Forum Regionalne Śląskie Ruda Śląska - stolica fraszki
ZMIEŃ
    Dodaj do ulubionych

    Listy do Dzieciontka

    18.12.03, 18:21
    2001

    Pionty krziżyk mi już leci
    A Dzieciontko jest dlo dzieci
    Ło zabowkach jo niy myśla
    Ale list tyn jednak wyśla

    Bo jest coś w co jo sie bawia
    Moje klocki to wystawa
    Z kerom bych chcioł Ślonsk zwyndrować
    Niym sie zdonża w trule schować

    Pomoż mi w tym Dziecionteczko
    Chocioż trocha, chocioż deczko
    Bo jakbyś to Ty zechciało
    Pryndko by sie pokulało.
    Obserwuj wątek
      • broneknotgeld Re: Listy do Dzieciontka 18.12.03, 18:27
        2002

        Pon Boczku, Jezusiczku, a i Ty Maryjo
        Jak Rudzie klupnie fufcig mo mieć galeryjo
        Kajby nasze notgeldy wszyscy łoglondali
        I historyjo Ślonska na nich poznowali
        Przeca jo już łod downa yno ło tym myśla
        I choć żech glacaty do Dzieciontka list śla.
        • broneknotgeld Re: Listy do Dzieciontka 18.12.03, 18:36
          2003

          Takech kedyś mioł życzynia
          Dzisioj tego tyż niy zmiynia
          Dzieciontkowy łaski czeba
          Dlo notgeldow - jakby nieba

          Som ta łaska czasym czuja
          Jak z wystawom se wyndruja
          Po tych naszych ślonskich szkołach
          Boże dziynki - chca zawołać

          Godom jednak do sia - cicho
          Kajsik Łon tam łaskom gicho
          Choć notgeldy niy som w niebie
          Mom we zocy mie i Ciebie

          Latoś jo Ci tyż dziynkuja
          Za te forum kaj se suja
          To co ciyngym podpowiodosz
          "Jo - Ty" jedno przeca godosz

          Siył mi dodej - ciyrpliwości
          Wiyncy wyny - myni złości
          Gynau tela co poczeba
          By nom forum siyngło nieba.
      • broneknotgeld Re: Listy do Dzieciontka 19.12.03, 15:57
        Może byście tyż coś wciepli
        Bydzie tukej jakby ciepli.
        • broneknotgeld Re: Listy do Dzieciontka 06.12.04, 17:03
          Ze stolicy ślonski fraszki
          Trza zaś brify Mu napisać
          Niy poskompi przeca łaski
          Nudli tyż niy bydzie wyszać.
          • broneknotgeld Re: Listy do Dzieciontka 11.12.04, 21:24
            Ano Dzieciontko ciyngym przed nami
            Pewnikym sypnie nom gyszynkami.
            • ciupazka Re: Listy do Dzieciontka 12.12.04, 10:38
              Niech dzieciątko bedzie między nami!


              www.zosia.piasta.pl/swieta/swieta.htm
              • broneknotgeld Re: Listy do Dzieciontka 12.12.04, 10:47
                Hehe Ciupazko - niych tako bydzie
                Pryndko Dzieciontko do dom nom przidzie.
                • broneknotgeld Re: Listy do Dzieciontka 13.12.04, 18:01
                  2004

                  Ło co chca latoś Dzieciontko prosić
                  co by na bezrok moc to łogłosić?
                  Ano - dzielnicom mojom Halymba
                  I skiż niyj teroz łotworza gymba

                  Dziedzina ludno nawet bogato
                  Dyć we kultura łod lot sagato
                  Zamknyli downo nom jyj przibytek
                  Myślom do dzisioj że to jest zbytek

                  Ruda Fryncita i Bielszowice
                  Durś we tym majom wesołe lice
                  A na Halymbie terozki głucho
                  Tela że yno fraszka stond bucho

                  Dej nom tyn Tydziyń Kultury w maju
                  Toż my łod downa niy som we raju
                  Trza chocioż tako ło ducha dbać
                  Bo źle z niym przeca i już to znać

