Ślonsko godka

[broneknotgeld]

II Ślonske Forum Literacke
Mikołów 21.XI.2012

Piyrsze na Halymbie było
www.dziennikzachodni.pl/artykul/633849,dzien-ludnosci-tubylczej-swietowac-czy-nie-skomentuj,id,t.html
Druge by nom tam trefiyło?
www.bibliotekamikolow.pl/
Termin zdo sie już wiadomy?
Z listopadym Forum momy?!

[broneknotgeld]

Czas pylo do przodka!
-A kaj ślōnsko godka?

Kaj pylo ślōnsko godka?
Pamiyntōm dobrze kōniec czyrwca 2008 roku. Pamiyntōm wielko kōnferyncyjo we sali Sejmu Ślōnskego, tyczōnco łodpowiedzi na take pytanie. Wtedy łodbyło sie to wszysko dziynki świynty pamiyńci pani marszałek Synatu Krystynie Bochenek.
Anō, bōł żech tam, mōg żech se posłuchać tych naszych roztomajtych filologōw, kierzy ło tym godali. Mōg żech sōm ze mōwnicy cosik łod siebie pedzieć po naszymu, jako tyż pogodać krōtko ze paniōm marszałek. To łostatnie już niy bydzie mi dane, dyć wtedy ofyn godało sie tyż ło nastympny kōnferyncyji, a jakosik do niej niy doszło. Przeca to co zrychtowała potym jakosik małopolsko ferajna niy miało nic wspōlnego ze idejōm kero prziświycała ty piyrszy konferyncyji.
forum.gazeta.pl/forum/w,28940,81590888,,Slasko_godka_to_gwara_czy_juz_jezyk_.html?v=2
Na bezrok zaś przidzie czyrwiec, a z niym prawie piōnto rocznica tego co już za nami – „Czas pylo do przodka”. Dyć niy mogymy przepomnieć, niy mogymy pociepnōńć ideji kero prziświycała pani Krystynie Bochenek, jako tyż wiynkszości tych kierzy sie wtedy we Sejmie Ślōnskim trefili. Trza nōm już terozki prawie ło tym medykować. Ło II Konferyncyji Ślōnski Godki, kero pokozałaby ofyn, co tego czasu my jednak cołkym niy przekimali, co idymy do przodka choć bergōw na ty sztrasie ciyngym zdo sie za wiela. Przeca przez te piyńć rokow jednak niy stoli my we miejscu, a tym bardzi niy cofnyli, yno prawie choć kōnszczyczek poszli do przodka.
Idzie sie poasić tym, co mōmy już zrychtowany porzōndny, a przi tym prosty i klarowny muster zapisu (podparty autorytetym naukowcōw Uniwersytetu Ślōnskego), kery przydatny jest przi wszyskich dialektach naszy godki.
Mnożōm sie nōm już tyż „jak grziby po deszczu” kolejne „ślabikorze” i ze tego mogymy być richtig radzi. Zdo sie co pokoże ich jeszcze wiyncy i kej już potrza ich bydzie szkolorzōm, to rechtory bydōm mieli we czym przebierać i wybierōm najlepsze. Niy zdziwiyłoby mie, jakby za pora rokōw kożdy ślōnski dialekt mioł swōj ”ślabikorz”, a możno nawet pora – „łod przibytku gowa niy boli”.
Rozkwito nōm poleku ślōnsko literatura piykno, co mie prawie cieszy i zowdy przi tymu we gowie sie telepiōm walijske konkursy poezyji, dziynki kerym tyn jynzyk prawie terozki na powrōt rozkwito. A przeca już terozki wydowane sōm tōmiki ze ślōnskimi wierszami, nasze tragikomedyje, sōm kōnkursy ślōnskich fraszek, limerykōw, szpasek. Wiela taki literatury stoji we raji coby yno je wydać. Jest sie richtig czym poasić.
Ja, tych bergōw tyż niy brakuje. Starania ło zrōwnanie naszy godki ze kaszubskōm ciyngym sie ślimaczōm. Zdo sie co prawie miyndzy naszymi ślōnskimi politykami durś błōnko sie jakesik widmo, widmo ty ślōnski „dupowatości” – tako pedziołby pewnikom synator Kutz. Przeca jakosik ciyngym niy poradzōm cuzamyn ty naszy godki wspierać, choć zdo sie co wszyscy chcōm, yno ”chcōm inaczy”. Niy darmo zreszytōm idzie pedzieć – „Kej trefi sie dwōch Polokōw to sōm trzi roztomajte zdania, a kej dwōch Ślōnzokōw to zdaniōw jest piyńć”. Ano, widać czasym ofyn jako te nasze polityki zamiost sie w sprawie ślōnski godki dogodać, to prawie na łodwyrtka – starajōm sie bulić to co inszy bajstluje.
No, dyć przeca i ze tym ździybko my sōm dali, niż prawie piyńć rokōw nazad. Łostatnio dowiedzieli my sie, co ta„wyndka” kero erbli by my ze naszych podatkōw nazad do regiōnu, to cosik wele pōł miljarda złotkōw rocznie. Tela wyszło ze porōwnania do Kaszubōw, kierzy bierom 76 miljonow, a nos jest przeca ło wiela wiyncy.
Pierōmbōl – ale by bōło!
No, zdo mi sie co jakby my chyciyli szwōngu, jakby my zaczli tōm „wyndkom” za wiela łowić, to Polska juzaś i na tym bōłaby możno we proficie. Rechtorōw we szkołach by u nos myni zwolniali, kej uczyliby nowego przedmiotu za budżetowo subwyncyjo – a to dałoby myńsze bezrobocie, czego sie ciyngym wszyscy łod rzōndu we Warszawie dōmogōmy. A że trzaby podryncznikōw, lekturōw, inszych pomocy szkōlnych, to łopodatkowany gyszeft by ruszōł ze kopyta. Wiyncy roboty – myńsze bezrobocie. Przi tymu ślōnsko literatura nogle mōgłaby sie stać tyż toworym eksportowym – dociyrałaby możno tyż do naszy roztoliczny diaspory. Zdo sie co trzaby jakiegoś ekōnōmisty, kery wyrachowałby wszyske profity ty „wyndki” i dlo Ślōnzokōw, i dlo państwa polskiego. A możno lepi niy – po jakimś czasie mōgłoby sie richtig łokozać, co budżet zaś mo ze tego wiyncyj niż nōm dowo. Jednak na dzisiaj niy ma co sie już tym tropić na forant.
A kej już bydzie ta II Konferyncyjo Ślōnski Godki, ło co apeluja do ślōnskich ferajnōw , beamtrōw wojewōdzkich i naukowcōw, to trza tyż prawie tam szyroko pokozać ta sztrasa kero jest ciyngym przed nami. Jo łosobiście już terozki prawie chca wspōmnieć ło tym, co ciyngym niy mōmy „ślōnskoetniczny nagrody literacki”. A przeca tych naszych ślōnskich twōrcōw, jejich kunszt we prozie i poezyji po naszymu (niy jakesik tuplowania literatury niemiecki, czy polski), trza nom ciyngym wspiyrać, trza nagrodzać, trza „chuchać i dmuchać”, podlywać coby ciyngym rozkwitoł. Możno ze tōm nagrodōm dałoby sie zrychtować prawie tako, coby świynty pamiyńci pani marszałek Krystyna Bochenek jyj patrōnowała.
Tōż jako? „Chce nōm i wōm sie chcieć”?

