Europa po ślonsku (II)

[broneknotgeld]

No i zaś jo musza ciongnońć
By Europa w Ślonzek wprzongnońć.

[broneknotgeld]

Tyn słownik se tukej tyż nikerym przido
forum.gazeta.pl/forum/72,2.html?f=28940&w=8707774
Wiela ślonskich rymow przeca forum wydo.

----

Zwiydzić Klub Sztrasburski
yno w jedyn rok
forum.gazeta.pl/forum/72,2.html?f=28940&w=46991052
To richtig ciekawy
dlo wandrusa krok.

[broneknotgeld]

Ano - niych świynto
forum.gazeta.pl/forum/72,2.html?f=28940&w=8297529&a=59604772
Forum pamiynto.

[broneknotgeld]

Niych se wontek w gora dropie
Styknie rymow ło Europie.

[broneknotgeld]

Maryjo Krolowo Polski
Dwanoście gwiozdek nad Tobom
Maryjo Królowo Polski
Gwiozdek tych strzimać niy mogom?
wyborcza.pl/1,75478,15110171,Pawlowicz_o_fladze_UE__Jakas_unijna_szmata.html

Europejsko Stolica Kultury

[broneknotgeld]

Wciongło to i Katowice
Dyć nic z tego - dobrze wiycie.

[broneknotgeld]

Katowice?

Jeszcze dugo niom niy bydom
Dyć pewnikym kejś dran przidom.

[broneknotgeld]

Do trzech razy sztuka
Ze tego nauka?

Belgia

[broneknotgeld]

Belgio

Belgio z belgijokym mi sie durś kojarzy
Krolik we chlywiku tyż sie zaroz marzy.

[broneknotgeld]

Ło Flamandzie

Wspomnij Flamandowi tyn jynzyk flamandzki
Zarozki ci powiy że to niderlandzki.

[broneknotgeld]

Belgjo
---
Kejś ziymie Belgōw Rzymiany chycōm
Potym tu Franki swoje uklycōm
Flandrjo bogaci
Dyć coś tyż straci
Choć i Burgundy trocha tu świycōm.
---
Z wianym Habsburgōw dziedzina stała
Skiż religiji niyszczyńść zoznała
Na psinco siyła
Tōż podzielyła
Wiara w Krziż wtedy niy kuplowała.
---
Po rewolucyji, po Napoleonie
Zdało co szajdōngu prowincyjōw kōniec
Dyć krōtko zetrwało
Niy pokuplowało
Belgjo idzie sama z Koburgym na trōnie.
---
Niymce jōm mynczōm we wielgi wojnie
Przi drugi ciynżko, fest niyspokojnie
EWG uścieli
Sztela we Brukseli
Przidzie w Uniji jyj żyć dostojnie.

[broneknotgeld]

Trza ty Belgji bardzi chycić
Wiyncyj rymow ło niyj sklycić.

[broneknotgeld]

Celty – I tysiōclecie p.n.e.

Celty we Europie swoje napochali
Nad „Śrōdziymnomorzym” lyża zakładali
Kaj dzisioj je Belgjo tyż jejich dziedzina
Tako niy dziwejcie – Celtōw niy ômina.

Pewno spytocie

Archeologōw pewno spytacie:
Kaj ślady Celtōw w Belgiji mocie?
Ôdpedzōm iże ich sam za tela
Mie tego styknie, choć małowiela.

Celty – V w. p.n.e.

W zachodni Europie i tyż we środkowy
Celty chnetko wszyndy – archeolog powiy
Rzymiany Galami ich z czasym mianujōm
Przidzie tyn czas iże gynau zawojują
Plymiōna celtycke choć bitne być miały
Sie potyndze Rzymu w kōńcu poddowały.

[broneknotgeld]

Mono trza pocisnōńć to?
Jako wōm sie richtig zdo?
www.facebook.com/groups/332939560673928/posts/1277300209571187

Bruksela

[broneknotgeld]

Stolicom komiksu belgijsko Bruksela
Smurfy nagodały by ci ło tym wiela
Na takim kryklaniu łod lotek sie znajom
Bestoż tyż Muzeum Komiksu tu majom.

Antwerpia

[broneknotgeld]

Biołe piwo ponoć ta Antwerpio zno
Jo zaś "tyske" wola co swoj kolor mo.


Dom Rubynsa

Dom Rubynsa w Antwerpii połoglondać idzie
Zowdy pamiyńć ło niymu już tukej żyć bydzie.



Rubynsowsko linio teroz niy jest w modzie
Dzisioj anorekcjo rzońdzi sie w urodzie.




Przi katedrze na rynku Rubyns dzisioj stoji
Ło te swoje płotna nic sie już niy boji
W świontyni tyż przeca som jego tryptyki
Ciepnij na nie chocioż ze dwa twoje bliki.



Muzeum Morske w zamku prastarym
To tyż atrakcjo jest wielki miary.



Antwerpsko legynda

Druon Antigon port tu założoł
Kupcow tym do sia fest nyńcioł
Dyć sie nad nimi pierońsko srożoł
I krod im towor ze chyńciom

Czynsto kupczyki bronić sie chcieli
A z niego siłocz był przeca
Ucinoł rynce i do topieli
Rzece je ciepoł we necach

Jednak na niego tyż kryska prziszła
Bo Brabo Sylwiusz był hardy
Z kikuta zboja mocno krew trysła
Rynka zaś zabroł nurt Skaldy

Niy dziw sie teroz fontannie ichni
Co na antwerpskim jest rynku
Za zdrowie Braba piwo se gichni
Niy mortw Druona se mynkom.


Belgijok w biołym winie

Co w Antwerpii jedzom? Ano belgijoka
W biołym winie duszom dyć tego boroka
I śliwkom suszonom nafilujom jeszcze
Niebo w gymbie potym - naprowdy mi wierzcie.

Holandia

[broneknotgeld]

Holandjo

Tulipany i wiatraki
Kraju tego piykne znaki
Narkotyki możno jeszcze
Dyć mie zaroz bierom dreszcze!

[broneknotgeld]

Holandio w Europie

Ponoć takego państwa tu niy ma
Tako by tyż szło zaczońć tyn tymat
Toż przeca wiymy - som Niderlandy
W kerych doszukosz se dwoch Holandii.

Amsterdam

[broneknotgeld]

Ponoć Wenecjo jest Amsterdamym
Łod dziejow gyszynk taki im dany
Yno gondole som richtig włoske
No bo kanały tu i tam boske.

[broneknotgeld]

Blikom na Amsterdam

Coś z Wenecji i Paryża ze ździybkym Londynu
Na Amsterdam tako blikom durś z wesołom minom.


I amsterdam Card

Na czi dni karta se wykup bracie
Forsy niy żałuj jak stare lacie
Dyć ze ty karty profitu wiela
Jak richtig poznać chcesz gryfno sztela.


11 miljonow

Co rok zoglondo wandrusow tela
Na tyn Amsterdam zdo sie to wiela
Dyć niychej kożdy bliknie se tukej
Takego cudu kaj ińdzi szukej?

[broneknotgeld]

Oceanarium

Oceanarium tukej we zoo
Niyjedyn ze tym uciecha mo.

Brunssum

[broneknotgeld]

Brunssum

W Limburgii miasto takowe znocie?
We Polskim Domie tam wiela pociech
Choc gruby downo pozamykali
Dyć tyn nasz bergmon siedzi tam dali
Toż Niderlandy - tukej mu lepi
Ze satelity Polskom se krzepi.

Gouda

[broneknotgeld]

Gouda

Jakbyś łoboczoł ze kyjzy hołda
Pewnikym bydzie to jejich gouda
Z miasta Holandji nazwa sie wziyła
W cołko Europa pryndko ruszyła.

Utrecht

[broneknotgeld]

Utrecht

"Domtoren" nad miastym jak gdyby kroluje
Ty wieży kościelny kożdy se dziwuje
W cołkich Niderlandach lona wiedzie prym
Był żech we Utrechcie toż przeca to wiym.

Zwolle

[broneknotgeld]

Zwolle

Pod Hanzom se żyło
Warowniom tyż było.

Middelburg

[broneknotgeld]

Middelburg

Niy trza wcale być Flamandym
By tam trefić we Zelandii
Toż prowincji jest stolicom
Bestoż tyż se nim zochwycom.

Maastricht

[broneknotgeld]

Maastricht

Tukej ta UE se narodziyła
Choć ze EWG jest jeji siyła
Traktat był przeca tu podpisany
Łod historyji znak jakby dany.

Haga

[broneknotgeld]

"Madurodam"

"Madurodam" w Hadze to miasteczko mini
Co Niderlandami cołkymi se miyni
Niy yno dlo dzieci uciecha jest tako
Ołpy łojca bajtla raduje jednako.

Apeldoorn

[broneknotgeld]

"Apenheul"

Czista afow ci niy wadzi?
We tym parku se paradzi
Na wolności jakby tako
Czy to dlo nich już jednako?

Biddinghuizen

[broneknotgeld]

"Six Flags - Walibi Word"

Richtig park uciechy wielki
Ciongnom tu karlusy frelki
Matki łojce ze bajtlami
Toż wybiercie se tyż sami.

Kaatshuevel

[broneknotgeld]

"Efteling"

Światym baśni tyn park zdo sie
W niym uciecha zowdy mo sie
Cwergi elfy czarodzieje
Bajtel se do tego śmieje
Matki łojce spokoj majom
Tyż z uciechom se dziwajom.

Wassenaar

[broneknotgeld]

Park wodny "Duinrell"

Stond żol ci wyjechać bydzie
Toż czas taki w końcu przidzie
We pamiyńci dyć łostanie
To żeś mioł tu używanie.

Luksemburg

[broneknotgeld]

650 lot tymu

Grof tutejszy princym zostoł
Ze tym szwongu wiyncy dostoł.

[broneknotgeld]

Wielke Ksiynstwo Luksymburga

Skiż Waterloo gorom łone
Kongres w Wiedniu tyż je dzwignoł
Choć to jeszcze niy był koniec
Dyć szczyńśliwy los niy mignoł

Yno łostoł sie na dugo
Dzisioj ksiynstwu tyż durś mrugo.

Szengen

[broneknotgeld]

W Szengen

W Szengen nad Mozelom granice zmazali
We Unii ich przeca jakby prawie niy ma
Terozki to poszło ło dziesiyńć państw dali
I bestoż tyż tukej europejski tymat.

Niemcy

[broneknotgeld]

Niymcy se teroz kaj ińdzi lecom
forum.gazeta.pl/forum/72,2.html?f=28940&w=19671960&a=19671960
Kliknij bo fraszki tam piyknie klecom.

[broneknotgeld]

Cosik ślonskego
www.dziennikzachodni.pl/artykul/775199,laduniuk-muzeum-slaskie-opcja-niemiecka,id,t.html
Trza i tu tego.

[broneknotgeld]

Poznanioczka ze niyj zrobiom?
wiadomosci.gazeta.pl/wiadomosci/1,114871,13555672,Najnowsza_biografia__Angela_Merkel_ma_polskie_korzenie_.html
Tako w Niymcach jyj nazgobiom?

[broneknotgeld]

Sie zabowiom fest
www.facebook.com/events/150748618424702/
Mi daleko jest.

[broneknotgeld]

Niymcy
---
Już ze Cezarym bijōm Germany
Kej wieki zlecōm i Rzym zdeptany
Przez istnych bydzie
Zachōd we biydzie?
Chnet Karol Wielgi stanie tu panym.
---
Kej podzielōne państwo Karola
Ze czyści Niymce – Boga w tym wola?
Niymiec cysorzym
Dyć wiela woży
Grać piyrsze krzipce tu – jego rola?
---
Z Austryjōm Prusy ô Ślōnsk sie bijōm
Wiek dziewiytnosty – wojna z Francyjōm
Krōl Prus kajzerym
To niy sōm bery
We Drugi Rzeszy dugo pożyjōm?
---
Skiż wielgi wojny mniyj ôberwali
Ku drugi ciśli, fest wynokwiali
Doł im nauczka
Rus w roli tuczka
W Uniji teroz – drap podźwigali.

[broneknotgeld]

Żech sie niy trefiōł z muzykantami

Tymi ze Brymy, dyć wiycie sami

Rym ślōnski kusi

Wyny niy dusi

A Bryma? Bryma wōnio Niymcami!

www.facebook.com/groups/332939560673928/permalink/502325500401999/

Dania

[broneknotgeld]

Downo tymu

Dwiesta lot ze hokum - Co Danio nom dała?
-"Czeci rozbior Polski" łoprotestowała
Dyć w Europie była ze tym "aż" jedyno
Tako historyjo dzisioj sie wspomino.

[broneknotgeld]

Christiansenowie z Billund

Jutlandzki stolorz stracioł na meblach
Dyć niy łodłożoł łon cołkym hebla
Drewniane graczki strugać niym zaczoł
Nawet sie trocha na tym wzbogacioł

Dali zaś poszoł jednak syn jego
Dyć se wymyśloł te klocki lego
Co w świat zarozki drapko ruszyły
Cołki rodzinie dodały siyły

Dzisioj to wszysko wnuk mocno czimie
Łon na piniondzu możno durś drzymie
Bo klocek lego - groczka dlo dzieci
Z Danii w świat cołki tonami "leci".

[broneknotgeld]

Kanut II Wielki (krol Anglji)

Syn Swena to Kanut. Wielkim zwali jego
Angliki se richtig suchali ichniego
Przeca wzioł do łożka ślubno Ethelreda
Wdowa - dyć z niom cołko ta wyspiarsko "scheda".

[broneknotgeld]

Krolowa Małgorzata

W czech krajach już łona richtig krolowała
Danii i Norwegii a potym Szwecyji
Skiż Unii Kalmarski ta władza dostała
Dyć tyż ze tym mieli za wiela mecyji

Bo Duńczyki rośli we tych krajach wszyndy
Skandynawio cołko jejich grzondkom była
Na nich durś zoszczytne czekały urzyndy
Szwecji i Norwegii myńszo we tym siyła.

[broneknotgeld]

Fryderyk V

Po fatrze łon jakby za wiela folgowoł
Taki muster Danii swojim zyciym dowoł
Czas już był nojwiynkszy - piyknie sie to stało
Do życio kultura łobudzioł tu cało.

[broneknotgeld]

W Drugi Lidze Państw Neutralnych

Angljo ze Francyjom już se fest hatrusi
Danio neutralno być przi tymu musi
Postrachano jednak szifami Nelsona
Chyciyła se w końcu tyż Napoleona.


Przi Napoleonie

Ciyngym fest utropa dlo Danii z tym była
W końcu wiela na tym przeca tyż straciyła
Traktat we Kilonii - zdo sie dlo niyj dno
Dyć kraj durś istnieje choć zocy mniyj mo.


Fryderyk IV

Choć ksiyńciym ciyngym był na Holsztynie
Utropa ze tym Danii niy minie
Toż "absolutyzm" zdo sie chnet kończy
A "liberalizm" ze gminym łonczy.

[broneknotgeld]

1841

Toż w duńskich hrabstwach i parafijach
Władze z welunku teroz - niy z "kija".


Krystian VIII

Łon konstytucjo Norwegom doł
Przeca tam gowom był państwa
Niy Duńczykowi - chocioż tyż chcioł
Kurde - niy było w tym draństwa?


Fryderyk VII

No - liberały se teroz cieszom
Absolutyzmym już tu niy grzeszom
Toż podpisano konstytucyjo
Rigsdag to przeca niy jest mecyjo.

[broneknotgeld]

Zaś wojna

Zaś wojna ło Szlezwik - terozki przegrano
Ta ziymia już Niymcom cołkym jest łoddano.


Zjednoczono Lewica (1872)

Po przegrany wojnie zowdy tako bywo
Że to co jest "lewe" bardzi gowa dźwigo
Folketing se zdowo terozki "ludowy"
Dyć jakoś "prawica" na to tyż łodpowiy.


Zjednoczono Prawica

Co "prawe" to przeca na "lewe" niy przyńdzie
Toż se historyjo tako dzieje wszyńdzie
Dwie siyły ło władza durś durś sie potym wadzom
Utropie przi tymu jednak niy zaradzom.

[broneknotgeld]

Kryzys Wielkanocny 1920

Nowy muster welunku mieli już wprowadzić
Dyć skiż tego se zaczli tu pierońsko wadzić
Krol "lewica" "prawica" zwionzki zawodowe
Komuś pomiyszało sie przi tymu w gowie
Strajki demonstracje na ulicach wojsko
Toż niy było teroz tukej cołkym swojsko
W końcu jednak wszysko prziszło dyć do normy
I Dania poleku nabiyro zaś formy.


W dwudziestoleciu miyndzywojynnym

Fionia z Jutlandiom chcieli zepinać
Przez Mały Bełt most trza im zaczynać.


"Stormstromsbro"

Folstar z Zelandiom razym być mogom
Z wyspy na wyspa tyż suchom nogom.

[broneknotgeld]

Dania 1947

Niy chciała Dania być fest sagato
Toż jom już majom terozki w NATO
Tela że bez tych bomb atomowych
-Wolom je mieć tu cołkym ze gowy.


Dania 1973

Do EWG tyż Duńczyki chcieli
Toż se znoleźli i we ty szteli.


Dzisioj

Dzisioj Dania mocno siedzi we Uniji
Nawet skuli euro niy było mecyji.

[broneknotgeld]

Przez Wielki Bełt

Fionia ze Zelandiom zepli se tu mostym
Na sucho przez woda - sposob teroz prosty.

Bornholm

[broneknotgeld]

Zamek Hammershus

Na Bornholm zoglondnońć a ruin niy widzieć
Toż utropa możno jakoś z tego przidzie
Trza se bydzie wrocić - połazić w tych murach
Historiom podychać i niy myśleć - "dziura".

[broneknotgeld]

Bornholmske słowiki

Tela tu nakwilom tela naśpiywajom
Że "obywateli wyspy" tytuł majom.


Drzewka figowe

Toż drzewka figowe na Bornholmie rosnom
Czy to mi sie yno coś myli ze wiosnom?
Bałtyk przeca niy jest te Środziymnomorze
Dyć figi z ty wyspy dej mi Panie Boże.


Almindingen

Nojwiynkszy las duński na Bornholmie znojdziesz
Siedmiopiynne drzewo - do niego tu dojdziesz.


Wodospady

Mo Danio tukej tyż wodospady
W żlebie Dandalen - niy łod parady.

[broneknotgeld]

Hammerso

Nojwiynksze jezioro - na cyplu połnocnym
Gryfne nawet wtedy jak czas tukej nocny
Stojom po somsiedzku aże dwie latarnie
By rybok na morzu niy stracioł se marnie.


Plaża

Łod Łod Renne do Dueodde podziwej se plaży
Kero i bez zima bydzie ci sie marzyć
Na świecie niywiela wiynkszych i gryfniejszych
Tela yno szkryfna we tyn czas dzisiejszy.


"Ekkodalen"

Toż "Dolinom Echa" Duńczyki jom zowiom
Ano sie z tym echym czasami tu bowiom
Jo jednak zoglondna do zamkow prastarych
Lilleborg Gemleborg - w niych som jakeś czary.

[broneknotgeld]

Z romantyczkom

Jest żeś z frelkom romantyczkom
Toż do lasu jedź se z bryczkom
Almindingen wos zasłoni
Yno wy i porka koni.


Miyndzynarodowy Konkurs Skokow

Zowdy w lipcu tu zawody
Szwecjo z Daniom fest rajtuje
Dyć ze sportu niy ma szkody
Choć se w tym historio czuje.

[broneknotgeld]

Golf

Tu pola golfowe ludzi prziciongajom
Podobnoś nojbardzi tych co geld durś majom.


Dni Pstronga

W te dni se moczom tu gynsto kije
Mom taki toast - Niych pstrong nom żyje!


W jedyn dziyń

W jedyn dziyń na kole zjedziesz Bornholm cały
Choć zic może pedzieć - "To wyczyn niymały"
Kilometrow dwiesta "ścieżek rowerowych"
Na zwiydzanie wyspy muster to niy nowy.

[broneknotgeld]

Lars Hansen (1813-1872)
Malyrz czy możno botanik bardzi?
Toż żodnom astom łon niy pogardzi.


Kristian Zahrtmann (1848-1917)

Na jego płotnach czynsto łogrody
Do dzisioj łone niy wyszły z mody
Wszyndy te kwiotki fest kolorowe
Zdo sie - na grzondce jest ciyngym czowiek.


Helge Nielsen (1893-1980)

Pejzarze słońcym mo malowane
Co Bornholmowi yno jest dane.

[broneknotgeld]

Runy

Dwa tuziny znakow miały
Ludy niymi tu szkryflały.


Runiczno kronika

Runami wykuli jom se na kamiyniach
Coby nom pedziała ło downych istniyniach.


Zdo sie

Zdo sie w tych kamiyniach som dusze zaklynte
Runy czasym prawiom co łone niy świynte.

[broneknotgeld]

Bornholmske zygory

Łod ćwierć tysionclecio tukej je rychtujom
Na stare zbiyrocze naprowdy "polujom".


1774

Ze zygorami trefioł tu szif
Na skale dyć wylondowoł
Towor był zocny - skiż tego knif
I muster tyż przeca dowoł.


Muster

Mustrym tu zygor z Anglyji boł
Co stoł we izbie i piyknie bioł
Do dzisioj asi sie Bornholm tym
Skiż tego przeca coś ło tym wiym.


Warsztat Petersenow w Ronne

Łostatni kierzy zygory robiom
Co kożdo izba piyknie łozdobiom.

[broneknotgeld]

"Sol over Gudhjem"

Filet ze śledzis jajko cebula
Rediski sznitloch - toż forszteluja.


Do śledzia

Co do śledzia ciyngym trza?
Biyr - toż napić czas nom - pra?


"Bornholms Mejeri"

Ichnio kyjza pokosztujesz
Zdo sie - wiater z morza czujesz.


"Żytni kyks"

To bornholmske richtig cudo
Co kaj ińdzi se niy udo.

[broneknotgeld]

"Krolle Bolle"

Bornholmczyki w zocy
tego trolla majom
Pomogoł bić Szwedow
bestoż jymu pszajom.

[broneknotgeld]

"Majorka Połnocy"

Ło Bornholmie idzie łosprowiac bez końca
Zdo sie jak Majorka, bo wiela tu słońca.

[broneknotgeld]

Bornholm 1866

Prom ze Kopynhagi już tukej przipływoł
Toż niyjedyn wandrus ty wyspie fest dziwoł.

[broneknotgeld]

Bornholm we modzie

A dyć niych cie to niy bodzie
Bornholm zdo sie być we modzie
Na Bałtyku duńskim cudym
Ło to niy rob tu łostudy.

Ronne

[broneknotgeld]

Ronne

Bornholmu to jest stolica zocno
Tu wyspy jedna czecio ludności
Przi inkszych miastach zdowo sie mocno
W lato - jak wiyncy ludzi se gości.


Tyjater w Ronne

Cołki Bornholm tyjatrym we Ronne se asi
Prywatny - nojstarszy ze duńskich łon jest
I godka bornholmsko tukej wszyskim "pasi"
Chnetko dwiesta rokow - fajer bydzie fest.


Ronne 1327

Ledwo kupcy z Hanzy port tu założyli
Zaroz prawa miejske osadzie nadali
Na bałtyckim szlaku dyć panami byli
Łoni ze wszyskimi przeca handlowali.

[broneknotgeld]

Lars Ipsen (1806-1874)

Chocioż w rynkach kowola fach solidny czimoł
Toż łogrodnik zdo sie we duszy mu drzymoł
Wele Ronne założoł se na wrzosowiskach
Łogrod botaniczny - niym sława mioł zyskać.


Łogrod Thomasa Erichsena

Z dziewiytnostego wieku go majom
Toż łogrodowi we Ronne pszajom
W chałpie muzeum wyrychtowali
Coby ło tworcy durś pamiyntali.

[broneknotgeld]

Promym do Ronne

Polski prom te Ronne wito
Ktoś sie ło to jeszcze pyto
Iże Bornholm nos tyż kusi
Czowiek ciekow - kuknońć musi.

Guldhjem

[broneknotgeld]

Muzeum Rolnictwa

Zoglondnij na farma Malstedgardym zwano
Skansyn - zdo sie lepsze teroz dlo niyj miano
Zoglondnońc se możesz jak piyrwyj tu żyło
Skond płotno biyr masło w zogrodzie sie wziyło.


Łogrod w Malstedgard

Kaj w Europie rosnom jeszcze take ziyla?
Wiela z nich już nikaj - przeca sie niy myla.

[broneknotgeld]

Bornholmske Cyntrum Średniowiecza

Chcesz se pobawić ze historyjom
Zoglondnij do ty "osady"
We średniowieczu przeca tu "żyjom"
Wiela w tym piykny parady.


Dlo nauki

Bajtle poznowajom wyspy historyjo
Ta "osada" przeca wcale niy mecyjo
Dyć tukej i fatry widzom coś "nowego"
Trza jednak zoglondnońć - inaczy nic z tego.


Gudhjem

Gudhjem "średniowiecznom" turystykom żyje
Radochy z tym wiela i ze geldu tyje.

[broneknotgeld]

Wiatrak w Gudhjem

Zdo mi sie znakym miasteczka tego
Nikaj niy znojda już gryfniejszego?

Hasle

[broneknotgeld]

Hasle

Osada rybacko wyndzarniami słynie
Ślydź w Hasle cie przeca nigdy niy łominie
Smak kolor mu dowo te drewno łolchowe
Czym "złoto bornholmske" tu dowiy se czowiek.
--

Wyndzarnio-skansyn

Zoglondniesz se richtig we wiek dziewiytnosty
Dyć zowdy wyńdziyli na muster tu prosty.

Svaneke

[broneknotgeld]

Banka we Svaneke

We Swaneke banka mo napynd na siano
Kopyta ło droga sukajom już rano.


Wesołe miasteczko

We Svaneke muter niy może być zło
Tu przeca dlo bajtli piykne mini-zoo
Basyny wyciongi i djobelske młyny
Niy majom dziecioki ty stropiony miny.

[broneknotgeld]

Złoty Medal Rady Europy

Za łochrona zobytkow Svaneke dostało
Toż ze tym zrobiyli tu richtig niymało.


"Siemens Gaard"

Hotel mo cołke sztyrysta lot
Z takego wieku kożdy jest rod.


Wiatrak (1737)

U wrot Svaneke wiatrak cie wito
Richtig jest stary - jakby kto pytoł.


Łabońdź

Jest w herbie miasta i na kościele
Niy trza bych musioł przeciyrać brele.


Glashuta "Pernille Bulow"

Som se wydmuchosz tu coś szklanego
Pozor na zymby jednak kolego.

Christianso

[broneknotgeld]

Christianso

Wele Bornholmu wyspa z fortecom
Krol Christan V jom stowioł
Myśloł że wrogi se tu niy zlecom
Dyć bestoż fortyfikowoł.


Djobelsko Wyspa

Dlo heresztantow łona Djobelsko
Przeca niy mieli tu wcale sielsko
Robota ciynżko i dożywocie
Toż ze kostuchom niy było pociech.


Plyner

Dzisioj napotkosz czynsto malyrzy
Zdo sie ze kunsztym som tukej wyży.

Hammerhus

[broneknotgeld]

Zamek Hammerhus

Arcybiskup Lundu tyn zamek wystawioł
Utropa pierońsko krolowi tym sprawioł
W końcu łobie strony Hanza "pogodziyła"
Lubeka Hammerhus tyż wtedy zajyła.
--

Hammerhus

Mnichy ze Hammerhus na ziylach se znali
Wiela tego tukej przeca hodowali
Dzisioj rożne cuda rosnom przi ruinie
Toż niyjedyn ziylorz tego niy łominie.


"Ziyle czarownic"

Wele Hammerhus rośnie do dzisioj
Niyjedne dziwo żech ło niym słyszoł
Toż bol nojgorszy ze niym sie straci
A i ryboka nawet wzbogaci
Bo śnik zesyło na morske ryby
W sieć chnetko same przi tymu "szły" by.

[broneknotgeld]

Zamek arcybiskupi 1250

Zefla erlandsena stanoł tukej wolom
Zaćmić tyn Lilleborg było jego rolom
Kościoł z krolym Danii czynsto se tu wadzioł
Bez zamku by możno niywiela poradzioł.


Na warcie

Nojpiyrw Kościoła - potym był szwedzki
Z koleji Hanzy - zdo sie niymiecki
W końcu krol duński mioł w niym łoparcie
Stoł mocno tukej - jakby na warcie.


W Slotsgerden

W Slotsgerden muzeum zamku znojdziesz
Ze ruin drapko se tukej dojdziesz.

Nyker

[broneknotgeld]

Ny-Kirke

Kościoł -rotunda ze downych wiekow
Jak se tu wszyscy Kaszubow boli
Malutki zdo sie dyć wiydz czowieku
Że dzisioj se niym Bornholm fest chwoli.


Ny

Łod Nikolausa wzioł pewno miano
Przeca jak rybok wypływoł rano
Tyn świynty chronioł go durś na morzu
I dziynki niymu powrotu dożoł.


Wpiyrw

Wieża kościoła płaski dach miała
We niyj se ludność wioski zbiyrała
Dostympu Wendom mocno broniyła
Kaszubsko horda jom niy zdobyła

Zagrody jednak zowdy grabiyli
Niym se przez morze do sia wrociyli
Ciyngym tyn Bornholm tako nynkali
-W końcu Duńczyki łupnia im dali.


Przi Ny-kirke

Przi Ny-kirke kamiyń z lot pradownych stoji
Zygor - toż i dzisioj klara go durś "stroji".

Bodilsker

[broneknotgeld]

Dzwonnik z Bodilsker

Ponoć jak yno przestowoł dzwonić
Chcioł do łogrodka swojego gonić
I sztudiyrowoł przez cołke życie
Ta botanika - przeca to wiycie.

Dueodde

[broneknotgeld]

"Bornholm"

W Dueodde to hotel kolos
Jo bych do niego wcale niy poloz.


Brzeg w Dueodde

Ruchome wydmy laguny klify
Sama prziroda niy jakeś knify.


Latarnio

Se do latarni na szpacyr idźcie
Yno ło jednym tyż richtig wiydźcie
Za widok ze niyj zapłacić trza
Co łaska - to zdo sie tonio -pra?

Snogebaek

[broneknotgeld]

W Snogebaek

Tawernow tu wiela - zicnijcie przi piwie
I deliberujcie ło bornholmskim dziwie.


W glashucie

Zarobić glashucie pora euro dejcie
Dyć szkła z tego werku yno niy szczaskejcie.


Jarmark Staroci

To sie podobo mi ludzie złoci
Że tukej czynsto jarmark staroci.

Nexo

[broneknotgeld]

Nexo 1364

Mo prawa miejske tyn zocny port
Choć mały przeca wiela jest wort.


Skiż wojny

Skiż wojny Nexo fest uciyrpiało
Wojsko tu przeca stacjonowało
Niymcy sie Ruskom poddać niy chcieli
Toż zbombardować wszysko musieli.


Kościoł św. Mikołaja

Świynty Mikołoj rybokow chroni
Łod lot patronym majom go łoni
Toż w Nexso mo tyż świontynia łon
Niychej niy dziwi że tu se wzion.

Akirkeby

[broneknotgeld]

Akirkeby

Jedyne miasto łod morza dali
Stolica piyrwyj tu zakłodali.

W Akirkeby

Zdi sie te miasto nojstarsze tukej
W nojwiynkszy kościoł przeca tyż kukej
Niyjedne w Danii przi niymu blednom
Łon piyrwyj nawet był tyż katedrom
Toż przeca wiek dwunosty nań blikoł
W niym arcybiskup Lundu tyż rzykoł.


"Automobilmuseum"

Zoglondnij tukej chocioż na chwila
Przeca sie kochosz w automobilach
Choć na tych se już wcale niy karniesz
Dyć napaś łoczy pewno tyż garniesz.

Ro

[broneknotgeld]

Ro

Na wschod łod Gudhjem jest tako wiocha
Werci rozglondnońć se tam tyż trocha.


Ro Plantage

Tam kaj erika park zrychtowali
Jak tu zoglondniesz niy chcesz iść dali.


"Helligdomsklipperne"

Niydaleko Ro znojdziecie
Groty - chocioż lepi przecie
Z Gudhjem szifym tam przipłynońć
Niy do sie ich przeca minońć.

Moselokken

[broneknotgeld]

Moselokken

Toż kamiyniołomym piyrwyj se asiyło
Bestoż tyż muzeum take tu stanyło.


W muzeum

Rożniste granity w muzeum tym majom
Narzyńdzia kerymi już niy łobrobiajom.


W warsztacie

Jak chcesz som łobrobić granitowo berga
Chytej se roboty - niy czekej na cwerga.

