Ślonzok - gorol - dwa bratanki

[broneknotgeld]

Dyć niy styknie piwa kanki
Jak se zlecom nom bratanki
Te co żyjom i duchami
Bydom przeca razym z nami.

[broneknotgeld]

Dyć to niy jest skiż podpuchy
I niy straszom mie tyż duchy.

Jakub Boehme

[broneknotgeld]

Jakub Boehme

Na misa cynowo z szewca ławy blikoł
Po cichu do Boga możno przi tym rzykoł
Miska z jedny strony nojpiyrw mu blyszczała
A potym ze inkszy światło łodbijała

Już wiy! - Już łobudzioł sie we niym Bog-czowiek
W kerym zło i dobro jakby po połowie
Może w tym przebiyrać - zoglondać we siebie
Łod niego zależy - w piekle jest czy w niebie

Wyloz ze swyj izbi - stanoł se na progu
I poczuł że jakby sie topioł we Bogu
Łogyń w niym buzuje a woda go gasi
Dusza sie do świata tym sposobym łasi

Świat Bogym jest przeca - a łon z tego świata
Łod sia trza Mu za to dać dobro zapłata
Być durś blisko Niego pociongnońć tyż inkszych
By Duch Świynty w ludziach stoł sie jeszcze wiynkszy

Dyć łostawioł szydło - piora prziszła pora
Natchniony napisoł ta bosko "Aurora"
Kero luterany pryndko potympiyli
Choć inksi do serca naprowdy sie wziyli

Już prawie przeklynty - z wyroku niymowa
We niebie swyj duszy wypszone kłod słowa
Na wieki nastympne sie łone wyryły
Wszachwieczny mu we tym dodowoł tyż siyły

Choć szewc pomarł w końcu - prochym jego ciało
Żyło i żyć bydzie co po niym łostało
Bo mocno już siedzi to we naszych duszach
Te słowo czowieka zowdy bydzie wzruszać

Za Jakubym Boehme ku światłu idymy
Choć ło niym niy wszyscy możno cosik wiymy
Bestoż joch sie szkryflać te rymy łodważoł
Ło ślonskim mistyku trocha tyż pomarzoł.

[broneknotgeld]

Filadelfia

Pensylwanii stolica jak i downych Stanow
Założono przez kwakrow - ducha swego panow
Niy siedzioł im w gowie znak złotego cielca
Ale Jakub Boehme z naszego Zgorzelca.

[broneknotgeld]

Pamiyńci Boehmego

Kim byłby Mickiewicz bez miszcza swojego?
A czym świat nasz byłby jakby brakło Jego?

Michael Willmann

[broneknotgeld]

Michael Willmann

Michael Willmann - malyrz baroku
Chcioł Rymbrantowi doczimać kroku
W Holandii talynt swoj wyszlifowoł
I z niego wiela Ślonskowi dowoł

Bo choć w Krolewcu łon sie urodzioł
Osiodł w Libionżu w klosztorze
Po naszyj ziymi przeca durś chodzioł
Wiedzioł że sztukom wspomoże

Wrocław i Nysa Milicz Legnica
Raciborz Strzegom piykno Świdnica
Znajom go wszyńdzie - i we Głogowie
No i chociożby we Otmuchowie

Byś łobroz jednak łoboczoł jego
Radza ci wlyźć do kościoła
Bo świyntych mocka jest pyndzla tego
Z ołtorzy tyż mogom wołać

Łostawioł nom tu piykno swo sztuka
A i nastympcow leko poszukać
Byłby ubogi region bez tego
Łon jest karlusym Ślonska naszego

[broneknotgeld]

Willmann

Zasłużoł sie na miano Ślonskego Rembrandta
W opactwie krzeszowskim wiela łon malowoł
I tyż dziynki niymu słynie ziymia sam ta
Bo tela talyntu Ślonskowi łoddowoł.