                  Niychej Nepomuk mu patronuje
                  Jako dziedziny - to kożdy czuje
                  Natchnij tym duchym ludzi i władza
                  Bo przeca jo z tym se niy poradza
                  forum.gazeta.pl/forum/72,2.html?f=261&w=13233011&v=2&s=0
                  Łaski nom Twoji naprowdy trza
                  Wtedy to wyńdzie w Halymbie - pra?
                  • broneknotgeld Re: Listy do Dzieciontka 17.12.04, 22:49
                    Mie tego listu jednego styknie
                    Możno wy cosik szkryfniecie piyknie.
                    • rita100 Re: Listy do Dzieciontka 19.12.04, 22:18
                      z chęcią napiszę
                      choć ledwo dyszę
                      Dzieciatka proszę o pokój
                      by na forum panował spokój
                      byśmy sie radowali
                      i często sie śmiali
                      • broneknotgeld Re: Listy do Dzieciontka 20.12.04, 22:53
                        Pewno to Dzieciontko do
                        Już twoj brif we niebie mo.
                        • ciupazka Re: Listy do Dzieciontka 23.12.04, 10:01
                          My śpiywomy Mu kolędy,
                          Niek ze s nami bee wsędy!


                          www.trebunie.pl/teksty_08.htm
                          • broneknotgeld Re: Listy do Dzieciontka 23.12.04, 15:03
                            Kolynda brifym tyż jest do Boga
                            Naszy czelodki - to szkryfnońć moga.
                            • broneknotgeld Re: Listy do Dzieciontka 10.12.05, 21:30
                              Już zlondowało "w oryginale"
                              Niy musiołch tego kopiować wcale.
      • broneknotgeld Re: Listy do Dzieciontka 12.12.05, 22:04
        List do Dzieciontka 2005

        List do Dzieciontka trza szkryfnońc nowy
        -Co mi prziłazi teroz do gowy?
        Dyć zdo sie ciyngym to samo mynczy
        W stolicy fraszki trza rymow wiyncy

        Niychej nom Ruda blyszczy lirykom
        Choc som jo wierszy prawie niy tykom
        Mie rymowanki i fraszki styknie
        Już ze tym forum urośnie piyknie

        Niychej nom miasto tako rozsławi
        Jednych coś uczy inkszych fest bawi
        Dźwigo we gora ślonsko kultura
        Toż Dziecionteczko poniyś jom w chmurach.
        • broneknotgeld Re: Listy do Dzieciontka 18.12.05, 17:45
          Możno ktoś szkryfnie brif jakiś inkszy
          Ze tym radości czas zdo sie wiynkszy.
          • luna-a Re: Listy do Dzieciontka 20.12.05, 00:17
            Kiedy mroźną nocą pracowite gwiazdy po parapetach świecą,
            widać jak na dłoni, że anioły na Ziemię po liściki lecą.
            ;b!
            Więc przez dach, balkon, okno idę po długopis tej nocy do krewnych,
            też napiszę do Dzieciątka list pełen próśb i intencji modlitewnych.
            ;b!
            W liście poproszę Dzieciątko żarliwie i szczerze
            byś i Ty otrzymał dobry NOWY ROCZEK w darze.
            Byś mógł zrealizować swe najśmielsze plany.
            Żebyś kochał z wzajemnością i był uwielbiany.

            ;b!
            • broneknotgeld Re: Listy do Dzieciontka 22.12.05, 14:17
              Toż Dziecionteczko - Luna w tym wspiyrej
              By rozjaśniyła nom wszyske fora
              Ze Łaskom Boskom na nia zaziyrej
              Niychej nadyńdzie chnet tako pora
              W kery jyj słowo dongom rozblyśnie
              Zdo sie nom światłym co w droga wiedzie
              Kaj z kwieciym biołym ciyngym som wiśnie
              Za niom pódymy - niychej nos wiedzie.
              • broneknotgeld Re: Listy do Dzieciontka 06.11.06, 22:36
                Koperblaje se już brusi?
                Ktosik brif zaś szkryfnońć musi?
                • waga.w Re: Listy do Dzieciontka 07.11.06, 09:20
                  List do Dzieciątka w tym roku napiszę :

