ida juzajs

[ramon6]

Hallo dokupy!

Najsom pirw musza Szwagrowi s Laband za ksonszki kere mi pszisuou
podziynkowac.
Szkoda jyny, ze niymom za wiela czasu na nie. Dziynki!

Nareszcie trocha urlopu!
I bestosz poradza juzajs dali wandrowac po WDE ( Weg der Deutschen Einheit).
Na podzim we uonskym roku skonczou zech moja wyndrowka pod Rhein-Weser-Turm i
tamsamym doszou zech do Rothaarsteigu, kery sie congnie bes kole 150 km uod
na pouednie kole Siegen asz do uokolic pszi Brilon.
Pszecinou tyn gorski pas s pouedniowego-zachodu na pounocny wschod Westfalija.

Rothaargebirge som granicom we s roznego punktu widzynia.
Po jednymu, bo som tak zwanom Wasserscheide – majom tukej ruzne stormy sfoje
zrodla.
Na zachod zapoczynajom sie tukej Ruhr, Lenne i Sieg a na wschod uospoczynajom
sie tukej Wder, Ohm I Lahn, no I jeszcze wiela, wiela manszych stromykow.

Po druge je tukej granica pomiyndzy Westfaliom i Hessiom, co sie zarouski po
zabudowaniach I po struktorze wsie widzi. Po jedny stronie wielki
westfalijske gospodarstwa, apo drugi mauo gospodouze s mauymi polami I
jeszcze manszymi maszynami rolniczymi.

Po czecie je tyn pass gorski I granicom religijnom, bo na polnocny zachod uod
Rothaargebirge bouo kejsik wszystko katolicke I nalerauo pod biskupa s Köln
juzajs na poudniowy – wschod bouo wszysko wynielicke i zwiy sie
Wittgensteiner Land.

Ta uostatniou granica (religijnou) boua do I WS mozno bazi zawartou jak
kejsik ta pomiyndzy DDR/BRD choc tam nikaj potow abo wojoukow niy bouo.

Ida tak po leku (ca. 20 km/dziyn) uod zachodu na wschod.
Zacznou zech teroski pszi Rhein – Weser Turm kole Kirchhundem i skonczou
piyrszy etap we Jagthaus powyzi Fleckenberg.
Na drugi dziyn szou zech s Jagthaus do Langewiese kole Astenbergu –
nojwyszszyj gorze we Nordrhein – Westfalen (845 m npm)
S Lange wise juzajs 23 km na wschod asz do Mendelen, kaj zech poradziou sie
dowiedziec uod jednego Busfahrera coukou gyszichta tego regiony na uokouo
Winterbergu.

Dali s mendelen asz do Frankenau we Hessen I tukej zech naraze skonczou, bo
je bardzo ciynszko bes jeszcze niy pospszontane lasy pszelyjsc.
Blank mie zdziwiouo jakou wielkou je roznica pomiyndzy zachodniom czynsciom
Rothaargebirge a wschodniom. Zabudowanie, Klimat, Ludzie, Rolnictwo wszystko
je inaksze jak we Rheinlandzie a jednak zech je dopiero jakes 150 km uod Köln
weg.

Jest zech bardzo ciekaw jake niyspodzianki na mie dali czekajom.
Nastympny etap to zaczynou sie we Frankenau i prowadzi do Bad Wildungen a
potym dali
Jak daleko nogi poniesom.

[sloneczko1]

no to wygodnych szczewikow Ci życza
w tyj rajzy,
i żebyś jak najdali doszoł:)

[ramon6]

hallo Sloneczko,

do Görliz mom jusz jyno 27 etapow, a szczewiki som bardzo wygodne bo do dzisej
jeszcze ani jedny blazy niy mom;)

[sloneczko1]

hej Ramon,ciesza sie,że mogesz radować sie ze swojego hobby;)
-----
znom chopa co pisze historia Poniszowic,dej znać Twojyj rodzinie jakbyś jom
chcioł kiedyś kupić abo pomoc w uzupełnianiu historii,to mo być historia
Poniszowic i chyba Pławniowic,chcioł tysz cos dać o Łaskarzowce,ale jak na
razie niy mo konkretnych danych:(

[ramon6]

Sloneczko, jou je bardzo zainteresowany tam historijom Poniszowic i napewno
jeszcze poura znajomych.