Vang

[broneknotgeld]

W Vang

Czynny kamiyniołom do dzisioj w Vang znojdziesz
Chocioż niy skiż tego do wioski ty dojdziesz.


Młyn wodny (XVIII w)

Młyn wodny - toż przeca niy był tukej zbytek
A dzisioj se łostoł ciekawy zabytek.


Kaplica Jona

Skała przi brzegu stoji tu jedna
Zlyźć z niyj na plaża - ździybeczko bledna
Schodkow w doł bydzie tu przeszło sto
Z klifu powiedom jakby na dno.

Allinge

[broneknotgeld]

Allinge

Letnikow wiyncy tu niż ludności
Dyć te miasteczko chyntnie ich gości.


Allinge Kirke

W sztyrnostym wieku już tu kaplica
Potym świontynia co gryfne lica
Przez wieki pora razy zmiyniała
Do naszych czasow tako dotrwała.


Ratusz

Ratusz stanoł wele portu
Wzywo kutry do raportu?
Zaczoł czecio setka lot
Burgemajster z tego rod.

Sandvig

[broneknotgeld]

Sandvig

Ze Allinge zdo sie razym
Jakby jego jest łobrazym.


"Madsebakke Helleristninger"

W cołki Skandynawii dziwym jest ta skała
Skond chyńć do rysunku w tych ludach se brała?
Prehistorio tako tu "wymalowano"
Prziszłym pokolyniom łod tych downych dano.

Kopenhaga

[broneknotgeld]

"Kopynhaski syrynka"

Jak na nia blikom łoko sie śmieje
W tyj rzeźbie łonczom sie czi ideje
Duch Andersena - kunszt Eriksena
No i mamona łod Jacobsena

Skiż tego czasym "carlsberga" pija
Tom "trojidejom" jakby se żyja.

[broneknotgeld]

"Port Kupcow"

Tako po duńsku te jeji miano
Łod wiekow z handlu przeca jest znano
Wiochom rybackom z poczontku była
Z czasym stolicom Danii - w tym siyła.


1443

Krol Danii wtedy se tukej wkludzioł
Port i te miasto jakby tym zbudzioł.


Amalienborg 1669

Fryderyk III czimoł tu stolec
No a że richtig niy był łon golec
Pałac dlo ślubny gryfny zbudowoł
Zifii Amelii hołd tako dowoł.

Zelandia

[broneknotgeld]

Zelandia

Zelandia tu wyspom nojpiyrszom
Na niyj stolica tyż leży
I bestoż zowdy nojwyrszom
Dobrze tu zyć - chciyjcie wierzyć.


Bez Kopynhagi

Bez Kopynhagi czym jest ta wyspa?
- Szłoby se yno tu dobrze wyspać.


Zelandzke "cimple"

Roskilde, Koge, Rigsted, Helsingor
Dyć Kopynhaga tu jakby "indor".

Szwecja

[broneknotgeld]

Dziyń św Łucji w Szwecyji

Choć sie urodziyła w ciepły Italyji
Nojmocni jest czczono we zimny Szwecyji
W łopiece mo ślepych i tych co ich lyczom
Bestoż frelki dzisioj chodzom se ze świycom

W kożdym mieście szwedzkim terozki wybory
Nojgryfniejszy Łucji co łodwiydzo chorych
Niesie im pociecha i żymły rozdowo
Nom by sie przidała - tako mi sie zdowo.

[broneknotgeld]

"Waza"

"Wazy" wydobyli - piykny to zabytek
Bog jednak im pedzioł że to dlo nich zbytek
Przeca jak go piyrwyj yno zwodowali
To sie niy uczimoł na ty morski fali.

[broneknotgeld]

Greta Garbo

Godali że greta "zimny łogyń" poli
Ze niom "Casablanka" kożdy jednak chwoli.

[broneknotgeld]

Femokracjo

Możno ździybeczko to czasym złości
We Parlamyńcie chopy w myńszości
W rzońdzie podobnoś tyż majom tako
Baba ze chopym już niy jednako?

[broneknotgeld]

Już Tacyt

Już Tacyt chwoloł łod Swewow łodzie
Groźne być miały w przibrzeżny wodzie
Dyć wtedy jednak bez żagla były
Na oceanie by sie straciyły.

[broneknotgeld]

Sigrida

Toż Eryk Zwyciynzca piyrszym jeji chopym
Możno jeszcze niy mioł z niom wiela utropy
Dyć po jego śmierci wdowa ze niyj "dumno"
Cera łod Chrobrego - tyż bestoż fest szumno.

[broneknotgeld]

Sigrida - Świyntosława

Ślubno Eryka - siostra Chrobrego
Swionow krolowa - szczepu zocnego
Wdowom we końcu przeca łostała
Siył wszysko strzimać durś wiela miała.

[broneknotgeld]

No ja, Świyntosława jednak była siostrom Chrobrego, a niy cerom.
Piyrwyj żech musioł coś inkszego poczytać - stod moj feler.

[broneknotgeld]

Dumno!

Roz zalotnikow se dwoch zebrało
Harald z Norwegii, Vissavald z Rusi
Łoba dyć coś przeca znaczom za mało
Dyć czy Sigrida wybrać z nich musi?

Napitkow wiela krolom podali
Jejich druzyny tako fajrujom
Dyć jak łozarte se już pospali
Łogniym i mieczym w końcu czynstujom

Taki Sigrida rozkaz wydała
Ludzie krolowy przeca słuchali
Miano ty "Dumny" ze tym dostała
Już zolytnik se niy zjowiali?!

[broneknotgeld]

Państwo Odyna

Państwo Swionow bog załozoł
Dlo nich richtig wiela wozoł
Mondry był - toż przeca wiycie
Przepowiodoł śmierć i życie.

[broneknotgeld]

Siyły Odyna

Ugaszoł łogyń, uciszoł morze
We jego woli wiater na dworze
Doł Swionom prawa - wedle nich żyli
Stary jak świat był - takim go czciyli.

[broneknotgeld]

Tor

Z łonym zowdy po zwyciynstwo
Ze niym siyła no i mynstwo.

[broneknotgeld]

Freja

Z Frejom wszysko se rodziyło
Przi niyj szczyńście zowdy było.

[broneknotgeld]

Frej - Freja

Toż se teroz z tego śmieja
Był to Frej czy richtig Freja?

[broneknotgeld]

Staro Uppsala

Dlo Swionow jako świynto stolica
Tu żeś zoglondoł we bogow lica
W pogańskich czasach kwitła Uppsala
Tako ci szumi jeziora fala.

[broneknotgeld]

"Blotfest"

W Stary Uppsali to "świynto krwi"
W ofierze Ludzi Swiony skłodali
Co dziesiyńć rokow - niych kożdy wiy
Tako do bogow swojich "rzykali".

[broneknotgeld]

Co dziewiyńć rokow był tyn "blotfest".
Toż wyboczcie mi tyn feler.

[broneknotgeld]

"Blotfest"

W Stary Uppsali to "świynto krwi"
W ofierze ludzi Swiony skłodali
Co dziewiyńć rokow - niych kożdy wiy
Tako do bogow swojich "rzykali".

[broneknotgeld]

Krwawo "dziewiontka"

Co dziewiyńć rokow dziewiyńciu ludzi
Se po "blotfeście" juz niy łobudzi.

[broneknotgeld]

Krol Swionow Aun

Sagi ło tym cosik prawiom
Synow swojich doł w ofierze
By żyć długo - tako jawiom
Pomarł drapci w swoji wierze?

[broneknotgeld]

Swionowie - Swewowie

Dwa miana w jedne cuzamyn zloły
Plymiona kerych wrogi se boły.

[broneknotgeld]

Ting Swewow

Tong i dlo krola "prawym Odyna"
Mioł czasym przed niym niytyngo mina.

[broneknotgeld]

Jarl

Wodz - w służbie krola dowodca floty
Toż dlo Wikingow niy som gupoty.

[broneknotgeld]

"Drots"

Ze woli krola sondy łodprowio
Czy zowdy prawo na wiyrchu stowio?

[broneknotgeld]

Mnich Austgar (831)

Z woli krola Bjorna w Birce mioł misyjo
Dyć krotko to trwało - jakby komedyjo.

[broneknotgeld]

Eryk VII Zwyciynski

Piyrszy krol Swewow co krzest przijmowoł
Dyć niy do końca za "Krziżym" stowoł
I Świyntosława nic niy poradzi
Jako ze tingym ło to se wadzić?

[broneknotgeld]

Świyntosława - Gunhilda

Cera Mieszka - siostra Bolka
Z rodu Piastow - dyć czy Polka?

[broneknotgeld]

Olof Skotkonung 1008

Gotow i Swewow władcom był tako
Krzest jako łojciec przijoł jednako
Dyć w nowy wierze wytrwoł do końca
Chnet Odynowi zabraknie słońca.

[broneknotgeld]

"Skotkonung"

"Krol co podatki na lud nakłodo"
Tako i miano tyż ło niym godo.

[broneknotgeld]

Krol Olof Skotkonung +1020+

Syn Sigridy i Eryka
Chcioł do Krysta richtig rzykać
I pogaństwo tympić tako
Choć niyjedyn Swew zapłako.

[broneknotgeld]

Sigtuna (XI w.)

Krol nowe miasto w Upplandzie stowio
Jako stolica terozki dowo?
Przeciw Uppsali (Birka se traci)
Sigtuna drapko bezto bogaci.

[broneknotgeld]

Krol Inge XI/XII w.

Prziloz ze krziżym już do Uppsali
To co pogańske teroz łobali
Łogniym i mieczym nowe wygrywo
Choć se niyjedyn Swew tymu dziwo.

[broneknotgeld]

Uppsala 1164

Arcybiskupstwym Uppsala tako
Za downom wiarom nikt już niy płako
Yno Sigtuna coś na tym traci
Terozki myni już se bogaci.

[broneknotgeld]

Koscioł w Szwecyji

Kościoł Szwecyjo tako kupluje
W tym ze krolami dyć wspołpracuje
Nawet wyprawy głosi krziżowe
Coby podbijać ziymie durś nowe.

[broneknotgeld]

Szwedzke Abo (XIII w.)

Trzimiom po czyńsci już Finlandyjo
W Abo biskupstwo - niy komedyjo
Przeca Uppsali ciyngym se słucho
Na to co fińske richtig jest głucho.

[broneknotgeld]

Krol Eryk IX

Choć do Finlandji powiod krucjata
Chocioż założoł już dynastyjo
Zginoł ze rynki duńskego "brata"
Uppsala widzi ta tragedyjo.

[broneknotgeld]

Knut (Erykida)

Dlo Szwecji krol tyn czas niesie lepszy
Dyć z jego śmierciom wiela se spieprzy.

[broneknotgeld]

Eryk XI Eriksson (1229)

Jarle łod tronu go łodrywajom
Tako Birgera chnet krolym majom
Magnusson lepszy niż Erykida?
Czy ze niym czeko zaś nowo biyda?

[broneknotgeld]

Krol Waldemar I Birgersson

Po fatrze chycioł se władzy tako
Dyć krol ze niego że Szwecjo płako.

[broneknotgeld]

Magnus I Ladulas (1275)

Brat Waldymara z tym rokym rzońdzi
Łon juz do ćmoka dyć niy zabłońdzi
"Ladulas" jako "szkobel łobory"
Kto se sprzeciwić mu bydzie skory?

[broneknotgeld]

Szwecjo 1290

Ladulas pomarł a syny małe
Marszałek Szwecji mo sznorki całe
Dyć Torgill Knuttson skiż tego zginie
A władcow trzech chnet we ty dziedzinie.

[broneknotgeld]

Szwecjo płako

Birger, Waldymar i Eryk tako
Ciyngym se wadzom a Szwecjo płako
Bo na trzi czyńści już podzielono
Słabszo dziedzina ktosik pokono.

[broneknotgeld]

Wygnanie Birgera

Toż istny bratkow trzimoł w hereszcie
Zamorzoł głodym - tako mi wierzcie
Go ze Szwecyji bezto wygnali
I bajtla krolym chnet łobwołali.

[broneknotgeld]

Krol Magnus II

Mo trzi roki ta dziecina
Już w Norwegji, Szwecji rzońdzi
Długo jego tyż dziedzina
Dyć czy czasym niy pobłondzi?

[broneknotgeld]

Mor w Szwecyji 1350

Ech - zaraza łostro kosi
Choć ło litośc kozdy prosi
Biere starych tako dzieci
Traci człowiek se co trzeci.

[broneknotgeld]

Niymcy w Szwecyji

Toż se Szwecjo wyludniyła
A tu Hanzy ciśnie siyła
Niymce tyż bogacom tako
Choć niyjedyn Szwed zapłako

[broneknotgeld]

Najazdy Duńczykow

Ło Skanio, Blekinde ciyngym zwada była
Stond niyjedna duńsko wyprawa se wziyła
We Gotlandji nawet wojska Waldymara
Trza se Magnusowi ło Visby tyż starać.

[broneknotgeld]

Świynto Brygida (1300-1373) - cera Birgera Perssona

"Prawo Upplandu" fater łopisoł
Cera widzynia zaś miała
Dyć jyj we głowie nikt niy namiyszoł
Ślubnego drapko dostała

Bo jak jyj klupło rokow trzonoście
Już za karlusa wydano
Łosmiorga dzieci matkom - toż proście
Jom ło potomstwo co rano

Dyć chop jyj pomarł - wdowom łostała
Dali juz zyje w świyntości
Na nic jyj przeca pociechy ciała
Ponboczek w duszy durś gości.

[broneknotgeld]

Świyntobliwo wdowa

Toż ślubny pomarł - Istno łostała
Siyły ze tego świyntość jyj brała?
Co piyrwyj jakby ździybko se kryło
Z Brygidy teroz richtig buchnyło

Wizje, czas pontu, dźwigo klosztory
Przi Jeji wierze żeś bardzi skory
Wytrwać w uczynkach co Niebo niesom
I tako bliźnich zowdy ucieszom.

[broneknotgeld]

Widzynia świynty Brygidy

Łod malutkości ponoć już miała
Dyć jako wdowa je spisywała
Ponboczek Jeji kerowoł rynkom?
-Deliberuja jak teroz klynkom.

[broneknotgeld]

Łobjawiynia świynty Brygidy

Toż łopuszczały Brygida siyły
Dyć przez to rosła juj dusza
Czy se Ponboczka myśli w tym kryły?
Dzisioj już pytać niy musza

Co łobjawione Isny łostało
To w końcu prziszło naprowdy
Cudym potomnym se wydowało
Skiż tego świyntom na zowdy.

[broneknotgeld]

Klosztor w Vadstenie

Klosztor w ty szteli podźwignońć chciała
Juz krola we tym poparcie miała
Dyc do papiyza se tyż wyprowio
Prziszłość Europy w Rzymie łobjowio.

[broneknotgeld]

Pont św.Brygidy do Jerozolimy (1372-1373)

Brygida tako swoj wiek już miała
Se w pont do Ziymi Świynty wybrała
Wroco do Rzymu - kaj Jyj pisane
Co śmiertelnikom na zowdy dane.

[broneknotgeld]

Świynto Brygida - Rzym +1373+

Ze Ziymi Świynty we "Wieczne Miasto"
Niywiasta naszo w koncu se wroco
Dzisioj już wiymy - wypełnioł czas to
Coś niyziymskego życie Jyj skroco.

[broneknotgeld]

Świynto Brygida 1391

Niy za wiela poczekali
Drapko kanonizowali
Czy krolowa Małgorzata
Za to chciała dać poł świata?

[broneknotgeld]

Świynto Brygida a Krziżaki

Toż w łobjawiyniach tako widziała
Co ich potynga cołkym zmalała
Jagiełło we to richtig uwierzoł
Choć Zakon jeszcze wojna z niym przeżoł.

[broneknotgeld]

Świynto Brygida jako monż stanu

Za życio jako monż stanu była
Szwecji, Europy - w tym Jeji siyła.

[broneknotgeld]

Hakon

W Norwegji krolym syn łod Magnusa
-Biere za ślubno cera Duńczyka
Szwigrowi prziszło richtig go z muszać?
Czy Małorzacie ło to durś rzykać?

[broneknotgeld]

Koniec Magnusa

Toż niy był leki koniec Magnusa
Kłonioł se jakby łon Duńczykowi
W końcu bez tronu - to szkryfnońć musza
A Szwecjo słucho co drots Grip powiy.

[broneknotgeld]

Małgorzata I

Cera krolewsko i ślubno krola
Danio z Norwegiom tako kupluje
Szwecjo chnet jeji - niy byda fulać
Jako regyntka tukej panuje.

[broneknotgeld]

Małgorzata I 1388

Włado Szwecyjom jako krolowa
Dyć trza na krola dać mynsko głowa
Syn Warcisława - ksiyńcia słupskego
Siostrzyniec przeca - wyznoczo jego!

[broneknotgeld]

Eryk Pomorski

Toż siostrzyniec Małorzaty
Przi ciotuchnie niy sagaty
Tron norweski mo i duński
Trza szwedzkego dlo zakonski.

[broneknotgeld]

Unio Kalmarsko 1397

Eryk Pomorski mo trzi korony
Dyć ciotka ciyngym rzońdzi za niego
We końcu jednak krola poznomy
Choć pozowiścić niy bydzie czego.

[broneknotgeld]

Eryk XIII

Mieli w Szwecjo go za złego
Richtig wiela tyż chciwego
Ze Jagiełłom se kamracioł
Dyć we końcu tron swoj stracioł.

[broneknotgeld]

Eryk III a Zakon Krziżacki

Co piyrwyj duńske - zakonu było
Ziymia estońsko krolowi miło
Toż z Polokami chce bić Krziżoka
Czy za wysoko prziszło mu skokać?

[broneknotgeld]

Eryk XIII (1439)

Korona szwedzko szajdong mu dała
Se Bawarczyka w końcu wybrała.

[broneknotgeld]

Krzysztof Bawarski +1448+

Choć trzi korony istny kuplowoł
Drapko przed "tronym niybieskim" stowoł.

[broneknotgeld]

Jako z "Unijom"?

Jako z Unijom Kalmarskom bydzie/
Kożdo korona łosobno idzie?
Toż wre we szwedzki richtig dziedzinie
To co nojgorsze drapko niy minie.

[broneknotgeld]

"Łobrońca krolestwa" 1470

Stan Sture ze tym w Szwecji wygrywo
Regyncjo chyci - toż to niy dziwo
Że mu "unijne" porzondki wadzom
Szwedy se sami łodtond poradzom?

[broneknotgeld]

Bitwa pod Bunkebergiem (1471)

Tako Swen Sture tukej wygrywo
Sztokholm se tymu ze bliska dziwo
Już niy mo życio kto przi uniji?
Szajdong z tym wygroł cołkym w Szwecyji?

[broneknotgeld]

Sten Sture Młodszy

Ano - jak brakło w końcu Starszego
Trza mić regynta tako Młodszego.

[broneknotgeld]

Chrystian II (1513)

Krol duński nowy
Dyć to mu mało
Chciołby tyż chycić
Szwecyjo cało.

[broneknotgeld]

Arcybiskup Gustaw Trolle

Głowa Kościoła we niym szwedzkiego
Dyć do heresztu posłano
Chce Chrystian II uwolnić jego?
Czy krola Szwecji mieć wiano?

[broneknotgeld]

Chrystian II w Szwecyji (1520)

Z wojskym w Szwecyji - tako już wiycie
Sten Sture Młodszy z tym traci życie
I arcybiskup łoswobodzony
Pobłogosławioł pynd do korony.

[broneknotgeld]

"Krwawo łaźnia sztokholmsko"

Nakłonioł Trolle krola do tego
Coby winnymi uznać przegranych
Miast amnestyji prziszło do tego
-Za heretyka kożdy uznany!

Toż se masakra krwawo zaczyła
Ciała spolyli - nic niy łostało
Wiynkszo niynowiść zaś w duszy tlyła
Ze tego siyły bydzie tyż brało.

[broneknotgeld]

Gustaw Waza

Chcioł w Dalecarji se przeciwstowić
Krolowi kery niy szwedzki
Tako prowincjo łod niego zbawić
Niy trzimć se jakiś kecki

Wpiyrw go łololi - w boj niy ruszyli
Toż do Norwegji mu droga
Dyć coś we końcu tyż spokopiyli
Już broń terozki przi nogach.

[broneknotgeld]

"Wyścig Wazy"

Ze downych czasow ta tradycyjo
Po śniegu Wazy ścigali
Coby ich w boj wiod - niy komedyjo
Z niym wroga stond przegoniali.

[broneknotgeld]

Gustaw Waza 1521

Toż wele niego rośnie armijo
Tako nadali mu regyncyjo.

[broneknotgeld]

Krol Gustaw Waza 1523

Sztokholm zdobyty - korona Wazy
Nowy krol duński niy mo urazy
Szwecjo z uniji se już wyrwała
Toż po to przeca tyż wojowała.

[broneknotgeld]

Reformacjo w Szwecyji

Krol Gustaw ubogi a Kościoł bogaty
Potrza reformacji coby był sagaty
Toż se na tym richtig korona dźwignyła
Wiela co kościelne dlo sia teroz wziyła.

[broneknotgeld]

Biblijo po szwedzku (1541)

Richtig dlo Szwedow to wiela znaczy
Niy trza łacinom se już łonaczyć.

[broneknotgeld]

Gustaw Waza +1560+

Szwecjo podzwignoł z upadku tako
Teroz dziedzina za istnym płako
Dyć feler zrobioł we łożu śmierci
To co krolewske dzieli na ćwierci.

[broneknotgeld]

Gustawa syny

Sztyrech fest herskich synow łostawioł
Kożdymu gyszynk krolewski sprawioł
Eryk, Jan, Magnus, Karol tyż tako
Przidzie łostuda - ktosik już krako.

[broneknotgeld]

Połnocno wojna siedmioletnio (1563)

Zaś ze Daniji wojsko se ciśnie
Co szwedzke lubiom jak kwaśne wiśnie
Chcom by unijom wszysko kuplować
Co piyrwyj było - teroz łod nowa?

[broneknotgeld]

Eryk XIV

Duńczyk se ciśnie - brat tako zdrodzo
Szczyńscie krolewske kaj niy trza chodzo
Toż w końcu istny tyn tron utraci
Trza dować pozor na swojich braci.

[broneknotgeld]

Jan III

Brata Eryka tym Janym zwano
Toż juzaś krola szwedzkego miano.

[broneknotgeld]

Prokatolicki

Prokatolicki Jan III tako
Niyleko rzońdzić protestantami
Przeca skiż tego wcale niy płako
Durś trzimie sztama z katolikami.

[broneknotgeld]

Krol Zygmunt Waza

Syn Jana III - krola Polski znocie
Wzioł korona szwedzko - niy mioł ze niyj pociech.

[broneknotgeld]

Karol Sudermański

Karol Sudermański -łod Zygmunta ujek
Chnetko we Szwecyji se rzondy sprawuje
Bratanek katolik - patrzy wiary swoji
Kraj zaś do wojynki coroz bardzi zbroji.

[broneknotgeld]

Krol Karol IX (1603)

Regynt piyrwyj - już krol z niego
Czy trza wschodu łodległego
Polok wygro, Rus se broni
Zły tref tyż istnego goni
Toż umiyro niy w gloryji
Yno prawie skiż mecyji.

[broneknotgeld]

Gustaw II Adolf (1610)

Ze Szwecji mocarstwo zrobioł
Wrogow cołkym dyć niy pobioł
Z pola bitwy rzońdzioł tako
Dyć śmierć kosi tyż jednako
Toż pod Lützen w końcu ginie
Fest żałoba we dziedzinie?

[broneknotgeld]

Göteborg 1607

Coby Duńczykow durś niy bogacić
Geldu na cudzy handel niy tracić
Göteborg teroz Szwecjo wystowio
Tref powodzynie tyż miastu dowo

[broneknotgeld]

Gustaw II Adolf (1611)

Z Daniom i Rosjom po co wojować?
Zdo sie co lepi na pokoj stowiać
Krol chocioż młody drapko se godzi
Bo wiy że tako Szwecji niy szkodzi.

[broneknotgeld]

Rozyjm Altmarski (1629)

We Polsce Waza tyż przeca rzońdzi
Dyć do Szwecyji już niy zabłondzi
I choć go możno to nawet dziwo
Polska ze Szwecjom wojna przegrywo
Toż władza tako w Inflantach traci
Se Gustaw Adolf na tym bogaci
Dlo niego robiom tyż pruske porty
Geld co sie suje wojny jest worty?

[broneknotgeld]

Altmark (Stary Targ)

Wele Iławy ciyngym ta sztela
Dyć dzisioj przeca niy znaczy wiela.

[broneknotgeld]

Marny koniec! (1632)

Nic że se zdowoł richtig wygranym
Że Wiedyń mogby być jymu dany
Po niymcach z wojskym wiela rajzuje
Jakby tyż końca cołkym niy czuje
Dyć prziszło Lützen tako pechowe
Choć krol mocarny - śmiertelny człowiek.

[broneknotgeld]

Kanclyrz Axel Oxentierna

Krol we Europie ciyngym wojuje
A Oxentierna Szwecjo buduje
Z tym rosnom w siyła jyj sztyry stany
Zdo sie czas lepszy jakby im dany.

[broneknotgeld]

Ślonsk - Szwecyjo
blogi.dziennikzachodni.pl/bloghistoryczny/2013/08/26/szwecja-jak-slask-czyli-zegnaj-autonomio/Komedyjo?

[broneknotgeld]

Szwecjo
---
Wiycie – wpiyrw Swewy Gotōw podbijōm
Jako Wikingi już potym żyjōm
Abo Waregi
Kaj Rusi brzegi
Nowogrōd, Smolyńsk, Kijōw niy skryjōm.
---
Stracha przed niymi w Europie majōm
Ku krześcijaństwu gowy skłōniajōm
Z Dańjōm kuplujōm
W tym siyła czujōm?
Kalmar krwiōm skōńczy jejich – niy bajōm.
---
Zdo – ze Wazami potyngōm bydzie
Ze „łaski” cara kōniec z tym przidzie
Finlandjo stracōm
Niy ubogacōm
Choć Bernadotte im krōlym bydzie.
---
Kej wielge wojny w dwudziestym wieku
Kraj neutralny – rod bydź człowieku
Leci ci życie
We dobrobycie
I ze Unijōm dali poleku.

Skania

[broneknotgeld]

Skania

Naprzeciw Danii ta Skania momy
Możno jom w końcu dobrze poznomy.

[broneknotgeld]

Skania spichrzym

Ano - spichrzym dlo Szwecyji
Niy ma we tym komedyji.

Malmö

[broneknotgeld]

Malmö

Stolicom Skanii tyn port widzicie
Drapci we Malmö tyż leci życie.

Uppsala

[broneknotgeld]

Staro Uppsala

Dlo Swionow jako świynto stolica
Tu żeś zoglondoł we bogow lica
W pogańskich czasach kwitła Uppsala
Tako ci szumi jeziora fala.
--

"Blotfest"

W Stary Uppsali to "świynto krwi"
W ofierze ludzi Swiony skłodali
Co dziewiyńć rokow - niych kożdy wiy
Tako do bogow swojich "rzykali".

[broneknotgeld]

Uppsala 1164

Arcybiskupstwym Uppsala tako
Za downom wiarom nikt już niy płako
Yno Sigtuna coś na tym traci
Terozki myni już se bogaci.

[broneknotgeld]

Krol Eryk IX

Choć do Finlandji powiod krucjata
Chocioż założoł już dynastyjo
Zginoł ze rynki duńskego "brata"
Uppsala widzi ta tragedyjo.

Sztokholm

[broneknotgeld]

Sztokholm

Na sztyrnostu wyspach ta stolica leży
Jezioro łod morza łone łoddzielajom
Werci sie jom zwiydzić - możecie mi wierzyć
Zabytkow tyż wiela tukej piyknych majom.

[broneknotgeld]

Sztokholm (1250)

Jarl Birger Sztoholm na szkierze stowio
Czy to co przidzie już mu sie zdowo?

[broneknotgeld]

Sztokholm (XIV w.)

Grod we tym wieku naprowdy rośnie
I se na handlu wiela bogaci
Niyjedyn kupiec myśli radośnie
Tu profit zowdy - geld se niy traci

[broneknotgeld]

broneknotgeld napisał:

> Sztokholm
>
> Na sztyrnostu wyspach ta stolica leży
> Jezioro łod morza łone łoddzielajom
> Werci sie jom zwiydzić - możecie mi wierzyć
> Zabytkow tyż wiela tukej piyknych majom.
>
www.dziennikzachodni.pl/artykul/498120,10-miejsc-ktore-trzeba-odwiedzic-w-2012-roku-galeria,2,6,id,t,sm,sg.html#galeria-material

Visby

[broneknotgeld]

Visby

Czasy świytności już sie skończyły
Dyć tu Gotlandii jest dusza
Tyn port mioł downiyj za wiela siyły
Se kedyś zajrzeć tyż mysza.

[broneknotgeld]

Najazdy Duńczykow (XIV w.)

Ło Skanio, Blekinde ciyngym zwada była
Stond niyjedna duńsko wyprawa se wziyła
We Gotlandji nawet wojska Waldymara
Trza se Magnusowi ło Visby tyż starać.

Lund

[broneknotgeld]

Arcybiskup Lundu Bornholmu se czimoł
forum.gazeta.pl/forum/72,2.html?f=59&w=19764660&a=21799600
Zamek tam wystawioł bo Kościoł niy drzymoł.

[broneknotgeld]

Lund

Dania se piyrwyj Lundu trzimała
Jednak Szwecyji we końcu dała.

[broneknotgeld]

Na połedniu

Na połedniu połwyspu Skandynawskim zwanym
Lund dzisioj Szwecyji zocnym zdo sie wianym.

[broneknotgeld]

Uniwerek w Lund

W Skandynawiji nojwiynkszy przeca
W wiek siedymnosty aż tukej leca.

[broneknotgeld]

Czy tam szwedzko Skania znajom?
forum.gazeta.pl/forum/72,2.html?f=120&w=59866312&a=59866312
Z niyj partnera przeca majom.

[broneknotgeld]

Lund w Szwecyji leży!
Czy ktosik niy wierzy?

[broneknotgeld]

Lund 1104

Arcybiskupstwo już tukej majom
W Skandynawiji nojpiyrsze łone
Choć przi Duńczykach - przeca niy wajom
Lynd tukej prawi - "z pogaństwym koniec".

Nykoping

[broneknotgeld]

Do Nykoping

Ze Gdańska fligrym lecisz godzina
Toż cie prziwito szwedzko dziedzina
Co nojzocniejsze mo to pokoże
Tyś przeca gościym na jeji dworze.

[broneknotgeld]

"Zoo-landia"

Tam i "safari park" dyć znojdziecie
Se cołko Szwecjo asi niym przecie.

Göteborg

[broneknotgeld]

Göteborg 1607

Coby Duńczykow durś niy bogacić
Geldu na cudzy handel niy tracić
Göteborg teroz Szwecjo wystowio
Tref powodzynie tyż miastu dowo

Blekinge

[broneknotgeld]

Blekinge

Hrabstwo nad Bałtykym
we zocny Szwecyji
Pokusi wandrusa
dyć bez komedyji.

[broneknotgeld]

Kaj Blekinge

Kaj Blekinge jeziora klarowne
Kaj Blekinge i morze cudowne.

[broneknotgeld]

900 jezior Blekinge

Ech, przeklarowno w jeziorach woda
Dyć coś za zimno - ździybeczko szkoda.

[broneknotgeld]

Kryngi

Kryngi ze bergow w Blkinge mocie
Mono i runy se poczytocie
Ło downych czasach Wikingow prawiom
Ło downych bogach coś dzisioj jawiom?

Karlskrona

[broneknotgeld]

Do Karlskrony promym

Z Gdyni do Karlskrony promym se dopłyniesz
Dziesiyńć godzin rejsu - do portu zawiniesz.

[broneknotgeld]

Wyspowo Karlskrona

Wysepek trzidziści te miasto rachuje
Toż se tukej morze do kwadratu czuje.

[broneknotgeld]

Forty Karlskrony

Zdo sie co łod zowdy wojsko tukej było
Toż se na wysepkach fortow namnożyło
Tukej dyć potyngom Szwecyjo jawiyła
Ech, był czas ze richtig prawie tako była.

Norwegia

[broneknotgeld]

Tukej Norwegii kontek zostawia
Fraszkom se potym jednak zabawia.

[broneknotgeld]

Narty

Narty z Norwegii przeca pochodzom
Bestoż narciarze tukej se rodzom.


Saamowie

Saamowie piyrsi mieli te ziymie
-Niym tukej prziszło normańske plymie
Toż nawet dzisioj Sameting majom
Tymu co jejich nojbardzi pszajom.


