pasty i take inksze

[szwager_z_laband]

proponuja sam pochwolic sie receptami na pasty itp

moja dzisiejszo:

dwa dojzaue avocado, dwie czerwone cebule i dwie uyzki orzeszkow pini

cebula brank drobno posiekac, orzeszki pini tysz posiekac

avocado zgniysc widelcym i z miyszac dopozondku ze cebulom i orzeszkami

wszysko posolic, popieprzyc do smaku

i dopozondku wymiyszac

nakuodac na pumpernikel abo na parysko bouka

ps

idzie zrobic z tego wariacja jak sie dodo troszka soku z cytryny i/abo ziou

hykele (Häckerle)

[szwager_z_laband]

to do pszipmniynia

schlesien.nwgw.de/foto/displayimage.php?album=396&pos=237

[szwager_z_laband]

www.wdr.de/tv/servicezeit/sendungsbeitraege/2012/kw03/0121/01_herings_haeckerle.jsp

[herbjelita]

szwager, ty pieronie, ty myślisz że jo Hykele nie znom? Nasza mama to robioua we Łabyndach a moja tu tyż. Jeno jedno ci powia, jak za dość tego zjam, to mi se to uodbijo.
Nasze baby to poradziouy z niczego take dobrocie czarować.
Dla przykuadu nasza mama zaroz po wojnie robioua nom dzieciom take nugaty (Praliny) z dodatkem Ceresu i kakao. Drugi taki przykuod to Frankfuter Kranz, kaj zamiast Mandli Haverflocki roestowane na niego sypali. Smakowauo, smakowauo.
Nie zapomna, jak zaro po wojnie trocha nieskorzi jedli my chlyb ze cukrym posypanym i teejem pomoczony. Bestóż momy take kepske zymby!.

[szwager_z_laband]

wszysko znom:)

a chlyb pieczony poczec czoskym i posmarowac masuym i posolic = to se robia do dzisiej:)

pasta pomidorowo od mojyj omy

[szwager_z_laband]

pou kostki masua (musi byc miynke)

sznitlauch

pszeciyr pomidorowy (jedna mauo puszka)

widoukom masuo miyszac z pszeciyrym tak dugo aze bydzie jednorodno pasta

potym posiekany sznitlauch dodac + sol + pieprz

wszysko wymiyszac i fertik:)

pasta od mojyj uroumy ze Starych Laband

[szwager_z_laband]

jedyn srogi wyndzony "pytling"

pou kostki masua

jedna mauo cebula


pytlinga fajnie obrac ze skory i osci (gowa i ogon dac kotowi;)

cebula posiekac

wszysko miyszac dos dugo widoukom a pod koniec dodac sol i pipeprz

fertik

[herbjelita]

Jo jednak bardzi przepodom za Spagetti Alio e Olio!. Delikatesa!.

ajnfachowo pasta z jajek i musztardy

[szwager_z_laband]

pou kostki masua (musi byc miynke)

dwa uwarzone na twardo jajka

dwie uyzki ostryj musztardy

jajka obrac i posiekac blank drobno

posiekane jajka, masuo i musztarda + sol i pieprz miyszac blank dugo widoukom

fertik

[herbjelita]

A propos jajka. Nie wiem czy ty to wiysz, że jo hoduja kury, tako angelsko rasa New Hampsire.
Jak moja zrobi panada albo upiecze kouocz to mo to zuoto farba. Kury moje dostanom mais i bestórz som te żoutka take kreftig. Jak chcesz to pora prześlam.

[szwager_z_laband]

Dziynkuja - pozondny chop zes je jak widza!

Ale mysla ze by doszou kogelmogel;)

dej sam lepiyj ta recepta na tyn kouocz!

Dziynki jeszcze roz !

pasta ekstra do herbujelita

[szwager_z_laband]

kup suszone zalone tomaty w krauzie

twarog poutusty 250 g

trocha oleju od tych tomatow

tomaty pokroc i wszysko zmiksowac razym elektrycznym sztabym +troszka soli + pieprz

fertik

ps

[szwager_z_laband]

jak lubisz czosnek to mogesz do tego jedyn mauy zombek wcisnonc tysz!

[herbjelita]

A najlepszo je wodzinka!, wtoro ech jusz downo nie joud.
Hej! a co powiesz o żurze (żur) ze czosnkem i rasplowanymi kartofloma i wurstym. Moja to robi.

