Forumowe profity

[broneknotgeld]

No toż niy minyły nawet czi miesionce, a ta nasza internetowo sztela dostała
sie już na głowno zajta ze spisym forow regionalnych.
forum.gazeta.pl/forum/0,46581,1892241.html?x=1270804
W naszym wojewodztwie to niy ma leko.
Pewno terozki ździybko wiyncy internautow bydzie tu ziglondać, a możno tyż
wiyncy szkryflać.
Dziynkuja wszyskim za wsparcie.

[rita100]

Nie ma lekko, a fraszki rosną
I nigdy, nigdy pewnie nie zgasną :)

[broneknotgeld]

Hehe - oby tako było.
No dyć łod kwietnia ta działalność forumowo to była jedyno moja aktywność
społeczno. Z wystawom notgeldow zakotwiczoł żech we muzeum gliwickim, bezto z
tym mioł żech spokoj. Terozki jednak czas sie zabarać za inksze sprawy.
Łod jutra zaczna łopracowywać tako malutko wystawa notgeldow pomorskich. Ze czi
tydnie mi przi tymu zleci, no a potym czas na urlop.
Bestoż zdo mi sie, że bez wsparcio inkszych internautow już te forum drapko do
przodka niy poleci. No dyć, tak po prowdzie, cołkym wystyknie jak dziynnie
skoczy ło jakeś 25-30 postow, a w tym bydzie 10-15 mojich rymowanek. Na starym
rudzkim forum chcioł żech se czimać taki "normy" (przinojmni co do moji
aktywności), dyć jakosik mi sie to niy udowało.
Zdo mi sie co tukej niy bydzie z tym problymu, a jak inksi ździybko wiyncy
szkryfnom, to tym lepi. Na razie jednak niy trza na to liczyć.
Forum rozkryńci se bardzi łod września - no, przinojmni jo mom tako nadzieja.
Rita, poleku jednak idzie to tyż w kerunku czegoś w rodzaji "internetowy
insztytucji kulturalny", na czym mi przeca tyż zoleży.
Hehe - twoj pomysł ze fraszkami w "menu" restaracyji możno wypoli.
Po to tu przeca jest wontek "W Wiśniowym Sadzie".
Pozdrowiom z Rudy Ślonski.

[broneknotgeld]

Już na zajcie fora dwa
forum.gazeta.pl/forum/0,46581,1892241.html?x=1270804
Piyknie Ruda leci - pra?

[ciupazka]

Szczegóły tu i do roboty Bronku! Moze Ci sie udo co chycić?

forum.gazeta.pl/forum/72,2.html?f=170&w=26255900
Telo.Pozdr.

[broneknotgeld]

Dziynki Ciupazko.

Konkurs konkursym, dyć jest okazjo do tego, coby sie zaś ktosik dowiedzioł ło
naszy stolicy fraszki. Na pewno tam szkryfna i dom namiary na te forum.

Rokow dwiesta Ci winszuja
W szczyńściu wszyskich - tak zrymuja.

[broneknotgeld]

Hmmm, tako se terozki myśla, że Luna mogłaby na tyn konkurs wysłać swoje fraszki.
Miałaby szanse tam cosik zdziałać.

[broneknotgeld]

Luna - jak Cie już zaproszom na te rozdowanie nagrod, to wspomnij im tyż ło ty
naszy stolicy, ze kery cie terozki gorko pozdrowiom.

[broneknotgeld]

Szukuje sie zaś mały profit forumowy.
Ornontowice cołke lato fajrujom swoje 700-lecie.
Dziesiontego września bydom tam take ekstra dożynki, toż przi tymu majom se
poasić fraszkom ornontowickom ze naszego forum. Bydzie tam jakby tako "wystawa
fraszki".
Gazetka gminno, kero była kwartalnikym, prawie mo być wydowano co miesionc.
No toż ta fraszka znojdzie tyż tam swoje stałe miejsce.
Toż zdo sie, co za śladym Zawadzkiego pódom terozki Ornontowice.

