broneknotgeld 27.02.06, 21:50 Ponoć se te ksiynstwo we Polsce nom dźwigo Stolicom Świdnica - toż niych sie niy migo. Odpowiedz Link Zgłoś Obserwuj wątek Podgląd Opublikuj
broneknotgeld Re: Księstwo Świdnicko-Jaworskie 28.02.06, 16:16 Kultura Kultura durś dźwigać w cołkym ksiynstwie czeba Łona czasym bywo jako konsek chleba Rożniste festyny zocne festiwale Imprez roztomajtych niy braknie tu wcale. Odpowiedz Link Zgłoś
broneknotgeld Świdnica 28.02.06, 16:28 Świdnica Świdnica perełkom jest ksiynstwa istnego Niychej jyj niy braknie słowa wionzanego Jo w hołdzie dać moga proste ślonske rymy Łod sia tyż coś wciepcie - niy bojcie se trymy. Odpowiedz Link Zgłoś
broneknotgeld Re: Świdnica 28.02.06, 21:14 Piwniczki świdnicke Piwniczki świdnicke zasobne we piwo W średnioweczu tako nikogo niy dziwo Że na piwowarstwie szczyńście miasta stoji Tu kożdy piwowar se dwoji i troji. Odpowiedz Link Zgłoś
broneknotgeld Re: Świdnica 28.02.06, 21:25 "Piwnica Świdnicko" Toż piwo świdnicke niy łomijo Wrocka W tamtejszym ratuszu wypiyli go mocka. Odpowiedz Link Zgłoś
broneknotgeld Re: Świdnica 28.02.06, 21:27 We Pradze Ło co Praga zaś se wadzi? Piwu świdnickymu radzi! Odpowiedz Link Zgłoś
broneknotgeld Re: Świdnica 28.02.06, 22:26 Świdnicko aptyka 1330 Ponoć we tym roku już jom zrychtowali Czy sie świdniczany wiela kurowali? Odpowiedz Link Zgłoś
broneknotgeld Re: Świdnica 01.03.06, 18:32 Manufaktura "Chocoffee" Piyrwyj piwym sie asiyła - teroz szokoladom Mo Świdnica ciyngym siyła - jakoś w przodek jadom. Odpowiedz Link Zgłoś
cancro Re: Księstwo Świdnicko-Jaworskie 05.03.06, 13:11 Z inspiracji Bronka wrzucę te dwa linki. Pierwszy jest o świdnickiej linii Piastów. Jeśli ktoś lubi te klimaty, to "miodzio": pl.wikipedia.org/wiki/Piastowie_%C5%9Bwidnicko-jaworsko-zi%C4%99biccy A tu macie parę fotek z Krzeszowa forum.gazeta.pl/forum/72,2.html?f=15718&w=32611213&a=32611823 Odpowiedz Link Zgłoś
broneknotgeld Re: Księstwo Świdnicko-Jaworskie 05.03.06, 17:13 Piykne dziynki Cancero. Mie sie Krzeszow jakosik kojarzy ze ślonskim Rymbrandtym. Odpowiedz Link Zgłoś
cancro Re: Księstwo Świdnicko-Jaworskie 06.03.06, 07:44 broneknotgeld napisał: > Piykne dziynki Cancero. > Mie sie Krzeszow jakosik kojarzy ze ślonskim Rymbrandtym No i dobrze ci sie kojarzy. Willman wymalował krzeszowski kościół pw. Św. Józefa. Byłem tam całkiem niedawno. Nie chcę powiedzieć, że jedyne malarstwo jakie mnie interesuje to malarstwo pokojowe :-), ale w duszy gra mico innego, dlatego nie fotografowałem jego dzieł. Może powinienem... Odpowiedz Link Zgłoś
broneknotgeld Willmann 05.03.06, 17:16 Michael Willmann Michael Willmann - malyrz baroku Chcioł Rymbrantowi doczimać kroku W Holandii talynt swoj wyszlifowoł I z niego wiela Ślonskowi dowoł Bo choć w Krolewcu łon sie urodzioł Osiodł w Libionżu w klosztorze Po naszyj ziymi przeca durś chodzioł Wiedzioł że sztukom wspomoże Wrocław i Nysa Milicz Legnica Raciborz Strzegom piykno Świdnica Znajom go wszyńdzie - i we Głogowie No i chociożby we Otmuchowie Byś łobroz jednak łoboczoł jego Radza ci wlyźć do kościoła Bo świyntych mocka jest pyndzla tego Z ołtorzy tyż mogom wołać Łostawioł nom tu piykno swo sztuka A i nastympcow leko poszukać Byłby ubogi region bez tego Łon jest karlusym Ślonska naszego Odpowiedz Link Zgłoś
