balakwasty II

[broneknotgeld]

Jedna frela z miasta Rudy
Dwoch karlusow chce skiż nudy.

[broneknotgeld]

Kurde bele - co sie dzieje?
Mie już glaca niy łysieje.

[broneknotgeld]

Łod ty pogody
Durś wiyncy wody.

[broneknotgeld]

Łonacyli kajś gupoty
Niy chyciyli sie roboty.

[broneknotgeld]

Kurdebele - schizofrynik
W kuracyji do arszynik.

[broneknotgeld]

Niy yno gucho
Słucho na sucho.

Ruda Śląska - stolica fraszki

[broneknotgeld]

Kurde bele - mono popioł
Mie tym wcale dyć niy stropioł.

[broneknotgeld]

Kurde bele - śpiywo ciynko
Zdo sie co mu kajsik miynko.

[broneknotgeld]

Połonaczoł sie parfinym
Yno z wiyrchu a niy driny.

[broneknotgeld]

Kurde bele - po to rym
Coby łogrzoć - dobrze wiym.

[broneknotgeld]

Kurde bele - kej sie zgobi
To przi tymu gorko robi.

[broneknotgeld]

Kurde bele - niym se dychna
Jeszcze biyra ździybko gichna.

[broneknotgeld]

Łonacyli przi pyńdziałku
Jedyn leber drugi wałkoń.

[broneknotgeld]

Ano - ło ty porze
Chlapnońć se już może.

[broneknotgeld]

Niy inacy
Sie łonacy.

[broneknotgeld]

Kurde bele - sie kuruje
A marasu wiela suje.

[broneknotgeld]

Kurdebele dziw nad dziwy
Richtig istny niyszczyńśliwy.

[broneknotgeld]

Kurde bele - sie kuruje
A marasu wiela suje

[broneknotgeld]

Kurde bele -skiż gupoty
Sie wywali kajś pod płotym.

[broneknotgeld]

Szpas ze szpanom tyż sie miyszo
Kej tu ktosik nudle wiyszo.

[broneknotgeld]

Lepi sie chlapnońć
Niż cosik łapnońć.

[broneknotgeld]

Lepi se klikać
Niż ciyngym rzykać.

[broneknotgeld]

Frela z "fikcjom" se skumała
We realu dyć by chciała.

[broneknotgeld]

Łod gupoty
Hercklekoty.

[broneknotgeld]

Łod ślonskego trolla
Jo rym zowdy wola.

[broneknotgeld]

Łod łoszkliwości
Wyprościoł kości.

[broneknotgeld]

Trolling jest i bydzie
Choć "hanysek" w biydzie.

[broneknotgeld]

Kurde bele - niy ma źle
Kej sie fraszki szkryflać chce.