[ballest]

Ramon, podziwiom Cie bardzo, nie yno za to, ze Ci se tak uazic chce, ale za to,
ze nisz tam idziesz se historiom ty miejscowosci interesujesz.
Wlasciwie jou tysz zawsze nisz kaj jadam, to czytom na temat tych okolic kaj
jadam.

Suoneczko, tyn co ta historia Poniszowic pisze, jest to tyn chop z Rudna
Wielkiego, co tera w Rudnie Malym mieszkou?

[sloneczko1]

ja,to tyn som co napisoł o Rudnie i Rudziyńcu,

[ramon6]

ballest napisał:

> Ramon, podziwiom Cie bardzo, nie yno za to, ze Ci se tak uazic chce, ale za
to,
>
> ze nisz tam idziesz se historiom ty miejscowosci interesujesz.

Hallo Ballest,
tak blank to to tak niy je, ale zanim zaczynom juzajs nowy etap planowac, to
musza s mapy uod tych gmin bes kere ida skombinowac.
A nojlepi je idzie dostac we Kulturamcie. A jak uoni widzom ze sie ich okolicom
interesujesz to cia zaroski broszuroma zawalom;)

Ale czytac to je jedne a widziec okolica, s ludzmi pogoudac, poczuc luft je
juzajs blank cojsik inkszego.

uostatnio zech slyszou fajny spruch, kery tukej dobrze pasuje:
"Nicht der Weg ist das Schwere, sondern das Schwere ist der Weg"

w tym synsie ciynszkego dnia;)

[ballest]

Ramon, fajne jest te motto, ale przetumacz to na slonski;)

[annak12]

"Ida tak po leku (ca. 20 km/dziyn) uod zachodu na wschod."

Ramon,mosz niezłoł kondycja,pozazdrościć.Szkoda,że niy bliżi,bych se przyłonczoła:))
Powodzenia,odpowiedniej pogody

[ballest]

Anna, uot Anny (Krakowianki) rodzice, czyli od mojego syna tesciowie, bydom w
tym roku Jacobsweg szli, czyli drogom Sw.Jakuba.
Pudom ze Francji, przez Pireneje dp santiago de Compostela, to je chyba 800 km.

[annak12]

hehehe,samym przejściem tej drogi, do nieba se nie dostaną:)))

[ballest]

ale bydom blizy nieba;)

Zona czytou prawie ksionszka na tyn tymat od Happe Kerkelinga;)

[ramon6]

annak12 napisała:

> "Ida tak po leku (ca. 20 km/dziyn) uod zachodu na wschod."
>
> Ramon,mosz niezłoł kondycja,pozazdrościć.Szkoda,że niy bliżi,bych se
przyłonczo
> ła:))
> Powodzenia,odpowiedniej pogody
Dziynki za zyczynia Anko.
mozno jak jusz bynda we okolicy Glywic to Ci dom znac;)

A mom tak i tak zamiar tukej we niyrownych uodstympach take krotke opisy etapow
tukej wciepnonc.

[szwager_z_laband]

prawiech o cia myslou, bo jedna znajomo poszua na tydziyn na jakubowo cesta:)

[ramon6]

szwager_z_laband napisał:

> prawiech o cia myslou, bo jedna znajomo poszua na tydziyn na jakubowo cesta:)
Serwus Szwager,
je mi trocha ganba ze dopiyro terouski poradza Ci za te ksonszki podziynkowac,
ale jakojs niy miou zech uokazyje.

Jou niewia jak dugo moga je zaczimac, bo jak narajze to je zech s czasym trocha
knap i to sie ciesza ze moga trocha po tych Niymcach pouajzic.

Tysz zech sie jusz nad tym zastanowiou, ely niy isc do Santiago, ale jak to
widza to tam musi byc jusz wielkou cizba, besto ida na uopa pod stromm na
wschod.
Mozno mi sie kejsik udou na Annaberg dojsc?

[ballest]

Ramon,tera to je richtig moda z tym Jakubowym wegiem, a ze tam musi byc cizba to
mosz recht!

[szwager_z_laband]

muszymy za te ksionzki wsszyske Ricie ino dziynkowac:)

[sloneczko1]

Ramon--to bydzie ksionżka yno o Poniszowicach i jakbyś chcioł coś dodać abo
pogodać z tyn człowiekiym to napisza Ci jego nomer telefoniczny;)