[broneknotgeld]

Ło czyś inkszym tyż chca tukej szkryfnońć.
Na podzim (dokładnego terminu jeszcze niy znom), we Bujakowie bydzie łodsłoniano
tabula upamiyntniajonco marszałka Sejmu Ślonskego Konstantego Wolnego.
Był przeca ze urodzynio bujakowianinym i w tamtejszym kościele ministrantowoł
przi mszach. Łońskego roku wyszła drukym jego biografio, kero tukej znojdziecie
streszczono ślonskom fraszkom w wontku "Ludzie Ślonska". Zanosi sie na to, co
przi okazji łodsłoniyńcio tabuli wydano zostanie broszura, jakby streszczynie
ksionżki, tela że łokraszone fraszkami ło marszałku ze tego forum.
Ano - poleku nasza sztela stowo sie wirtualnom instutucjom kulturalnom.
Toż ło to przeca tyż w tym szło.
Byda wdziynczny kożdymu kto zachce mie w tym jakosik wspiyrać.
Przeca stołeczność zobowionzuje.

[broneknotgeld]

Hehe - zyskali my poklask taki
forum.gazeta.pl/forum/72,2.html?f=396&w=29090656
Jakoś niy było z tym inkszy draki.

[broneknotgeld]

Mało ksiyngarynka za kościołym naszym
Dyć bogato duchym - rymym se niy straszy
Toż przeca w niym yno richtig dobro widzi
Wystowiać go czeba - a niy jakby wstydzić.

[broneknotgeld]

Dobrym pochwolić zowdy se idzie
Toż tako Ruda niy jest we biydzie.

[broneknotgeld]

No, łostoł sie na Forum Humorum wontek "Kaczy Sejm"
forum.gazeta.pl/forum/72,2.html?f=384&w=31468161
Możno udo se go tam piyknie dociongnońć do końca.
Jakby niy paczeć to tyż profit dlo ty szteli.

[broneknotgeld]

Krucafuks, cosik żech tyn profit zaniydboł.
Po prowdzie to jednak mom za mało czasu, coby to wszysko ciongnońć.

[broneknotgeld]

No toż ślonsko fraszka dorobiyła se linku na choczewski zajcie gminny
www.choczewo.com.pl/pol/index.htm
Zaproszom do lektury.
Trza by było wiyncy takich profitow.

[broneknotgeld]

Zno rym ślonski tyż Warszawa
forum.gazeta.pl/forum/72,2.html?f=51&w=38125104
Tam niy wadzi ta zabawa
Co stolica to stolica
Niychej fraszka krasi lica.

[broneknotgeld]

Zdo sie tych profitow wiela
forum.gazeta.pl/forum/72,2.html?f=28940&w=49707257
Zeflug dyć rychtuje sztela.

[broneknotgeld]

Ano - zeflug był profitym
Dyć czy łostanymy przi tym?

[broneknotgeld]

Ech - rok se kończy
Trza porachować
Co by na plusa
Dlo forum dować.

[broneknotgeld]

Ano, ze tym rokym doszły nom tukej trzi nowe wontki tysioncowe
forum.gazeta.pl/forum/72,2.html?f=28940&w=24316700
forum.gazeta.pl/forum/72,2.html?f=28940&w=23051868
forum.gazeta.pl/forum/72,2.html?f=28940&w=24485796
No ja, planowołch sztyry, dyć se niy udało, a co łodwlecze to niy uciecze.

[broneknotgeld]

Dyć za to z jednym wontkym my sie dokulali aże do 2500
forum.gazeta.pl/forum/72,2.html?f=28940&w=27957502
Hehe - wiyncy już niy idzie.

[broneknotgeld]

Były jakeś nowe?
Dropia se po gowie.

[sloneczko1]

Bronek,z Twojim forum je gorzi bo my niy umiymy rymować:( tak jak Ty

[broneknotgeld]

Czamu "gorzi"? Tako prawisz!
Dyć se czynsto tukej jawisz
I choć w prozie posty dosz
Tyż radochy trocha mosz.

[broneknotgeld]

Ano - możno ło tym wiycie
slask.naszemiasto.pl/turystyka/specjalna_artykul/638882.html
Tako forum tyż w proficie.

[broneknotgeld]

"Ślonski słownik" na szpyndliku
forum.gazeta.pl/forum/71,1.html?f=48377
By niy zlecioł se porzykom.

[broneknotgeld]

Wiela rymy som we wercie?
Za "co łaska" moje biercie
Dyć dom darmo - z dobry woli
Bele byście se łośmioli.

[broneknotgeld]

Profit w tym że jest
Raduje tyż fest.

[broneknotgeld]

Durś rym ślonski tu kroluje
Profit - dyć niy porachujesz.

[broneknotgeld]

Czy profity se skończyły?
Fraszki som jak piyrwyj były.

[broneknotgeld]

Co jest, to jest
Mie cieszy fest.

[broneknotgeld]

Kej profitu niy ma
richtig idzie zima?