[szwager_z_laband]

wodzionka jym dos czynsto i bardzo to lubia, a co do zuru to niyma lepszyj zupy:)

jo mom swoj ulubiony dodatek do zuru = kulki kolyndry == kuknij sam:

schlesien.nwgw.de/foto/displayimage.php?album=396&pos=112

[herbjelita]

Ja, ale co to com te kulki kolendry?

[bratjakuba]

herbjelita napisał:

> Ja, ale co to com te kulki kolendry?

[szwager_z_laband]

Koriander

ale nasiona !

[szwager_z_laband]

niykere dodowajom to do chleba (jak go piekom = do ciasta chlebowego)

bardzo lubia tyn chyb z kolyndrom ale u nos go ino na Wilijo dostana jak z Bajerow pszijyzdzo tako jedna firma sam swoje rzeczy sprzedowac na markcie.

[szwager_z_laband]

ale Achtunk!

to je kwestia smaku:)

[artjomka]

szwager_z_laband napisał:

> proponuja sam pochwolic sie receptami na pasty itp
>
> moja dzisiejszo: (zer avocado)

Witom Cia Szwager w tyn szlustydziyn!
My robjymy tako pasta i dowomy zawsze trocha soku ze citrony.
A inkszo wersja - to jak sie chyba domyslosz - ze trocha Sambal Oelek.
Jymy w sobota na sniodanie - bo w tyn czas mogymy z mojom razym sniodac (no i w niydziela tysz). A tako pasta ze Avocado musi byc jedzono na swjyzo, bo potym sie robi bronotno i niy smakuje (oksyduje).

[gryfny]

pasta to mi z nudlami sie kojarzy,hekele barzi z omastom

[herbjelita]

hekele to se ze śledziami musi kojażyć. I jako umasta tyż.

[herbjelita]

A jak uojciec, bo bou masorzym, weisswursty na sylwestra zrobiou (ze cironom) a mama po panierowaniu je przipiekua to boua delikatessa, ze kartofelpueree i kiszonom kapustom. Goście moi wpierdalali, pomimo, że tego nie znali, że aż im se uszy czonsuy.

[herbjelita]

A nasza mama robiua nom czynsto verlirrene eier i falszy zupe - wiesz co to bouo?

[herbjelita]

Miauo być verlorrene eier.

[szwager_z_laband]

no tosz szkryfnij

[artjomka]

Ja, herbjelita - jak sie joduo dobrze przizondzi - to i "ajnfachowe" jysz, az ci sie uszy czynsom.
Ino dzisiej zadko mosz take prawdziwe weisswuszty (nawet na Bayerach). A z mjynsym tysz niy jest inkasij.
Niy kozdy mo w rodzinie masorza, abo sie na tym zno, coby sie porzondne mjynco i wuszty przirychtowac.
Choc jak mosz ideje, to czasym idzie kupne rzeczy poprawic na swoj recept.

Teroski ech skonczou take Wiekotydniowe jodlo. Kupny slyc na matjasowy art, okuokany trocha zimnom wodom (coby niy bou taki suony), pokrony na koncki kole 4 - 5 cm na dugosc sledzia, do tego celuba na kronszki pokrono. Rajn do krauzy, pomjyndzy trocha cukru, pomelanego pieprzu, koncki uogorka - i zalone czerwonym winym i zoftym ze citrony. I trocha oleju ze orzechow - ale idzie i inkszego. No i - jak fto mo chyntnie - troszka Sambal Oelek
Krauza zakryncic i do lodofki przinajmni do czwortku.
Ze sztamfjokami - palce lizac!
Pyrsk!

[herbjelita]

Fajny wielkanocny rezept!

[bratjakuba]

herbjelita napisał:

> A jak uojciec, bo bou masorzym, weisswursty na sylwestra zrobiou (ze cironom) a
> mama po panierowaniu je przipiekua to boua delikatessa, ze kartofelpueree i ki
> szonom kapustom. Goście moi wpierdalali, pomimo, że tego nie znali, że aż im se
> uszy czonsuy.
==================================================
U nos sie dzisiej pojawioł taki prawdziwy Weisswurst. Przedowajom go na metry.
Kupioł ech na sprobowanie poł metra (0,7kg) no i zjedli my go zaroz cołki zamiast obiadu,
ze chlebym też takim z piekaroka. Do tegoi chrzon pomiyszany z majonezom i łyżeczkom zemftu.
Nejprzod sparzony w gorkej wodzie bo boł surowy a potyn przipieczony lekko na patelni.
Downoch nie jod takigo dobrego choć czynsto kupujymy roztomańte marki ale przeważnie pakowane w tych firmowych beutlach.
Widać co świyrzego wyrobu nic nie zastompi

[szwager_z_laband]

jo tysz miyszom se krzon z synftym:) do wusztu

ale za majonezym to zech niyma:))

[herbjelita]

Ach chopy, tyla tego dobrego je, że aż śliny lecom.
Wiem tysz tera co to jest tyn koriander, przeca go znom, jeno nie pod takom dziwnom nazwom. Koriander tyż je w tych suedtyrolskich suchych chlebikach, co tak smakujom.

