Tyn Dolny konsek Ślonska

[broneknotgeld]

Pieszycke wspominki

Pieszyce?! -Wspomnieć trza Zwanzigera!
Richtig pierońsko z niego cholera!
Som to se pałac piykny budowoł
A ludziom grosze głodowe dowoł

Podobnoś piyrwyj kajsik w Lyonie
Tkocze pedzieli - "My niy som konie"
A co? -W Pieszycach tkocze to woły?!
Głod i utropa - los niywesoły!

Toż łod lutego tukej aż wrało
Ludzi w chałupach se durś zbiyrało
Ło buncie jakimś możno radziyli
Zdychać już lepi - tako tu żyli

We końcu prziszło - czyrwca szwortego
Szturmym dom wziyli bogocza złego
Zwanziger pitnoł dyć do Wrocławia
A tkocze prawiom - "To niy zabawa"

Co Zwanzigera to poniszczyli
Fellmann Hofrichter se wykupiyli
Toż na Bielawa powstanie poszło
Tam tako samo do zniszczyń doszło

Hilbert Andretzing Diering na stracie
Niy mogli pedzieć -"Zlituj se bracie"
Aż ze Świdnicy wojsko ściongnyło
Łoj - sie w Bielawie ty porobiyło!

Choć wpiyrw se zdało co spokoj przidzie
Dyć niy zaradzioł rozum ty biydzie
Bielawsko bitwa tkocze przegrali
Krwiom swojom bunt tyn posztymplowali

Zabitych rannych rożnie liczyli
I do heresztu wiela tyż wziyli
Tako se "wojna tkoczow" skończyła
Yno ta pamiyńć niy zaginyła.

Pieszyce

[broneknotgeld]

Dola tkocza

Z roku na rok ciyngym tracioł
A hurtownik se bogacioł
W końcu prziszły te maszyny
Niy wyżywi tkocz rodziny.

Złoty Stok

[broneknotgeld]

Już Celty

Ponoć już Celty złoto stond brali
Toż po nich tako leciało dali
Złoty Stok na tym sie ubogacioł
Choć co mioł cynne tako potracioł.

[broneknotgeld]

Złotostocki arszynik

Szło arszynikym sie wykurować
Dyć gowy za to wola niy dować
Możno se wiyncy z niym przejechało
Tam kaj pewnikym niy planowało.

[broneknotgeld]

"Kopalnia Złota" - 1996

Turystyczno trasa wiedzie cie sztolniami
Lepi niy rajzujcie na ni yno sami
Bo idzie tam spotkać i gnoma Szarego
Co łod sia niy puści już czowieka złego.

[broneknotgeld]

W sztolni "Gertruda"

W sztolni "Gertruda" pamiontki downe
Na historyjo niy kiwej
Toż na nic miny teroz frechowne
Lepi uwożnie se dziwej.

[broneknotgeld]

Chodnik Śmierci

Za kara rynce wmurowywali
Tako powolny śmierci łoddali.

[broneknotgeld]

We Złotym Stoku

We Złotym Stoku w czinostym wieku
Złoto kopali - choć wpiyrw poleku
Z wiekym szesnostym "goronczka złota?
Toż to niy była jakoś gupota.

[broneknotgeld]

199 grubow

Tela grubow tukej aże zrachowali
Jak w szesnostym wieku złoto dobywali
Toż "goronczka" tako wszyskich tu chyciyła
Złotostocko sztela we proficie była.

[broneknotgeld]

Czi cetnory

Czi cetnory złota na rok stond se brali
Złotymu Stokowi nikierzy fest pszali.

[broneknotgeld]

"Złoty Osioł" - 1565

Zły tref bergmonow i tukej goni
A piyrwyj życie zdało sie toni
Piyńdziesiont dziewyńć gwarkow w zawale
Dyć już niy wyńdom ze gruby wcale.

[broneknotgeld]

W siedymnostym wieku

W siedymnostym wieku Złoty Stok upodo
Tako cołki Ślonzek ło tym teroz godo
Toż se żyły złota chnet cołkym straciyły
Gruby tyż nikere drapko zawalyły
We mieście pożary ze morym na zmiana
Dyć i śmierć skiż wojny śpiywała "łoj dana".

[broneknotgeld]

Hans Scharffenberg

Toż se pigulorz alchymiom bawioł
Z rud arsynowych trucizna sprawioł
Dyć trocha złota tyż przi tym było
Cuzamyn Złoty Stok podźwignyło.

