Ksiynstwo Świdnicko-Jaworske

[broneknotgeld]

Ponoć se te ksiynstwo we Polsce nom dźwigo
Stolicom Świdnica - toż niych sie niy migo.

[broneknotgeld]

Ksiynstwo Piastow

W czinostym wieku ksiynstwo powstało
Te "złote roki" tyż przeca miało
Złe czasy jednak wszysko to przetnom
-Prziszły ze wojnom czidziestoletniom.

[broneknotgeld]

Liga Polskich Miast i Miasteczek UNESCO

Świdnica z Jaworym "Liga" zrychtowała
Toż bydzie ło piniondz se łona starała
Coby zocne miasta juzaś nom blyszczały
Miano "pereł ślonskich" niy cufalym miały.

[ksiaze_brzr]

No tak co przyznać to przyznać było to najbogatsze księstwo na śląsku. Heh no
maja bajerancki kosciół pokoju, postawiony tylko z drewna słomy i gliny! ani
gwoździa tam niema ani koncka metalu. co jeszcze jest godne uwagi to
średniowieczna katedra, ino lekko zeszpecona barokowym daszkiem :( No i pikny
rynek. Między Świdnicą i Jaworem jest mnustwo przepięknych niestety
opuszczonych pałaców. Kiedys miałem okazje spędzić tydzień wakacji przy jednym,
no w sumie to był klasztor z XVIw. Dobudowany do Wierzy Rycerskiej z XIV w.
któa stała przy oryginalnym kościółku romańskim z XIII w. Jak kieryś z Wos
bydzie jochoł z Świdnicy do Jawora to nich się obado ten zespół klasztorny w
Wierzbnie jest pikny!

A za moja łamano godka to jo by chcioł przprosić.

[broneknotgeld]

Hehe - witom "ksiyńcia".
Ło Ty dziedzinie jeszcze wiela bydzie tukej szkryfnione.
Trza yno ździybko poczkać.

[broneknotgeld]

Hehe - trza tyć pamiyntać ło zasadzie "nic ło nos bez nos".
Toż niych i na świdnickim forum se poczytajom
forum.gazeta.pl/forum/72,2.html?f=239&w=37599667

[broneknotgeld]

Kultura

Kultura durś dźwigać w cołkym ksiynstwie czeba
Łona czasym bywo jako konsek chleba
Rożniste festyny zocne festiwale
Imprez roztomajtych niy braknie tu wcale.

[broneknotgeld]

Piniondz

Niychej ci ze ksiynstwa pamiontka łostanie
"Floryn" abo "grajcar" tu przeca dostaniesz.

[broneknotgeld]

Powiaty ksiynstwa

Świdnicki jaworski tako dzierżoniowski
Tyż kamiynnogorski z wałbrzyskim do tego
Cuzamyn w to wszysko dokłodajom troski
By dziedzina dźwigać łod ksiynstwa zocnego.

[broneknotgeld]

Niy zoglondoł żech tam dugo
Tako ksiynstwo do mie mrugo.

[broneknotgeld]

Przidzie jeszcze na to czas
Z rymow nom wyrośnie las.

[broneknotgeld]

Dyc czy jaworowy?
Tako pytom gowy.

[broneknotgeld]

Tymu niy dziwejcie
Lajki lepi dejcie.

ks-j.com.pl/index.php?lang=pl

Świdnica

[broneknotgeld]

Świdnica

Świdnica perełkom jest ksiynstwa istnego
Niychej jyj niy braknie słowa wionzanego
Jo w hołdzie dać moga proste ślonske rymy
Łod sia tyż coś wciepcie - niy bojcie se trymy.

[broneknotgeld]

Ze handlu

Ze handlu ślonsko Świdnica zyła
Tako zasobno we dobra była
Atłas arrasy i adamaszek
Tuś kożdy strojny tyż kupioł łaszek

Imbir i szafran oieprz i rodzynki
Wiela grosiwa lazło do rynki
Sie na gyszefcie kupce bogacom
Ze siedymnostym wiekym dyć tracom

[broneknotgeld]

Muzeum Downego Kupiectwa

We Świdnicy je znojdziecie
Na ratuszu zrychtowane
Rosło tym gyszeftym przecie
Miasto przez wos łodwiedzane.

[broneknotgeld]

Piwniczki świdnicke

Piwniczki świdnicke zasobne we piwo
W średnioweczu tako nikogo niy dziwo
Że na piwowarstwie szczyńście miasta stoji
Tu kożdy piwowar se dwoji i troji.

[broneknotgeld]

Świdnicke piwo Europa znała
Wschoz zachod połnoc no i połednie
Tako łod downa forsztelowała
Choć inkszych wiela - łone durś przednie.

[broneknotgeld]

Ciymne piwo świdnicke

Z czinostego wieku już tym piwym słynie
Ponoć take ciymne yno w ty dziedzinie.