                  Jestem w ciągłej/męczącej/potrzebie ,
                  proszę o więcej czasu dla siebie .
                  • broneknotgeld Re: Listy do Dzieciontka 07.11.06, 21:17
                    Sie Dzieciontko zdziwi
                    -Krotki a treściwy.
                    • broneknotgeld Re: Listy do Dzieciontka 11.11.06, 09:11
                      Ktoś tu jeszcze cosik szrajbnie?
                      Richtig byłoby z tym fajnie.
                      • waga.w Re: Listy do Dzieciontka 13.11.06, 13:21
                        Muzyczka w radio piękna leci ,
                        dom pusty , w szkole dzieci ,
                        czas dla siebie - się spełniło ,
                        choć Dzieciątka jeszcze nie było .
                        • broneknotgeld Re: Listy do Dzieciontka 13.11.06, 16:40
                          We pyńdziałek trzinostego
                          Miast humoru to szewskego!
                          • broneknotgeld Re: Listy do Dzieciontka 14.11.06, 22:46
                            Trza tyż bydzie brif napisać
                            Przeca nudli niy chca wiyszać.
                            • broneknotgeld Re: Listy do Dzieciontka 20.11.06, 20:28
                              Jako brif szrajbnońć terozki musza
                              by w niym tyż była ta ślonsko dusza?
                              • broneknotgeld Re: Listy do Dzieciontka 29.11.06, 18:00
                                Ech - Dzieciontko, miyj w opiece
                                Familije we utropie
                                Miłosierne Żeś Ty przecie
                                Bergmonowi szczyńść co kopie.
                                • broneknotgeld Re: Listy do Dzieciontka 02.12.06, 21:51
                                  Łoj Dzieciontko - miyj w łopiece
                                  Familije co w żałobie
                                  Tyś nadziejom naszom przecie
                                  Urodzonom kajś przi żłobie
                                  We stajynce wśrod gowiedzi
                                  -Na łodludziu cima było
                                  Zefel przi Maryji siedzi
                                  Ponbog zechcioł - se spełniyło!
                                  • broneknotgeld Re: Listy do Dzieciontka 08.12.06, 14:49
                                    Brif za brifym tu dowejcie
                                    Tako dusze bliźnim grzejcie.
                                    • broneknotgeld Re: Listy do Dzieciontka 12.12.06, 09:46
                                      Ech Dzieciontko - miyj w opiece
                                      Te niyjedne richtig dziecie
                                      Co mu gruba łojca wziyła
                                      W drodze życio dowej siyła.
                                      • broneknotgeld Re: Listy do Dzieciontka 23.12.06, 12:06
                                        Brif do Dzieciontka

                                        Ech Dziecionteczko - stary i mody
                                        Tyż porzebujom do życio zgody
                                        A na tych forach łostudy tela
                                        Sprow by i pszoniym blysła ta sztela.
                                        • broneknotgeld Re: Listy do Dzieciontka 21.11.07, 20:51
                                          Brify do Dzieciontka możno już piszecie
                                          Jakich zaś gyszynkow łod Niego zechcecie?
                                          • hiszna Re: Listy do Dzieciontka 21.11.07, 21:07
                                            Ja?
                                            spokoju, spokoju, spokoju, spokoju.
                                            Żadnego w sercu i duszy niepokoju.
                                            I jeszcze mógłby mi cofnąć parę lat.
                                            Jaki wtedy byłby beztroski, cudowny świat.
                                            • hiszna Re: Listy do Dzieciontka 21.11.07, 21:08
                                              Ale listu nie będę pisała
                                              a potem go zakopywała.
                                              Gdy list napiszę, to wysyłam,
                                              przecież nie po to się chyba trudziłam.
                                            • hiszna Re: Listy do Dzieciontka 21.11.07, 21:11
                                              pisanie listów odnowiłam,
                                              czym swoje życie ubarwiłam.
                                              • broneknotgeld Re: Listy do Dzieciontka 26.11.07, 23:35
                                                Brify do Dzieciontka durś szkryflać nom trza
                                                Przeca i nadzieja skarbym wielkim - pra?
      • madohora Re: Listy do Dzieciontka 22.11.07, 16:32
        A ja bym chciała na świecie pokoju
        i by nie było żadnych niepokojów
        By wszystkie wojny już się skończyły
        i ludzie bezsensownie życia nie tracili.
        By ludzie się z sobą kłócić przestali
        I że ktoś jest inny uwagi nie zwracali
        A na naszym podwórku - FORUM
        byśmy nigdy nie tracili humoru.
        • azaheca Re: Listy do Dzieciontka 26.11.07, 23:39
          Kiedyś już film taki był
          Kondratiuka,"Gwiezdny pył"
          aktualne Twe życzenia
          tak powoli świat się zmienia
          • broneknotgeld Re: Listy do Dzieciontka 01.12.07, 09:56
            Oby se to stało
            Hunoru durś mało.
      • waga.w Re: Listy do Dzieciontka 27.11.07, 18:21
        W bieżącym roku - dobrze się działo ,
        moje życzenie - by tak zostało ...
        • broneknotgeld Re: Listy do Dzieciontka 01.12.07, 09:57
          A co złe było
          By se straciyło.
      • broneknotgeld Re: Listy do Dzieciontka 08.12.07, 20:48
        Brif do Dzieciontka
        Łone wom Nieba może przechylić.
        • broneknotgeld Re: Listy do Dzieciontka 14.12.07, 20:57
          Zdo sie brif w połowie
          Dyć Dzieciontko wszysko może
          Toż i feler mi przeboczy
          Co go teroz widzom łoczy.
          • broneknotgeld Re: Listy do Dzieciontka 23.12.07, 09:38
            Brify żeście już wysłali?
            Niy? -Bydziecie żałowali!
            • broneknotgeld Re: Listy do Dzieciontka 02.12.08, 10:26
              Brif do Dzieciontka szkryflać już idzie
              Już grudziyń przeca - toż chnetko przidzie.
      • broneknotgeld Re: Listy do Dzieciontka 26.11.09, 22:48
        Latoś zaś coś wyłac musza
        Tako prawi ślonsko dusza.
      • broneknotgeld Re: Listy do Dzieciontka 19.12.09, 20:19