[broneknotgeld]

Na amyn?

Złotostocko gruba ruda fedrowała
I w dwudziestym wieku przeca coś dowała
Po wojnie i Polsce se tyż zasłużyła
Dyć w końcu komuna na amyn zamknyła.

[broneknotgeld]

"Złoty Stok" 1961

Ano fertig - już szpryngniono
A po czyńści tyż zalono.

[broneknotgeld]

Sztolnia "Gertruda"

Dzisioj gruba zwiydzić idzie
W sztolni ździybko szpasu bydzie
Dyć zoglondnońć se tu werci
Choćby skiż "Chodnika Śmierci"
Kaj złodzieji murowali
By na zowdy tu łostali.

[broneknotgeld]

Muzeum Przestrog, Uwog i Apeli

W sztolni "Gertruda" tako wystawa
Ze tabulami istno zabawa
Kto cosik łod sia muzeum do
Cołke zwiydzanie gratis z tym mo.

[broneknotgeld]

Rejs w "Gertrudzie"

Dyć som chodniki na poł zalone
Łodka łostała tako na koniec
Trocha w przod płyniesz potym se wrocosz
Nawet łupiny tu niy łobrocosz.

[broneknotgeld]

Sztolnia "Czorno Gora"

Na strona czesko tyż cie powiedzie
Dyć se niy forsuj zaroz na przedzie.

[broneknotgeld]

Wodospad "Czorny Gory"

Yno we Polsce tukej pod ziymiom
Wody we blasku byrnow se miyniom
Se czeski potok we skale traci
I tako sztolnia naszo bogaci
We Złoty Potok potym zaś wpływo
To już nikogo przeca niy dziwo.

[broneknotgeld]

Muzeum Przestrog, Uwog i Apeli

W sztolni "Gertruda" tako wystawa
Ze tabulami istno zabawa
Kto cosik łod sia muzeum do
Cołke zwiydzanie gratis z tym mo.

www.facebook.com/195759197165658/photos/a.808581882550050.1073742042.195759197165658/808584962549742/?type=3&theater

Kłodzko

[broneknotgeld]

We Kłodzku

We Kłodzku wiyncy Europy znojdziesz
Czech z Niymcym se tukej witoł
Do Niderlandow jakby tyż dojdziesz
Byś se historji łopytoł.

[broneknotgeld]

Most Wita Stwosza

Zdo sie jak praski to Most Karola
Choć wiela myńszy tako go chwola
Co do zocności to moji drodzy
Tyn most sie łopar przeca powodzi.

[broneknotgeld]

Twierdza kłodzko

Piyrwyj warownia tu przedpiastowsko
Teroz ta twierdza - ło Matko Bosko!

Lądek Zdrój

[broneknotgeld]

Londek Zdroj

Czi ćwieci z tysionca rokow zdo sie zdrojym
Chocioż dlo nikerych yno wodopojym.

[broneknotgeld]

Pruski zdroj

Londek tako pruskim zdrojym
Kogo tu niy było?
Krol, car, Goethe w raju stoji
Dobrze im se żyło

We marmurach ze frelami
Rzicie tu moczyli
Ktosik kończoł amorami
Przeca zdrowsi byli.

[broneknotgeld]

W czas napoleoński

W czas napoleoński laba se skończyła
Teroz łaźnio frelow już łosobno była
Mniyj zaroz uciechy - dyć czy zdrowio wincy?
Bez frelki w basynie chop se jakoś mynczy.

[broneknotgeld]

"Wojciech"

Ciyngym tukej badywanny
A w basynie gryfne panny
Chcesz - niy skompiom borowiny
Toż zożywej ty dziedziny.

[broneknotgeld]

Arboretum

Jest arboretum nad Jadwiżankom
Drzew krzokow rożnych zrachujesz
Ze ćwierć tysionca - podlejesz kankom?
Aroma jejich tu czujesz.

[broneknotgeld]

Muzeum czasu i ...

Czas nakrynco tu zygory
Pod "i" jakeś dziwne "zmory".

Polanica Zdroj

[broneknotgeld]

Polanica Zdroj

Ze sudeckich zdrojow łona ciyngym modo
Choć tyż historyjo wiela ło niyj godo.

[broneknotgeld]

Muzeum kamiyni

Wele pijalni muzeum take
Wody i bergi - toż niy jednake.

