Tyn Gorny konsek Ślonska

[broneknotgeld]

Ślonzok nom sie znoloz w spisie
No i Polska durś dziwi sie.

[broneknotgeld]

Urzond Miasta mo mieć swoja gowa
Wybiyrano czasami łod nowa
Max na jedna yno kadyncyjo
Tako miejsko to jest elekcyjo

W Mysłowicach to jest gowa piyrszo
Lud powiedzioł - "Nad nami nojwyrszo"
Choć znom tako co leży na tacy
Wos niy spadnie już ze moji glacy.

[broneknotgeld]

Świynty Janie Mysłowicki
Chronić mosz te miasto wdycki
Tam już mlyko przeca were
Ora ludzi trocha biere.

[broneknotgeld]

W rankingu "Trybuny" Osyra przoduje
Ktoś pieronym szczodrze kupony mu suje
Możno w Mysłowicach fest go majom w zocy
Tyn cajtong niych teroz Ci sie śni po nocy.

[broneknotgeld]

Joch tyż za bajtla w Krupski Młyn loz
Tam na jagody jechoł żech roz
Ale niy szwyndoł żech sie po gminie
Bestoż niywiela wiym w tyj dziedzinie.

[broneknotgeld]

Festiwal

Dzisiejsze życie tyż mie zachwyca
Festiwal sexu we Katowicach
Przewioło jakoś ta ślonsko wioska
Wiyncy Europy momy zaś troszka.

[broneknotgeld]

Kościoł w Krywałdzie

W knurowskim Krywałdzie ciekawy kościołek
Joch sie nim dziwowoł bo roz żech tam bołech
Dyć jest to budynek po staryj cechowni
Kero kedyś była w tutejszy prochowni

Jak w dwudziestym piyrszym czyńść werku tu szpryngło
To sie wiela ludzi w ta ideja wprzyngło
By ze ty cechowni kaplica powstała
W keryj co dziyń potym załoga rzykała

Z czasym msze robiyli. Kapelon z Knurowa
Łod Wawrzyńca chodzioł liturgio łodprowiać
Potym ze Cyryla no i Metodego
W końcu parafijo wyrosła ze tego

Sześdziesiont lot była to jednak kaplica
A że sie rozrosła cołko okolica
Do rangi kościoła dzwignońć było czeba
Antoni Padewski patronym mu z nieba

[broneknotgeld]

Kartoflada 2003

Zaś teroz do siebie zaproszo tyn Chudow
W nojbliższo niydziela - pełno przeca cudow
Pudzie sie pobawić - namioty tam bydom
Bo trza tyż zaradzić jak dyszcze nom przidom

Kartofle nom tukej Sobieski sprowadzioł
Ze Wiednia se wrocoł - we Polsce je sadzioł
Bestoż we Chudowie kartofel jest w zocy
Sproszo na zabawa aż do samyj nocy.

[broneknotgeld]

Chcesz zrobić grzych
Wdepnij do Tych.

[broneknotgeld]

Dlo poprawy radza Tychy
Tam ci zmażom twoje grzychy.

[broneknotgeld]

Nagrzyszysz we Tychach - zaroz łodpust mosz
Za kara jest jednak łod "tyskego" post.

[broneknotgeld]

70-lecie miasta Tychy

Winszuja Tychom jubileuszu
Ciesza sie że joch tyn tymat ruszoł
Koniak żech łotwar - pija już zdrowie
Tyszanek tyszan - tak po połowie

Ło Adamczewski no i Wejchercie
Tyż niy zabocza bo som we wercie
Tego by gruchnońć zaś dwa kielonki
Tychy som jako kwiotkowe ponki

Wiym że niy wyszło wszysko co chcieli
Komuna dała znać we tyj szteli
Dyć jo ze Rudy szkryflom se ło tym
Niy byda rypoł jakiś gupoty.

[broneknotgeld]

Siedymdziesiont fraszek tyskich
Na te siedymdziesiont lot
Śmioły z tego by sie pyski
Dyć i jo tyż bych był rod.

[broneknotgeld]

XV wiek

We piytnostym wieku ło Tychach pisali
Bo kupce dość czynsto tyndy wyndrowali
Kwery z Mikołowa jechoł na Oświyńcim
Wele Tych na piwo już nabiyroł chyńci.

[broneknotgeld]

XVII wiek

W siedymnostym wieku wioska była zocno
Gospodarka mieli już naprowdy mocno
Browar już był w ruchu - piwa wiela loli
Ze szczyńścio do gości zowdy tu sie śmioli.

[broneknotgeld]

"Gronie"
Take miano trocha dziwo
Dyć wiym ło tym - tyske piwo
"Gronie" - źródło głymbinowe
Mo tyn browar w Mikołowie.

[broneknotgeld]

"Teraz Polska" - "Tyskie Gronie"
Co zrobić by było tonie?
Trza podatku ściepnońć wiela
Na tym zysko cołko sztela.

[broneknotgeld]

Z mapy Hindenberga

Na mapie Hindenberga Tychy już nojdziecie
Kościoł dwor i zagrody wyrysowoł piyknie
I stawy - bo tu ryby hodowali przecie
Tyż leśne strażnice - myśla że wystyknie

Dyć i Paprocany po somsiedzku leżom
Tyż ciekawy konsek dzisioj szteli tyski
Joch na to zoglondoł - inksi niych mi wierzom
Jak niy - to przidymy tu na krziwe pyski.

[broneknotgeld]

Ślonsko Giełda Kwiotkow

Szczyńście że Tychy to majom
Dyć jom kaj ińdzi niy dajom.

[broneknotgeld]

Tyski czakram

Czakram w tyskich Paprocanach
To już niy jest ziymi rana
Kaj sie dziwne dzioły sprawy
Niy ma we tym nic z zabawy

Godajom co tukej anioł
Tyn łod ludzi pilnowanio
Mo w łopiece fest kożdego
I ulyczy niymoc jego.

[broneknotgeld]

Piramida

Świontynia Ozyrysa bydzie w piramidzie
Na prima-aprilis ponoć łotwiyrajom
Wiela tyż tyszanom możno z tego przidzie
Dyć "cudowi" tymu sie yno dziwajom.

[broneknotgeld]

Stefan Krynicki

Szwager Mościckiego kurowoł tu ludzi
Jak sie ku miejskości zaczły Tychy budzić.

[broneknotgeld]

Za jake grzychy
mynczom mie Tychy?

[broneknotgeld]

Wilkowyje

Wikowyje w godle majom
Wilka! -Tako jymu pszajom.

[broneknotgeld]

We fraszkach Tychy
tychy.zobacz.slask.pl/index.php?id=fraszki
Za jake grzychy?

[broneknotgeld]

"Plac Bieruta"

Ech - za komuny wiela se dzioło
Piyrwyj tu przeca było wesoło
Czynsto sztormowki krase furczały
I słowa "Roty" w ucholach grzmiały.

[broneknotgeld]

Kurde bele - łon boł z Tych
Tam niy słepać piwa - grzych!

[broneknotgeld]

Tychy gryfnie świycom w nocy
katowice.gazeta.pl/katowice/1,35019,8891951,Najpiekniej_w_wojewodztwie_slaskim_swieca_sie_Tychy_.html
Możesz w Tychach napaś łoczy.

[broneknotgeld]

Kaj Tychy kuknijcie
katowice.gazeta.pl/katowice/56,35019,10871530,Zywa_szopka_w_parafii_sw__Franciszka_i_Klary_w_Tychach,,3.html
Zajechać tam chciyjcie.

[broneknotgeld]

"Platan"

Zgrzitow było wiela dyć już łotwiyrajom
Na ta wielko feta zabrzan zaproszajom
Ciekawe jak dali sie to kulać bydzie
Sklepow wielkich dużo a Zabrze we biydzie.

[broneknotgeld]

Upadłość browaru?

W Zabrzu jednak tonie browar
Nic że piwo durś sie leje
I chwolony jest piwowar
Rynek sie do niego śmieje

Durś ratować nikt go niy chce
Chocioż było ło tym słychać
Gołubowicz cosik pichce
A durś ciynżko jest im dychać

Przidzie czas - pod młotek wleci
Z warzyniym sie skończy wszysko
W Zabrzu tako sie już kleci
Bydzie ze tym dziwowisko.

[broneknotgeld]

Ordynacke Zabrze

"Ordynacko" Zabrzym rzońdzi
Ordynat tukej niy błońdzi
Chce to do muzeum wdepnie
Yno ktosik cosik szepnie

Ordynacko dyć dziedzina
Cołkym kraso to rodzina
Zabrze kryńci sie szczyńśliwie
Gymba łotwar żech w podziwie.

[broneknotgeld]

Zabrzańske platany

Zabrze platanami słynie
Jest i "Platan" - sklepik w tyj zocny dziedzinie.

[broneknotgeld]

"Wasserturm" w Zabrzu

Na "Donnersmarckhucie" wież jeszcze stoji
Godajom że łona nojstarszo jest tukej
Dyć już we ruinie i nikt sie niy boji
Że zaroz na darmo ci powiym - poszukej.

[broneknotgeld]

Relikwie św. Ojca Pio

Relikwie przezocne w parafii kończycki
Krew łod stygmatyka kapucyny dali
We kościele bydom już tukej nom wdycki
Relikwiorz Woźnice piykny fundowali.

[broneknotgeld]

Szwedzko kapliczka w Zabrzu

Szwedy we wojnie czidziestoletni
Zabrze pierońsko złupiyli
No i przi tymu życie im przetli
Co nojzocniejsze straciyli

Kapliczka yno łostała tako
Kaj leżom zboje-wojoki
Po wiekach przeca jakby jednako
Ze nich tyż byli boroki.

[broneknotgeld]

Kończycko magnolia

Konczycki magnoliii fest sie jo dziwuja
Zochwycony kwieciym rym tyż tukej suja.

Bujaków

[hepik1]

Bujakowskim magnoliom fest sie dziwuja,
zachwycony kwieciym rym TYŻ tukej suja.

Kochłowice

[hepik1]

Kochłowickij magnolii fest sie jo dziwuja
Zachwycony kwieciym rym tyż tukej suja.

[hepik1]

Byłech dzisiej w Ustroniu i jeszcze pora magnolii ,żech po drodze widzioł.W
związku z tym mom pytanie do adminów-czy jak każdyj magnoli co,żech jom napotkoł
poświynca jedna fraszka czy to spam bydzie czy niy?

[broneknotgeld]

Ano widzisz, ważne som intyncje. To co ty robisz to już jest chyba spam.
Zapytej sie jednak moderatorow abo adminow, jak mosz z tym problym.

[broneknotgeld]

W łogrodku piwnym

Wele Pstrowskiego coś droge piwo
Choć żech se napioł dyć tymu dziwoł
Czy po to karlus tela harowoł
By ktosik pedzioł - Pstrowski mo drogo.

[broneknotgeld]

Pstrowski w Zabrzu

Zaś helmisko mo łosrane
I tako tyż rynka
Możno bydzie pucowane
Toż dlo niego mynka.

[broneknotgeld]

Kawiarnia "Pod Gronem"

W Zabrzu jakby koniec świata
Zawiyrajom co trwo lata
Kończy jakoś se epoka
Do zadku fest zaczli skokać.

[broneknotgeld]

Winiarnio Sedlaczkow 1899

Sedlaczek winiarnio we Zabrzu postawioł
Po latach joch tukej przeca czasym bawioł
Terozki kawiarnio "Pod Gronem" se traci
Widać że sie miasto wcale niy bogaci.

[broneknotgeld]

Widelec

W cołkim Zabrzu słychać - PELEC
Czy ktoś wzioł go na widelec?
Choć go ciyngym teroz rzgajom
Pomyślunku w tym niy majom.

[broneknotgeld]

Toż i we Zabrzu

Toż i we Zabrzu magistrat rośnie
Beamtrow wiyncy bestoż radośnie
Paczom na "czasy Gołubowicza"
Choć możno morszczom tyż ździybko lica.

[broneknotgeld]

Na "Makoszowach"

Siedza na grubie - na "Makoszowach"
Tam kaj "szyb szworty" tyż moja gowa
Łon wielki jakby wieża "World Center"
A jo jak klawiyr malutki - "enter".

[broneknotgeld]

Kościoł św. Jadwigi

Kościoł ty Jadwigi na Zaborzu stoji
Ze drzewa go cołkym niydowno stowiali
Toż łod Republiki Weimarski nos stroji
Fikuśnie do tego go wydudowali

Materiał niy dziwi - skiż szkod to gorniczych
Dyć sznit skandynawski se jakby wydowo
Samych wież przi niymu aże sztyry zliczysz
W tym "cudzie zaborskim" poczujesz sie zdrowo.

[broneknotgeld]

Choć już młyna w Zabrzu ni ma
Bioło bywo jak jest zima.

[broneknotgeld]

W Zabrzu

Zdo sie kejby yno cmuka
zabrze.naszemiasto.pl/artykul/559252,festynowe-starcie-dwoch-kandydatow-do-prezydenckiego-stolka,id,t.html
Mono chcecie tam pokukać.

[broneknotgeld]

Jeszcze roz

Jeszcze roz wybiyrać bydom
Ze muzeum dyrektora
Do porzondku ze tym przidom
Abo trza im już dochtora?

[broneknotgeld]

Gruba "Amalia"

Baron Wilczek w swyj dziedzinie "gorki kamiyń" szukoł
Chocioż jeszcze Skarbnikowi we pukel niy klupoł
Dyć "Benigna" take pole już mu tu nadali
Wonglo jednak z niego zaroz niy ufedrowali

Potym tyn Hofrichter nastoł - gruba se zrychtowoł
I "Amalii" piykne miano zarozki jyj dowoł
Wiela wonglo niy dowała - z przerwami go brali
Ale dwiesta lot to tymu jak go już kopali

Jakoś wszysko sie kulało w wieku dziewiytnostym
Niy głymboko - pokład gruby - urobek był prosty
W końcu wlazła we "Concordia" - łona jom połknyła
No i potym już godali że "Amalia" była.

[broneknotgeld]

Skarbniki

Dyć "skarbniki" pewno znocie
www.mmsilesia.pl/11414/2010/8/20/zabrze-i-kopalnia-guido-maja-swojego-dukata-zdjecia?districtChanged=true
Skuli "Guido" w Zabrzu mocie.

[broneknotgeld]

Toż uciechy wiyncy bydzie
katowice.gazeta.pl/katowice/51,35063,12641405.html?i=10
Kej przejechać tako idzie.

[broneknotgeld]

Gierałtowscy w Chudowie

Dzwigli tyn Chudow - tego sie dowiydz
Ci Gierałtowscy ze Gierałtowic
Ich Jan ze Paniow zamek fundowoł
Sto lot z okładym rod tu panowoł.

[broneknotgeld]

Foglerowie

Mikołaj Fogler zamek w Chudowie
Zamiynioł w pałac - taki był czowiek
W końcu i tyn rod łopuścioł włościa
A w murach wiater gonioł fest gościa.

[broneknotgeld]

Franc von Bally

Za von Ballyego zaś prziszła wiosna
Sztela piykniała i jakby rosła
Klontwa durś jednak jakoś wisiała
W silwester spoloł sie dyć bez mała

Łod tego czasu wszysko w ruinie
Ale historio jeszcze niy minie
Teroz Fundacjo łodbudowuje
Chudow zaś Ślonzek piyknie promuje.

[broneknotgeld]

Chudow - 1845

Aleksander von Bally tu browar postawioł
Ło kerym historio jakby zapomniała
Pon przi własnym piwie gości swojich bawioł
Choć już zaboczyli ło tymu bezmała

Dyć jednak terozki we gymbie tyn browar
Chocioż yno jego fundamynta majom
Pewnie by sie cieszoł chudowski piwowar
Że pamiontki po nim jednak poznowajom.

[broneknotgeld]

Husyty w Chudowie

Husytom sie zamek łopiyroł chudowski
Dlo Ślonska ich wojska to był "dopust Boski".

[broneknotgeld]

"Izba Łod Starki w Chudowie"

Zrychtowała to tukej nom Organiścioczka
Ze Chudowa przeca nojpiyrszo Ślonzoczka
W stary szkole izby jako piyrwy blyszczom
Chudowianie na tym przeca yno zyszczom.

[broneknotgeld]

Wieża

Wieża zamku w Chudowie łodremontowano
W piwnicy "muzeum" połoglondać idzie
Na gorze latryna piyknie zrychtowano
Dyć jak wos tam nadrze - z tego nic niy bydzie.

[broneknotgeld]

Czy chudy?

Roz tu doszło do łostudy
-Czy tyn Chudow richtig chudy?
Dyć mo kościoł zamek szkoła
Niy jest chudy! -Tzrza zawołać.

[broneknotgeld]

Trza cudow?
www.esil.pl/index.php?g=galerie&el=50&PHPSESSID=ff5899ded7fc82041c6831fab0540402
Chudow!

[broneknotgeld]

Szkryfna nojprości
chorzow.naszemiasto.pl/galeria/opis/1309751,wolka-czyli-ul-wolnosci-w-chorzowie-jej-historia-jest,galeria,id,t,tm.html#6775939dfd856b32,1,3,6
To ło Wolności.

[broneknotgeld]

Ło tym piecu na Fryncicie
www.dziennikzachodni.pl/stronaglowna/445660,ratujmy-wielki-piec-w-rudzie-slaskiej-opinie-i-zdjecia,2,7,id,t,sm,sg.html#galeria-material
Możno cosik tyż powiycie.

[broneknotgeld]

Brynowske organy

U Świynty Rodziny we piyknym Brynowie
W organy sie bydzie wsuchiwoł durś czowiek
Już "Missa pro pace" zagrali Kilara
Mosz ucho to lepi pomaco cie wiara.

[broneknotgeld]

Patrza we chmury
Tarnowske Gory!!!!

[broneknotgeld]

U Sedlaczka

Jak popijesz u Sedlaczka
To niystraszno ci wojaczka
Nawet Wiedyń możesz mieć
Bele yno byś chcioł chcieć.

[broneknotgeld]

Wdepniesz do naszych Tarnowskich Gor
Zarozki szczyńścio moż pełny wor.

[broneknotgeld]

Tarnowske Gory

W herbie krzidło majom
Wysoko lotajom.

[broneknotgeld]

W Tarnowskich Gorach

Park wodny bokami robi
Plajta możno bydzie
Choć Tarnowske Gory zdobi
Miasto teroz w biydzie

Zlicytujom im "Sedlaczka"?
Pałac w Rybnyj stracom?
Dziynnikarsko to jest kaczka?
Tako sie "wzbogacom"?

[broneknotgeld]

Nasze "parki wodne"

Gyszeft szkryflany na wodzie
We inkszych miastach tyż bodzie
Choć wiela ich tu być miało
Już sie to teroz zwidziało.

[broneknotgeld]

Tarnogorske "Gwarki"

Jako terozki z "Gwarkami" bydzie?
Tarnogorzanie przezocni
Pewno już wiycie co latoś przidzie
W pomysłach żeście som mocni

Przeca ankiety magistrat dowoł
Miyszkańcow pytoł sie wszyskich
Teroz zaś bydzie deliberowoł
Bo budżet na nie mo niski.

[broneknotgeld]

Kopalnia srybła w Tarnowskich Gorach

Choć srybła już niy ma tukej
Przeca sie gruba łostała
W pomnikach historii szukej
Ta ranga jyj sie dostała

Możno muzeum fest ruszy
Turystow wiyncy tyż zyszczy
Jakoś lżyj zaroz na duszy
Ślonska zabytek niych blyszczy

W UNESCO sztartnońć tyż z czasym
Światowo Lista Dziedzictwa
Trza czimać sie dobry klasy
Szanować co skiż gornictwa.

[broneknotgeld]

Kamiyń u karku

Mo burgemajster kamiyń u karku
Dług przeca łostoł po aquaparku
Miasto se na niym coś niy bogaci
A tu kredyty stare trza płacić

Domu Sedlaczka chnet se pozbydzie
Na pałac w Rybnej czas pryndko przidzie
A wszysko po to by dziury łotać
Na dugszo meta zdo sie gupota.

[broneknotgeld]

Pałac w Rybnej

Jednak pałacu niy sprzedo miasto
Czorno godzina? -Niy taki czas to!

Nakło Śląskie

[broneknotgeld]

Na Barborka

Na Barborka w Nakle Ślonskim przepiykno wystawa
Trefoniowo kolekcyjo - richtig zocno sprawa
We powiecie tarnogorskim zajaśnieje tako
A ta naszo Ruda Ślonsko se cieszy czy płako?

[broneknotgeld]

"Haus Oberschlesien" - "Dom Gornoślonski"

Nojlepszy hotel we tych Gliwicach
Kerym sie richtig szło tu zochwycać
Dyć prziszoł styczyń sztyrdziesty pionty
Ruski ze łogniym wleźli w te konty

Zas po fojerze kikut pozostoł
Kery poleku jednak łodrostoł
Stoł sie dlo Gliwic Urzyndym Miasta
Tako jest dzisioj - tu powiym - basta.

[broneknotgeld]

Lipiny

Tam jest pympek świata
Zowdy we wypłata
Dyć jak bezrobocie
To kaj pympek mocie?

[broneknotgeld]

Jak w Lipinach banka glingo
Ludzie myślom że to bingo.

[broneknotgeld]

Wystawa "Łostatnio szychta"

Łostatnio szychta
Ciynżke "gywichta"
www.facebook.com/events/149818675179912/

[broneknotgeld]

Zeppelin w Gliwicach

Zeppelin w Gliwicach tyż przeca londowoł
We czidziestym piyrszym poczta tu przijmowoł
Było to w tym mieście jakby wielke świynto
Czy ktoś ło tym jeszcze dzisioj tyż pamiynto?

[broneknotgeld]

Magistracke fauny

Magistracke fauny cosik som zielone
Ponoć skuli wody take poplamione
Dyć ze wiosnom pewno piyknie je wyczyszczom
Coby my widzieli że w Gliwicach blyszczom.

[broneknotgeld]

Kłodnica

Kłodnica w Gliwicach wyraźnie przibiyro
Na ALARM se jeszcze jednak niy spoziyro.

[broneknotgeld]

Gliwice se ciyngym ponoć łodchudzajom
No i ze tym problym już terozki majom
Bo gliwiczan niy ma tych dwiesta tysiyncy
Pewno Frankiewicza to terozki mynczy

Czech radnych zarozki mu przeca łodpadnie
No i jedyn vice jego tyż se padnie
Godajom że bydzie coś myni piniyndzy
Ano - trza pomyśleć było ło tym pryndzy.

[broneknotgeld]

Gliwice

Stolicom ksiynstwa Gliwice były
Ze handlu brały tyż swoje siyły
Zamek i ratusz mury kajś widzisz
Tu historyji sie niy powstydzisz.

[broneknotgeld]

Gliwickie mury

Ponoć dwdziścia dziewyńć baszt miały
Do tego bramy dwie zocne były
Kilometr z hokym - konsek niymały
Grodu piyknego łone broniyły.

[broneknotgeld]

Sobieski w Gliwicach

U Redemptorystow zdrzymnoł se Jan III
Historyjo Gliwic cosik ło tym kleci.

[broneknotgeld]

Kaj Theodor Erdmann Kalide

Choć jego rzeźbami Gorny Ślonsk sie asi
Dynkmalym gliwickim jednak niy "marasi"
Mo być we ruinie tyn cmyntorz hutniczy?
Łon do ślonski duszy tako jakby "ryczy".

[broneknotgeld]

serwisy.gazeta.pl/kraj/1,34309,2328936.html

[broneknotgeld]

Hlywice

Som te Hlywice wele Knurowa
Niych wos ze tego niy boli gowa.

[broneknotgeld]

Gliwice

Toż skond miano take zocne?
W historyji my som mocne?

[broneknotgeld]

We Hlywicach se nerwować?
Jak spokopić mo to gowa?

[broneknotgeld]

Wele Hlywic

Som wele Hlywic Gierałtowice
Co znaczy "giera"? Możno to wiycie?

[broneknotgeld]

Knur ze gierom żyje w zgodzie
-Bydy niy ma we narodzie.

[broneknotgeld]

Przi Hlywicach giery knury
Czy bujaka widzioł ktory?

[broneknotgeld]

Była

Była wele Hlywic
Zocno wieś wojtowo
Dyć zehlywiczała
To mi sie niy zdowo

[broneknotgeld]

Ciyngym w Hlywicach majom ta Kłodka
-Jednak utopka ciynżko napotkać.

[broneknotgeld]

Chłopek z Hlywic

Chłopek z Hlywic se poradzi
Dyć na Wiejski już paradzi.

[broneknotgeld]

Ze nacjonalnego dziwa
forum.gazeta.pl/forum/72,2.html?f=34281&w=34301684&a=34565100
Wyszła tako ponoć - Gliwa.

[broneknotgeld]

Niy chce Gliwa Niymca!
Niy chce tyż Poloka!
Łostała jyj Kłodka!
Choć żol - trza jyj skokać!

[broneknotgeld]

Zgniyły Gliwa

Ponoć Glywice założoł Gliwa
Richtig był zgniyły? -Toż z niym do chlywa!
Niych se przi gierach i knurach pasie
Gleiwitz - to miasto we piyrszy klasie!

[broneknotgeld]

Ostropa

Za Wojtowom wsiom Ostropa
Karlus ze niyj - kawał chopa
Ponoc tam tyż gryfne frele
Trza zoglondnońć do ty sztele.

[broneknotgeld]

Downy kościoł

Downo stoł koscioł we ty Ostropie
Dyć go zbulyli ponoć husyty
Nostympny tako w gora se dropie
Wiek siedymnosty pokozoł przi tym.

[broneknotgeld]

Ostropa 1640

Ano - świontynia w Ostropie nowo
Ze jedny strony wymurowano
No a ze drugi zaś modrzewiowo
Na chwała Bogu tako stowiano.

[broneknotgeld]

Łod 1926 roku

Łod lot w Ostropie tyn kościoł pusty
Czas tako prziszoł niy cołkym tusty.

[broneknotgeld]

"Idealne miasteczko"

Takim Wilcze Gardło dlo Niymic być miało
W nacjonalny muster z tym im sie wpisało!

[broneknotgeld]

Wilcze Gardło 1937-1941

Rudolf Fischer z Bytomia je zaprojektowoł
Tako pangermański muster tukej dowoł
Coby SA-many w "utopiji" żyli
I na chwała Rzeszy potomstwo płodziyli.

[broneknotgeld]

"SA - Sidlong"

Richtig ordnung we tym widać
Taki muster inkszym by dać?
Jednak szczyńściym - niy zdonżyli
Toż i stond se "wykludziyli".

[broneknotgeld]

"Lagrowo" (Wilcze Gardło)

Ano - ździybko se wydowo
Co tu jakby tyż "lagrowo".

[broneknotgeld]

Wilcze Gardło 1937-1941

Rudolf Fischer z Bytomia je zaprojektowoł
Tako pangermański muster tukej dowoł
Coby SA-many w "utopiji" żyli
I na chwała Rzeszy potomstwo płodziyli.

[broneknotgeld]

Toż przeca wiycie
gliwice.zobacz.slask.pl/index.php?id=fraszki
Rym kaj Glywice.

[broneknotgeld]

Przeca we tym niy som wice
Gorom zowdy te Glywice!

[broneknotgeld]

Glywicko Noc Świyntojańsko
22.06.2007

Na góralsko nuta Plac Krakowski prosioł
Folk w Noc Świyntojańsko radość życia głosioł
Aże trzi kapele tako zabowiały
Richtig wiela luftu łone w dudach miały?

[ta_co_sie_ciyngiym_wywroco]

A Ty tam ze Ślubną był?
I piwo żech piył?
A tańcował z kim?
Nie moga znajć rym.

[broneknotgeld]

Przez ta "bachantka" istny coś stracioł
Kunszt gornoślonski dyć ubogacioł!!!
gliwice.gazeta.pl/gazetagliwice/1,95519,15645674,Kontrowersyjna_rzezbe_T__Kalidego_mozna_ogladac_w.html

Glywicke krupy

[broneknotgeld]

Glywicke krupy

Niy do krupnioka
-trza bronić murow
I we tych czasach
jak "wyścig szczurow".

[broneknotgeld]

Fraszka glywickom krupom tyż zdo sie
A ku łobronie wiela ich mo sie?