        Moj brif do Dzieciontka 2009

        Dziecionteczko - chca Cie prosić
        Bych mog ślonske rymy nosić
        W kożdy kontek Polski cały
        Gyszynk by to boł niymały

        Dziecionteczko - Ty spokopisz
        Dyć ślonskości Ty niy topisz
        Tam kaj blyśnie naszo godka
        Dusza moja pódzie spotkać

        Dziecionteczko - wiym - niymało
        Jednak tego by sie chciało
        A jak niy, to dej mi zdrowie
        I czas na to. Prosi - czowiek.
        • broneknotgeld Re: Listy do Dzieciontka 17.12.10, 14:20
          Sie podziwać pódzie
          www.dziennikzachodni.pl/fakty24/346363,gorale-z-beskidow-pokaza-swiatu-boze-narodzenie,id,t.html
          Gody niy w łostudzie.
          • broneknotgeld Re: Listy do Dzieciontka 23.12.11, 18:55
            Taki link mocie?
            www.wiadomosci24.pl/artykul/ruda_slaska_betlejka_na_ficinusie_220980.html
            Sie podziwocie?
      • broneknotgeld Re: Listy do Dzieciontka 20.12.10, 00:04
        Brif do Dzieciontka

        Ech - Dziecionteczko!
        Kuknij na forum
        Wyny dej deczko
        Ździybko humoru
        Niych cołki roczek szpaska rozkwito
        Jak ślonsko ziymia kunsztym zofcito.
      • broneknotgeld Re: Listy do Dzieciontka 20.12.10, 21:35
        Chojinka już stoji
        gryfnie łobstrojono?
        katowice.naszemiasto.pl/artykul/706746,wspomoz-katowice-w-walce-o-esk-2016,id,t.html?kategoria=678
        Kultura niy broji
        Kej rośnie niy kono
        Niychej Dziecionteczko "stolica" prziniesie
        Blysnońć Katowicom we Europie chce sie.
      • marijankaonline Re: Listy do Dzieciontka 06.01.11, 10:11
        Brif do Dzieciontka 2009

        Dziecionteczko Boże
        Brif do Ciebie szkrobia
        Dej mi wyboczynie
        Kej możno nazgobia

        Niy chca jo gyszynków
        Złota i rubinu
        Za to dej mi zdrowie
        Niy pytej sie czymu

        By moji familiji
        Sie krzywda niy stała
        Bych tyn konsek chleba
        Dziynnie rano miała


        Niych świynta Dzieciontko
        We szczyńściu zaś bydom
        Żebych niy storała
        Sie ze jakomś biydom

        Ozdrów serca tych
        Co szkalujom wiela
        Chroń przed niynawiściom
        Co w tym świecie tela

        Możno mi sie spełni
        Prosza piyknie Ciebie
        Niy trza mi już wiyncyj
        Byda mieć jak w niebie...
      • broneknotgeld Re: Listy do Dzieciontka 23.12.11, 19:06
        Brif do Dzieciontka
        19.12.2011

        Dziecionteczko - brif do Ciebie
        Jeszcze dzisioj bydzie w Niebie
        Kuknij tam ze Swoji łaski
        nk.pl/#forum/17/977/444?page=7
        Koncept zocny - tomik fraszki
        W gowie łazi niy łod wczora
        Dyć brakuje durś sponsora
        Choć wydawce gyszeft kusi
        Swoj geld w portmaneju dusi

        Kuknij kaj autorow wiela
        nk.pl/#forum/17/977
        Blyszczy tako ślonsko sztela
        Fraszki zocne - konkursowe
        Sie raduje niymi czowiek
        Tworcy - Wiysz - tyż coś dołożom
        Jejich słowa wiela wożom
        Dyć niy styknie - durś brakuje
        Sponsor koncept uratuje?