Jedyny feler

Jedyny feler Norwegii w tym
Drogo gorzoła - teroz już wiym.

[broneknotgeld]

"Miniherostratesikow" wiela
www.polskatimes.pl/opinie/komentarze/431151,herostratesowie-naszych-czasow,id,t.html
Zno niyjedna ślonsko sztela
Znajom fora "naszy-klasy"
Stalking cieszy tu, czy straszy?

Ktoś chce cosik "wybudować"
Trza mu "zbulić", łoszkalować
Słowo zdo sie być "ślepokym"
Co z tym włazi krok za krokym?

Dusze mrozić "zimnom wojnom"
Zła suć ziorka nacjonalne
Ponboczkowi przeciw? Mojrom?
Richtig wierzom co to fajne?

"Mały grzych" - to kogoś dziwo?
"Wielgi" to usprowiedliwio?
Małe flance - plony wiynksze
Dobro przed złym zdo sie miynksze?

Tragedyjom jak zaradzić?
Trolling tympić, myni wadzić
Choć konszczyczek dobra wiyncy
Ślonski asty niy umynczy.

Elga

[broneknotgeld]

Lipiec w Elga

We jeziorze Femund pomoczysz te kije
Ryb tu ciyngym wiela i dobrze se żyje
Możno nawet trefisz na festyn ludowy
Zjeść popić tańcować zowdy żeś gotowy.

Magerøya

[broneknotgeld]

Magerøya

Czym Magerøya w Europie słynie?
-Krańcym połnocy w naszy dziedzinie.

[broneknotgeld]

Na Magerøya

Piyrwyj se promym tu przipływało
Dzisioj tunelym zaś karnońć chciało
Coby na Nordkapp yno pokukać
I na połnocy słonka poszukać.

[broneknotgeld]

Nordkapp

Trzista metrow w dole klif tonko we wodzie
Europa tu prawie połnoc ziymi bodzie
Toż wandrusa czynsto połwysep tyż kusi
Geldu trocha straci dyć kuknońć tu musi.

[broneknotgeld]

Połwysep Knivskjellodden

Choć Nordkapp sławniejszy
Tyn na połnoc dali
Dyć ludzie gryfniejszy
Sie zwiydzać łobrali.

[broneknotgeld]

Z Knivskjellodden

Kery tu trefi na wschod durś kuko
Dyć przeca Nordkapp łoczami szuko
Z Morza Barentsa klifym sie dzwigo
Czasym wandrusom jakby pomigo.

Finlandia

[broneknotgeld]

Lapończyk

Lapończyk w ty ziymi siedzioł se łod zowdy
Fin go prawie wyciep - wiela we tym prowdy.

[broneknotgeld]

"Nokia"

Wybijesz Finowi z gowy
Tyn telefon komorkowy?

[broneknotgeld]

Fińsko "stuga"

Jako tu to wyłonaczyć?
Z ruska byłoby "na daczy"
Stuga z saunom - to jest życie
Fina drapko tym skusicie.

Laponia

[broneknotgeld]

W Laponii

Kopruch tu latym gro rola króla
Przeca niy byda cie ze tym fulać
Chcesz to przekonej se tako som
Bo jo kopruchy kajś teroz mom.

[broneknotgeld]

Zimom

Zimom w Laponii jasno na dworze
Bo przeca świycom polarne zorze
Łoziym miesiyncy jednak to trwo
Za dugo cosik - tako sie zdo.

Rovaniemi

[broneknotgeld]

Rovaniemi

Wele Rovaniemi Mikołoj zamiyszkoł
Choć przeca kaj ińdzi tyż łon wiela blyszczoł
Dlo jednych Laponia jest jego dziedzinom
Biskupio historio inkszym przipominom.

[broneknotgeld]

Finka

W Rovaniemi kupisz finka
Yno se niy utni w rynka.

Naantali

[broneknotgeld]

Naantali

Przi Turku tako mieścina
Kaj Muminkow jest "Dolina".

Tampere

[broneknotgeld]

W Tampere

Kaj znojdziesz we UE Muzeum Lenina?
Ano mo jedyne ta fińsko dziedzina.

Helsinki

[broneknotgeld]

Ruski sznit

Czynsto tu filmy ło Rosji kryncom
Oryginałym se już niy mynczom
Toz historyjo leciała tako
Że jakby zdowo sie to jednako.

[broneknotgeld]

Wykuty w skale

W Helsinkach kościoł wykuty w skale
Jeszcze żech we niym niy był jo wcale.

[broneknotgeld]

Helsinki 1550

Gustaw I Waza założoł te miasto
Na handel ze Rosjom przeca dobry czas to
Dyć chciała Szwecyjo tako sie bogacić
Coby skiż Tallina tyż wiela niy tracić.

[broneknotgeld]

Car Aleksander II

Na Placy Synackim zoglondo z dynkmala
Możno po łojcowsku chce Fina "pohalać"?

[broneknotgeld]

Helsińsko forteca

Toż richtig wielko choć nadarymno
Tako strategi "zagrali w ciymno"
Wiela to Szwedom przeca niy dało
Że te bastiony se budowało.

[broneknotgeld]

Stolica Wielkego Ksiynstwa Finlandii

Jakby w niywoli Helsinki rosły
Dyć do znaczynio tako tyż doszły.

[broneknotgeld]

"Cera Bałtyku"

Tako Helsinki nom teroz jawiom
Z czech stron falami jego se bawiom
przilondki wyspy cyple zatoki
Zdo sie co morze łobmywo kroki.

[broneknotgeld]

"Tapiola"

Morsko-leśne blokowisko
To wystyknie ci za wszysko
Finy tako pokozali
Że blok lasu niy łobali.

[broneknotgeld]

Na skale

Miedziano kopuła na skale wykuty
Z łokyn jak z łorganow zdo sie słyszysz nuty
Jakby piszczołkami światła łone były
W tym kościele blisko żeś jest boski siyły.

[broneknotgeld]

Luterańsko katedra

Na Placu Synackim we helsinkach stoji
Kopuła wielgachno se czimie wysoko
Dyć jom niy łominiesz - ło to nic niy boji
Rozglondnij sie yno - zaroz w łoczy skoko.

[broneknotgeld]

Alvar Aalto

Fińske wzornictwo kunsztym istnego
Coś we Helsinkach jest jeszcze jego?
--

"Finlandia Hall"

Kongresowo-koncertowo ta helsińsko sztela
Aalto tako projektowoł - doł w to duszy wiela
Toś poświadczyć tako może wszechłobecno fala
Zdo sie jakby jego miano ciyngym chciała halać.

[broneknotgeld]

Do Helsinek z Polski

Promym prosto niy dopłyniesz
Tallin Sztokholm jak łominiesz?
Z Travemunde! - Tako idzie
Dyć ci niy po drodze bydzie.

Alandy

[broneknotgeld]

Alandy

Se autonomiom swojom fest cieszom
Przeca parlamynt tyż łod sia majom
I możno czasym ze tym "pogrzeszom"
Dyć Unii tego zabrać niy dajom.

[broneknotgeld]

Autonomio

Majom swoj parlamynt i alandzko flaga
Po szwedzku godajom - to niy jakoś blaga.

Savonlinna

[broneknotgeld]

Savonlinna

Na wyspach jeziora se leży ta sztela
Pedzieć tukej ło niyj szłoby richtig wiela
Dyć trza tam zoglondnońć - to szkryfnońć wystyknie
Cobyś ło tym wiedzioł - w Savonlinna piyknie.

Turku

[broneknotgeld]

Abo

Abo - se piyrwyj po szwedzku zwało
Toż dlo nikerych tako łostało.

[broneknotgeld]

W Abo Akadymiji

Po szwedzku tu możesz pobiyrać nauki
Sztudiyrować tako wcale niy dlo sztuki.

[broneknotgeld]

Szwedzke Abo (XIII w.)

Trzimiom po czyńsci już Finlandyjo
W Abo biskupstwo - niy komedyjo
Przeca Uppsali ciyngym se słucho
Na to co fińske richtig jest głucho.

Estonia

[broneknotgeld]

"Maamees" - "ludzie ziymi"

Ugrofińske plemie miano Estow miało
Choć je niy halali dyć tukej łostało
Kawalerow przeca przeżyło Mieczowych
Szwedow i Polokow, Ruskich starych, nowych

Estończyk łod lot tu swoja ziymia czimoł
Narod jakby we niym przez lata durś drzymoł
Ale sie przebudzioł w wieku dziewiytnostym
Chocioż i nastympny niy był wcale prosty

Dyć łod lot czinostu wolno republika
Co wlazła terozki do Unii koszyka
"Maamees" - dlo nos przikłod to obywatela
Łon chce ciyngym dźwigać swoja piykno sztela.

[broneknotgeld]

Szwedzko Estonia

Ponoć za tych Szwedow tu sie dobrze dzioło
Dyć Estom niy było tak cołkym wesoło
Jednak coś łostało - bycie Skandynawym
Choć inksi sie z tego niy zdowajom sprawy
Est zowdy se przeca czuł bratym łod Fina
Trza zakonotować - zwiydzić tyż dziedzina.

[broneknotgeld]

Estōńjo
---
Pōnoć Esty leko tu piyrwyj niy mieli
Wikingōw i Rusōw strzimywać musieli
Krziżaki tyż cisnōm
Choć w kōńcu ukisnōm
Czy Inflanty po to coby je durś dzielić?
---
Ze Szwedami Rusy wadzōm ô Inflanty
W kōńcu Pyjter Wielgi erbnōł wszyske fanty
Carowi służyli
Sowietōw ciepnyli
Kōmuna im zdała przeca yno kantym.
---
Państwo niepodległe w miyndzywojniu mieli
Ech, kōmuna przidzie choć tego niy chcieli
Wpiyrw Niymca strzimali
Potym prziloz Stalin
Tōż mustrym sowieckim żyli we ty szteli.
---
Dziedzina sowiecko kej rozlatywała
Estōńjo z inkszymi dyć na tym wygrała
Juzaś ôd sia pylo
Choć Rusōw niy kilo
Przeca ze Unijōm drap pokuplowała.

Tallin

[broneknotgeld]

Tallin

Tallin to ponoć znaczy "miasto duńske"
Toż se wspominajom teroz czasy łońske.

[broneknotgeld]

Żeś we Tallinie
www.sport.pl/pilka/1,65037,12311295,Przed_meczem_Estonia___Polska__Polscy_pilkarze_w_cieniu.html
To cie niy minie.

Tartu

[broneknotgeld]

Tartu

Było już Tartu we wieku piontym
Czy ktosik ło to mo jakeś wonty?

Parnawa

[broneknotgeld]

Te noce

"Biołe noce" we Parnawie
Niy śpisz z frelkom tukej prawie.

Saaremaa

[broneknotgeld]

Saaremaa

Estońji wyspa nojwiynkszo tako
Godosz "Ozylia" to tyż jednako.

Poide

[broneknotgeld]

Poide

Poide cie prziwito kościołym prastarym
Co krziżowcow downe rzondy durs pamiynto
Niy pasowoł cołkym do "sowiecki miary"
Dyć jakoś to szczimoł - czy przidzie zaś świynto?

Valjala

[broneknotgeld]

Valjala

Tym ta Valjala naprowdy słynie
Że tu nojstarszy kościoł w dziedzinie.

Kaali

[broneknotgeld]

Kaali

Kaali zodziwi wos kraterami
Chciyjcie zoglondnońć na nie tam sami.

Kuressaare

[broneknotgeld]

Kuressaare

Miasto łod zowdy nojpiyrsze tukej
Siedzibom przeca biskupa
I dzisioj szteli lepszy niy szukej
Niy udo ci sie ta sztuka.

[broneknotgeld]

Kuressaare - port

Piyrwyj portym zocnym było
Dyć go morze zamulyło
Dzisioj se inaczy jawi
Bo kuruje no i bawi.

[broneknotgeld]

Ratusz (XVII w.)

Barokowy ratusz na rynku tu stoji
Gryfnie Kurossaare ta budowla stroji.

Angla

[broneknotgeld]

W Angla

Tu na wiatraki se podziwocie
Symbol ty wyspy w nich przeca mocie.

Haapsalu

[broneknotgeld]

W Haapsalu

W Haapsalu banhof zodziwi wiela
Kery ze drewna wybudowany
Drugego niy zno Europy sztela
Estońskim cudym może być zwany.

Łotwa

[broneknotgeld]

Łotwa

Symbolym łotwy czi gwiozdki som
Cosik jo ło tym łod sia tyż dom
Łatgalio jedna Kurlandio drugo
Czecio ze Inflant piyknie nom mrugo.

[broneknotgeld]

23-24.VI. Świynta Ligo i Janie

Dwa dni te nojdugsze ze nojkrotszom nocom
Łotysze świyntujom - przeca wolne majom
Kwiot paproci kwitnie - we wodzie se moczom
No i przi fojerze cołko noc śpiywajom.

[broneknotgeld]

Łotwa
---
We Livońji Liwy, dyć niy yno przeca
Zemgały, Legały, Zelōny – tōż kleca
Tyż Zakōn tu cisnōł
Dyć kej już ukisnōł
Kettlerowi sztela wleciała do neca.
---
Polska, Szwecjo, Rusy – wadzōm ô Inflanty
Car w kōńcu wygrywo, terozki łōn sam tym
Co piyrszym po Bogu
Aż stanōł we progu
Sowietōw – korōna zdo yno im fantym.
---
Łotwa z wielgi wojny wolności mo żniwo
Dyć krōtko – to przeca nikogo niy dziwo
Zaś wojna zamrugo
Pierōńsko – ta drugo
We Zwiōnzku Radzieckim czy bydzie szczyńśliwo?
---
Niypodległość prziszła z ôstatniōm dekadōm
Dwudziestego wieku – zdo dzisioj paradōm
Choć Rusōw durś wiela
Rozkwito ta sztela
W trzecim tysiōncleciu ze Unijōm jadōm.

Ryga

[broneknotgeld]

Pomnik Wolności

Jakby "Statua Wolności" rysko
Czi gwiozdki czimie - toż już wiysz wszysko.

[broneknotgeld]

Niy łominiesz

Kej po Dźwinie płyniesz
Rygi niy łominiesz.

[broneknotgeld]

Kościoł św. Piotra (1209)

Na Starym Mieście kościoł znojdziecie
Pewno podziwać tu jymu chcecie
Muster romański piyrwyj se broł
Przebudowali - już gotyk mioł.

[broneknotgeld]

Koscioł św Jana

Downom cegłom durś sie asi
Tako Ryga richtig krasi
Niy na darmo se dziwocie
Kej tyn koscioł przed sia mocie.

[broneknotgeld]

Filharmonijo Narodowo

W downy Wielki Gildii sie znodła siedziba
Toż muzykom wielko zdo sie teroz chyba.

[broneknotgeld]

Zamek ryski

Ano - tego niy łomina
By wnerwiyła sie fest Dźwina
A we rejs sie niom wybiyrosz
Zamek ryski - tam zaziyrosz.

[broneknotgeld]

Secesyjom słynie

Secesyjom Ryga słynie
Znojdziesz cuda w ty dziedzinie.

[broneknotgeld]

Kej sie łobudzisz

Kej sie łobudzisz we Rydzie rano
Możno dziedzina bryzom spłokano
Wiatrym łowiono co ze zatoki
Kukej na miasto niy yno łokym.

[broneknotgeld]

Wieża telewizyjno (368,5 m)

W cołki Uniji nojwiynkszo wieża!
Tam sie niy spinom, styknie mi - wierza.

[broneknotgeld]

Muzeum Kultury Łotewski

W stolicy Łotwy tako być musi
Zwiydzić muzeum niych wos pokusi.

[broneknotgeld]

"Baltic Bike"

Koło pozycosz tukej przi sztrasie
Koło we Rydze zdo sie na czasie.

Jurmała

[broneknotgeld]

Jurmała

Niy łomiń nad morzym kurortu ichniego
Niym jednak tu wjedziesz "myto" dej kolego
Za tyn piniondz ponoć łochroniom prziroda
Bul bo wiyncy ło tym niy byda ci godać.

Litwa

[broneknotgeld]

Mendog

Mendog tu Bałtow zjednoczoł
Piyrszym na Litwie sie poczuł
Łon państwo te jakby stworzoł
Chocioż potyngi niy dożoł.

[broneknotgeld]

"Bocin"

Czorny chlyb ze czoskym - dyć tyż przipieczony
Przez piwoszy tukej richtig ulubiony.

[broneknotgeld]

Do Wilna

Drogi litewske do Wilna wiedom
Wonglym to szkryfnońć czy możno kredom?

[broneknotgeld]

Litwa
---
Wpiyrw Myndog Litwinōw we jedno kupluje
Wartko na połednie ich teroz keruje
Siyła niy ôminie
Ich przi Giedyminie
I szmat ziymi ruski richtig uraduje.
---
Kej Jagiełło wżyniōł we korōna polsko
Litwie we Krakowie zdowało tyż swojsko
W Uniji Lubelski
Kraj mōgby być sielski
Kejby niy tropiyło roztomajte wojsko.
---
Ze Polskōm i Litwa sie cołkym straciyła
Terozki carowi ta ziemia służyła
Dyć niy Lyninowi
Tako ofyn powiym
Dwadziścia lot z hokym niepodległo była.
---
Ech, ta drugo wojna! Litwa wpiyrw radziecko
Dyć ôkupacyjo drap prziszła niymiecko
Trzimie Moskwy potym
W kōńcu – niy gupoty
Ze niepodległości raduje niy deczko.

Wilno

[broneknotgeld]

Wilno

Miyndzy Wiliom i Wilenkom z Giedymina mocy
Grod litewski stanoł pryndko - dziwiyły sie łoczy.

[broneknotgeld]

4.IV - "Kaziuki"

Kaziuki som tukej łod sztyrystu lot
Kożdy ze jarmarku we Wilnie jest rod
Przeca sie zabawisz chocioż grosz tyż stracisz
We wercie co dusza tako ubogacisz.


Wilnianka na Kaziukach

Serce mu z piernika frela tu kupiyła
No i tym pierońsko karlusa tyz wziyła
Toż jyj palma fundnoł kero piyknie stoła
I tako sie łostać z niym łona niy boła.

Św. Kazimierz

Toż świyty Kazimierz Wilnu patronuje
Niy yno "kaziukom" - kożdy forszteluje.

[broneknotgeld]

Brat z bratym

Kazik z Aleksandrym we katedrze leżom
Bratki Jagiellony u tych co durś wierzom
W łopieka Ponboczka nad Litwy stolicom
Kerom se we rymach tako jo zochwycom.

Trojrynki

Malyrz na łobrozie rynka zmiynić chcioł
Choć zamalowywoł ciyngym piyrszo mioł
Bestoż mo Kazimierz rynce aże czi
Ło tym cudzie zaroz cołko Litwa wiy

Pont se wtedy zaczoł - czynste uzdrowiynia
Dało papiyżowi to fest do myślynia
Drapko Kazimierza świyntym dyć łogłosioł
Czy łon "czeciom rynkom" ło to wtedy prosioł?

[broneknotgeld]

"Jezu ufam Tobie"

Faustyna Kowalsko Krystusa widziała
Bestoż rynka taki łobroz malowała
Kery tu terozki wandrusa prziciongo
Prawiom co do wiary człowieka fest wprzongo.

[broneknotgeld]

Kościoł św. Pyjtra i Pawła

Na wilyński barok se tukej podziwosz
Ze zochwytu aże głowom potym kiwosz
Dyć uklynknij piyrwyj, porzykej we ciszy
Niychej cie Ponboczek w świontyni usłyszy.

[broneknotgeld]

"Miednicko Brama"

Na drodzie do Miednik brama postawiyli
Dzisioj "Łostrom" zowiom - tako pomiyniyli.

[broneknotgeld]

"Łostro Brama"

Dyć niy zowdy "Łostrom" zwano
-Nosiyła i Miednik miano.

[broneknotgeld]

Wilno 1323

Giedymin tukej zamek zbudowoł
Tako se Wilno stolicom stowo
Czy Troki ze tym wiela straciyły
Piyrwyj siedzibom princow dyć były.

[broneknotgeld]

Zamek Gorny

Na Gorze Zamkowy do dzisioj tu stoji
Zamek Giedymina ciyngym Wilno stroji.

[broneknotgeld]

Dynkmal Giedymina

Kaj Plac Katedralny Giedymin se stoji
Zloz z konia co za nim - princ tako we zbroji
Miecz czimie we ryncach przeciw wszyskim wrogom
Kierzy by te Wilno chcieli kopnońć nogom.

[broneknotgeld]

Kerchof na Rossie

Polskich wojokow wiela tu leży
Serce marszałka - chciyjcie w to wierzyć
Piłsudski w konsku przi matce tako
Chocioż już za niym nikt tu niy płako.

[broneknotgeld]

Wilyńsko Madonna

Łostrobramskom Matkom zwano
Miłosierdziu tyż łoddano
Strzybrzy szatkom fest kaplica
-Dar po downych karmelitach

Dyć cudami swymi słynie
I we polski tyż dziedzinie.

Druskienniki

[broneknotgeld]

Druskienniki

Car Mikołoj zdroj z Druskiennik zrobioł
Jest na Litwie kurort co je we tym pobioł?

[broneknotgeld]

Skiż rozpusty

Skiż rozpusty Perkun pokoroł Litwinow
Słone płaczki wszyskich wsionkły we dziedzina
Teroz kuracyjom som dlo jejich synow
Jak byda na Litwie Druskiennik niy mina.

[broneknotgeld]

Wody mineralne no i borowiny
Bogactwym som wielkim tutejszy dziedziny
Baden-Baden przi tym se możno i straci
Choć tam zoglondajom ci co fest bogaci.

[broneknotgeld]

W Druskiynnikach

Jako piyrwyj se możesz kurować
Druskiynniki durś blyszczom łod nowa
Zdo sie tako już chnet łod ćwierćwieku
Toż zoglondnij i tukej człowieku.

Palanga

[broneknotgeld]

Palanga

W Litwie nad Bałtykym chcesz se wywczasować
Palanga ci możno fest bydzie sztimować.

Nida

[broneknotgeld]

Nida

Na mierzeji pewno pokusi mie Nida
W kery som litewske rożne festiwale
Na Aleja Gwaiazd se tukej chyntnie przida
I Tomasa Manna niy zapomna wcale.

Kowno

[broneknotgeld]

Kowno

W czerwono budka se tukej zojdziesz
Zowdy w niyj przeca telefon nojdziesz.

Kłajpeda

[broneknotgeld]

Kłajpeda

Do dzisioj niymiecka widać tukej rynka
Trza sie z tego cieszyć a niy yno kwynkać.

Troki

[broneknotgeld]

Troki

Niym w gora Wilno miało fest skokać
Stolica Litwy była we Trokach.

[broneknotgeld]

Zamek w Trokach

Na Litwie starszy zamek znojdziecie?
Łon u poczontka dziedziny przecie!

[broneknotgeld]

Stare Troki 1350

Princ Witold w trokach se prawie rodzioł
Roki leciały, w boj hufce wodzioł
Śnioł ło koronie dlo Litwy tako
Dyć pomarł bez niyj - princym jednako.

Rosja

[broneknotgeld]

Miejsce dlo Rosji zrobić mi trza
Przido sie z czasym na pewno - pra?

[broneknotgeld]

Obwod Kaliningradzki

Zdo sie - "spolono ziymia" jest tukej
Downy świytności ze świyczkom szukej.

[broneknotgeld]

Dymitr Mendelejew

Dymitr Mendelejew chymji richtig pszoł
Dyć i gorzołeczka "normowo" nom doł.

[broneknotgeld]

Ech ta Syberyjo
wiadomosci.gazeta.pl/Wiadomosci/1,80276,10477338,Syberia_cierpi___wywiad_z_pisarzem_i_podroznikiem.html
Wiynkszo zaś mecyjo.

[broneknotgeld]

Ruski na stracie
kultura.gazeta.pl/kultura/1,114531,13672650,Zmarl__rosyjski_Banksy___Mial_29_lat___Rosja_stracila.html
Putin mo lacie.

Kaliningrad

[broneknotgeld]

Prusy Ksionżynce

Piyrsze to państwo w cołki Europie
Kaj sie na Lutra tezy niy "kopie"
Princ Albrecht polskim lynnikym łostoł
Dyć wolno rynka we Prusach dostoł.
--

Krolewiec 1544

Dboł Hohenzollern ło swo stolica
Chcioł by gryfniejsze durś miała lica
Toż uniwerek tukej wystawioł
By uczoł ale tyż przeca sławioł.

[broneknotgeld]

Krolewiec 18.X.1663

Hołd złożyły pruske stany
Władca "z boży łaski dany"
Dziyń "Wielkego Elektora"
Absolutyzm - tako pora.


Edukacjo w Prusach

Piyrsze państwo we Europie co lud kształcić chciało
No i przeca na ty drodze zrobiyło niymało
Pryndko co wpiyrw tukej polske szło we zapomniynie
Geld kariera inkszy profit - niy mynczy sumiynie.

[broneknotgeld]

"Albertina"

Uniwerek we Krolewcu - toż przeca go znocie
Reja i Kochanowskiego sztudyntami mocie.


4 grody

Piyrwyj przi Krolewcu tyż czi inksze grody
Altstadt Lobenicht Knipawa - czimały se zgody
W łoziymnostym wieku cołkym we jedno zaś zloły
Czas przi Frycu Wielkim przeca był tukej wesoły.


Immanuel Kant 1724-1804

Niy było we tym żodnego kantu
Toż filozofio z niym kwitła sam tu
Łon "Albertiny" perłom był jasnom
Idejom kero niy śmi być ciasnom.

[broneknotgeld]

"Nowo wydany Kancyonał Pruski" - Krolewiec - 1741

Łon przez czi wieki był wydowany
Ze sto sztyrdziści razy wznowiany
Toż we tych pieśniach polskość tu była
Z niymi we sercach nikerych żyła.

[broneknotgeld]

Mury miejskie

Skiż wojyn szwedzkich wzniyśli te mury
Baszty bastiony i trocha bram
Niy łodgoniyły cołkym tu chmury
Dyć cosik jednak broniyły sam.


Przebudowa murow miejskich (1843-1864)

Ano - łoblykły se w cegła piyknie
Urody jejich i dzisioj styknie.


Baszta Wrangel

Zdo sie - wyłazi jakby z jziora
Coby Krolewca tako wachować
Chocioż minyła już jeji pora
Werci se na nia tu podziwować.

[broneknotgeld]

Brama Krolewsko

Dwoch krolow tu szukej ze ksiyńciym Albrechtym
Głow jednak niy majom - som wiysz jaki pech w tym
Choć w łostatni wojnie bomby tu niy ściepli
Dyć Ruski na władcow niy yno se hepli.


Brama Sackenheimsko

Piyrwyj grafy jom zdobiyli
Dyć przi Ruskach sie straciyli
Kaj te Yorcki i Bulowy?
-Se łopytej swoji gowy.


Brama Frydlandzko

Na Frydland z Krolewca tyndy żeś wyłazioł
W czasach jak tyn Prawdinsk do gowy niy włazioł.

[broneknotgeld]

Banhof

Banhof w tym mieście - muster poniymiecki
Toż widać zarozki że łon niy radziecki
Dzisioj herb Rosyji tu zdobi fasada
Zdo sie jakby była we tym maskarada.


Towarzysz Kalinin

Towarzysz Kalinin stoji przed banhofym
Nikt go tukej nawet niy dziobnoł kilofym
Toż wystyknie przeca być z siyrpym i młotym
Chocioż kto wiy dzisioj co z tym bydzie potym?


Dom Kultury Marynarzy

Piyrwyj na tym miejscu giełda rolno była
Dyć se drugo wojna ciynżko przewalyła
Lot trza wiela było niym łodbudowali
I przibytek taki kulturze zaś dali.

[broneknotgeld]

Kościoł w Emalienau

Krolowa Luiza postawić kozała
Dyć pewnikym tego se niy pomyślała
Że tu czas tyjatru lalkowego przidzie
A Ponboczka pszonie i we tym durś bydzie.


Zoo

Po berlińskim i londyńskim łogrod krolewiecki
Jednak wszysko se zmiyniyło - prziszoł czas radziecki
Downy blask se pryndko stracioł - zoo jednak durś stoji
Ło ta reszta co łostała ktoś sie ciyngym boji.

[broneknotgeld]

"Mars"

W Bremerhaven łotwar łoczy
Jak Europa chnet we nocy
Bałtyk skuli drugi wojny
Przeca niy był za spokojny

Prziszoł czas tyż na łodwyrtka
Poznoł Niymiec Ruska żyrdka
"Mars" na zachod morzym kludzioł
Strach se przeca wielki budzioł

Dyć był okrynt ciyngym mody
Piyknie czimoł durś sie wody
Bestoż tym se niy zdziwicie
Że "Witezia" w niym widzicie.


"Witeź"

Choć był przeca poniymiecki
Poznoł go tyn kraj radziecki
Toż w ichni Akadymiji
Łon dorobioł se pyndzyji.


Muzeum Oceanu

"Witeź" na pyndzyji nawet niy prożnuje
Niyjedyn se cudom morza tu dziwuje
Toż muzeum klupło prawie lot piytnoście
Jak tukej bydziecie to łoczy tyż wroźcie.

[broneknotgeld]

W Kaliningradzie

W Kaliningradzie tyż już Kopernik
Dynkmal mo teroz - bronz a niy piernik!

Obwod Kaliningradzki

[broneknotgeld]

Obwod Kaliningradzki

Kaliningrad jest Obwodym?
- Dyć zdo sie jedynym grodym
Kery tukej bardzi widać
Choć ło inkszych coś trza by dać.

[broneknotgeld]

Obwod Kaliningradzki

Zdo sie - "spolono ziymia" jest tukej
Downy świytności ze świyczkom szukej.

Jantarnyj

[broneknotgeld]

Jantarnyj

Wszystek bursztyn świata znoloz se chnet tukej
Przeca w cołki Sambii krocie tego szukej
Bergmonow w Jantarnym do dzisioj jest wiela
Choć fedrujom z downa łostało durś tela.


"Jantarowy Kombinat"

Wpiyrw głymboko fedrowali
Z czasym wiela łodkrywali
Teroz plaża przesiywajom
Piyńć kilo z kubika majom.

Muromskoje

[broneknotgeld]

"Kłondajka"

Toż "eldorado" tu jantarowe
Choć może życie stracić tyż czowiek
Skiż mafii abo we biydaszybie
Choć bursztyn kusi i zło tyż dybie.

Muromskoje 1993

Rolnik wykopoł tu piyrszo bryła
Pech - bo by ziymia spokojno była
-Już łobłorano biydaszybami
Jantar bogaci? Powiydzcie sami.


Biydaszyby

Kto w Muromskoje zrachuje?
Dyć durś jantar se tu suje.

Swietłogorsk

[broneknotgeld]

Swietłogorsk

Nojpiykniesze zdo sie w Obwodzie letnisko
Perłom Sambii ciyngym zowiom je tyż tukej
Rauschen - downe miano - toż teroz wiysz wszysko
Słonko plaża morze - ciyngym ło to klupej.


Młyn w Rauschen

Za krziżackich czasow mieli tukej młyn
Nojwiynkszy we Sambii - dyć ło tym jo wiym.


Rauschen 1906

Jak yno z Krolewca banom szło dojechać
Kurortym se stało - przeca w tym uciecha.

Sowietsk

[broneknotgeld]

Sowietsk

Na lewym brzegu Niymna znojdziecie
Sowietsk! -Tilsitym piyrwyj był przecie
Nom wloz do gowy pod Tylży mianym
Ze kery pokoj na krotko dany.

[broneknotgeld]

Ze XVI wiekym

Toż ze tym wiekym miasto wyrosło
I do znaczynio jakosik doszło.

[broneknotgeld]

Granica

Na moście granica
Czy cosik przemyca?
A dyć kto mie wiy?
Szkryfna tako - niy!

[broneknotgeld]

Trzi tylżycke kościoły

Sie łostały czi kościoły
Dlo nich czas tu niy wesoły
Tako wiedzom ło tym dziecki
Tylża zgnymbioł czas sowiecki.

Moskwa

[broneknotgeld]

Moskiewsko tragedyjo 23.02.2006

Ano - tragedyjo jako we Chorzowie
forum.gazeta.pl/forum/72,2.html?f=28940&w=35809810&v=2&s=0
Gołomb niy uciyrpioł yno prosty czowiek.

[broneknotgeld]

Moskwa sie burzy?
wiadomosci.gazeta.pl/wiadomosci/1,114881,10793420,Tysiace_ludzi_zmierzaja_na_demonstracje_opozycji_w.html
Jako to wroży?