[broneknotgeld]

W Rudzie "godula"
forum.gazeta.pl/forum/72,2.html?f=28940&w=63237210
W Glywicach "krupa"
Radochy z tego byłaby kupa?!

[broneknotgeld]

Czamu "krupa"?
Kto to wiy?
Na niyj zupa?
Kto jom zjy?

[broneknotgeld]

Wiela "krup" trza do krupnioka?
Pódzie z niom po piwo skokać?

[broneknotgeld]

Z "krupom" lekci iść przez życie!
Pewno ło tym dobrze wiycie.

[broneknotgeld]

Dlo glywiczan "krupy" złotym
Wcale niy som to gupoty!

[broneknotgeld]

Krupy sztela łobroniyły
Jak te Szwedy pod niom były.

[broneknotgeld]

Glywicke "krupy"

Wpiyrw prziwiydli je Tatary
Jak przez Ślonzek ordom szli
Potym broniom szteli stary
Tako zocne - to sie wiy!

Czy "piniondzym" Glywic bydom?
Chciołbych coby se to stało
Dyć do drobnych z tym niy przidom
-Aż se krupy jeść zachciało!

[broneknotgeld]

Inkszych bogaci
Kto krupom płaci!

[broneknotgeld]

Z krupy zowdy przeca siyła
Oby wyży euro była!

[broneknotgeld]

Czamu pszajom?

Czamu w Glywicach krupom fest pszajom?
-Ucieczy tako z nich wiela majom
Przwiom co z niymi szczyńście we grodzie
I glywiczoki cuzamyn w zgodzie.

[broneknotgeld]

Niych rym glywicki
jako te krupy
wszyskich raduj
-tyż tych ze zupy!

[broneknotgeld]

Oscar Troplowitz - 95-lecie krymu "Nivea"
9-20.IX.2006 Muzeum w Glywicach

Tako wystawa w glywicki szteli
Coby radocha my z tego mieli
Krym dobry - tako glywicko marka
Dyć używała go już i starka.

[broneknotgeld]

Campasta

Kto campasta ludziom doł?
-Toż Troplowitz tako chcioł.

[broneknotgeld]

Floster Troplowitza

Floster istny łoklajstrowoł
Łon był piyrszy co go dowoł.

[broneknotgeld]

95 rokow "Nivei"

Troplowitza zocny krym
Tako niych go chwoli rym.

[broneknotgeld]

Glywicko kamiyniczka

Ano - przi rynku do dzisioj stoji
Już w niyj Troplowitz dyć niy pobroji
Szczyńściym Glywice dyrś se niom aszom
Ślonskom historjom tako niy straszom.

[broneknotgeld]

Nad Kłodkom szanty
gliwice.naszemiasto.pl/artykul/616272,do-gliwic-wraca-impreza-szantowa-posluchaj-piesni-morza-juz,id,t.html
Dyć niy bydź anty.

[broneknotgeld]

"Wersal" w Glywicach?
katowice.gazeta.pl/katowice/1,35019,8621750,Prezydent_Gliwic_o_rywalach__rywale_o_prezydencie.html
Możno coś z wica?

[broneknotgeld]

Szopka we Gliwicach
katowice.gazeta.pl/katowice/56,35019,10871530,W_gliwickiej_katedrze,,4.html
Cieszy nasze lica.

[broneknotgeld]

W starym pyskowickim ratuszu

Co we tym ratuszu mi sie fest podobo?
Hajziel pod "czinostkom" - wcale niy pechowo.

[broneknotgeld]

Pyskowicki "Krziż Golgoty Wschodu" (17.IX.2005)

Przi kościele dynkmal chnetko łodsłoniajom
Pamiyńci poległych na Wschodzie Polokow
Kresowioki przeca ciyngym pamiyntajom
A i nom trza wspomnieć straconych Ślonzokow.

Pilchowice

[broneknotgeld]

Pilchowice

Skond Pilchowice miano se wziyły?
-Ano ze myszy co tukej były.

[broneknotgeld]

"Mauseberg"

Jest po blisku Mysio Gora
A niy jakoś jeji dziura.

[broneknotgeld]

Pilch?

Czy we tych stronach Pilch se pojawioł?
Łon wieś założoł ze pana woli?
Ło tym tu ponoć ktosik tyż prawioł
Niyjedna sztela tako se chwoli
Tym co zasadźcy mo zocne miano
Kere tyż cosik przeca znaczyło
Toż teoryjo tako nom znano
Dyć wiy Ponboczek jak richtig było.

[broneknotgeld]

Myszołap?

Przi Mysi Gorze jejich tympiciel
Richtig Pilchowic to założyciel?

[broneknotgeld]

Było we Hlywicach richtig myszow wiela
Bestoż sprowadziyli jejich tympiciela
Chatynka mu dali tam kaj Pilchowice
Mysio Gora jego - toż terozki wiycie.

[broneknotgeld]

"Pilchowitz" 1305

Łoziymdziesiont łanow colko wioska miała
Do sia Wielopole i Wilcza tyż brała
Zrachuj se we morgach ta wielgachno sztela
Łan mioł sto dwadziścia - tako richtig wiela.

[broneknotgeld]

"Pilchowicz" 1360

Princ raciborski nadowo wioska
Staszako erbnoł wcale niy troszka
Dyć syniorowi dobrze łon służoł
Tako na ziymi nadany użoł.

[broneknotgeld]

"Pylchowycz" 1437

W rynkach rycerza teroz Mikosza
Raciborskego princa był sługom
Toz tako teroz yno donosza
Co łon niy bydzie jednak tu dugo.

[broneknotgeld]

Pilchowice 1487

Dyć Johann Holy czimie ta sztela
Zdo sie co pryndzy juz tukej prziszoł
Familjo bydzie znaczyć tu wiela
Rod Holy na tym nojlepi wyszoł.

[broneknotgeld]

Dwiesta lot

Toż Pilchowice aż dwiesta lot
Rod Holy czimać był richtig rod

[broneknotgeld]

Familijo von Reisnitz

W siedymnostym wieku już sztela czimali
W końcu Pilchowice Wengerskym sprzedali
Kosztowało wszysko sto siedym tysiyncy
Zdo sie richtig wiela - dyć grafa niy mynczy.

[broneknotgeld]

Przi Reisnitzach

Przi Reisnitzach źle im było
Sie majontek w długach łostoł
Co utropom - przeminyło
No i szwongu w końcu dostoł

[broneknotgeld]

Pilchowice von Wengerskych

Toż w grafow Wengerskych rodzie
Pilchowice sie łostały
Z dziedzicami som we zgodzie
Profit z tego przeca miały.

[broneknotgeld]

Pilchowice 1837

Rok źle zapioł sie dlo Pilchowic
Kaj prawa miejske? -Tako łodpowiydz
Na powrot wioskom teroz se stały
I już miejskości niy łodzyskały.

[broneknotgeld]

Graf Wengersky

Rybnik cołkym w jego rynkach
Tako wsie we okolicy
Dyć przibytek to niy mynka
Toż skiż tego łon niy ryczy.

[broneknotgeld]

Graf Emanuel Wengersky

Po łojcu erbnoł cołki majontek
W tym pilchowicki ciekawy kontek.

[broneknotgeld]

Graf Anton Wengersky (1788)

Za jego czasow Rybnik sprzedany
Dyć Pilchowiece ciyngym łon czimoł
Ze jego woli tu fundowany
Kościoł - toż przeca istny niy drzymoł.

[broneknotgeld]

1814

Friedrich Wilhelm Maria - erbnoł ze tym rokym
Ta sztela na kero blikomy se łokym
Ciyngym rod Wengerskych czimie dyć dziedzina
Sie z Pilchowicami zwionzała rodzina.

[broneknotgeld]

Parafijo Pilchowicko 1335

Nuntius Galhardus poswiadczoł tako
Co w Pilchowicach kościoł już stoł
Mały drewniany - dyć to jednako
Z tym Ponboczkowi czowiek tu pszoł.

[broneknotgeld]

Parafijo pilchowicko 1668

Z tym rokym stanoł już kościoł nowy
Siedym mioł łokyn i dźwiyrza dwie
Tyż sygnaturka co woło gowy
W końcu i wieża bo grof tak chce.

[broneknotgeld]

We Wilczy

Była we Wilczy tyż parafijo
Co podupadła - tako mecyjo
Dyć kościoł łostoł przeca drewniany
Już Pilchowicom ze tym łoddany
Bestoż w niym farorz mszo tyż łodprawioł
Roz na czi tydnie aże tu "bawioł".

[broneknotgeld]

We Smolnicy

We Smolnicy tyż kaplica
Co farorza widzi lica
Aże sztyry razy w roku
Łod Pilchowic to na boku.

[broneknotgeld]

Leboszowice Niyborowice
We pilchowicki parafji - wiycie
To tu zoglondoł farorz tyż piyrwyj
Jakbych scyganioł - włosy mi wyrwij.

[broneknotgeld]

W starym kościele

Były na wieży aże czi dzwony
tref zdo sie jakby poszczyńścioł łonym
Bo drugo wojna tyż przeczimały
Choć se po Niymcach wiela tułały.

[broneknotgeld]

Stwoszowy krucyfiks?

Richtig krucyfiks Stwosz wyrychtowoł?
Dyć kto by dzisioj świadectwo dowoł?
Jak som niy łostoł se w Pilchowicach
Tela co prawi to okolica.

[broneknotgeld]

Farorz Johannes Georg Wewierski (XVII w.)

Rodzony w Oleśnie sztudiyrowoł w Pradze
Sakramynt kapłanski zaś przijoł we Wrocku
Katolikow dobro mioł durś na uwadze
Ponoć rzykoł ło to tyz niyjednom nockom

W Lubomii Jastrzymbiu wpiyrw był kapelonkym
Do Pilchowic prziszo w końcu farorzować
Z jedny strony richtig cieszoł sie tu słonkym
Dyć ze drugi musioł biydzie rada dować

Ano - plebanijo zdała sie ruderom
I choć se tym tropioł ło wiernych fest dboł
Katolicko wiara na powrot tu bierom
Nawet protestanty bo farorz im pszoł.

[broneknotgeld]

Farorz Stanisław Siegmund (1760-1837)

W Ligocie Toszecki Stanik urodzony
W familiji kero żyła ze młynarki
Fater chcioł by synek był richtig kształcony
Toż go fest niy ciongnoł do ty gospodarki

Łazioł ze inkszymi do szkoły w Płużnicy
Czytać se nauczoł i tako rachować
Dyć kształcioł se potym z zocny Jemielnicy
Ponboczek mu raczoł znaki jakeś dować

Tako sztudiyrować se wybroł do Wrocka
Już teologijo go przeca kusiyła
I filozofijo wciongała go mocka
We kapłaństwo richtig go dusza ciongnyła

Toż świyncynia przijoł - prymicjo w Woszczycach
Takoż i we Pszowie mieli kapelonkym
Poznała rybnicko go fest okolica
Jak Lyski witały farorza ze słonkym

Drapko tyż dziekanym zostoł w Pogrzebiyniu
Aż hrabia Wengersky ściongnoł do Pilchowic
Trza wspomnieć kapłana we naszym sumiyniu
Co ziymi glywicki pszoł wiela - tyż to wiydz

Inszpektorym szkolnym na okryng toszecki
W Glywicach gimnazjum zakłodo przezocne
We kerym kształcone mieszczan teroz dziecki
Sprawiyły co miasto sie stało tyż mocne

Toż możno i dzisioj ktosik ci to powiy
-Dziekan Siegmund życie ty ziymi poświyńcioł
Piyrszy Obywatel Glywic Honorowy
Zwdy robioł wiela aże se umynczoł.

[broneknotgeld]

"Kary koń i dzida"

Koń kary szczyńście grafowi przinios
Ze kłymbowiska zmij tako wynios
Jeździec mioł dzida ku swy łobronie
Koń wiela szczimoł dyć prziszoł koniec.

[broneknotgeld]

Coś ło Pilchowicach tako tu szrajbnione
www.elvish.org/gwaith/slask/pilchowice.htm
Dyć z rymowankami wcale tyż niy koniec.

[broneknotgeld]

Pilchowianom

Karego konia we godle mocie
Czamu? -Historio pewnikym znocie
Tako i dzida za niym widzicie
Kerom tyż bronioł grof swoje życie.

[broneknotgeld]

Testamynt Welzla (1793)

Toż podskarbi welzel pomarł we Rybniku
Możno i piniyndzy niy było bez liku
Profit fundacyjo dyć z nich mieć musiała
Kero cos zocnego by tu zrychtowała

Grof Wyngersky forsy mioł ty dopilnować
Talarki po zmarłym na lazaryt dować
Dyć zdo sie co prziszło to wszysko w złym czasie
Srybro istny wydoł po czyńści i na sie.

[broneknotgeld]

21 000 talarow

Tela po Welzlu geldu łostało
Dlo jednych dużo - dlo inkszych mało
Za nie lazaryt mieli rychtować
By se w niym ludzie mogli kurować.

[broneknotgeld]

6.VI.1794 Pilchowice

Bonifratry w Pilchowicach ze tym se zjawiyli
Grof na zamku ich prziwitoł - tu se rozgościyli
Prawioł coby w jego progach lazaryt rychtować
Jednak istni wszysko łod sia za geld chcieli stowiać
Dyć kwatera Wyngerskego tyż se przidać miała
Samo wiara we ty szteli przeca niy storczała.

[broneknotgeld]

Grof Wyngersky w ciynżkich czasach (XVIII/XIX)

Zdało sie co istny prawie bankrutowoł
A tu trza wypłacić tako donacyjo
Piyrwyj se tym wspomog teroz niydomogoł
Niy yno dlo grafa prowdziwo mecyjo

Przeca szpital jakoś muszom tu postawić
Przi niymu tyż klasztor bonifratrow zocnych
Trza sie aże sońdzić chocioż to niy bawi
Braciszki niy szczyndzom siył i starań mocnych.

[broneknotgeld]

O. Paschiasus Rautner (1800-1805)

Toż braciszek w Pilchowicach ciyngym tym se tropioł
By zły czas i brak piniyndzy ideji niy topioł
I ze grafym łon se sońdzioł skuli donacyji
Wiela przeżoł w wielkim żolu a niy komedyji.

[broneknotgeld]

Pilchowicki klasztor - VII.1802

Tako se w lipcu zaczła budowa
Kamyń wyngelny wkopali
Drapko niy skończom - po co ta mowa?
Dyć ty ideji czimali.

Sośnicowice

[broneknotgeld]

Skiż sosny?

Skiż sosny momy Sośnicowice?
Możno coś wiyncy ło tym powiycie.

[broneknotgeld]

Skiż "sośnierza"?

Prawiom co piyrwyj miyszkoł tu smolorz
W sosnowe lasy tako se poloz.

[broneknotgeld]

Z sosnom w herbie

Toż Sośnicowice w herbie sosna majom
Tukej drzewu tymu richtig wiela pszajom.

Rudziniec

[broneknotgeld]

Godło Rudzińca

Godło Rudzińca lasym porosto
Tako wom szkryfna terozki prosto.

[broneknotgeld]

Siedymnoście

Siedymnoście sołectw w Rudzińcu zrachowoł
Możno se przi tymu keryś sołtys schowoł.

[broneknotgeld]

Trzi zolywy

Trzi zolywy - wody wiela
Toż se asi niymi sztela

[broneknotgeld]

Z autobany

Zwiydza se Rudziniec prawie z autobany
Dyć kusi mie zjechać jak widza te Łany.

Taciszów

[broneknotgeld]

Taciszow

Czym Taciszow w Polsce słynie?
-Dzwony robiom w ty dziedzinie!

[broneknotgeld]

Ludwisornia

Ano - Felczyńskim tu przeca pszajom
Serca jak dzwony w ty gminie majom.

Taciszów

[broneknotgeld]

Taciszowske dzwony

Taciszowske dzwony wszyndy sztela sławiom
Ło kunszcie Felczyńskich tako zocnie prawiom.

Taciszów

[broneknotgeld]

200 rokow

Dwiesta rokow w ty rodzinie
Fach przezocny - niych niy minie
Kto Felczyński - ludwisorzym
Tako richtig wiela woży.

Widowo

[broneknotgeld]

Widowo

Fojermany słowiom sztela
To ci powiy kożdo frela
Jak se karnom po Widowie
Aże jom przeszywo mrowie.

Widowo

[broneknotgeld]

Fojerwera

Mo zobytek fojerwera
Jakoch dzisioj małowiela
Ano - kara ze sikowkom
Za Wilusia niy zabowkom.

[broneknotgeld]

Na paradzie

Na paradzie fojerwera
Helmiskami blysko
I sikowka staro teraz
Dowo łod sia wszysko.

[broneknotgeld]

Zabrzańske brifmarki w Gierałtowicach

W Gierałtowicach we ichni szkole
Brifmarki tyż wystowiajom
Tako ideja w zabrzańskim Kole
Bo wiela łod sia dowajom.

[broneknotgeld]

W Przyszowicach

Pałac Raczkow remontujom
Szczyńściym latoś zaś łon blyśnie
Los sie nad niym jakby ujon
A i park urodom "tryśnie".

[broneknotgeld]

Przyszowice 1305

Toż majom ponoć siedymset lot
Z czego niyjedyn jest tukej rod
Zocny gyburstag - idzie se bawić
Żdziybko tyż duszy radości sprawić.

[broneknotgeld]

Beksza

W Gierałtowicach terozki Beksza
Richtig skiż tego łona jest lepsza?
Toż możno ło tym niy wszyscy wiycie
Miały jom piyrwyj Ornontowice.

[broneknotgeld]

1303

W tysionc czista czecim pisali ło Pszczynie
Siedym setek pryndko im w tym roku minie
A na forum cicho - nikt niy szkryflo ło tym
Śpiom a by sie mogli zabrać do roboty.

[broneknotgeld]

Browar Ksionżyncy

Hochbergi ze Pszczyny pewnie biyr lubiyli
Bo w Tychach swoj browar fest se rozwinyli
Dyć niy było przeca wtedy tukej chopa
Kery by w browarze niy myśloł - Europa!

[broneknotgeld]

Wolne Państwo Stanowe

Pszczyna państwym prawie była
A dzisioj co z tego?
Kaj straciyła sie jyj siyła?
Szukać trza - kolego.

[broneknotgeld]

Lot dwiesta z okładym we rynkach Promnitzow
Ta Pszczyna "państwowom" jest jakby stolicom
Dyć i w pruskich czasach piykniała ta sztela
A godać by ło tym szło tukej za wiela.

[broneknotgeld]

1627

Śleciała szarańcza nom na zocno Pszczyna
Te wojska Mansfelda to była gadzina.

[broneknotgeld]

Piyrszy polski cajtong we Pszczynie czytali
Stond to w Gorny Ślonzek kulnyło sie dali.

[broneknotgeld]

Ludwikowka

Ksionże Ludwik na zamku niy lubioł przebywać
Woloł z Ludwikowki na tyn świat se dziwać
Skiż niego tyn dworek we parku nom stoji
Lot mo prawie dwiesta - wiekow sie niy boji.

[broneknotgeld]

We Pszczynie

Hochbergi siedzieli tu prawie sto lot
Tyż naszego Slonska to był przeca kwiot.

[broneknotgeld]

Zagroda żubrow

Pszczyna żubrym asić chce sie
Na zagroda zgoda majom
Jak turystow tam prziniesie
To i piniondz swoj wydajom.

[broneknotgeld]

"Bońdź wola Twoja"

Tako nom kapliczka stoji tu ciekawo
Jak kedyś Walezy przez ta Pszczyna pitoł
Tukej go Tynczyński dogonioł fest żwawo
Czamu nom to robisz? - Gupawo zapytoł

Krolik ani myśloł sie z niym w dyszkurs wdować
Pryndko zmiynioł konia. Do Francyji! Wio!
Pamiontka łostała - idzie se dziwować
Kasztelan to pedzioł - historyjo zno.

[broneknotgeld]

Straż zamkowo

Terozki już w Pszczynie wyglondo jak nowo
Warta co pilnuje tu brama zamkowo
"Nowe" rynce majom i take tyż gymby
Jak piyrwyj we zbroji se stojom "po zymby".

[broneknotgeld]

Pszczyńsko gmina

Niy yno miasto - przeca to gmina
Dwanoście sołectw tworzy dziedzina
I grod prastary historiom mocny
We kerym zamek znojdziecie zocny.

[broneknotgeld]

12 pszczyńskich sołectw

Brzeźce Czarków i Ćwiklice
Łąka Piasek Jankowice
Tyż Studzionka Studzienice
Poręba Rydułtowice
Wisła Wielko Wisła mało
Dyć zrachowołch sztela cało
Yno dodać Pszczyna trza
Tako gmina richtig - ja!

[broneknotgeld]

Pszczyna 1548-1765

W czech wiekach Promnitze ta Pszczyna czimali
Hochbergow już potym wszysko było dali.

[broneknotgeld]

Jan Hynryk XV von Pless rogaczym

Trzech synow Stokrotka istnymu już dała
Toż se potym richtig fest rozchorowała
Princ szajdong wzioł drapko - już ślubno mo młodszo
Dyć ta pasiyrbowi zdała sie chnet słodszo.

[broneknotgeld]

Jako na forum tako we Pszczynie?
forum.gazeta.pl/forum/71,1.html?f=338
Dyć to pewnikym chnetko przeminie.

[broneknotgeld]

"Plessowka"

Rog pszczyński ta sztela we Europie sławi
Mustrym se dlo inkszych przeca ciyngym jawi.

[broneknotgeld]

Salon Zielony zamku pszczyńskiego

Richtig we dusze wlywoł nadzieja?
Jo do portretow se tukej śmieja.

[broneknotgeld]

Salon Wielki zamku pszczyńskiego

Włoskim łorzechym salon se asi
Kromlojtrym kery zdo sie niy gasi
Epne łobrozy kominek zocny
Duchy jakoweś we porze nocny
Tyn Salon Wielki tyż nawiydzajom
Tako we zamku ciyngym godajom.

[broneknotgeld]

"Amnezis z Mojżeszym"

Rzeźba kunsztym włoskim gryfnie zbajstlowano
Ku łozdobie Pszczyny na wieki już dano.

[broneknotgeld]

Miyndzynarodowy Festiwal Muzyki Myśliwski w Pszczynie

Jak grać na rogu to yno w Pszczynie
Niychej plessowka cie niy łominie
Choć jedna yno tako nagroda
Sproboj jom wygrać - siył dyć niy szkoda.

[broneknotgeld]

Pszczyna 1915-1917

Wiluś ze ślubnom w Pszczynie miyszkali
Kajzer stond wojnom dyć kerowali
Choć zło skiż tego durś wyłaziyło
Dyć niy ze szteli se łone wziyło.

[broneknotgeld]

Hehe - to skiż promocji.

Boł w niyj driny

We pszynicy wele Pszczyny
Pszociel z Pszowa boł w niyj driny.

[broneknotgeld]

Na "Hubertusa"

Jak na "Hubertusa" to yno do Pszczyny
www.dziennikzachodni.pl/artykul/682241,hubertus-w-pszczynie-prawie-jak-za-ksiecia-pana-zdjecia,id,t.html
Sie niy trop - niy czeko cie tam kulka driny.

[broneknotgeld]

Za lisym

Za "lisym" rajtujom, choć lisow coś mało
Styknie skora copnońć, przi tymu niycało.

Kobiór

[broneknotgeld]

Kobiór

Ze takim mianym ślonsko dziedzina
Ponoć we cołki Polsce jedyna.

[broneknotgeld]

"Kop a bier"

Ano - las pod kobiór se wykarczowali
Toż i ze pniokami rady tyż dowali
Nojsompirw je przeca dobrze łobkopali
Niym se do spolynio wyrwane zabrali.

[broneknotgeld]

Nad Korzyńcym

Mieli z korzyniami tu możno utropa
By z ziymi je wyrwać trza było fest chopa.

[madohora]

fotoforum.gazeta.pl/photo/3/wd/qa/jcow/jLD9cihfOMNOZhoKyX.jpg

[broneknotgeld]

we Gliwicach ichni radni
Ponoć mocno niyzaradni
Ło majontku oświodczajom
Że niywiela tego majom
Mylom mocno sie w dochodach
Szkoda Gliwic! Richtig szkoda!

[broneknotgeld]

"Janioły grajom"
gliwice.gazeta.pl/gazetagliwice/56,95519,10798544,Rynek,,5.html
Jo tu niy bajom.

[broneknotgeld]

Zamek w Mosznej

Tiele-Wincklerow to był zakontek
Tako perełka jak nad Loarom
Mioł blyszczeć przeca ślonski majontek
Graf sie już ło to dobrze postaroł

Kajzer tu z Franckym lubioł polować
Bo lasy pełne były zwierzyny
Zamek gryfniejszy chcioł durś sie stować
Blyszczeć bogactwym naszy dziedziny

Dzisioj mosz forsa - tyż tu przikulej
By wykurować se słabe nerwy
Przidziesz do zdrowia ale niy fulej
Groszym trza sypnońć by nabrać werwy.

[broneknotgeld]

W Mosznie

W Mosznie se idzie tyż porajtować
Piyknym habetom se podziwować
Kere podobno som pełnyj krwi
Co kożdy koniorz przeca tu wiy.

[broneknotgeld]

Zamek w Moszny

Toż ty dziedziny perełka tako
Z radości możno byś nawet płakoł
Bo zdo sie dziwym ze bajki zocny
Czy princ zbajstlowoł go jakiś mocny?
A możno wianym gryfny freliczki
Ech - aże potrza mi teroz ryczki
Bych se mog zicnońć i podziwować
Dyć ponoć potym niy chce sie stować.

[broneknotgeld]

Ze Opola

Ze Opola do Moszny wybier se w niydziela
Łoczy tu napasiesz - przeca cudno sztela.

[broneknotgeld]

"Świynto Kwitnoncy Azalii"

Yno we Moszny mo kwiotek świynto?
Pewności niy mom - styknie że wiym to.

[broneknotgeld]

Ślonski "Disneyland"

I taki zamek u nos znojdziecie
Choć krol bawarski niy tukej przecie
Stykło fantazji Thiele-Wincklera
By se niom cieszyć aże do teraz.

[broneknotgeld]

Stary pałac 1863

Hubert Thiele-Winckler kupioł pałac w Mosznyj
Dyć jeszcze był mały no i barokowy
Zmiynio se niy skuli nowiny radosny
Dyć tako trefiyło co stanoł chnet nowy.

[broneknotgeld]

Stary pałac 1896

Stary pałac zgoroł - dyć podźwignom z nowa
Już Thiele-Wincklera we tym richtig głowa.

[broneknotgeld]

Nowy pałac (1896-1900)

Łodbudowali, robudowali
Widać co geldu niy żałowali
Stanyło w Mosznyj ze bojki cudo
Bogatszy dźwignońć se komuś udo?

[broneknotgeld]

Kanały w Mosznyj

Piyrwyj radości wiela z nich było
Dzisioj se tako nawet niy śniyło
Łodkom żeś zwiydzoł ty Mosznyj stawy
Było przi zamku wiyncy zabawy.

[broneknotgeld]

We parku

Do dzisioj tukej azalie kwitnom
Toż niychej nigdy krzokow niy wytnom
Kwietki azalji fajer tu niesom
Dyć kuracjuszy niy yno cieszom.

[broneknotgeld]

Park w Mosznyj

Alejki do lasu nos tukej wywiedom
Piyrwyj już to było i dzisioj tyż tako
Dyć przeca cie zbojcom zarozki niy sprzedom
Kajś se potraciyli toż żodyn niy płako.

[broneknotgeld]

Na kerhofie

Na kerhofie dziedzicow znojdziecie mogiły
Oby se w pamiyńci nom niy zatraciyły.

[broneknotgeld]

Franciszek Hubert von Thiele-Winckler

Ołpa był sztajgrym yno na grubie
Wnuk se w bogactwie aż tako dłubie
Że zamek jakby krol jakiś stowio
Geld wiela może - czy se wydowo?

[broneknotgeld]

Herb Thiele

We modrym polu na rynka zbroja
Tako trzi rołzy - żodno niy moja.

[broneknotgeld]

Herb Wincklerow

Złoty winkel z gwiozdom
We czerwonym polu
Coby se tyż Winckler
Herbym swojim chwoloł.

[broneknotgeld]

Herb Thiele-Wincklerow

We sztyrech polach herb skuplowany
Po dwa na szago kożdymu dany.