[broneknotgeld]

Na promynadzie

Na promynadzie we Polanicy
Kero se ciongnie brzegym Bystrzycy
Jo mineralny wcale niy pija
Dopiyro tukej lepi se żyja.

[broneknotgeld]

"Wielko Piyniawa"

W niyj se tu kompiesz
Niom inhalujesz
Toż na dwa fronty
Tako kurujesz.

[broneknotgeld]

"Piyniawy"

Wody Polanicy piyniom sie nom piyknie
Mie piana na piwie jednak tyż wystyknie.

Świeradów Zdroj

[broneknotgeld]

Świyradow Zdroj (legynda)

Przi cudownym źrodle złoty lew tu stoł
Pewnikym ło zdrowie swoje tyż se boł
Do zwiyrza czy możno ty wody rzykali?
-Ważne co Świyradow z czasym podźwigali.

[broneknotgeld]

forum.gazeta.pl/forum/72,2.html?f=28940&w=23473313&a=23473487
Ech, już tu tyn Świyradow jest kaj ińdzi

[broneknotgeld]

W XVI wieku

Już w ksiyngach szkryfnine cos ło ty dziedzinie
W historyji blysła - tako jom niy minie.

Bardo

[broneknotgeld]

Warta

Warta - take Barda miano
Trza wspominać w kożde rano
Miasto żyje historyjom
Co tu zdo sie procesyjom.

[broneknotgeld]

Bardo 1189

Przibyła na Ślonzek ze joannitami
Choć yno ze lipy dyć wiecznom nom zdo sie
Byście przijechali choć roz tukej sami
W pamiyńci Figurka Matki Boski mo sie
Aże do żywota ludzkego już końca
Toż pogoda ducha wspomniynie prziwroco
Zdo ci sie - we sercu mosz z tym wiyncy słońca
Nawet jak coś ło Niyj pomyślisz i nocom.

[broneknotgeld]

Bardzke miesionce

Lipiec siyrpiyń wrzesiyń to bardzke miesionce
Ze świytym maryjnym tu szczyńście i słońce.

[broneknotgeld]

W Gory Bardzke

Czy szłapcugym czy na kole
Niy zoglondnom tu ramole
Dyć dlo ciebie zdo sie raj
Tako bydzie richtig - naj!

[broneknotgeld]

Bardo pokusiyło
Cosik tam zwiydziyło.

www.facebook.com/media/set/?set=a.806233389451566.1073742041.195759197165658&type=1
Pokaż profil

Żagań

[broneknotgeld]

SAGAN

Sagan - ze notgeldow znom
Teroz mom we gowie krom
By niy było ze tym "draki"
Spytom - kastrol to jest jaki?

[broneknotgeld]

Se cera Kraka niy utopiyła
Yno zowitkom we końcu była
Tako łod łojca drapko uciekła
Coby niy ciyrpieć u Wiślan piekła

Cisła na zachod aż do Żagania
Tam w końcu prziszoł czas rozwionzania
Zaś jeji łojciec choć w gańbie srogi
Pedzioł co Wisła wziyła niybogi.

[broneknotgeld]

Żaganna

Matkom jyj Wanda - łojciec niyznany?
Czas przeca goji niy take rany
Że rodziciela znodła tyż prawiom
Ci co w niyj matka Żagania jawiom

Grod dźwigła skuli upamiyntniynio
Miejsca urodzin - czy to coś zmiynio?

[broneknotgeld]

We dwunostym wieku

We dwunostym wieku już Żagań se pysznioł
Karjera stolicy przeca łon niy wyśnioł.

[broneknotgeld]

W XIII wieku

Ksiynstwo Żagańske już tukej małe
Choć przeca kusi princa z Głgowa
Toż był czas - czimoł je istny całe
Z Żaganiym wyży dźwigoł se gowa.

[broneknotgeld]

Roztomajcie leciało

Pany Głgowa Sasy Austrjoki
Dyć roztomajcie tukej leciało
A żaganiany to niy boroki
Żyć zowdy lepi se im tyż chciało

Tako choć jakoś utropa prziszła
Tref tyż lepszymi czasami darzoł
Sztela roz kwitła - inkszy roz kisła
Czowiek zaś ciyngym ło lepszym marzoł.