[broneknotgeld]

Szpas Willmana

Opat szukoł go łod rana
W knajpie - tam znoloz Willmanna
Coroz czyńści tak z nim było
Kiepsko jednak sie skończyło
Bo na klucz go zamykali
By co zaczoł kończył dali
No i fajrant - freski piykne
Trza to łobloć - mynki styknie
A tu opat zaś pieroni
Michaela z kijym goni
Na karczmarza piyrwyj blikoł
Co rodzinie świyntyj fikoł
Że ich niy chcioł przenocować
W stajni sie musieli schować
Stond tyn raban. Wrzeszczy - grzych!
A tu wszyscy inksi w śmiych
Karczmarz - Willmann jako żywy
To szpas jego jest prawdziwy.

Ślonzok - gorol - dwa bratanki

[hanys_hans]

Na nosz plac wkludziyua sie jedna familijo ze W-wy.
Mieli mauego synka ze kerym zodyn na placu sie niy chciou bawic.
Durch soom uaziou blank markotny, aze sie go rous dziecioom zol zrobiyuo
i pedzieli "od dzisiej mogesz sie sam snami bawic´" Synek jak to usuyszou
chciou sie zaros mamie pochwolic´. Leci do doom i rycy "mamo, mamo,...
" Mama mu niy daua dalyj godac´ ino pedziaua "niy widzisz ze gotuje,
nie mam czasu , idz´ do taty ". Synek leci do fatra i rycy " tato,
tato, ...!"A tata: "Nie widzisz ze czytam gazete , idz´ do mamy ".
Synek ino stanoou, pokrynciou gowoom i pado "Pieroona!
Piyn´c´ minut zech je Hanysym, a jusz sie
z Gorolami dogodac´ niy poradza!"

Arcybiskup Arnost

[broneknotgeld]

Arcybiskup Arnost

Syn kasztelana na kłodzkim zamku
Wele Pardubic rodzony
Fater mu pedzioł - Ty mody panku
Dobrze mosz być wykształcony

U joannitow w tutejszy szkole
Leciała nojpiyrw nauka
Dyć przeca jeszcze jako pachole
Do Boga chcioł drogi szukać

Bo jak roz rzykoł w kłodzkim kościele
Wejrzoł na Marii figura
To medytować dała mu wiele
Łoczy wlepiyła do mura

Studiowoł prawo w Padwie Bolonii
Zostoł biskupym we Pradze
Myśl ło Maryji kajsik go goni
Jom zowdy mo na uwadze

Przez cołke życie Kłodzko mioł w zocy
Tu augustianow sprowadzioł
Arcybiskupym - z całyj swyj mocy
Co dobre w ziymia ta wsadzioł

Dyć prawie już go Watykan wołoł
By siednoł na jego tronie
Do sia go jednak som Bog prziwołoł
Życio wyznaczoł mu koniec

Łostatnio wola spełniyli jego
W Kłodzku go pochowoli
Zaś tu Maryja paczy na niego
Czy zocny żywot pochwoli?

Som Arnost wiedzioł jak ze tym bydzie
Że za swo pycha zapłaci
Figura jego skruszonom bydzie
A gymba rysy zatraci

To co jest boske i co czowieka
Chyba sie tu powadziyło
A jednak zgoda wlazła w ta eka
Bo dali już lepiyj było

Jak ze okładym sto lot minyło
Z grobu Arnosta naszego
Cudnym balsamym mocno gichnyło
Koniec pokuty był jego

Dzisioj już szło by do świyntych grona
Arcybiskupa postawić
Maryja - możno sprawi to Łona
My sie mogymy tyż wstawić.

Ślonzok - gorol - dwa bratanki

[hanys_hans]

Rous szua ooma ze bajtlym we parku
i narous tyn mauy doo niyj godo: Ooua! wejzij - ptok!
Prawie pszeuazioou tam jedyn chop i godo do synka:
- Nie mówi sie p t o k tylko p t a k.
A tyn synek do ooumy:
- Oouma! obejz - Gorol!