[broneknotgeld]

Pałac

Wielowieś jeszcze pałacym blyśnie
Na razie remont fest majom
Tam Urzond Gminy cały sie wciśnie
Downo już ło tym godajom

Ważne że zysko na tym zabytek
A nawet gmina tyż cało
To przeca dzisioj niy żodyn zbytek
Mieć w zocy co sie łostało.

[broneknotgeld]

Gimnazjum cysterske w Rudach

To dwiesta sześćdziesiont lot tymu sie dzioło
We Rudach gimnazjum - tyż było wesoło
Potym studium jeszcze tukej rozkryńciyli
Z kasatom zakonu wszysko "pobulyli".

[Gość: Warszawiak]

Bronek trzymaj się to ja warszwiak.Wchodzę do was na forum z sentymentu bo w
Rudzie Śląskiej poznałem "dziołchę" swojego życia.Już 3 lata jak jesteśmy po
ślubie i nie zamienił bym jej na żadną warszawiankę.Ale by mi się od swoich
dostało jak by widzieli co ja piszę.Dobrze że już ona śpi a chciałbym dla niej
takie wiersze pisać jak ty ale "niy potrafia".Adam Warszawa Bielany

[broneknotgeld]

Jeronie - jak ślubno jest z Rudy
Pewnie z niom niy ma łostudy
Niych tyż coś szkryfnie na forum
Bo wszyńdzie trza nom humoru.

[broneknotgeld]

Wicemiss Polonia w Radzie wysztartuje?
Czy ktoś jyj kamiynie pod nogi wysuje?
Tako superfrelka Chorzowym zakryńci
Mondro ze niyj dziołcha i mo dobre chyńci.

[broneknotgeld]

Możno sie zodziwi czowiek
chorzow.zobacz.slask.pl/index.php?id=fraszki
Jakimś rymym ło Chorzowie.

[broneknotgeld]

Naznojdywali tam heroiny
I zaś som głośne teroz Lipiny
Tak sie łod downa już plecie tukej
Niyszczyńścio we tyj dzielnicy szukej.

[broneknotgeld]

W nastympny kadyncji

Niychej Chorzowym rzońdzi Małgola
Jo jom po stokroć łod Kopla wola.

[broneknotgeld]

Małgola

Choć polityka to jest motyka
Jo za Małgola ida porzykać
Pódzie ta frela pryndko we gora
Niy yno sago ale we piorach.

[broneknotgeld]

Oreł to może być teroz ślonski
Bo przeca niy ma w niyj duszy gonski.

[broneknotgeld]

Nojgryfniejszo radno

Bardzi Rada Miejsko urodom blysnyła
Małgola już teroz mandat w rynce mo
Mondro gryfno modo - we niyj jakoś siyła
Z niom i Chorzów lepszy - tako mi sie zdo

[broneknotgeld]

70 lot miasta Chorzow

Z tyj "siedymdziesiontki" Chorzow tyż sie cieszy
Choć Krolewsko Huta piyrwyj miastym była
Dyć pychom ta sztela jakosik niy grzeszy
I sie niy postarzo jak gdyby na siyła.

[broneknotgeld]

Radno Małgola

Straciyła swoj mandat ta gryfno Małgola
Dyć jednak w "Pleyboyu" łoglondać jom wola
Choć była w Chorzowie łozdobom ratusza
Szkoda jom tam dlo nich - tela szkryfnońć musza.

[broneknotgeld]

Za Bolka Chrobrego

Wele Bytomia gon powiod Chrobry
Zwiyrza tu przeca niy brakowało
Tako i profit z tego był dobry
Wojom se nawet zapodobało

Dyć bestoż warszlos kasztelan stowio
Możno na bezrok zaś Bolko bydzie
Gowiydź ubito radość mu sprowio
I jodła wiyncy - grod niy we biydzie.

[broneknotgeld]

Lazaryt

Bożogrobcy lazaryt już tu zrychtowali
Choć pod Bytom w końcu go przeca przeniyśli
Lepi bliży princa - to forsztelowali
I zdo sie co richtig dobrze na tym wyszli.

[broneknotgeld]

"Coccham" 1198

W Jerozolimie tako szkryfnyli
Co bozogrobce "Cochcam" chyciyli
Przi "Belobreze" richtig ta wioska
Toż przipomino mi cosik troszka.

[broneknotgeld]

Z "hory"

Na gorce przeca tyn Chorzow Stary
Toż możno miano taki jest "miary"?

[broneknotgeld]

Z "tchórzówki"

Chorzowiany w myckach łażom
Ze skory łod tchórza
Możno stond i miano szteli
Dyć jo niy powroża.

[broneknotgeld]

Ze Chorzowa

Na Chorzowie i Dombie bożogrobce stojom
Dlo tych co kurujom łostatniom łostojom
Przi bytomski bramie dyć lazaryt majom
Mogom bliźnim służyć bo grosz stond ściongajom.

[broneknotgeld]

Farorz Stanisław Szagalski

W ciynżki czas wojny czidziestoletni
Z Bytomia wrocioł w ta sztela
Chorzow z tym zyszczy - ło to se wetni
Choć możno zaroz niy wiela.

[broneknotgeld]

Z woli princa Władysława

Po Tatarach tu niywiela se ludzi łostało
Toż panisko miechowitom ziymie darowało
By je zakon skiz profitow sprobowoł ratować
Ze Chorzowym se udało - plon zaczoł im dować

Domb tyż tako po somsiedzku złoci swoje łany
Białobrzezie - tu tref gorszy zdo sie był pisany
Dyć mi jedyn ołpa prawioł - możno ło tym wiycie
Że choć miano se straciyło to som Miechowice.

[broneknotgeld]

Chorzow gore 1430

Z tym rokym husyty tukej zoglondnyli
Czy juzaś se ludzie przed niymi pokryli?
Wiymy yno tela co Chorzow zegoroł
Mikołaj z Żyglina tako ich pokoroł.

[broneknotgeld]

Na Drajoku

Na Drajoku pod Paniynkom
W wielki grocie śpiom rycerze
Niy jest dlo nich to udrynkom
Ślonska majom bronić w wierze

Toż to spod Legnicy woje
Huf Jadwigi Ślonski zocny
Jedyn styknie z nich za troje
Krześcijanin z niymi mocny.

[broneknotgeld]

Rycerze naszy patronki

Dyć niy na darmo Legnica była
Orda Tatarow przeca skryńciyła
I na połednie poszła w Madziary
Tako łobrona godziwy miary.

[broneknotgeld]

Szafrańce w Chorzowie

Czym te Szafrańce niy handlowali?
Czego to łoni niy rozwoziyli?
Po cołkym Ślonsku wozy ciongali
Do Wrocka tako tyż zoglondnyli
We tyn czas moru jak śmierć mo żniwo
Stolica Ślonska wtedy w żałobie
Tref roztomajty - tako już bywo
Zdało sie istnym - bydom we grobie

Przeca zaraza wielko szczimali
W końcu wrocajom - som we Chorzowie
Dyć jako ze tym bydzie tu dali?
Strach mo terozki niyjedyn czowiek

Trza sie Paniynce łoddać w opieka
Zocno figura już na kolumnie
Sztela łobroni - po co uciekać?
Toż Matko Bosko zwroć łoczy ku mnie.

[broneknotgeld]

Kedy se zbudzom rycerze?

Ponoć za komuny śnik ich niyspokojny
Dyć se niy zbudziyli do "krziżowy wojny"
Teroz przi Paniynce słychać aż chrapanie
Tako mi sie zdowo co wojsko niy wstanie.

[broneknotgeld]

W Chorzowie

Ponoć tu łod downa kaplica se stoła
Coby bozogrobce mogli do niyj wołać
Tych kierzy robiyli na jejich lazaryt
A przeca trza było pilnować ich wiary.

[broneknotgeld]

Kościoł 1379-1590

Wiela razy łodnowiony
We tych richtig czasach ciynżkich
Przez husytow poraniony
Jakoś szczimoł rożne klynski

Dyć niy łopar sie wiekowi
Trza nowego - kożdy powiy.

[broneknotgeld]

Łodnowiynie kościoła 1632

Kościoł po remońcie zdo sie jako nowy
Dyć juzaś siedzibom jest bytomski gowy
W Chorzowie spokojni we czas wojny srogi
Tukej se kerujom Szagalskiego nogi

[broneknotgeld]

Kościoł Maryji Magdalyny 1590-1710

Kery to już kościoł?
Niy byda rachować
Dyć wiela łon znaczoł
Dlo tego Chorzowa.

[broneknotgeld]

Chorzow gore! (27.VII.1782)

Cołko wieś sie wypolyła
Ano łogyń mo dyć siyła
Tako strowioł i świontynia
Idzie yno jom wspominać.

[broneknotgeld]

Juzaś stoji 1785

Marji Magdalyny kościoł juzaś stoji
Bo jako w Chorzowie bez kościoła szczimać?
Toż farorz Bojarski se ło niego boji
Ponoć skuli tego niy chce nawet drzymać.

[broneknotgeld]

Stanoł se na sztrasie!

Kożdymu sie zdowo co łon dziwnie stoji
Toż se poczytocie ło tym godki moji
Kero tukej leci za chorzowianami
Bo łoni nojlepi ło tym wiedzom sami

Prawiyli co piyrwyj była gryfno fara
Ło kero ksiondz richtig musioł se tu starać
Bo w niyj Jan Sobieski tako zanocowoł
I wyśnioł co Turkom lyjty wielke dowoł

A huf wiod chorzowski - wiycie ło niym cosik
Historyji szteli ciekawy to "grosik"
Toż chałpa brzimowo jak piyrwyj stoć mioła
Trza było wyciongnońć fundamynt kościoła

Na "sztrasie" świontynia tako se stanyła
Fary tref niy szczyńdzioł bo se wypolyła
Dzisioj to wyglondo możno trocha dziwnie
Dyć czowiek niy może jak Ponboczek kiwnie.

[broneknotgeld]

Po powojynnych remontach

Ustrojyli kościoł wedle nowy mody
Tako narobiyli yno jymu szkody
Kaj polichromije? Neogotyk w środku?
Co gryfne se traci - czy yno z przipodku?

[broneknotgeld]

We "babińcu"

We "babińcu" piyrwyj wisioł krziż chorzowski
Włazioł żeś tamtyndy - jakby myni troski
Na duszy ci lekci i to troszku dziwi
Że zdo sie co życie już leci szczyńśliwi.

[broneknotgeld]

Tako wleciało
forum.gazeta.pl/forum/72,2.html?f=324&w=44145717
Rymnońć se chciało.

[broneknotgeld]

Dama Bożogrobcow

Maria Nowak - toż posłanka
PiSu chorzowskego wianka
Bożogrobcow dama tukej
W niyj pomocy teroz szukej.

[broneknotgeld]

Wiceszefowo Sejmowy Komisji Edukacyji

Pewno w patrjotyźmie richtig Chorzow dźwignie
I Giertych w ty szteli nikomu niy zbrzidnie.

[broneknotgeld]

Czy w Chorzowie EURO bydzie?
Łoboczymy - możno przidzie
By se region ruszył tako
Stadion Ślonski tyż niy płakoł.

[broneknotgeld]

Chorzow nynci ciszom
chorzow.naszemiasto.pl/artykul/616090,chorzow-przed-wyborami-kandydaci-sie-nie-spiesza,id,t.html
Potym se zadyszom?

[broneknotgeld]

Kej grof Gotfryd miecz podźwigoł
Zowdy żodyn sie niy migoł
Gorko bydzie we Chorzowie
mojchorzow.pl/p,s,200120,o,listing_informacji,id_kat,200274,id_informacji,446178.html
Sie zapoci w zbroji czowiek.

[broneknotgeld]

Chorzowski biyrek!
mojchorzow.pl/i,otwarto-pierwszy-minibrowar-w-chorzowie,100,822043.html
Idzie do giyrek?

[broneknotgeld]

Niymcom to sie niy udało
Chocioż wiela tego chciało.

[broneknotgeld]

Fidel w Mysłowicach

Był roz Fidel w Mysłowicach
We pamiyńci to łostało
Dzisioj tym sie fest zochwycać
Politykom tam zachciało

Ponoć heppenig był taki
Groczka "piykno" i czerwono
Obciach hucpa wiela draki
By mu dynkmal wystawiono

Antykleryk ciepnoł hasło
Jo przeciyrom zaroz łoczy
Czy to richtig ślonske miasto?
Konstytucjo majom w zocy?

Polityczno przeca szycha
Co durś anty Kościołowi
w dymokracji niy zno "grzycha"
Kajś mo ludzi - z czasym powiy.

[broneknotgeld]

Dyć już kajsik mo Fidela
Tako jest jest "czerwono" sztela?

[broneknotgeld]

Już majom

Majom już na rynku tu Jana Krzciciela
A kajsik klachali że wolom Fidela
Jednak w Mysłowicach dziynki Opatrzności
Patron tego miasta we fontannie gości.

[broneknotgeld]

Tyn ich prezydynt

Tyn ich prezydynt richtig mo pecha
Co yno chyci w niego to bije
Łon masochista? Jego uciecha?
Leko sie ze tym czy ciynżko żyje?

[broneknotgeld]

Możno to jakoś "psychiczno siyła"
Ło prezydynta se zahoczyła
Coś mi sie zdowo że mu fest wadzi
Czy egzorcysta tymu zaradzi?

Yno niy myślcie wcale źle ło tym
Toż take "fatum" to niy gupoty
Czowieka przeca żol jest naprowdy
Przeca Ponboczek we kożdym zowdy.

[broneknotgeld]

Podświadomość świadomości robi durś łostuda
Dyć skiż tego niy dziwota że dziejom sie "cuda"
Ciynżko pewno karlusowi ze sobom wyczimać
Toż niy moja to utropa - ida se pokimać.

[broneknotgeld]

Sie sypie

Podobnoś łostatnio sypie sie lewica
Nawet już i we tych zocnych Mysłowicach
Jako we Warszawie tako i jest tukej
Borowikow chnetko we lesie poszukej.

[broneknotgeld]

Łoj ta Grecjo

Osyra ze Grecji pociongo sznorkami
Ździybeczko daleko - ktosik sie sztrabuje?
Trza mu tam spokoju - prziznocie to sami
Dychnie se i mocni na zeslu poczuje

Niyważne że kasa magistratu pusto
Normalka bo przeca gospodorza niy ma
Przijedzie zaś bydzie w Mysłowicach tusto
Tela yno szkryfna rynkami łobiyma.

[broneknotgeld]

"Mysłuś"

Możno zmiyniom herb Mysłowic
By niy straszoł tako - powiydz
Gryfny misiu ze wikliny
Dyć łozdobom ty dziedziny.

[broneknotgeld]

Dziw nad dziwy
fakty.interia.pl/fakty_dnia/news/sam-sie-okaleczyl-zeby-wzbudzic-litosc-wyborcow,819159,2943
Cud prowdziwy?

[broneknotgeld]

Jak schody na rynek?

Sypie se Osyra jak schody na rynek?
Coś ło tym łosprowio mysłowicki synek
Ponoć skuli majchra ciyngym mo utropa
Czy som se pochlastoł - czy dziobli niym chopa?

[broneknotgeld]

Kibic Osyra

Toż fuzbalerom pokibicowoł
Z delegacyjom przeca kuplowoł
Do swoji budy tako se strzeloł?
Czy Mysłowicom yno pościeloł?

[broneknotgeld]

1138

Bolek Krziwogymby dziedzina podzieloł
Ziymia mysłowicko wtedy przi Krakowie
Ślonzek i "syniorat" nojstorszymu ścieloł
Na Władysławowy krotko jednak głowie.

[broneknotgeld]

1178

Kazik Sprowiedliwy potkym był dlo syna
Toż Plontonogego rośnie z tym dziedzina
Krześniokowi przeca istny podarowoł
Przigraniczne ziymie - tako se to stowo.

[broneknotgeld]

Mieszko II Spaśny (1230-1246)

Kazik I w grobie
Mieszko po niym stoji
We tych czasach wszysko
Tatarow se boji.

[broneknotgeld]

Mieszko III

Syn Mieszka Mieszko trzimie dziedzina
Bratu wpiyrw dano przyńdzie na syna.

[broneknotgeld]

Leszek

Syn Przemysława - princ tu łostatni
Co ze krwi Piastow tako rodzony
Toż we potomkow niy był dostatni
Erbnoł to szwager - tela dyć znomy.

[broneknotgeld]

Testamynt Leszka opolsko-raciborskiego

Testamyntym Leszka dziedzina z Opawom
Choć se wrogi tego zarozki łobjawiom
Roztomajte larmo dyć na nic se zdowo
Jak Jan Lyksymburczyk tyż za tym już stowo.

[broneknotgeld]

Familijo Ottona z Pilicy

Wojewoda sandomierski krola był kamratym
Ano przeca tyn Jagiełło niy poprzestoł na tym
Ottonowo jego potkom - do krztu go trzimała
No a cera wojewody w koncu Włodka miała
We alkiyrzu jako ślubno chocioż już był stary
Dyć prawiyli coś dworzany że przi freli jary.

[broneknotgeld]

Princ Jan I

Princ opawsko-raciborski syniorym dziedziny
Chocioz piyrszy tego miana przeca niy jedyny.

[broneknotgeld]

Jan II (1380-1423)

Z łojca Jana zaś Jan rzońdzi
Prawiom co naprowdy błońdzi
Z princa dyć raubriter srogi
Co somsiadom wszyskim wrogo
Toż go "mistrzym" tukej zwali
Jako katu dyć niy pszali.

[broneknotgeld]

Jan II "Mistrz"

Tako prawiyli piyrwyj do kata
Tako zbojowi choć princ zapłata.

[broneknotgeld]

Wacław princ rudzko-rybnicki

Z Maciejym Korwinym wdoł se we wojynka
Dyć tym ziymie swoje wystawioł na mynka
Mysłowice bestoż tako zastawione
Princa zaś niy czekoł tyż szczyńśliwy koniec

Ze krolym przegrano - zesłany do Kłodzka
Niyjedna go czeko we hereszcie nocka
Śmierć we końcu retnie ze srogi niywoli
Wspomniynie istnego możno ździybko boli.

[broneknotgeld]

Wiktoryn Ziymbicki

Przemyślida po Wacławie
Trzimie pszczyńsko już dziedzina
Kto w hereszcie niy we prawie
Pominiono tyż rodzina

[broneknotgeld]

Kłodzko 1478

Princ Wacław umiyro we kłodzkim hereszcie
Dyć czy Mysłowice dychnom ździybko wreszcie?

[broneknotgeld]

Kazimierz II - princ cieszyński

Łod teścia istny łodkupioł Pszczyna
Tako tyż Cieszyn wzbogacioł
Dyć to niy przyńdzie z łojca na syna
Bo Turzon dobrze zapłacioł.

[broneknotgeld]

Przi Turzonach (1517)

Familijo ze Krakowa
Co w bogactwo łopływała
W Mysłowicach jako głowa
"Państwo Pszczyńske" dyć trzimała.

[broneknotgeld]

Po Turzonach

Po Turzonach Salamony
Potym Mieroszewskich momy
W Mysłowicach jako pany
Ano - tref im taki dany.

[broneknotgeld]

Piyrszy miyszkaniec

Olbrzim se tu piyrwyj ze wilkym przikludzioł
Dyć choć we nikerych richtig stracha budzioł
Wandrusom niy szkodzioł - przez rzyka przeprowioł
A jak frelka trefioł to nawet zabowioł.

[broneknotgeld]

Nad "Czornom Wodom"

Zielone zbocze nad "Czornom Wodom"
Se ludzie upodobali
Z Krakowa prziszli tako wom godom
Niy chcieli rajzować dali.

[broneknotgeld]

"Misslosovici" (1105)

Benedyktynom padarowane
Jako tyż inksze dziedziny
We dokumyntach richtig spisane?
Niy dowiyrzocie? Stond miny?

[broneknotgeld]

"Myślimuce"?

Możno se tako nojdowni zwały
W tym pomyślunek przeca niymały.

[broneknotgeld]

"Myślimice"

Take być te miano miało
Dyć sie cosik pomiyszało.

[broneknotgeld]

Mysłowice (XIII w.)

Ano - historio już tako prawi
No i nom sztela przed łoczy jawi.

[broneknotgeld]

Tatary 1241

W "Rocznikach Wrocławskich" coś ło tym prawiyli
Miasto Mysłowice Tatary zniszczyli
Tako wygorała cołko okolica
Dugo tukej mieli uślimtane lica.

[broneknotgeld]

Myślimice - Mysłowice

Łoba miana u Długosza
Kere lepsze? Powiydz - prosza.

[broneknotgeld]

"Myślimice"

Myślimich, Myslimir, abo Myślim ino
Czy miano ty szteli zasadźce wspomino?

[broneknotgeld]

Mysłowice

Ta dziedzina po Mysławie
By se tako zwała prawie?

[broneknotgeld]

Darowizna princa Mikołaja (1360)

Jaźwice, Załynże, Roździyń, Bogucice
Miasto Mysłowice ze wsiom Szopiynice
I profity cołke ty dziedziny zocny
Otton ze Pilicy erbnoł - tako mocny!

[broneknotgeld]

Mysłowice 1360

Toż Mysłowice już miastym były
Se tych prow miejskich kedy chyciyły?
Trza by to cofnońć możno wiek cały
Koncept tyn zdo sie niy taki śmiały.

[broneknotgeld]

W downych Mysłowicach

Ech - w Czorny Przymszy wiela ryb było
No i rybnikow se namnożyło
Toż co se dziwać? Dziedzina rosła!
Z tym do prow miejskich tyż drapko doszła.

[broneknotgeld]

Torg w Mysłowicach (1301)

Niymiecki historyk cosik ło tym prawioł
Inkszym niywyraźnie dyć tyn torg se jawioł.

[broneknotgeld]

Miczko z Mysłowic (XIV w.)

Dom we Krakowie kupioł se istny
Kupiec ło profit niy był zowistny.

[broneknotgeld]

Hanko z Mysłowic (XIV w.)

W piyrw w Mysłowicach Hanko wójtowoł
Potym wśrod mieszczan Krakowa stowoł.

[broneknotgeld]

Stanisław de Myslowicze (XIV w.)

Dyć choć krakowianin
Tyż mysłowiczanin.

[broneknotgeld]

Mysłowicki pleban (XIII w.)

Tako farorz mysłowicki
Już w trzinostym wieku zwany
Toż ściongejcie przed niym mycki
Niy na darmo łon plebanym.

[broneknotgeld]

Pleban Hunold (1308)

Znomy ze miana
Tego plebana.

[broneknotgeld]

Kościoł mysłowicki (XIV w.)

Ano - już stoł tu wymurowany
Z farom i szkołom cuzamyn dany.

[broneknotgeld]

Wacław i Pyjter Bodzantowie

Jagiełło z Jadwigom zdo sie bratkom pszali
Ziymiom mysłowickom ich łobdarowali.

[broneknotgeld]

Dzierzysław Bodzanta

Syn to erbnoł po Wacławie
Tako zowdy jest we prawie
Mysłowice Dzierżysława
Toż niy śnik to ino jawa.

[broneknotgeld]

Adam i Jan Bodzantowie (XV w.)

Dzierżysława syny przeca
Przi Bodzantach Mysłowice
Toż se dali z rymym leca
Ło tym tako teroz wiycie.

[broneknotgeld]

Frysztat 22.01.1517

Kazimierz cieszyński Turzonom sprzedowo
Ziymia Mysłowicko - tyn rod przi niyj stowo
Po prowdzie Aleksy kupioł jom łod princa
Wspomniyniym istnego jo se niy umyncza.

[broneknotgeld]

Ze Spisza

Ze Spisza Turzony rod wiedom swoj zocny
Niy yno w Krakowie łon z czasym jest mocny.

[broneknotgeld]

Aleksy Turzon

Patrycjusz krakowski - geldu mu zbywało
Ziymia Mysłowicko kupić tyż zachciało
Dyć jom drapko łodsprzedo łon przeca
Bestoż ku Janowi ze rymym poleca.

[broneknotgeld]

Jan Turzon 1528

Brat Aleksego w gyszefcie wielki
Kuźnice gruby i inksze werki
We jego rynce złoto sypały
Richtig profiy zawsze dowała

Jan Turzon ukrod dyć Wenecjanom
Kunszt z kerym kukfer tyn wytopiano
Umioł ze strzybrym dować se rady
Stykło ołowiu i koniec zwady

Toż se niy dziwcie - mnożoł majontek
Tako tyż kupioł tutejszy kontek
We kerym gruby ajzy już były
A możno inksze skarby se kryły.

[broneknotgeld]

Mysłowice 1536

Toż łodsprzedowo Salamonowi
Ło Mysłowicach co Turzon powiy?
Strzybra pewnikym w szteli niy znojoz
Kaj ińdzi teroz szukać go poloz.

[broneknotgeld]

Stanisław Salamon

Piyrszy z Salamonow co te ziymie trzimie
Jako spamiyntali go we ty dziedzinie?

[broneknotgeld]

Mikołaj Salamon

Łon jest dziedzicym już klucza tego
Dyć przeca wiycie - mysłowickiego.

[broneknotgeld]

Katarzyna Salamon

Mikołaj pomarł - wdowa łostała
Za gospodarka tako se brała
Toż jako zowdy grosza trza było
Coby dziedziczce se dobrze żyło.

[broneknotgeld]

Katarzyna Salamon +1614+

Pomarło dyć istno - cery łostawiyła
Poł tuzina przeca frelek rachowali
Tako se dziedzina ze tym rozdrobniyła
Dyć czas w Mysłowicach ciyngym leci dali.

[broneknotgeld]

Jadwiga Salamonówna

Cera Katarzyny w miasteczku łostała
Tu swoj dwor do śmierci przeca bydzie miała.

[broneknotgeld]

Jadwiga Mieroszewska (1637)

Dyć wyszła Jadwiga za Mieroszewskiego
Tako wniosła wiano do rodu zocnego
Kery aż dwa wieki w Mysłowicach bydzie
Niym zły czas na niego w końcu tukej przidzie.

[broneknotgeld]

Mysłowice Mieroszewskich (1637-1839)

Toż w Mysłowic historyjo
Se wpisała familijo
Kero poszła i we grofy
Choć doczkała trefu sztrofy.

[broneknotgeld]

Krzysztof Mieroszewski - sekretorz krolow

Toż poru krolom sekretarzowoł
Władysław IV na przodku stowoł
I Jan Kazimierz mioł we niym sługi
I Wiśniowiecki przez czas niydługi
Skończoł posługa za Sobieskiego
Karyta krolow jest u istnego.

[broneknotgeld]

Krzysztof Mieroszewski - fortyfikator

Fortyfikator łon miast Korony
Zbajstlować ze nich mioł twierdze zocne
Tako i z tego Krzysztofa znomy
Dyć czy te mury Szwedom za mocne?

[broneknotgeld]

Krzysztof Mieroszewski +1679+

Jeszcze majorat z dziedziny robi
Dyć wnet se zmarło panu Mysłowic
Wspomniynie jego historio zdobi
Krolom durś służoł - tako i to wiydz.

[broneknotgeld]

Pańsko łostuda

Miyndzy krewnymi ciyngym łostuda
Se Mieroszewski z Kamieńskim sondzi
Majom prawniki ze niymi cuda
Recht chce mieć kożdy - na swojim rzońdzi.

[broneknotgeld]

Łoskarżony Byndzin (1678)

Byndzinowi niy darujom
Piwo z niego dyć szmuglujom
Lepsze łod mysłowickego
Krziwda dlo dziedzicow tego!

[broneknotgeld]

Jan Krzysztof Mieroszewski

Erbnoł po bracie ze woli wdowy
Cołko dziedzina - dyć był gotowy
Wziońć mysłowicki majorat tako
Już ordynatym - toż niy jednako.

[broneknotgeld]

Grof Jan Krzysztof Mieroszewski (1740)

Tako sztuje tytuł hrabiego
Do ordynata Mieroszewskiego.

[broneknotgeld]

Józef Mieroszewski
(ordynat 1768-1779)

Burgrabiom zamku był wawelskiego
Łowczym łynczyckum jeszcze do tego
Na Mysłowicach zaś ordynatym
Styknie rachować - łostana na tym.

[broneknotgeld]

Ano, pomylyły mi sie daty ordynacji tego grofa - miało być (1755-1768).
Wyboczcie mi tyn feler.

