pozdrowiynia ze Laband

[laband]

Piyknie pozdrowiom wszyskich Slonzokow na tym forum i zaproszom do nos na
forum glywicke- za mocka Goroli sie u nos sjechauo ...?


a sam cosik po naszymu:


schlesien.nwgw.de/

[sloneczko1]

a kaj Ty sie sam szwyndosz?no?a tam czekajom na Ciebie

[laband]

zol mi ize we Glywicach sie te pierony rzondzom, to prziszouch sam kaj jeszcze
slonzokow je za tela i kaj zech i za bajtla we kozdo niydziela lotou po "Kalinie"


pozdrowiom tysz Stary Chorzow!

[reden6]

A kajście to laband lotali po ty Kalinie? Jo za bajtla śmigoł po Hugobergu,
Ritgesie. A na Kalinie toch piyrsze piwo w szynku Panderossa wypioł. Ja to byli
czasy...

[laband]

to bou taki plac kaj w kole bouy take czerwone domy, wuaziouo sie ze dwoch stron
przez take sroge bramy we tych domach a niydaleko miyszkou Ciszewski(tak godali
tam moje tante i onkle, ize tam piyrwyjon miyszkou jak bou mody) - mom tam
jeszcze trocha familii. A kajs indziyj kaj lotouch to boua "Jochanka" (chyba nic
niy myla) - to bouo jak sie wylazuo ze banhofu i szuo curik tam kaj mlyczarnia
kedys boua - przelazuo sie bez glajzy i bouy te pora domow na kere sie Jochanka
godauo. Ku tymu dodou bych jeszcze Stary Chorzow i Hajduki wielke kaj moj oupa
sie rodziou :)) - zowdy jak z nim jechouech cugym ze Laband do Chorzowa to
pokozywou mi dom we kerym miyszkali (bouo ich 11 synkow i jedno dzioucha)-
pamiyntom ize na jednym domu kole glajzow, jak sie jechauo cugym, to szuo
jeszcze dugo przeczytac Hajduki Wielkie :)))

[eichendorff]

No proszę...
Za chwila bydymy mieć tu sztama "Gleiwitz-Königshütte" :-)

[laband]

ganc gynau to je jo ze Laband (Łabędy), a co do tyj "sztamy" to we naszyj
familii je ona juz poradziesiont lot :)). kedys ze Chorzowa przijyzdzali do nos
do Laband na urlop - take fajne bouo Laband.

a tera Laband wyglondo choby wszyske pancry ze bumaru naroz bez nie
przerolowauy, szkoda godac .....


ps

tak mi sie prawie spomniauo ize cieslik pochodzi ze Laband(a gynau to odniego fater)

[reden6]

No. Boś mie sam tym wcześniyjszym postym trocha zaskoczoł z tym Ciszewskim...
A ciebie szło o Gerarda Cieślika przeca.
Po Łabyndach (do Bumaru) trocha sie jeździło. Nojbardzij mie dowało do myślenio
to że we cołkich zakładach mało fto po ślonsku godoł...

[laband]

Cieslik Cieslikym, a Ciszewski Ciszewskim - pamiyntom na zicher ize godka boua,
co on(Ciszewski) tam miyszzkou za bajtla abo kawalera - mozno pora nazwisk ze
tego placu jak Ci powia to "bydziesz w doma" - Laxa( mieli dzioucha i synka),
Zaborowski (tam bouo pora dziouchow i synek), za Adolfa miyszkaua tam tako co
sie nazywaua Cipa(to pamiyntom ze opowiadan)// Moj onkel kery miyszkou konsek
dalyj kole cmyntorza bou syndziom bokserskim i jak Laband jeszcze we boksie
dobrze stouo(II Lliga) to pora razy u nos syndziowou.