[hanys_hans]

Francek zaprosiyu rous jednego gorola
do doom na kolacjo. Gorol psziszou szykownie oblecony
w ancugu ino jakos´ tak trocha go czuc´ byuo na gnoj.
To Francek mu godo: - zanim sie siednymy do jedzynio,
to tam je uaziynka idz´ sie okoompej. Zakludzioou go,
pokozou mu kaj je wanna kaj ryncznik. Francek siedzi
i czeko, czeko, czeko - nic. Narous gorol cojs´ ryczy.
Francik otwiyro dz´wiyrza od uaziynki, wuazi a tyn
tam stoi i czimie ta wanna w rynkach i blank
czerwoony godo: - Te , kaj ci to wyloc´?!!!

[hanys_hans]

- Wybaczy pan , jestem z Sosnowca, czy to kopalnia "Kleofas" ?
- Wyboczoom woom - pado goornik i poszou dalyj.

[hanys_hans]

Rous we drogeryji stojoom we kolejce
dwa chopy i jedyn godo do drugigo:
- Pszeproszom piyknie, Pan tysz Polak?
- Niy jo po gruntfarba!!!

[broneknotgeld]

Niymiec na Ślonsku gorolym przeca
Niym z krzoka wyrosnoł pniokym
Czy byś go wyciep ze tego neca?
Chcesz dali iść takim krokym?

[annak12]

Ślonzok -gorol-dwa bratanki
od kieliszka ,i od szklanki
potym sie zaczynoł chryja
i niemałoł komedyja

[hanys_hans]

Pszijechou S´loonzok do Warszawy, stoji pod
pauacym kultury i niwie co to jest za doom i pyto se poloka
co to za doom, polok usuyszou s´loonski akcent i godo:
To doom warijatoow do S´loonzokoow. A uoon nato:
- Jo to zaros wiedziou pieroonie!
Bo do goroli byuu by za zamauy!

[hanys_hans]

Wladek pisze do uojcoow listek:
Jestem na S´loonsku jusz 2 Tygodnie,
jest tu uadnie i praca mi sie podoba. Tylko jezyk dziwny,
wszystko zaczyna sie na "G" Na kopalnie mówia
"Gruba" na wypuate "Geldtag" a na mnie,
choc´ nazywam sie Wladek mówia Gorol!

[ballest]

Jou znom Slonzokow, co se zwali na nazwisko Gorol, miyszkali w Ciochowicach,
moze jeszcze tam mieszkajom!;)))'
ak richtig pedziec to my z Gorolami nigdy problemow nie mieli, Tylko ze
Wszechpolokoma!

[hanys_hans]

A jo robiyuna grubie z jednym gorolym co mu wszyscy Hanys godali bo miou na imie
Janek

Hans Lukaschek

[broneknotgeld]

Ze Hindynburga

Ze Hindynburga wspomnioł żech chopa
Z kerym i Polska miała utropa
Niy groł na nosie mu żodyn Laszek
Łon sie nazywoł Hanys Lukaschek

Dyć był to Ślonzok i Niymiec wielki
Co dlo ideji ściyrpioł trud wszelki
Szczimoł Gestapo Sowietow szczimoł
Adenauera tyż teka czimoł

A burgemajstrym był w Zobrzu przeca
Jak go wygnali z polskego neca
Niy trza już dzisioj ciepać nań berga
Jak łon kamratym był Stauffenberga.

Joseph von Eichendorff

[broneknotgeld]

Joseph von Eichendorff

Znom go ze notgeldow gornoślonski szteli
Kere w Raciborzu Sejmik nom wydowoł
Kaj mogiła jego? "W Nysie" - łodpedzieli
Możno Ślonsk tam kedyś bydzie pielgrzimowoł.