[broneknotgeld]

Jan Nepomucen Mieroszewski
(ordynat 1768-1779)

Trzeci ordynat we ty dziedzinie
Rod jeszcze dugo tu niy zaginie.

[broneknotgeld]

Wincenty Mieroszewski (1779-1780)

Młody karlus a śmierć znoloz
Do wojska pruskego poloz
Z mostu z koniym wlecioł w rzeka
Niy retnyli już człowieka.

[broneknotgeld]

Felicjan Mieroszewski

Toż ordynat pionty tukej
Czyńści go w Warszawie szukej
Krola Stasia szambelanym
Tako ty "śmietonce" znany
Potym trocha tyż wojowoł
Z Bonapartym - dowom słowo.

[broneknotgeld]

Kościoł Św. Krziża łodbudowany

Grof Felicjan geld swoj dowoł
Tako kościoł łodbudowoł.

[broneknotgeld]

Stanisław Mieroszewski

Tyn ordynat tyż karlusym
Ze Kościuszkom przeca ruszy
Piyrwyj posłym zaś sejmowym
Krwi niy skompioł no i głowy.

[broneknotgeld]

Poseł Sejmu Rzeczpospolity Krakowski

Ksiynstwa Warszawskiego już przeca niy było
W Krakowie se ździybko wolności ukryło
Stanik Mieroszewski tu swoj mandat trzimoł
Choć cima se zdało dyć istny niy drzymoł.

[broneknotgeld]

Aleksander Mieroszewski

Siodmy już ordynat - majorat szczyńśliwy?
Ech dzioły se przi niym roztomajte dziwy
Podobnoś za wiela w Krakowie balowoł
Z roku na rok tako biydniejszy se stowoł
W końću wyszło na to - żył prawie na krycha
Czy przidzie łodpuścić mu takego grzycha?

[broneknotgeld]

Mysłowice 1839

Mieroszewski w długach tonie
Niyciekawy czeko koniec
Ano - tako bydzie teraz
Trza już wspomnieć ło Wincklerach.

[broneknotgeld]

100 000 talarow

Wieczysto dzierżawa tela kosztowała
Maria Wincklerowo talarki dyć dała
Choć se Mieroszewskich burzy familijo
Dyć trza długi spłocać - to niy komedyjo.

[broneknotgeld]

8.V.1839 "Majorat Finansowy"

Toż Mieroszewski geld tako broł
A Winckler robioł co yno chcioł
Tako mog czuć se bardzi dziedzicym
Panym Mysłowic i okolicy.

[broneknotgeld]

"Czerwono Ksiynga" (1590-1767)

Ano - se łostała
do potomnych tako
Kto ździybko poczyto
Możno tyż zapłako.

[broneknotgeld]

Po polsku

Po polsku szkryfli "Czerwono Ksiynga"
Toz lekci dlo nos po nia tyż siyngać
W niyj dokumynty historio tako
Grod roz se śmieje kej ińdzi płako.

[broneknotgeld]

Mysłowice XVI w.

Rynek, kościoł farny, pora drog do tego
Dwor po blisku stawu zdo sie dość wielkego
Wszysko wele Przymszy i mostu na rzece
Kery za granica wiod wandrusa przecie
Dyć ze drugi strony - kaj na Bytom dźwiyrza
Już kościoł stoł drugi - tyn Świyntego Krziża.

[broneknotgeld]

Downe mysłowicke sztrasy

Kaczo, Bytomsko, Wałowo
W pamiyńci co jeszcze stowo?
Ta Oświyńcimsko ze rynku
Dyć przed Mostowom niy klynkom
Chocioż na Krakow powiedzie
Niych se Salamon niom jedzie!

[broneknotgeld]

Na rynku

Na rynku ratusz stanoł drewniany
Studnia i pryngiyrz tako tyż dany
Na rynku serce miasteczka bije
Tu zowdy widać - dziedzina żyje.

[broneknotgeld]

Wałowo

Skuli Tatarow wały sypali
Chocioz se niymi niy ratowali
Toż miano sztrasy historio jawi
Nojniyszczyńśliwszo - jak sztela krwawi.

[broneknotgeld]

Brama Bytomsko

Na Bytom wiodła - se niy wydowo
Dwor za niom widać - kościoł tyż stowo.

[broneknotgeld]

Brama Krakowsko

Z rynku ku Strudze droga go wiedzie
Czy przez ta brama na Krakow jedzie?

[broneknotgeld]

Na Kaczy

Stoła tyż brama prawie na Kaczy
Co mie terozki ździybko łonaczy.

[broneknotgeld]

Kaczo

Ku Strudze cisła
Do Przymszy tako
Tkocz tu niyjedyn
Podobnoś płakoł.

[broneknotgeld]

Mysłowicki dwor

Stoł dwor miyndzy kościołami
Przi Bytomski - zocny sztrasie
Przeca ło tym wiycie sami
Tako było w downym czasie.

[broneknotgeld]

"Szlostauch"

Stow zamkowy - przeca wiycie
Przi rybniku zocne życie
Fiszow w niym niy brakowało
Dyć dziedzicom durś coś mało.

[broneknotgeld]

Downy browar

Ano przi Przymszy stoł downy browar
Czy go prowadzioł zocny piwowar?

[broneknotgeld]

"Wielki Most"

Na miara szteli zdowoł se wielki
Przymsza przegrodzo - niy duperelki.

[broneknotgeld]

"Kwiotczysko"

Wele stawu jest pańskego
Przed tym jednak durś łogrody
Z traktu blikej bytomskego
Przed Bolinom co ze wody.

[broneknotgeld]

"Przedbolina"

Za Zapłotami a przed Bolinom
Traktym na Bytom z lewa łominom.

[broneknotgeld]

"Zabolina"

Miniesz Bolina to blikosz na to
Piyrwyj tu było bardzi sagato?

[broneknotgeld]

"Miejskie"

Za pańskim stowym "Miejskie" leżało
Skuli Mysłowic te miano miało.

[broneknotgeld]

Stow "Golok"

Już dośc daleko na połnoc przeca
Tam kaj Szabelnio terozki leca.

[broneknotgeld]

Skotnice

Zwykło, Wielko no i Mało
Mnożyć se Skotnicom chciało.

[broneknotgeld]

Dom pastyrza

Wele Przymszy pomiyszkiwoł
Choć se tymu ktosik dziwoł.

[broneknotgeld]

Kościoł Nojświyntszy Maryji Panny

Niydaleko rynku świontynia stanyła
Już niy pamiyntajom jak dugo tu była
Pewnikym widzioł nawet wiek trzinosty
Tako w średniowiecze łona jakby mostym.

[broneknotgeld]

Farske pola

Łod koscioła na połednie
Zdajom ci sie nawet przednie
Kościoł wiela ziymi mioł
Dziesiyńcina jeszcze chcioł.

[broneknotgeld]

Zamek

Za Bytomskom Bramom na gorce se stoji
Ło miejsko dziedzina mozno trocha boji
Kedy podźwigniony? Chciyjcie mi powiedzieć
No i komu piyrwyj prziszło w zamku siedzieć?

[broneknotgeld]

Mysłowice drewniane

We szesnostym wieku ciyngym som drewniane
Chocioż prawa grodzke łod wiekow szkryflane.

[broneknotgeld]

Dom wójta

We downych czasach przeca drewniany
Sztrasie Bytomski był przipisany.

[broneknotgeld]

Kamiynica wójtowo (1808)

Ano - z tym rokym prawie stanyła
Piyrwyj drewniano chałupa była.

[broneknotgeld]

Kamiynica wójtowo (1857)

Zgorała dyć drapko
Zaś łodbudowano
Zdo sie co na wieki
Mysłowicom dano.

[broneknotgeld]

Kamiynica wójtowo (1957)

Toż jom prawie remontujom
Zabytkowo - forsztelujom.

[broneknotgeld]

Kościoł św Krziża

Widzioł go tukej już wiek dwunosty?
Możno dźwignyli jak był trzinosty
Dyć wiymy - kościoł z downa tu stoł
Tref roztomajty na siebie broł.

[broneknotgeld]

Kościoł św. Krziża 1807

W czas napoleoński co piyrwyj spolone
Dyć świontyni na tym wcale niy jest koniec.

[broneknotgeld]

Kościoł św. Krziża 1826

Nowy kościoł stanoł kaj ruina była
Ano - w Świyntym Krziżu jest prowdziwo siyła.

[broneknotgeld]

Rybniki

Ze stawow rybnych piyrszy "zamkowy"
Inkszych tyż wiela - kożdy ci powiy
I Czorno Przymsza fiszom darzyła
Ze tego piyrwyj Mysłowic siyła.

[broneknotgeld]

Mysłowicke młyny

Porachujcie sami
Jako ze młynami.

[broneknotgeld]

Mysłowicko Chudoba

Po prowdzie na miasto niywiela to było
Z pastwisk i rybnikow se piyrwyj tu żyło
Z dziewiytnostym wiekym Mysłowice rosły
Tako do znaczynio wiynkszego tyż doszły.

[broneknotgeld]

Mieszczany

Do końca wieku łoziymnostego
Tysionc niy było nawet kolego
Bestoż niywielko zdo sie dziedzina
Jak jedna ślonsko tako rodzina.

[broneknotgeld]

Burgemajter Mysłowic

Reskiyrowoł mieszczanami
I ło grod tyż przeca dboł
Czasym wadzioł se z panami
I wójtowi mało pszoł.

[broneknotgeld]

Wójt Mysłowic

To co wiejske w jego ryncach
Ano - wcale dyć niy krynca
Wele miasta chłopow tela
Że wielgachno zdo sie sztela.

[broneknotgeld]

Mysłowice 1587

Ech - zły rok to dlo Mysłowic
Skiż armiji - se to dowiydz
Habsburg mioł być krolym Polski
Dyć utropa z jego wojskym
Mysłowice spustoszone
I po czyńści wypolone.

[broneknotgeld]

Przi wojnie trzidziestoletni (1618-1648)

Ano - zaś utropa tako
W Mysłowicach wiela płako
Gwołt, rabunek, krew se leje
Ciynżko lecom tukej dzieje.

[broneknotgeld]

Mor we Mysłowicach (1615)

Luftym mor do miasta prziszoł
Wielke było utropiynie
Zły tref tako czynsto miyszoł
Kto go wiod na pokuszynie?

[broneknotgeld]

"Luftowy burgemajster" (1615)

Toz prziszło Kawce wojować z morym
We Mysłowicach niyjedyn chory
Śmierć richtig wiela terozki skosi
Głucho jak kery litości prosi.

[broneknotgeld]

Wiyszadło nad Przymszom (1615)

Toż blisko rzeki wiyszadło stoji
Kto se przi morze tu kraść niy boji
Tymu na karku sznur zapisany
Tako niyjedyn tukej wiyszany.

[broneknotgeld]

Mysłowice 1735

Wojska cara tyż widziały
Krotko tu kwaterowały
Poszły dali - z serca kamiyń
Toz se czasie w lepszy zamiyń.

[broneknotgeld]

Wielko Woda 1735

Po ulywie wielko woda
Wszyske mosty pozrywała
Fisze płynom po zagrodach
Przymsza cołkym łoszalała.

[broneknotgeld]

Rada Miejsko piyrwyj

Pora rajcow z burgemajstrym
Pisorz kery niy wihajstrym.

[broneknotgeld]

Burgemajster

Mieszczanom dany
Z rajcow wybrany
Piyrwyj na pora nawet miesiyncy
Z czasym na dłuży - welunek mynczy.

[broneknotgeld]

Marysia Opaczkówna (XVII w.)

Słynie Marysia w dziedzinie z krasy
Karlusow wiela prziciongo tako
Bo kaj gryfniejszo łod freli naszy?
Skiż niyj niyjedyn ślypia wypłako

Dyć tym niyszczyńście we końcu kludzi
Kaj Jana Białka zamordowali?
We chałpie frelki! Już se niy zbudzi
Marysia tako na sond zabrali

Na nic jyj płaczki! Na nic łobrona!
Już wystawiono w klotce dymbowy
Gańba dlo frelki niym przidzie konać
I kat se chyci jyj gryfny głowy.

[broneknotgeld]

Jak Kanka z Głodkym (XVII w.)

Jak Kanka z Głodkym tu zbojowali
To se we znaki pierońsko dali
Łokraść czy zabić - dlo nich jednako
Bestoż niyjedyn człowiek zapłakoł

Dyć ich we końcu przeca chyciyli
We Mysłowicach tako sońdziyli
I richtig wiela torturowali
Niym w końcu śmiertce pod kosa dali.

[broneknotgeld]

Hamernik Walenty Roździeński

Znocie tego hamernika
W kuźnicy zdoł sie rzykać
Dyć robocie swoji pszoł
Mało kery tak jom znoł.

[broneknotgeld]

Sie sońdzioł

Sońdzioł sie Walynty ze Salamonowom
Choć łona dlo niego była zwiyrzchniom głowom
Bestoż princ na Pszczynie musioł cosik pedzieć
A że kuźnik przegroł - tako poszoł siedzieć.

[broneknotgeld]

Piyrszo mysłowicko gruba 1788

Już tu z tym rokym wongel kopali
Chocioż niywiela ufedrowali.

[broneknotgeld]

Gruba "Teodor" -Brzynczkowice (1800)

We Brzynczkowicach gruba powstała
Wonglo niywiela rocznie dowała
Dyć tu fedruje i dlo Wincklera
Choć z "Nowom Przymszom" kupluje teraz.

[broneknotgeld]

Gruba "Luiza" w Słupnyj (1801)

Mieroszewski gruba stowio
Dyć Larischom chnet sprzedowo.

[broneknotgeld]

Huta "Zofia" (1836)

Kaj piyrwyj mieli tu stow zamkowy
Huta stanyła - kożdy ci powiy.

[broneknotgeld]

Mysłowicko aptyka (1828)

Pigulorz Fengier w rynku łotworzoł
Trza dyć se czymsik kurować
Choć grosz dlo ludzi tu wiela wożoł
Medykamyntow żałować?

[broneknotgeld]

Mysłowicko aptyka 1840

Łod Fengier Koepsch aptyka kupuje
Sto rokow w rodzinie teroz jego bydzie
Toż rod pigulorzy zdo sie tu kroluje
Aże po czas wojny - ty drugi co przidzie.

[broneknotgeld]

Czas napoleoński w Mysłowicach

Ech - szkod wiela narobiyli
Kontrybucjo nałożyli
Francyjoki w Mysłowicach
Okupanta majom lica.

[broneknotgeld]

Po Francyjokach

Po francyjokach zaś ruske wojsko
Mynczy ta ziymia co im niy swojsko
Toż Mysłowice biydujom tako
Że być już wioskom zdo sie jednako.

[broneknotgeld]

Mysłowice 1815

To co ze Pszczynom pokuplowało
Jakby na darmo teroz se zdało
Toż jo se nawet ło to niy pytom
Już Mysłowice jako "Kreis Bytom".

[broneknotgeld]

Mysłowice 1815-1873

We bytomskim som powiecie
Choć na ziymi pszczyński przecie.

[broneknotgeld]

Mysłowice 1873

Tako teroz Mysłowice
We Powiecie Katowice
Kere miastym cołkym młodym
Dyć chnet bydom "piyrszy wody".

[broneknotgeld]

Do Wrocka 1846

Z Mysłowic do Wrocka już jedziesz po glajzach
Możno na Szczakowa tyż kusi cie rajza?

[broneknotgeld]

Do Krakowa 1847

Chcesz jechać cugym do Galicyji
Już niy mosz wcale z tym komedyji.

[broneknotgeld]

Banhof Mysłowice

W roztomajte strony stond cie wiedom glajzy
Austryjo, Rosyjo, w środek Niymiec rajzy
Toż se miasto na tym terozki bogaci
Tam kaj cug zoglondo gyszeft se niy traci.

[broneknotgeld]

Mysłowice 1863

Jak za Przemszom te powstanie
Pułk tu pruski drapko stanie
Tako Ruskom pomogajom
Co z Sosniwca uciekajom.

[broneknotgeld]

Mysłowicko fojerwera (1864)

Juz tu fojerwera majom
Choc niy piyrwsi z tym na Ślonsku
Przeca jyj mieszczany pszajom
-Myni łognia we tym konsku.

[broneknotgeld]

Mysłowice 21.VIII.1683

Przi Moście Krakowskim krola powitały
Cołke Mysłowice - Sobieskego znały?
Farorz błogosławioł wielgachno armijo
Choć som marsz pod Wiedyń to niy komedyjo.

[broneknotgeld]

Napoleon w Mysłowicach

Ech - spod Moskwy durś uciykoł
Ze armijom zharatanom
ło tref lepszy pewno rzykoł
Klynska mu nojciynższom ranom.

[broneknotgeld]

Dr. Hauser (1900-1919)

Burgemajstra tego znocie?
Nic ze Niymca we niym mocie
Dyć do wojny miasto rośnie
Moga szkryfnońć to radośnie.

[broneknotgeld]

Sond i hereszt (1904)

Mysłowice teroz majom
Czy z tym prawu wiyncy pszajom?

[broneknotgeld]

Na Piosku

Na downym Kwiotczysku Pioskym tako zwanym
Niyjedyn familok teroz budowany.

[broneknotgeld]

Szkoła na Piosku (1904)

Ludzi na Piosku wiela miyszkało
Tako i szkoły potrzebowało.

[broneknotgeld]

Elektrownia miejsko (1913)

Staraniym miasta tukej stanyła
Sztrom Mysłowicom potrzebny przeca
Niyjedna byrna se rozblysnyła
-Tako przi kery jo rymy kleca.

[broneknotgeld]

Sztrom we Brzynczkowicach (1919)

Sztrom pociongli tu po wojnie
Jak zdowało se spokojnie.

[broneknotgeld]

Mysłowicko banka (1900)

Glingo już na wonskich glajzach
Drapci zyńdzie niom ci rajza.

[broneknotgeld]

Miejsko szporkasa (1913)

Przeszło trzi miljony już ta kasa miała
Szporobliwych ludzi ta dziedzina znała.

[broneknotgeld]

"Sokoł" w Mysłowicach (1903-1905)

Blysnoł "Sokoł " w Mysłowicach
- toż przi Niymcach okolica.

[broneknotgeld]

Chór "Słowiczek" (1913)

Papczok istnym dyryguje
Taki chór we Mysłowicach
Toż niyjedyn se raduje
Śpiyw wygłodzo przeca lica.

[broneknotgeld]

Wieża Bismarcka (1907)

W "drajkajzereku" wieża stanyła
Choć widokowo - Niymcy sławiyła
Dzisioj sto rokow by richtig miała
-Stoć w ty dziedzinie długo niy śmiała.

[broneknotgeld]

"Sokół" 21.II1919

Co przed wojnom krotko było
Zaś łod nowa tu dźwignyło
Toż se garnom do "Sokoła"
Niy trza nawet ludzi wołać.

[broneknotgeld]

I powstanie Ślonske we Mysłowicach (1919)

Toż przeca tukej wiela se dzioł
Ano - niy było wcale wesoło
Za Przymsza w końcu pouciekali
Ci co na Niymcow se porywali.

[broneknotgeld]

Wybory samorzondowe X.1919

Łoj - Rajcow Niymcow myni wybrali!
Jako to teroz poleci dali?

[broneknotgeld]

Burgemajster Radwański

Z miana Polok - Niymiec z duszy
Dyć za Przymsza łon niy ruszy.

[broneknotgeld]

2.II.1920

Oddział huzarow francuskich prziszoł
Mioł plebiscytu wachować
Czas niyspokojny - wiela namiyszoł
Aże zodziwio se głowa.

[broneknotgeld]

Koło Literackie im. H.Sienkiewicza (1919-1927)

Toż czytelnictwo tu promowali
I polski godce pieronym pszali.

[broneknotgeld]

Mysłowicko łorkestra (1.V.1920)

Ano - przi grubie tako powstała
Koncert swoj piyrszy ze tym dniym dała
Antoni Dawid batuta trzimoł
By mu łorkestrant żodyn niy drzymoł.

[broneknotgeld]

Mysłowice 19.VIII.1920

Toż insurgynty sztela chyciyli
Niymiecke siyły stond przegoniyli
Tako zwoj tryjumf zarozki głoszom
Wsparcio ludności przi tymu proszom.

[broneknotgeld]

Straż Obywatelsko 20.VIII.1920

We Mysłowicach terozki władza
Taki rym ło tym jo yno wsadza.

[broneknotgeld]

Policjo Gornoślonsko (4.X.1920)

Jakos jom tukej richtig niy chcieli
Ze październikym dopiyro w szteli
Straż z tym se traci Obywatelsko
We Mysłowicach jednak niy sielsko.

[broneknotgeld]

Plebiscyt we Mysłowicach 20.III.1921

Wiela za Polskom czy za Niymcami
Terozki wiycie naprowdy sami
We Mysłowicach wskozali - Niymcy
Głos emigrantow terozki mynczy
Dyć tego prawie Poloki chcieli
Se historyjo ciekawie ścieli.

[broneknotgeld]

Insurekcjo Majowo 1921

Ano - prziszła noc majowo
Polske z rana Mysłowice?
Tako ze tym se już stowo?
A co potym? -Sami wiycie!

[broneknotgeld]

Straż Obywatelsko V.1921

Toż Terkowski reskiyruje
Strażom co se władzom czuje
W jego ryncach Mysłowice
Niy godejcie że to wice.

[broneknotgeld]

20.VI.1922

Siedym bram za ułanami
Polska ze Mysłowicami.

[broneknotgeld]

Mysłowice rosnom

Ćmok, Janow, Szabelnio i łogrod zamkowy
Teroz w Mysłowicach - wbij se to do głowy.

[broneknotgeld]

Społdzielnia "Zachynta"

Miastu dwa złote za meter dała
I wille tukej pobudowała
Urosła nowo jakby dzielnica
Z tym wygryfniały Mysłowic lica.

[broneknotgeld]

Fabryka mebli (1925)

Se Marcin Robak grunt kupioł tukej
Z Mysłowic mebli we Polsce szukej.

[broneknotgeld]

Staro rzeźnio miejsko

W łoziymnostym wieku miasto rzeźnio miało
Kaj dokładnie była już se zapomniało.

[broneknotgeld]

Nowo rzeźnio 1888

Ano - łotwarli już rzeźnio nowo
Masorz se we niyj narobioł zdrowo
Krowom i wieprzkom łotwarli kontek
Przeca niy poszczom durś jako w piontek.

[broneknotgeld]

Mysłowice jako azyl
A niy "Gababibabazyl".

Marklowice

[broneknotgeld]

W "Złoty Setce"

W "Złoty Setce"samorzondow
Marklowice som
Za to wypiołch jo "Goldwasser"
I chyńć dali mom.

[broneknotgeld]

10 lot gminy Marklowice

Dziesiyńć lot som gminom
terozki włod nowa
Humor "złotym" dlo nich
-wojta we tym gowa.

[broneknotgeld]

Stowarzyszynie Dinopark

Coś sie w Krasiejowie dzieje
Dinozaurland możno bydzie
Szczyńście jednak sie łośmieje
Jak ze unii euro przidzie

Za rok hala możno stanie
Dlo tych gadow ślonski ziymi
Coby były podziwiane
Trza sie przeca asić niymi.

[broneknotgeld]

Vivat Paczkow!!!

Prawie lotek dwiesta tu wszyscy czekali
By wrociyły do nich łodebrane prawa
A dyć tyj miejskości wreszcie se doczkali
Vivat Paczkow młodość radość i zabawa!

[broneknotgeld]

W Głuchołazach

W Głuchołazach pod Gorom Parkowom
Łod lot źrodełeczko wodom swojom siko
Choć za jeji jakość gowy jo niy dowom
Niyjedyn już tukej ze szczyńścio aż rzykoł.

[broneknotgeld]

Pod Prudnikym

Wele tyj Rudziczki pod Prudnikym w lesie
Źrodełko cudowne - wieść sie tako niesie
Dyć za Niymca jeszcze na pont tam chodziyli
I dzisioj to samo - niy mogom sie mylić.

[broneknotgeld]

Po bosoku

Ze Prudnika szuły znane
Jyż niy bydom rychtowane
Bo fabryka zbankruciyła
W długach teroz jeji "siyła".

[broneknotgeld]

Z Głogowka

Głogowek łostatnio tym asi sie fest
Że ślad po prababce Kerry`ego tu jest.

[broneknotgeld]

Kochcicki park

Park przepiykny tukej we dwoch stylach stoji
Połnoc mo angelsko francuske połednie
Pałac Ballestrema czyńści jakby kroji
Werci sie tu zajrzeć - dyć nojlepi we dnie.

[broneknotgeld]

Europejski Dinopark

Krasiejow doczko se chnetko sławy
Ździybko poczekać trza jeszcze
Toż skiż nauki a niy zabawy
To wszysko przidzie nom - wierzcie.

[broneknotgeld]

Krasiejowski pawilon

W Krasiejowie już stowiajom
Dyć utropa nowo majom
Bo przi tymu niszczom kości
No i jak se niy zezłościć?

[broneknotgeld]

Krasiejowsko polityka

Polityka w Krasiejowie
Stowio cosik aż na gowie
Toż "Dinopark" przistopowoł
Choć downo by profit dowoł.

[broneknotgeld]

Strzelce Opolskie

Kedyś były Wielkie - dzisioj som Opolskie
Ważne że durś ślonske i bestoż tyż swojskie.

[broneknotgeld]

Ło Strzelcach

Czynsto gon tu mieli
Nasze ślonske pany
Bestoż tyż tyj szteli
Prziwilej był dany

Na kerego mocy
Miasto lokowane
Siedymset lot w zocy
Jak stanoł tu zamek.

[broneknotgeld]

Zamek w Strzelcach Opolskich

Aż po II wojna łon piyknie tu stoł
Dyć w sztyrdziestym piontym tyż los inkszych broł
Po Ruskach łostały sie yno ruiny
Castella zabrakło i jego rodziny.

[broneknotgeld]

Strzelec tu na rynku z lot dwudziestych stoji
W rog zarozki zadmie - gon przez bor powiedzie
Przi niym pies co dzika sie wcale niy boji
Widać że łon zowdy chciołby być na przedzie.

[broneknotgeld]

Osmańczyk w Opolu

Po śmierci Osmańczyk tyż niy mo spokoju
Ciyngym mu maraszom dynkmal na kerchowie
Życie już niy dźwignie go z truły "do boju"
Dyć mści sie durś na nim jakiś "polski czowiek".

[broneknotgeld]

"Pieśń Rodła"

Osmańczyk jom łoblyk w słowo
Za to po śmierci mu sie dostowo?

[broneknotgeld]

"Opolsko choroba"

"Opolsko choroba" cołko Polska toczy
Już kaj ińdzi łona tyż ciepie se w łoczy.

[broneknotgeld]

Możno mocie tako wola
forum.gazeta.pl/forum/72,2.html?f=46273&w=61056147
Coby wdepnońć do Opola.

[broneknotgeld]

Ulica Kultury
opole.gazeta.pl/opole/56,35086,11606385,Co_ciekawego_na_najbardziej_kulturalnej_ulicy__ZOBACZ.html
Opole do gory.

[broneknotgeld]

A możno cosik ze inkszy zisty
Miano Lukaschka antyfaszysty.

opole.gazeta.pl/opole/1,35114,13283356,_Rzeczpospolita__i_SLD_mieszaja_Orlem_Bialym__Przeciwko.html

Kluczbork

[broneknotgeld]

Tyjater Hauptmanna

Ciyngym sie Hauptmann w grobie przewroco
Ło co mu idzie? -Toż wiym już ło co!

Kluczbork

[broneknotgeld]

Kluczborsko bojka

Możno zgodnymy kedyś zoklyńcia
I łobudzymy wielkego ksiyńcia
Co ze ty ziymi cudo nom zrobi
Kere Europa cołko łozdobi

Ponoć legynda ło tym prawiyła
-Frelka z Kluczborka mo tako siyła
Że zbudzi princa jakimsik rymym
Dyć heksom bydzie - to tyż my wiymy

Bestoż se tego bojom nikerzy
Recht we tym majom - możecie wierzyć
Tu wierszokletce na nic i trzos
Na nic tyż gryfność - czeko jom stos.

Kluczbork

[broneknotgeld]

Kluczbork

Te sławne miasto krziża rycerzy
Wydało wielkich Ślonzokow
Skarb to regionu - trza nom w to wierzyć
I chcieć doczimać im kroku.