        Ech, Dzieciontko, w Twoji woli!
        Niych wydawca niy łosmoli
        Niych dobrodziyj groszym sypnie
        Ślonzek na to sie niy wypnie
        Wiym, trza siyły, wytrwałości
        Trza roboty i mondrości
        Niym za kunsztym przidom blaski
        Ty w tym niy skomp, niy skomp łaski!
      • broneknotgeld Re: Listy do Dzieciontka 28.11.12, 22:54
        Brif chca szkryfnońć do Dzieciontka
        Skiż tych "mostkow rymowanych"
        Basi tomik dyć na piontka!
        www.facebook.com/photo.php?fbid=434093376639934&set=pb.427827820599823.-2207520000.1353054822&type=3&theater
        Drap już mogby być wydany.
        • broneknotgeld Re: Listy do Dzieciontka 10.12.12, 20:31
          "Dzieciontkowi po naszymu"
          12.XII.2012 godz.16.00 - 18.00
          Restauracyjo "Słowiczek" - Ficinus
          Ruda Ślonsko ul. Krasińskiego 1

          www.facebook.com/events/531782543516118/
          Po naszymu poczytomy
          To co z duszy ślonski momy
          Dzieciontkowi - słuchać bydzie?
          Dowiy tyn kery tam przidzie

          Tyj, bonkawa - tym niy tropcie
          Darmo dadzom - dyć spokopcie
          Co kej jedni poczytajom
          Inksi w ciszy niych słuchajom.
      • broneknotgeld Re: Listy do Dzieciontka 22.12.12, 22:29
        Brif do Dzieciontka - 22.12.2012

        Dziecionteczko - brif zaś pisza
        Wiym co dońdzie drap do Ciebie
        www.facebook.com/photo.php?fbid=392341420840767&set=pb.195759197165658.-2207520000.1356211042&type=3&theater
        Ło łostudach kajsik słysza
        Dyć na ziymi - niy we Niebie

        Na dziedzina naszo kukej
        Kaj Ślonzoki durś godajom
        W jejich dusze tyż zaklupej
        Szczyńściym w zgodzie żyć - niy bajom

        Toż Cie prosza - dej nadzieja
        Niych co ślonske wiyrchym idzie
        Tymu rade Żeś - sie śmieja
        Dej - niych godka wiyrchym przidzie.

        Po naszymu, niy cudzymu
        Niych durś wiyncyj godo ludzi
        Kunszt we prozie, kunszt do rymu
        Durś ze ćmoka blaskym budzi.
      • madohora Re: Listy do Dzieciontka 17.12.15, 22:24
        Och dzieciątko, leżysz sobie na sianeczku, w żłobie
        A ja nie wiem co ja teraz zrobię
        Twoja szopa jest cieplutka i taka spokojna
        A na świcie naszym świecie wszędzie jakaś wojna

        Jedna mała taka sobie gdzieś w lokalny mieście
        Twoja matka cię w chusteczce jak dziecinę pieści
        A na większym świcie trwa dość duża wojna
        Już Europa, nawet Polska nie będzie spokojna

        Już się sprawdza przepowiednia Nostradamusa
        A u ciebie pewno z biedy koszulina kusa
        Nie zakryjesz tego świata kawałkiem tkaniny
        Bo gdzie spojrzysz tam wokoło zobaczysz ruiny

        Dziś brat brata nie szanuje, zabije za grosze
        A ja nie wiem czy coś jeszcze mogło by być gorsze
        Córka babkę wydziedziczy, syn do matki nożem mierzy
        Otwórz oczy trochę szerzej - jeśli w to nie wierzysz

        2015
      • broneknotgeld Brif do Dzieciontka 2015 21.12.15, 22:05
        Brif do Dzieciontka 2015

        Brif do Dzieciontka zaś szkryfnońć musza
        Tako mi koże durś ślonsko dusza
        Kero sie niy chce już kamuflować
        Yno ślonskościom ofyn radować

        Jako na bezrok terozki bydzie?
        Jako już było - bardzi we biydzie?
        Rolwaga kajsik ta ślonskość miała
        Latoś PiSowi tako "sprzedała"