[broneknotgeld]

Albrecht von Wallenstein (1628-34)

Pora rokow dyć panym Żagania był istny
Nałokoło wojska a tyn grod spokojny
Dyć tref se łokozoł we końcu zowistny
Zabrakło Albrechta - miasto w środku wojny

Cysorz kozoł zabić wodza nojlepszego
Kery ambicyjom urosnoł wysoko
Toż Szwedy i Żagań złupiyli do tego
Tako uciyrpieli za to co łon skokoł.

[broneknotgeld]

Pruski Żagań

Trza se teroz słuchać Fryca
Nojważniejszo jego myca
Ślonzek zabroł łon Austryji
Choć z tym wiela mioł mecyji.

[broneknotgeld]

Żagań 1785

Z tym rokym Biron już tukej panym
Szczyńściym istnymu tako sprzedany
Zdo sie perełkom we cołkich Prusach
Czy princ Kurlandji tchnoł w grod tyn dusza?

[broneknotgeld]

Francuzy w Żaganiu

Toż ciynżko sie zaczła już okupacyjo
Żagań z tym podupod - tako tragedyjo
Birona perełka teroz myni blyszczy
Dyć los se łodmiyni - jeszcze cosik zyszczy.

[broneknotgeld]

Stendhal w Żaganiu

Z armijom francuskom w Żaganiu zlondowoł
Ze aprowizacjom czy se rady dowoł?
Wojoki te miasto chnet cołkym łobjedli
Jako ta szarańcza na szteli se siedli

Możno Stendhalowi łobmierzło to wszysko
Marsowi doł spokoj - piorym wiyncy zysko
Tako znoloz miejsce istny w historyji
A Żagań se dźwignoł z francuski mecyji.

[broneknotgeld]

Cera Birona

Cera Birona zasmakowała
W tym co Francyjo frelce dowała
Zdało sie Paryż jyj zaczoł służyć
Toż żyje po to by cosik użyć.

[broneknotgeld]

Gryfno Dorota

Toż jyj niy skompioł Talleyrand pociech
Serce topiyło se przi Dorocie
Minister wszysko by istny doł
Dyć czy łon jedyn yno jyj pszoł?

[broneknotgeld]

Dorota Talleyrand de Perigord 1844

Tako se wroco już do Żagania
Cołko ta sztela czekała na nia?
Nojmodszo cera princa Birona
Terozki paniom ksiynstwa dyć łona.

[broneknotgeld]

Ksiynżna Dino

Ze ksiynżnom Dino Żagań rozblysko
Zdo sie na Ślonsku "Małom Francyjom"
Tu jakby z wiosnom zokwito wszysko
A żaganiany szczyńśliwsi żyjom.

[broneknotgeld]

"Pympek świata ksiynżny Dino"

Pympek świata ksiynżny Dino
Żagań Francjo przipomino
Chocioż mały dyć perełkom
I kulturom blyszczy wielkom.

[broneknotgeld]

Liszt w Żaganiu

Wiela razy łon tu grywoł?
Toż se żodyn tyż niy dziwoł
Kaj princesa ćmok sie traci
Kożdo dusza ubogaci.

[broneknotgeld]

Do 1935 roku

Talleyrand de Perigordy tyn Żagań czimali
Aże ich za wrogow Rzeszy Niymce tu uznali.

[broneknotgeld]

Kwieciyń 1944

Zaginyło co kunsztowne było we pałacu
Ano tako już te ziymie za niymieckośc płacom
Dyć łobrozy we Francyji podobnoś se znodły
Inksze skarby jak kamynie co we woda wpodły.

[broneknotgeld]

Pałac 1643

Barokowy pałac durś tyn Żagań krasi
Niy ma co se dziwać - idzie niym poasić
Prawiom co we Polsce jedyn z nojgryfniejszych
Ze tych co łostały do czasow dzisiejszych.

[broneknotgeld]

Antonio della Porta

Toż włoski architekt swoj kunszt w pałac wrazioł
Kożdy se dziwuje kto po niym połazioł.

[broneknotgeld]

Pałac 1845-55

Cołke krzidło se straciyło
Już niy bydzie jako było
Jednak wiela nom łostało
Możno tako być musiało.

[broneknotgeld]

Park ksiynżny Dino

Niywiela z niego dzisioj łostało
Za ksiynżny Dino było niymało
Kunsztym Teicherta zrychtowanego
Szkoda co dzisioj już niy ma tego.