broneknotgeld Re: Willmann 05.03.06, 17:16 Willmann Zasłużoł sie na miano Ślonskego Rembrandta W opactwie krzeszowskim wiela łon malowoł I tyż dziynki niymu słynie ziymia sam ta Bo tela talyntu Ślonskowi łoddowoł. Odpowiedz Link Zgłoś
broneknotgeld Re: Willmann 05.03.06, 17:17 Szpas Willmana Opat szukoł go łod rana W knajpie - tam znoloz Willmanna Coroz czyńści tak z nim było Kiepsko jednak sie skończyło Bo na klucz go zamykali By co zaczoł kończył dali No i fajrant - freski piykne Trza to łobloć - mynki styknie A tu opat zaś pieroni Michaela z kijym goni Na karczmarza piyrwyj blikoł Co rodzinie świyntyj fikoł Że ich niy chcioł przenocować W stajni sie musieli schować Stond tyn raban. Wrzeszczy - grzych! A tu wszyscy inksi w śmiych Karczmarz - Willmann jako żywy To szpas jego jest prawdziwy. Odpowiedz Link Zgłoś
broneknotgeld Re: Bronku a skunrześta? 23.04.06, 23:37 Ze Rudy Ślonski co nad Kłodnicom Kaj czorne wongle życiu durś świcom Ze piyńciu grubow som wyciongane Z woli Ponboczka tako nom dane. Odpowiedz Link Zgłoś
broneknotgeld Wałbrzych 10.06.06, 16:54 Zamek Nowy Dwor Jest żeś we Wałbrzychu - na Nowy Dwor wdepnij Ciekawo ruina - łokym na nia ciepnij W jedynostym wieku stoł tu grod warowny A som zmek przeca tyż naprowdy downy Jak Jorg z Podiebradu Ślonzek do sia zgarnoł Tyn zamek był zocny choć prziszłość mioł marnom Bo po wojnie przeca - tyj czidziestoletni Dzieje tego zamku jakosik już przetli Ponoć tu we lochach - jak legynda głosi Skarb łod raubritterow łodkrycio sie prosi Wiela w tym jest prowdy? Możno sie łokoże Bo cosik szukajom w starym Nowym Dworze. Lisio Sztolnia We przesławny tyj "Fuchs" grubie Lisio Sztolnia była Kero nawet i krolewsko para łodwiydziyła Dziynki sztolni Wałbrzych przeca był u możnych w zocy Bo chcieli te ślonske cudo łobejrzeć na łoczy Pomysł to był łod Redena by wongel suć w łodki Potym spławiać je do ujścio we czasie dość krotkim To sie dzioło durś bez tydziyń dyć czynsto w niydziela Turystom tu fondowali uciechy za tela Kto chcioł płynoł przeca łodkom do sali Schuckmana Wielki i ze kolumnami - loli tam szampana Fajer piykny we niyj mieli - wiela sie bawiyli No a potym zaś na łodkami na cyku wrociyli Pewnie dugo flisok tukej by se powiosłowoł Dyć czas na tym naszym Ślonsku w miejscu niy przistowoł Woda znikła a na spongu glajzy położyli Teroz po nich yno wozki koniami ciongnyli Jak czas pary sie rozkryńcioł na pełne łobroty Szachtow ludzie namnożyli no i bestoż potym Zapomnieli ło tyj sztolni ło wodzie ło torze Możno teroz coś z tym zrobiom - Szczyńść im Panie Boże. Odpowiedz Link Zgłoś
