszego świata
Czasy niydowne - dlo grodu strata
Bo Żydy Krosnu wiela dowali
Niym se tu dlo nich świat zaczoł walić.

[broneknotgeld]

Muzeum Podkarpacke

Pałac Biskupi kozdego wito
Kto se ło ample na petrol pyto.

[broneknotgeld]

Sie podziwo

Kaj Lubartowka we Wisłok wpływo
Tam sie na Krosno Wandrus podziwo.

[broneknotgeld]

"Mały Krakow"

W wieku siedymnostym już prawiyli tako
Dyć przeca skiż tego te Krosno niy płako.

[broneknotgeld]

Dynkmal Mikołaja Kopernika

Przi I Liceum znojdziecie we Krośnie
Szkolorz tu pod łokym Kopernika rośnie.

[broneknotgeld]

Krośniyńsko fontanna

Ano - na rynku zowdy we nocy
Blask jeji kożde raduje łocy.

Iwonicz Zdroj

[broneknotgeld]

Iwonicz Zdroj

W Beskidzie Niskim potok tyż majom
Co Iwonicki - wcale niy bajom
Dyc nad niym prawie te uzdrowiski
Skarbym czowieka zdrowie - to wszysko

[broneknotgeld]

Iwonicz 1578

Dochtor krola Batorego
Wojciech Oczko chycioł tego
Chwoloł iwonicke wody
Ze tym wszyscy som do zgody.

[broneknotgeld]

Za Załuskich

Za grofow Załuskich w dziewiytnostym wieku
Iwonicz rozblysnoł - wiydz ło tym czowieku
Dzisioj w ich pałacu Zdroju Dyrekcyjo
A w Domu Zdrojowym - kino - kryjolyjo!

[broneknotgeld]

"Bioły Orzeł" - 1912

"Bioły Orzeł" tyż zielony
Prawie take mo balkony
Tu szwajcarskim mustrym blyszczy
Czasym ktoś przi niymu "piszczy".

[broneknotgeld]

Kino "Wczasowicz"

Kino "Wczasowicz" - tako tu majom
W Domu Zdrojowym, dyć jo niy wajom.

[broneknotgeld]

Restauracyjo "Galicja"

Miano wcale niy dziwuje
Kuracjuszow fest raduje
Tu sie nawet potańcujom
Tako ruchymn tyż kurujom.

[broneknotgeld]

"Źrodło Józefa"

Zocno budka z kolumnami
Jasnomodro - wiycie sami
A kolumny cołkym biołe
Zdo zie nawet co wesołe.

[broneknotgeld]

Pijalnio Wod Mineralnych

Ech, te kolumny w bluszcz łobleczone
Ech, wody zdroju niyłocyniona
Idzie sie tukej z kimś zakamracić
Ciało i dusza tako bogacić.

[broneknotgeld]

"Bazar" - XIX w.

Żołto wieża ze zygarym
Toż tyn "Bazar" już dość stary
Piyrwyj hotel luksusowy
Historyjo - ktosik powiy.

[broneknotgeld]

"Stary Pałac" - 1838

Piyrwyj Załuscy żyli tu latym
Dyć pałac dzisioj tyż niy sagaty
Stond uzdrowiskym durś zarzondzajom
Ło zocnych grofach niy wspominajom?

[broneknotgeld]

Iwonicko borowina

Ech, se torfym tu kurujesz
Muskle bolom - ulga czujesz
Stawy dychnom przi tym tyż
Z nerwow bol mosz - przyńdzie - wiysz.

[broneknotgeld]

Badywanna ze solankom

Ze solankom badywanna
W niyj niy yno sago panna
Dyć kurować ci tu przidzie
Kej coś boli - lekci bydzie
Kej mosz cosik zapolone
Drapci ze utropom koniec
Dychnom nerwy - dychnom kości
Zdrowio wiyncy - z tym radości.

Strzyżów

[broneknotgeld]

STRZYŻÓW

Województwo podkarpackie, powiat strzyżowski
gmina miejsko-wiejska
---
Powierzchnia: 13,89 km2
Liczba ludności: 8848
Pierwsze nadanie praw miejskich: XIV w.
---
Brak kościoła pw. Św. Michała Archanioła
----------------
Strzyżōw

Kaj sie Stobnica z Wisłokym zlywo
Grōd stoł już downo – niychej niy dziwo
Iże princ Wiślan podźwigoł tukej
Strzeżno – w tym miana piyrszego szukej

Prziszli Pepiki, prziszli Polany
W kōńcu Bogoriōm tyn grōd bōł dany
Potym Tatary ciyngym go polōm
Dyć je do dzisioj – ludzkōm to wolōm.

Brzozów

[broneknotgeld]

BRZOZÓW

Województwo podkarpackie, powiat brzozowski
gmina miejsko-wiejska
---
Powierzchnia: 11,46 km2
Liczba ludności: 7836
Lokacja miejscowości: 1359
---
Brak kościoła pw. Św. Jana Chrzciciela
-------------
Brzozōw

We lesie brzozowym wioska podźwigano
W prawie magdyburskim przez krōla nadano
Kaj rzeka Stobnica, wele Domaradza
Przeniyść jōm na gōrka niy jo im poradza

Dyć sie tako stało, pewnikiym to wiycie
Brzozōw ze tym erbnōł jakby nowe życie
Ze łaski Jagiełły drap miastym tyż stowo
Do dzisioj sie żyje we dziedzinie zdrowo.