Gość: kreple
IP: *.com
27.02.14, 13:37
50 dag mołki
5 dag drożdży
1 szklonka mlyka
6 żółtek
1 paczka cukru waniliowego
2 dag cukru
cukier puder
2 łyżki cukru
5 dag masła
3 kostki szmalcu abo liter łoleju
1 łyżka szpyrolu
20 dag marmulady
troszka soli
Mlyko lekutko zagrzoć, rozrobić w nim drożdże, 2 dag cukru i 2 łyżki mołki. Łostawić do wyrośniyńcio.
Żółtka utrzić z cukrym waniliowym i dwoma łyżkami cukru.
Mołka przesioć do miski i wloć tyn roszczyn i te utrzone żółtka. Troszka posolić i dobrze wyrobić ciasto.
Na koniec dodać 5 dag rozpuszczonego masła i łyżka szpyrytusu i jeszcze roz wyrobić i łodstawić do wyrośniyńcio.
Rozwałkować ciasto ale coby było rube. Wykrować szklonkom kółka i dać na nich marmulady.
Potym zaś fajnie ich zawinyć i ukulać w rynce. Trzeja se to dobrze polepić, bo potym może ta marmulada uciyc.
W miyndzyczasie rozgrzoć łolyj abo lepij smalec. Lepij jak gornek je głymboki. Powinny wlyź kaś ze 3 kostki smalcu abo z liter łoleju. Olyj musi być dobrze rozgrzony ale niy za fest.
Wciepywać po pora tych krepli do tego łoleju i co jakiś czas, łobrócić na drugo strona.
Kiej bydom już taki fajne, wyciongnyć na talyrz i abo złonaczyć lukier abo posuć cukrym pudrym.