Petersburg

[broneknotgeld]

Petersburg

W Petersburgu biołe noce
Niesom richtig wiela pociech.

[broneknotgeld]

Stolica kultury

Tako ło tym grodzie prawiom
Ponoć prowda richtig jawiom
Na tyn ruski muster ichni
Kej tam bydziesz to se kichnij.

[broneknotgeld]

Zimowy Pałac

Zimowy Pałac Kaśka stowiała
Kej boła Wielko to chyntka miała
Dzisioj Ermitaż we niym znojdziecie
Tako muzeum z nojwiynkszych w świecie.

[broneknotgeld]

"Aurora"

Na Wielki Newce ze downa stoji
Zdo sie kanonom już niy nabroji
Czasu zleciało dyć dlo "Aurory"
Ponoć "na wieki" tukej "honory".

[broneknotgeld]

Sobor Smolny

Rzykać z downa niy rzykajom
Dyć koncerty w niym dowajom
Kunszt muzyki blisko Nieba
Choć przeżegnać sie niy trzeba.

[broneknotgeld]

Dynkmal Pyjtra Wielkego

W środku Petersburga, ze koniym na szkale
Pyjter pewnie kuko i niy stracho wcale
Ło te jego miasto prawie jak stolica
Twierdza upilnuje by niy tropioł lica.

[broneknotgeld]

80 tyjatrow

Tela w Peterskurgu ich prawie zrachujesz
Toz niy darmo tako tyż miastu dziwujesz.

Puszkino

[broneknotgeld]

Puszkino

Piyrwyj Carske Sioło
Było tu wesoło
I dzisioj tyż tako
Zły tref tu niy krako.

[broneknotgeld]

Bez lato

Car be lato tu w pałacu
Kaj jo dzisioj barok macom
Gryfnie teroz, piyrwyj tyż
Kuknońć styknie i już wiysz.

[broneknotgeld]

W Carskim Siole

W Carskim Siole stawy majom
Gondolami tam pływajom
Chocioż niy we Wenecyji
Dyć niy robiom z tym mecyji.

Soczi

[broneknotgeld]

Soczi przed nami
Kuknijcie sami.
www.dziennikzachodni.pl/artykul/1086140,soczi-perla-putina-igrzyska-olimpijskie-w-cieniu-kontrowersji,id,t.html

Białoruś

[broneknotgeld]

Ponoć w Białorusi ciyngym wodza majom
Choć niy wszyscy jednak chyba mu fest pszajom.

[broneknotgeld]

Taki link ło Białorusi
forum.gazeta.pl/forum/72,2.html?f=28940&w=39092240
We tym wontku tyż być musi.

[broneknotgeld]

Na Białorusi
www.tokfm.pl/Tokfm/1,102433,8843179,Milicja_zatrzymala_trzech_kandydatow_na_prezydenta_.html
Wolność durś dusi.

Grodno

[broneknotgeld]

We Grodnie

Zwionzek Polokow mo sztela w Grodnie
Dyć czy mu leci tam żywot godnie?
Adam Mickiewicz z popiersio bliko
Mina mo smutno - możno łon rzyko?

Ukraina

[broneknotgeld]

Jak blikom dzisioj na Ukraina
To mi sie zdowo że apruzina.

[broneknotgeld]

Cerkew św. Sofii 1037

Toż Jarosław Mondry ta cerkew zbudowoł
W podzience co prawie Pieczyngow pokonoł
Tym znak swoji wiary Ponboczkowi dowoł
Tako i potomnym ło tym co dokonoł

Znaczynie ta cerkew zaroz wielke miała
Do niyj zoglondali przeca dyplomaty
Sercym ruski władzy łona sie zdowała
Podpisane tukej niyjedne traktaty

Niż że przi Tatarach zły los na nia prziszoł
Niyjedna armijo po nich Kijow wziyła
Czas tom Ukrainom pierońsko zamiyszoł
Cerkew se łostała świadkym tego była.

[broneknotgeld]

W XIV wieku

Litwa ze połnocy na ta Ruś ciongnyła
Z zachoda zaś garła se tu polsko siyła
Niy szczimali tego słabe już Tatary
Teroz pana miynioł tyn kraj ruski stary.

[broneknotgeld]

Kozok ukraiński

Kozok ukraiński niy chce łaski pana
Z wolnościom tańcuje łod samego rana.

[broneknotgeld]

Wojny kozacke

Polska w nich bunty motłochu widziała
Dyć tako wolność pynta zrywała
Co dlo Poloka grzychym tu zdo sie
To Ukrainiec za świyntość mo sie.

[broneknotgeld]

Wschodnio Ukraina 1654

Ano sie stało co stać musiało
Za Dnieprym Rosji dziedzina cało
Dlo Chmielnickiego to myńsze zło
Dyć to co przidzie czy cołkym zno?

[broneknotgeld]

A w Rosyji

Ukrainiec Rosyji zdo sie gorszym Rusym
Kerego trza czimać tu ciyngym pod musym
Tympić jego godka - durś rusyfikować
By wolnośc we duszy niy śmioł w końcu chować.

[broneknotgeld]

"Wyzwoliciele"

Toż po "głodowy okupacyji"
Ze Niymcym zdo sie myni mecyji
Doł Ukraińcom nawet nadzieja
Choć wcale niy chcioł grać dobrodzieja.

[broneknotgeld]

"Miynso armatnie"

Miynso armatnie ze Ukraińca
Może ucieszyć zowdy tu Niymca
Dyć państwa z tego jednak niy bydzie
Yno nastympno niywola w biydzie.

[broneknotgeld]

Dzisioj

Dzisioj Ukraina apruzinom zdo sie
We tym tyż nadzieja i lepszy na lepszy los zdo sie
Możno do Uniji jom drapko powiedzie
Przidzie czas że łona w Europie na przedzie.

[broneknotgeld]

Na Ukrainie co to se dzioło?
forum.gazeta.pl/forum/72,2.html?f=261&w=17978512&v=2&s=0
Ano niy było ze tym wesoło.

[broneknotgeld]

Polska - Ukraina

Teroz EURO fest kupluje
Niychej kozdy forszteluje
Szansa dlo nos jako dlo nich
Skiż fuzbalu czas dogonić.

[broneknotgeld]

Ech, ta Ukraina
www.sport.pl/euro2012/1,109071,11646244,Przedstawicielka_rzadu_Niemiec__Wszystkie_mecze_Euro.html
Coś tropi dziedzina.

[broneknotgeld]

Dlo Ślonzoka jakby dnieje
Kej we Lwowie sie to dzieje
www.dziennikzachodni.pl/artykul/584653,katowice-lwow-w-poniedzialek-wydobycie-szczatkow,id,t.html

Kijów

[broneknotgeld]

Kijow

Kolybkom słowiańskom tyn Kijow mianujom
Ci drapko spokopiom kierzy prziwandrujom
Kuknońć tu na cerkwie, stare monastyry
W słowiańsko kolybka prziwiedom ich gyry.

[broneknotgeld]

Na gorkach

Jako "Rzym Słowiański" na gorkach dźwigniony
Tyn Kijow nad Dnieprym w Ukrainie momy.

[broneknotgeld]

Ławra Peczersko

W jedynostym wieku cerkwie już stowiali
Tako Ruś Kijowsko ku Bogu dźwigali
Wiyrchnio kopułami do Nieba rzykała
Dolno we jaskiniach braciszkow chowała
Jeszcze na dzwonnica fest epno kukniecie
I Sobor Uspieński - dyć niy łominiecie.

[broneknotgeld]

Stadion na Euro 2012

Wśrodku Kijowa wybudowali
Coby kibice niym radowali
Coby kopali tam fuzbalery
W środku Kijowa niy jest felerym.

[broneknotgeld]

Sobor Sofijski

Sofia Kijowsko - tyż mianym takim
Ta cerkiew blyszczy kunsztym jednakim
Co kwitnoł tukej za Włodzimierza
Czy jego Wielkość świontyniom zmierza?

[broneknotgeld]

Sofia Kijowsko na liście UNESCO

Dyć sie niy ma czymu dziwać
Gowom na "ja" styknie kiwać
Fresow wiela, mozaikow
Na ikony braknie blikow
Tym sie Kijow wszyndy asi
Czas zaś taki co niy gasi
Ducha w ludziach, Boga w duszy
Ze tym Kijow w przodek ruszy.

[broneknotgeld]

Dynkmal Chmielnickiego

Kaj Sofijski Sobor se stanoł na placu
Hetmanioł Kozokom - Polsce coś złonaczoł
Jednym zdo sie wielkim, inkszym zdrajcom ino
Dyć miyj go we zocy kej chcesz Ukraino.

[broneknotgeld]

Monastyr ło Złotych Kopułach

Stoji jako piyrwyj, choć łodbudowany
Juzaś Kijowowi i Bogowi dany
Sie Archanioł Michał pewno dziwoł tymu
Choć Dniestr to niy Tyber mo Kijow coś z Rzymu.

[broneknotgeld]

Kolumna św. Michała Archanioła

Dziwo sie Archanioł ciyngym Kijowowi
Zdo sie widzieć wszysko - dyć czy wom łopowiy?

[broneknotgeld]

Złoto Brama

Jako piyrwyj stoji - łodrestaurowano
Niy darmo tyż nosi take prawie miano
Yno kej już bydziesz richtig wele tego
Niy szukej wandrusie tam miecza Chrobrego.

[broneknotgeld]

Kijowski Chreszczatyk

Trza poszpacyrować
Sie tym Chreszczatykym
Szaufynstrom dziwować
Do knajpow wlyźć blikym
Kej portmanyj ruby zaszaleć tyż możesz
Kej ciynki - do szkryfna - "dej ci Panie Boże".

[broneknotgeld]

Na Chreszczatyku

Siena Chreszczatyku tyż poszpacyruja
Dyć ofyn wom godom - tukej niy kupuja.

[broneknotgeld]

Plac Niypodległosci

Ano - we stolicy plac taki być musi
Niychej Ukraina żodyn już niy dusi.

[broneknotgeld]

Jarosław Mondry 1997

Przi Złoty Bramie dynkmal już majom
Jarosławowi tukej kiwajom
Przi Złoty Bramie - bez Świyntopełka
I bez Chrobrego - Kijow perełka
Toż mondrze włodoł tom swojom Rusiom
Kijow dziedziny tako boł duszom.

Huculszczyzna

[broneknotgeld]

Huculszczyzna

Kaj Prut i Czeremosz dyć już wody toczom
Masyw Czernohory ciśnie se ku łoczom
Kaj cie tyż zochwycom tutejsze Gorgany
Zdo sie przez Ponboczka Hucułom kraj dany.

[broneknotgeld]

Czarnohora

Czarnohora jak serce Hucuła
Tu na szlaku se werci potułać
By natura skuplować ze duszom
Toż myślami tam zowdy jo ruszom.

[broneknotgeld]

W Polsce

Dyć w końcu Polska se tukej prziszła
Słupki graniczne łostały
Choć potym cołkym ze Kresow wyszła
Ślod zostawiyła niymały.

[broneknotgeld]

Chata Hucuła

Zdo sie ze stoku paczeć w dolina
Dyć wcale jyj sie niy kłoni
Hucuł jest wolny - czy trza wspominać?
Dusza we gory go goni.

[broneknotgeld]

W huculski chacie

Toż ze ciymny siyni wlejziesz se do kuchni
Yno na przipiecek zarozki niy buchni
No i do komory tyż drapko niy blikej
Hucuł jest gościnny - przi strowie porzykej

Ze ty ciymny siyni do iby mosz drzwi
We niyj to gospodorz ze ślubnom se śpi
Cołko łobwieszono ikonami zdo sie
Toż besto Ponboczka łaska w progach mo sie.

[broneknotgeld]

Ta Werchowyna

Ta Werchowyna przez nos poznano
Piyrwyj Żabiego nosiyła miano.

[broneknotgeld]

Ze wrześniym

Ze wrześniym pusto koliba
Łowce w zogrodzie już chyba.

[broneknotgeld]

"Huculski"

Poznosz Hucuła po godce jego
"Huculski" w zocy jest u istnego.

[broneknotgeld]

Wandrusowy szlak?

Na darmo znakow durś szukosz
Łoczami na strony kukosz
Bo niy ma szlakow tu wcale
Styknie ci mapa i palec.

Kołomyja

[broneknotgeld]

Muzeum

Muzeum huculske w Kołomyji majom
Rzemiosłu i kunszcie huculskymu pszajom.

Kosiw

[broneknotgeld]

Torg huculski

Torg huculski tukej co sobota rano
Rajza we ta sztela niychej bydzie dano.

Werchowyna

[broneknotgeld]

Festiwal Kultury Huculski - wrzesiyń

Folklorym chca napaś dusza
Możno se kedyś tym skusza
Do Werchowyny przijada
Na ta huculsko parada.

Jaremcze

[broneknotgeld]

Jaremcze

Z Gorganow kraja Jaremcze leży
Tu se dychniecie - idzie w to wierzyć
Nawet wygodno bydzie kwatera
Możno se znojdzie tyż jakoś frela.

[broneknotgeld]

"Morske Oko"

"Morske Oko" zaniydbane
W miyndzywojniu szteli dane
Tako dzisioj podniszczone
Ty dzielnicy przidzie koniec?

Bukowal

[broneknotgeld]

Bukowal

Na narty zoglondnij z Jaremcze se tukej
Szwajcaryji tako ukraiński szukej
Deski pożyczocie choć i swoje biercie
Trasy z Bukowela som tego we wercie.

Worochta

[broneknotgeld]

Worochta

Kolybkom narciarstwa jest na Ukrainie
Z austryjockich czasow toż niych to niy minie.

[broneknotgeld]

Ruina kościoła

Ano - z downych czasow łostała ruina
Toż piyrwyj ciekawszo była to dziedzina.

[broneknotgeld]

Kijow stolicom

Toż stolicom Ukrainy
Trza tam kuknońć, trza być driny.

Odessa

[broneknotgeld]

Adam Mickiewicz w Odessie

Łod Roku Polski na Urainie
Tego dynkmala nikt niy łominie
Toż postawiyli go prawie przeca
Z ukraińskego tyż jakby neca.

Krzemieniec

[broneknotgeld]

Dlo Poloka Krzemieniec i dzisioj coś znaczy
Sie duch Słowackiego ponoć tu łonaczy.

Brzeżany

[broneknotgeld]

Brzeżany XIII w.

Władysław Opolczyk zasiedloł ta sztela
Jak był prawom rynkom tu krola polskego
Ze Brzega pościongoł i ludzi tu wiela
Tyż miano dziedziny se wziyło ze tego.

[broneknotgeld]

W rynkach Sieniawskich

W rynkach Sieniawskich sztela kresowo
Niyroz w łobronie granicy stowo
Tatary, Turki, nawet Kozoki
Tukej właziyły ze śmiertkom w ćmoki.

[broneknotgeld]

Z Izabelom Czartoryskom

Cera Zofiji komu wydano?
Już Lubomirski trzimie jyj wiano
Przeca Brzeżany źle se niy majom
Zocne familje ty szteli pszajom.

[broneknotgeld]

Brzeżański kościoł farny 1620

Toż Sieniawski go fundowoł
By Ponboczka chwolić
Przikłod dlo potomnych dowoł
-Niychej nikt niy smoli.

[broneknotgeld]

Kościoł Bernardynow

Przed wiedyńskom wiktoryjom
Już stanoł se tukej
Jak do Brzeżan kedyś trefisz
Na niego pokukej.

I porzykej se w świontyni
Tyż do Antonika
Możno tref ci zły łodmiyni
-Mie wystyknie klikać

[broneknotgeld]

Jan III Sobieski

Był Sobieski we Brzeżanach
Toż mu pomnik wystawiyli
Lekci prziszło wstować z rana?
Pewno se ło Wiedniu śniyli.

[broneknotgeld]

Kornel Ujejski w Brzeżanach

Ano tu istny czynsto zoglondoł
Co ło tym szkryfnoł? Jako to nom doł?
Ponoć niszczało wtedy zamczysko
Jakby w ruina langsam szło wszysko.

[broneknotgeld]

Dyć Witold Goliński Brzeżany łopisoł
www.kluczbork.pl/podstrony/miastap2.php
A mie yno tako rym ze tego wyszoł
Niychej łon niy wadzi - kamracynie głosi
Ło kere Ponboczek we człowieku prosi.

[broneknotgeld]

Zamek w Brzeżanach

Zamek w Brzeżanach
-dzisioj ruina
Dyć pokazuje
co za dziedzina.

[broneknotgeld]

W Podolski Szwajcarji

W Podolski Szwajcarji
leżom te Brzeżany
Tako im ciekawy
konsek ziymi dany.

[broneknotgeld]

Brzeżany 1375

Z kart historyji dane nom tako
Waśko je chycioł - tyn Teptuchowicz
W Brzeżanach żodyn ło to niy płakoł
Jak dali było? Fraszko - łopowiydz!
------

Krym

[broneknotgeld]

Krym - 27 tys.km.kw.

Niy za wielki zdo sie nom
Szczyńściym co go trocha znom
I ta prowda szktyfnońć moga
Co łon richtig dziełym Boga.

[broneknotgeld]

Tatarsko kuchnia

Tatarskom kuchniom
Asi se Krym
Żech poprobowoł
Toż przeca wiym

[broneknotgeld]

"Czatyrdah"

Tu szczyt nojwiynkszy choć zdo sie mały
Dyć Krym niywielki jest przeca cały.

[broneknotgeld]

Trolejbusym po Krymie

Do Symferopola z Jałty se karniecie
Trolejbus we gorach zodziwi wos przecie
Werci tyż w Auszcie pauza w rajzie zrobić
Yno trza dać pozor by tam niy nazgobić.

[broneknotgeld]

Myńszościom na Krymie

Mynszościom na Krymie terozki Tatary
Pora wiekow tymu dalibyście wiary?

[broneknotgeld]

Lepi wciepać tukej rym
Niż wybiyrać se na Krym.

[broneknotgeld]

Jaskołcze Gniozdo

Jaskołcze Gniozdo wisi na skale
Zdo sie co tako niy może wcale
Zdo sie co zleci chnetko do morza
A jo tam prawie podreptać woża.

[broneknotgeld]

Cosik niy drzymie
Tako na Krymie.

wyborcza.pl/1,75248,15300590,_Niespokojnie_na_Krymie__Rozkazy_Putina_dla_wojsk.html

Jałta

[broneknotgeld]

Jałta

Sanatorjoa pynsjonaty
Pałacyki łod bogatych
Jałta wito tym wandrusa
Toż se podziwować musza.

[broneknotgeld]

Na gora

Kolejkom linowom zajedzisz na gora
Tam na ciebie czeko i lodowo dziura.

Bakczysaraj

[broneknotgeld]

W Bakczysaraju

Być na Krymie a niy tukej
Toż se w gowa fest poklupej.

[broneknotgeld]

Pałacowe fontanny

Chcioł żech je zrachować dyć mi pomiyszali
Istni co tyż zy mnom tyn pałac zwiydzali.

Czufut-kale

[broneknotgeld]

Czufut-kale "Skalne Miasto"

Dugo było zamiyszkane
Dyć to dzisioj to niy dane.

Ałuszta

[broneknotgeld]

Ałuszta

Ech - Ałuszta se wspomino
Degustowoł żech tam wino
Kere richtig smakowało
I niy było tego mało.

[broneknotgeld]

Tako rajza

Cugym rajza ze Kijowa
Aże do Sewastopola
Choć bolała ździybko gowa
Przeca dzisioj se to chwola.

Kozaczo Buchta

[broneknotgeld]

W Kozaczy Buchcie

Przi Sewastopolu ta sztela znojdziecie
We niyj delfinarium tyż ciekawe przecie
Dzieci autystyczne se tukej kurujom
Ponoć przi zwiyrzyńciu zowdy lepi czujom.

Sudaku

[broneknotgeld]

Sudaku

Zodziwio turystow do dzisioj murami
Średniowieczno twierdza - przeca wiycie sami.

[broneknotgeld]

Zabrze - Równe 25.01.2001

Z nowym tysioncleciym kamracynio wiela
Wiy to kożdy karlus - tako samo frela.

Równe

[broneknotgeld]

We obwodzie

Obwod rowneński a w niym na przodku
Kamrat łod Zabrzo - toż rym tu potkom.

Równe

[broneknotgeld]

Ćwierć miljona

Ćwierć miljona dusz zrachujesz
Ludne Równe - forsztelujesz.

[broneknotgeld]

Dyć rym tego niy łominie
-Równe na ty Ukrainie!

Kamieniec Podolski

[broneknotgeld]

Kamiyniec Podolski

Nad rzekom Smotrycz twierdza stanyła
Co przed turkami piyrwyj broniyła
Stoła na straży tyż naszy wiary
Ło tym wiedzieli piyrwyj Tatary.

[broneknotgeld]

Stary Zamek

Na skalnym cyplu tyn zamek stoji
Turkow se dzisioj tu nikt niy boji
Tako turysty go "zdobywajom"
Co w portmanejach hrywiynki majom.

[broneknotgeld]

Dwie hrywny

Dwie hrywny w bramie twierdzy zapłacisz
Łoczy napasiesz - se ubogacisz.

[broneknotgeld]

Baszta Lanckorońsko (XIV/XV w.)

Staro a przeca ciyngym tu stoji
We historyjo ta twierdza zbroji.

[broneknotgeld]

Baszta Komyndancko

Z niyj łobronom dowodziyli?
Łoblygani czynsto byli!

[broneknotgeld]

Baszta Różanka

Mury mo grube i dach szpicaty
Kwiotkow niy widza - łostana na tym.

[broneknotgeld]

Wody Smotrycza

Wody Smotrycza dźwigane były
Coby te mury bardzi chroniyły
Niy do zdobycio twierdza to była?
Tako se piyrwyj richtig jawiyła!

[broneknotgeld]

Siyrpiyń 1672

Toż "niyzdobyto" licho coś prawie
Załogi tako zdo sie niywiela
Turek niy myśli zaś ło zabawie
Armijom wielkom prziloz pod sztela

Wołodyjowski Kamiyńca broni
Kanony Turkow kruszom fest mury
Chnet Nowy zamek juz niy łosłoni
Wykurzy janczar Poloka z dziury

Toż se łobrońcy poddali tako
Niym wyńdom łogyń z prochowni bucho
Czy za Kamiyńcym Polska zapłako?
Czy juzaś bydzie ślepo i głucho?

[broneknotgeld]

Kamiyniec Podolski 1699

Zaś przi Polsce chnet sto rokow
Z niom we blasku jako ćmoku.

[broneknotgeld]

Kamyniec 1793

Polska se traci - Kamiyniec niy
W Rosji zoblyśnie - to przeca wiy.

[broneknotgeld]

Stare Miasto

Ze twierdzy mostym trefisz do niego
Toż niy łominiesz wandrusie tego
Dziwej se murom, kościołom tako
Choć czas tu leci już niy jednako.

[broneknotgeld]

Wietrzno Brama (1585)

Miasta Kamiyniec piyrwyj broniyła
Batory kozoł tako stanyła.

[broneknotgeld]

Baszta Batorego (1585)

Siedym sztokow - toż se dziwej
Strzelcom możno tyż pokiwej
Nic że prawie tam ich niy ma
Imaginacyji tymat.

[broneknotgeld]

Kuśniersko Wieża

Basztom Batorego tako dzisioj zwano
Coś niy sztimowało te krolewske miano.

[broneknotgeld]

Polsko Baszta

Łona Smotrycza wody dźwigała
Tym bardzi w zocy sztela jom miała.

[broneknotgeld]

Kamiyniec Podolski 1432

Prastary zamek już piyrwyj stoł
Z osady miasto wyrosło
Grod ze tym rokym prawa już mioł
A i Podole urosło.

[broneknotgeld]

Kamiyniec 1432-1790

Jako trojmiasto - kożdo dzielnica
Miała tu swoje cołkym dyć lica
Polsko i rusko, ormiansko tako
Same se rzondzom tu niyjednako.

[broneknotgeld]

Ruski Rynek Starego Miasta

W ruski dzielnicy rynek takowy
Tu na Tatarsko Zarwańsko bliko
Dzisioj tym niy trza se tropić głowy
Toż mi tyż lekci ło tym se kliko.

[broneknotgeld]

Cerkiew św. Pyjtra i Pawła (XVI w.)

W ruski dzielnicy łod downa stoji
Murym za kamiynia jakby se zbroji
Jako zoglondnońć teroz do środka?
Trza by mi ślypia kedyś tam potkać.

[broneknotgeld]

Polsko dzielnica

Na starym miescie tako znojdziecie
Zdo sie gryfniejszo łod inkszych przecie
Dyć po turecki okupacyji
Z jyj łodbudowom było mecyji.

[broneknotgeld]

Polski Rynek

Toż łon dzisioj jak spod igły
Prawie wyremontowany
Kamiynice gryfne migły
Muster inkszym tako dany.

[broneknotgeld]

Na Polskim Rynku

Na Polskim Rynku ratusz przezocny
We historyjo łon richtig mocny
Już wiek sztyrnosty spotkoł go tukej
Toż renesansu w gotyku szukej.

[broneknotgeld]

W kawiarynce

W kawiarynce ratuszowy
Myśli włazom ci do głowy
Piyrwyj rajce tu siedzieli
Se rzońdziyli jako chcieli?

[broneknotgeld]

Klasztor św. Mikołaja

Przi Dominikański durś kościoł przezocny
Ze Klasztorym tako stoł przi wierze mocny
Choć dominikanow teroz juz tu niy ma
Dyc paulinow nosi prziklasztorno ziymia.

[broneknotgeld]

Kościoł Dominikanow (XVI w.)

Mo Mikołoj nad niym piecza
Był meczetym, koszarami
Dyć zaś rzykec se tam leca
Tako ze katolikami.

[broneknotgeld]

Kościoł Dominikanow (XVIII w.)
Z "niywoli turecki" prawie ratowany
W późnobarokowy mantel łoblykany.

[broneknotgeld]

Kościoł Dominikański dzisioj

Ech - pociecha to dlo głowy
Remont - blysnie chnet jak nowy.

[broneknotgeld]

Kościoł Franciszkanow (1616)

Toż przi sztrasie Franciszkański
Tych braciszkow kościoł stoji
Strzimoł czas jakby pogański
Służyć bydzie szteli swoji?

Dyć na razie wyniszczony
Tako prawie we ruinie
Jednak cołkym niy zbulony
Czy zły tref dlo niego minie?

[broneknotgeld]

Kościoł Dominikanek (1720)

Przi inkszych wcale niy taki stary
Dźwignom z ruiny? Potrza w to wiary!

[broneknotgeld]

Kamiyniecko djecezjo (XIV w.)

Toż biskupa już tu majom
I katedra tako stowo
Choć ze drewna dyć jyj pszajom
Z cegły jednak se przidowo.

[broneknotgeld]

Katedra (1483)

Biskup Maciej dźwigać zaczoł
W zocny gotyk wyłonacoł
Dzisioj se Europa asi
Dyc jyj mustra Wschod niy gasi!

[broneknotgeld]

Katedra (XVI-XVII w.)

Inkszo teroz se wydowo
Jakby tyż renesansowo
Bo łobrosła kaplicami
Gryfne - wiycie ło tym sami.

[broneknotgeld]

Katedralny minaret

Ech ta turecko okupacyjo
Toż przi katedrze minaret stoji
Tako leciała tu historyjo
Dzisioj miesionczek już go niy stroji.

[broneknotgeld]

Na minarecie (1768)

Matka Bosko z gory gafto na Kamiyniec
Toż dlo katolikow jako te sumiynie
Cołko pozłocano piyrwyj Gdańsk widziała
Niym se na minaret katedry dostała.

[broneknotgeld]

Djecezyjo 1866

Djecezyjo rozwionzali
Katolikom myni pszali
Prawosławie na tym zyszczy
Cerkiew co przi carze blyszczy.

[broneknotgeld]

Djecezyjo kamiyniecko 1918

Zaś tu cieszy katolikow?
Yno czekać bolszewikow!
Zamknom kościoł - na nic wiara!
Jako se ło życie starać?!

[broneknotgeld]

Muzeum 1930

Do Ponboczka se rzykało
Ateistom co łostało?
Toz muzeum zrychtowali
W ty katedrze - tako dali.

[broneknotgeld]

Djecezyjo Kamiyniecko - Podolski
Z końcym dwudziestego wieku
Ciesz se tukej zaś człowieku
Z djecezyji - znaku wiary
Czasy prziszły inkszy miary.

[broneknotgeld]

Djecezyjo Kamiyniecko - Podolsko

Z końcym dwudziestego wieku
Ciesz se tukej zaś człowieku
Z djecezyji - znaku wiary
Czasy prziszły inkszy miary.


(wyboczcie - wlazły felery)

[broneknotgeld]

Brama Tryjumfalno (1781)

Stanisław August we ty dziedzinie
Przeca katedry krol niy łominie
Toz prawie tukej brama stowiajom
Kero do dzisioj przeca tyż majom.

[broneknotgeld]

Ruski Magistrat

Ano - podzwigli w ruski dzielnicy
Ze sztyry setki rokow łon liczy?

[broneknotgeld]

Dzielnica Ormiańsko

Ormian coś niy ma - dyć piyrwyj byli
Swojom dziedzinom sami rzońdziyli.

[broneknotgeld]

Pałac biskupi (1479)

Tam kaj dzielnica mieli Ormiany
Biskupi pałac dyć był stowiany
Stoji do dzisioj - co możno dziwo
Wroco godzina mu se szczyńśliwo?

[broneknotgeld]

Kościoł św. Mikołaja

Ormiański kościoł wieżom ślod znaczy
Sowietow tako już niy łonaczy
Wiela zbulyli w trzidziestych rokach
Tela łostało by cieszyć łoka.

[broneknotgeld]

Kościoł i klasztor Trynitarzy (1750)

Se stanoł klasztor tu barokowy
Z czego braciszki piyrwyj słynyli?
Toż ze jasyru krześcijan głowy
Jejich staraniym zaś wolne były.

Słowacja

[broneknotgeld]

11 lot Słowacji

Łod sia ta Słowacjo jedynoście lot
Ze tego niyjedyn przeca tukej rod.

(fraszka zeszłoroczno)

[broneknotgeld]

"Bryndzowe halusky"

Z bryndzom i ze szmalcym kluchy
Nimi sie zapasom brzuchy.

[broneknotgeld]

"Pulka"

Smak takowy śliwowicy
Znajom w cołki okolicy.

[broneknotgeld]

"Borovicka"

Jałowcowki se napija
Ze Słowakym - wiym że żyja.

[broneknotgeld]

"Demanovka"

Gorzołeczka co kuruje
Jake zioła w niyj se czuje?

[broneknotgeld]

"Haluszki"

Kloski kartoflane z zołzom śmietonkowom
W kery konskami bryndzy - kuchorz kiwnoł głowom
Mogby te haluszki łokrasić skworkami
Tako tyż smakujom - przeca wiycie sami.

[broneknotgeld]

Słowacjo
---
Ciśli tukej Celty, ciśli tyż Germany
Ôd połednia ciśli nawet i Rzymiany
Słowianōm ta sztela
Sztimowała wiela
We Nitrze Pribina był princym im dany.
---
Po Wielgich Morawach Pepiki, Poloki
Sie ciśli – Madziary dyć kładōm tu zoki
Habsburgi za niymi
Chytajōm ty ziymi
Do wojny światowy pod jejich sōm ôkym.
---
Po wojnie Słowaki drap pokuplowali
Prawie z Pepikami – tōż leci im dali
Ôd sia trocha bydōm
Dyć z wojynnōm biydōm
Potym zaś cuzamyn, choć myni sie pszali.
---
Słowacjo zaś ôd sia – kōmuna przegrała
Sie niepodległości ta ziymia doczkała
Słowaki radujōm
W Uniji dyć czujōm
Jako ryby w wodzie – tako tam bezmała.

Lewocza

[broneknotgeld]

Lewocza

Lewocza sie asi starymi murami
Piykne cołke miasto - łoglondnijcie sami.

[broneknotgeld]

Lewocza

Stolica spiszu - historio prawi
Tyż wandrusowi tako se jawi.

[broneknotgeld]

Lewocza

Prawiom co roz kuknońć do Lewoczy mało
Bydzie ci sie tego co jakiś czas chciało.

[broneknotgeld]

Piyrwyj

Wiod tyndy piyrwyj dyć szlak handlowy
Kery kuplowoł z zocnym Krakowym
Tak Wenecyjo jako Lewocza
Z połnocy Hanza stowała w łoczach.

[broneknotgeld]

Na starym rynku

Na starym rynku mieswzczańske domy
Gotyk, renesans, barok w nich momy
Chnet cołko kopa zrachujesz tukej
Zocniejszych kaj w Słowacyji szukej?

