+ Bartek i Adam Gruchelowie +

[broneknotgeld]

Bartek i Adam Gruchelowie
Chorzów

Jest żałoba we Chorzowie
Łojciec z synkym Gruchelowie
Łopuściyli tako miasto
Familiji ciynżki czas to

Jako te "memynto" szczimać?
Gniyw we duszy niy chce drzymać!
Czy zalejom go płaczkami?
Niychej niy łostanom sami!

[broneknotgeld]

Gołomb

Gołomb znakym jest pokoju
Tako łonym i Duch Świynty
Mom se tropić fraszkom mojom
W kery słabość "ludzki piynty"?

Lepi być ze gołymbiami
Gowa w gora durś mi skoko
Łone życio aniołami
Niych furgajom se wysoko

Dyć je widać nad Chorzowym
Trza ze duszy swoji paczeć
Tela dzisioj yno powiym
Wrona coś zowistnie kracze

Skond straszydło se tu wziyło?
Dziub mo jak łod śmiertki kosa
Ano jest jako i było
Choć gołymbia w sercu nosza.

[broneknotgeld]

Tydziyń już przeszoł - durś rumowisko
Zasmuco wszyskich pospołu
Dyć niychej słonko jaśni rozblysko
Jak wylatuje stond gołomb.

+ Bartek Gruchel +

[broneknotgeld]

Bartek Gruchel

Matka ciyngym bydzie płakać
Już zabrakło jyj pływaka
Lubioł pływać motylkowym
Toż marzynie mody gowy
Mogłoby sie ziścić tako
Niychej Chorzow cołki płako
Za duszyczkom co furgnyła
Choć niydowno z nami była.

+ Adam Gruchel +

[broneknotgeld]

Adam Gruchel

Lot sztydziści sztyry - karlus richtig mody
A przeca przepłynoł jakby Styksu wody
Za szofera robioł we hurtowni paszy
Bestoż tyż ofiarom tragedyji naszy
Ślubno we niym miała chopa wypszonego
I jego brakuje i synka do tego!

[broneknotgeld]

Ech - rocznica drapko idzie
Pamiyńć w ludziach długo bydzie.