a jake slonske suowa som ...?

[szwager_z_laband]

do wos naprowdy poetycke?

jo mysla ze moge to byc tak do pszikuadu, no ...:

np. kraiczek, pszonie, woniaczka, urgac', kopalnioki, starzyki, hadra, syneczek, dzioucha, meluzyna, utopek, rolwaga, eli, ...

[rita100]

abo bajtlik :)

www.youtube.com/watch?v=cnh5SHbRd-g

[seppel]

Uabyndziok entschuldige aber,
"Hadra",Kopalniok"...niy
Ich mein, das wird nur "Beranie "und keine Poesie.

[szwager_z_laband]

do mie hadra je pieronym poetyczno - dyc poezja to niy ino "miod", poezja to tysz "czorny wyngel"

abo?

[bratjakuba]

szwager_z_laband napisał:

> do mie hadra je pieronym poetyczno - dyc poezja to niy ino "miod", poezja to ty
> sz "czorny wyngel"
>
> abo?
==================================================
Dlo mie hadra je hadra,przeważnie zmaraszono a po slonsku mo tyż te same znaczyni co polsko "dziwka".

[szwager_z_laband]

co je wedug mie tysz poetycke w naszyj godce to taki wyraz Hanys :)

[annak12]

Dlo mnie te-miesionczek,szczybny,modry,kusik,astka,danga

[bratjakuba]

A sam wiela piyknych słow.
A jake pouczajonce o tym jak sie rzondzi po ślonsku


„Nic nie twou na wieky”
Feliks Steuer.

Nad rzykom, nad rzykom wznoszom se toupoly.
Skoro wiater wieje, zacznie liści szeptać.
Dyrkoce i szepce, jak to piyrwaj było,
Jak se dzieci grały, jak se starzi przouli.
Na łonce, na łonce rojśnie smutnie trouwa.
Jakojś jest joum teschno; bo se moc straciyło.
Straciyły se kamply, wyginuły ryby.
Już nie słychać dzieci po naszymu rzońdzić.
W zygrodach, w zygrodach stało se tak pusto;
Chnedka wszycky stromy zmarzły w ostrej zimie;
Przetwało tam zimam yny poura stromow.
Blisko im se robi, na niy czas też przidzie.
W naturze, w naturze nic nie two na wjeky;
Wszycko se rouz kończi na tim bożim świecie.
Starziczek, starzynka, najsi tata, mama,
Co tu wy wsi żyli - douwno ich sam niyma.
Umrzyli, umrzyli. Nowy pokolyni
Już ich zapominou. Stari czas nie wroci.

[szwager_z_laband]

a jo sie raduja bo tak jak zech to kedys prorokowou:

Juz niy slimto i niy stynko
Godka co w zapuzniyniu trwoua
Wszyndzie stowo sie tera
Do modych serc sie dostoua.

[bratjakuba]

Kiczka.

Feliks Steuer.

Szołech rauz we żniwa
Sobje tak na poly.
Ujzdrzołech moc kwjautek;
Stauy kole role.

Były wjelky,mały:
Szczoub i maćerzunka,
Kwauwnik i szałwija,
Fjołek i marunka.

Była tam tyz trauwa:
Ojśćiy,co tak bodźe,
Hadrich,mlycz,pokrziwa,
Wszycko rosło w zgodze.

Urwołech ś ńich kjela,
Śiaudech na graniczkam.
Z tich to naszich kwjautek
Wjyłech sobje kiczkam.

Tomto skroumnom kiczkam
Tobje ofiarujam,
Dobri lidu ślounski,
Co će tak mjyłujam.

[szwager_z_laband]

rozumisz sam wszyske suowa?

[bratjakuba]

szwager_z_laband napisał:

> rozumisz sam wszyske suowa?
===================================
Rozumia wszycko i wiym o czym godka.
Jedynego ni moga skojarzyć, tyn Hadrich.

[szwager_z_laband]

a to ci pomoge?

latojs momy w cwikli moc hadrichu; to mozymy plyc' pouram tydni

[bratjakuba]

szwager_z_laband napisał:

> a to ci pomoge?
>
> latojs momy w cwikli moc hadrichu; to mozymy plyc' pouram tydni
------------------------------------------------------------------------------------
Też ech już znejd.
Możno i tobie sie przido.

www.pankracy.strefa.pl/rosliny.htm

[szwager_z_laband]

niy zrozumieli my sie juzas:)
de.wikipedia.org/wiki/Acker-Rettich

[bratjakuba]

szwager_z_laband napisał:

> niy zrozumieli my sie juzas:)
> de.wikipedia.org/wiki/Acker-Rettich
-----------------------------------------------------------------------------
Zrozumieli my sie doskonale ale Tyś nie je dostatecznie dociekliwy.
Pod tym linkym coch wrazioł som nazwy i synonimu nimiecke roztomańtych roślin i nazwa polsko.
W pozycji Nr 62 je przeca tyn Hadrich -rzodkiew zwyczajna

[szwager_z_laband]

faktycznie, niy widziouech tego:)

[bratjakuba]

Chodzi za mnom od poru dni ślonske miano prziprawy zwanej po polsku "angielskie ziele"
a po niemiecku "Piment". A pak je po ślonsku?

[berncik]

bratjakuba napisał:

>
> Chodzi za mnom od poru dni ślonske miano prziprawy zwanej po polsku "angielskie
> ziele"
> a po niemiecku "Piment". A pak je po ślonsku?

U nos Na Anelske ziele godali tysz Angelske korzenie.Bo pierwej na wszystke Gewürze
godauo se korzynie

[szwager_z_laband]

czorne kulki

angelski pieprz

nelken-kulki

?

[szwager_z_laband]

na "Bobku" i we Starych Laband godali ale czorne kulki

[bratjakuba]

Już ech sie dowiedzioł alech musioł zadzwonić do kuzynki,aż do Bottrop.
Mo 86 lot ale pamiyńć do starych czasow jak szesnostka.
Padała,ze przeważnie "wonionce korzyni" choć było tez używane "angelske korzyni".
Myśla,że te ostatnie ale powstało nieskorzi jak sie skludziyli Poloki z "angielskim zielem".

[szwager_z_laband]

ino na to, abo na wiyncyk przipraw?

[bratjakuba]

szwager_z_laband napisał:

> ino na to, abo na wiyncyk przipraw?
======================================
Pytosz sie czych sie dowiedzioł wiyncy?
Ja,jeszcze cynamon= skurzica,goździki = grzebiczki ale też gwoździki.
I take coch już wiedzioł alech inakszy trocha na to godoł.
Np. rozmaryn mo być rozmaryjon. Muskat Nuss= muszkat , imbir- ingwer= zozwor,no i bobkowy listek ale to przeca wiedzom wszyjscy