Jynzyk Slonski w Fuzbalu

[ballest]

Piłkarski słowniczek gwary śląskiej
oprac. pp 2009-01-06, ostatnia aktualizacja 2009-01-06 21:04:11.0

fusbal - piłka nożna

elwer - rzut karny

szpilplac - boisko piłkarskie

tor - bramka na boisku, gol

bal - piłka

aus - aut

Jest ich ale duzo wiyncy jak Centra, Abszlag, Uliczka, Presser, Stoper,
Flanka, Ajnwurf, Lata, itd.
miasta.gazeta.pl/katowice/1,35019,6128922,Pilkarski_slowniczek_gwary_slaskiej.html

[rita100]

A dla kobiet serial brazylijski w gwarze ;)

No to piyknie tero mocie. Godka cało gymbo bez tylewizor.

[szwager_z_laband]

ciekawe kedy o naszym forum tam bydzie(?)

;)

[ballest]

wszystkie ausdruki znom,
kepka to je gowka, a kula to my na skorzanny bal godali.

[hanys_hans]

forum-strzelce.dlf.interia.pl/spiywki/kulali_bala.mp3

[hanys_hans]

Halili, Halili x4

Z szychty wyjechali,
szli do bady hali,
w drodze rozprawiali
na co mają smak.

Naplompali bala,
bala naplompali,
szpila se zagrali
i śpiewali tak:

Ło kule, kule
na mole kule x2

Po szpilu po szpilu
nie wiadomo wilu
łobalili halba
i kulali bal

Ło kule, kule
na mole kule x2

Łobalili halba
halba łobalili
Łobalili halba
I kulali bal x2

La plapla
La plapla

[hanys_hans]

swiony.atbig.pl/viewtopic.php?f=81&t=7671&start=0&st=0&sk=t&sd=a
Historia fusbalu na Ślonsku
Na Górnym Śląsku na piłka godo sie abo kula, abo z niemiecka bal i stond
popularna nazwa fusbal. I właśnie historii regionalnego fusbalu poświęcymy nasze
łosprowki. Istniejonce dotychczasowe opracowania bardzo czynsto pomijajom
okresy, kedy Górny Śląsk, lub jego znaczne obszary nie były w granicach
Rzeczypospolitej, co znacznie zubożo rozumienie rzeczy. Ale na som poczontek
siyngnymy do korzyni.

Nikerzy poczontków powstanio dzisiejszego fusbalu doszukujom sie w prymitywnych
grach z piłkami u ludów starożytnych. Nojstarsze wiadomości o grze w piłka
pochodzom ze starych kronik chińskich, ok. V w. p.n.e. W owym czasie, wojoki
ówczesnego cesarza grali w bala, a zajyncie to było elemyntym ćwiczeń
wojskowych. Znali już wtedy kilka odmian gry. Najwiynkszom popularnościom
cieszyły się gry o nazwach: epyskyros i harpaston. Obie przypominały niyco
dzisiejsze rugby.

Zachowały się do dzisioj liczne rysunki, rzeźby lub reliefy przedstawiajonce
fragmenty starożytnych gier z piłkami. Piłka w Grecji nie była ino zabawom,
czynsto lykarze w receptach zalecali swym pacjentom gra w piłka. Wielkimi
zwolennikami starożytny piłki byli wodzowie i filozofowie greccy. Rzymianie
przejonwszy łod Grekow wiele elementow życia kulturalnego, nauki i sztuki,
wzorowali się na wychowaniu fizycznym plemion helleńskich. Jeśli chodzi o piłka,
to Rzymianie polubiyli najbardzi harpaston, a uprawiali go przede wszystkim w
wojsku. Roztomajte formy gier z piłkami znane Grekom i Rzymianom, przeniknyły w
średniowieczu do Anglii i Francyji.

Anglię w VIII-IX wieku wielokrotnie najeżdżali Duńczyki i opanowali łoni jej
czyńść. Nikaj niy przaje się najeźdźcom. Nic wiync dziwnego, że miejscowe
chłopi, kerzy trefiyli w polu czaszka poległego wroga, zaczynli jom kopać.
Zrodziył sie ludowy obrzynd. Wkrotce czaszka zastompiono krowim pyncherzem. Gra
gibko się rozprzestrzeniyła. W bala grano na ulicach, placach miejskich, bez
żodnych ograniczyń i przepisow. W czasie gry dochodziło do licznych wypadkow,
zraniyń, a nawet kalyctwa i śmierci. Rozgrywano tyż mecze pomiyndzy
sonsiadującymi wsiami, miasteczkami. Szło ło to, aby piłka umieszczono w połowie
drogi przeciepnońć na strona przeciwnika. Potem wprowadzono pola ograniczone, co
dało poczontek boiskom. W XIV wieku Angliki nazwali gra w piłkę football. Pynd
do ty gry był tak wielki, że król Henryk II specyjalnym edyktym zabronioł gry,
bo odrywała łona pospólstwo łod bardzi potrzebnego państwu strzelanio z łuku.
Zakaz ten trwoł ponad 400 lot. Nie wszyndzie go przestrzegano.