[broneknotgeld]

Miod w Stobrawie?

We Stobrawie chyba niy
Dzierżon możno coik wiy?

--
Jan z Kluczborka

Na uniwerku tyn Jan wykłodoł
Żakom w Krakowie wiela łon godoł
A po Grunwaldzie Jagiełły witoł
Jego to czowiek - jakby kto pytoł.

[broneknotgeld]

Adam Gdacjusz (1615-1688)

Dyć tako teroz szkryfnońć tyż musza
Trza nom pamiyntać tego Gdacjusza
Kerego "ślonskim Rejem" tyż zwali
A we Kluczborku richtig mu pszali.
--

Słychać go było na cołkim placu
Piyrwyj godali co łon fest "gdacoł".

[broneknotgeld]

"Cruceburch" 1252

Czy "Kruczego Bora" tyn grod miano nosioł?
-Możno kruk jakowyś po Ślonsku to głosioł!

[broneknotgeld]

Kreuzburg 1425

Prawym magdyburskim rzońdzi już se miasto
Pewnikym terozki bydzie lepszy czas to
Rajce z burgemajstrym tego upilnijom
Dyć gospodorzami richtig fest sie czujom.

[broneknotgeld]

Dwunostu apostołow

Dwunostu apostołow stoło tu przi rynku
Dyć se dlo nich zdało to za wielkom mynkom
Czasy ciynżke prziszły - niy wszystko łostało
Toż domy w komplecie by mieć se zachciało.
--

Jan Dzierżon

Skiż piszczoły
Łon niy goły
Łobleczony w historyjo
Dlo Kluczborka niy mecyjo.

[broneknotgeld]

Ze Kluczborkym

Mo ta Stobrawa
ze niym zabawa?
Wodnik se pytoł
jak tu zawitoł.

[broneknotgeld]

Rechtor Jan z Kluczborka

Toż rechtorowoł istny w Krakowie
Tako z Kluczborka mondry był czowiek
I niy dziwota że krola witoł
Jakby se ło to ktosik tu pytoł.

[broneknotgeld]

Pomnik ks. Jana Dzierżona

Przi Byczyński pomnik stoji
Tako Kluczbork richtig stroji
Tyn co go rozsławioł w świecie
To bartniki wiedzom przecie.

[broneknotgeld]

Piyrwyj

Kluczborske sukno na Ślonsku znali
Toż tym i miasto przeca dźwigali.

[broneknotgeld]

Wangelicki kościoł

W nojstarszy czyńści z piastowskich czasow
Gotycke mury kunsztu niy gaszom
Co w środku przeca jest rokokowy
Trza tam zoglondnońć - kożdy ci powiy.

[broneknotgeld]

Adam Gdacjusz

Toż istny był przeca ślonskim Rejym zwany
W naszy godce szkryfloł - ze tego tyż znany
We kluczborskim zborze kozania łon głosioł
Ło dobro człowieka i Ponboczka prosioł.

Paczków

[broneknotgeld]

Paczków 1254

Ze woli biskupa miasto lokowane
Na prawie flamandzkim jak inksze przi Nysie
Ksiynstwu biskupiymu ku łobronie dane
Co go tukej czeko jeszcze mu niy śni sie.

[broneknotgeld]

Czy ślonske?

Czy to ślonske "Carcassone"?
Czy tu świata yno koniec?

[broneknotgeld]

W restauracyji "Carcassone"

Pstrong po paczkowsku ciyngym tu kusi
Niyjedna kurka przeca łon dusi.

Kopice

[broneknotgeld]

Kopice 1360

Downe to czasy dyć już Kopice
Pode Grodkowym to niy som wice
Von Borsnitz czimie je familijo
Taki majontek żodno mecyjo.

[broneknotgeld]

Kopice 1450

We zapomniynie idom Borsnitze
Teroz von Beessow przeca Kopice.

[broneknotgeld]

Kopice 1531

Z Wrocka kanonik erbnoł majontek
Baltazar Neckern - to jego kontek
Dyć przidom drapko inksze dziedzice
Upodobajom se te Kopice.

[broneknotgeld]

Z ronk do ronk

Rosenthale, Spaetgeny, Sierstorpffy to czimiom
Ciyngym tako te Kopice cosik niy podrzymiom.

Brzeg

[broneknotgeld]

Brzeg (XIV w.)

Brzeg - grod warowny w dziedzinie rośnie
Bolko świdnicki go stowio
Toż szkryflom ło tym tukej radośnie
Bo tyż uciechy Brzeg sprowio.

[broneknotgeld]

"Wieża Lwow" (XIV w.)

Zamek gotycki - w niym juz ta wieża
Co tako znakym zocnego zwierza
Tu ku łobronie mocny służyła
Chocioż miyszkalnom tyż przeca była.

[broneknotgeld]

Princ Bolesław III

Brzesko-legnicke Piasty ze niego
Toż we tym zamku szukej istnego
Bo przeca ciyngym tu pomiyszkiwoł
I na dziedzina swo ślonsko dziwoł.

[broneknotgeld]

Za Ludwika I (1358-1398)

Princ rozbudowoł tyn zamek wiela
Rezydyncyjo tako gryfnieje
Blyszczy kulturom z tym naszo sztela
Stolicom ksiynstwa - to prawiom dzieje.

[broneknotgeld]

Princ Fryderyk II (1480-1547)

Ech Fryderyku - ło zamek dbołżeś
Renesansowy pałac chnet miołżeś.

[broneknotgeld]

Princ Jerzy II (1523-1586)

Fryderyk zaczoł Jerzy dokończoł
We swoje czasy tajo se włonczoł
Mo już siedziba renesansowo
Drugim Wawelym teroz se zdowo.

[broneknotgeld]

Komaskowie w Brzegu

Tako rodzina ze Włoch tu działo
Niyjedyn zamek przebudowali
Renesans siyngo w Europa cało
Ze woli princa Brzegowi dali.

[broneknotgeld]

Zamkowy łogrod

Łod zamku ciongnoł se w strona Odry
Łogrod zielony - nurt rzeki modry
Na muster włoski wysztiglowany
Piyrwszy Ślonskowi takowy dany.

[broneknotgeld]

Zamkowo brama

Toż se dziwujcie - zocno fasada
Na gzymsie zaś familijo
Jorgel z Barbarom - ło to niy zwada
Stojom choć czas durs przemijo

[broneknotgeld]

Popiersia bramne

Princ Jorgel II przodkow tu wsadzioł
Popiersia krolow ksionzont piastowskich
Mozno nikery by komus wadzioł
Dyc ło kunszt idzie - w tym palec boski.

[broneknotgeld]

Herb wiyrchni

Krol Zygmunt August se niym ucieszoł
Choć zamek ślonski herb polski przeca
Mustrym Wawelu toż tu niy grzeszoł
A i grod z Piastow tako jest neca.

[broneknotgeld]

Gimnasium Illustre

Jakuba Parra kunsztym dźwignione
Ze woli princa we Brzegu blyszczy
Ksiynstwo z tym bardzi jest łoświycone
Sława niy yno na Ślonsku zyszczy.

[broneknotgeld]

Wojna Ślonsko 1741

Ech wojna ślonsko - niyszczyńście Brzegu
Kanony stojom w srogim szeregu
Fryc renesansu niy uszanowoł
Piastowski zamek fest zbombardowoł.

[broneknotgeld]

Kolegiata św. Jadwigi

Toż kościoł ze zamkym durś dzieje kupluje
Fryc Wielki świontynia tako bombarduje
Yno prezbiterium se po tym łostało
Dyć podźwignom z nowa by tu sie rzykało.

[broneknotgeld]

"Ślonski Wawel" w ruinie

Przi starym Frycu źle se tu dzioło
Toż yno karczma i magazyny
Niyjedyn płakoł bo niywesoło
Zoglondać prziszło na te ruiny.

[broneknotgeld]

W połowie XIX wieku

Zdo sie co zamek dychać zaczyno
Brzeg go poleku z upodku dźwigo
Muzeum jednak we niym już yno
Toż historyjo we łoczach migo.

[broneknotgeld]

Kościoł św. Jadwigi

Kościoł tyż przeca łodbudowali
Skiż wojny ślonski uciyrpioł wiela
Dyć Ponboczkowi ciyngym tu pszali
Toż zaś cieszyła łoczy ta sztela.

[broneknotgeld]

Kościoł św. jadwigi 1945

Ano - zaś zniszczony
We ruinie dugo
Dyć już restaurowany
Radośnie nom mrugo.

[broneknotgeld]

Muzeum Piastow ślonskich

Ano - dyć ło to Polska zadbała
By "Piastow ślonskich' sztela nom grała
Toż na te cudo se dziwujymy
Ło historyji wiyncy z tym wiymy.

[broneknotgeld]

Galeryjo portretowo

Brzeg se asi niom i dzisioj
Darmo lepszy w Polsce szukać
We Europie żech usłyszoł
Że trza tukej mi zaklupać.

[broneknotgeld]

Sarkofagi princow brzesko-legnickich

Se na nie dziwosz
-Widzisz "kunszt śmierci"
Przeca zoglondnońć
Jednak tyż werci.

[broneknotgeld]

Łogrody

Jako i piyrwyj renesansowe
Dzisioj tyn zamek przeca tyż kraszom
Se kunsztym włoskim zodziwio człowiek
Tyż te łogrody perełkom naszom.

[broneknotgeld]

Muzyczno Wiosna w Brzegu

Kożdy meloman w tych dniach ci powiy
-Pympkym dziedziniec zdo sie zamkowy
Skiz tyj muzyki co tu rozbrzmiywo
Toż niychej świat se Brzegowi dziwo.

[broneknotgeld]

Najazd poetow na zameK Piastow ślonskich

Co roku zamek tyn najyżdżajom
Ci kierzy słowu nojbardzi pszajom
Brzyg jak za Piastow kulturom blyszczy
Tako dlo Ślonska wiela z tym zyszczy.

[broneknotgeld]

Herb Piastow brzeskich

Prawiom co piyrwyj był jak wrocławski
Kaj czorny orzeł na tarczy złoty
I niy seblykoł strzybny przepaski
Dyć se pomiynioł niydugo potym
I ze Legnicom tako skuplowoł
Dwa ślonske orły, dwie szachownice
Tarcza z tym drapko sztyropolowo
Bioło- czerwono - przeca to wiycie.

[broneknotgeld]

Bez zamku

Bez zamku we Brzegu
Nasz Ślonzek ubogi
Toż niychej na zowdy
Richtig teroz drogi.

[broneknotgeld]

Biechów

[broneknotgeld]

Biechow

Za Nysom tyn Biechow znojdziecie
Se werci zoglondnońć tam przecie.

[broneknotgeld]

Graf Joachim von Beess (XVI w.)

Ano - von Beessy Biechow trzimali
Dyć roztomajcie leciało dali.

[broneknotgeld]

Jerzy Ludwik von Starhemberg (XVII w.)

Dyc za hrabiego zamek już stoł
Jako wyglondoł dzisioj niy wiymy
Biechow dziedzica swojego mioł
A my coś wiedzieć ło tym tyż chcymy.

[broneknotgeld]

Familijo von Hoditz

Toż z dziedzicami durs se myniyło
Czy dlo Biechowa dobrze to było?

[broneknotgeld]

Familijo von Montbach

Tyn Biechow trzimali
Chnet połtora wieku
Wiela jymu dali
-Wiydz ło tym człowieku.

[broneknotgeld]

Biechow gore! 1854

Toż se Biechow spoloł cołki
Zamek, kościoł, karczma tako
Wszyscy tukej teroz gołki
Już niy bydzie nic jednako.

[broneknotgeld]

Antonina von Montbach

Biechow se spoloł - dziedziczka choro
Toż wszysko poszło na zatrocynie
Ciynżko żyć teroz z utropy porom?
Śmierć sie wydowo jak ukojynie

Toż i pomarła nom Antonina
Bić se z chorobom jakby niy chciało
Blado i zimno cołkym jyj mina
To yno Śmiertka uradowało.

[broneknotgeld]

Eloi Matuschka von Toppolczan

Erbnoł Biechow grof terozki
Trza ruina łodbudować
Wiela ze tym było troski
Dyć wnet pałac zaczoł stowiać.

[broneknotgeld]

Biechow 1865

Neorenesansym blyszczy
Pałac z nowa postawiony
Rod Matuschkow gniozdo zyszczy
Kere dzisioj podziwiomy.

[broneknotgeld]

Kaplica grobowo

Przi pałacu tako majom
Dlo Matuschkow familiji
Toż ło przodkach pamiyntajom
Z tym niy może być mecyji.

[broneknotgeld]

Park (XIX w.)

Park pałacowy
Co wtedy nowy
Dzisioj niy zbytkym
Yno zobytkym.

[broneknotgeld]

Biechow 1904

Ano - trza pałac zaś remontować
Ździybko przi tymu tyż rozbudować
Grafow Matuschkow perełka tako
Biechow przi istnych przeca niy płako.

[broneknotgeld]

Ze Topolczan

Z morawskich Topolczan Matuschki tu prziszli
We szesnostym wieku na tyn Ślonzek ciśli.

[broneknotgeld]

Herb Matuschkow

Ano mo tyż pola sztyry
Na dwoch rycerz prości gyry
I se mieczym asi w rynce
Przeca w chwale a niy mynce

Inksze z hutym som szpicatym
Dyć niy koniec przeca na tym
Trzi w niym znojdziesz piora pawie
Tako herb żeś poznoł prawie

Kaj hut złoty czorne tło
Rycerz zaś czerwone mo
Dyć i łon w kolorze słońca
Ze tym doszli my do końca.

[broneknotgeld]

Michael von Matuschka

Grof łostatni na Biechowie
Ponoć wiela rajzyrowoł
Haard lubioł tako czowiek
W Monte Carlo tyż zabowioł
Dyć landratym był w Opolu
Ślonskość richtig mioł we zocy
Toż jo byda go tu chwoloł
Znoloz w duszy tela mocy
By sprzeciwić se nazistom
Stauffeberga ze tym wspiyrać
Życie jednak niy jest zistom
Bestoż prziszło mu umiyrać.

Dobra

[broneknotgeld]

Dobra (połowa XVIII w.)

Pałac se postawioł tukej radca dworu
Dzisioj za siedziba słuzy ponoć zmorom
W nocy strach se wybrać - tego ci niy radza
Styknie co se rymow ździybko tukej wsadza.

[broneknotgeld]

Hrabia Erdman Karol von Roedern

Syn ministra wojny, radca dworu krola
Pałac tu postawioł - z tym niy byda fulać
W Dobry ze tym jakby prziszły lepsze czasy
Se podziwujymy zocny szteli naszy.

[broneknotgeld]

Leopold Hynryk von Seherr-Thoss

Gornoślonskego ksiynstwa podczaszy
I radca dworu Fryca Wielkego
Chycioł dziedziny se teroz naszy
Dobro w niym Pana widzi zocnego.

[broneknotgeld]

Ernest von Seherr-Thoss

Przez poł wieku Dobrom Ernest reskiyrowoł
Syn łod Leopolda - przeca ło tym wiycie
Pod Jynom za Prusy tyn istny wojowoł
Dyć w spokoju skończoł tukej swoje życie.

[broneknotgeld]

Herman von Seherr-Thoss

Toż nojstarszy syn Ernesta
Wzioł po łojcu ta dziedzina
Prawiom co stond ciongnoł cesta
Do samego Niymodlina

Był starostom okryngowym
Oficerym regimyntu
Tako tela ło tym powiym
-Toż mie niy myncz do imyntu.

[broneknotgeld]

Pałac blyszczy (połowa XIX wieku)

Toż przebudowany pałac w ty dziedzinie
Mustrym Gottgetrena neogotyk nosi
Chnetko za sto rokow świytność jego minie
Dyć przeca w tym czasie aż uwogi prosi.

[broneknotgeld]

Park pałacowy

We parku zdo sie zielono-modro
Prziroda w Dobry richtig jest szczodro
Rzeczki i tauchy - czego tu niy ma?
Uciechy tela że niy trza drzymać.

[broneknotgeld]

Edward Petzold

Za łogrodnika u grofa robioł
We park przezocny wkłodoł swo dusza
Inksze dziedziny przi tymu pobioł?
Choć żol terozki "niy" szkryfnońć musza.

[broneknotgeld]

Szwajcarski hotelik

To ci dziedzina - hotelik w parku
Grof richtig głowa miywoł na karku.

[broneknotgeld]

Muriel White Seherr-Thoss

Toż ślubno grafa ze Hameryki
Cerom bogocza tyż przeca była
Łod dymokratow miała nawyki?
Paś kozy tukej richtig lubiyła.

[broneknotgeld]

Cigi w Dobry

Dziedziczka Dobry cigi pasała
Na łonce przipałacowy
Wiela radości ze tego miała?
Gowiydź ci dzisioj niy powiy.

[broneknotgeld]

Wieża zamkowo (1943)

Ech - ciyngym widza tukej dziedziczka
Zaroz se ciepnie z wysoka w doł
Mo strach w łoczach i blade liczka
Zdo mi sie jakbych przi tymu boł

Ło synow dyć już niy musi strachać
We Hameryce u familiji
Jako z Gestapo jednak se lachać?
Tako tu doszło do tragedyji.

[broneknotgeld]

W grobowcu

W grafowskim grobowcu co tu przi kościele
Muriel już se leży - pani łod ty sztele
Zaszczuo przez Niymcow ze wieży skoczyła
Bo strzimać to wszysko ponad jeji siyła.

[broneknotgeld]

Dzisioj

Pałac w ruinie - pożar go strowioł
Po drugi wojnie tref szczyńście dłowioł
Yno grafini tu pomiyszkuje
Po woeży łazi - toż forsztelujesz.

[broneknotgeld]

W łokna pałacu

W łokna pałacu strach wejrzeć nocom
Bo chocioż puste cosik w nich blysko
Aże mi rynce sie zaroz pocom
Grafini Muriel ciyngym tu miyszko?

[broneknotgeld]

Kto kupi?

Kto kupi tyn pałac w ruinie?
We Dobry naprowdy łon zginie?

[broneknotgeld]

Herb rodu Seherr-Thoss

Sztyropolowy czerwono-złoty
Bolki synkate niy skiż gupoty
Tako dwa krzidła złotym blyskajom
Zcny herb grafy tutejsze majom.

Dąbrówka Górna

[broneknotgeld]

Dombrowka Gorno (1100)

Kaj brod na Odrze zamek już stoł
Bronić przeprawy już wtedy mioł
Historiom zocno tako dziedzina
Toż i jo przeca jyj niy łomina.

[broneknotgeld]

Dombrowka?

Czy ło krolewnie żeście słyszeli?
Pomiyszkiwała w ty zocny szteli
Tukej pomarła tu pogrzebano
We strzybny trule ziymi łoddano
Kajś pod pałacym trza by jom szukać
Dyć czy se werci w te "dźwiyrza" klupać?

[broneknotgeld]

Dombrowka Gorno (1490)

Tako Rogoyscy erbli dziedzina
Wiela płaciyli niy powiym
Zocno to richtig była rodzina?
Cosik ło istnych se dowiym?

[broneknotgeld]

I po zamku

Wojska Mansfelda grabiom tyn zamek
Łostowo po nich ruina
Rogoyskich tako utropy same
Dyć dźwignom jyzaś dziedzina.

[broneknotgeld]

Dwor Rogoyskich

Kaj piyrwyj zamek prastary stoł
Teroz Rogoyski dwor yno mioł
Dyć se we końcu i łon rozrośnie
Dzisioj nom pałac mrugo radosnie.

[broneknotgeld]

Herb Rogoyskich

Czerwony jelyń skoko se piyknie
Na strzybny tarczy - szkryfnońć wystyknie.

[broneknotgeld]

Dwa bratki

Dwa bratki tako Dombrowka trzimiom
Czy ło dziedzina se wadzom?
Możno zowiści w nich jakeś drzymiom
Z kerymi cosik niy radzom

Ano - toż jedyn som prosioł śmierci
Na cyngel położoł rynka
Dyć czy naprowdy to se mu werci?
Brat skuli tego we mynkach.

[broneknotgeld]

Wacław Leonard Rogoyski

Brat se zastrzeloł - winiyli jego
Ciynżko mu było wylyźć ze tego
Ło łaska rzykoł do Nepomuka
Sprowiedliwości trza ciyngym szukać.

[broneknotgeld]

Jan Nepomucen w Dombrowce Gorny (1719)

Patron "dobry sławy"
Przed łobmowom broni
Tako se nom jawi
Złe słowo durś goni

Figura Rogoyski
Bestoż Mu funduje
Toż i nom jest swojski
-Ślonzok forszteluje.

[broneknotgeld]

Za Fryca Wielkego

Toż za Fryca tu utropa
Se Rogoyscy wykludziyli
Niy ściyrpieli Prus i chopa
W Galicyji tako żyli.

[broneknotgeld]

Von Delwigow (1806-1850)

Ano - w tych rokach jejich dziedzina
Łod generała von Delwig syna.

[broneknotgeld]

Familiji von Teichmann-Logischen (1850-1945)

Sto rokow chnetko sztela trzimali
Jakby niy wojna pewno tyż dali.

[broneknotgeld]

Pałac (1907-1909)

Toż dwor we pałac w tych rokach rośnie
Krasi Dombrowka - szkryfna radośnie
Przeca i dzisioj cieszy nom łoko
Ze gryfnom wieżom - aż dusza skoko.

[broneknotgeld]

Park pałacowy

Tu szpacyrować piyrwyj se chciało
To nom do dzisioj przeca łostało
Stow niy łobeschnoł źrodło tyż tako
Szczyńściym co dzisioj nikt tu niy płako.

[broneknotgeld]

Źrodło św. Jadwigi

Ksiynżno jadwiga tukej stanyła
Niym jeszcze świyntom naszom dyć była
Pomarła - zaroz źrodełko trysło
Woda ze niego kuruje wszysko?

[broneknotgeld]

Gotfryd von Delvig

Wzioł grog za ślubno se szauszpilera
Muter mu niy darowała
Chocioż pierońsko brała cholera
Dyć we pałacu jom miała.

[broneknotgeld]

Dzielom pałac

Muter z synowom niy bydzie w zgodzie
Mur postawiony - łostuda bodzie.

[broneknotgeld]

Gotfryd von Delvig (1944)

Pomarł niym Rusy Dombrowka wziyły
Chcioł by tu prochy na zowdy były
Tako we parku jego mogiła
A familijo chnet kofry wziyła.

Dąbrowa Niemodlińska

[broneknotgeld]

W XIV wieku

W sztyrnostym wieku trzimiom Dombrowa
Ci ze krziżami - ło istnych mowa
Kerych tyż zwali joannitami
Jerozolima tu ich niy mami.

[broneknotgeld]

Dombrowa von Mettichow

Po joannitach - wszyscy to wiedzom
Te von Mettichy w Dombrowie siedzom.

[broneknotgeld]

Herb von Mettichow

Lew to abo prawie gryf
Dyć zielony - taki dziw
Stoji se na strzybny tarczy
Dwa łogony mo - to starczy.

[broneknotgeld]

"Czeczow" (XIV w.)

Ślonsko familijo tako piyrwyj zwom
Bestoż jo i "Czechow" teroz w gowie mom.

[broneknotgeld]

"Tschetschau"

Idzie z niymiecka szkryfnońć se tako
Kto woli "Czeczow" tyn możno płako.

[broneknotgeld]

"Mettich"

"Mettich" ze Metkau do miana wziyli
Przeca w majontki bogate byli.

[broneknotgeld]

Joachim von Tschetschau-Mettich

Trza miec w pamiyńci tedo dziedzica
Przeca łon pałac tub wybudowoł
Tako łokrasioł ta okolica
Joachim we niym dynkmal se stowioł.

[broneknotgeld]

Dombrowa Niymodlińsko (1615-1617)

Toż we Dombrowie pałac dźwigajom
Choć se inaczy nom dzisioj jawi
Dyć jego mury ciyngym tu trwajom
Zowdy już tako - Ponboczek sprawi.

[broneknotgeld]

Von Larischow

Ano - familijo nowo
Se raduje tom Dombrowom.

[broneknotgeld]

Von Zieglerow (od 1788)

Von Zieglery gospodarzom
Toż Dombrowa tyż dźwigajom
Wiela przeca richtig ważom
Roztomajtych dziedzin majom.

[broneknotgeld]

Von Prittwitzow

Po Zieglerach sztela majom
Pałac durś dziedzina krasi
Toż i dzisioj jo niy wajom
Bo Dombrowa se niym asi.

[broneknotgeld]

Dombrowa Niymodlińsko (1933)

Ech - dziedzice uciykajom
Hitlerowce im niy pszajom
Co tu potym zrychtowali?
Kto pociongnie tymat dali?

Frączków

[broneknotgeld]

"Franczigsdorf" (1365)

We historyjo wioska wpisano
Chocioż pomiyni se jeji miano.

[broneknotgeld]

W XVIII wieku

Von Gilgenheimbow Fronczkow dziedzinom
Pałac w niym tako już barokowy
I chocioż wieki poleku minom
Dzisioj tyż przeca raduje głowy.

[broneknotgeld]

Herb Gilgenheimbow

Poziomo dzielom tarcza dwa pola
Jo gorne richtig ze niego wola
Na kerym jelyń skubie se trowa
Styknie mu przeca - spokojno gowa
Zś dolne pole złotym rozblysko
Dwa czorne pasy na niym - to wszysko.

[broneknotgeld]

"Franzdorf"

Miano ze czasym tako zmiyniyli
Przeca łod Fryca we Prusach żyli.

[broneknotgeld]

Graf Aleksander von Francken-Sierstorpff (1863)

Łon tu dziedzicym - kupioł majontek
Za jego syna w proficie kontek
Pałac był wtedy rozbudowany
Tyn neogotyk murom dodany
Neoromianizm tyż przeca tako
Zdało sie - barok możno zapłako.

[broneknotgeld]

Harry von Francken-Sierstorpff (1907)

Syn Aleksandra i wnuk tyż przeca
Chycioł z tym rokym se tego neca.

[broneknotgeld]

A po wojnie

A po wojnie co sie dzioło?
PGR mioł tu wesoło?
Dyć pałacu niy zniszczyli
Chocioż wiela pomiyniyli.

[broneknotgeld]

Remont (1970-1980)

Choć remont dugo pierońsko szoł
Dyć tako szczyńście tyn pałac mioł
Dzisioj tyż gryfnie blyszczy we gminie
Już niychej nigdy mu to niy minie.

[broneknotgeld]

Dom wczasowy

Ano i tako prziszło mu służyć
By wczasowicze mogli se użyć.

[broneknotgeld]

We środku

We środku pałac przeca tyż dziwo
Wiela łostało - gowom ktoś kiwo
Na to jak grofy piyrwyj tu żyli
Bogactwa przeca wcale niy kryli.

[broneknotgeld]

Park pałacowy (1860)

Na angelski muster jest wyrychtowany
Dzisioj se tu dychniesz - podziwosz naturze
Dobrze co dziedzinie tako z downa dany
Dziynkować trza grafom i Tymu na gorze.

[broneknotgeld]

Parkowe dymby

Ze trzista rokow dymby rachujom
Ciyngym ajchlami wiela tyż sujom.

Jędrzejów

[broneknotgeld]

Jyndrzejow

W sztyrnostym wieku sztela już była
Choć historyjo jakby jom skryła.

[broneknotgeld]

Kościoł św. Mikołaja (XIV w.)

Ano, to pewne - tu parafijo
Tako nom prawi już historyjo
We okolicy juzaś godali
Co se Krziżoki szteli trzimali.

[broneknotgeld]

Niy wiymy

Przez duge wieki kto mioł dziedzina?
Czy richtig ło tym zapiskow ni ma?

[broneknotgeld]

Jyndrzejow XVIII w.

Von Gilgenheimby - ci ze Biechowa
Jyndrzejow czimiom - jejich w tym gowa
Jako i inksze dziedziny tako
Jelyń herbowy przeca niy płako
Yno se trowa sskubie spokojnie
Toż rod rycerski żyje dostojnie.

[broneknotgeld]

Jyndrzejow XIX w.

Grof Francken-Sierstorpff trzimie dziedzina
Bydzie przełazić z łojca na syna?