[broneknotgeld]

Jarmark w Lewoczy

Jarmark w Lewoczy we downych czasach
Ściongoł Madziarow, sciongoł Polokow
Dyć grod kupiecko fest trzimoł klasa
Sie tym bogacioł, niy skiż borokow.

[broneknotgeld]

Lewocza 2009

Już na UNESCO Lewocza liście
We kulturowy przezocny ziście.

[broneknotgeld]

Kościoł św. Jakuba

Na środku rynku prawie świontynia
Ty niy łominiesz, jo niy łomina
Lipowy ołtorz Pawła z Lewoczy
-Aże przeciyrom przi tymu łoczy
Wielgi - przi niymu w zadku łod Stwosza
Dugo w pamiyńci go teroz nosza.

[broneknotgeld]

Spiski zamek

Spiski zamek przi Lewoczy
Toż przeciyrom aże łoczy
Kej na mury se dziwuja
Historyjom tu raduja.

[broneknotgeld]

"Dni Mistrza Pawła"

Słynie Lewocza takimi dniami
W letnie feryje kuknijcie sami.

[broneknotgeld]

Na Mariański Gorze

Na Mariański Gorze - ty wele Lewoczy
Zowdy prawie z lipcym kerujom sie łoczy
Sanktuarium zocne - piyrsze w Słowacyji
Kościoł Nawiedzynio ty Panny Maryji
Pontnikow w Lewoczy jako w Czynstochowie
Dyć sie niy dziwuje krześcijański czowiek.

[broneknotgeld]

Kościoł Nawiedzynio NMP

Ano - sanktuarium nojwiynksze tu majom
Słowaki Maryji przeca richtig pszajom.

[broneknotgeld]

Na Mariańsko Gora

Na Mariańsko Gora - szpacyr poł godziny
Dyć potrza porzykać we kościele driny
Niych Maryja Świynto łopiekom cie darzy
Coby w pont tu wybrać krześcijanin marzy.

Kremnica

[broneknotgeld]

Kremnica

To "pympek Europy" - Słowak zowdy godo
Nojgryfniejszy miywo krymniczanka modo.

Pieszczany

[broneknotgeld]

Pieszczany

Niy yno z tom wodom pieścić sie tam idzie
Dej pozor bo możno cosik z tego bydzie.

Bratysława

[broneknotgeld]

Pozsóny

Tako sie tyż kedyś Bratysława zwała
Stolicom Madziarow dyć dugo bywała
Tu krole korona na gowa se kłodli
Niym pod Austryjokym we końcu sie znodli.

[broneknotgeld]

Na Wzgorzu Slovin

Spotkać szło kedyś tukej Dupczeka
Choć komunisty przeca czowieka
Co w szejśćdziesiontym łosmym "tron" stracioł
Układ Warszawski go "ubogacioł".

[broneknotgeld]

Zamek w XV wieku

Z tym wiekym stanoł epny warowny
Dzisiejszy zdo sie jako tyn downy
Dyć przeca niy jest cołkym tyn som
Jo historyjo ździybeczko znom.

[broneknotgeld]

Połowa XX wieku

We tym czasie łodbudowa
Cołki dźwigli - niy połowa
Choć surowy nom sie zdowo
Dyć w pamiyńci tyż łostowo.

[broneknotgeld]

Kraina Czumila

Duszek wesoły we Bratysławie
Żech na Starowce spotkoł go prawie.

Medzilaborce

[broneknotgeld]

Medzilaborce

Tukej muzeum Andy Warhola
Bo przeca z tych stron pochodzioł
"Pop-art" to jego życiowo rola
Na kero w Stanach se godzioł.

Bojnice

[broneknotgeld]

W Prewidzy żech kedyś siedzioł pora dni
Bojnice po blisku - kożdy ło tym wiy
Bestoż pozwiedziołech tyn bajkowy zamek
I niych ło niy bydzie tyż tukej szkryflane.


"Certyfikat wierności"

Porki tu nocujom na świynty Walynty
Gwarancjo wierności roczno za to majom
I chocioż sie zdarzo że ich polom piynty
To jednak tyż inkszym jakosik niy pszajom.


"Bozk" - pocałunek

Z piontku na niydziela "Bozk" fajrujom tukej
Radości i pszonio na zamku durś szukej
Zakochane porki Bojnice ugoszczom
Dyć to nojpiykniejsze że łod sia niy poszczom.


"Festiwal Duchow"

W maju tukej strachy gospodorzom wiela
Kogo to niy widzi ta słowacko sztela?
Wampiyrze i wiedźmy złe duchy upiory
Jo tego niy zlicza boch zaroz jest chory.


"Bajkowy Zamek"

Z poczontkym wakacji gości tukej bajka
Dlo zamku to przeca jakby "złote jajka"
Dziecioki sie cieszom że łon jest "bajkowy"
Radośnie to leci bo mondre tu gowy.


"Dni Rycerske"

W październiku zoglondnij na ichnie turnieje
Ze cołki Europy napotkosz rycerzy
Do miecza kolczugi dusza im sie śmieje
Werci sie tu wybrać - możecie mi wierzyć.


Zabytkowo kopalnia

Godajom że gruba staro tu łotwarli
Ze kery tyn wongel brunotny durś garli
Joch tego niy widzioł to atrakcjo nowo
Dyć myśla że piyknie - tako mi sie zdowo.


"Wody termalne"

We cieplutki wodzie łokompać se możesz
Choćby i mroz wielki prawie był na dworze
Dobre na korzonki a nawet skolioza
No i sztres uciyknie - łominiesz "psychoza".

Oravice

[broneknotgeld]

"Meander Park"

Aquapark w zakolu stanoł Oravicy
Na turystow z Polski łon tyż teroz liczy
Możesz se tu toplać w mineralny wodzie
Zdrowie podkurować - być z naturom w zgodzie.

Ilava

[broneknotgeld]

Ilava

Łod Wagu z lewa mocie Ilava
Toż wos pokusi tukej zabawa.

[broneknotgeld]

Zamek klasztor (XVII w.)

Toż wkludziyli se braciszki
Czy woleliby tu mniszki?

Trnava

[broneknotgeld]

Trnava IX w.

Kaj trakty handlowe se pokrziżowały
Osada stanyła - tref we tym niymały.

[broneknotgeld]

"Sobota"

Inksze osada wpiyrw miano miała
Z dnia targowego tako bezmała.

[broneknotgeld]

Wolne Miasto Krolewske 1238

Doł prziwileje krol Bela Szworty
Grod ze tym wiyncy naprowdy worty.

[broneknotgeld]

Trnava 1543

Turki Ostrzyhom we rynkach majom
Dyć Kościołowi łoni niy pszajom
Biskup do Trnavy tako se wkludzioł
Na lepsze czasy nadzieja budzioł.

[broneknotgeld]

"Mały Rzym"

Kościołow tela w ty zocny Trnavie
Że małym Rzymym zdo ci sie prawie.

[broneknotgeld]

Uniwersytet w Trnavie 1635

Kardynał Pazman go tu założoł
W proficie przi tymu Trnava
Dyć uniwerek tyn wiela wożoł
Słowakow wielko w tym sprawa.

[broneknotgeld]

"Słowacki Rzym"

Słowackim Rzymym Trnava mianujom
Kosciołom przeca tu fest dziwujom
Kerymi asi sie ciyngym sztela
Trza ło tym szkryfnońć by richtig wiela.

Orawa

[broneknotgeld]

Orawa

Nad Orawom skała zamek srogo nosi
Co chwała Turzonom setki rokow głosii.

[broneknotgeld]

Djosecki zamek

Rycerz Marek se dychnoł nad Orawom prawie
Przi skale ze śnika - dyć jom mioł na jawie
Toż mu sie zachciało zamek tam zbudować
Chociożby i dusza djoskowi trza dować

Czort jakiś to słyszoł - drapko se tu stawioł
Tako rycerzowi koncept swoj wyjawioł
Zamek wybuduje w siedym dni i nocy
Za to dusza Marka mo być w jego mocy

Niy na wieki przeca - bydzie we proficie
Siedymdziesiont siedym rokow w piekle - wiycie
Zdo sie tako cyna wcale niy za drogo
Toż drapko na skale stowo twierdza srogo

Już prawie był fertig - siodmo noc przemijo
Dyć rycerz tyż widzi duszy tragedyjo
Ponboczka se wspomnioł - kokoty zapioły!
Djoskowi spod kamiyń - niy bydzie wesoły

Toz tako niy spełniol co som łobiycywoł
Zamkowi niyjedyn se tu potym dziwoł
Do świyntego Pyjtra rycerz klupnoł śmiało
Niy grzych to był przeca że sie twierdzy chciało.

Liptowski Mikulasz

[broneknotgeld]

Rynek 13

Kamiynica z arkadami ciyngym tukej stoji
W niyj sondziyli Janosika - już im niy nabroji
Duch farorza z Demanicy czy był miyndzy niymi?
Zboj plebana zamordowoł? -Po prowdzie niy wiymy.

[broneknotgeld]

18.III.1713

Ech Janosiku, wisisz na hoku
Taki ci koniec tu zrychtowali
Już we Taterkach niy stompisz kroku
Czy dusza twoja łopłakiwali?
Ci kierzy byli jako kamraty
Grabiołś bogatych - biydokow wspiyroł?
Dyć hok zes dostoł - niy jakeś kraty
Na samym końcu kaj żeś zaziyroł?

[broneknotgeld]

Z Liptowskiego Mikulasza

Z Liptowskiego Mikulasza w doliny zońdziecie
Demianowsko se zaczyno prawie tukej przecie
Niżne tatry wos witajom, jejich szlaki kuszom
Stond na Dziumbar abo Chopok turysty wyruszom.

[broneknotgeld]

Miasto nad Wagym

Mikulaszowi Wag życie dowo?
Se niyjednymu tako wydowo.

[broneknotgeld]

"Tatralandia"

Ech - dlo bajtli w niym radocha
Dyć dlo starych tyż - niytrocha
W aquaparku se niy nudzisz
Życio tako tyż niy studzisz.

[broneknotgeld]

Demianowsko Dolina

Ze tatrzańskich dolin ponoć nojgryfniejszo
Był żeś w Mikulaszu - blikołś na te cudo?
W pamiyńci łostała na chwila dzisiejszo
Toż niych ci sie wrocić jeszcze tam tyż udo.

[broneknotgeld]

Demianowsko Jaskinia Wolności

We jaskini wolnym bydziesz?
Dyć se dziwosz jak tu przidziesz
Na jeziorka, stalaktyty
-Kilometry długo przi tym.

Koszyce

[broneknotgeld]

Koszyce - Europejsko Stolica Kultury 2013

Pewno sie karnymy do tych Koszyc prawie
Dzioć tam wiela bydzie jako snik na jawie.

[broneknotgeld]

Koszyce

W Słowacji Koszyce som po Bratysławie
Na wschodzie stolicom zdowajom sie prawie.

[broneknotgeld]

Koszyce 1230

Krol Madziarow Bela
Szosty tego miana
Ściongnoł we ta sztela
Niymcow - wola pana
Tako sie Koszyce drapko podźwigały
Czym niy yno krolow przeca radowały.

[broneknotgeld]

Koszyce 1270

W tym czasie Koszyce
Murym łoblykajom
Pewnikym to wiycie
Jo tyż wom niy bajom.

[broneknotgeld]

Koszyce 1347

Piyrsze we Europie Koszyce herb noszom
Ludwika Wielkego chwała tako głoszom
Grod krolewski wolny - wedle władcy woli
Keru tukej rajcom tyn se tyż to chwoli.

[broneknotgeld]

Katedra św. Elżbiety 1378

Niyskorym gotykym krasi te Koszyce
Zdo sie - bez katedry ustanie tu życie
Szczyńściym ciyngym stoji, na msze wiernych wzywo
Zdo sie być tu cudym - wandrusa fest dziwo.

[broneknotgeld]

Z Koszyc blisko

Z Koszyc wszyndy blisko - drap we Polsce bydziesz
Drap na Ukrainie, Madziar tyż niy wbiydzie
Toż możno sie chnetko cuzamyn trefiymy
Kej kulturom blysnom - za dwa roki - wiymy.

[broneknotgeld]

Koszycko starowka

Co wele katedry wszysko zobytkowe
Niy darmo sie tukej richtig dziwo czowiek
W Słowacji starowki zocniejszy niy szukej
Kunszt i historyjo znojdziesz prawie tukej.

[broneknotgeld]

Koszyce kuszom
www.dziennikzachodni.pl/artykul/652551,dz-poleca-koszyckie-swieto-wina-13-15-wrzesnia-pojedz-na,id,t.html
Winym ze duszom.

[broneknotgeld]

Koszyce - 300 imprez

Trzista imprez we Koszycach
Kej Europy to stolica
Łod kultury - niy dziwejcie
We dziedzina pokukejcie.

[broneknotgeld]

Koszyce 1369

W maju herb mo tukej świynto
Niy łod dzisioj przeca wiym to
Co dziedzina ta w Europie
Piyrszo sie do herbu dropie.

[broneknotgeld]

Kej fontanna gro

Wele tyjatru fontanna gro
Ci melodyjo we uszy do
Zowdy ło połny richtig godzinie
Woda tańcuje tyż w ty dziedzinie.

[broneknotgeld]

We łogrodzie botanicznym

We łogrodzie botanicznym podziwej kaktusom
Sie Koszyce tym radujom co łone dyć tu som.

[broneknotgeld]

Koszycke zoo

Zoo w Europie niypoślednie
Niy lyź w nocy - kukej we dnie.

[broneknotgeld]

We muzeum

We muzeum skarb koszycki
Cie zodziwio tukej wdycki
Trocha woży tyn geld złoty
Cieszy łoczy - niy gupoty.

[broneknotgeld]

Starowka koszycko

Starowka koszycko Słowacji perełkom
I grygnom, i richtig zdo sie przeca wielkom.

Czechy

[broneknotgeld]

Przemyślidzi

Po Wielki Morawie Czechy tu nastały
Praskich Przemyślidow dzieło we tym było
Dyc te jejich rzondy szczyńścio coś niy miały
Bo sie wele Niymiec jakoś zakryńciyło.

[broneknotgeld]

"Czeski Raj"

Wele Liberca tako dziedzina
Możno ktoś powiy - wele Jicina
Tu miyszkoł przeca tyn Rumcajs jejich
Krył sie we skałach i gynsty knieji.

[broneknotgeld]

W Czechach

Ślonski narod uznowajom
Pewno tyż mu ździybko pszajom.

[broneknotgeld]

Celty

Z historyji łoni piyrsi we Czechach siedzieli
Toż galijske przeca dusze tako isni mieli
Możno dzisioj trza żałować że sie niy łostali
Woda w rzyce dyć niy stoji - ciyngym płynie dali.

[broneknotgeld]

Ze Bojami

Ze Bojami miano Czechow łacińske zwionzane
Kere ich plymiynia ziymi piyrwyj było dane.

[broneknotgeld]

Oppidium w Zavisti

Kaj woda Wełtawy z Berounkom se zlywo
Tam już archeolog na sztela podziwo
Co stolicom możno Celtow na ty ziymi
Choć pewności niy ma bo za mało wiymy.

[broneknotgeld]

I-II w.n.e.

Wytraciyli Celtow daki i Germany
Swoje dokłodali tyż przeca Rzymiany
Tako se w Bohymji terozki już tracom
Chocioż jeji dzieje swojymi bogacom.

[broneknotgeld]

Państwo Samona VII w.

Frankijski kupiec Samonym zwany
Przeciw Awarom burzoł Słowiany
Ano - wywołoł tako powstanie
Państwo Samona na krotko stanie.

[broneknotgeld]

Rzesza Wielkomorawsko

Niy yno Morawy za Mojmirowicow
Idzie se poszukać roztomajtych licow
Ślonsk i Małopolska Czechy Słowacyjo
Łużyce Panonia cuzamyn dyć żyjom.

[broneknotgeld]

Wielke Morawy 885

Arcybiskupa śmierć już skosiyła
Kto za nim tyn wypyndzony
Łacina teroz pokoże siyła
Kler z Bawaryji ściongniony

Dyć czas Morawow jakby se kończy
Czy już Świyntopełk to czuje?
Kościoł Słowianow ze tym niy łonczy
Możno to ktoś forszteluje.

[broneknotgeld]

Państwo czeske

Czychy se chycom ty wielki sprawy
We nich łodrodzom tako Morawy
Jakoś niystraszne już som Madziary
We Przemyślidach tyż wiela wiary.

[broneknotgeld]

Praga 973

Z tym rokym prziszło biskupstwo Pradze
Dyć trza Regensburg mieć na uwadze.

[broneknotgeld]

Brzetysław 1038

Brzetysław lyjty doł fest Polanom
Zdało sie - Piasty ze tym niy stanom
Siyłom juz wrota gniezna łotwarte
Ciało Wojciecha nojwiyncy warte
Toż relikwije zabroł z kościoła
-Wsparcio świyntego niy śmieli wołać.

[broneknotgeld]

"Warsz"

Czeski rod Wrszowcow z kraju uciykoł
Toż na Mazowszu łosiedli
W jejich "Warszawie" niyjedyn rzykoł
Z "Warszym" na gymbie w boj wiedli.

[broneknotgeld]

Wacław III 1306

Koniec Przemyślidow po mieczu z tym rokym
Sztylet nom pokozoł co krol tyż borokym
Jako swoj praołpa istny zdo sie kończy
Dyć se we świyntości ze niym niy połonczy.

[broneknotgeld]

Choć ło Czechach szkrylom tela
wiadomosci.gazeta.pl/wiadomosci/1,53600,3670115.html
Istny durś wiy małowiela.

[broneknotgeld]

U Pepikow sie zabowisz
Radość duszy swoji sprowisz.

podroze.gazeta.pl/podroze/7,114158,19552400,karnawal-last-minute-jedz-do-czech.html

[broneknotgeld]

Czechy

Celty, Markōmany sie nojpiyrw wkludziyły
Potym już Słowianōw dziedziny tu były
Ô Samōnie prawiōm
Morawy nōm jawiōm
Niym tu Przymyślidy nabrali dość siyły.
---
Ech, we średniowieczu rozmotajcie dzioło
Pepikōm skiż Piastōw czynsto niewesoło
Ślōnzek ich wpiyrw przeca
Kaj ińdzi niy leca
Choć z Wiednia do Pragi Habsburgōw prziwioło.
---
Kej po wielgi wojnie Habsburgi przeminōm
Niypodległość wito ze czeskōm dziedzinōm
Jakosik im dzioło
Zdo iże wesoło
Niym Hitler tu kuknōł ze fest srogōm minōm.
---
Po wojnie kōmuna drap władzy chyciyła
Czechōm kraso gwiozdka tako zaświyciyła
Szczyńściym teroz dali
Wolność tu „na fali”
Unijo Pepikōw do sia przitulyła.

[broneknotgeld]

Jako szkryfnōńć ô Pepikach?

Jako szkryfnōńć ô Pepikach?
Mono jo mōm richtig bzika
Italyjo żech ôpisoł
I Irlandji nudle wiyszoł

Mie terozki gynau kusi
Kuknōńć tam – rym chycić musi
Tych co kejsik Ślōnzek mieli
Coś ôstało w jejich szteli

Zaolziański skrowek ino
Dyć mie cosik durś spōmino.

Praga

[broneknotgeld]

Hradczany

Zamek na Hradczanach blyszczy mocno nocom
Wieże przi tym świetle przepiyknie sie złocom
Toż Roling Stonesi fundli tyn "blask" Czechom
Niy yno dlo Pragi prawdziwom pociechom.

[broneknotgeld]

W djecezji praski Ślonzek nasz był
www.dziennikzachodni.pl/artykul/801703,chrzest-slaska-przed-chrztem-polski-swit-slaskiego,id,t.html
Tego nikt chyba niy bydzie krył.

Pardubice

[broneknotgeld]

Wielko Pardubicko

Wielko Pardubicko niy jest dlo habety
Lepi jom przerobić na końske kotlety.

Czeskie Budziejowice

[broneknotgeld]

"Budvar" żech se wspomnioł we Budziejowicach
Czym by bez browaru była okolica?

Karlowe Wary

[broneknotgeld]

Co łostało?

Co z Karlowych Warow łostało we gowie?
Becherovka - łona richtig jest na zdrowie.

[broneknotgeld]

Łod średniowieczo

Łod Średniowieczo tym sztela słynie
Że gorke wody we ty dziedzinie
Chocioż pierońsko richtig smrodlawe
Kompać se we nich zdrowo jest prawie.

[broneknotgeld]

"Wary"

Tako dziedzina se piyrwyj zwała
Dyć gorke wody łod zowdy miała.

[broneknotgeld]

Wary 1350

Urosła wioska z "warow" gorkości
Dyć przeca dali niy chciała pościć
Krol Karol IV prawa nadowo
Tako dziedzina miastym se stowo.

[broneknotgeld]

Karlowe Wary 1350

Ano, już miasto - tako "Karlowe"
Niychej tyż ło tym kożdy wiy człowiek
Z nadanio krola grodym już Wary
Jako tyn władca wielki som miary.

[broneknotgeld]

Karlowe źrodła

Na żołondek, muskle, stowy
Krebs niy chyci cie tyż nowy
Dyć jak słepiesz to znej miara
Byś niy ciyrpioł we tych Warach.

[broneknotgeld]

Łod XVII wieku

Już we tych czasach "wary" te piyli
Sztyngsym se jejich mało tropiyli
Dyć niyroz potym źle z niymi było
Za wiela wody tyż zaszkodziyło.

[broneknotgeld]

Dr. Jan Becher

Z "becherowki" w świecie słynie
Był tyż dochtor w ty dziedzinie
Se "karlowy" wodzie dziwoł
Dyć paluchym trocha kiwoł

Pedzioł tako - Pić trza woda
Niy za wiela - brzucha szkoda
Chlapniesz wiyncy jak poł litra
Może ci przeczyścić gitra
Lepi myni pić - po secie
Sztyry na dziyń - zdrowiejecie!

[broneknotgeld]

12 źrodeł

Z karlowych źrodeł te nojzocniejsze
Prawiom co łone richtig mocniejsze
Kolumnadami som łobwiedzione
"Warow" poczontek chocioż niy koniec.

[broneknotgeld]

Karlowe Wary dzisioj

W dolinach rzek Ochrzy i Teply se leżom
Zdroj miastym we kerym dusz coroz to wiyncy
Sanatoryjami fest gorki tu jeżom
Niyjednego przeca chorobsko już mynczy
Toż chyntnie przijedzie coby se kurować
Dlo ducha tyż tako uciecha znojduje
Trza Karlowe Wary w Czechach na wiyrch dować
Niy yno skiż źrodeł se tu dobrze czujesz.

[broneknotgeld]

We "Vridelni"

We "Vridelni" gejzer co mminuta rzyko
Na wiyrch gorko woda tako fest pomyko
Że fontanna w gorze ze metrow piytnoście
Cud natury taki - se to wyłobroźcie.

[broneknotgeld]

60 tysiyncy dusz

Ludne Wary zowdy były
Tym se przeca tyż asiyły
Dusz dziedzina już niy traci
Ciyngym bardzi z tym bogaci.

[broneknotgeld]

60 000

Ano - tela dusz
Rachujesz tu już.

[broneknotgeld]

Szkło Mosera (1857)

Werk co glas dowo Moser tu dźwigo
Zdo sie czas drapci terozki migo
Miasto niy yno ze źrodeł słynie
Kunsztym szkła blysło w czeski dziedzinie.

[broneknotgeld]

Ludwik Moser

Se na glasie tu dorobioł
Kunsztym inksze werki pobioł.

[broneknotgeld]

"Sklarske Muzeum Moser"

Dziwej se na szkło "karlowe"
Gorkość źrodeł w nie kłod człowiek.

[broneknotgeld]

Na promynadzie

Na promynadzie w Karlowych Warach
Czas stanoł w miejscu - niy trza se starać
Ło to co kajsik za nami leży
Wystyknie woda - idzie w to wierzyć
Choć sztyngs do nosa ze niyj fest leci
Słepano w miara zdrowie nom kleci
Dyć żeś tu po to by se kurować
I niy zaprzontej czym inszym głowa.

[broneknotgeld]

"Karlowsky Porcelan Thun"

Werk porcelana ze downa robi
Kunszt trza mieć w ryncach coby jom zdobić
Trzeszło dwa wieki "Thun" markom zocnom
Niy yno w Czechach do dzisioj mocnom.

[broneknotgeld]

Karlowske promynady

Szkryfnońć coś ło nich niy dom tu rady
Dońść przeca mogłoby tyż do zwady
Zdo sie co kożdo już kamiynica
Mo po remoncie przegryfne lica

[broneknotgeld]

Kunszt jubilerski

Kunszt jubilerski sklepy tu krasi
Złotym i srybrym se sztela asi
Tyż granatami jako rubiny
Pewno coś kupisz jak wlejziesz driny

Mariańskie Łaźnie

[broneknotgeld]

Mariańskie Łaźnie

Zdroj gryfny stanoł miyndzy gorkami
Kery zoblysnoł drapko gorkami
Ciynżko je dzisioj nawet zrachować
Cuzamyn seta? -Mynczy se głowa.

[broneknotgeld]

40 źrodeł

Ano to pewne - te przebadane
Do kuracyjow już teroz brane
Frelkom se richtig lżyj potym rodzi
Nyrki zdrowiejom i jscać już chodzisz
A i we krziżu przeca mniyj łupie
Beztoż niyjedyn tukej zaklupie.

[broneknotgeld]

W XVIII wieku

W łoziymnostego wieku połowie
Las tukej rosnoł - dziwo se człowiek
Zwiyrz wtedy yno ze źrodeł pijoł
Czas jednak drapko i tukej mijoł.

[broneknotgeld]

"Marienbad" 1786

Piyrsze sanatorium przi źrodłach stanyło
Tako dlo Europy tyn zdroj już łodkryło.

[broneknotgeld]

Marienbad (XIX w.)

Mariańske Łaźnie drapko we modzie
Se krol angielski dziwowoł wodzie
Goethe jom pijoł, Wagner, Strauss, Kafka
Freud i Edison - dość dugo ławka
Tych roztomajtych osobistości
Przeca i Chopin tukej zagości.

[broneknotgeld]

Hotel "Pod Biołym Łabyńdziym" 1836

Dyć we hotelu tym Chopin stowoł
Tako w Mariańskich Łaźniach kurowoł
Dlo kuracjuszy czy trocha grywoł?
Dzisioj festiwal tukej niy dziwo.

[broneknotgeld]

"Pension Chopin"

Tako hotel zmiynioł miano
Chopin se tu budzioł rano
Dzisioj zaś festiwal majom
Durś muzyce jego pszajom.

[broneknotgeld]

Głowno Kolumnada (1889)

Se jyj dziwać niy ma musu
Dyć łodlono jest ze gusu
W tamtych czasach muster nowy
Tako wrazić trza do głowy.

[broneknotgeld]

Z dziubkym

Dzbankym z dziubkym woda pijesz
Zdrowiyj skuli tego żyjesz
Se niy tropisz tyż ło zymby
Jak tyn dziubek tkosz do gymby.

[broneknotgeld]

"Marienbad"

Dzbanek z takim mianym na pamiontka dostoł
Dziubek jego dugi by przi zymbach łostoł.

[broneknotgeld]

Cyrkiew św. Włodzimierza (1902)

Dyć se wiela Rusow tukej kurowało
Toż i na ta cyrkiew niy pożałowało
Ikonostas w środku znojdziesz przebogaty
Kto tu łazioł rzykać niy mog być sagaty.

[broneknotgeld]

Kościoł Wniebowziyńcio NMP (1848)

Mustrym bizantyńskim dźwigli kościoł tako
We Mariańskich Łaźniach z przepychym jednako
Rzykosz do Ponboczka w ty zocny świontyni
Choć ci zdo sie jakby znaczyło to myni.

[broneknotgeld]

Na Głowny sztrasie

W łoczach durś blyszczy ci eklektyka
Łozdobek tela że chcesz uciykać.

[broneknotgeld]

Festiwal Chopinowski

Zowdy w siyrpniu forteklapy
Przigrywajom na trzi szłapy
Chopin tymu patronuje
Ze mogiły se dziwuje?

Franciszkowe Łaźnie

[broneknotgeld]

Franciszkowe Łaźnie

Z łoziymnostym wiekym dziedzina we modzie
Bo kto chorowity mo nadzieja w wodzie.

[broneknotgeld]

Żołto-biołe

Żołto-bioło sztela
-Tako tu łod zowdy?
Ło zdrowiu mo świodczyć
-Wiela we tym prowdy?

[broneknotgeld]

Johann Wolfgang Goethe 1808

Franciszkowym Łaźniom i Goethe se dziwoł
Ponoć tukej głowom ze zochwytu kiwoł
Kaj hotel "Tri Lilie" znojdziecie tabula
Tam prawie zagościoł - niy śmiołbych wos fulać.

[broneknotgeld]

Dynkmal Francika I

Cysorz tu bajtlym - dzietnościom darzy
Ło kery frela niypłodno marzy
I niy na darmo mo w rynce fisza
Ło kuracyji niychej jest cisza.

[broneknotgeld]

We Franciszkowych Łaźniach

Serce, żołondek tukej kurujom
I z bezpłodności frele ratujom
Toż som szczyńśliwe te wszyske matki
Co urodziyły już potym dziatki.

[broneknotgeld]

Kurujom prywatnie

Ano - kuracjo wyńdzie cie słono
Geld niczym jako jałowe łono
Toż go niy żałuj - miyj w zocy zdrowie
Bo z tym szczyńśliwy jest bardzi człowiek.

[broneknotgeld]

Sztrasom Cysorskom

Sztrasom Cysorskom se szpacyrujesz
Choć narodowom terozki zwano
Zdo sie - bogactwo we gyrach czujesz
Z habsburskich czasow we głowie miano.

[broneknotgeld]

Niy dlo Czecha

Niy dlo Czecha kurort zdo sie
Niymcom idzie "grać na nosie"
Dyć i Rusow coroz wiyncy
Możno życie ich fest mynczy.

[broneknotgeld]

W restauracyji "Francuski"

Tukej mosz prawie delina z glasu
Pod niom zas karoie pływajom
Kelner rachunek wystawi z klasom
Dyć jo już nawet miy wajom.

[broneknotgeld]

"Aquaforum"

Aquapark prawie wybudowali
I tyż na żołto łobsztrajchowali
Coby we Łaźnie bardzi sztimowoł
No i te euro do kasy dowoł.

[broneknotgeld]

Po niymiecku

Se przi samych jawiom
Toż tu po niymiecku prawiom.

Kromierziż

[broneknotgeld]

Biskupi zamek

Kromierziżki zamek - siedziba biskupa
Kaj w piwnicach robiom zocne mszolne wino
Galerio łobrozkow - arcydziełow kupa
Łogrod co nom jakby raj tyż przipomino.

Śląsk Opawski

[broneknotgeld]

Ślonsk Opawski

W Czechach tako Ślonzek mocie
Historyjo przeca znocie
Trza mi zaczońć łod Opawy
Niych tyn region se nom jawi.

[broneknotgeld]

Niy skuli zabawy
Blikna do Opawy.

Opawa

[broneknotgeld]

Opawa

Tam Gołynszyce siedziby mieli
Grod wyros gryfny we jejich szteli
Dali mu tukej Opawy miano
Tako i rzeka była tyż zwano

Pilzno

[broneknotgeld]

Pilzno 1295

Z woli krola Pilzno rośnie
Handlym kwitnie - se rozwijo
Szkryfna tako tu radośnie
To przeca niy tragedyjo.

[broneknotgeld]

260 piwowarow

We sztyrnostym wieku piwowarow tela
Czy se powodziyło mieszczanom za wiela?

Morawy

[broneknotgeld]

Veltice Lednice

"Winoteki" w Welticach

Kuszom tutejsze piwniczki z winem
Zowdy bych siedzioł se jo tam driny.

[broneknotgeld]

"Czeski Salon Win"

Darmo se możesz yno dziwiwać
Dyć ździybko stracisz jak chcesz skosztować.

Hukvaldy

[broneknotgeld]

Hukvaldy

Małe Hukvaldy Wisły partnerym
Zocne historiom - to powiy kery
Tako tyż żyje fest turystykom
Komuś to wadzi? Łoberwie krykom!

[broneknotgeld]

Tabula Janaczka

Kaj se kompozytor rodzioł
Dali ta tabula
Po ty szteli młody chodzioł
Tela - niy chca fulać.

[broneknotgeld]

Zamek

Z czinostego wieku stoji tu zamczysko
Ło swoji historji czy łopowiy wszysko?
Możno drzewa w parku tyż zaszumiom tako
Czi idzie spokopić to wszysko jednako?