[broneknotgeld]

"Pan na Łubowicach"

Trza w Eichendorffa strofy sie wsuchać
Bo w nich tyn region ciyngym nom śpiywo
Muzyka z wierszym włazi do ucha
I siyngo duszy - to niych niy dziwo

Dyć nasze lasy przeca w niyj szumiom
Woda se plusko tyż we strumykach
Ślonzek - terozki to wyrozumiom
Toć kokot ło tym pioł ze kurnika.

[szwager_z_laband]

Bronek dyc to bou Wynger i Polok :)

[broneknotgeld]

Godosz Madziar?
No ja gorol Korwin tyż Ślonsk czimoł.

[szwager_z_laband]

to fakt, ale ino blank krotko! :))

[broneknotgeld]

To możno terozki cosik ło gorolu Borsigu.

August Borsig

[broneknotgeld]

August Borsig

W samym Berlinie ciuchcie budowoł
Przijechoł do nos po glajzach
Ślonskego wonglo łon potrzebowoł
Werciyła mu sie ta rajza

Znoloz go przeca we Biskupicach
Już mioł co w ciuchcie folować
Choć życio zgasła mu potym świyca
Syn zaczoł łostro fedrować

Słynyła w Zabrzu przeca "Jadwiga"
Kedyś tyż "Pstrowskim" nazwano
A zaczło sie to skuli Borsiga
Trza nom pamiyntać to miano.

[broneknotgeld]

Borsig w Biskupicach

Przikuloł sie cugym aże ze Berlina
Spodobała mu sie Biskupic dziedzina
Po prowdzie to jednak wongel go tu ciongnoł
Kery do roboty w swojich ciuchciach wprzongnoł

Szachty jego grubow pryndko tu stanyły
Niy yno "Jadwigi" tyż "Ludwika" były
Świtoł mu we gowie plan pieronym wielki
I tukej postawioł inksze swoje werki

Wielke piece kuźnia stalownia walcownia
Pryndko tyż dołożoł do tego gazownia
Piykny pałac tukej dlo siebie postawioł
Bo we Biskupicach wiyncyj czasy bawioł

Zaś dlo robotnikow stowioł familoki
By blisko tych werkow miyszkali boroki
Z czasym wszysko razym "Borsigwerkym" zwano
Przilgło do Biskupic na amyn to miano.

Piotr Brandl

[broneknotgeld]

Piotr Brandl

Ze Czech łon pochodzioł - w Krzeszowie malowoł
Dyć wiela z Willmanna we duszy swyj chowoł
Jak jego poprzednik tyż lubioł popijać
By potym se pyndzlym na płotnie uwijać

Za długi łon piyrwyj we Hradcu se siedzioł
Aż opat cystersow sie ło nim dowiedzioł
Wyciongnoł go z pierdla bo kaucjo zapłacioł
I jego robota w Krzeszowie łopłacioł

Mioł wrocić do Hradca jak fajrant był tukej
Dyć pitnoł i potym na prożno go szukej
To jednak tyż wiymy że pomarł w przitułku
Jo dowom mu miejsce w "Ludzi Ślonska" kółku.

Deisy off Pless

[broneknotgeld]

Daisy off Pless

Stokrotkom jom zwała we Anglii rodzina
Gyńsipympka witała radośnie zaś Pszczyna
Choć ślubno Hochberga - modo frelka przeca
Jak jom przigruchali do ślonskego neca

Wszyskich łona tukej sobom zochwyciyła
Godali co Daisy nojgryfniejszo była
Wiela sie we Niymcach na nia dziwowali
Dyć jeji uroda słynyła tyż dali

Sercym litościwym wspiyrała Ślonzokow
Znała ciynżki żywot przeca tych borokow
Co we grubach werkach musieli harować
A łona im łod sia chciała coś darować

Po prowdzie niy cołkym tyż była szczyńśliwo
Na pruske zwyczaje blikała coś krziwo
Niyszczyńścia rodzinne w nia mocno piznyły
Bo w dwudziestym wieku ciynżke czasy były

Jak we drugi wojnie eksmisjo dostała
Z Ksionża do Wałbrzycha przeniyść sie musiała
Pryndko tam pomarła - grob jeji ukryty
Pamiyńć trza zachować tyj zocny kobiyty.