[broneknotgeld]

Pałac w Jyndrzejowie (1882)

Storaniym grofa przebudowany
Tako do dzisioj nom przeca dany
Łoko durś cieszom wieże pałacu
I gryfne bramy tako łonacom.

[broneknotgeld]

Herb familiji von Francken-Sierstorpff

Czego to niy ma we herbie grafow
Pominońć cosik - nachytać gafow

Na wielko tarcza mało wrażono
Tako na dwoje przeca dzielono
Wiyrchym se orłym asi nom ślonskim
Dołym pokrono jakby w trzi konski
Środkowy strzybny a gora-doł
Czorne - to przeca wiy nawet woł

Teroz ło wielki szkryfnońć mi trza
Na sztyry dzieli se tarcza - ja

Dwa jasnomodre ze pasym złotym
Z gory korona - toż niy gupoty
Ze doły wzgorza juzaś se złocom
Czy dlo korony łone pomocom?

Dwa inksze pola tyż trza łopisać
By zaroz nudli na tym niy wiyszać

Ano - czerwone z pasym na skos
Kery sie strzybrzy jak ołpy włos
A na niym asty zielone som
Toż tako ze tym fertig już mom.

Głogówek

[broneknotgeld]

Głogowek 1250

Princ ze Opola zamek tu stowio
Głogowek dźwigo tym przeca
Cołki dziedzinie radości sprowio
Bestoż tyn rym dzisioj kleca.

[broneknotgeld]

Głogowek

Prawym magdyburskim miasto lokowane
Tyż rosło skiz tego że tu princow zamek
Gafto na Opole i Niymodlin tako
Dyć przi elektorze czy było jednako?

[broneknotgeld]

Głogowek 1561

Przi Oppersdorffach już jest dziedzina
Bydzie przełazić z łojca na syna.

[broneknotgeld]

Herb Oppersdorffow

Ano - tyż tako sztyropolowy
Dwie głowy orła znojdziesz w koronie
No i dwie rynce zakute w zbroja
Ze mieczym kery tu ku łobronie.

[broneknotgeld]

"Głowa Orła" (1683)

Indygynat polski Oppersdorffy majom
Bestoż tyż orłowi ze koronom pszajom
I kładom go tako na przeca czerwonym
Tako samo jako w godle państwa momy.

[broneknotgeld]

Herb reichsgrafow von Oppersdorff

Do ryncow, głow orła
doszło co ze miasta
Winogron ze siyrpym
dyć na tym niy basta
Tarcza w srodku teroz
z kajzerowskim ptokym
Kto przeca reichsgrofym
tyn niy jest borokym.

[broneknotgeld]

Zamek Gorny (XVI w.)

Grofy Oppersdorffy tyn zamek stowiajom
Toż renesansowi pewnikym fest pszajom
Ze tym nasz Głogowek richtig wygryfnieje
Tako rosnie w siyła - do szczyńścio tyż śmieje.

[broneknotgeld]

Zamek Dolny (XVII w.)

Jaj już Gorny zamek stoł
Grof za Dolny tako broł
Se dziwiwoł Ślonzek cały
Przeca richtig łon niymały.

[broneknotgeld]

Przebudowa (XVIII w.)

Co renesansym w Głogowku blyszczy
Z tom przebudowom i barok zyszczy
Manerystycznym tyż mustrym tako
Grod se raduje - przeca niy płako.

[broneknotgeld]

Zamek Dolny i Gorny

Z nich podkowa - dziedziniec pomyndzy
Potrza na to tyż było piniyndzy
Dyć tych grofy niy pożałowali
Wiela inksi se im dziwowali..

[broneknotgeld]

Portal Samuela Steinhoffera

Zamek Dolny tyn portal nom krasi
Manieryzmym se swojim fest asi.

[broneknotgeld]

Barokowy

Zamek Gorny barokowy
Choć wpiyrw mantel inkszy nosioł
Historyjo przeca powiy
-Oppersdorffow chwała głosioł.

[broneknotgeld]

Gościnny zamek

Grofy i krolow tukej gościyli
I ludzie kunsztu tyż se trefiyli
Toż niy dziwota - blyszczy dziedzina
Z tym Oppersdorffow tako rodzina.

[broneknotgeld]

Krol Jan Kazimierz (1655)

Z familijom tu se wkludzioł
Jak Szwed polske ziymie broł
Ślonzek w niym nadzieja budzioł?
Grof go gościć dugo chcioł?

[broneknotgeld]

Ludwik van Beethoven (1806)

Toż łońskego roku ło tym se wspomnieli
Co i tyn Beethoven gościoł we ty szteli
Szworto Symfonijo B-dur dedykowoł
Grafowi bo przeca tu jom komponowoł.

[broneknotgeld]

Muzeum Regionalne

Wojny światowe przetrzimoł zamek
Toż mury jego ciyngym te same
Dzisioj muzeum we czyńści momy
Z tym historyjo tyż lepi znomy.

[broneknotgeld]

Jan Cybis z Wroblina

We muzeum se idzie łobrozom dziwować
Cybisa co mustrym śmioł nowym sztrajchować.

[broneknotgeld]

Rafał Urban z Winiar

Bajoł istny, szkryfloł i deliberowoł
Bydzie go Głogowek w końcu wiyrchym stowioł
Toż se niy dziwejcie co pamiontek tela
Ciyngym przechowuje ta zamkowo sztela.

[broneknotgeld]

W zamkowy baszcie

Etnografijo w baszcie zamkowy
Ano - se tukej tymu dziwujcie
Dlo Oppersdorffow koncept to nowy?
Dyć take czasy - toż forsztelujcie.

[broneknotgeld]

"Izba łod starki"

Hehe - na zamku dyć izba tako
Pewno Głogowek za niom fest płakoł
Bestoż jom tukej chce pokazywać
Toż se i tymu trza nom podziwać.

[broneknotgeld]

Umynczyli?

Umynczyli ludzi w ty baszcie zamkowy?
Dyć tam i terozki gnotek jest gotowy
Kat se wele niego tyż do dzisioj stoji
Bestoż kto zoglondnie richtig ździybko boji.

[broneknotgeld]

Sala Beethovena

Na tym klawikordzie czy Beethoven grywoł?
Jo pewności niy mom dyć żech se podziwoł.

[broneknotgeld]

Oppersdorffy wedle legyndy

Ze Szwajcarji przez Austryjo
Prziszła na Ślonsk familijo
Kery idzie se dziwować
I wysoko richtig stowiać.

[broneknotgeld]

Oppersdorff - Wierzbiyńcice

Wele Nysy ta dziedzina
Tu wyrosła nom rodzina
Co znaczynie wielke miała
Czu korzynie schować chciała?

[broneknotgeld]

"Rolle"

Ponoć Oppersdorffow piyrwyj tako zwali
Niym se łod dziedziny swoji mianowali.

[broneknotgeld]

Wpiyrw wele Oławy

Wiela ziymi mieli wpiyrw wele Oławy
Gać im dokłodała splyndoru i sławy
Tako familijo łobrosto w majontki
Ślonsk, Czechy, Morawy - wszyndy jeji kontki.

[broneknotgeld]

Jerzy II Maksymilian von Oppersdorff (1562)

Łod krola Głogowek wzioł istny w dzierżawa
Z niym dziedzina rośnie - tako zocno sprawa.

[broneknotgeld]

Głogowek 1595

Toż dziedziczno własność teroz familiji
Grafy Oppersdorffy cołkym tu panujom
Głogowek niy bydzie mioł ze tym mecyji
Przeca se tym grodym richtig opiekujom.

[broneknotgeld]

Grofy von Oppersdorff

Na Gornym Ślonsku, w Czechach, Morawach
Dziedziny majom - we tym ich sprawa
Tako trza szkryfnońć co trzi linije
Ze jedny wiedom se familije.

[broneknotgeld]

Majorat 1642

Grof Jerzy III z tym ordynatym
Zdo sie co wszysko łostanie na tym.

[broneknotgeld]

Majorat 1714

Gornoślonsko familijo bezpotomno - już wymiyro
Toż morawsko se terozki za dziedzina ta zabiyro.

[broneknotgeld]

Majorat 1781

Po morawski już liniji
Czesko se Głogowka chyto
Dyć durś Oppersdorffy tukej
Jaky se kto ło to pytoł.

[broneknotgeld]

Głogowek 1945

Ano - wojna miyni wszysko
Grof niczego niy łodzysko.

[broneknotgeld]

Zamek w Głogowku
durś na "przednowku"?
wiadomosci.gazeta.pl/wiadomosci/1,114883,11258883,Wlasciciel_stracil_zamek__Pierwsza_taka_decyzja_w.html

Korfantów

[broneknotgeld]

"Fridland"

Ze Fridlandu Korfantow tyn momy
Przeca miano downiejsze tyż znomy.

[broneknotgeld]

Przi Niymodlinie

Princ niymodliński - jego dziedziny
Przeca to dlo wos niy som nowiny.

[broneknotgeld]

Familiji von Nowagk (XVI w.)

Nyski rod se gospodorzy
Z niym dziedzina wiyncy woży
Dyć choć dwor tu był już stary
Przeca niy dzisiejszy miary.

[broneknotgeld]

W XVII wieku

W siedymnostym wieku Redernow majontek
Niy łostatni rod to co trzimoł tyn kontek.

[broneknotgeld]

Mikołaj Wilhelm von Burghaus

Magnat dolnoślonski kupioł ta dziedzina
Po niym brat zaś erbnoł bo grof niy mioł syna.

[broneknotgeld]

Grof Ferdynand von Burghaus

Po bracie erbnoł dziedzina tako
Czy ło dziedzica tyż istny płakoł?
Przeca Puecklery w końcu tu przidom
Wnet reskiyrować majontkym bydom.

[broneknotgeld]

W XVIII wieku

Pałac już przebudowany
I park piykny zrychtowany
Toż dziedzice se radujom
Gryfnośc gorom - forsztelujom.

[broneknotgeld]

Herb Burghausow

Podzielono tarcza w pionie
Na dwie czyńści - z tym niy koniec
Strzybny lew w czerwonym polu
I korona byda chwoloł
Druge pole złote momy
Orzeł czorny - to niy kromy
Mo na piersiach strzybne szlajfki
Tyż korona niy skiż grajfki.

[broneknotgeld]

Von Burghausy


Von Burghausy zamkom pszoli
Tako Ślonzek ło tym wiedzioł
"Trza by rod tyn wiela chwolić"
-Roz historyk mi powiedzioł.

[broneknotgeld]

Po drugi wojnie

Pałac w Korfantowie ciyrpioł fest po wojnie
Dyć czas lpszy prziszoł - łodremontowali
Terozki naprowdy wyglondo spokojnie
I niychej szkryfnione bydzie nom to dali.

[broneknotgeld]

Sanatorium w pałacu

Z gnatami utropa - tu podkurowali
Jakosik trza było żyć ci przeca dali.

[broneknotgeld]

Park pałacowy

Ciyngym do pałacu ze dwoch stron aż ciśnie
Toż se tu kurować pewno chcielibyście.

[broneknotgeld]

"Wielki Domb"

Ze pałacu piyrwyj wiodła doń aleja
Wyrosła staraniym grofa-dobrodzieja
Domb ciyngym tu stoji jak kedyś zielony
Przi niym tako krhof łod dziedzicow momy.

Izbicko

[broneknotgeld]

Izbicko 1295

Toż wioska tukej już przeca była
Rokow jyj tako rachować siyła
Dyć szkryfnońć moga wom małowiela
Bo ło pałacu przeca ta sztela.

[broneknotgeld]

Pałac w Izbicku XVIII w.

Ano - to pewne co pałac stoł
Rod Frankenbergow przeca go mioł
Dyć se wżyniyli tukej Strachwitze
Ślonsko familjo - tako juz wiycie..

[broneknotgeld]

Wele Wrocławia (XIII-XIV w.)

Strachwitze siedzom wele Wrocławia
Se familijo ich dźwigo
Trzebinia, Kluczbork -kaj yno bawia
Coś w głowie ło nich mi migo.

[broneknotgeld]

Herb Strachwitzow

Na czerwony tarczy czorno głowa dzika
Kłami w strzybrze blysko - toż trza mi już zmykać.

[broneknotgeld]

Strachwitze

Staro familijo Ślonska
Dzik to przeca niy jest gonska
We Kluczborku, czy w Trzebnicy
Rod Strachwitzow coś se liczy.

[broneknotgeld]

Izbicki pałac w XVIII wieku

Dwie wieże z rogow pałacu stoły
Toż blanki na nich - kogoś se boły?
Fiszow ze stawu? -Pewno niy tako!
-By park angielski przeca zapłakoł.

[broneknotgeld]

Pałac w XIX wieku

Izbicki pałac przebudowali
Dyć go za wiela niy pozmiyniali.

[broneknotgeld]

Pałac 1921

Ano - se przeszło tyndy powstanie
Pałac mo teroz rana na ranie
Łoplondrowany spolony tako
Aże grof Strachwitz skiż tego płako.

[broneknotgeld]

Odbudowa pałacu 1923-1932

Grof Heinz von Strachwitz łodbudowuje
Zdowo sie pałac myńszy terozki
Dyć tu łodrodzo - to forsztelujesz
Co dlo Izbicka niy "dopust boski".

[broneknotgeld]

Po wojnie

Wpiyrw tu Liceum Rolnicze majom
Potym Technikum jest Hodowlane
Tako gowiedzi w Izbicku pszajom
Jak byk zaryczy tu majom ranek.

[broneknotgeld]

Park pałacowy 1981

Ech - rok niy yno tukej pechowy
Drzewa rwoł wiater jak z łonki trowy
Rany do dzisioj niy pogojone
Dyć przeca parku tako niy koniec.

[broneknotgeld]

Remont pałacu 1984

Zaczli wtedy - a skończyli?
Niy chca tukej se pomylić.

Kamień Śląski

[broneknotgeld]

Kamiyń Ślonski 1104

Grod Krziwoustego już se tukej stoł
Piast na ślonske ziymie przeca pozor doł.

[broneknotgeld]

Świynty Jacek-Hiacynt (1200)

Ano se w Kamiyniu tyn świynty nom rodzioł
Po grodzie za bajtla wiela tako chodzioł.

[broneknotgeld]

Kamiyń Ślonski 1361

Tomasz ze Kamiynia - jego teroz sztela
Dyć niy moga prawić ło tym wom za wiela.

[broneknotgeld]

Kamiyń Ślonski 1591

Mikołoj Strzela tyn Kamiyń chycioł
Dyć niy na długo tref tako klycioł.

[broneknotgeld]

Jan Beess (1595-1603)

Toż mioł majontek istny tyż przeca
Dugo niy poloł jednak we piecach.

[broneknotgeld]

Familijo Rogoyskich

Ze siedymnostym wiekym tu łoni
Dyć chnet kaj ińdzi tref ich pogoni.

[broneknotgeld]

Wacław Kaldenborn

Mo we niym kamiyń tako dziedzica
Czy ze tym zmiyni se okolica?

[broneknotgeld]

Zamek w Kamiyniu

Zamek łod downa tyn Kamiyń mioł
Dyć z czasym w pałac se przeblyc chcioł.

[broneknotgeld]

Kamiyń Ślonski XVII w.

W Irlandji Larischow rod korzynie mo
Tako se Kamiynia Ślonskego chyciyli
Drapko ziymia naszo istnych dobrze zno
Aże se wydowo co tu piyrwyj byli.

[broneknotgeld]

Magdalyna Engelburg von Larisch

Grafini pogożno - rzyko do świyntego
Toż Jacek-Hiacynt tukej był rodzony
Tako se niy dziwcie terozki ze tego
Że jyj pałac zdo sie być dlo Niego domym.

[broneknotgeld]

Kaplica św.Jacka (1701)

W wieży pałacowy kaplica świyntego
Se prawie urodzioł ponoć w miejscu tym
Godajom że Kamiyń mo bronić łod złego
Co wom tukej szkryfna jo łod ołpy wiym.

[broneknotgeld]

Kaplica zamkowo 1701

Grafini von Larisch w wieży wystowiyła
Kaplica przepiykno - dyć pobożno była
Do świyntego Jacka tako tu rzykała
Kaj matka istnego richtig kolybała.

[broneknotgeld]

Kamiyń Ślonski 1799

Ernest von Strachwitz erbnoł dziedzina
Larischom siostra niy dała syna.

[broneknotgeld]

Hiacynt von Strachwitz (1858)

Ano - z niym pałac przebudowany
Trza wspomnieć go tyż i tako
Na wiela rokow ciyngym nom dany
Choć czasym ktoś bydzie płakoł.

[broneknotgeld]

Za Hiacynta von Strachwitz

Z Hiacyntym pałac przebudowany
Czy mu tref lepszy przez to pisany?
Czy go łoszczyńdzi zomb czasu tako?
Przeca niy zowdy ze tym jednako.

[broneknotgeld]

Pałac Strachwitzow

Aż po koniec drugi wojny
Czas tu lecioł dość spokojny.

[broneknotgeld]

Dom Dziecka

Upaństwowiony bajtlom już służy
Chocioż tym grofom tref życie burzy
Śmiych dzieci szczyńście niesie dziedzinie
Dyć to ze czasym tyż tukej minie.

[broneknotgeld]

We służbie wojskowy

Terozki fligry wiela lotajom
Pałac lotnictwu tyż służy
Poniymieckymu niywiela pszajom
Źle mu to richtig już wróży.

[broneknotgeld]

Pałac gore! 1973

Toż se wszysko wypolyło
Gorzyj bydzie - lekci było
Teroz jedna już ruina
Kero szpeci nom dziedzina.

[broneknotgeld]

Łodbudowa 1990-1994

Kurio Biskupio zgliszcze kupuje
Tako i pałac łodbudowuje
Świyntego Jacka zaś w niym kaplica
Ołtorz jyj erbli w Siestrzechowicach.

[broneknotgeld]

Cyntrum Kultury i Nauki
Wydziału Teologicznego
Uniwersytetu Opolskiego

Idzie tukej sztudiyrować
Teologiom tropić głowa
Pałac blyszczy po remońcie
Świynty Jacku - tu tyż mom Cie!.

[broneknotgeld]

Z ruiny pałac

Na zatrocynie były to mury
Teroz zaś wieża pnie se do gory
Pałac durś krasi tyn Kamiyń Ślonski
Tako blask niesie w Europy konski.

Krapkowice

[broneknotgeld]

Krapkowice 1294

Princ opolski krapkowicom prawa miejske dowoł
Pewno piyrwyj już w tym grodzie na zamku se stowoł.

[broneknotgeld]

Princ Jerzy Hohenzollern

Jan Dobry już pomarł tako okolica
Fest Hohenzollernow radowała lica.

[broneknotgeld]

Krapkowice 1553

Krapkowice Izabeli - madziarski królowy
Jako dali historyjo ło tym jeszcze powiy?

[broneknotgeld]

Krapkowice 29.IX.1582

Cysorz Rudolf sprzedoł miasto i zamek grafowi
Se mieszczany dziwowali teroz Roedernowi
Dyć trzi roki chnet przełażom - tref pechowo ściele
Jan Joachim głowa kładzie na wieki w kościele.

[broneknotgeld]

Nowy zamek 1678

Von Roederny wystowiajom tyn przezocny zamek
Stary ździybko przeca straszoł - potrza nowych klamek
Zodziwiała fest przi niymu i oranżeryjo
Ech łosprowiać ło tym wiela - dyć szła tragedyjo!

[broneknotgeld]

Krapkowice 1722

Grod zegoroł - zamek tako
Kto se łostoł tyn zapłakoł.

[broneknotgeld]

Łodbudowali

Roederny zamek łodbudowali
I Krapkowicom pomrzić niy dali
Dyć to co piyrwyj se niy wrociyło
Jakosik myni wszyskego było.

[broneknotgeld]

Nabożyństwa wangelicke (1745-1748)

Toż na zamku łodprowiane
Wola krola - edykt taki
Wangelikow bydzie zamek?
Czas z Prusami niy jednaki.

[broneknotgeld]

Krapkowice 1765

Renata von Roedern majontek sprzedowo
Terozki von Haugwitz w Krapkowicach stowo
Z tym Rogow Opolski no i Dobro przeca
Już nowym dziedzicom wleciały do neca.

[broneknotgeld]

Herb familiji von Haugwitz

Na czerwony tarczy czorno głowa tryka
Rogi jego złote - toz niy trza go tykać.

[broneknotgeld]

Familijo (1281)

Na dwor princa Świdnicy ze Miśni ściongnyli
Tako Saksończyki we Ślonsk se wprzongnyli.

[broneknotgeld]

Rod Haugwitzow

W Saksonii znany, na Ślonsku tako
We Czechach, Prusach - wszyndy jednako
Nawet w Daniji prawiom tyż ło tym
Że rod przezocny - to niy gupoty.

[broneknotgeld]

Karol Wilhelm von Haugwitz (1769)

Z tym rokym grof Haugwitz kupioł Krapkowice
Piyrwyj ze Bykowa wele Oleśnice
Po Roedernach tako se trzimie dziedzina
Dyć we końcu pomarł - łostawioł dlo syna.

[broneknotgeld]

Kurt von Haugwitz

Syn Wilhelma był we loży
Tako Haugwitz wiela woży
I masonow ściongnoł tukej
Śladow po nich se poszukej.

[broneknotgeld]

Lazaryt (1806)

Z zamku lazaryt teroz polowy
Bawar, Francyjok coś ło tym powiy
Se ty na prykach dyć kurowali
Ci kierzy Toszek fest łoblygali.

[broneknotgeld]

Niy dbali?

Ło krapkowicki zamek niy dbali?
Po lazarycie co tukej dali?
Manufaktura po prowdzie była
Kero dlo Ślonska sukno robiyła.

[broneknotgeld]

Szkoła 1834-1845

Tela wiym - w tych rokach szkoła
W mury trza szkolorzy wołać.

[broneknotgeld]

Grof Hynryk Kurt von Haugwitz

Haugwitzow potomek łostatni
Dyć zamek z niym bardzi dostatni
Przenosi se przeca z Rogowa
Krapkowic tyż ze tym łodnowa.

[broneknotgeld]

Krapkowice 1888

Zamek wyremontowany
Za siedziba rodu dany
Dyć już pewno ło tym wiycie
Kończom ślonske se Haugwitze.

[broneknotgeld]

Familijo Haugwitz-Hardenberg-Raventlow

Jakby nowo familijo
Duńsko rodu dyć linijo
Zicła teroz w Krapkowicach
Jejich tako okolica.

[broneknotgeld]

A w miyjndzywojniu

A w miyndzywojniu zaś tu szkolorzy
rechtory uczom - zamek coś woży.

[broneknotgeld]

Po wojnie

Ano - przez wojna zamek podupod
Uciyrpioł wiela dyć niy skiż gupot
W końcu go przeca tu remontujom
Niychej se inksi tymu dziwujom.

[broneknotgeld]

Szkoły zawodowe

Roztomajte tu gościyły
Tako i do dzisioj przeca
We fachmanow bogaciyły
Kierzy ze ślonskego neca.

[broneknotgeld]

Ech, kaj...?

Ech, kaj krożganki, arkady tako?
Toż niy wyglondo zamek jednako.

Krapkowice

[broneknotgeld]

Krapkowice 1294

Princ opolski Krapkowicom prawa miejske dowoł
Pewno piyrwyj już w tym grodzie na zamku se stowoł.

Otmęt

[broneknotgeld]

Otmynt

W średniowieczu Strzele tyn Otmynt trzimali
Pewnikym już łoni zamek zbajstlowali.

[broneknotgeld]

"Schilhan"

Strzela tyż tako czasym se pisoł
Jo na tym nudli niy byda wiyszoł.

[broneknotgeld]

Strzałowie herbu Kotwicz

Z Gornego Ślonska rod w Polsce znany
Niyjedyn konsek ziymi im dany.

[broneknotgeld]

Otmynt 1316-1514

Rokow chnet dwiesta Strzele tu siedzom
Dyć prziszło żegnać sie ze tom miedzom.

[broneknotgeld]

Łukasz Buchta (1514)

Otmynt istny kupioł tako
Cieszy z tego - dyć niy płako
Z matkom nojpiyrw gospodarzy
Tyż i ślubno mu sie marzy
Coby dzieci dała wiela
Syn nojstarszy wzioł zaś sztela.

[broneknotgeld]

Barbara von Kolditz

Dowo ślubno Łukaszowi
Sztyrech synow- toż ród zdobi
A do tego tyż dwie cery
Czy szczyńśliwszy fater kery?

[broneknotgeld]

Łukasz Buchta +28.06.1532

Łukasz pomarł - Otmynt płako
Syn po łojcu erbnoł tako
Toż Joachim - tyn "Bilicki"
Chciołby siedzieć tu na wdycki.

[broneknotgeld]

Joachim Buchta Bilicki

Siedymdziesiont rokow łon Otmyntu panym
Nawet ździybko wiyncy - "hok" tyż jymu panym.

[broneknotgeld]

Joachim Buchta Bilicki

Siedymdziesiont rokow łon Otmyntu panym
Nawet ździybko wiyncy - "hok" tyż jymu dany.
-
Ruda Śląska - stolica fraszki

[broneknotgeld]

Dziedziny Łukasza

Do Otmyntu Krapkowice
I Gorażdże tyż - już wiycie
Strzebniow tako i Wysoko
Na Gogolin tyż se skoko
Kadłubowca niy łomina
Dyć istnego to dziedzina.

[broneknotgeld]

Buchty herbu Odrowonż

Rycerz morawski bioł se z poganym
Wons z konskym gymby dyć łoderwany
Łostoł mu tako we rynce potym
Z tym znak herbowy - to niy gupoty.

[broneknotgeld]

"Otrzywons"

Wons ze strzałom w herbie zocny
Niym niyjedyn rycerz mocny.

[broneknotgeld]

Odrowonże

Prawiom co z Dombrowkom prziszli do ty Polski
Z czasym rod se stowo richtig tukej swojski.

[broneknotgeld]

Otmynt 1608

Pomarł Joachim - Otmynt w żałobie
Ślubno przi jego stoji se grobie.

[broneknotgeld]

Judyta von Czettritz

Wdowom po Buchcie - dyć niy na długo
Moryc von Reudern już do niyj mrugo
Dyć z czasym Otmynt jednak sprzedała
Pewno Krapkowic zamek wolała.

[broneknotgeld]

Sie miyniom

Dziedzice potym sie miyniom czynsto
Łod jejich nazwisk byłoby gynsto
Dyć zamek z czasym tukej upodo
Dzisioj riuna cosik nom godo.

[broneknotgeld]

Tymplariuszy?

W trzinostym wieku tu se kryńciyli
Dyć czy panami Otmyntu byli?
Zdo sie legyndom to yno przeca
Tako trza wrazić do tego neca.

[broneknotgeld]

Zamek 1515

Stary zamek Buchta tako przebudowoł
Że krasi tyn Otmynt już renesansowo.

[broneknotgeld]

Zamek 1723

Toż wieża zamkowo farorz se kupuje
Na mszo z niyj terozki dzwon ludzi zwołuje.

[broneknotgeld]

Zamek w XIX wieku
Już widać co zamek se tukej zatracioł
Grofow czynsto miynioł no i niy bogacioł.

[broneknotgeld]

Riuny

Jako se dziwać co tukej driny?
-Przeca łostały yno ruiny
Kawałek baszty, muru tyż tako
Wiater durś hulo - żodyn niy płako.

[broneknotgeld]

Tunel do Rogowa

Pierombol, stond richtig tunel ciongnie tam
Jak wierzysz poszukej go terozki sam.

Karczów

[broneknotgeld]

Schenewicz-Schoenwitz-Karczów

Toż se zmiyniało miano ty szteli
Chocioż niy wszyscy tego tu chcieli.

[broneknotgeld]

Barokowy dwor

Widzioł go tukej wiek siedymnosty
Dyć to jest pewne co w łoziymnostym
Dwor w ty dziedzinie już mocno stoł
I grof von Tschirsky go w ryncach mioł.

[broneknotgeld]

Jerzy Hynryk von Tschirsky (1750)

W połowie wieku łoziymnostego
Już tyn majontek był łod istnego.

[broneknotgeld]

Fryderyk Leonard Konrad von Tschirsky (1785)

Jorgel pomarł - teroz tako
Pasiyrb tukej gospodorzy
Z dworym bydzie niyjednako
Zdo sie - Karczow wiyncy woży.
Teroz

[broneknotgeld]

Karczow 1791

Grof von Tschirsky pałac stowio
I park gryfny mu tyż dowo
Toż rozblysko Karczow nom
Tela ło tym tukej dom.

