Godka za godkom

[laband]

kery(o) wiy kaj idzie dostac tyn titel?

"Gadka za gadką - 300 podań bajek i anegdot z Górnego Śląska"

aut. Simonides i Ligeza

[rico-chorzow]

laband napisał:

> kery(o) wiy kaj idzie dostac tyn titel?
>
> "Gadka za gadką - 300 podań bajek i anegdot z Górnego Śląska"
>
> aut. Simonides i Ligeza


Serwus Laband,

pani poseł prof.D.Simonides walnie przyczeniła się do ostatniej ustawy o
mniejszościach,tak że Ty i Slązacy nie egzystują,także nie jest dziwny jej
"śląski" w jej książkach,pomni.

[laband]

wiym, wiym, i do tego jak wnioskuja ze wontku o slonskich bojkach, cosik
pokryncioua legynda o Glywicach - bezto za tym sznupia

[rico-chorzow]

laband napisał:

> wiym, wiym, i do tego jak wnioskuja ze wontku o slonskich bojkach, cosik
> pokryncioua legynda o Glywicach - bezto za tym sznupia


Ja,profysory to umiom.

[broneknotgeld]

Hehe - Laband, pamiyntej jednak, że jest to ksionżka jakby z inkszy epoki.
No, a to że w 1998 niy powstało wojewodztwo gornoślonske, to już inkszo inkszość.
Zawiyły Katowice, wpaczone we ta swoja "ślonsko warszawka". Zdowało sie im, że
niy trza sie pytać ludzi, niy trza promować tego co łonczy, styknie yno mieć
"swojich"
w Warszawie i łoni wszysko jakosik klepnom.
Już po przegrany gornoślonski ideji, wojewoda Marek Kempski godoł co
samorzondowcy z opolszczyzny jeszcze do Katowic musowo przidom. Wyszła mi wtedy
tako literacko fraszka.

Dufne Katowice w swych warszawskich tuzów
Nabiły w Opolu sobie kilka guzów
Nauczka to dobra - bardzo jednak szkoda
Że nic nie nauczył się nasz wojewoda.

[laband]

Wiym Bronek, ize je to ksionzka jak ze inkszyj epoki. Jo mom tako natura ize
lubia posuchac o czyms od roztomaitych ludzi - wtedy mo sie wiyncyj wyrobiono
opini, obroz, itd, usw. Ze legyndami czynsto tak to juz je ize idzie w nich
mocka prowdy (historycznyj) znonsc.

acha

[laband]

a co do Katowic i Opola, to niystety poobu zajtach sie znodli pierdouy, kere
Slonska jako coukego niy widzieli.

niystety

[broneknotgeld]

To, że sie take znodli, jest czymś normalnym w dymokracji.Jo rozumia Opole, dyć
niy rozumia Katowic. Jakosik w Katowicach nikt wtedy niy pomyśloł coby sie czymś
podzielić. Prowincjo Gornoślonsko miała jedna stolica we Opolu, a drugo w
Raciborzu, a do tego finanse w Nysie. Dzisioj w Polsce tyż som wojewodztwa
kerych stołeczność dzieli se na dwa miasta. Coś takego jednak we Katowicach było
wtedy niy do pomyślynio.

[laband]

Wiysz Bronek te couke niyszczynscie to sie zaczuo jak inksze zaczli dzielic
Oberschlesien, mysla ize my im dalyj w tym pomogac niy powinni. Bezto ta couko
Simonides mi podpadua.
A ze jeszcze naszo legynda glywicko przeuonaczoua, to juz jyj blank niy zapomna,
he,he!

[broneknotgeld]

Jeronie, legyndy wcale przeca niy musiała przełonaczyć, yno spisać to co
usłyszała, abo inksi dlo niyj nagrali. Cosik widza, że som terozki musza
postarać se zoglondnońć do niyj, bo przerobiajonc jom na rymy tyż mog żech coś
możno przekryńcić. Szkryfnij ło co Ci konkretnie idzie.

[broneknotgeld]

A co do dzielynio Oberschlesien, to mogbyś rownie dobrze pedzieć, że cołke
niyszczyńście zaczło sie łod I wojny światowy, kero Niymcy przegrały i musiały
se pogodzić z terytorialnymi stratami. Gdybanie nad historiom to zdo sie mi
ślepo uliczka.

[laband]

broneknotgeld napisał:

> Jeronie, legyndy wcale przeca niy musiała przełonaczyć, yno spisać to co
> usłyszała, abo inksi dlo niyj nagrali. Cosik widza, że som terozki musza
> postarać se zoglondnońć do niyj, bo przerobiajonc jom na rymy tyż mog żech coś
> możno przekryńcić. Szkryfnij ło co Ci konkretnie idzie.


Idzie mi gynau o ta kasza(jaglano zresztom) - po piyrsze je to do mie
niylogiczne ize jom uwarzyli i potym na dna tych obroconych beczkow nasuli - z
tego co jo wia to sucho jom tyk na te dna nasuli coby tyn poseu widziou ile
majom jeszcze zapasom, a dopiyro potym jom warzyli we kadziach, we kerych
normalnie sie warzouo piwo, i potym wymiyszano ze siarkom kobiyty ze Glywic lauy
jom "Szwedom" na gowy ze murow miasta. Po druge tak to wyczytouech i we
roztomaitych tekstach.

Dyc couki czos Ci to starom sie wytuplikowac.

ps

[laband]

oczywiscie mosz recht, ize to mog poprzekryncac tysz kerys kery jyj to opowiadou.

[broneknotgeld]

hehe - Laband - to mozno jo sie pomyloł- bo pamiyntom że były tam dwie wersje.
Zoglondoł żech do ksionżki kajsik we grudniu, a szkryfnoł to terozki.
Simonides zdo mi sie terozki niywinno, dyć som byda musioł to sprawdzić w
bibliotyce (możno prawie ta ksionżka tam bydzie, bo za czynsto jom niy
wypożyczajom).