[broneknotgeld]

Kościoł Wniebowziyńcio NMP 1183

Toż włodoł se wtedy Bolesław Wysoki
Jak tyn kościoł dźwigli prawie ze tym rokym
Na Ślonsku świontynia jedna z nojcynniejszych
Kere nom łostały aż po dziyń dzisiejszy.

[broneknotgeld]

Kościoł Wniebowziyńcio NMP 1515

Terozku gruntownie przebudowywany
Z nowymi szatami Żaganiowi dany
Wieża wydźwigniono - wiynkszy łod zachodu
Zdo sie teroz blyszczeć bardzi niż za młodu.

[broneknotgeld]

Kościoł Wniebowziyńcio NMP 1730

Ano - po pożarze se stroji łod nowa
Ło tym we Żaganiu wiy niyjedna gowa
Do dzisioj ze środka przeca barokowy
Ze dwora gotycki i renesansowy.

[broneknotgeld]

Klasztor Augustianow

Klasztor Augustianow dzisioj barokowy
Tyż i we tych czasach niy był przeca nowy
Kajniykaj gotykym bezto poblyskuje
To kożdy w Żaganiu niychej forszteluje.

[broneknotgeld]

Kaplica św. Anny

Dyć w klasztorze Augustianow
znojdziecie kaplica
Jak se blikońć tam we gora
-gotyk krasi lica.

[broneknotgeld]

Bibljotyka klasztorno

Byś niy zoznoł tukej nudy
Łona jest Żagania cudym.

[broneknotgeld]

Rynek

Tym se asi Żagań wdycki
Że tu gryfne kamiyniczki
Z downych wiekow dyć łostały
Jakby do sia nos sproszały.

[broneknotgeld]

Ratusz

W sztyrnostym wieku już tukej stoł
Choć cołkym inkszy muster łon mioł.

[broneknotgeld]

Po przebudowie (1868-69)

Toż se dziwuje w Żaganiu czowiek
Że ratusz "włoski" po przebudowie
Ze Floryncyji muster zabrany?
-Dyć ku gryfności ty szteli dany!

[broneknotgeld]

Herb Żagania (1602)

Cysorz Rudolf Żaganiowi
herb nadowo zocny
A dyż grod tyn łod Żaganny
historyjom mocny.

[broneknotgeld]

We "Staromiejski"

Kto na Żagań se podziwo
Tu coś zjy i chlapnie piwo.

[broneknotgeld]

Warszawskom

Warszawskom z Rynku na Plac Słowiański
Zdo ci sie jakby tako "trakt pański"
Dyć na fontanna trza se podziwać
A niy zaś słepać za wiela piwa.

[broneknotgeld]

Stare mury (XIII/XIV w.)

Stare mury kajniykaj i tukej znojść idzie
Na Wałowo, Rybacko skiż nich ci zońść przidzie.

[broneknotgeld]

Jan Kepler w Żaganiu (1628-30)

Czy mu sie Praga i Linz znudziyły?
Czy mały Żagań bardzi mu miły?
Przi Wallenstenie liczoł na spokoj
Kaj ińdzi wojna na kożdym kroku
Szkoda - niy łostoł aże do teraz
Dom kery gościoł piyrwyj Keplera.

[broneknotgeld]

2 złote z Żaganiym

Choć yno dwa złotki dyć Żagań radujom
Historyjo swoja w tym piniondzu czujom.

[broneknotgeld]

A dyć niy scygania
www.facebook.com/SilesianSagan
Kuknołch do Żagania.

[broneknotgeld]

Żagań ciekawi!
Tako se jawi!
www.facebook.com/SilesianSagan

Czocha

[broneknotgeld]

Ernst Gutschow

We Dreznie mioł gyszeft co stoł na cygarach
Dyć i cygartow wiela istny robioł
Prziszło mu ło tytuł grofa tako starać
Do śmietonki Niymiec ze geldym se dobioł

Toż terozki w wiyrchu - zamku trza zocnego
A na Ślonsku Czocha niszczoł zapuszczony
Wkludzioł se dość drapko nasz Ernst już do niego
Choć prawiom co remont kosztowoł miliony.

[broneknotgeld]

Remont zamku Czocha

Bodo Ebchardt go prowadzioł
Zocnie tako dyć poradzioł
Koncept richtig mu se udo
Tako momy dzisioj cudo.

[broneknotgeld]

Gotyk z renesansym

Gotyk z renesansym kunsztym kuplowany
Potomnym tyn zamek jako perła dany.