[broneknotgeld]

"Piwnica Świdnicko"

Toż piwo świdnicke niy łomijo Wrocka
W tamtejszym ratuszu wypiyli go mocka.

[broneknotgeld]

We Kijowie

Bojar z Kijowa
Mo tyngo gowa
Dyć jak świdnicke piwo wypije
Zdo mu sie - ze tym dopiyro żyje.

[broneknotgeld]

W Budapeszcie

Piyli te piwo i w Budapeszcie
Ciymne świdnicke - dyć tymu wierzcie.

[broneknotgeld]

We Pradze

Ło co Praga zaś se wadzi?
Piwu świdnickymu radzi!

[broneknotgeld]

We Heidelbergu

Niymiec w biyrze tym gustuje
Smak Świdnicy we niym czuje.

[broneknotgeld]

We Pizie i Medjolanie

Toż Italyjo tako je pije
Piwo świdnicke - ze niym se żyje!

[broneknotgeld]

Dyć przez duge lata wdycki
Gorom browar był świdnicki.

[broneknotgeld]

Świdnicko aptyka 1330

Ponoć we tym roku już jom zrychtowali
Czy sie świdniczany wiela kurowali?

[broneknotgeld]

"Jak byk zdrowy" - zocne życie
Kaj medykamynta - wiycie!

[broneknotgeld]

"Pod bykami"

W kamiynicy "Pod bykami"
Jest aptyka - sprowdźcie sami.

[broneknotgeld]

Manufaktura "Chocoffee"

Piyrwyj piwym sie asiyła - teroz szokoladom
Mo Świdnica ciyngym siyła - jakoś w przodek jadom.

[broneknotgeld]

Świdnicke praliny

Na bretoński muster praliny tu robiom
Tako dzisioj miasto szokoladom zdobiom.

[broneknotgeld]

Bez praliny?

Toż niy robcie taki miny
Czym Świdnica bez praliny?

[broneknotgeld]

Wieść ło kongresie
www.kongresregionow.pl/
Niych sie rozniesie.

[broneknotgeld]

Do Świdnicy dość daleko
Dyć link na to yno czeko
www.dziennikzachodni.pl/artykul/786139,laduniuk-slazakom-pozwolono-na-pokoj-slowakom-na-artykuly,id,t.html

[broneknotgeld]

Kej na Ślonsku toch je rod
Żech na tekst takowy wpod.

ttg.com.pl/najstarsza-restauracja-w-europie-znajduje-sie-w-polsce/

Wałbrzych

[broneknotgeld]

Zamek Nowy Dwor

Jest żeś we Wałbrzychu - na Nowy Dwor wdepnij
Ciekawo ruina - łokym na nia ciepnij
W jedynostym wieku stoł tu grod warowny
A som zmek przeca tyż naprowdy downy

Jak Jorg z Podiebradu Ślonzek do sia zgarnoł
Tyn zamek był zocny choć prziszłość mioł marnom
Bo po wojnie przeca - tyj czidziestoletni
Dzieje tego zamku jakosik już przetli

Ponoć tu we lochach - jak legynda głosi
Skarb łod raubritterow łodkrycio sie prosi
Wiela w tym jest prowdy? Możno sie łokoże
Bo cosik szukajom w starym Nowym Dworze.



Lisio Sztolnia

We przesławny tyj "Fuchs" grubie Lisio Sztolnia była
Kero nawet i krolewsko para łodwiydziyła
Dziynki sztolni Wałbrzych przeca był u możnych w zocy
Bo chcieli te ślonske cudo łobejrzeć na łoczy

Pomysł to był łod Redena by wongel suć w łodki
Potym spławiać je do ujścio we czasie dość krotkim
To sie dzioło durś bez tydziyń dyć czynsto w niydziela
Turystom tu fondowali uciechy za tela

Kto chcioł płynoł przeca łodkom do sali Schuckmana
Wielki i ze kolumnami - loli tam szampana
Fajer piykny we niyj mieli - wiela sie bawiyli
No a potym zaś na łodkami na cyku wrociyli

Pewnie dugo flisok tukej by se powiosłowoł
Dyć czas na tym naszym Ślonsku w miejscu niy przistowoł
Woda znikła a na spongu glajzy położyli
Teroz po nich yno wozki koniami ciongnyli

Jak czas pary sie rozkryńcioł na pełne łobroty
Szachtow ludzie namnożyli no i bestoż potym
Zapomnieli ło tyj sztolni ło wodzie ło torze
Możno teroz coś z tym zrobiom - Szczyńść im Panie Boże.

[broneknotgeld]

Latoś do Wałbrzycha kukna?
Zaś tu coski potym blukna?

[broneknotgeld]

Żech niy trefioł wcale tam
Kusioł cołkym inkszy kram.