[szwager_z_laband]

ja, juz je tysz maszkyciouech:))

[berncik]

szwager_z_laband napisał:

> jo tysz miyszom se krzon z synftym:) do wusztu
>
> ale za majonezym to zech niyma:))

Jo jym duzo senftu, ale mieszom go ze coukym drobno pokronym Dillem sprobuj kedy to smakuje ganz inakszy.My zniwujemy kozdy rok pora takich malych wiaderkow dillu , pietruszki i staudiseeleri.To som nojleprze prziprawy prawie ze do wszystkego se nadajom, czy chcesz zrobic jakis Salat ,albo supa albo i pasteta.

[szwager_z_laband]

jak go posiekosz i zmiyszosz ze dos' za tela solom, to mogesz go tak zamrozic mauych bojtlikach

moja lubi ta ekstra zouza-synft ze koperkym do wyndzonego uososia

to ale niyma moj smak, jo wola fajno zouza ze musztardy i koperku do jajkow na twardo i do tego mode kartofle:)

[artjomka]

Piernika chopy!
Takigo ejscie mi smaka narobjyli, co leca na dou do kuchnie, sie jako sznitka zrobic (abo dwie)!
Moja juzajs bydzie buczec, co niy mom tak niyskoro jejsc - ale njych tam!
Pyrsk!

[berncik]

szwager_z_laband napisał:

> jak go posiekosz i zmiyszosz ze dos' za tela solom, to mogesz go tak zamrozic m
> auych bojtlikach
>
> moja lubi ta ekstra zouza-synft ze koperkym do wyndzonego uososia
>
> to ale niyma moj smak, jo wola fajno zouza ze musztardy i koperku do jajkow na
> twardo i do tego mode kartofle:)

Po pierwsze jo to nie siekom ,to robi Moja ,Ona to dobrze poradzi (Jo bych se poobrzinou pazury).My tego nie mieszomy wszystko je exstra we zamrazarce .Fakt, potrzebujesz kupa placu,ale tego nom nie brakuje.Oprocz tego uzywomy jeszcze duzo rostomajtego zielstwa ,ino jedyn warunek to musi przisc ze naszego ogrodka tz. Salbai,Thymian,Rosmarin,Lorber.
Moja pora lot tymu wyciepla caly szrank przipraw einfach do milu,i zaczli my uzywac nasze wlasne prziprawy ,oprucz pfeffer naturalnie.

[szwager_z_laband]

to podobnie jak u mie, ale listki bobkowe mi rosnom we doniczce:)

ps

ze Marsyli zech se psziwioz taki maszkytny "pieprz" - to wyglondo jak take maluske szyszki (2 -3 cm) - niywia jak to sie mianuje ale ... (?)

dugi pieprz

[szwager_z_laband]

tak to wyglondo:

www.gewuerz-express.de/pfeffer-lang-lang-pfeffer-ganz/a-710/?ReferrerID=7

[artjomka]

szwager_z_laband napisał:

> ze Marsyli zech se psziwioz taki maszkytny "pieprz" - to wyglondo jak take malu
> ske szyszki (2 -3 cm) - niywia jak to sie mianuje ale ... (?)

Piernika - a to ciekawe!
A jak smakuje? Cza go kroc na drobne, abo melac?
Pyrsk!

[szwager_z_laband]

jo go dowom wtedy jak poczebuja wiyncyj pieprzu no i jak moga go dac w cauosci

smakuje blank podobnie

[artjomka]

szwager_z_laband napisał:

> jo tysz miyszom se krzon z synftym:) do wusztu
>
> ale za majonezym to zech niyma:))
Witom Cia Szwager!
Niy gorsz sie na mie, co sie juzajs wtroncomdo Twojich receptow:
Jo robia zynft na sfoj recept. No, niy jak we fabryce - jo kupuja rozmajite zorty - jak taki bajerski slotki, pieronym uostry duesyldorfski, taki normalny i inksze.
Potym biera s kozdego po trochu, do tego mjot, kszon, jak mom - trocha marmelady s figow - no i Sambal Oelek. Wszyjstko mjyszom - i mom zymft na moj art.
Ros ech dou tysz poczaskane we mozdziyzu ziorka zymftowe - le niy bouo nic czuc.
Pyrsk!