[broneknotgeld]

Daisy

Gyńsipympek z Anglii rodym
Niy przimiyroł u nos głodym
Pamiyńć jednak nom została
I wspomniynie jeji ciała
We tyj naszy ślonski Pszczynie
Jak i w Ksionżu - jyj dziedzinie.

[szwager_z_laband]

Karwat kedys szkryfnou taki buch "Jak Hanys z gorolym)

ps

nawt tam bouo o moim onklu ze chorzowa :)

[broneknotgeld]

An, czytołch, choć niy wszysko już pamiyntom.

Paweł Cyganek

[broneknotgeld]

Paweł Cyganek

Karlus ze Nowy Wsi - ja w ty naszy Rudzie
Rok przed piyrszom wojnom tukej sie urodzioł
Zawołać go yno - Paulek kopać pódzie
Na tryning do "Wawla" nojlepi by chodzioł

Już we miyndzywojniu robi se kariera
Bez bala łon przeca nawet żyć niy może
Dyć "Wawel" go sprzedoł - ło jasno cholera
Poszoł do Chrzanowa ze słowym: "Szczyńść Boże"

Tuż przed drugom wojnom gwiozda jego blysła
W meczu Polska - Wyngry fuzbaler był piyrszy
Ale zło godzina na to wszysko prziszła
No bo taki jedyn chcioł być ciyngym wyrszy

Nojpiyrw "Wawel"-Wirek, "Fablok"-Chrzanów potym
Z tych klubow go dzisioj możno pamiyntajom
Przeszło łoziymdziesiont lot nosioł galoty
Pomarł w Rudzie Ślonski. Czy w zocy go majom?

[szwager_z_laband]

mosz jakis link o nim?

[broneknotgeld]

Niy, cosik żech kedyś czytoł we gazecie i tako przerobioł na rymowanka.

[szwager_z_laband]

jutro se to wysznupia, bo dzisiej niyma wiela czasu :))

Ks. Ludwik Tunkel

[broneknotgeld]

ks. Ludwik Tunkel

Farorz z Kochlowic ze kelniom w rynce
Znoloz se miejsce w tyj ślonski mynce
To co zbudowoł dzisioj nos cieszy
A kto go wygnoł pierońsko zgrzeszył
Na Dolnym Ślonsku jego mogiła
Choć do Gornego dusza mu wyła
Biskupym prawie byłby tu przeca
Dyć niy pasowoł do Polski neca.

[broneknotgeld]

Swojom drogom, to richtig ciekawo postać.
Mom kochłowicke notgeldy wydowane przez parafio ze jego handszriftym.
Werciyłoby przipomnieć ta postać we moji Rudzie, tako ze "krwi i kości", bez
niydomowiyń. Mo już we mojim mieście swoja droga, dyć pogodać u nos ło niym
jakosik niy idzie.
Idzie cosik ło niym znojść we niymieckim Internecie?

[broneknotgeld]

Ja, już we samy moji rymowance może być feler.
Idzie ło miejsce pochowku. Kedyś we gazecie szkryfli, że na Dolnym, a łostatnio
doczytołch se, że jednak na Gornym Ślonsku.

ŚLONZOKI I GOROLE

[hanys_hans]

ŚLONZOKI I GOROLE
(Przypowieść o dobrym Gorolu)

