świonteczny konkurs

Z dôwiyn dôwna, jak ino wiara chrzescijanskô prziszła òd Morawców a Czechów
na Ślónsk, świyńciyło sie na Ślónsku Gody. Dycki w òstatnie dni adwyntu
Ślónzôki pozdrôwiali sie piyknie, posyłali do siã kartki, a w drugie świynto
nawiydzali przôcieli a sómsiadów i piyknie wiynszowali wszyskim wszelakiygo
dobra.



Skiz tego, iż życie nóm sie òstatnio spłyciyło, a môwa stwadła, muszymy sie
starać, żeby nasze stare òbyczaje i piykno môwa òbchować.



Òznajmujymy kónkurs na nôjpiykniejsze powiynszowania na Gody a na Nowy Rok,
pisane po ślónsku.



Posyłejcie je dó nôs na adres jozef_q@go2.pl, abo gregor.wieczorek@t-
online.de. Fóndujymy nagrody: 300 zł za piyrsze miejsce, 200 zł za drugie i
100 zł za trzecie. Nôjpiykniejsze teksty wydrukujymy w Internecie, a jak Bóg
dô, to tyż w papiyrowyj ksiónżeczce, tak, żeby my mógli sie na nich uczyć, a
na bezrok naszych sómsiadów a przôcielów uradować i pokôzać im naszõ pamiyńć
a uszanowaniy jeszcze piykniejszymi słowami.



Józef Kulisz (Danga)