[broneknotgeld]

Karczow 1818

Major von Arnstead chycioł dziedzina
Tako niy przyńdzie z łojca na syna.

[broneknotgeld]

Karczow 1831

Pomarł major - teroz wdowa
Sprzedo Karczow - ło tym mowa
Se grof Stollberg tukej wkludzioł
Dyć pewnikym trocha nudzioł
Chocioż na to dowom słowo
-Ździybko pałac przebudowoł.

[broneknotgeld]

Alois Dionizy Ottow (1843)

Siedymdziesiont piyńć tysiyncy talarkow wyłożoł
Był we wercie możno wiyncy - tela dać se wożoł
Tako Karczow łod istnego na rokow szesnoście
Potym zmiyni zaś dziedzica - se to wyłobroźcie.

[broneknotgeld]

Już Webera (1859)

Tako Karczow już Webera
Fach u niego durś ryntiera
Na trzi roki w ty dziedzinie
Toż czas jego drapko minie.

[broneknotgeld]

Karczow 1862

Chycioł Karczow Walter z nysy
Pałac istny przebudowoł
Chwolba dyć do dzisioj słyszy
Abo mi sie to wydowo

Sztartnoł łostro choć ze końcym
Cosik kiepsko gospodarzoł
Tref zły bywo i pod słońcym
Licytacji niy wymarzoł.

[broneknotgeld]

450 tysiyncy marek

Tako poszło co Waltera
Wichelhausa wszysko teraz.

[broneknotgeld]

Fryderyk von Wichelhaus

Pon na Naroku i Skarbinowie
Dlo syna kupioł majontek
Zdo sie bogaty ze niego człowiek
Wiela doł marek za kontek.

[broneknotgeld]

Fryderyk Wilhelm von Wichelhaus (1890-1927)

Długo tukej gospodarzoł
Pałac tyż wyremontowoł
Doł synowi jako marzoł
Nojmłodszymu - mi sie zdowo.

[broneknotgeld]

Bernard von Wihelhaus (1927-1941)

Ano - majontek jednak podźwigoł
Se łod roboty istny niy migoł
Toż jako inksi niy zbankrutowoł
Mustrym se tako naprowdy zdowo.

[broneknotgeld]

Kriukow +7.XII.1941+

Zginoł na froncie Bernard we zima
Tako w Karczowie istnego ni ma.

[broneknotgeld]

Rosemiarie von Wicjelhaus

Ślubny jyj zginoł - dzieci łostały
Z nich jeji siyły teroz se brały
Dyć z końcym wojny tyż poniywiyrka
Za familijom kaj teroz zyrkać?

[broneknotgeld]

Pierombol - feler we tytule fraszki.
"Rosemarie von Wichelhaus"

[broneknotgeld]

Po wojnie

Po wojnie pałac ty ziymi służy
Choć na państwowym ciynżko mu użyć
Dyć se niy stracioł - ciyngym w Karczowie
Łoko niym cieszy tu zocny człowiek.

[broneknotgeld]

Przi Politechnice Opolski (1998)

Niy ma wiela co łonaczyć
Karczow ze tym wiyncy znaczy.

Namysłów

[broneknotgeld]

"Nametzlof"

Niychej wspomni teroz głowa
Take miano Namysłowa.

[broneknotgeld]

"Namslow"

Takim piyrwyj tyż go zwali
Czy grodowi bardzi pszali?

[broneknotgeld]

"Namislow"

Toż już jako dzisioj prawie
Ze tym fertig ty zabawie.

[broneknotgeld]

Namysłów 1040

Wedle tradycyji tako ło tym prawiom
Dzieje Namysłowa z tym rokym se jawiom
A że grod graniczny zdo sie bardzi zocny
Z czasym mury dońdom i zamek fest mocny.

[broneknotgeld]

Namysłow 1270

Namysłow miastym - ło tym już wiycie
Kaj grod jest zocny tyż lepsze życie.

[broneknotgeld]

Zamek princa

Już we trzinostym wieku tu był
Dyć Ślonska bronioł zamek Probusa
Mioł princ wrocławski z niym wiyncy siył
Choć durś drewniany - szkryfnońć tu musza.

[broneknotgeld]

Namysłow 1293

Konrad oleśnicki teroz w Namysłowie
Na zamku tu władzom a niy inkszy człowiek.

[broneknotgeld]

Namysłow 1323

Przi legnicko-brzeskim już jest Bolesławie
Zdo sie niy na długo - chnet bydzie po sprawie.

[broneknotgeld]

Namysłow 1348

Syn Bolesława Wacław legnicki
Niy bydzie zamku trzimoł na wdycki
We Namysłowie krol czeski stowo
I Wrocławiowi tako go dowo.

[broneknotgeld]

Namysłow 1360

Ano - trza szkryfnońć ło tym radośnie
Zamek wielgachny tu teroz rośnie
Ze woli krola łon murowany
Dziedzinie tako w obrona dany.

[broneknotgeld]

Namysłow 1391

Zamek ze woli krola Wacława
Wzion princ opolski - ciekawo sprawa.

[broneknotgeld]

Namysłow 1428

Ech, czas dlo Ślonska fest niyspokojny
Prawie we środku husycki wojny
Namysłow przez nich jest łoblygany
Som se łobronioł - niy był im dany.

[broneknotgeld]

Namysłow 1461

Chocioż tron czeski ciyngym se kiwo
Wrocek Namysłow jednak zdobywo.

[broneknotgeld]

Namysłow 1475

Toż docie tymu terozki wiary?
Cosik w tych stronach znaczom Madziary
Krol Maciej Korwin tym grodym włodo
Historio ło tym cosik nom godo.

[broneknotgeld]

Namysłow 1533

Cysorz Ferdynand na geld był łasy
Złotych guldynow potrza do kasy
Dyć za Namysłow Wrocek mu płaci
Czy na dzierżawie bardzi bogaci?

[broneknotgeld]

Przez wojna trzidziestoletnio

Riz łod Szwedow - roz cysorza
Skiż ty wojny traci wiela
Rymym tego niy pokoża
Jak przi tymu ciyrpi sztela.

[broneknotgeld]

Namysłow 1676

Wrocławiany joannitom zamek przekozali
Czy se bydom Namysłowym fest łopiekowali?

[broneknotgeld]

We piyrszo wojna ślonsko

We wojna ślonsko był łoblygany
Dessau se mynczoł yno trzi dni
Kapitulowoł Goetz tu przegrany
Austrio niy wygro ty wojny, niy.

[broneknotgeld]

Namysłowski zamek w Prusach

Podupodo zamek w Prusach?
Magazyny - szkryfnońć musza
Tako kasa tyż wojskowo
Joannitom być niyzdrowo
Bo se zakon tukej straci
A starosta ubogaci.

[broneknotgeld]

Namysłow 1657

Po wojnie Namysłow zaś se tako dźwigo
Mury łodnowione zamek połotany
Twierdza aże tako we łoczach nom migo
Czy tref niyzdobyty bydzie jyj tyż dany?

[broneknotgeld]

Zamkowo studnia (1600)

Toż ta studnia ciyngym stoji
W maszkarony durś se stroji
Na klumnach baldach mo
Mokre dzisioj jeji dno?

[broneknotgeld]

Namysłowski browar

czy joannita piyrwyj tu marzoł
by w zamku piwo browarnik warzoł?
Dyć se terozki tako tyż stało
Napoj chmielowy - ciyngym go mało.

[broneknotgeld]

Muzeum w Namysłowie

Ano - tyż na zamku bp kaj by być miało
Muzeum pamiontki ze wiekow zebrało
I tu kaj krziżowce tyż gospodorzyli
Se nad historyjom głowa idzie schylić.

[broneknotgeld]

Herb joannitow

Strzybny krziż maltański na tarczy czerwony
Aż ośmioszpicaty - tako rozwidlony
Osiym błogosławiyństw przeca łobrazuje
To niy joannita yno forszteluje.

Kopice

[broneknotgeld]

Kopice

Pod Grodkowym te Kopice
Ło tym dyć pewnikym wiycie.

[broneknotgeld]

Kopice 1360

Rod von Borsnitzow tukej znojdziecie
Dziedzina istnych to była przecie.

[broneknotgeld]

Kopice 1450

Von Bessy teroz trzimiom ta sztela
Trza ło tym wspomnieć choć yno tela.

[broneknotgeld]

Kanonika Baltazara von Neckerna (1531)

Kanonik katedry ze Wrocka
W Kopicach niyjedna był nocka
Choć na mszo daleko mu jechać
Majontek tyż przeca pociecha.

[broneknotgeld]

Jan Hynryk Heymann von Rosenthal

Trza przi Kopicach wspomnieć istnego
Joch przeca wcale niy jest łod tego
A grof dziedziny trzimoł sie naszy
Tyż jego miano przeca niy straszy.

[broneknotgeld]

Von Sierstorpffow (1751)

Zocny rod w dziedzinie ślonski
Roztomajte trzimie konski
Tako tyż Kopice jego
Trza nom cieszyć sie ze tego.

[broneknotgeld]

Hynryk Kaspar von Sierstorpff (1783)

Tyn grof - se wcale to niy wydowo
Jaky łod nowa pałac zbudowoł
Z Opola Rudolpf kunsztym wzbogacioł
Ze klasycyzmym przeca niy stracioł.

[broneknotgeld]

Kopice Schaffgotschow (1858)

Tu grof ze ślubnom dyć pomiyszkiwoł
Sie pałacowi już piyrwyj dziwoł?
Chcioł mu dać szaty cudu jakego?
Karla Luedecke najon do tego!

[broneknotgeld]

Karol Luedecke w Kopicach

Kunszt swoj architekt Kopicom dowo
Schaffgotschom pałac bajkowy stowio
Co piyrwyj było miyni se tako
Że i Jan Rudolph możno by płakoł
Ze szczyńścio - przeca co tu urosło
Zdo sie do cudu jakby aż doszło.

[broneknotgeld]

"Pałac na wodzie"

Wele trzech stawow we epnym parku
Blyszczoł se pałac łod tych co karku
Zegnońć dlo biydnych niy żałowali
Choć we Kopicach "cud" zrychtowali.

[broneknotgeld]

Ślonski Kopciuszek

Joanna Gryzik - kopciuszek ślonski
Tyż pokazuje co niy łod gonski
Yno ze ziymi naszy wyrosła
Z geldym Goduli we grofy poszła.

[broneknotgeld]

Park krajobrazowy

Na 100 hektorow go rachowali
Kaj gryfniejszego by szukać?
Dyć niy na Ślonsku - możno kajś dali
A dzisioj jako tu klupać?

[broneknotgeld]

Kopicko palmiarnio

Palmow i inkszych drzew z ciepłych krajow
Tela wielgachnych tu rosło
Że ci sie zdało jakbyś był w raju
Ech - na zatrata dyć poszło.

[broneknotgeld]

Wilhelm Hempel

Dyrechtorowoł tukej łogrodom
Rzeźbioł natura - tako wom godom
Chcioł żeś se uczyć kunsztu łod niego
Darmo ci szukać w tym zocniejszego.

[broneknotgeld]

Kopicke łogrody

Z łogrodami Sanssouci szło im tyż se mierzyć
We Europie sławne - możecie mi wierzyć.

Minkowskie

[broneknotgeld]

Minkowskie Daniela Hessa

Niym te Prusy Ślonsk podbiyły
Te dziedziny Hessa były
Mioł tu dwor i folwark tako
Przi Austryji Hess niy płakoł.

[broneknotgeld]

Fryderyk Wilhelm von Seidlitz

W bitwie pod rossbach jazdom dowodzioł
Toż wrogom Fryca tako "dogodzioł"
Że krol talarki mu podarowoł
Za nie generał w ty szteli stowo.

[broneknotgeld]

Pałac stowiajom

Generał Seidlitz pałac wystowio
I droga stond na Oława
Tam mo garnizon co radość dowo
Z bitwy pod Rossbach tyż sława.

[broneknotgeld]

Niy doczkoł (+1773+)

Niym pałac fertif wojok umiyro
Ze lauby jeszcze yno zaziyro
Na to co chnetko dokończom piyknie
Tela radości dyć mu wystyknie.

[broneknotgeld]

"Śpioncy lew"

Na dynkmalu generała
Lew jest Kalidego
Śmiertka chopa dyć zabrała
Niy uciyk łod tego.

[broneknotgeld]

Herb von Seidlitza

Na strzyny tarczy płynie ukośnie
Niybiesko rzeka - serce aż rośnie
Tako trzi ryby herb jeszcze kraszom
Chocioż czerwone przeca niy straszom.

[broneknotgeld]

Graf von Henneberg

Cera łod Seidlitza majontek sprzedała
Toż Hennebergowi sztela sztimowała.

[broneknotgeld]

Po bitwie pod Jynom

Przez francuskich okupantow grob uciyrpioł wiela
Dynkmal z czasym podźwignyli - mo pamiyntać sztela.

[broneknotgeld]

Von Prittwitzow

Cera Henneberga Prittwitza se wziyła
Tako ta dziedzina w jeji wianie była
Syn erbnoł po matce dyć trzimoł niydugo
Miech talarkow drapko istnymu zamrugo.

[broneknotgeld]

Karol Aleksander von Wartensleben (1851)

Łod Prittwitza kupioł tyn istny dziedzina
Co piyrwyj Seidlitza raduje mu mina.

[broneknotgeld]

5.XI.1857

Sto rokow dyć przeszło - dziedzina wspomino
Jak Seidlitz pod Rossbach powojowoł ino
Aloesy wtedy prawie zakwitnyły
Rynkom generała tu sadzone były.

[broneknotgeld]

Pałac dzisioj

Ciyngym stoji - krasi sztela
Choć mo rokow richtig wiela.

[broneknotgeld]

Czy latoś? (1757-2007)

Latoś tukej zafajrujom?
Boj pod Rossbach - forsztelujom?

Łubowice

[broneknotgeld]

Łubowice

Wele Odry na gorce piyrwyj pałac stoł
To co se łostało kto by dzisioj chcioł?

[broneknotgeld]

Łubowice Eichendorffow

W łoziymnostym wieku se tukej wkludziyli
Stary pałac tako richtig łodnowiyli
Grof Adolf go mustrym łozdobi rokoka
Co radości niesie do człowieka łoka.

[broneknotgeld]

Józef Karol Benedykt von Eichendorff

Łojcym jego Adolf matkom Karolina
Cieszy łubowicko se przeca dziedzina
Tym co tu poeta ty miary se rodzioł
Po Ślonsku strofami niyjednego wodzioł.

[broneknotgeld]

Eichendorffy

Z Zerbow w Brandynburgji na Ślonzek se kludzom
W siedymnostym wieku przeca tukej budzom.

[broneknotgeld]

W herbie Eichenforffow

Asta dymbu - ajchle trzi
Strzybrzom tarcza nom czerwono
Niychej ło tym Ślonzek wiy
Naszo strofa tyż niy kono.

[broneknotgeld]

Jakub von Eichendorff (1636)

Rotmistrz cysorki ślubno se biere
Łod alchymika wele Opawy
Ponoć fest gorkość w Jakubie were
Dyć dzieci niy mioł ze ty zabawy.

[broneknotgeld]

Strofy Eichendorffa

Prawiom co w nich Ślonzek spiywo
Odra plusko, słonko grzeje
Toż mie wcale to niy dziwo
Bo co nasze - dusza grzeje.

[broneknotgeld]

Łubowicko ruina

Mozno se pałac z tego łodrodzi
Zablyszczy zaś w Łubowicach
Co piyrwyj zocne dyć niy zaszkodzi
Wiy ło tym tyż okolica.

[broneknotgeld]

Kerchof łubowicki

Toż "Eichendorffow" tukej mogiły
Jako te strofy w nos bydom "żyły"

[broneknotgeld]

Dynkmal poety

Na Łubowice zoglondo tako
Zefel - choć wszysko tu niyjednako,

Rożnów

[broneknotgeld]

Rożnów - Rosen

"Rosen" - miano z rołzow przeca
Toz przed wojnom richtig było
Bestoż tako wom ukleca
Co we Polsce - se straciyło.

[broneknotgeld]

Rożnow Frankenberga (1366)

Z woli princa brzegu tako sie z tym stało
Konrad von Frankenberg mo dziedzina cało.

[broneknotgeld]

Rożnow 1699

W von Sebottendorffa majontek jest ryncach
Chnetko w łoziymnosty wiek ze sztelom skrynca.

[broneknotgeld]

Rożnow XVIII w.

Rożnow podzielony
Tref tyż tako plecie
Choć dziedzina znomy
Niy szkryfnymy przecie.

[broneknotgeld]

Rożnow Gorny von Ebenow

Von Eben se chycioł połowy Rożnowa
Kościoł tu i folwark - wspomnymy se z nowa.

[broneknotgeld]

Herb Ebenow

Tarcza w poziomie na dwa dzielono
Z wiyrchu gryf złoty na strzybnym polu
Dołym pisiato - żech se przekonoł
Trzi modre sztrichy se złotym chwolom.

[broneknotgeld]

Rod von Ebenow

Familijo to "bojowo"
Kożdy ze niyj w wojsku stowo?
Generałow wiela mieli
Von Ebeny tako chcieli.

[broneknotgeld]

"Ślonsko piramida"

Mumia generała w niyj do dzisioj leży?
Piyrwyj richtig była - tymu chciyjcie wierzyć
Toż to von Ebenow grobowiec ciekawy
Niy yno na wojnie szukali se sławy.

[broneknotgeld]

Pałac von Ebenow

Pałac dość dziwny nom se wydowo
Jako świontynia egipsko stowo?

Narok

[broneknotgeld]

"Naroć"

"Naroć" - tela co danina
Płać choć przi tym kwaśno mina.

[broneknotgeld]

"Naroć" -1234

Ano w historyji już ta Naroć momy
Toż zocno dziedzina - tako przeca znomy.

[broneknotgeld]

Narok 1678

Kej sie Naroć zwie Narokym?
Jedno pewne - ze tym rokym
Tako już szkryfnione momy
I do dzisioj miano znomy.

[broneknotgeld]

Von Beessow XVII-XVIII w.

W Beessow familiji zocny
Narok stowo se dość mocny
Dwor wyrosnoł przi folwarku
Majom głowy dyć na karku.

[broneknotgeld]

W herbie von Beessow

Lipy pniok dwa liście
Trzi korzynie - kożdy zno
Toż zielone to cuzamyn
Na czerwony tarczy - amyn.

[broneknotgeld]

Majorat Lewin Brzeski

W tym majoracie Narok znojdziecie
Tako dziedzina Beessow jest przecie.

[broneknotgeld]

Narok 1783

Major von Sauerma już Narok kupuje
Tyn co w sadowicach tyż gospodaruje
Toż niy w ryncach Beessow - miyniom se dziedzice
Roztomajte przidom - pewnikym to wiycie.

[broneknotgeld]

Starosty Reinharda

Z wiekym dziewiytnostym już dziedzic tu nowy
Ano - dyć terozki Narok starostowy.

[broneknotgeld]

Narok braci Guradze

Cera łod Reinharda drap Narok sprzedała
Pewno dlo majontku wcale źle niy chciała
Przi braciach Guradze by popod w ruina
Toż zlicytowano we końcu dziedzina.

[broneknotgeld]

43 170 talarow (1858)

Tela yno potrza by se Narok kupić
Tonio - dyć go niy szło przeca wiyncy łupić
Yno coby kwitnoł geld jeszcze dołożyć
Szczyńściym chcioł se na to jednak ktosik wożyć.

[broneknotgeld]

Fryderyk Wichelhaus

Toż nowy dziedzic fest gospodarzoł
Narok podźwignoł jako zamarzoł
Pałac chnet cołkym przebudowany
Zdo sie jak nowy ty szteli dany.

[broneknotgeld]

Remont zamku 1859-1869

Wiela rokow było tako
W końcu z zamkym niy jednako
Anglikańskim mustrym jest
Buzantyński tyż z tym fest.

[broneknotgeld]

Fredrich von Wichelhaus

Richtig drapko leci czasym życio wajzer
Tako już uszlachcioł Wichelhausa kajzer
Bo wiedzioł w Berlinie co łon region dźwigoł
Werciyło se mynczyć choć niyjedyn migoł.

[broneknotgeld]

146 116 talarow

Tako Wichelhaus tu gospodorzoł
Że Narok richtig wiyncy już wożoł
Trzi razy drozy łoszacowali
To co sie przed niym chciało chnet walić.

[broneknotgeld]

Fryc von Wichelhaus 1919

Pomarł Fryderyk - Fritz mo dziedzina
Toż przeczoł Narok z łojca na syna.

[broneknotgeld]

Pyjter von Wichelhaus (1926)

W rokach kryzysu Narok biyduje
Dyć Pyjter dobrze niym pokieruje
I do świytności zas dźwignie w końcu
Jeszcze przed wojnom blyszczoł we słońcu.

[broneknotgeld]

Narok I.1945

Se Wichelhausy z Naroku kludzom
Front drapko tyndy przekuloł
Ruski pałacu tyż niy łobudzom
Toż bych wos yno łofuloł.

[broneknotgeld]

Sztab Wojskowy 1945

Ano - zajyli pałac sołdaty
Niymcow czekały zaś yno baty.

[broneknotgeld]

Na miyszkania

Na miyszkania PGRu "rozparcelowali"
Dyć co yno poniymiecke tymu mało pszali.

[broneknotgeld]

Prawie w ruinie

Prawie w ruinie - historio ślinto
Czasy świytności przeca pamiynto.

Niemodlin

[broneknotgeld]

Niymodlin

Na prawie niymieckim niy był lokowany
Toż słowiańskim mustrym do dzisioj nom dany.

[broneknotgeld]

Zamek princa Bolesława (XIV w.)

Princ niymodliński zamek wystawioł
Piyrszy drewniany - tako se jawioł.

[broneknotgeld]

Drugi zamek (XV w.)

Princ Bernard stowio już zamek drugi
Czy mu szkryflany bydzie czas długi?

[broneknotgeld]

Niymodlin gore! (1552)

Ech - ze tym richtig wielko utropa
Zgoroł Niymodlin zdo sie w cołkosci
Ślintanie słychać baby i chopa
Dyć trza se bydzie zebrać do gorści.

[broneknotgeld]

Baltazar von Pueckler

Przi niymu juzaś dziedzina blyśnie
Aże se radość na gymba ciśnie.

[broneknotgeld]

Zamek łodbudowany (1581-1591)

Toż staraniym von Puecklera
Zamek se podzwigo teraz
Zaś se wroci co zgorało!
Dyć czy richtig to być miało?

[broneknotgeld]

We wojnie trzidziestoletni

Szwedy łoblygali go aże dwa razy
Toż juzaś ruiny zdowoł se łobrazym.

[broneknotgeld]

I juzaś zamek (XVIII w.)

Toż grof von Praschma zaś dźwigo zamek
I czasy teroz już niy te same
Tyż wiyncy szczyńścio Niymodlin miywo
Tako ty szteli nikt niy zdobywo.

[broneknotgeld]

Niymodliński park

Park wele zamku zdowoł sie mały
Dyć przeca gryfnie wyglondoł cały.

[broneknotgeld]

Niymodlin 1846

Krol Prus z tym rokym we zamku gościoł
Jedno jest pewne - tukej niy pościoł.

[broneknotgeld]

Herb von Praschmow

Ze konskym czachy rogi jelynia
Złocom se w modrym - tako nadmiynia.

[broneknotgeld]

Rod Praschmow

Rod Praschmow z Moraw se dyć wywodzi
Choć tyż łod wiekow po Ślonsku chodzi.

[broneknotgeld]

Po 1945

Ano po wojnie Polska tu momy
Teroz liceum w pałacu
No i niszczeje - to przeca znomy
Słono te mury zapłacom.

[broneknotgeld]

A dzisioj?

A dzisioj pałac w prywatnych rynkach
Czy ze tym kończy se jego mynka?

[broneknotgeld]

Dyć niy robcie taki miny
Niy jest Modlin Niymodlinym.

Nysa

[broneknotgeld]

Nysa XI w.

W jedynostym wieku na handlu wyrosła
Tako do znaczynio drapko tukej doszła.

[broneknotgeld]

Nysa - ok. 1200

Prawiom co w tym czasie zamek tu stowiali
Tako tyż profitow z Nysy wachowali.

[broneknotgeld]

Nysa 1223

Na prawie flamandzkim lokowano Nysa
Czy zaczli chnet tukej nudle na tym wiyszać?

[broneknotgeld]

Nysa 1245

Po Tatarach se tukej wiela pomiyniyło
Prawym magdyburskim teroz miasto żyło.

[broneknotgeld]

Nysa 1290

Princym Nysy biskup tako
Dugo bydzie z tym jednako.

[broneknotgeld]

Zamek nyski

Ciyngym rosnie zamek nyski
Biskupy ło niego dbajom
Przeca niy dogodzi wszyskim
W końcu pałac se stowiajom.

[broneknotgeld]

Herb nyski

W polu czerwonym strzybne lilije
Szejść ich zrachujesz - pewno wiysz czyje.

[broneknotgeld]

Za Karola Ferdynanda Wazy

Ano - tron biskupi we końcu tyż jego
Nysa tako blyśnie - doczkomy se tego
Że z pałacym nowym grod jeszcze gryfniejszy
Podziwować idzie - przeca tyż dzisiejszy.

[broneknotgeld]

Pałac biskupi (1620)

Ano - zaczli go bajstlować
Czas wojynny niy pomogoł
A i Wazy trza pochować
Pomarł kiery reskiyrowoł

Lot sztyrdziści przeszło tako
Niym podźwigli co być miało
Bo i biskup w końcu płakoł
No i Nysie tyż se chciało.

[broneknotgeld]

Biskupi pałac 1742

Potrza było wojny ślonski
By biskupom zabrać konski
Na poł wieku teroz tukej
Yno za tym wojskym kukej.

[broneknotgeld]

Za kardynała von Hohenlohe

Ano - jak istny był kardynałym
Łodebroł wojsku tyn pałac cały
Dyć niy za wiela we niym zabawioł
Tref niyspodzianka zło chnetko sprawioł.

[broneknotgeld]

Sekularyzacjo 1810

Toż zaś pałac niy biskupi
Państwo tako Koscioł łupi
Wiela sekularyzuje
A tu sond już urzynduje.

[broneknotgeld]

Stary zamek 1824

Stary zamek cołkym bulom
Już zawodzoł yno w Nysie?
Tako było - dyć niy fulom
Niy godejcie tyż co "śni sie".

[broneknotgeld]

Pałac biskupi 1945

Spolony pałac stoji w ruinie
Czy czas już jego na zowdy minie?

[broneknotgeld]

Pałac 1947-48

Coś przi niymu bajstlowali
Dyć niy stykło geldu dali
Czeko czasow tako swojich
By se jeszcze roz wystrojić.

[broneknotgeld]

Odbudowa 1963-1984

Ech - zaś pałac se nom dźwigo
Noc że dugo richtig tako
Tref szczyńśliwy już mu migo
No i Nysa z tym niy płako.

[broneknotgeld]

Nyske muzeum

Toż se zaś Nysa pałacym asi
Muzeum uczy i miasto krasi.

[broneknotgeld]

Nyske łogrody biskupie

We samy Nysie pora ich było
Dyć se to w końcu wszysko straciyło.

[broneknotgeld]

Łogrod italyjski

Miyndzy Nysom a Młynowkom piyrszy sie zielynioł
Dyć zły tref na niego prziszoł i wiela łodmiynioł.

[broneknotgeld]

Łogrod francuski

Ano - tyż łoczy biskupie cieszoł
Dzisioj go niy ma - czy richtig zgrzeszoł?

Otmuchów

[broneknotgeld]

Otmuchow 1155

We bulli papieski już ło niym szkryfnyli
Zdo sie był tu piyrwyj niym biskupy byli.

[broneknotgeld]

Otmuchow 1241

Rok zły dlo Ślonska - wszyndy Tatary
Otmuchow tako drapko zdobyli
Dyć se podźwignoł skiż ludzki wiary
Zaś krześcijany we grodzie żyli.

[broneknotgeld]

"Castrum" 1245

Tako Otmuchow drapko se dźwigo
Przed łodbudowom dyć nikt niy migo.