Francuzy z zapałem grali w bala o nazwie soule. Gra polegała na przeniesieniu
kuli w umówione miejsce podczas bezpardonowy walki, nieograniczony żodnymi
przepisami.

We Włochach dużom popularnościom cieszyła się gra o nazwie calcio, ujynto
zresztom już w pewne prymitywne przepisy. Plac gry podzielony był na połowy, na
każdy z nich znajdowały sie bramki utworzone z namiotów. W grze brała już udział
okryślona liczba uczestników (27 z każdy drużyny), podzielonych na pewne
formacje. Ta włoska odmiana piłki przenikała do Polski wroz z licznymi artystami
i dworem królowy Bony

Przez kilka wieków na europejski prowincji z pokolenia na pokolenie przekazywano
przepisy, ogólne zasady, odbywały się piłkarskie misteria. Rozwój piłkarstwa
poszedł w dwóch kierunkach. Jedyn dopuszczoł używanie ronk - powstało rugby.
Drugi nakazywał posługiwanie się wyłoncznie nogami - narodziyła się piłka nożno

Kedy w 1825 r. w Anglii powstała pierwszo drużyna fusbala, ówczesne przepisy
zezwolały na granie, czym popadnie, nawet rękami. Ale już 32 lata późni - w 1857
r. - zostoł założony pierwszy w świecie klub fusbalerow: Sheffield Club. Pora
lot późni, w 1863 r., powstoł The Football Association - Angielski Związek Piłki
Nożnej. Zaczynto tyż ustalać przepisy i organizować zawody o puchar i
mistrzostwo ligi, a nawet rozgrywać mecze międzypaństwowe. W 1870 r. w Anglii
doliczono się 41 klubów, a w dwa lata późni rozegrano pierwszo edycjo o Puchar
Anglii (FA CUP).
Za przykładem Albionu fusbal szybko zyskoł popularność niemal w cały Europie.
Powstały kluby piłkarskie na kontynencie, w tym i na Śląsku, kaj 6 sierpnia 1872
r. we Wrocławiu kanadyjski student Uniwersytetu Wrocławskiego Tom Dutton założył
ferajno, kero kopała bal przy Altesturnverain i była to piyrwsza drużyna
piłkarsko na Śląsku. Była to oczywiście drużyna niemiecko, poniyważ Śląsk w owym
czasie boł częścią państwa pruskiego. Drużyna ta organizowała pokazy gry w bala
w innych miastach. Kroniki odnotowały taki pokaz w 1896 r. w Raciborzu podczas
świynta gimnastycznego.

Tymczasem w Anglii w 1889 r. przeprowadzono piyrwsze rozgrywki, kere wyłoniyły
mistrza kraju. Pierwszym majstrym Anglii została drużyna Preston North End,
zapewniajonc sobie tym samym poczesne miejsce w historii fusbalu. Korona króla
strzelców przypadła zawodnikowi tego klubu John Goodallowi, kery strzeloł 21 torow.

W rok późni fusbalery Preston powtórzyli tyn wyczyn, by w nastympnych latach
uznać wyższość takich tuzow, jak Aston Villa i Sunderland Afc, kere to kluby
zdobyły w piyrwszych 11 latach rozgrywek odpowiednio piynć i trzy tytuły majstra

Na ziymiach polskich, kere były pod zaborem austriackim, w 1891 r. Edmund Cenar,
wykładowca Seminarium Nauczycielskiego we Lwowie wydoł ksionżka "Gry
gimnastyczne młodzieży szkolnej", w kierej podoł piyrwsze ogólne zasady gry w
piłka nożno. Tak wiync można z tych dat wywnioskować, że kedy na Slonsku niy
byndoncym wówczas pod zaborami, jak to czynsto w potoczny świadomości jest
zakorzynione, a stanowioncym prawowito prowincjo państwa pruskiego, Ślonzoki
grali we fusbal, Poloki w zaborze austriackim i ruskim niy wiedzieli nawet, że
tako gra istnieje.

Piyrwszy pokaz gry w fusbal w byłym zaborze austriackim zostoł zorganizowany
dopiero w 1892 r. na I Zlocie Sokolim. Organizacje Sokoła zaczynły powstawać już
od 1867 r. i miały pierwotnie na celu propagowanie ćwiczyń gimnastycznych, a
nieco późni doszły inne dyscypliny sportu. Organizacje Sokoła były
stowarzyszeniami o polskim charakterze narodowościowym i znacznie przyczyniyły
się do budzynio polski świadomości narodowy.