Szczyńść Boże

[broneknotgeld]

A ło szpaskach
Pamiyntocie?
Łone w blaskach
Wiyrchym mocie?
Łone jako ślonsko dusza
Trza Ślonzokom z niymi ruszać.

[broneknotgeld]

Istny wiy już kaj "beboki"!
www.dziennikzachodni.pl/artykul/672805,list-do-dz-przez-gorzelika-powstaje-nowy-podzial-na-slasku,id,t.html
Mom ficować stare zoki?

[broneknotgeld]

II Konferyncyjo Ślonski Godki?

Czy konferyncyjo bydzie?
www.facebook.com/notes/bronis%C5%82aw-w%C4%85troba/kaj-pylo-%C5%9Bl%C5%8Dnsko-godka/393590664043098
Chnet na bezrok czyrwiec przidzie.

[broneknotgeld]

Z tym przi wojewodzie
www.dziennikzachodni.pl/artykul/676607,tambor-na-slasku-musi-powstac-rada-jezykowa-jak-u-kaszubow,id,t.html
Tamborka niy bodzie?

[broneknotgeld]

Co z tom godkom?
www.youtube.com/watch?v=XMXpsKFHtnQ&feature=relmfu
Link tu potkom.

[broneknotgeld]

Marian Cieśla

W Suszcu żył, sie jymu dziwoł
www.dziennikzachodni.pl/artykul/676225,sztoler-slazacy-sa-robotni-ale-sa-tez-lebry-i-lobijoki,id,t.html
"Bomboniorzom" palcym kiwoł.

[broneknotgeld]

Coby naszo godka
Tu "na fali" była
Wiyrchym trza jom potkać
www.dziennikzachodni.pl/artykul/675415,watroba-chce-nom-i-wom-sie-chciec,id,t.html
Niy kryć kajś na siyła
Tekst co we "Dziynnika... znod sie "Magazynie"
Interneca tako przeca niy łominie.

[broneknotgeld]

Poł setki jurorow
Dyć brakuje ciebie
nk.pl/#forum/17/977/564?find=last#post108
Ślonski kunszt humoru
Godka jakby w niebie
Toż niy dej sie prosić i kładź punkty swoje
Kej na forum blyszczom tako tworcow "boje".
nk.pl/#forum/17/977/565

[broneknotgeld]

Brytfana

Co w brytfanie upiekymy
www.dziennikzachodni.pl/artykul/681951,szoltysek-godka-slaskich-dzieci,id,t.html
Tako tukej tyż pojymy.