Opowieść trza napoczynać:
W imię Ojca, Ducha, Syna!
Bydzie ona o Ślonzoku,
Co jeszcze łońskiego roku,
Wszystkim godoł naokoło,
Że na śląsku nie wesoło
Narobiyło się od czasu,
Jak Gorole przyszli z lasu.
Z cołki Polski sie zjechali
I nom tu nawyrobiali.
Chop tyn, kery tak przezywoł,
August Kula sie nazywoł.
Kludzioł tyz swe narzykanie
Na te gorolskie godanie,
Że po śląsku sie mądrują,
Śląski godki niy szanują,
Że są za inteligentni
I Ślonzokom fest niychyntni.
Godoł tyz że tak od niego
Byłoby coś zależnego,
To Gorole by jechali
Tam kaj downi se mieszkali!
Roz na wiosna, praje w maju,
Kedy ptoszki juz spiywają,
Poszoł August w ponć, do Piekor,
A to niy ma fest daleko.
Bo tradycjo Śląsko koże,
Do Piekor, do Matki Bożej
Iść roz na rok i porzykać,
Za siebie, za fest grzysznika.
August tam oprócz rzykania
Wysuchoł msze i kozania,
A potym jak juz do dom szoł
To przygoda fest szpetno mioł.
Dwa chachary go chyciyły,
Po gymbie mu nawaliły
Potym nowo tasza wziyli
A zbitego zostawili.
Przy piekarski leży drodze
August Kula zbity srodze.
I ratunku nawołuje.
Możno kto sie ulituje.
Łoroz parafiony idą,
Możno do mie dobrzy bydą?
Wszyjscy różaniec rzykają
I do Augusta godają:
Po cos chopie na pielgrzymka,
Wzion ze soba piwa krzinka
I naprany teraz leżysz.
Czy w Ponboczka aby wierzysz?
August fest był załomany.
Przeca wcake nie naprany.
Ale możno mu pomorze,
Chop co jedzie na motorze?
Dobry! Jada pograć w szkata
I po drodze wezna brata.
Możno inny ci pomoże?
No to trzimej sie Szczynść Boże.
Potym chop jechoł na kole.
Pieronie! Musi cie boleć!
Pogapioł sie pożałowoł
I dalij popyndalowoł.
Aż wreszcie przejeżdzoł Gorol,
Stanoł swym wolkswagyn polo
I Augusta pobitego
Wsadził do auta swojego.
Potym zawioz do szpitala
Som na rynkach wniosł na sala
I doł siostrze dziesięć złotych
By mu sok kupiła potym.


Morał z tego taki płynie,
że Ślonzoki i Gorole
Moga byc czasami święci
Ale mogą byc tyz świnie!
Po co więc uogólnienia
Po co zatem te podziały,
Skoro to w codziennym życiu,
Bywa z nich pożytek mały."


www.adalbertus.katowice.opoka.org.pl/goro.htm

[broneknotgeld]

Przido sie i taki link
serwisy.gazeta.pl/kultura/1,34169,3029757.html
Choćby nawet ktosik pynk.

[ballest]

Przed II Wojna Swiatowa nie bylo nigdy wojny miedzy Niemcami a Polakami.
Tez nigdy Polska poprzez wojne z Niemcami tkzw.Ziem Odzyskanych nie stracila,
dlatego stosunki przez wieki byly wspaniale i wlasciwie ze strony niemieckiej
nigdy zadnych animozji nie bylo.
Byly, ale ze strony polskiej, Kadlubek, Dlugosz sa tego najlepszym dowodem,
byly polski Sejm takze.

"Niemal nieznaną Polakom i Niemcom, ale jakże ważną postacią polsko-
niemieckiego porozumienia, a zwłaszcza zrozumienia jest Julius Roger (1819-65).
To taki doktor Judym Górnego Śląska, lekarz zajmujący się najbiedniejszą
warstwą społeczną w tamtym regionie. Był też jednym z pierwszych
intelektualistów niemieckich, którzy dostrzegli i zrozumieli tożsamość
europejską - 150 lat temu było to pojęcie nieznane, a jeżeli już, to zwalczane
jako antynarodowe, w epoce rozkwitu nacjonalizmów, fanaberia, albo i coś
gorszego."

No tego nie rozumiem ten jest na Slasku najbardziej znany!

[broneknotgeld]

Idzie Ci ło tego Rogera?
-Jo go niy znom.