Jabłonków

[broneknotgeld]

Herb Jabłonkowa

W herbie Jabłonkowa jabłonka znojdziecie
I Baranek Boży tyż na niym jest przecie
A do tego oreł - przeca tyn nasz ślonski
W Czechach tyż regionu naszego som konski.

[broneknotgeld]

We Gogolinie

Blyszczy Jabłonkow we Gogolinie
Tako tyż przeca ślonski dziedzinie
Toż se cuzamyn gryfnie kamracom
I we kulturze tako bogacom.

Bruntal

[broneknotgeld]

Bruntal

Ziymi opawski perełka zocno
Historiom z nami zwionzano
Przez wieki całe stoła tu mocno
Niych rymym jest łopisano.

[broneknotgeld]

"Złoto, srebro..."

Złoto, srebro, kukfer, ołow po blisku znojdujom
Bergmon i hamernik z tego se richtig radujom.

[broneknotgeld]

"Pradziad" (1492 m.n.p.m.)

Chca łodwiedzić dyć "Pradziada"
Tako se przez Bruntal jada.

[broneknotgeld]

Opawsko sztela

Przince Przemyślidy rzońdziyli w Opawie
Tako w Raciborzu czimali se prawie
Toż Bruntal cuzamyn z nami skuplowany
Historyjom bestoż na zowdy tyż "dany".

[broneknotgeld]

Bruntal 1447

Princ Mikołaj z raciborza
Tyn Bruntal zastawioł
Hynek z Vrbna - ślonski wielmoża
Tako se tu zjawioł.

[broneknotgeld]

Zamek

Wiela tyn zamek richtig jest worty
Dyć łon wyglondo jak konsek torty.

[broneknotgeld]

Przebudowa

Zamek był tako przebudowany
Toż wiela razy se dzioło
Baroku muster łostatnio dany
Dyć i renesans w niym woło,

[broneknotgeld]

200 tysiyncy guldynow

Cysorz skarb tym ubogacioł
Zakon zyszczoł - dyć niy stracioł
Wielki Mistrz Krziżakow panym
Stoł Bruntalu sie ze ranym.

[broneknotgeld]

Augustyn von Lichtenstein 1652

Z tym rokym zaczła se łodbudowa
Bruntal zaś blyszczeć zechcioł łod nowa
Krziżacko sztela rozbudowano
Zdo sie po Wiedniu ta mustrym dano.

[broneknotgeld]

Eugeniusz Ferdynand Habsburg (1894-1923)

Dugo istny Zakon w swojich rynkach czimoł
We Bruntalu tako niyroz przeca drzymoł
Toż zamek rozblysnoł i zbrojowniom prawie
Zdało sie tym murom co śniom durś na jawie.

[broneknotgeld]

Śmierć Prowincjała Zakonu

Toz to było już po wojnie
Niy mog żyć istny spokojnie?
Na bezpieka z tym rachować?
Lepi trza se było schować

Śmiertka z kosom go czekała
Z glajzow do sia jakby brała
Cug mioł szwong jak go wyciepli
Czy przi władzy z tym łokrzepli?

[broneknotgeld]

Cmyntorny grobowiec

Na starym cmyntorzu grobowiec zodziwio
Ze dwudziestolecio miyndzywojynnego
Dwoch Mistrzow Zakonu na ciebie niy kiwo
W proch se łobrociyli czy pilnujom tego?

[broneknotgeld]

Bruntal w Czechach leży
Tymu idzie wierzyć.

Karwina

[broneknotgeld]

Frysztat

Frysztat - historio szkryflo tyż tako
Ze downych wiekow - dyć niy jednako.

Ostrawa

[broneknotgeld]

Ech - niy yno dlo zabawy
Chyca teroz se Ostrawy
Co prym na Morawach wiedzie
Toż niych bydzie tu na przedzie.

[broneknotgeld]

320 tysiyncy dusz

We Czechach trzecio ta miejsko sztela
Dyć skuli tego znaczy tyż wiela
Jako z tym rownać se Katowicom?
Choć trocha wiyncy dusz przeca liczom.

[broneknotgeld]

Stary ratusz (XVI w.)

Tyn stary ratusz trza nom łodwiedzić
Tukej Muzeum Ostrawske siedzi
Kaj historyjo grodu poznocie?
Na wiyrchu przeca jom jakby mocie.

[broneknotgeld]

Muzeum Gornicze we Ostrawie

Noy trza se dziwać że łone prawie
Znojdziecie tako we ty Ostrawie
Tu nawet dzisioj w bergmońskim fachu
Jak kery robi to niy mo strachu
Ze Polski ludzi przeca werbujom
U nos niy idzie - tu pofedrujom.

[broneknotgeld]

Na gorce Landek

Piyrwyj tu łowcy mamutow żyli
Cosik ze tego łostało
Toż do muzeum to wszysko wziyli
By wiela se dziwowało.

[broneknotgeld]

Muzeum Gornictwa Wynglowego
Ostrawa-Petrzkowice 9.IX.2006

Bergmony w Ostrawie ze tym dniym świyntujom
Dziewiontego września zowdy se radujom
Toż prawa bergmońske we tym dniu Jihlava
Dostała ze ryncow krola Czech - Wacława.

[broneknotgeld]

"Janaczkowy maj" w Ostrawie

Melomana tym pokusi
W maju tu zoglondnońć musi
Choć na wonglu ciyngym stoji
Grod w kulturze wiela broji.

Koprzywnica

[broneknotgeld]

"Koprivnice"

Zocno zaolziańsko sztela
Szkryfna ło tym tukej tela.

[broneknotgeld]

Jak watra?

Bryczki, karyty, we końcu "Tatra"
Toż Koprzywnica jako ta watra!

[broneknotgeld]

Tyż chce blyszczeć

Turystykom tyż chce blysnońć
Toż wandrusow teroz kusi
Trza za Olza nom se cisnońć
Luft cie tukej niy udusi.


Z kamynia i gliny

Co z kamynia i ze gliny
To rozsławio Koprzywnica
Werk łod downa przeca driny
Roześmione tako lica.

[broneknotgeld]

Koprivnice (XIII w.)

Z koncym wieku czinostego
Już dziedzina była
Toż radujom sie ze tego
-Historyji siyła.

[broneknotgeld]

Ze Bioły Gory

Ze Bioły Gory se podziwuja
Dziedzinie kery gościnność czuja.

[broneknotgeld]

Biegi przełajowe im. E.Zatopka

Tu na przełajch możesz pobrykać
Z mianym czeskego olimpijczyka.

[broneknotgeld]

Dwa Ignace

Dwa Ignace i dwa werki
Kto z tym mianym tyn jest wielki?

Brno

[broneknotgeld]

Brno

Brno nojwiynksze na Morawach
Za niym przeca ta Ostrawa.

[broneknotgeld]

Brno (XI w.)

Przemyślidy tu siedzieli
Pociecha ze grodu mieli.

Ołomuniec

[broneknotgeld]

Ołomuniec

Piyrwyj stolica Moraw tu była
Mo Ołomuniec i dzisioj siyła.

[broneknotgeld]

Ołomuniec 1063

Z tym rokym już biskup w Ołomuńcu siedzi
Tela wom tu szkryfna - choćby na spowiedzi.

[broneknotgeld]

Sie wybiera
www.dziennikzachodni.pl/artykul/700231,dz-poleca-wycieczka-do-olomunca-po-haust-wina-mszalnego-i,id,t.html
Dyć niy teraz.

Kravarze

[broneknotgeld]

Kravarze 1224

We Ziymi Hulczyński juz blysły Kravarze
Historyjom zocne - tego nikt niy zmaże.

[broneknotgeld]

Pałac (XVIII w.)

Barokowy pałac te Krawarze krasi
Ech - se richtig idzie sztelom takom asić.

[broneknotgeld]

Krawarze - Wożniki 19.IX.1992

Ze wrzesniym se zaczły kamracić te sztele
Prawiom co na bezrok bydzie fest wesele.

[broneknotgeld]

Ze świyntami

Na Wielkanoc i na Gody
Tukej w zamku wiela zgody
Bo kamratow trza ugościć
Tako w pszoniu tyć niy pościć.

Markvartovice

[broneknotgeld]

Markvartovice

Ziymi Hulczyński poznejcie gmina
Toz zaolziańsko zocno dziedzina.

[broneknotgeld]

Chcom zwiydzać

Markvartoviczanie chcom zwiydzć te Łazy
W rajza se wybierom możno wiyncy razy.

[broneknotgeld]

Markvartovice - Łazy

Niywiela dzieli - wiela kupluje
Toż łobu sztelom tako sztimuje.

Żlin

[broneknotgeld]

Żlin

Dlo Żlina tata
To ciyngym Bata.

[broneknotgeld]

50 miljonow por

Tela por szułow durś rynek broł
Zdało sie jeszcze co wiyncy chcioł
Niy trza se dziwać co tako Bata
Jakby był richtig tym "panym świata?

[broneknotgeld]

Przed II wojnom

Bata niy był na "paradzie"
Kero Hitler Czechom doł
Bataville już w Kanadzie
Dyć Żlin we pamiyńci mioł.

[broneknotgeld]

Żliński zamek (1578-1581)

Renesansowo se w Żlonie asi
Ździybko barokym tyż sztela krasi
Był przeca tako przebudowany
Szczyńściym żlinianom do dzisioj dany.

Opawa

[broneknotgeld]

Opawa 1224

Już prawa miejske Opawa czimie
Ze tym tyż drapci se rośnie
Mieszczanin tukej przeca niy drzymie
Jak słonko świyci radośnie.

[broneknotgeld]

J.G.Mendel (1835-1840)

Gimnazistom we Opawie
Tu se młody kształcioł prawie

Ło groszku deliberowoł?
Już na genetyka stowioł?

[broneknotgeld]

Tyjater Ślonski

Toż "divadlo" regionalne
Miano zocne - sztuki fajne.

Igława

[broneknotgeld]

Igława - połowa XIII wieku

Z downy osady wyrosło miasto
Srybro tutejsze jako te ciasto.

[broneknotgeld]

Igławske srybro

Igławske srybro czechy bogaci
I choć ze czasym przeca tyż traci
Dyć grod se dali ciyngym rozwijo
Po kruszcu sukno go niy łomijo.

Hradec

[broneknotgeld]

Hradec 1061

Nic ze tyn hradec taki jest mały
Chnet tysionc rokow na tych Morawach
Toż historyji wiela mu dały
A we tym richtig zocno jest sprawa.

[broneknotgeld]

W "Biołym Zamku"

Kunszt malyrski z porcenalym
I klasycyzm niy za stary.

Nowy Jiczin

[broneknotgeld]

Nowy Jiczin 1313

Już ze tym rokym tukej osada
Niy cołkym "nowy" - dyć po co zwada.

[broneknotgeld]

Rynek w Jiczinie

Rynek w Jiczinie czeskom perełkom
Toż stond wyjechać niy idzie
Jak tam zoglondniesz ze modom frelkom
Twoj profit - jyj niy ubydzie.

[broneknotgeld]

Nowy Jiczin - Świyntochłowice 1994

Tako kamracom se zocne sztele
Toż przeca wcale niy som kamele
Ślonsko-morawske zdo sie zolyty
Radochy wiela tyż przeca przi tym.

[broneknotgeld]

A Rumcajsa pamiyntocie
We Jiczynie ciyngym mocie.
www.dziennikzachodni.pl/artykul/3881983,wycieczka-na-weekend-rumcajs-ma-swoj-dom-w-jiczynie,id,t.html

Morawski Bieruń

[broneknotgeld]

Morawski Bieruń

W Jesenikach miasto leży
Łod nos blisko - idzie wierzyć.

[broneknotgeld]

Szternberkow sztela

Tyn rod przezocny wiela tu znaczoł
Tako i Bieruń do sia łonaczoł.

[broneknotgeld]

Przez wieki

Przez wieki całe tako se dzioło
Rosnoł poleku - czasym wesoło
Dzisioj z uciechom tyż zoglondniecie
Tako wos Bieruń pokusi przecie.

[broneknotgeld]

Morawski Bieruń 1872

Z Ołomuńca do Karniowa
Cug przez Bieruń jedzie
Cieszom tukej se z banhowa
Som bardzi na przedzie.


Morawski Bieruń 1895

Tako ta sztela do gowy skoko
Robiom tu papior co niy przemoko.

[broneknotgeld]

Ondraszowa

Do Bierunia przipisano
Zdrowiu richtig tyż łoddano.

[broneknotgeld]

Dehovka

Z tego Bierunia łorkestra dynto
Ze tych zocniejszych - to se pamiynto
W polskim Bieruniu czynsto jom słychać
Zowdy wesoło z niymi "podychać".

[broneknotgeld]

Som "wybuchowe"

Łoba Bierunie som "wybuchowe"
Stond kamracynie siedzi we gowie.

Trzyniec

[broneknotgeld]

Choć wielki

Choć wielki Trzyniec
-dusz mo coś mało
Dyć i Ślonzokow
Tu se spotkało.

[broneknotgeld]

Se łotwiyro

Nom se Gornom Leśnom tyn Trzyniec łotwiyro
dziedzina gościnno - w kamracyniu szczyro.

[broneknotgeld]

Niychej granica Ślonska niy dzieli
Po czeski stronie szukej tych szteli
Kerym tyn region wypszony zdo sie
Tako radości z tym wiela mo sie.

[broneknotgeld]

Bielsko-Biała - Trzyniec XII.1999

Z tym rokym tako echt se kamracom
I skuli tego sztele jo macom.

[broneknotgeld]

Trzyniec 1444

Toż se w historji jawi ciekawie
Starszych zapiskow niy znodli prawie.

Klimkovice

[broneknotgeld]

We herbie Klimkovic

We herbie lwa majom
Gowiedzi tu pszajom.

[broneknotgeld]

14 kilometrow kwadratowych

Klimkovice chocioż małe
Przeca richtig gryfne całe.

[broneknotgeld]

TV Klimkovice

Toż kablowka sztela mo
Co nojnowsze tako zno.

[broneknotgeld]

Ze zamkym

Kościoł ze zamkym zdo sie cuzamyn
Szczyńściym nikt im tu niy pedzioł - amyn.

Frydek-Mistek

[broneknotgeld]

Frydek-Mistek

Nad Morawicom dziedzina leży
Niych se som sprowdzi kto mi niy wierzy.

[broneknotgeld]

Frydek (XIV w.)

Po prawy stronie rzeki stanyło
W ksiynstwie cieszyńskim dyć piyrwyj było.

[broneknotgeld]

Mistek

Z osady targowy we miasto wyrosło
Toz nad Morawicom do znaczynio doszło
Morawy ze Ślonskym tako kuplowało
A możno se yno mi to wydowało.

[broneknotgeld]

Frydek-Mistek 1948

Morawica już niy dzieli
Jedne miasto w czeski szteli.

[broneknotgeld]

Zamek we Frydku (XIV w.)

Zamek we Frydku - pewno go znocie
Stary - choć dzisioj z barokym mocie
Przeca dwa razy przebudowany
Niym na muzeum dziedzinie dany.

[broneknotgeld]

Kościoł św. Jana Krzciciela (XV w.)

Tyż go łoblykli na barokowo
Piyrwyj gotycki se nom wydowo
Szczyńściym do dzisioj tyn Frydek krasi
Miasto se richtig kościołym asi.

[broneknotgeld]

Kościoł św. Josta (XVII w.)

Chciołbych se szkryfnońć - Zefla świyntego
Toż kościoł renysansowy
Trza wom zoglondnońć richtig do tego
Koncept to wcale niy nowy.

[broneknotgeld]

Kościoł Nojświyntszy Maryji Panny (1740-1759)

Jako świontynia ta se łoblyko?
-Na barokowo do Bosi rzyko.

[broneknotgeld]

Kościoł św. Jana i Pawła

W Mistku blyszczy se rokoko
Kościoł aż we łoczy skoko!

[broneknotgeld]

Kościoł św. Jakuba w Mistku

Piyrwyj gotycki tyn kościoł był
Pod renesansym to trocha skrył.

Studenka

[broneknotgeld]

Studenka 08.08.08

Ech - Studenka! Cug w utropie!
Ktos mogiły chnet wykopie
Niychej rym jak płomyk świyczki
By pamiyntać już na wdycki.

Holice

[broneknotgeld]

Holice

Kaj znojdziecie te Holice?
We powiecie Pardubice!

[broneknotgeld]

Ze Hradca

Ze Hradca Kralove na Svitavy jedzie
Tako przez Holice rajza jego wiedzie.

[broneknotgeld]

7 tysiyncy dusz

Jedyn prawi "yno" - inkszy godo "już"
Ano - przeca majom richtig tela dusz!

[broneknotgeld]

Holice 1336

Chvojnowsko dziedzina - historyjo prawi
Co łona krolewskom se już wtedy jawi
Toż Jan Luksymburski zarozki tu panym
Taki tref ciekawy tym Holicom dany.

[broneknotgeld]

Holice (XV w.)

W tym prowda szczyro - miastym już były
By tako roznońć znolozły siyły.

[broneknotgeld]

Holicki ratusz

Piyrwyj na rynku ratusz drewniany
Dyć zgoroł aże dwa razy
Teroz sie aszom tym murowanym
I prawiom co jest bez skazy.

[broneknotgeld]

Nowy ratusz (1824)

Przeca tyż już zobytkowy
Dyć jo szkryfna ło niym - nowy.

[broneknotgeld]

Nowy ratusz V.1945

Ano - cołkym w gruzach
Łostoł se ruinom
W łodbudowa wierzy
Złe czasy mu minom.

[broneknotgeld]

Kościoł św. Marcina

W wieku sztyrnostym - prawi dziedzina
Już stoł tu kościoł - dyć czy Marcina?

[broneknotgeld]

Kościoł św. Marcina (1736-1739)

Ano - w Holicach rośnie świontynia
Co pod wezwaniym prawie Marcina
Se w barokowy mantel łoblyko
I do Ponboczka ciyngym już rzyko.

[broneknotgeld]

Kościoł zodziwio

Kościoł zodziwio wystrojym swojim
Środkym Mikołoj w ołtorzu stoji
Tako krzcielnice ze downych wiekow
Bliskoś Ponboczka - rzykej człowieku.

[broneknotgeld]

"Sokolovna" 1913

"Sokoł" we Holicach "Sokolnia" zbudowoł
Dzisioj miastu służy i trzimie se zdrowo!

[broneknotgeld]

Dni Ziymi Strzelecki VI.2006

"Dechowka" z Holic we Strzelcach gro
Do kamracynio sztela szwong mo.

[broneknotgeld]

Delegacyjo samorzondowo
Na kamracynie tyż tako stowio.

[broneknotgeld]

Strzelecke Targi Wiosynne IV.2006

Toż se Holice na targach jawiom
Ło kamracyniu już Strzelcom prawiom
Bo ze konsulym czeskim w komplecie
Tako krok piyrszy - co wiyncy chcecie?

[broneknotgeld]

Se Holice skamraciyły?
We proficie ze tym były?

[broneknotgeld]

670 lecie miasta Holice (1336-2006)

Strzelce do szteli już se wybrały
Przi gyburstagu "Dni Holic"
Toż fuzbalerow zespoły grały
A i muzykow tyż dolicz.

[broneknotgeld]

VII Miyndzynarodowy Plyner Malarsko-Rzeźbiorski
w Bystrzycy Strzelecki (10-18.08.2006)

Łonskego roku to se już stało
Malyrzy z Holic niy brakowało.

[broneknotgeld]

Se kamracom (IX.2006)

Z Holicami se Strzelce Opolske kamracom
Choć richtig na świyrzo dyć czasu niy tracom.

[broneknotgeld]

"Visegrad Cup" 30.09.2006

Madziary, Słowaki, Pepiki, Poloki
We fuzbal se grajom przeca niy boroki.

Czeski Cieszyn

[broneknotgeld]

Szkoda godać - dyć utropa
bielskobiala.gazeta.pl/bielskobiala/1,88025,13256736,Ukradli_tablice_pomordowanych_Zydow__Trafila_na_zlom_.html?bo=1
Przidzie zaś po glacy dropać.

[broneknotgeld]

Kej fontanna gro

Wele tyjatru fontanna gro
Ci melodyjo we uszy do
Zowdy ło połny richtig godzinie
Woda tańcuje tyż w ty dziedzinie.

[broneknotgeld]

We łogrodzie botanicznym

We łogrodzie botanicznym podziwej kaktusom
Sie Koszyce tym radujom co łone dyć tu som.

[broneknotgeld]

Koszycke zoo

Zoo w Europie niypoślednie
Niy lyź w nocy - kukej we dnie.

[broneknotgeld]

We muzeum

We muzeum skarb koszycki
Cie zodziwio tukej wdycki
Trocha woży tyn geld złoty
Cieszy łoczy - niy gupoty.

Austria

[broneknotgeld]

Tyrol

Austryjacki Tyrol i u nos jest modny
Piyknie bo łon przeca richtig tego godny.


Alpejske Zoo

W Innsbrucku je szukej
Na gorzystym stoku
Dość wysoko tukej
Dyć niy żałuj kroku

Żyje w tym zoo gowiydź
Czynsto jak na hali
Ciekawe jest - powiydz
By inksi zwiydzali.


"Mozartkugeln"

Tako szokolada yno we Austryji
Kup tego do cołki swoji familiji
Nim zjysz se podziwosz na Mozarta gymba
I niy myśl za wiela już ło swojich zymbach.

[broneknotgeld]

Tukej

Dziyń se kawom durś zaczyno
Już łod setek przeca lot
Choć Austryjok lubi wino
Dyć skiż kawy richtig rod.

Baden

[broneknotgeld]

14 źrodeł

W Baden źrodeł majom wiela?
Dyć sztyrnoście - piykno sztela.

Wiedeń

[broneknotgeld]

"Wiedyński bal"

Balym noworocznym Wiedyń ciyngym słynie
Na kerym krolujom walce Straussa piyknie
Cołki rok jak chwila potym wszyskim minie
W Operze Wiedyński radości wystyknie.

[broneknotgeld]

"Muzeum Pogrzebu"

Wiedyńczyka przeca kuszom durś cmyntorze
Majom te muzeum - jedyne w Europie
Dziwować se idzie na "łostatnie łoże"
Yno se niy sztresuj przi tym wcale chopie.

[broneknotgeld]

"Torta Sachera"

Franz Sacher upiyk dlo Metternicha
Torta co była we wercie grzycha
Ze tortynsztikow hotel wystawioł
W kerym se Wiedyń zocniejszy bawioł

I choć skiż tego były mecyje
"Torta Sachera" ciyngym tu żyje
"Sacher" i "Demel" pospołu pasie
Nic że niydowno skoczyły na sie.

Sankt Georgen

[broneknotgeld]

Świynto Jabka 25-26.IX.04

Karyncko miejscowośc w Laventtal Dolinie
Swojim Świyntym Jabka we Austryji słynie
Łoj bydom sie dzioły tu "cuda jabkowe"
Zadziwi przi tymu niyjedyn se czowiek.

Salzburg

[broneknotgeld]

"Mozart Woche"

Ze gyburstagym w styczniu co roku
Zoglondnij w Salburg - niy żałuj kroku
Toż tu kroluje wtedy muzyka
Dlo nos gyniusza no i klasyka.

[broneknotgeld]

Wolfgang Amadeusz Mozart
27.01.1756

Toż Anna Maria na świat wydała
Syna bo łojcu to łobiycała
Fater Leopold - to szkryfnońć musza
Jeszcze niy wiedzioł ze mo gyniusza.

[broneknotgeld]

Przekludzka 1773

Se Mozarty przekludzali
Aż za Salzach tako dali
W kamiynicy teroz majom
Sztok caluśki - toż niy wajom
Ze muzykom w gora idom
Łona dlo nich niy jest biydom.

[broneknotgeld]

Salzburg

Solny grod - toż richtig wiycie
"Biołe złoto" dało życie.

[broneknotgeld]

Salzburg Mozarta

Dyć wszyndy słychać jego muzyka
Salzburg Mozartym zdowo sie rzykać
Tu Dom Mozarta - muzeum majom
Tymu dziwocie? Czy jo cośbajom?

Salsburg - land

[broneknotgeld]

Salzburg

Salzburg wloz do gowy
Jako land zwionzkowy.

[broneknotgeld]

W pośrodku

W pośrodku Austryji
Toż mniyj mo mecyji
Tela co z zachodu
Już chudnie - wom godom.

[broneknotgeld]

7154 km kwadratowych

Siedym tysiyncy z hokym - niywiela?
Dyć przeca wiycie co cudno sztela!

[broneknotgeld]

Sie z felerym żech powadzioł
Bestoż te "z" w miano wsadzioł.

Tyrol

[broneknotgeld]

Jako z tym bydzie?
www.dziennikzachodni.pl/artykul/3317924,turysci-zasypani-w-tyrolu-to-glownie-slazacy-trwa-akcja-ratunkowa-zdjecia-mapa,id,t.html
Gorsze niy przidzie?

Węgry

[broneknotgeld]

Madziar

Toż bratanek łod Poloka
Trza by teroz tam poskokać.

[broneknotgeld]

Papryka

W madziarskim gorczku czynsto jest łona
Łostro że czasym poci sie glaca
Dyć z tego może cieszyć sie żona
Madziar w Europie gro rola szaca

Kery nojczyńści dogodzo freli
A wszysko ponoć skiż ty papryki
Chopom smakuje w tutejszy szteli
No i we łożku majom wyniki.

[broneknotgeld]

Propagando unijno

Kusiyli Madziarow ponoć przepowiedniom
Że bydom łotwiyrać cukiernie we Wiedniu.

[broneknotgeld]

Na bezrok trza szkryfnońć cosik ło Madziarach
www.dziennikzachodni.pl/artykul/542271,dzien-wegierski-w-katowicach,id,t.html
Cosik mom dyć szłoby ło wiyncy postarać.

Mohacz

[broneknotgeld]

"Buso" w Mohaczu

W "Buso" we Mohaczu wielce sie radujom
"Buszowniki" tukej festelnie świyntujom
To jakby pamiontka historyji miasta
Pij tańcuj i śmiyj sie - szczyńście we tym - basta.


Downo tymu

W bitwie pod Mohaczym Turki gorom byli
I zaroz te ziymie sami zasiedlyli
Tutejszym niywola zoglondnyła w łoczy
Pokryli sie wszyńdzie by niy być w ich mocy

Po lasach barzołach na wyspech Dunaju
Szczyńście sie skończyło - niy ma dlo nich raju
Dyć roz przi branderze starzik przepowiedzioł
Że wrocom zaś do dom - łon dobrze to wiedzioł
Broń im kozoł znosić robić groźne maski
I czekać durś znaku - jakby Boży łaski.

Tako tyż sie stało - ciyrpliwie czekali
W końcu przeca znak tyn - jak godoł - dostali
Poszli z tym co mieli - Turka przegoniyli
W Mohaczu juz teroz panami zaś byli

Tako to legynda ło tych dziejach prawi
Skiż tego sie miasto we karnawał bawi
I chocioż historio coś inkszego godo
Tańcuj ciesz sie z niymi - to szczyńścio ci dodo.


"Odrodzynie"

Odrodzynie! - Tako ryczom tukej dzieci
Jak już tyn karnawał we Mohaczu leci
Bajtle swojym larmym wszysko zaczynajom
Dyć potym sie starsi w zabawa włonczajom.


Plac Kolo

Tukej sie zbiyrajom ichnie przebiyrańce
Kożdy maska nosi z wielkimi rogami
Larma robiom wiela zaczynajom tańce
Jak głowami Turkow bawiom sie kreplami.


Łostatnio niydziela

Cały dziyń zabawa - świyntujom do nocy
Na koniec zaś łogyń se ciepie we łoczy
Wielgachny fojery pamiontki po czasach
Jak kryć sie musieli przed Turkym po lasach.

Eger

[broneknotgeld]

"Egri Bikaver"

Winorośl tu rośnie łod tysiynca lot
Ponoć piyrwyj zakon ze tego był rod
Ze Egeru wino leje sie na stoły
Zocne ludzie pijom a niy jakeś woły
Przeca wszyscy wiymy że to "krew buchaja"
Niy godej że inkszo bo zarozki haja.

[broneknotgeld]

Eger

Eger z wina przeca słynie
Pij go wiela w ty dziedzinie.

[broneknotgeld]

"Egri Bikaver"

"Byczo Krew" ze procyntami
Bycze wino - wiycie sami.

[broneknotgeld]

Eger 1552

Sulejman Wspaniały grod chcioł gibko zdobyć
Dyć jako łobrońcow wartko jejich pobić?
Kej ze "byczy juchy" siyły swoje brali
Trza jyj dać i Turkom - dyć co było dali?
Ano - wlyźć na mury im sie niy udało
Za wiela "zfdobywcow" tam położyrało.

[broneknotgeld]

Eger 1598

Zaś Turki tu stojom! Na murach Madziary?
Czy wojska Habsbugow prziszły bronić wiary?
Siył, chyńci zabrakło istnym najymnikom?
-Niy darmo tu dzisioj na minaret blikom.

[broneknotgeld]

Egerski minaret

Nojdali w Europie z połnocy dzwigniony
Toż sie taki "szpicy" w Egerze dziwomy
Niywola turecko tyn ślad łostawiyła
Ano - tyż ta ziymia sułtanom służyła.

[broneknotgeld]

Minaret - XVII w.

Na sztyrdziści metrow niebo tako dropie
Dyć już muezzina niy szukej tu chopie.

[broneknotgeld]

Katedra egersko

Epne schody wiedom do ichni katedry
Dyć by tukej trefic niy trza jakiś "fedry"
W Egerze jom zowiom prawie "bazylikom"
Żołci ze daleka - se we niyj porzykom.

[broneknotgeld]

Gory Bukowe

Eger łod wschodu te gorki kraszom
Trza se w nie wybrać wycieczkom naszom.

[broneknotgeld]

Egerski zamek

Ano - ciyngym wiyrchym stoji
Szczyńściym żodyn już niy broji
Żodyn miasta niy zdobywo
Szczyńściym wandrus sie mu dziwo.

[broneknotgeld]

Egerske basyny

A dyć kej majom wody termalne
Take basyny tukej normalne
Dlo egerczykow uciecha w tym
I dlo turystow - to przeca wiym.

[broneknotgeld]

Łaźnio turecko

Po Turku łostało
Coby radowało
Szczyńściym ich już niy ma
Szkryfna tako szpryma.

[broneknotgeld]

Eger tyż do przodka gno!
www.treeoftheyear.org/?lang=pl
Ścignie Kozy czy sie zdo?

[broneknotgeld]

Europejskie Drzewo Roku?!

Platan z platanym rywalizuje!
www.treeoftheyear.org/?lang=pl
Kozy czy Eger? Tref jako suje?

[broneknotgeld]

Chocioż Eger broji
I Kozom niy stoji.

[broneknotgeld]

Eger wiyrchym - Kozy dołym
Wygroł platan - rym wesoły.

Holloko

[broneknotgeld]

Wiosna w Holloko

W Wielkanoc tukej cieszom sie wiosnom
Toć dubeltowo sztela radosnom
Świynta z folklorym razym we zgodzie
Przeca nikogo to niy zabodzie.

Hajduszoboszlo

[broneknotgeld]

Hajduszoboszlo

Hajducko osada tym łod downa słynie
Że woda termalno ze źrodeł tu płynie
Jak mosz ryjmatyka to jom podkurujesz
Jeszcze bydziesz fikoł - se to forsztelujesz?

[broneknotgeld]

"Hajdu"

Kaj te hajduki se łosiedlali
Zowdy do miana szteli dowali.

[broneknotgeld]

Prawie jak obóz

Hajduszoboszlo - "obóz warowny"?
I dzisioj znojdziesz tu muster downy
Przeca hajducko piyrwyj osada
Tako dlo Turkow tyż z niyj zawada.

[broneknotgeld]

Istwan Bocskai w Polsce

Princ siedmiogrodzki chycioł korona
Czuł se w Warszawie teroz jak w doma
Bocskai do Polski tyż zoglondywoł
Na ukraińskich kozokow dziwoł
Muster z nich dowoł potym hajdukom
Czy sie udało? -Jo niy pokukom.

[broneknotgeld]

Gorko solanka

Gorko solanka tyż ziymia dowo
Ze jodym bromym fluorym
Toż przijedź tukej byś chnet łozdrowioł
Zapomnisz żeś bywoł chory.

Tokaj

[broneknotgeld]

Festiwal Wina 28-31.05.04

Że mie tam niy bydzie - szkoda
Bych se wina poprobowoł
Tela yno chca tu dodać
Tokaj zowdy mi smakowoł.