[broneknotgeld]

Zdo sie to jałowo godka
www.radio.katowice.pl/index.php?id=129&tx_ttnews[tt_news]=7584&tx_ttnews[backPid]=17&cHash=5d1b92e7e2
A nom potrza cis do przodka

[broneknotgeld]

"Ślonsk wedle bajtla"

Chnet dwanosty listopada
www.bibliotekamikolow.pl/index.php?option=com_content&view=article&id=377:lsk-wedle-bajtla-wwystawa-w-mbp&catid=37:informacje
Dyć niy bydzie ło to zwada.

[broneknotgeld]

Coś se z godkom dzieje
www.dziennikzachodni.pl/artykul/690681,slasko-godka-w-sieci-robi-furore-jest-nakladka-na-facebooka,2,id,t,sa.html
Dusza ślonsko śmieje.

[broneknotgeld]

"Bombon"

Ano, ano - piyknie!
www.dziennikzachodni.pl/artykul/690583,teatr-z-tychow-slaska-godka-dla-pniokow-krzokow-i-ptokow,id,t.html
Wiy kery tam kliknie.

[broneknotgeld]

Na Konkursie Monologow Ślonskich we Godowie

Co wom tukej połonacza?
Ano, zgrzoła mi sie glaca
Link trza by dać
www.facebook.com/photo.php?fbid=297115823732091&set=p.297115823732091&type=1&theater
Przeca widać
Trza po wonsie aże macać

Dziecka piyknie fest godały
Czowiek słuchołby dziyń cały
Na nic noty
Jakby psoty
-Monologi z serca brały.

[broneknotgeld]

Forum Literatow Jynzyka Ślonskego
No toż tako godom - kuknijcie do tego:
www.bibliotekamikolow.pl/index.php?option=com_content&view=article&id=388:20121121&catid=35:kalendarz-imprez

[broneknotgeld]

Forum Literatow Jynzyka Ślonskego
No toż tako godom - kuknijcie do tego:
www.bibliotekamikolow.pl/index.php?option=com_content&view=article&id=388:20121121&catid=35:kalendarz-imprez
A że forum richtig jako zaproszynie
Jynzyk - ślonski duszy zocne pocieszynie
Bez godki by piyrwyj już zglajchszaltowali
Dyć była, dyć jest durś, dyć bydzie "na fali".

[broneknotgeld]

Sie we sonda poklikajom
rudaslaska.com.pl/i,dusza-kolekcjonerska-tkwi-we-mnie-od-czasow-mlodzienczych-8211-rozmowa-z-bronislawem-watroba,823819,891198.html
Szansy fraszce niy dowajom?

[broneknotgeld]

Zdo sie u kogosik we gowie fest cima?
katowice.gazeta.pl/katowice/1,35068,12908990,Michal_Smolorz__Slask_nie_jest_wielokulturowy___.html
Czy literatury gornoślonski niy ma?

[broneknotgeld]

Ano, ano - koncept Lyski
www.dziennikzachodni.pl/artykul/709591,lysko-slaska-mowa-z-serca-z-duszy,id,t.html
Mie jest richtig zowdy bliski.

[broneknotgeld]

Choć na Wiejski przisztopujom
www.dziennikzachodni.pl/artykul/713021,rzad-nie-zajal-stanowiska-w-sprawie-slaskiej-godki-plura,id,t.html
Ślonske dusze szwong już czujom
Z godkom rosnom
Latym, wiosnom
W podzim, zima - tym radujom!

[broneknotgeld]

III Konkurs Ślonskich Limerykow

Kunsztym limerykow
zagromy na forum?
nk.pl/#forum/17/977
Trza na wontku klikow
I łyka humoru
Coby blyńdzioł jynzyk, ślonsko dusza kwitła
A ksynofobijo ze somsiedztwa citła.

[broneknotgeld]

Gratulacyje i gorke brawa
wiadomoscirudzkie.pl/aktualnosci/zobacz/1274
Konkurs dlo godki fest zocno sprawa.

[broneknotgeld]

Brif do Dzieciontka - 22.12.2012

Dziecionteczko - brif zaś pisza
Wiym co dońdzie drap do Ciebie
www.facebook.com/photo.php?fbid=392341420840767&set=pb.195759197165658.-2207520000.1356211042&type=3&theater
Ło łostudach kajsik słysza
Dyć na ziymi - niy we Niebie

Na dziedzina naszo kukej
Kaj Ślonzoki durś godajom
W jejich dusze tyż zaklupej
Szczyńściym w zgodzie żyć - niy bajom

Toż Cie prosza - dej nadzieja
Niych co ślonske wiyrchym idzie
Tymu rade Żeś - sie śmieja
Dej - niych godka wiyrchym przidzie.

Po naszymu, niy cudzymu
Niych durś wiyncyj godo ludzi
Kunszt we prozie, kunszt do rymu
Durś ze ćmoka blaskym budzi.