starzik
06.07.04, 23:22
Miyszkali se roz wele siebie Arnold7 i koczisss. Arnold mioł piykne kurzynta, kiere mu w pieröny jajec snosiyły. Koczisss był pieruchym o te kurzynta zazdrosny, bo söm mioł taki zabiydzöne, co ledwo sie na nogach trzimały. Roz kurze od Arnolda wlazło koczisssowi na plac i tam sniysło jajco. Koczisss piyrszy roz taki wielki jajco w celkim swojim życiu widzioł i zarozki ji sebroł. Arnold sie o tym zwiedzioł i godo do koczisssa:
- Koczisss, dewej te jajco, bo ji moji kurze sniysło, skirz tego öno je moji
Koczisss mu na to w gorolski godce:
- Nie, nie oddam ci tego jajka bo ono zostało zniesione na moim podwórku (śmiyszno je ta gorolsko godka, ni :) )
Arnold sie pierönym wkurził na taki pogwałcyni świyntego prawa własności, co zresztöm je u goroli normalne, i tak godo do koczisssa
- Koczisss, kiej żeś je taki möndry, to zrobiymy zawody o te jajco. Kiery wygro, jajco se weźnie (arnoldowi jajca żol niy było, bo mioł takich w pieröny, ale go złodziejski postympek koczissa znerwowoł)
Koczisss na to mu rzeknył (w gorolski godce)
- dobrze, przyjmuję zakład (cwany był pierönym, i myśloł co arnolda wykiwo)
Arnold mu godo:
- haja idzie o jajco, bez töż jajco weźnie tyn, kto mo mocniejsze te miyndzy nogami. Bydziymy sie w ni kopać i kto dłöży strzimie, tyn wygro. Jo kopia piyrszy, ty pö mie, i tak aż ktoś niy strzimie
Koczisss sie zgodziył, i Arnold prziszykowoł sie do piyrszego kopa. Polecioł do chałupy, obuł sztolkapy, fechtnył sie i wyönaczył koczisssa miyndzy nogi. Koczisss pod bez dychu na ziym i leży. Leżoł tak bez dychu z pöł dnia. W köńcu sie spamiyntoł, stanył i godo do Arnolda:
- dobrze Arnold, teraz moja kolej
Na co Arnold mu godo:
- Koczisss, wiysz co - ostow se to jajco
:):):):):):):):):):):):)