[broneknotgeld]

Ech - se dzioło!

Grof -nuworysz wiela bawioł
Herb swoj tako szlachci - prawioł
Arystokracyji tela
Niy widziała nigdy sztela

Kajzerowskim Niymcom przeca
Potrza i takego neca
Z ruskom zaś rewolucyjom
Tu uciekiniery żyjom.

[broneknotgeld]

Kolekcjoner

Ernst von Gutschow co kupowoł?
Toż istny kolekcjonowoł
Te pamiontki co po carach
-Romanowy już na marach.

[broneknotgeld]

W bibliotyce

Zamek Czocha - biliotyka
Kto bibliofil tu chcioł rzykać.

[broneknotgeld]

Sala Rycersko i Marmurowo

Sala Rycersko i Marmurowo
Przi karnawale rajym se zdowo
Tela grofiniow tu i princesow
Znojdziesz kniazinie ze ruskich kresow

Wszysko tańcuje, wszysko se bawi
Radości wiela Ernst Gutschow sprawi
Dyć cosik jednak w tym niy sztimuje
Czy już se koniec epoki czuje?

[broneknotgeld]

Sala Rycersko

Tu se śmietonka wytańcowała
Dyć i kapela radocha miała
Dlo zocnych gości tako przigrywać
A na nikerych trocha podziwać.

[broneknotgeld]

Sala Marmurowo

Ech - by se chciało pobiesiadować
Tako jak piyrwyj w ty sali przeca
Pewno bydziecie to forsztelować
Że do lodowki zarozki leca.

[broneknotgeld]

Komnata Cesarsko

Łoze tu ponoć zapadnia miało
Tako i "kosom" cie czynstowało
Dzisioj nocować tam wom poradza
Choć som se ło to ze ślubnom wadza.

[broneknotgeld]

Na słuzbie

Ano - za komuny wojokom łon służoł
Niyjedyn generał wiela se tu użoł
Wojsko Polske w zamku zdowało se panym
Rano, we dnie, w nocy, no i zaś nad ranym.

[broneknotgeld]

Jedli, piyli

Jedli, piyli generały
Sztab narombol se chnet cały
Toż wojokow w tym radocha
Że fajrujom w zamku Czocha.

[broneknotgeld]

Kominek

W Sali Marmurowy kominek ciekawy
Przi niymu se dzioły roztomajte sprawy.

[broneknotgeld]

Z wieży zamkowy

Z wieży se Kwisie tukej podziwosz
Co niydaleko mo zalyw swoj
Tako dziedzinie zocny tyż kiwosz
Koniec tyż przeca mo urlop twoj.

[broneknotgeld]

"Gdzie jest generał?"

Kaj jest generał? -Na zamku Czocha!
Toż powspominosz tyn film se trocha.

[broneknotgeld]

"Wiedźmin"

Widzioł tyn zamek dyć i "Wiedźmina"
Dlo mie to wcale niy jest nowina.

[broneknotgeld]

"Średniowieczny fajer"

Ano - wcale to niy bajer
Tukej średniowieczny fajer
Ci rycerze przirychtujom
Frelki jejich zatańcujom.

[broneknotgeld]

W zamku Czocha
straszy trocha?

[broneknotgeld]

Toż Dni Kłodzka se szykujom
www.twierdza.electro-robot.com/home.php
Richtig wiela uradujom.

Jelenia Góra

[broneknotgeld]

Jelynio Gora leży na Ślonsku
Tako se ciesza że w mojim konsku.

[broneknotgeld]

Jelynio Gora

Kej wojewodzkim miastym łostała
To sie Cieplice do sia zabrała.

[broneknotgeld]

Dzielnica Cieplice

W Jelyni Gorze zocno dzielnica
Ano - kurować idzie w Cieplicach.

Cieplice (J G)

[broneknotgeld]

Dwie rzeki

Miyndzy dwie rzeki Cieplice dali
Dyć niy we rzekach z chyńciom kompali
Na nic Wrzosowka, na nic Kamiynno
W nich przeca woda normalno - zimno.

[broneknotgeld]

Łod Bolka Cieplice

Princ Bolko Wysoki za sarnom rajtowoł
Raniono już boła, dyć drap potym zdrowo
Stykło co we źrodło cieplutke wskoczyła
I zaś dali drapko we bor pogoniyła

Toż sie Piast dziwowoł czamu tako stało
Jako woda życio sie źrodło zdowało
Ziymia szpitalnikom nadano została
Coby ze choroby wiela kurowała.

