+ Tomasz Mazurkiewicz +

[broneknotgeld]

Tomasz Mazurkiewicz
Wadowice

Piyrwyj prezesowoł "Himie" w Spytkowicach
Ze kery pociecha miała okolica
Łostatnio tyn gyszeft przekozoł ziyńciowi
Dyć łon go som stworzoł - zowdy kożdy powiy

Życie łodebrało zimne rumowisko
Na tym sie dlo niego zakończyło wszysko
Familjo łostała tako przijociele
Z wadowicki no i spytkowicki sztele.

[broneknotgeld]

Gołomb

Gołomb znakym jest pokoju
Tako łonym i Duch Świynty
Mom se tropić fraszkom mojom
W kery słabość "ludzki piynty"?

Lepi być ze gołymbiami
Gowa w gora durś mi skoko
Łone życio aniołami
Niych furgajom se wysoko

Dyć je widać nad Chorzowym
Trza ze duszy swoji paczeć
Tela dzisioj yno powiym
Wrona coś zowistnie kracze

Skond straszydło se tu wziyło?
Dziub mo jak łod śmiertki kosa
Ano jest jako i było
Choć gołymbia w sercu nosza.

[broneknotgeld]

Ech - rocznica drapko idzie
Pamiyńć w ludziach długo bydzie.