Już na II Zlocie Sokolim we Lwowie 14 lipca 1894 r. odbył się pierwszy szpil
piłkarski miyndzy Sokolimi drużynami Lwowa i Krakowa. Zwyciynżyli gospodorze
1:0. Zdobywcom pierwszy, historyczny bramki był Włodzimierz Chomicki. W 1899 r.
prof. dr Eugeniusz Piasecki rozpoczoł tryningi w IV gimnazjum we Lwowie a w roku
nastympnym zjawio sie w tym mieście pierwszy tryner zagraniczny, Czech Józef
Yejtruba. W latach tych Kazimierz Hemmerling założoł "Gazetę Sportową", w kery
zamieszczoł nie ino sprawozdania z meczow, ale jeszcze przetłumaczone i
opracowane przez niego "Prawidła gry w piłkę nożną". Prawidła były pierwszom
publikacjom przepisów gry w fusbal w jynzyku polskim.

W miyndzyczasie w Niymcach powołano do życia Niemiecki Związek Piłkarski DFB, a
dwa lata późni - w 1902 r. - rozpoczynto pierwsze szpile o majstra.

Z początkiym nowego stulecia angielsko kadra techniczno zatrudniono przy grubie
"Oheim", dzisiejszo kopalnia "Wujek" w chwilach wolnych po robocie grała w bala
a przyglondajonce sie tymu bajtle podchwycili te szpasy i były to zapewne
początki fusbalowanio w regionie katowickim. Jak pisze Jerzy Kwaśny w
opracowaniu "100 lat piłki nożnej na ziemi raciborskiej" w 1901 r. w Królewski
Hucie ( dzisiejszy Chorzów) powstoł piyrwszy niyzrzeszony piłkarski klub
sportowy na Górnym Śląsku - SV Germania 01 Konigshutte. Przez to tyż fusbal na
Górnym Śląsku siyngo swoimi korzyniami niyco wcześniejszych lot niż by to
wynikało z monografii najstarszych polskich klubów na Śląsku, zakłodanych pod
polityczne potrzeby przez Komisariat Plebiscytowy z Bytomia i fakty te należy
gwoli pr

[szwager_z_laband]

nba bala sie tysz i za Niymca i za moich czasow kula abo kule godauo!

je jeszcze eka

tor my za bajtla niy godali we Laband, ale godali my na to buda

jeszcze je "presa" i np na boisko dodali my tysz fuzbalplac

a wiycie jeszcze co znaczy "kepka - kepkowac"?

[ballest]

Tysz je kerca, bojlery, sztuce, korki,

[dede99]

A najfajniejsze bramy byly jak sie bal od ,,winkla" odbiol i do bramy wleciol;).


lg

[ballest]

I bal wleciou do Neca!

[szwager_z_laband]

jak niy trefiou we lata

[ballest]

a jak trefiou to boua Mitta, jak zawsze po bramce;)

[gryfny]

"ompa"..Wie kierys?
trzy eki elwer!..Graliscie tak?
"tyki" ..Co to za szpil?

[szwager_z_laband]

czi eki elwer to my grali, tyki chyba sie domyslom, ale ompa tego
niyznom - pszinajmiyj niy pod tym mianym

grali my jeszcze "majstra" i niy pamiyntom jak sie godauo na tyn
szpil kaj bou jedyn zowdy w budzie a gole sie szczylauo ino gowkom
(?)

[gryfny]

szwager_z_laband napisał:

> czi eki elwer to my grali, tyki chyba sie domyslom, ale ompa tego
> niyznom - pszinajmiyj niy pod tym mianym
"ompa"-jak larmo sie zrobiouo skuli czegos i szpil sie
przerwou,ciepali my na wznowienie ompa

> grali my jeszcze "majstra" i niy pamiyntom jak sie godauo na tyn
> szpil kaj bou jedyn zowdy w budzie a gole sie szczylauo ino gowkom
> (?)
kepki,chyba

[gryfny]

..beinsztela mu podstawiou!Elwer...

[ballest]

a na koszulki se tress godauo,
potym bouy bajnszitzer, no i najwazniejsze to bouy boilery!

[szwager_z_laband]

i kozdy fuzbalista miou oubajny:)))

[ballest]

Garrincha miou jeden O-bajn a jeden X-Bajn!

[szwager_z_laband]

no to kiwou ino we jenym richtungu:))

[szwager_z_laband]

wiela stouo godali my na poczontku tysz po niymiec ku, dopiyro z
czasym sie godauo jedyn-dwa itd

[ballest]

Santa Maria se z Garinche smiou, jak tyn przyszou do Santosu;)
a potym go kiwou jak chciou

[gryfny]

Garinche bou wielki szpiler ale marny czlowiek,zmarnowou swoj
talynt,tja ,jak zwykle sztof i baby

[gryfny]

cjg.gazeta.pl/cjg_katowice/1,92429,6128902,Komentator_telewizyjny_krzyczy__Elwer_.html
a Poloki:to moze zaro po niemiecku,hihi

[szwager_z_laband]

dobry pomys do TVS!