Kletno

[broneknotgeld]

Kletno już słynie
wiadomosci.gazeta.pl/wiadomosci/1,114883,11583960,Sensacyjne_odkrycie_w_Jaskini_Niedzwiedziej__FOTO_.html
W ślonski dziedzinie.

[broneknotgeld]

Porajzować
www.dziennikzachodni.pl/artykul/883466,laduniuk-lubiaz-bolkow-kamienna-gora-karpacz-czyli-majowki,id,t.html
Sie radować.

Legnica

[broneknotgeld]

Toż ciekawe
Dom tu prawie.
www.prw.pl/articles/view/30654/tajne-komplety-w-legnicy-reportaz

[broneknotgeld]

Zagłosujecie?
wroclaw.naszemiasto.pl/plebiscyt/karta/stowarzyszenie-osob-narodowosci-slaskiej-odznaka-dolnoslaska,1601,183632,t,id,kid.html
Ślonsk poznać chceie

[broneknotgeld]

We Rybniku zaś welunek!
www.dziennikzachodni.pl/artykul/3452025,wybory-uzupelniajace-do-senatu-w-trzech-okregach-kto-za-pieche,id,t.html
Ktoś skiż tego mo frasunek?

[broneknotgeld]

A mono kuknońć kaj Ślonzek Dolny
Łon łod Gornego bardzi spokojny.

[broneknotgeld]

ZAWIDÓW

Województwo dolnośląskie, powiat zgorzelecki
gmina miejska
---
Powierzchnia: 6,07 km2
Liczba ludności: 4351
Nadanie praw miejskich: 1369
---
Brak kościoła pw. Św. Michała Archanioła
---------------
Zawidów

Na Gōrze Michała kościōł postawiyli
Tu ze Archaniołym bliżyj Boga byli
We włościach biskupa tako miśniyńskego
Dyć z korzynio przeca tu echt łużyckiego

Kej wojny husycke jako mōr w tych strōnach
Dziw co ty dziedzinie niy prziszło z tym skōnać
Dziw iże durś dźwigo, mieszczany starajōm
Ze wiarōm w Pōnbōczka ciyngym siyły majōm.

[broneknotgeld]

WROCŁAW
Województwo dolnośląskie
miasto na prawach powiatu
---
Powierzchnia: 293 km2
Liczba ludności: 633802
Pierwsza wzmianka historyczna: 1000
---
Archikatedra pw. Św. Jana Chrzciciela – XIII w.
-----------------
Wrocław

Czy Wratysław czeski grōd tukej postawiōł
Kej na ziymi ślōnski ze wojami bawiōł?
Czy ździybko niyskorzyj dziedzina ta dźwigli?
We wieku dziesiōntym z niōm niy yno migli

Grōd w tym czasie zocny – chnet biskupstwym stanie
Kej Piasty chyciyli we swoje włodanie
I choć bogi pogan tu jeszcze wkludziyły
We swoji gōntynie dugo niy gościyły.

[broneknotgeld]

GÓRA
Województwo dolnośląskie, powiat górowski
gmina miejsko-wiejska
---
Powierzchnia: 13,65 km2
Liczba ludności: 12575
Pierwsza wzmianka historyczna: 1155
---
Kościół pw. Św. Katarzyny Aleksandryjskiej – XV/XVI w
----------
Gōra

Ano, dyć dziedzina downe wieki jawiōm
Princ Hajnel Głogowski grōd lokowoł – prawiōm
Drap tukej mynnnica, torg z solōm bogaci
Mury przeciw zbojōm tyż stowiać łopłaci

Dyć za jakeś grzychy we piytnostym wieku
Gōra wygorała – wiydz ło tym człowieku
Iże to dwa razy jyj wtedy trefiyło
Dziw co miasto potym na powrōt łożyło.

[broneknotgeld]

W Nowym Kościela
zapocom brele?

www.facebook.com/HanniSmoke/photos/a.667164273387387.1073741915.127130390724114/667165900053891/?type=1&theater

[broneknotgeld]

Kej je Gorny Ślonsk to musi
Być tyż Dolny - rym durś kusi.

forum.gazeta.pl/forum/w,28940,23473313,23473313,Tyn_Dolny_konsek_Slonska.html