Keszthely

[broneknotgeld]

Festiwal - Balaton

Ponoć pod koniec maja sie dzieje
W Keszthely - mieście nad Balatonym
Do tego serce sie wszyskim śmieje
Przijedź a bydziesz tyż ucieszony.

Budapeszt

[broneknotgeld]

Budapeszt

We stolicy co pionty Madziar zamiyszkuje
Bestoż łona wiela we tym kraju znaczy
Ze "Perły Dunaju" kożdy sie raduje
Czamu? -Se możecie ło tym tu łonaczyć.

[broneknotgeld]

"Dzielnica żydowsko"

Stare kamiynice w końcu pobulyli
Krolewsko ulica nowościom aż blyszczy
Restauracyj hoteli wiela nawalyli
Czy richtig Budapeszt na tym jednak zyszczy.


Ferencvaros

To jakby Soho we Budapeszcie
Cosik mi szepto do ucha - wierzcie.

[broneknotgeld]

"Aquincum"

Tukej garnizon Panonii Niższy
Jak prowincyjo Rzym dlo sia czimoł
We czasach w kerych jeszcze był "wyższy"
A Hun na wschodzie daleko drzymoł.

[broneknotgeld]

Madziary (896)

Ano - łosiedli se przi Dunaju
I skosztowali swojego raju
Na tysionclecia jaky stanyli
Nom zdo sie - zowdy już tukej byli.

[broneknotgeld]

Buda i Peszt -1244

Toż z Mongołami prziszła utropa
We Budzie jako i Peszcie
Czy je podźwignońć styknie siył chopa?
Ano sie stało - uwierzcie.

[broneknotgeld]

Buda stolicom

Przi Andygawynach ta sztela blysnyła
Za krolewskim zamkym zowdy idzie siyła
Toż Madziary tako szczyńśliwie se żyjom
Bogactwa swojego tyż nawet niy kryjom.

[broneknotgeld]

160 lot niywoli

Niy był Madziar z tego rod
Szczimać Turka tela lot
Dyć niywola se skończyła
Buda juzaś rośnie w siyła.

[broneknotgeld]

Marzec 1848

Wiosna Ludow se w Peszcie zaczyno?
Ze Kossuthym, Petofim tu yno
Krew Madziarow niy poszła na darmo
Chnet plon wydo wolności tu ziarno.

[broneknotgeld]

Przed I wojnom

Na Wiedyń czasym Budapeszt kiwoł
I bez zowiści we Paryż dziwoł.

[broneknotgeld]

We II wojna światowo

Horthy czimoł władza dugo
Dyć i jego koniec mrugo
Som Madziary faszystami
Zwom ich "Strzałokrzyżowcami".

[broneknotgeld]

Janosz Kadar

Zdrajcom wpiyrw go mianowali
potym spokoj jednak dali
Moskwa tako pochwolyła
Jakby trocha tyż ulżyła.

[broneknotgeld]

Blikej na Buda

Blikej na Buda z brzegu Dunaju
Zdowo sie gryfnym dziełym czowieka
Niy przipomino dyć wcale raju
Bestoż niy bydziesz tu na to czekać.

[broneknotgeld]

Do wzgorza ida

Przez Miasto Wodne do wzgorza ida
Ździybko zmynczony pewnikym byda
Niym przed tom Bramom Rybackom stana
Dyć mie tyn zamek pokusioł z rana.

[broneknotgeld]

Siedym wieżyczek

W Rybacki Baszcie wieżyczek siedym
Plymion madziarskich tyż tako
Choć władza chycioł naprowdy jedyn
Piyrwyj niy było jednako.

[broneknotgeld]

Herb Macieja Korwina

"Corvus" - toż przeca miano jest kruka
Trza ze tym ptokym herbu wom szukać.

[broneknotgeld]

"I do bitki i do szklanki"

Na roz - pije
Na dwa - bije
Dyć po prowdzie przi kelichu
Zapomino se ło grzychu.

[broneknotgeld]

Za wielki?

Budapeszt se zdowo w tym kraju za wielki
Tela tu Madziarom - toż niy duperelki.

[broneknotgeld]

Gora Gellerta

Starom Gorom piyrwyj zwano
Mo świyntego teroz miano.

[broneknotgeld]

Św. Gotard (XI w.)

Tukej świynty Gotart Gellertym tyż zwany
Śmierć mu zrychtowali mynczyńsko pogany
Wraziyli biskupa do beki dymbowy
Z gwoździami łod środka - koncept jakby nowy

Toż tako ze gory se w Dunaj pokuloł
Przeżyć tego niy mog - toż niy byda fuloł
Yno we pamiyńci - tako ze świyntymi
Do dzisioj łon ciyngym jakby na ty ziymi.

[broneknotgeld]

Na Gorze Gellerta

Na Gorze Gellerta wielko cytadela
Austryjo dźwignyła by wachować sztela.

[broneknotgeld]

Dzisioj cytadela

Dzisioj tako twierdza służy już zabawie
Geld tu możesz wydać przenocować prawie
By rano zaś zwiydzać dali miejsko sztela
Bo czasu i na to potrza richtig wiela.

[broneknotgeld]

"Statua Wolności" w Budapeszcie

Ech - frelka z liściym palmowym
Dźwigniony łon wyży gowy
Karlus ze faklom zas niży
Teroz wolności już bliży
Bo gwiazda z dynkmalu sciongniono
Armijo tyż wykludzono.

[broneknotgeld]

Wielkanoc 1951

Kaj Wzgorze Gellerta pauliny rzykali
Dyć przeca bezpiece łodporu niy dali
Przeor śmieć mioł łod nich nojpiyrw "naszkryflano"
Inkszym dziesiyńć rokow kozy tako dano.

[broneknotgeld]

Hotel Gellert 1918

Hotel Gellert już łotwarty
Wele gorki ło tym mianie
Toż secesji zocne "karty"
Nojgryfniejsze - gaftnij na nie!

[broneknotgeld]

Ponoć

Ponoć już piyrwyj se tu toplali
Tako w źrodełkach tyż kurowali.

[broneknotgeld]

Budapeszt Zdroj

Ano - dyć zdrojym jest ta stolica
Źrodła mo zocne w swych okolicach
Jako je dzisioj wszyske zrachować?
Ważne że tu sie idzie kurować.

[broneknotgeld]

Za Turkow

Za Turkow Budapeszt w warzity bogaty
Chocioż se seblyko przeca niy sagaty.

[broneknotgeld]

"Hammamy"

Ano - po Turkach tela łostało
Toż jejich łaźni przeca niymało.

[broneknotgeld]

Gora Zamkowo

Niywysoko chocioż dugo
Starym miastym do nos mrugo
Łod połednia na niyj zamek
Atrakcyje tukej same.

[broneknotgeld]

Buda

Na zamkowym wzgorzu ta Buda wpiyrw rosła
Drapko do znoczynio wielkego tyż doszła
Tu przeca monarcha mioł siedziba swoja
Zdało sie co richtig dobro to łostoja
Dyć utropa prziszła razym ze Turkami
A na koniec tako Sobieski z wojskami.

[broneknotgeld]

Barokowy zamek

Toż Marja Teresa dźwigo tako sztela
Za Franca Jozefa pozmiyniali wiela
Choć przi II wojnie cołkym se wypoloł
Dyc łodbudowali - byda jo ich chwoloł.

[broneknotgeld]

Turul

Tako już Madziary łod wiekow bajajom
Co w turulu przodka jejich wodze majom
Jako i nasz oreł podobnym jest ptokym
Wodz mo go patronym - toż nigdy borokym.

[broneknotgeld]

Madziarsko Galeryjo Narodowo

Kunszt madziarski tukej mocie
Tako se i fest dziwocie
W galeryji tysionclecie
Ciepiom wom przed łoczy przecie.

[broneknotgeld]

Zamek - krzidło połnocne

Krzidło połnocne - kunszt tu dzisiejszy
Niy wszyscy myślom co pośledniejszy
Czasym tymaty richtig zodziwiom
Aże fest ludzie głowami kiwiom.

[broneknotgeld]

Budapesztańske Muzeum Historyczne

W krzidle połedniowym Zamku Krolewskego
Na gorze zamkowy niy łomijej tego
Ciyngym zdo sie dycho tukej średniowiecze
A rzeźby gotycke werte łoka przecie

Dyć i historyjo Budapesztu tukej
Na talyrz ci kładom - kaj ińdzi niy szukej
Toż we tym muzeum spokopisz dość wiela
I zocniejszom zdo sie potym cołko sztela.

[broneknotgeld]

Plac Świynty Trojcy

Toż starowki Budapesztu serce zdo sie bije
Kto zoglondnie yno tukej pewno to łodkryje.

[broneknotgeld]

Kościoł Macieja

Toż Maciej Korwin kościoł fundowoł
Sie Salomonym madziarskim zdowoł
Plac Świynty Trojcy - zocno świontynia
Ze szlachetnego jakby kamiynia
Tukej se krole koronowali
Franc Jozef z Sisi tako tron brali.

[broneknotgeld]

Baszta Rybacko

Za Kościołym Macieja ta baszta zodziwio
We słonku ci zdo sie jeszcze bardzi bioło
Bronić jyj niy trzeba - grod se dobrze miywo
Dyć skiż jyj wieżyczek tu bardzi wesoło.

[broneknotgeld]

Muzeum Historii Muzyki

W pałacu Erdodych brama barokowo
Historio muzyki - tako se niy zdowo
Tukej insztrumynty stare pokazujom
Partyturom nawet nut tyż niy żałujom.

[broneknotgeld]

Plac św. Jana Kapistrana

Pamiyntajom to mnichowi że aż pod Belgradym
Turkom lyjty wielke dowoł razym z Hunyadym
Toż mu dynkmal wystawiyli - miano placu tako
Skuli wiary czy wojynki? -Możno to jednako.

[broneknotgeld]

Droga Pańsko

Nojdugszo zdo sie - tako wiekowo
Droga starowki we budzie
Toż se dyć trocha tyż i wydowo
Jakbyś se dreptoł po cudzie

Tu kamiynice łod średniowiecza
Inksze barokym zaś kuszom
Bestoż łoczami po domach leca
Kerych widoki aż duszom.

[broneknotgeld]

Budziński labirynt

Zamkowo gora jako tyn szwam
Dziur ponoć richtig wiela jest tam
W wopiynny skale czynsto to bywo
Toż wos to pewno wcale niy dziwo

Ludzie tyż swoje tu dokłodali
W grotach se przeca czysto chowali
Niymce zaś z teko skiż drugi wojny
Schron zbajstlowali - zdo sie dostojny.

[broneknotgeld]

Budziński Labirynt 1536

Groty i lochy szkodzom ty Budzie
Armio turecko tom drogom pódzie
Tako i miasto już w jejich rynkach
Kto krześcijanin dlo tego mynka.

[broneknotgeld]

Plac Bohaterow

Tu se figurom istnych dziwocie
Madziarow zocnych przed sia tu mocie
Co historyjo państwa "szkryflali"
Miyndzy kolumny ich powkłodali.

Szeged

[broneknotgeld]

Muzeum Salami

Tu trza muzeum zwiydzić salami
Co łod lot rzońdzi już Madziarami
Pewnikym yjzji wiela tu majom
No bo salami richtig fest pszajom.

[broneknotgeld]

Z Szegedu

Gulasz "segetyński"
Z Szegedu salami
Co lepsze? Toż tako
Wybiercie se sami.

Kalocsy

[broneknotgeld]

Muzeum Papryki

Z łostry papryki kraj przeca słynie
Łostro mo kuchnia w naszy dziedzinie
Jak ło tym wiyncy chcesz sie dowiedzieć
Musisz w muzeum trocha "posiedzieć".

Vollany

[broneknotgeld]

Cosik dlo mie

Łoj cosik dlo mie - tukej uliczka
Kaj bych zoglondnoł w kożdo piwniczka
Dyć czy udało by sie to szczimać?
Po prowdzie - żodny pewności niy ma.

Balaton

[broneknotgeld]

Madziarske Morze


Ciepło woda - słońca wiela
Toż bezpieczno mokro sztela.

[broneknotgeld]

Dlo dzieci

Dlo tych łon nojlepszy co niy umiom pływać
No i tyż dlo dzieci - niy ma se co dziwać
Toż czynsto łod brzegu kilometer idziesz
Niym do głymbszy wody na gyrach se przidziesz.

Slofok

[broneknotgeld]

Plaża wonsko i z kamiynia
Psioczyć niy mom dyć sumiynia
Sie pobrodza w wodzie płytki
Take z tego som pożytki.

Keszthely

[broneknotgeld]

W Keszthely

Pałac Festeticsow zodziwi niyjednym
Se tukej zapoznosz ze rodyk tym przednim.

Badacsony

[broneknotgeld]

W Badacsony

Łoj -toż bych tukej w piwniczce łostoł
Jakbych do beczek z winym se dostoł.

[broneknotgeld]

W piwniczce

W piwniczce wina se pokosztuja
W procyntach słabe dyć słonko czuja
Kere ta sztela grzeje łod rana
I szmerek w gowie - jakby "łoj dana".

Heviz

[broneknotgeld]

Heviz

Borowinom z downa słynie
Sanatorium w ty dziedzinie
Co z cysorskich przeca lot
Dzisioj Madziar z tego rod.

Debreczyn

[broneknotgeld]

Debrezun (XIII w.)

Ano - już była tukej osada
Szłoby to szkryfnonć - normalno wiocha
Dyć ło korzynie niy idzie zwada
Yno trza poznać korzynie trocha.

[broneknotgeld]

Po Tatarach

Po Tatarach pusto - dyć trza było dźwigać
Ludziom te osady - se we tym niy migać

Czi wioski skiż targow w jedna se zlywały
Chocioż swoje miana dość dugo czimały.

Ózd

[broneknotgeld]

Jako Krolhuta

Jako grod nasz Ózd se dzwignoł
Skuli ajzy w gora mignoł
Czamu? -Niy trza mynczyć gowy
Dyć to okryng przemysłowy.

[broneknotgeld]

Ło tym Ózd coś mało wiym
Bestoż ciynżko ciongnońć rym.

[cseresznye77]

Drogi Bronek, Dzekuje bardzo za Twoje wegierski fraszke.Na
przipadek znalazlem Twoje posty o Europa i Wegry. Jescse nei
preczytalem wszistko:)To jest cudowne Twoja praca.Jest wielka
radoszc dla mneie czytac.Szacunek dla Cebie i pozdroweinie!

[broneknotgeld]

cseresznye77 napisał:

> Drogi Bronek, Dzekuje bardzo za Twoje wegierski fraszke.Na
> przipadek znalazlem Twoje posty o Europa i Wegry. Jescse nei
> preczytalem wszistko:)To jest cudowne Twoja praca.Jest wielka
> radoszc dla mneie czytac.Szacunek dla Cebie i pozdroweinie!

Toż dziynki za dobre słowo.
Pozdrowiom.

Dla Bronka

[cseresznye77]

Nie znam jescse wiele wgierskih fraszki i wierzse tlumoczony na
polski i wcale neiznam na slaski, ale to jest dla Cebie
Bronku:)
To jest stara znana do dzisaj na Wegrzech pioseneka ktore spewaja
dzieci:
„Płynie kaczuszka
Po czarnej wodzie
Płynie do Polski
Z aniołem w zgodzie
Oto Polska
Hej, żoneczko
Kogo kochasz chwytaj!
Ciebie miły kocham szczerze,
Fruwaj ze mną, kawalerze
I kwita”
To jest ludowe piosenkie i wierszye gdy byly powstania antiturecke i
antihabsburske na Wegrzech i Wegrzy uczekali do
Polski:
"Do Polski biegli,
gdy wszystko przyszło im stracić
i uciekali na Węgry
Bracia Polacy"
György
Rónay
„Uchodzę do Polski, koń mój się utrudzi
Pójdę ja z Rakoczym między obcych
ludzi”
„Uzdę mam czerwoną,
But w strzemiona włożę.
W polską ruszę stronę,
Gdzie ojczyzna spojna.
Do widzenia tobie
Ojczyzną mi Polska,
Choć płaczę po tobie,
Ojczyzną mi
Polska.”

[cseresznye77]

"Wiersz, który opiewa
polską dziewczynę z cytrą"
Bálint Balassi:
Zuzanna w sercu moim roznieca płomienie,
A ty jej w tym pomagasz, miły Kupidynie,
Lice i usta róży podobne ma młódka,
A włosy jej błyszczące, jako gwiazd pozłótka,
Kibić wąziutka.
Swe oczy zakochane rozpala płomieniem,
Serce anielskim kryje purpurowym cieniem,
Gdy wzywa mnie spojrzeniem, weseli mą duszę,
Lecz kiedy w nim nienawiść, gorzko płakać muszę,
Cierpię katusze.
Liczko jej najłaskawsze słońce mi przesłania,
A hymn jej cytry smutek wszelaki odgania.
Wtedy ma mnie w swej mocy bękart Wenusowy,
I jak on, gdy ją widzi, humor mam różowy,
Gdy jej takowy.
Serce na trumf mój rzuca, gdy gra ze mną w karty,
Miłość mądrze tłumaczy te karciane żarty,
Mówiąc: Żyw śmiele, wesół, twoją już pięknotka,
Czerwień na twój trumf pada – będzie przyszłość słodka,
Zło cię nie spotka.
Ofiarowała serce ci w wielkiej czułości,
I twe, co w jej kolorze, już w swej piersi gości,
Za serce wzięła serce, czcząc je nad diamenty,
Idzie za tobą rada, boś szczęściem przejęty.
Dawnoś jej święty.
Za jej wolą przynoszę do ciebie posłanie,
Że na wieki jej serce wziąłeś w posiadanie.
Ona cię wspomni, przyda, gdy trzeba, radości,
Wie, że ona jedyny klejnot twej miłości,
Droższy od włości.
W cytrę trąca Zuzanna, cudna polska dziewa,
I do jej wtóru piękną pieśń tobie zaśpiewa.
Ja rozum tracąc, ku niej afektem ciągniony
I w sercu mym płomieniem wewnętrznym trawiony,
Już usidlony."
Pieśń polska
Áldj meg minket Úristen...
Bálint Balassi
Pobłogosław Boże nas z Twej szczodrobliwości,
A takoż oświecić racz z Twej wielkiej litości
I darem ducha Twego, i światłem oblicza,
Abyśmy sprawiedliwość czynili za życia.
Racz nam także dozwolić, najłaskawszy Panie,
Twojej świętej istoty prawdziwe poznanie.
Maluczką wiarą naszą dozwól się radować
I zechciej się nad nami w dzień sądu zmiłować.
Racz sprawić, byśmy nigdy Cię nie opuścili,
A takoż, byśmy w Ciebie nigdy nie zwątpili.
Prawdziwą w Ciebie wiarą natchnij dusze nasze,
We wszystkim tylko Ciebie wyznawajmy Panem.
Chwalić słowem wszelakim Pana nie przestajmy,
On jeno nas ochrania, w Nim przeto składajmy
Wszytką naszą nadzieję, sławiąc Syna Jego
I błogosławieństwa oczekując Pańskiego."
Mama
Attila
József
"Już od tygodnia moja pamięć
wraca w dzieciństwa głąb, ku mamie,
jak po skrzypiących schodach pnie się
i kosz bielizny wzdętej niesie.
A ja – nieświadom życia jeszcze –
nie chcę się zgodzić, tupię, wrzeszczę,
Niech komuś ciężar ten zostawi
i ze mną się na strychu bawi.
Niech spojrzy na mnie i nie skrzyczy,
może bez słowa tylko liczy
bieliznę, która lśni w pomroce,
wzlatuje w górę i łopoce.
Nie sposób dziś się do niej dostać –
ogromniejącą widzę postać.
Wiatr jej rozwiewa siwe włosy,
gdy bieli farbką swą niebiosy."

Dla Bronka

[cseresznye77]

Petőfi Sándor, "Wolność i miłość"
Wolność, miłość - przysięgnę
Jednako mi niezbędne.
Ja za miłość jestem gotów
Oddać żywot.
Ja za wolność jestem gotów
Oddać miłość."
János Arany, Dziewczyna z
Egeru,
"Węgier Polaka rad gości i słucha
W nowym znajomym znajdzie
zawsze druha"
A to jest slowa ludowe piosenki ktore wegierscy zolnerze uczyli
polskih gospodarze, w czasie II wojny na kwaterech i przyjaznili sei
z Polakami:
Csak egy kislány van a világon
Az is az én drága galambom
A jó Isten, jaj de nagyon szeretett
Mikor nékem adott tégedet
Tylko jedna dziewczyna jest na świecie
Ona jest moim gołąbkiem
Dobry Boże, jak ty ją kochasz
Dziękuję, że mi ją dałeś

Dla Bronka

[cseresznye77]

Na koneic piosenka, ktore znam polske slowa:
Abból a fából vágjátok az én keresztem, amit akkor ültettek amikor
születtem. -
Zbuduj mi krzyż z tego drzewa, posadzonego gdy się narodziłem.

Abból a fából legyen majd az én koporsóm, amelynek árnyéka alatt
írták meg a sorsom. -
Zbuduj mi trumnę z tego drzewa, w cieniu którego zapisało się moje
przeznaczenie.

Gallyaiból rakjatok egy olyan nagy tüzet, Ami még egyszer táplálja
kihűlő szívemet. -
Wznieć ogień z patyków tego drzewa. On ogrzeje serce moje chłodne.

Földbe' nyugvó gyökeréből faragjatok pipát, Szabad lelkem az égbe
szálljon mint a füstkarikák. -
Jego korzenie dobre są na fajkę, moja wolna dusza ulatuje do nieba
niczym okręgi z dymu.

Sudár ágai jók lesznek vaskaszák nyelének, Mely arat, de fegyver is
a Magyar kezének, -
Te gałęzie pasują na trzon kosy, a to też broń w dłoniach węgra.

Fának apró forgácsát vessétek a szélnek... Viszik messze majd
hírünket ahol földet érnek. -
Rzuć wióry na wiatr, zaniesie je daleko... a one ogłoszą naszą
chwałę tam gdzie wylądują.

Egy árva szűz rügyéből új élet sarjadjon, Ne hagyjátok soha, soha,
hogy nemzetetek kihaljon, -
Z samotnego pączka na nim, nowe życie się zaczyna. Nigdy, przenigdy
naród nasz nie wymrze.

Legszebbik részéből végül bölcsőt készítsetek, Hogy szebb jövőről
álmodjon minden magyar gyermek. -
Z najpiękniejszej części drzewa, zbuduj ładną kołyskę. Wtedy
wszystkie węgierskie dzieci będą mogły śnić o lepszej
przyszłości.

To jest ta piosenka:)
www.youtube.com/watch?v=xESumuo4x-s

[broneknotgeld]

Dziynki za te teksty.
No, Bem to tyż bohater Madziarow.

[broneknotgeld]

Hortobagy

Hortobagy to dziedzina
Kaj stepowo jest równina.

[broneknotgeld]

Puszta

Step nojwiynkszy we Uniji
Dyć już niy ma z tym mecyji
Kej Park Narodowy majom
Toż Madziary puszcie pszajom.

Hortobagy

[broneknotgeld]

Hortobagy

Hortobagy to dziedzina
Kaj stepowo jest równina.

[broneknotgeld]

Puszta

Step nojwiynkszy we Uniji
Dyć już niy ma z tym mecyji
Kej Park Narodowy majom
Toż Madziary puszcie pszajom.

[broneknotgeld]

Cikosz

Cikosz i dzisioj na puszcie pasie
Konie i bydło - tym asić trza sie.

[broneknotgeld]

Hortobagy

Do dzisioj w miasteczku trefisz na pastyrzy
Choc ze puszty ciynżko jako piyrwyj wyżyć.

Mołdawia

[broneknotgeld]

Dlo mie to cołkym państwo jest nowe
Ło kerym mało wiy dzisioj czowiek
Toż z historyji cosik mi świto
Hospodar był tu? -A kto sie pyto?

[broneknotgeld]

Besarabio

Piyrwyj Besarabiom zwano
Dzisioj mo Mołdawii miano
Dyć Mołdawian to jest sztela
Niy Rumunow - szkryfna tela.

Rumunia

[broneknotgeld]

Rumunia

Mie Rumunio zdo sie trojako w jedności
Wołochy Mołdawio i Siedmiogrod - prości?

[broneknotgeld]

Ze Siedmiogrodu

Ze Siedmiogrodu Batory był
Łon Polsce wiela dołożoł siył.

[broneknotgeld]

W Bukowinie

Kukej tukej - w Bukowinie
To co piyrwyj niy przeminie.

[broneknotgeld]

Siedmiogrod

Transylwanii tyż mo miano
Noc tam tropi cieszy rano
Ciyń Drakuli kajś sie błonko
W karku komuś zymby tonko?

[broneknotgeld]

Modrości Sapanty podziwać sie idzie
Czowiek na cmyntorzu choć duchym tam bydzie
www.wysokieobcasy.pl/wysokie-obcasy/1,98083,14877346,Chyba_niczego_zlego_w_zyciu_nie_zrobilem__malowalem_.html
Znojdzie ło tym czasie
Kunszt w łostatnim szpasie
Kostucha mniyj straszno - polachać z niom przidzie?

Konstanca

[broneknotgeld]

Tomis

Grekow z Miletu tukej przignało
Toż jejich to kolanijo
Jak miejsca u sia mieli już mało
Trza wywandrować - mecyjo.

Bukareszt

[broneknotgeld]

Bukareszt

"Paryża Wschodu" tyż nosioł miano
Podobnoś piyrwyj, niy dzisioj rano.

[broneknotgeld]

Łuk Trijumfalny

Jako tyn w Paryżu - tyż wojokow sławi
Tela że rumuńskich - stolicy ich jawi.

[broneknotgeld]

Pałac Parlamyntu

Ano - epny! Niy dziwota
Mioł Ceausescu jakby kota
Stare buloł - dzwignoł nowy
Pałac kery boł - Ludowy!

Bukowina

[broneknotgeld]

W Bukowinie

Kukej tukej - w Bukowinie
To co piyrwyj niy przeminie.

Siedmiogród

[broneknotgeld]

Siedmiogrod

Transylwanii tyż mo miano
Noc tam tropi cieszy rano
Ciyń Drakuli kajś sie błonko
W karku komuś zymby tonko?

[broneknotgeld]

Vlad Palownik

W zamku Pocuari ponoć go treficie
Dyć trza pozor dować - wiycie czamu, wiycie.

[broneknotgeld]

Ze Siedmiogrodu

Ze Siedmiogrodu Batory był
Łon Polsce wiela dołożoł siył.

Bułgaria

[broneknotgeld]

Tracko dziedzina

Se historyjo szkolno wspominom
Ta ziymia Trakow była dziedzinom
Ze starożytnych to jeszcze czasow
Nawet niym ajza wylazła z lasow
Krola trackego Resa dyć znocie
Przi Priamie jego rydwan już mocie.

[broneknotgeld]

Cołke lato

Słonkym Bułgario niy jest sagato
Toż łone swiyci tu cołke lato.

[broneknotgeld]

Cyryl i Metody

Te dwa swiynte tukej w zocy
W niych Bułgario szuko mocy
Toż łoni jyj patronujom
Tako wszyscy forsztelujom.

[broneknotgeld]

"Połneni czuszki"

Czym ta papryka nafilowano?
Ryż, miynso no i prziprawa dano.

[broneknotgeld]

Na połednie juzaś kukom
Ło Bułgarji czegoś szukom.

[broneknotgeld]

"Hodowcy koni"

Homer już Trakow takowo zwoł
Możno łod istnych konia by chcioł.

[broneknotgeld]

Scyty

Cisnom Scyty w tracko sztela
Łogyń widać - styknie tela
Yno tukej wom powiedzieć
-Trakom trza w warowniach siedzieć.

[broneknotgeld]

W środkowym paleolicie

W Stary Płaninie grot przeca wiela
Neandertalczyk lubi ta sztela
Cosik zebiere czy upoluje
Że jakoś leci tym se raduje

[broneknotgeld]

"Telle"

Miyszkalne wzgorza dziedzina znała
We kerych ludność jeji miyszkała.

[broneknotgeld]

1900 r.p.n.e.

Z Pratrakami se miyszajom roztomajte ludy
Bronz w dziedzinie se rozgościoł toż niy ma tu nudy.

[broneknotgeld]

Twierdze tracke

Na wzgorzach twierdze Trakow porosły
Scytyjske hordy kajś dołym poszły
Dyć przeca cosik ze nich łostało
Tako dwa ludy se pomiyszało.

[broneknotgeld]

"Anchial"

Dzisioj Pomorie Anchial wspomino
Toż rodowodym asi sie ino.

[broneknotgeld]

"Dionizopolis"

Boga wina tym mianym se Greki uczciyli
Richtig we Bałcziku łoni piyrsi byli?

[broneknotgeld]

Państwo Odryzow V w.p.n.e.

Persy pokonane już pod Platejami
Rośnie tracko ziymia teroz z Odryzami
Jejich krol Sytaltes i piniondz swoj bije
Wedle jego prawa cołki kraj dyć żyje.

[broneknotgeld]

Tracke powstanie (331-330 r.pn.e.)

Trakom wspomniały sie downe czasy
Jak Macedończyk niy śmioł ich straszyć
Za Aleksandra dyć to już było
We krwi powstanie se utopiyło.

[broneknotgeld]

Ze Macedoniom

Ze Macedońjom Tracjo zaś stoji
Swojego państwa Trak już niy skroji?

[broneknotgeld]

Dwie prowincje 46 r.n.e.

Za Klaudiusza to se stało
Dwie prowincje - tyż niymało
Tracjom jedna - pewno wiycie
Mezjom drugo - take życie.

[broneknotgeld]

II/III w.n.e.

W Mezji se burzom tracke plymiona
I Kostoboki w granice klupiom
Z Gotami wojna niyunikniono
Utropy wiyncy lepi niy szukom.

[broneknotgeld]

Adrianopol 378

Wizygoty cisnom przez "bułgarske" ziymie
Zdało sie co siyła we nich wielko drzymie
Pod Adrianopolym Walens złożoł gowa
Trza było armijo wystawić łod nowa.

[broneknotgeld]

Huny Attyli

Ano w piontego wieku połowie
Życio niypewny był tukej czowiek
Plymiona tracke ciyrpiom skiż istnych
Hun przeca bitny i fest zowistny.

[broneknotgeld]

Ruszoł Alaryk (489)

Ruszoł Alaryk na Italyjo
Tu spokoj ze niym - tam tragedyjo.

[broneknotgeld]

W szostym wieku

W szostym wieku Słowiany parli na te ziymie
Dyć piyrwyj we dacji Sklawinow już plymie
Teroz ze Antami w Bizancjum se wcisko
Tureckich Awarow tyż wsparcie w tym zysko.

[broneknotgeld]

Awary

Ze Turkestaniu istnych przignało
Wiela już plymion ich ciyngi brało
Huny Bułgary tako Słowiany
Frankom Germanom tyn los był dany
Tako Bizancjum tyz zagroziyli
Bo przeca siyłom w tych czasach byli.

[broneknotgeld]

Sklawiny w Bizancjum

Dobrynta wiod ich w ziymia cysorsko
Kaj Grecjo dzisioj wdarli se dziorsko
Ślinto bizancjum - utropa tako
Jako to szczimać? Powiydzcie - jako?

[broneknotgeld]

Prziszoł czas

Ano czas prziszoł by wojsko ruszyć
Persy tyż prawie wojna zaczyły
Sie basileus tropić fest musi
Że richtig wielke Bajana siyły

Prziszli z pomocom dyć Longobardy
Słowiańske Anty Bizancjum wsparły
Dyć Awar przeca zowdy był hardy
Po ziymie grecke wojska se wdarły
W kerych i śłowian tyż było wiela
Śmierć zaś zoglondo z niymi w ta sztela

[broneknotgeld]

W VII wieku

W siodmym wieku Słowiany zaloły Bałkany
Choć niy był połwysep łod bogow im dany
Brsjaci i Siewiercy tako Morawiany
Plymie Siedmiu Rodow no i Timoczany
Jeziercy Rinhini jeszcze Milingowie
Smolany i inksi na Bizancjum gowie.

[broneknotgeld]

Prebond

Władca Rinhinow Sklawińji gowom
Toż dlo Bizancjum utropom nowom
Dyć w Macedońji chnetko Bułgary
Lepszy wrog nowy czy możno stary?

[broneknotgeld]

Koniec Wielki Bułgarji 660

Ano Chazary kraj podbijali
Bułgary tako poszli se dali
Na zachod wiedli plymiona chany
Drapko poznały istnych Bałkany.

[broneknotgeld]

Chazary

Pomarł chan Kubrat bo był już stary
W Wielki Bułgarji zaroz Chazary
Kaj Piyńciu bratkow? Bojan tu łostoł
Tako i lyjty łod istnych dostoł.