        Ja, niy ma leko, trza wszysko strzimać
        Choć i Ślonzoki chcom abo kimać
        Abo sie wadzić fto we czym lepszy
        Ślonzok poradzi tyż wiela spieprzyć

        Tako nacyjo zdo do rzondzynio
        Niymiec czy Polok? Pytom sumiynio
        Kej je piyńć zdaniow u dwoch Ślonzokow
        Pod kuratela trza brać borokow

        Dyć Dziecionteczko - pamiyntosz przeca
        Autonomijo z naszego neca
        Sie jeji Łojce w grobach zwyrtajom
        Kej dziecka, wnuki - za psinco majom

        Dyć Dziecionteczko, zwol we ślonskości
        Strzimać, zwol z trwanio brać durś radości
        Łobdorz nos siyłom, łobdorz filipym
        Coby niy rośli my mustrym klipy

        Wiym, wiym - winszuja sie już za wiela
        Mom kamuflować durś? Styknie tela?
        Na nic registry, jedyn i drugi
        "Boj" na strzimanie dyć zdo za dugi

        Toż Dziecionteczko - jeszcze roz prosza
        I tako ofyn terozki głosza
        Miyj w Swoji pieczy ślonsko nacyjo
        Niychej niy czeko jom tragedyjo

        Kej Sanacyjo, Rzesza strzimała
        Przi PRLu tyż niy skonała
        Już w III RP dźwigła ździybeczko
        We IV RP utropi deczko
        Dyć yno tela by szwong chyciyła!
        Furgała wiyrchym, wcale niy kryła!!!

        www.facebook.com/AsocjacjaMBP18/photos/a.436375393078399.91193.427827820599823/441672522548686/?type=3&theater
      • broneknotgeld Re: Listy do Dzieciontka 17.12.18, 08:49
        Brif do Dzieciōntka – XII.2018

        Dzieciōnteczko, wiysz, dlo siebie
        Chca ô zdrowie prosić Ciebie
        I ô szczyńście familiji
        Dyć niy robia z tym mecyji

        Chca Cie prosić tyż, kej idzie
        Ô to co ze godkōm bydzie
        Chca Cie prosić byś wspierało
        Tym Ślōnzokōw radowało

        Wiysz Dzieciōntko, sōm rymuja
        Bibljo już parafrazuja
        Mono życio mi wystyknie
        Coby skōńczyć, dlō mie piyknie

        Dyć czy inksi przeczytajōm?
        Czy godka we zocy majōm?
        Gowy za to niy położa
        Yno tyn brif szkryfnōńć woża.

        Dzieciōnteczko, prosza Ciebie
        Tu, na ziymi, choć żeś w niebie
        Prosza coby Kościōł wspiyroł
        Ślōnsko godka, Bōg zaziyroł

        Bōg zaziyroł na dziedzina
        Naszo, ślōnsko, z wsparciym Syna
        Coby wiara po naszymu
        Słychać było u wrōt Rzymu

        Medykuja, kōncept łazi
        Mi po gowie, niych niy razi
        Niych Ślōnzokōw pokupluje
        Niych Cie richtig uraduje

        Ślōnski Konkurs Recytacji
        Strof Biblijnych – zdo, w tym racji
        Niy trza szukać – kejby stało
        Godka z wiarōm kuplowało

        By uczyli sie szkolorze
        Wiary, godki – Szczyńść im Boże
        Twōrcy strofy zaś tworzyli
        Co ze duszy swoji wziyli

        Z czasym Bibljo by my mieli
        We djalektach ślōnski szteli
        Skarbym wiary, skarbym godki
        Tōż brif śla Ci niy przipodkym

        Dzieciōnteczko, czy pōmożesz?
        Wiym, Ty wszysko przeca możesz
        Tōż Cie prosza ô to prawie
        Wspiyrej ślōnskość we ty sprawie.

        www.facebook.com/AsocjacjaMBP18/photos/a.436375393078399/1999667820082474/?type=3&theater

        wycinanka autorstwa Marka Wacława Judyckiego

    Najnowsze z forum Ruda Śląska - stolica fraszki

    Nie masz jeszcze konta? Zarejestruj się

    Nakarm Pajacyka
    Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin
    Treści z serwisów internetowych Grupy Wyborcza.pl oraz serwisu tokfm.pl prezentujemy w ramach komercyjnej współpracy z ich wydawcami: Wyborcza sp. z o.o. oraz Grupą Radiową Agory sp. z o.o.