[szwager_z_laband]

byda musiou tysz tak poprobowac, ale fajne synfty som tysz francuske musztardy - jak tam kedys bydziesz u nich na targu to pokosztuj!

[rita100]

Hejka, prawie przeczytałam wasze receptury i wygrywa prosta pasta a la Laband czyli

1/2 kostki masła (miękkiego)
2 duże jaja na twardo
2 duże łyżki ostrej musztardy
sól, pieprz
------------------
Jajka obrać i posiekać, dodać masło i musztardę, sól i pieprz - wymieszać cierpliwie długo, może nawet ucierać i fertyk.
Pięknie, mam już zapisane w swojej książce kulinarnej.

[szwager_z_laband]

:)

[berncik]

rita100 napisała:

> Hejka, prawie przeczytałam wasze receptury i wygrywa prosta pasta a la Laband c
> zyli
>
> 1/2 kostki masła (miękkiego)
> 2 duże jaja na twardo
> 2 duże łyżki ostrej musztardy
> sól, pieprz
> ------------------
> Jajka obrać i posiekać, dodać masło i musztardę, sól i pieprz - wymieszać cierp
> liwie długo, może nawet ucierać i fertyk.
> Pięknie, mam już zapisane w swojej książce kulinarnej.
Rita: A co to mo byc ?Nie miou tam do tego jeszcze przisc Sledz ? Nie mialo to byc Hekele ?

[szwager_z_laband]

to by bouo ale hykele a tak je pasta jajkowo-musztardowo:)

[rita100]

szwager_z_laband napisał:

> to by bouo ale hykele a tak je pasta jajkowo-musztardowo:)

Potraktujmy to jako podstawową bazę tej pasty. Pewnie można by małe co nieco pododawać.

[artjomka]

Jo mysla, co na ta pasta ze jajek przidzie czas za tydziyn i trocha.
Bo juzajs uostanom farbione jajka, to bydzie szuo z nich zrobic tako pasta a la Laband. Ze hekele, abo bes.
A co do jajek. Kupiou ech sie dzisiej po bojtliku kolorowych jajek ze cukru - takich jake pamjyntom za bajtla. Jedne ino ze cukrymdryn (jak kejsik czerwone i zoute kulki z Hanki we Siymianowicach (take wjynsze libysperle) - a druge nafilowane rozmajitom w smaku wodom.
Zjot ech je prawie do konca - i teroski mie mgli. Musza sie horknonc malego, coby tyn smak poplukac!
Tosz ida po flaszecka!
Pyrsk!
PS: Rita - niy gorsz sie - jo pija ino jak mie mgli!

[rita100]

Artjomka, jo tam sie nie gorsze, bo przecie wszystko co ludzkie nie jest nam obce, co dopiero gorzaleczka.
Jeden mały kieliszeczek
Nie dostanie do kiszeczek,
Ażeby był drugi taki,
To by dobrze rozgrzał flaki.

Ach tak, te jajeczka z cukru mają za dużo cukru w cukrze ;))))) To samo baranki, kurki z cukru. One mi przypominają dzieciństwo. Tylko takie produkty mieliśmy.

[artjomka]

Witom Cia Rita!
Pisosz o barankach i hazokach ze cukru. Musza Ci pedziec, co uone mi do dzisiej skokajom po gowie!
Bo - s tym mosz recht - to som nasze spomniynia z bajtlofstwa. I powjym Ci, co chyntnie bych niyjedno szekulada na takigo cukrowego hazoka zamiemiou.
Pamjyntom to.
Na Zajonczka dostowali mi jako bajtle po takim srogiym hazoku ze cukru (rodzina ot ciotki boua ze bomboniorzy - kejsik "Hanka" boua ot nich). Jaki to bou szpas, ugrysc hazokowi uszy - niym sie za prezynt podziynkowauo.
Jak na razie ech sie cukszycy niy nabawiou - choc mi godali zawsze, jak ech juzajs po produkcji lotou ( za bajtla pamjyntom, co jakijs tam daleki ujek - od ciotki Pytlicki brat, abo cos - bou dyrektorym we Hance), i libysperle i insze dobroci maszkeciou. ...Synek niy jyc tyla suotkigo, bo dostaniesz cukszycy i zymbska ci wylecom!
Ja, ja - to bouy czasy!
Pyrsk!

