hanys_hans
21.09.08, 10:23
W Afryce miyszko Bambo, Murzinek,
Blank czorny, mały, lukaty synek.
Czorno mo matka, łojca czornego,
Ujka i ciotka, dziadka.. -kożdego.
Mo piykno chałpa. By joom zbudować,
Trza mieć patyki, deski i trowa.
Bo przeca lepszyj chałpy niy trzeba,
Jak sie rok cały hic leje z nieba.
Bestooż to sagie soom Afrykoony
I mało kery je łobleczoony.
Bestooż fest dużo se uszporujoom,
Bo czopek, mantli..., nic niy kupujoom.
Bambo Murzinek, to moondry synek
I niy mo w szkole samych jedynek.
Bo sie moondrości wkłodo do gowy
W swyj afrykoński szkole ze trowy.
W szkole tyj niy ma ławek, tablicy
I gimnastyczny sali - by ćwiczyć.
Tam wszyscy afrykońscy szkolorze
Majoom sie od nos troszyczka gorzyj,
Bo brak im heftoow, taszy z ksioonżkami,
Bestooż po piosku piszoom palcami.
Lecz skuli tego tyż fajnie majoom,
Bo im nic do doom niy zadowajoom!
Jak już Murzinki w szkole głood majoom
To przerwa robioom i se śniodajoom.
Ale niy majoom tasz ze sznitami,
Ani sklepiku ze kołoczkami.
Głodny Murzinek se w las zaleci,
By se na drzewie fest pomaszkiecić.
Może se urwać figi, daktyle
Lub po banany na drzewo wylyźć.
A jak go suszy, to zamiast Coli
Na fest sie wielgo palma gramoli,
Kaj sie napije bardzo zdrowego,
Mlyczka z łorzecha kokosowego.
My tu na Śloonsku, czy tam daleko,
Za sioodmoom gooroom, za sioodmoom rzykoom...
Miyszkajoom ludzie- kożdy w swym doomu
I to niy wadzi przeca nikoomu,
Że jedyn jy kołocz a inny daktyla.
Porozmyślej o tym chocby przes chwila!