[broneknotgeld]

Zamek Otmuchow 1284

Zamek murowany już na gorce stoji
Mury jego mocne? Se wrogow niy boji?

[broneknotgeld]

Otmuchow 1285

Biskup ze Wrocka - tyn Tomasz II
Myśloł se bronić tu przez czas dugi
Klontwom Probusa piyrwyj łobłożoł
Drapko spokopioł na co to wożoł

Zamek zniszczony, fosa zasuto
Tako se hepło pierońsko mu to.

[broneknotgeld]

Zamek husytow

Ano - husyty zamek zdobyli
I za biskupi skarbiec se wziyli
Ech - było richtig czego żałować
Przed "siyrotkami" na darmo chować.

[broneknotgeld]

Zamek wykupiony

Z ronk kacerzy wykupiony
Zaś mioł służyć do łobrony
Stowo se biskupiom twierdzom
Dyć czy wrogi przed niom pierdzom?

[broneknotgeld]

Za Jana IV Rotha (1484-85)

W tych rokach zamek fortyfikujom
Wojska biskupie pewni se czujom.

[broneknotgeld]

Z końcym XVI wieku

Biskup von Jerin mo koncept nowy
Zamek terozki renesansowy
Toz co surowe tako gryfnieje
Choć przidom jeszcze niyleke dzieje.

[broneknotgeld]

Za Karola Ferdynanda Wazy (1638)

Syn łod krola i brat tako
We tych murach dyć niy płako
Zamek przebuduje z nowa
Mo do tego istny głowa.

[broneknotgeld]

Zamek 1646

Zamek teroz w Szwedow rynkach
Z tym Otmuchow tyż we mynkach.

[broneknotgeld]

Zamek 1741

Przi wojnie ślonski bijom kanony
Zamek skiż tego tyż poszczyrbiony.

[broneknotgeld]

Sekularyzacjo 1810

Biskup ze Wrocka juz tu niy zicnie
Dyć zamek prozny - jako rozkwitnie?

[broneknotgeld]

Zamek von Humboldta 1821

Wilhelm von Humboldt już zamku panym
Ze łaski krola tako mu dany
Za to że pruski nauce służy
Se w Otmuchowie może tyż użyć

[broneknotgeld]

Zamek von Humboldta 1828

Grof zamek dźwigo jakby z ruiny
Blyśnie ze dwora jako tyż driny.

[broneknotgeld]

Zamek w Otmuchowie (1923-1935)

Zamek w tych rokach zaś przerobiajom
Hotel w niym jakby terozki majom
Co richtig cieszy zowdy wandrusa
Ańcja se we niym wynajońć musza.

[broneknotgeld]

Zamek 1929

Toż grof von Humboldt zamek sprzedowo
Cołkym se miejskom dziedzinom stowo.

[broneknotgeld]

A po wojnie

A po wojnie durś nom stoji
Se kanonow już niy boji
Szczyńściym go tu ciyngym momy
No i historyjo znomy.

[broneknotgeld]

FWP na zamku

Co znaczom wczasy
w ty szteli naszy?
Zamek w ruinie!
Czy zły tref minie?

[broneknotgeld]

Dzisioj

Dzisioj gmina gospodarzy
Zamkym co perełkom Ślonska
Toż Otmuchow już niy marzy
Som rozblysko z tego konska!

[broneknotgeld]

"Lato Kwiotkow"

Ano - tym Otmuchow słynie
Blas se niesie po dziedzinie.

[broneknotgeld]

Na końskich schodach

Koniym zajechołś se tu na sztok
Yno niy godej co to był ćmok.

[broneknotgeld]

Zamkowo studnia

Łod średniowieczo dziedziniec zdobi
Prawiom co richtig głymboko
Ktoś potajymnie coś przi niyj robi?
Po nocy na dno tam skoko?

[broneknotgeld]

Starzik łosprowioł

Starzik łosprowioł - Tam skarbu szukej
Co we tym wzgorzu ukryty
Z duchym biskupa we studnio kukej
Dyć czy wzbogacisz se przi tym?

Opole

[broneknotgeld]

Zamek opolski

Princ Kazimierz zamek stowio
Przi Odry przeprawie
Ku łobronie tako dowo
Przeca niy zabawie.

[broneknotgeld]

Na Ostrowku

Na Ostrowku zamek stary
Bagna broniom murow jego
Tako dejcie tymu wiary
-Ciynżko dobrać se do niego.

[broneknotgeld]

Zamek 1228

Mury stojom - zamek tako
Dyć niy bydzie durś jednako.

[broneknotgeld]

Zamek 1283

"Palatium" princ Bolek wystawioł se nowe
Z "donżonym" bo przeca mioł bronić to czowiek.

[broneknotgeld]

Wieża zamkowo (1300?)

Toż łokrongło wieża już stoji wysoko
Śmiałka niy znojdziecie coby ze niyj skokoł.

[broneknotgeld]

Za Bolka II

Za Bolka II zamek se rozrosto
Przi bramie miyszkanie burgrabia tyż dostoł.

[broneknotgeld]

"Dom Wysoki"

W sztyrnostym wieku zamek dźwignyli
Jedyn sztok yno mu dołożyli.

[broneknotgeld]

Zamkowe stajnie

Prawiom co mieściyły łoziymdziesiont koni
Toż ze tym Opole we przodek tyż goni.

[broneknotgeld]

Po Janie Dobrym

Po istnym princu zamek upodo
To historyjo Opola godo
Dyć jeszcze dźwignie se skiż starosty
Oppersdorff stowioł niy yno "mosty".

[broneknotgeld]

Zamek 1557-1566

Toż se nasz zamek zaś dropie w gora
Dyć nigdy przeca niy bydzie w chmurach
Choć tako krzidła ło sztok dźwignyli
Czy bezpieczniejsi we murach byli?

[broneknotgeld]

Zamek 1615

Gore fest Opole tako samo zamek
Czy mury już bydom terozki te same?

[broneknotgeld]

Przi wojnie trzidziestoletni

Richtig łoblygany - przeca niyzdobyty
Stykłoby terozki łostać yno przi tym
Dyć wiela uciyrpioł - trza nom to pamiyntać
Dlo Opola jakby potym z niego "piynta".

[broneknotgeld]

Zamek 1737-1739

Gore czynsto zamek - zły tref prześladuje
We łoczach se traci - jakby drapko suje.

[broneknotgeld]

Łodbudowa 1740

Szczyńściym w ruina niy poszło wszysko
Co mogli uratowali
Nowy sznit zamek terozki zysko
Z kerym pokulo se dali.

[broneknotgeld]

Zamek 1838-1855

Wszysko se miyni - już niy jednako
Nikt skuli murow przeca niy płako
Zasuto fosa tracom se wały
"Szlosspark" ze tego tukej niymały

Zamek terozki łodpicowany
Jako perełka miastu z tym dany
Idzie se teroz richtig niym asić
I historyji zocny niy gasić.

[broneknotgeld]

Zamek 1860

Toż rejyncyjo wkludzo se tukej
W niyj gornoślonski władzy dyć szukej.

[broneknotgeld]

Zamek XIX/XX w.

Toż na przełomie wiekow zaś rośnie
Na krzidło nowe patrzy radośnie
W neorenesans jest łobleczone
I na trzi sztoki tako dźwignione.

[broneknotgeld]

Zamek 1928-31

Ech - ze tym koniec - wieża łostała
Dyć cołko reszta teroz se traci
Zły ta prowincjo w tym koncept miała
Zamek Opola już niy bogaci.

[broneknotgeld]

Nowe gmaszysko

Nowe prowincji tukej gmaszysko
Wiyncy niy szkryfna - ło tym już wszysko.

[broneknotgeld]

Zamek Gorny

Z końcym sztyrnostego wieku
Drugi zamek tu stowiajom
Ksiynstwo dzieli se człowieku?
Wielko z tym utropa majom?

[broneknotgeld]

Włądysław Opolczyk

Władysław Opolczyk "gorny zamek" stowio
Ze wschodu grod broni - to se niu wydowo

[broneknotgeld]

Gorny Zamek

Murym łobwiedziony i głymbokom fosom
Przed tymi łobroni kerych tu niy proszom,

[broneknotgeld]

Opole gore! (1615)

Dyć Zamek Gorny z tym uszkodzony
Zdo sie co nigdy niy dźwignie
Niywiela po niym terozki momy
Choć czas dość drapko nom mignie.

[broneknotgeld]

Łostała wieża

Łostała wieża - spichrzym tu była
Tako Opola już niy broniyła.

[broneknotgeld]

Zamkowe stajnie

Zamek wygoroł - zdo sie w ruinie
Dyć ciyngym służom stajnie dziedzinie.

[broneknotgeld]

Zamek 1622

Zbor wangelicki we zamku majom
Tu do Ponboczka teroz rzykajom
Świontynio richtig w ty szteli była
Chocioz ze czasym tyż se straciyła.

[broneknotgeld]

Zamek garncorzy (łod 1637)

Ano - gorki tu lepiyli
I we piecach wypolali
Lekci skuli zamku żyli
Niych im tako bydzie dali.

[broneknotgeld]

Wieża zamkowo (połowa XIX w.)

Wele niyj gimnazjum stowo
Wieża z tym se jakby chowo.

[broneknotgeld]

Wieża zamkowo (połowa XIX w.)

Wieży zamkowy sztok dokłodajom
Kunsztowi jeji tako tyż pszajom.

[broneknotgeld]

Wieża zamkowo (1898)

Wele niyj gimnazjum stowo
Wieża z tym se jakby chowo.

[broneknotgeld]

Kuplujom ze szkołom (1936-39)

Toz se kupluje wieża ze szkołom
Stoji do dzisioj z gymbom wesołom.

[broneknotgeld]

Zespoł Szkoł Mechanicznych we Opolu

Kaj piyrwyj zamek szkoła znojdziecie
W niyj staro wieża do dzisioj przecie.

Pokój

[broneknotgeld]

"Carlsruhe"

W Borze Stobrawskim dziedzina rośnie
Princ Karol bliko na nia radośnie
Bo mo być tako jako se śniyła
Tam kaj polana we lesie była.

[broneknotgeld]

Bez rynku

Bez rynku - dyć rondel majom
Skuli tego jo niy wajom.

[broneknotgeld]

Carlsruhe 1747

Wirtymbersko-oleśnicki princ tu pałac stowio
Z tym Stobrawskim Borom tako perła jakby dowo.

[broneknotgeld]

Carlsruhe 1747

Wirtymbersko-oleśnicki princ tu pałac stowio
Jakby tym Stobrawskim Borom tako perła dowo.

[broneknotgeld]

Ponoć

Ponoć princ Karol mioł śnik pod dymbym
Blikoł na cudno leśno dziedzina
Choćioż se zbudzioł śmiych niy zloz z gymby
Tu pałac dźwignoł - to ci nowina.

[broneknotgeld]

Pałac princa

Pałac princa w środku stoji
Wszysko inksze wele niego
Łon dziedzina tako stroji
Że niy widzisz co inkszego.

[broneknotgeld]

Na Winny Gorze

Na Winny Gorze i w parku tako
Kto chcioł wygody tyn niy zapłakoł
Bo pałacykow przeca tu pora
I wszyske łone ze princa wora.

[broneknotgeld]

Prince Wirttemberg

Ano - z familiji co krolow wydała
Ślonskom Oleśnicom tyż przeca włodała.

[broneknotgeld]

Georg Ludwig Schirrmeister

Brandynburgio istnego do dzisioj mo w zocy
Kunszt baroku w Carlsruhe z niym nabiyroł mocy
Kaj plac łośmioeki pałac stanoł w środku
Łoziym "kawalierow" tyż tu niy z przipodku.

[broneknotgeld]

Jan Karol Christian Leyser

Co Schirrmeyster zaczoł Leyser skonczoł tako
Toż princ wirtemberski ze szczyńścio zapłakoł.

[broneknotgeld]

Carlsruhe-Zdroj (1852)

Kurotr z ty szkeli Ślonzek bogaci
Co piyrwyj było dyć se zatraci.

[broneknotgeld]

Eugeniusz Fryderyk August ks. Wuerttemberg-Oels

Kawalerji pruski przeca generałym
Skiż Napoleona w utropie niymały
Dyć dożył wolności - co pruske we gorze
Niychej Francyjoki we żałobnym chorze.

[broneknotgeld]

Eugeniusz ks. Wuerttemberg-Oels

Toż piechotom ruskom tyn istny dowodzioł
W boj z francyjokami kaj szło tam jom wodzioł
Pod Culm wroga pobioł tako bardzi blyszczy
Pamiyńć bohatera ze tym w Niymcach zyszczy.

[broneknotgeld]

Carlsruhe 1903

Familijo princow w dziedzinie pomarła
Ze tym ta krolewsko do siebie przigarła.

[broneknotgeld]

Bad Carlruhe?

Dzisioj zodziwi możno te miano
Dyć piyrwyj kurort budzioł se rano
Do studni tako zaproszoł gości
Ech - zmarnowali! Richtig to złości.

[broneknotgeld]

Rondo Pokoju

Z ronda wyłazi aż łoziym sztrasow
Tela łostało ze dobrych czasow?

[broneknotgeld]

Szpryngli pałac

Szpryngli tyn pałac z "hinterhausami"
Grzych Ruskow wielki - powiycie sami.

[broneknotgeld]

Park pałacowy

Do dzisioj cosik z niego łostało
Dyć downy krasy jakoś za mało.

[broneknotgeld]

Kaj?

Kaj studnie kere woda dowały?
W Carlsruhe dusze se kurowały
Ślonski dziedziny kurort był modny
A park przi tymu jakby tyż "wodny".

[broneknotgeld]

"Śpioncy lew"

Łostoł se w parku - kunszt Kalidego
Możno ło Culm śni - dyć niy wiym tego
Dni generalski wspomino chwały
We mianach bitew postumynt cały.

[broneknotgeld]

"Śpioncy lew" 1857-2007

Sto piyńćdziesiont rokow we parku już śpi
Wiela se zmiyniyło - dyć co ło tym wiy?

Prószków

[broneknotgeld]

"Żołto ruda"

Bajajom ło tym łod downa tako
Co "żołto ruda tu dobywali
Dyć czy ze złotym łona jednako?
Możno coś inksze tym mianowali.

[broneknotgeld]

Ruda ajzy?

To ze prowdom by zdowało
Było tukej jyj niymało.

[broneknotgeld]

Baldo de Prosca (1336)

Toż Bolko II - princ na Opolu
Sie sekretorza pierońsko chwoloł
Nadoł mu ziymia w dziedzinie swoji
Piyrszy z Proskowskich już tukej stoji.

[broneknotgeld]

Herb rodu Proskowskich

Tarcza na dwoje w pionie dzielono
Mo strona bioło - mo tyż czerwono
Na nich podkowy chnet skuplowane
Po jedny w polu tako podane
Bioło kaj czerwiyń - czerwono w bieli
Tako wom szkryfna byście wiedzieli.

[broneknotgeld]

Proszkow (XIV w.)

Siedzibom rodu łostoł na długo
Tref dlo Proskowskich szczyńśliwie mrugo.

[broneknotgeld]

Stanimir I (1286)

Stanimira możno znocie
Proskowskiego już w niym mocie
Historyjo tako prawi
Co na Raciborzu bawi
Przeca był tam kasztelanym
Tref mu zocny tako dany.

[broneknotgeld]

Grof Jerzy Krzysztof Proskowski (1678)

Rod Proskowskich mioł w niym głowa
Toż se wiela niy dziwujcie
Familijo - ło tym mowa
W grofy idzie - forsztelujcie.

[broneknotgeld]

Jerzy Krzysztof Proskowski

Dziedziny jego ciynżko zrachować
Wiela w Austryji tako na Ślonsku
Grof kery mogby przi princach stować
A ze Proszkowa w tym naszym konsku.

[broneknotgeld]

Zamek w Proszkowie (1563)

Tu włoskim kunsztym wybudowany
Tako perełka renesansowo
Proskowskim ze tym splyndor tyż dany
Sie familijo durś wiynkszom zdowo.

[broneknotgeld]

Zamek spolony!

Ano - przi wojnie trzidziestoletni
Szwedy w Proszkowie tyn zamek polom
Dyć se podźwignie - ło to tyż wetni
Proskowscy swoja dziedzina chwolom.

[broneknotgeld]

Zamek (1677)

Kunszt italijski Serengo dowo
Ze ruin zamek jakby zaś stowo
Proskowski zaroz tyż grofym bydzie
Toż dubeltowo radość z tym idzie.

[broneknotgeld]

Zamek 1763

Rośnie we zamku manufaktura
Fajans z Proszkowa - głowy we chmurach.

[broneknotgeld]

Proszkow 1763

Grof Leopolld w ty dziedzinie
Mo manufaktura
Pamiyńć ło tym niy przeminie
Proszkow to niy dziura

Już na zamku fajans robiom
W piecach wypolajom
Gryfnie tyż do tego zdobiom
Szkorupom tym pszajom

Toż se niy trza dziwać z tego
Co we świecie słynie
Dzbonek kunsztu przezocnego
Niychej to niy minie.

[broneknotgeld]

Za Dietrechsteina

Za Dietrechsteina Proszkow rozblysko
Stond fajans sława we świecie zysko.

[broneknotgeld]

Zamek 1783

Z manufakturom zamek sprzedany
Skarb Pruski teroz tu cołkym panym
Fajans tyn Proszkow dyć długo sławi
W cołki Europie se przeca jawi.

[broneknotgeld]

Gore! (1853)

Se werk fajansy we zamku poloł?!
Już go niy dźwigli bo Skarb łosmoloł.

[broneknotgeld]

Remont zamku (1845-1847)

Ano - przerobiajom tyn zamek łod środka
Chnetko tu szkolorzy wiela pódzie spotkać.

[broneknotgeld]

Remont zamku (1845-1847)

Ano przerobiajom tyn zamek łod środka
Chnetko tu szkolorzy wiela pódzie spotkać.

[broneknotgeld]

Zakład Rolniczy

Wpiyrw se szkoła tako zwała
Wiela szwongu przeca miała.

[broneknotgeld]

Wyższy Zakład Rolniczy

Z miana widać - wiyrchym idzie
Dyć czy koniec ze tym bydzie?

[broneknotgeld]

Akadymjo Rolniczo

Piyrwyj fajanse słali w Europa
Teroz "ksztołconych" - toż niy utropa.

[broneknotgeld]

Syminarium Rechtorske

Akadymijo zamkli z tom porom
Dyć w głowy wiedza tkajom rechtorom.

[broneknotgeld]

Lazaryt

Lazaryt w końcu ze zamku robiom
Filery prawie teroz niy szkrobiom.

[broneknotgeld]

Lazaryt dlo istnych

Kierzy niy wszyskich we doma majom
Tu se kurujom - tyż wyzdrowiajom.

Racibórz

[broneknotgeld]

Raciborz 1000

Soł już Raciborz tu ze wojami?
Czy wtedy bronioł przed Pepikami?

[broneknotgeld]

Mieszko I Raciborski

Mieszko I Raciborski zamek swoj tu mioła
Przeca princ zocnego gniozda richtig bronić chcioł.

[broneknotgeld]

Stoigniew (1222)

Kasztelan ze miana znany
Princowi richtig łoddany.

[broneknotgeld]

Raciborz 1241

Niy zdobyli tukej zamku pierońske Tatary
Tako zdo sie co był richtig niypośledni miary.

[broneknotgeld]

Za princa Władysława

Z Pepikami łon wojowoł
Toż uciyrpioł - se wydowo
Tyn Raciborz skuli princa
Nawet zgoroł - jo cie krynca!

[broneknotgeld]

Ugoda Raciborsko (1287)

Hynryk Probus łoblygoł biskupa
W Raciborzu - niyszczyńścio z tym kupa
Dyć niy zdoboł w tym czasie łon grodu
Zaniychali łostudy - wom godom.

[broneknotgeld]

Raciborz 1340

Princ Leszek umiyro - potomka niy spłodzioł
Ze tym Przemyślidom se tyn grod przigodzioł.

[broneknotgeld]

Przi Przemyślidach Opawskich (1340-1521)

Dugo z Opawom tako cuzamyn
Aż z Walyntynym powiedzom - amyn.

[broneknotgeld]

Jan Dobry

Jak princ Walyntyn w końcu umiyro
Niyjedna głowa tukej zaziyro
Panym Jan Dobry z Opola bydzie
Tako Raciborz przeca niy w biydzie.

[broneknotgeld]

Z ksiynstwym opolskim

Z ksiynstwym opolskim w czeski koronie
Aż Austryjoki jyj pedzom - koniec
Tako w cysorstwie blyszczy terozki
Choć roztomajte tyż idom troski.

[broneknotgeld]

Państwo Raciborskie" (1642)

Dziedzina cołko tako z tym rokym
Pod Oppersdorffa terozki łokym.

[broneknotgeld]

Państwo Raciborskie" (1712)

Z poczontkym wieku łoziymnostego
Se grof von Sobeck tyż chycioł tego.

[broneknotgeld]

Racoborz von Schlabrendorfa

Ano - se drapko miyniom tu pany
Teroz grofowi istnymu dany.

[broneknotgeld]

Raciborz 1784

Baron von Wilczek we Raciborzu
Z tym rokym richtig nojwiyncy wożoł.

[broneknotgeld]

Wiktor Amadeusz von Hessen-Rothenburg (po 1812)

Co kościoła tu se traci
Dyć grof nowy z tym bogaci
Tako istny kupioł sztela
Ze Rudami - dyć dość wiela

[broneknotgeld]

Zamek gore! 1858

Dwa krzidła potym prawie w ruinie
To co nojgorsze dyć drapko minie
Wszysko łod nowa przeca postawiom
I browar wiynkszy dziedzinie sprawiom.

[broneknotgeld]

Łodbudowali

Dyć przeca dość drapko zaś łodbudowali
Jeszcze do browaru coniyco dodali
Piwo raciborske na zamku warzone
Zocniejsze z tym było i w cynie niy słone.

[broneknotgeld]

Z koncym II wojny światowy

Ech - z koncym wojny rusko armijo
Tyn zamek poli - toz tragedyjo
Polska coniyco dyć łodbuduje
Ktos i łostatnio zas remontuje.

[broneknotgeld]

Coś na trolle by sie zdało
www.dziennikzachodni.pl/artykul/501663,komnata-strachu-na-zamku-piastowskim-w-raciborzu-zdjecia,id,t.html
Ciyngym istnych jest niymało.

[broneknotgeld]

Raciborz zaproszo
www.facebook.com/pages/Zamek-Piastowski/301269146601426
Coś tako rozgłoszo.

Ujazd

[broneknotgeld]

Ujazd (XIII w.)

Torg we Ujeździe juz richtig zocny
Tako grod dźwigli naprowdy mocny.

[broneknotgeld]

Ujazd 1223

Ano - tako momy miasto
Jako te biskupie ciasto.

[broneknotgeld]

Ujazd w XIII wieku

Miasto wyrosło - zamek tyż tako
Biskup skiz tego wcale niy płako
W ty czyńści Ślonska tu serce włości
Ujazd je trzimie - szkryfna nojprości.

[broneknotgeld]

"Prokurator"

Ano - za biskupa łon tu gospodarzoł
Dboł by princ kościoła mioł to co se marzoł.

[broneknotgeld]

Walter

Wójt Ujazdu i ty Nysy
Tu "prokuratorym"
Nawet jak i biskup zgrzyszy
Go "nakormi" strzybra worym.

[broneknotgeld]

Archiprezbiter

Toż we Ujeździe tyż istny siedzioł
Co w tym biskupstwie łon wszysko wiedzioł.

[broneknotgeld]

Mikołaj Kochcicki 1609

Ksiynstwa nyskego starostom był
Dyć i tu chciołby sprobować siył
Tako se chycioł Ujazdym rzońdzić
Już do Lublińca niy chcioł zabłondzić

[broneknotgeld]

Anna Julianna Kochcicka

Cerom łojca była - ciynzko rynka miała
Tako mieszczan tukej czysto tyż korała
Biskup aż se wmiyszoł by spokoj wprowadzić
Bo tych uwiyńziyła co śmieli se wadzić.

[broneknotgeld]

Herb Kochcickich

Czapla na łonce mo w dziobie ryba
A za niom niebo modrzy se chyba.

[broneknotgeld]

Grof Karol Joachim Mettich (1666)

Anna Kochcicko w mogile leży
Ziyńć tukej rzońdzi - możecie wierzyć
Dyć możno ździybko dziedzica mynczy
Bo jom wypuści chnetko ze ryncy.

[broneknotgeld]

Ujazd Praschmow (1676-1729)

Ano - dość dugo Ujazd trzimali
Dyć niy na zowdy - czas leci dali.

[broneknotgeld]

Skiż Krapkowic (XVII w.)

Skiż Krapkowic tyn Ujazd z wolna podupodnie
Kedy most na Odrze se tam wystawiyli
Ze handlu i myta niy wyżyjom godnie
Czy krapkowiczany czekajom ty chwili?

[broneknotgeld]

W pruskich czasach

Zdo sie garnizonym Ujazd w pruskich czasach
Huzarow tu wiela - stond i miasta krasa.

[broneknotgeld]

W XVIII wieku

Hohenohe-Oehringen już tyn zamek trzimiom
Dyć wielgachne ambicyje we tym rodzie drzymiom
Toż princami na Ujeździe se w końcu mianujom
Tako dźwigli i dziedzina - przeca rorsztelujom.

[broneknotgeld]

Princ Ujazdu (1861)

Dziedzic grodu tego chcioł
Se z tym rokym princym stoł!

[broneknotgeld]

Se trzimiom

Hohenlohe-Oehringen se trzimiom ty szteli
Ze Sławyńcic niydaleko toz erbnońć to chcieli.

[broneknotgeld]

Zamek ruinom

Ano se tało skiz drugi wojny
Niy był szkryfniony koniec spokojny
Tako ruina dzisioj widzicie
Z downy świytności nic - przeca wiycie.

Rogów Opolski

[broneknotgeld]

Tymplariusze w Rogowie (XIII w.)

Cosik takego tukej godajom
Jednak pewności cołkym niy majom.

Rudy Raciborskie

[broneknotgeld]

Rudy Raciborske 1258

Opactwo cystersow we Rudach stanyło
Dyć tu jako światło wele ćmoka było.

Rysiewice

[broneknotgeld]

"Reyswitz"

Tako Rysiewice piyrwyj se nom zwały
Przeca historyjo richtig długo miały.

[broneknotgeld]

"Reiswitz" Reyswitzow (XV-XVIII w.)

Dugo familijo trzimała ta sztela
We zocy jom mieli dyć niy małowiela
Czy stond rod swoj wziyli? Ich dziedzina gniozdym?
Reyswitz by pewnikym pedzioł tako kożdy.

Łosiów

[broneknotgeld]

W XII wieku

W dwunostym wieku już som na Ślonsku
Co joannity widzom w tym konsku?
Ech - przeca zicli kaj Łosiow momy
Toż kawalyrow rodyjskich znomy.

[broneknotgeld]

Jednom bankom ze Chebzio do Wojtowy Wsi
Za rok se dojedziesz - dyć już za dwa dni.

[broneknotgeld]

Miejsko Izba Regionalno

W Siymianowicach tako sie stało
Wele pałacu we spichrzu starym
Choć niy muzeum - dyć już niymało
Szło sie zochwycać historii czarym

Sztela wybrali naprowdy zocno
Kero widziała wiek siedymnosty
Dyć sie czimała krzepko i mocno
Tyż we tym czasie co niy był prosty

Gyburstag teroz by Izba miała
W tym roku przeca rowno czidziycha
I chocioż łona sie niy łostała
Trza pofajrować - niy ma w tym grzycha

Bo ze niyj przeca cosik wyrosło
Siymianowicke muzeum piykne
Piytnoście lotek tymu to poszło
Już do popicio okazji styknie.

[broneknotgeld]

Bytkow 18.IX.2004

We Bytkowie rynek łotwiyrajom
Jeszcze herb przi tymu tyż se łodsłoniajom
Nikerym prziznajom tyn "Laur Bytkowa"
Zefel Skrzek zaś wszyskim bydzie koncertować.

[broneknotgeld]

"Prowokacyjo"?!
wiadomosci.gazeta.pl/wiadomosci/1,114871,13146912,Wiceprezydent_dzwoni_i_instruuje__Ja_bym_prosil__zeby.html
Ło kryjolyjo!