[herbjelita]

artjomka, jak eś tak uo tych zajonczkach pisou przipomniały mi se nasze, łabędzkie, wielkanocne zwyczaje z dzieciństwa. Joż kiedyś o tym tu pisałem, ale nie szkodzi powtórzyć.
Wielki Piontek - Mama bódzioła nos chopców już przed szustom a my lecieli do obok płynącej przikopy aby se umyć. Jak dzisiej pomyśla, że tam pływały ścieki ze haźlów, to aż mie zima czyńsie. Za to dostali my tytka cukerków. Po połedniu musieli my iść do kościoła Ponbóczka na krziżu pocałować i za to juzaś tytka cukierków. Na wieczór lotali my uod śyni do śyni ze klapaczkoma. Tu nie wiem eli my coś dostali. We Wielkanoc zaś najwiency spasu robioło to szukanie gniozdów we ogródku ze tymi cukrowymi zajonczkoma.

[rita100]

Herbjelita, i to wszystko za tytka bómbónów ? :)))))
Ja wam zazdroszczę tego zwyczaju z szukaniem zajónczka. Musze koniecznie swojego wnuka nauczyć tego pięknego zwyczaju. U nas tylko lanie wodą było.

[artjomka]

Jak sie mosz herbjelita!
S tymi klapaczkami, toch coukiym zapomniol. Richtik - ministranty klepali na mszy we Wielki Piontek, bo zwonkow nie wolno bouo uzywac. My za bajtli to w tyn dziyn nawet radia niy mogli suchac (telewynzorow wtedy jeszcze niy bouo).
Tak po prowdzie, to ech tyn dziyn wtedy niy miou rod. Zak jakos smutno bouo - a o czeci to my paczeli w niebo, i po cichu sie radowali jak niy bouo gromow i buyskawic.
Nawet jak sie szuo ze swjynconym do Krziza, to jakos niy bouo przi tym radosci, co Pon Boczek za niydugo zmartwychwtanie - a hazok suotkigo prziniesie. Choc tak po prowdzie, to my sie radowali ino na tego srogigo hazoka s cukru, bo tak na codziyn, to bouy w doma rozmajite dobroci ze Hanki, kere my sie mogli podjodac. Ino "flaszki" - kere bouy s gorzoukom - bouy niy dlo nos bajtli.

[rita100]

Witom Cie Artjomka

A wiesz, że ja nie wiem kto produkował te cukrowe baranki, kurki czy kicajki. Kupowało się je na straganach prywatnych i nie miały swoich marek. Tak mi się wydaje. Ja nie obgryzałam uszów, ale bardzo lubiłam wylizywać ten słodki i kolorowy cukier. Nie doczekałam się tez w mlodości czekoladowych produktów światecznych, tego nie mielim dopiero moje dzieciaki poczuły smak zachodu i barwy, bo one nie dość, że z czekolady to jeszcze opakowane bajecznie..
Siemianowicka "Hanka" by je produkowała, te z cukru baranki ? A nie od nich to pochodzą słynne slonskie bombony kopolnioki ? Ja od nich to najbardziej uwielbiam Michałki w czekoladzie.

Kiedy byłam jeszcze w szkole to nam zrobili wycieczkę do fabryki czekolady 'Wawel' i mogliśmy jeść ile wlezie ale na miejscu. Dużo się nie dało zjeść.
Teraz fajną reklame podają w tv slodyczy z Wawelu.
Brzmi ona tak:
Chlopaki z Katowic, a słodycze z Wawelu :)

[herbjelita]

rita100 napisała:

Chlopaki z Katowic, a słodycze z Wawelu :)

A skąd to proszę miały być te dziewczyny?

Za waszą i naszą wolność.

[rita100]

Berncik, Laband nie wsadził do tej pasty Hekle. Dlatego jest to bardzo prosta , łatwa i tania pasta. Dlatego wygrywa , bo jest prosta w swej prostocie.