[broneknotgeld]

Chan Asparuch (679)

Ze swojym ludym Dunaj przełazi
Aż po Płanina Staro go wrazi
Słowianow przegno we inksze strony
Nowo Bułgario tu blysła łonym.

[broneknotgeld]

Bułgarsko historyjo

Chan Asparuch łotwar tu jyj zajta piyrszo
Noleży sie za to mu nota nojwyrszo
Słowiany go tropiom Bizancjum tyż tako
Kto synym Kubrata tyn przeca niy płako.

[broneknotgeld]

Za chana Kruma (803-814)

Bułgarjo krajym zdo sie słowiańskim
Tako na Kruma widać to dworze
Chocioż tu ciyngym muster pogański
I to ze czasym zmiynić sie może.

[broneknotgeld]

Druge zbulynie Pliski

Krum z wyprawy wroco Pliska drapko dźwigo
Basileus ze tym wcale se niy migo
Juzaś wojsko wiedzie pod stolica chana
Niych poznajom siyła ze Bizancjum pana
Bułgary pobite grod ze tym zniszczony
Władca jejich richtig teroz poniżony.

[broneknotgeld]

Gowa Nikefora

Gowa Nikefora już wbito na palu
Dyć ze tym poczontek chańskego jest "balu"
Kunsztownie we srybro czaszka łoprowiajom
I wino Krumowi do niyj nolywajom.

[broneknotgeld]

Chan Presjan 847

Z tym rokym Bułgarow już Macedonijo
Chan Sklawińjo dlo sia na dugo podbijo.

[broneknotgeld]

Chan Michał

Przijoł Borys ze krztym te Michała miano
By potka swojego wspominoł co rano
Był niym Michał III - bizantyjski cysorz
A dyć historyjo co jeszcze namiyszosz?

[broneknotgeld]

Papiyż Mikołaj II

Papiyż do Borysa tyż legatow słoł
Na wiara łacińsko przeciongnońć go chcioł
Dyć liturgjo grecko za mocno już była
Choć i rzymsko przeca ździybeczko kusiyła.

[broneknotgeld]

Bułgarske szkoły

W Wielkim Presławiu Plisce Ochrydzie
Szkoły ze kerych ideja idzie
By po słowiańsku szkryflać w dziedzinie
Toż cyrylica już niy przeminie.

[broneknotgeld]

Symeon

Drugi syn Borysa z woli łojca rzońdzi
We wierze już istny tako niy pobłońdzi
Chocioż ze Bizancjum niyroz se pobije
Przeca z krześcijaństwym już we zgodzie żyje.

[broneknotgeld]

Borys łobrońca

Zaś stary łojciec łopuszczo bratkow
Wojska bułgarske gromadzi
I ze dziedziny goni gagatkow
Łon yno tako poradzi

Symeon z nowa rosnie we siyła
Łojciec pokozoł mu droga
Bułgarjo bydzie jako i była
Na to poprzisionc se moga.

[broneknotgeld]

Car Symeon 913

Stojom pod murami miasta Konstantyna
Już wojska bułgarske - wybiyła godzina
Kero sie Bizancjum nojczorniejszo zdała
Dyć przebiegłośc grecko nojpiyrszo bezmała

Symeon łodstompioł - princ tako już carym
Ze basileusym ślub cery se marzy
Cysarzowo matka wszysko łobiycała
Do Bułgarji wrocioł - drapko zapomniała.

[broneknotgeld]

Car Symeon 914

Greki zrywajom ze niym układy
Dyć czy z armijom dadzom se rady?
Ślintej Bizancjum boś pustoszone
A car Bułgarow wroży ci koniec.

[broneknotgeld]

"Bratki" 924

Basileus Roman Symeona "bratym"
Zdało sie co ze tym nojwiynkszym kamratym
Toż miyndzy istnymi nastoł czas pokoju
Zapomnieli tako ło swojim podboju.

[broneknotgeld]

Przi Pyjtrze

Przi Pyjtrze rosnom w siyła bojary
Tako klasztory durś se bogacom
Ze tym Bułgarjo już inkszy miary
Chnetko spokopiom że wiela tracom.

[broneknotgeld]

Skiż daniny

Car Pyjter posłow śle po danina
Co piyrwyj cysorz mu płacioł
Dyć zlekceważoł tako dziedzina
Skiż tego wiela tyż stracioł.

[broneknotgeld]

Śmierć cara Pyjtra (969)

Światosław najechoł jego Bułgaryjo
Toż dlo Pyjtra ze tym tako tragedyjo
Że se paraliżu dorobioł boroczek
Śmierć mu bestoż przinios już nastympny roczek.

[broneknotgeld]

Basileus Jan Tzimiskes

Toż se istny na Bułgarjo ze wojskym wyprowio
Z tym bojarom tyż nodzieja na lepszy los dowo
Zdo sie teroz łon łobrońcom bułgarskego cara
Sie Światosław tu panoszoł - prziszła za to jara.

[broneknotgeld]

Zachodnio Bułgarjo (Macedonio)

Komitopule jom łoderwali
Rusiny dlo nich niy pany
Tzimiskesowi tako niy pszali
Dyć im tyż ciynżki czas dany.

[broneknotgeld]

Car Symeon 1000

Z tym rokym państwo jego nojwiynksze
Bułgarjo mocarstwym tako?
Dyć przidom czasy drapko tu ciynżke
I ziymia ze tym zapłako.

[broneknotgeld]

Macedonio Egejsko i Tesaljo (1002)

Już bułgarske łone niy som
Tako ziymie Bazylego
Jo na carze nudle wiyszom?
Kto zaczimie dyć istnego?!

[broneknotgeld]

Tragedyjo bułgarsko 29.VII.1014

W gorach Belasicy wonwozy krwiom spłynom
Po tym drapko koniec z bułgarskom dziedzinom
Dyć kto przeżył bitwa ślepy do dom wroco
Życie już dlo niego na zowdy jest nocom.

[broneknotgeld]

Car Gabriel Radomir (1014-1015)

Ze resztami państwa syn łod Samuela
Jednak niy porzońdzi istny już za wiela
Toż z rynki kuzyna drapko przeca ginie
Tako to sie miyszo terozki w dziedzinie.

[broneknotgeld]

informacje.wp.pl/wiadomosci/oslepil-15-tys-jencow-wladca-ktory-sial-groze-7189839263854400a

Słoneczny Brzeg

[broneknotgeld]

Słoneczny Brzeg

Łoziym kilometrow plaży
Niyjednymu już sie marzy
Czorne Morze wiela słońca
Szłoby tukej żyć bez końca.

[broneknotgeld]

W "Słonecznym Brzegu"

Hoteli wito cie ze piytnoście
Toż niy dziwota że walom goście
Sie dugi szpacyr przido po plaży
Ech, ta dziedzina może zamarzyć.

Warna

[broneknotgeld]

Złote Pioski

Złote Pioski - Warny plaża
Tyz se po niyj jo połaża.

[broneknotgeld]

Wele plaży

Toz se wele plaży
Starym cugym jada
Morze mi sie marzy
A tu durś parada.

[broneknotgeld]

Warnyńczyk

Sie nom krol Polski kajś stracioł tukej
Znod na Maderze? Polsko - niy szukej.

[broneknotgeld]

Cerkiew we Warnie

Ano, zodziwio - we słonku blyńdzi
Wielko - toż przi niyj zodyn niy glyńdzi.

Wielkie Tyrnowo

[broneknotgeld]

Wielke Tyrnowo

Na trzech gorkach założone
Wielke bo niy czeko koniec.

Kupriwsztica

[broneknotgeld]

Siyrpiyń w Kopriwszticy

Siyrpiyń w Kopriwszticy
Folklorym sie liczy
Śpiyw bułgarski znocie?
Tu korzynie mocie.

Sofia

[broneknotgeld]

Sofia

Stolicom ty ziymi niy zowdy dyć była
Choć se w historyji downo pojawiyła.

[broneknotgeld]

Ulpia Serdica 29 r.n.e.

Toż sztela podbiyli na amyn Rzymiany
Stolicy prowincji tref jyj teroz dany
W Dacyji Wewnyntrzny tyn grod durś na przedzie
Ciyngym se rozwijo - ku lepszymu "jedzie".

[broneknotgeld]

Najazd Hunow 441

Ze tym dlo Serdiki utropa prowdziwo
Grod wiela utraci - to pewno niy dziwo.

[broneknotgeld]

"Sredec"

Tako se Bułgary zeslawizowali
Że w końcu Serdice miano "środka" dali.

[broneknotgeld]

Sofia (XIV w.)

"Swiynto Sofija" - toz bazylika
Kaj krześcijany łaziyli rzykać
Ze ty świontyni grod mo już miano
Sofia - usłyszysz tukej co rano.

[broneknotgeld]

Stolica Rumelji

Turki prowincyjo Rumeljo tyż mieli
Tako i stolicom łona cołki szteli
Traci se terozki to co krześcijańske
Dyć rośnie we siyła tako muzułmańske.

Sozopol

[broneknotgeld]

"Apollonia"

Tako tyn Sozopol Greki piyrwyj zwali
Patronym Apollo - tu kunsztowi pszali.

[broneknotgeld]

Apollonia 610 r p.n.e.

Piyrszo kolanijo nad tym Czornym Morzym
Dlo Grekow dyć richtig łona wiela woży
Mogli se spokojnie z Trakami handlować
I Apollinowi cześć tukej łoddować.

[broneknotgeld]

Stolica kultury

Dziedziny wybrzeżo kultury stolica
Niy darmo Apollo pokozoł tu lica.

[broneknotgeld]

Festiwal Sztuk "Apollonia"

Z poczontkym września rzońdzi kultura
Przeca Sozopol niy jakoś dziura
Bułgario tukej kunsztym rozblysko
W dziesiyńć dni tako dziwosz na wszysko
Szlagry i tańce, film i tyjater
Jako ze Morza Czornego wiater.

[broneknotgeld]

Cerkiew Bogurodzicy (XVII w.)

Przi Turkach niy mogła meczetu przeskoczyć
Toż jak do niyj włazisz we doł keruj łoczy
Tako se po czyńści we ziymi schowała
Ważne że głosiyła Ponboczkowi chwała.

[broneknotgeld]

Jani Christopulos

Syn Sozopola - morze malowoł
Tako swo dusza falom łoddowoł.

[broneknotgeld]

Sozopolsko starowka

Takich we Bułgarji mało
Toż zabytkym richtig cało.

Burgas

[broneknotgeld]

Burgas

Przifurgniesz tukej fligrym z Katowic
Bułgarjo witosz - dziyń dobry powiydz.

Pomorie

[broneknotgeld]

Pomorie

czorny piosek tu zodziwio
Dyć Pomorie do cia kiwo
Słonka nigdy niy brakuje
Toż se piyknie wyflegujesz.

[broneknotgeld]

Sanatorium Pomorie


Czorno plaża - maras tyż
Wykurujesz sie niym - wiysz.

[broneknotgeld]

Sol ze wody

Ano - Pomorie tyż solom słynie
Jyj niy brakuje we ty dziedzinie.

[broneknotgeld]

Muzeum Soli

Łod wiekow morze sol im dowało
Bez niyj by tukej ciynżko sie żyło
Toż historyji łyknij niymało
Jak do Pomorie cie zagoniyło.

[broneknotgeld]

Monastyr św. Grigorija

Źrodło tu mocne - w niym woda życio
Niy trza namowiać do jeji picio
Zdrowie wom dowo i wiyncyj wiary
Toz i monastyr zocniejszy miary.

Złote Piaski

[broneknotgeld]

Monastyr Aładża

Kej we Złotych Pioskach dziedziny bydziecie
Pewno na monastyr we skale kukniecie
Sie mnichom w jaskiniach tako rzykać chciało
No i niy dziwota - tyż pomiyszkiwało.

Nesebyr

[broneknotgeld]

Nesebyr

Ciyngym historyjom żyje
Woda brzeg połwyspu myje
I ło dziejach downych prawi
Sie Nesebyr we nich jawi.

[radoslawmajak]

To wspaniałe miejsce, moje ulubione można powiedzieć że z całej Bułgarii. Moi rodzice wozili mnie tam gdy tylko dorosłem by otrzymać paszport i tamtego czasu tak jakoś wychodzi że udaje się wyjeżdżać na urlop prawie każdego lata. Teraz mam 34 lata na karku i zapewniam was że to najlepsze miejsce gdzie wraz z moją rodziną i z kuzynami wybieramy się na wypoczynek. Szczerze polecam wszystkim to cudowne miejsce w tej cześć Europy. miejscowosci.info/bulgaria/nesebyr
pozdrawiam

[broneknotgeld]

Dziynki i gratuluja.

Grecja

[broneknotgeld]

Olimp

Po downych bogach cosik łostało
Mitami jakby teroz zawiało
Zeus ze Herom kajsik se skryli
Czy łoni wtedy wszechmocni byli?

[broneknotgeld]

Oliwka

Tutejszom kuchniom oliwka rzońdzi
Z jeji łolejym Grek niy pobłońdzi.

[broneknotgeld]

Grecko rakija

Jak zowdy łostro rakija grecko
Dyć se napija - zy mie niy dziecko.

[broneknotgeld]

Athos

Atrakcjo wielko to Halkidiki
Ale niy wpuszczom do "republiki".

[broneknotgeld]

Coś z Grecyji zodziwiyło
Jako richtig wtedy było?

wyborcza.pl/7,75400,22649110,trzeba-przepisac-historie-antycznej-grecji-powod-przepiekna.html

Ateny

[broneknotgeld]

Knipsaparat łotworz wele parlamyntu
Tu do zmiany warty poczeba talyntu
Piyknie wyglondajom "kecate" wojoki
Aż dziw że niy mylom im sie przi tym kroki.

Kreta

[broneknotgeld]

Już w Knossos na Krecie minotaura niy ma
Dyć zoglondnij na te minojske ruiny
Historyji pełno wyspiarsko jest ziymia
Niy yno ze mitow cosik ło tym wiymy.

[broneknotgeld]

Gory Biołe

Aże do maja śniyg tukej leży
Dugo som biołe - możecie wierzyć.

[broneknotgeld]

Wonwoz Samaria

Nojdugszy w Europie - tako ło niym prawiom
Widoki ciekawe se przi tymu jawiom
Z gor nad same morze cie "sztrasa" prowadzi
Jak żes jest na Krecie zwiydzić niy zawadzi.

Stavros

[broneknotgeld]

Stavros

Coby niy powiedzieć ło zocny dziedzinie
Pamiyńć "Greka Zorby" tu nigdy niy minie.

[broneknotgeld]

"Oscar"

W kawiarni przi plaży figurka znojdziecie
Możno Greka Zorby poznać prawie chcecie
Ktoś na muster jego po Stawros se chodzi?
Łopytać możecie - przeca niy zaszkodzi.

Heraklion

[broneknotgeld]

Heraklion

Promym se do portu spokojnie dopłyniesz
Zwiydzisz cołko Kreta czy cosik łominiesz?
Knossos na wandrusa dyć po blisku czeko
Trza zacznońć łod tego - richtig niydaleko.

Santorini

[broneknotgeld]

Santorini

Toż greckich wyspow łona jest "misskom"
Blyszczy biołymi domkami
Dyć jo we urlop tam niy zamiyszkom
Skiż geldu - niy ma co mamić.

Dodekanez

[broneknotgeld]

Dodekanez

Archipelag grecki co wele Turcyji
Było skuli tego tyż tu tragedyji.

[broneknotgeld]

"Dodekanisia"

Dwanoście wyspow protestowało
Bo ze Turcyjom żyć se niy dało
Stond jejich miano dzisiejsze wziyło
Choć wiyncy dziedzin tako łonczyło.

[broneknotgeld]

Dwanoście wyspow

Dwanoście wyspow przi Turcji leży
Toż Dodekanez - mozecie wierzyć.

[broneknotgeld]

Dodekanez

Morza egejskiego te wyspy perłami
Ło tym se przekonac moglibyście sami.

Rodos

[broneknotgeld]

Wyspa Rodos (XVI w.)

Wyspa stoła przi zakonie
Dyć osmański prziszoł koniec
Z tym Turcyji już służyła
Niym jom Grecjo do sia wziyła.

[broneknotgeld]

"Raj windsurferow"

Wiatru tyż tu niy brakuje
Deska z żaglym go poczuje.

[broneknotgeld]

"Kamakia"

Tako zowiom Rodyjczyka
Co turystki lubi bzykać
Toż se frela tu niy nudzi
Karlus w kożdy chuć łobudzi

[broneknotgeld]

Rodos - wyspa

Rodos wandrusa richtig zodziwio
Toż niy dziejcie co tukej bywo.

[broneknotgeld]

Wyspa Joannitow

Joannitow wyspom była
Niym jom Turek wzion na siyła.

[broneknotgeld]

Miasto Rodos

Miasto z wyspom idzie mylić
Choć spokopisz w jedny chwili.

[broneknotgeld]

Rodos?

Prowda godosz, czy niy godosz?
Rodos jest stolicom Rodos?

[broneknotgeld]

Port

Miyndzy kolumnami tu ze morza wpływosz
Toż zwierzontkom na nich ciekawie se dziwosz.

[broneknotgeld]

Rodos

Wyspy stolicom jest miasto Rodos
Kej już tam trefisz ło cudzie godosz.

[broneknotgeld]

Zamek Joannitow

Ano - krzescijanow ze Rodos broniyli
Toż i zamek stowaiać tu wartko chyciyli
Twierdzom Rodos było ze krzizym rycerzy
Niy dziwo sie tymu kto w Ponboczka wierzy.

[broneknotgeld]

Meczet Sulejmana

Choć dugo Turkom Rodos broniyło
Dyć w końcu padło - tego niy skryło
Toż Sulejmana meczet zodziwio
Łon ze ty wyspy broł w końcu żniwo.

[broneknotgeld]

Mury Rodos

Stolica twierdzom zakonu była
Sie przed Allahym dugo broniyła
Poł roku Turki jom łoblygali
Niym tu połksiynżyc swoj wiyrchym dali.

[broneknotgeld]

Rodos 1523

Ano - z tym rokym turecki Rodos
Żol historyjo co tako godosz.

[broneknotgeld]

Brama d'Amboise

W murach zachodnich trefia w ta brama
Mistrza zakonu wspomino sama
Ciynżko grod było Turkom zdobywać
Twierdzy krześcijan idzie se dziwać.

Falikari

[broneknotgeld]

Falikari

Falikari brzegym kusi
Toż tu wandrus kuknońć musi.

[broneknotgeld]

Park wodny w Falikari

Dyć niyposledni łon z tych w Europie
Sie miyndzy niymi na wiyrch fest dropie.

Epano Kalamonas

[broneknotgeld]

Epano Kalamonas

Czym Epano tukej słynie?
Jest dolinka w ty dziedzinie
Richtig połno szmaterlokow
Kolorowych - niy borokow.

Lindos

[broneknotgeld]

Lindos

Klify Lindos skondś jo znom
Kadr w pamiyńci jakiś mom?

[broneknotgeld]

Lindos

Kaj trzi zatoki Lindos se leży
Tu nojgryfniejsze - trza tymu wierzyć.

[broneknotgeld]

Akropol

Ano - na gorce twierdza stanyła
Łod Joannitow piyrwyj w niyj siyła
Terozki Lindos zabytek zocny
Z czasow gdy zakon był tukej mocny.

[broneknotgeld]

Lindos

W środku wyspy Lindos leży
Greckim cudym - idzie wierzyć.

[broneknotgeld]

Akropol w Lindos

Sie wandrusy Lindos chwolom
Tyż skiż tego Akropolu
Kaj świontynio jest Atyny
Rodos mo te Lindos driny.

Siana

[broneknotgeld]

Siana

W gorach Ataviros cie Siana pokusi
Wino jeji pszaje - tu kuknońć chop musi.

Kos

[broneknotgeld]

Wyspa Kos

Hipokrates był ze Kos
Toż rym zaroz taki wloz.

[broneknotgeld]

Brzegi wyspy

Brzegi wyspy takom plażom
Ło jaki nikierzy marzom.

[broneknotgeld]

Kos

Blisko Turcyji ta wyspa leży
Widać jom z brzega - możecie wierzyć
Dyć na kontynynt jak kuknońć chcecie
Se wodolotym tyż wybierecie.

[broneknotgeld]

Stolica wyspy

Stolica wyspy kultury miyszo
Toż niych tu życie nudli niy wiyszo.

[broneknotgeld]

Meropis 1933

Trzyńsiynie ziymi co pokozało?
-To co z Meropis ciyngym łostało
Miasto hellyńske ze kolumnami
Gryfne musiało być przed wiekami.

[broneknotgeld]

Zamek Joannitow

Zamek Joannitow nad portym gorowoł
Dyć yno do czasu bezpieczyństwo dowoł.

[broneknotgeld]

Palio Pili

We gorach ruiny - Bizancjum to ślady
Cesarstwo stracone - na to niy ma rady
Dyć we jego czasach tyn grod tu stolicom
Piyrwyj reskiyrowoł cołkom okolicom.

[broneknotgeld]

"Paradise Beach"

Tukej ci sie zdowo że we zeltrze pływosz
Naturze wulkanu tyż przi tymu dziwosz
Bo gaz przez szczeliny we morzu wypływo
Tako przi ty wyspie prawie richtig bywo.

[broneknotgeld]

"Bros Therma"

Z groty gorko woda do zatoczki spływo
Dyć na Kos to richtig nikogo niy dziwo
Natura swych cudow wyspie niy żałuje
Tako i wandrusa richtig uraduje.

Kalimnos

[broneknotgeld]

Wyspa Kalimnos

Ze grotow wopiynnych ta wyspa fest słynie
Sie po gorkach wspinosz - mosz je w ty dziedzinie.

[broneknotgeld]

Muzeum Połowioczy Gombek

Ano - prawie tukej gombek niy brakuje
Toż muzeum take wcale niy dziwuje
Gombka niy ze szwamu - natura niom darzy
Kupisz na Kalimnos jako se zamarzy.

[broneknotgeld]

Jaskinia Kefala

Dlo grotołaza rajym sie zdowo
Toż na Kalimnos skiż niyj łon stowo.

Nisyros

[broneknotgeld]

Nisyros

Wulkan Stefanos ta wyspa grzeje
Ciyngym we sniku toż se niy śmieje
Para ze niego durś bucho gorko
Jak tukej trefisz mosz strachu ziorko.

[broneknotgeld]

Sauny na Nisyros

Ech, na Nisyros z wulkanu para
Sauny łogrzywo - dej tymu wiara
Djosek w wulkanie kejś nahajcowoł
Szczyńściym przi niymu teroz niy stowo.

Patmos

[broneknotgeld]

Patmos

Ciyngym religijom na Patmos łoddychom
Przecamie Ponboczek niyłobdorzoł krychom.

[broneknotgeld]

Jan Ewangelista

Jan Ewangelista - niy skuli zabawy
Tu Apokalipszy szkryfnoł wszyske sprawy
Toż ło końcu świata tukej medytujesz
Mono bliży Jego tyż prawie poczujesz.

[broneknotgeld]

Klasztor św. Jana Ewangelisty

Tyn klasztor tu stoji cołke tysionclecie
Historyjo wieki roztomajte plecie
Dyć duch krześcijański ciyngym w ty dziedzinie
I zdo sieco nigdy już to niy przeminie.

Wyspy Jońskie

[broneknotgeld]

Wyspy Jońske

Wyspy Jońske - take morze
Ano tyż na greckim dworze.

[broneknotgeld]

Możno kedyś tam popłyna
Ciyngym kusi ta dziedzina.

Korfu

[broneknotgeld]

Korfu

Ponoć ze Wysp Jońskich nojgryfniejszo łona
Trza se bydzie kedyś samymu przekonać.

[broneknotgeld]

Korfu - Kerkira

I wyspa Korfu te miano nosi
I jyj stolica sie tako głosi.

[broneknotgeld]

Wyspa Korfu

Greki, Rzymiany, Bizańtyńczyki
Na Korfu kładli niy yno bliki
Dugo trzimali jom Wenecjany
Dzisioj tyn kontek Grekom zaś dany.

Kerkira

[broneknotgeld]

Kerkira

Na wschodnim brzegu Kerkira mocie
Stolicom wyspy toż jom poznocie.

[broneknotgeld]

Staro Forteca w Kerkirze

Bizantyńczykow dźwigniynto rynkom
Upilnowała miasto przed mynkom?
Co historyjo ło niyj nom prawi?
Ech - downe czasy forteca jawi.

[broneknotgeld]

Nowo Forteca w Kerkirze

Niy cołkym nowo - wenecko przeca
Sułtan by copnoł Korfu do neca
Trza było bronić - tako stanyła
Możno w niyj drzymie do dzisioj siyła.

[broneknotgeld]

Cerkiew św. Spirydona

Ano - Spirydon wyspy patronym
Toż i relikwie jego tu majom
A jak usłyszysz ze cerkwi dzwony
Wiysz że świyntymu richtig fest pszajom.

Gastouri

[broneknotgeld]

Gastouri

Mało mieścina na Korfu przecie
I historyjo tukej znojdziecie.

[broneknotgeld]

"Achillon"

Pałac w Gastouri Sisi stowiała
Tukej łod Wiednia łodpoczywała
Tu jom niy dopod tropioł dwor fest łoszkliwy
A duszy stykły natury dziwy.

Chalkidyka

[broneknotgeld]

Chalkidyka

Palce Chalkidyki znocie?
Dyć pewnikym im dziwocie.

[broneknotgeld]

Na paluchy

Na paluchy chesz poblikać
To ciś tam kaj Chalkidyka.

Athos

[broneknotgeld]

Athos 1060

Edyktym cysorza kobiyt tu niy trzeba
Djosek chcioł je posłać kaj chop bliży Nieba
Dyć prawo zabronio nawet dzieckom kukać
A kej żeś bez jajec tyż niy mosz co szukać.

[broneknotgeld]

Wielko Ławra 963

Tyn klosztor założoł świynty Atanazy
Łopar sie atakom ponoć wiela razy
Mury mo masywne - twierdzom bizantyńskom
Zdo sie niyzdobyty - łopiyroł durś klynskom.

[broneknotgeld]

Rzykajom z rana

Ło poł trzeci z rana już mnichy stowajom
Ano - trza na "orthos" - piyńć godzin rzykajom
Mono sie i drzymnie nikery przi tymu
Bele niy zachrapoł, bo biyda istnymu.

[broneknotgeld]

Rzykajom pod wieczor

Ano - w tako pora zaś tukej rzykajom
Po to "esperinos" we klosztorze majom
Amynt pedzom prawie ło zachodzie słońca
Potym w pryk bo z rana paciyrz niy mo końca.

[broneknotgeld]

We refektarzu

We refektarzu dwa razy jedzom
Do tego krotko przi tymu siedzom
Czeko robota, potym rzykanie
No i trza jeszcze mieć czas na spanie.

[broneknotgeld]

Teokratyczno Republika Mnichow

Majom w Grecyji autonomijo
Tego niy tyko sie i Unijo
Choć prawa boske im ciygym w gowie
Dyć mnich to przeca tyż yno czowiek.

[broneknotgeld]

40 monastyrow

Ponoć aże tela ich na Athos było
I tela tysiyncy mnichow tukej żyło
Dzisioj inksze czasy, dyć przeca ta sztela
Jako piyrwyj żyje i niy zno co frela.

Sporady

[broneknotgeld]

Niy robcie zwady
Ło te Sporady.

[broneknotgeld]

Wyspow tam wiela
Szkryfna jo tela.

Skiathos

[broneknotgeld]

Skiathos

Na Morzu Egejskim z czego wyspa słynie?
Plażow aż szejśćdziesiont znojdziecie w dziedzinie
Do tego niywielko - drap se jom zwiydzicie
Zdo sie jakby tukej szczyńśliwesze jest życie.

[broneknotgeld]

Plaża Koukounaries

Aże ci sie w słonku miyni
Zdo sie jakby niy z ty ziymi
Drobny piosek blyszczy mikom
Ze zochwytym na to blikom.

[broneknotgeld]

"Skia"

"Skia" po grecku dyć "ciyń" znaczy
Kogoś tukej fest łonaczy?

[broneknotgeld]

"Skia - Athos"

"Ciyń Athosa" - tuplikuja
Dyć sie w słonku wylyguja.

[broneknotgeld]

Plaża Lalaria

Zdowo sie wykuto w skale
Tako jom stworzyły fale.

[broneknotgeld]

Agia Paraskevi

Prawiom co na Skiathos nojgryfniejszo plaża
Ech, se nad Bałtykym jom prawie wymarza.

[broneknotgeld]

Monastyr Ewangelistria

Ano - klasztor tukej majom
Greki jymu pamiyntajom
Co mioł piyrszy fana grecko
Choć kaj ińdzi durś turecko
Niypodległość sie marzyła
Toż dziedzina ło nia biyła.

[broneknotgeld]

Skiathos

Jako wyspa tyż stolica
Bielom sie jyj gryfne lica.

[broneknotgeld]

Cerkiew św. Mikołaja

Z gory na miasto cerkiew sie kuko
Czasow co przeszły we Skiathos szuko
Wieża z zygorym widać z daleka
Czas trza pamiyntać, czasu trza czekać.

[broneknotgeld]

W Skiathos

W Skiathos Wenecyjo twierdza swoja miała
Piyrwyj przeca na wschod ciyngym zoglondała
Co po niyj łostało ze portu widzicie
Już w XIII wieku tyntniyło tu życie.

Cyklady

[broneknotgeld]

Cyklady

Trzidziści trzi wyspy ze nich zamiyszkałe
I setki bezludnych, bo przeca dość małe.

[broneknotgeld]

"Cykady na Cykladach"

Na te cykady
niy ma tu rady?

Myknos

[broneknotgeld]

Myknos

Ponoć wyspa ta dlo snobow
Toż niy dlo nos - groszorobow.

[broneknotgeld]

Wiatraki na Myknos

Klimat tu niybelejaki
Robiom prawie te wiatraki.

Chora

[broneknotgeld]

Chora

Szwyndom sie tu już łod wczora
Co mie kusi? Ano - Chora!

Tinos

[broneknotgeld]

Na Tinos

Pont na Tinos Grekow kusi
Kery wierzy - tu być musi.

Paros

[broneknotgeld]

Niy byda cyganić

Ech, niy byda wos cyganić
Trza przi Paros pozyjmanić.

[broneknotgeld]

Naroz

Koncept wloz do gowy naroz
Sercym łod Cykladow Paros.

Santorini

[broneknotgeld]

Santorini

Santorini kaj Cyklady
Tam usłyszysz tyż cykady.

[broneknotgeld]

Santorini majym

Czy santorini zdo ci sie rajym?
Podobnos tako - nojbardzi majym.

[broneknotgeld]

Santorini

Toż greckich wyspow łona jest "misskom"
Blyszczy biołymi domkami
Dyć jo we urlop tam niy zamiyszkom
Skiż geldu - niy ma co mamić.

[broneknotgeld]

Santorini 1600 r p.n.e.

Koniec świata Santorini
Jeji środek w luft wylecioł
Możno niy był "raj na ziymi"
Dyć czy na ty wyspie szpecioł?

[broneknotgeld]

Czorny piosek

Czorny piosek tu widzicie
Darym śmierci chocioż życie
Ze wulkanym tyż wygrało
Czas kuruje ran niymało.

[broneknotgeld]

Poszarpano skała

Poszarpano skała - klifow coś za wiela
Dyć ludzie wrociyli na cykladzko sztela.

[broneknotgeld]

Na łosiołku

Na łosiołku - łon niy bodnie
Santorini zwiydzisz
Możno sie zdo niywygodnie
Gyrow niy ubiydzisz.

Fira

[broneknotgeld]

Fira

Stolica wyspy
- tu jako zycie
Modrościom blyszczy
-pewnikym wiycie
Take kopuły na biołych murach
Stolica wyspy - niy jakoś dziura.

[broneknotgeld]

Fira

Ty Santorini małe miasteczko
Na klifie je postawiyli
Łod morza idziesz zmynczysz sie deczko
Dyć "Ośli drogi" niy zmylisz

Toż szejset schodkow chnetko zrachujesz
Możesz podeptać tam zdrowo
Terozki se to już forsztelujesz
Ze lepszo bana linowo.

[broneknotgeld]

Fira

Zodziwio cie Fira, ty wyspy stolica
Dźwigniono na skale, tako okolica
Choć mało - wandrusie, trza para mieć w gyrach
Ciyngym abo w gora, abo w doł zaziyrać.

Kamari

[broneknotgeld]

Kamari

Kurort Santorini - pokusi wandrusa
Dyć czy richtig tukej łod ty wyspy dusza?

Albania

[broneknotgeld]

Za waluta majom leki
Żywot jednak tu niyleki.