Ale ja robię pastę bardziej skomplikowaną - bo gotuję torebkę ryżu, mieszam go z puszka tuńczyka w sosie własnym, dodaję groszku konserwowego abo kukurydzy, może być tez jajko gotowane, pieprz, sól i zalewam trzema łyżkami majonezu.
Palce lizać, fertyk

[szwager_z_laband]

Rita mogesz gosci zaskoczyc tak ze niyb ydom wiedzieli co jedzom!

uwarzysz ryz tak ze aze sie bydzie rozlatywou

potym go usttampfujesz i spresujesz

dosz go do jakegyjs formy aze bydzie zimny i potym pokroisz to maue kostki

take cos mogesz podawac do roztomaityc dan

fajne kostki i wiynkszosc ludzi niy bydzie wiedziec co to je;)

ps

ale najpszod poproboj z mauom ilosciom aze nabieresz wprawy!

[rita100]

Laband, na zimno to podawać. Ciekawy pomysł, bo często mi się ten ryż rozgotowuje.

[szwager_z_laband]

ja na zimno, ale to musi byc jednolito masa - niy moze byc zeby bouo poznac struktury ziornkow ryzu

ps

[szwager_z_laband]

to pasuje np do "garneli z patelnii" podac razym z jaoms zielonom sauatkom, ale ostrzegom jeszcze roz - to wymago cwiczyni

te kostki krej najlepiyj jakims "szablonym" - jo to robia takom kratkom z forymki do kostek lodu = musi fajnie rownolegue byc te kostki i wszyske rowne == wtedy to pozondnie sie prezyntuje

piyrszy roz joduech to na Langkawi i ani jo sie niy skap co jym, ani Czechy co siedzieli kole mie tysz sie niy kapli

mogesz roztomaite mustry stosowac

[rita100]

;))))) doskonała. Jeno , robiłam to błyskawicznie i niezbyt drobno pociachałam, ale drugom razem się bardziej postaram z tym ciapaniem w drobniutki mak.
Polecam super pasta a la Laband

[rita100]

szwager_z_laband napisał:

> ja na zimno, ale to musi byc jednolito masa - niy moze byc zeby bouo poznac str
> uktury ziornkow ryzu

Oczywiście, trzeba to drobniutko, najlepiej na maszynce zetrzeć jajeczka.
A wiesz, że dodałam troszeczkę naci pietruszki i tez dobry smak.

[szwager_z_laband]

idzie tysz dac sznitlauch (szczypiorek)

ciesza sie ze Ci smakuje:)

[rita100]

Tak też myślałam, ze można dodawać jakies wiosenne trawki.
Jak wyjdzie u mnie w ogrodzie lubczyk to też doda smaku.
Właśnie oglądałam w galerii Twoje surówki i napotkałam surówkę z czerwonej kapusty i śmietany. Trzeba bydzie powrócić do starych przepisów.

[szwager_z_laband]

cos ciekawego cch prawie wynaloz w necu a co mie tytli zrobic:)

Pasta z bakłażana i orzechów włoskich jest świetną propozycją dania na jesienne prywatki oraz lekką kolację.

Składniki
1 duży bakłażan;

1 szklanka orzechów włoskich;

2 łyżeczki startego świeżego imbiru;
2 ząbki czosnku;

1 łyżka oliwy z oliwek;

3 ziarenka ziela angielskiego; 

sól, pieprz do smaku.

Sposób przygotowania
Rozgrzej piekarnik do 200 stopni Celsjusza. Nakłuj bakłażana w kilku miejscach widelcem i piecz do miękkości, około 45 minut. Podczas gdy bakłażan będzie w piekarniku, posiekaj orzechy. Upieczonego bakłażana wyciągnij z piekarnika. Ściągnij skórkę, a następnie zmiel w maszynce do mięsa. Do masy dodaj imbir, oliwę z oliwek oraz ziele angielskie, sól i pieprz do smaku oraz orzechy. Przełóż do salaterki. Pastę można podawać z pieczywem pełnoziarnistym, chrupkim lub krakersami.
Ilość porcji: 8

[berncik]

Skond jo normalny czowiek mom wiedziec co to je bakłażan,dopiero jak zech se mojego kolegi spytou ,To mi pedziou to----------------------------------------------------------------------------
www.google.de/search?q=bak%C5%82a%C5%BCan&hl=de&prmd=imvnse&tbm=isch&tbo=u&source=univ&sa=X&ei=-nh8T4S5FK3a4QTk1bHxDA&sqi=2&ved=0CDoQsAQ&biw=958&bih=560

[szwager_z_laband]

inaczyj na to godo sie tysz oberzyna :)