Niyfraszka

[broneknotgeld]

Zowdy lepi porymować
Z tym se przeca niy trza chować.

[broneknotgeld]

Czy Twardowski skuli rymu
trefioł prawie aż do "Rzymu"?

[broneknotgeld]

Dyć przidała by se flaszka
Jak już niy poradzi fraszka.

[madohora]

Ktoś tu godoł, że cza flaszka
Jo bych go tak bez pysk prasła
Cało flaszka żech wypiła
Potym przez poł dnia żech gniła
I ze fraszki wyszły nici
A poł litra tyż jest w rz..ci.

[broneknotgeld]

Halba mało - se niy werci
Trza sprobować ze trzi ćwierci.

[madohora]

broneknotgeld napisał:

> Halba mało - se niy werci
> Trza sprobować ze trzi ćwierci.

Jak wypija jeszcze tak ze dwie flaszki
To jo tu zostana "królowom ty fraszki"

[broneknotgeld]

Smak tako rośnie
Szkryflej radośnie.

[broneknotgeld]

Śmiych jest zdrowiym
Tela powiym.

[broneknotgeld]

Choć wolności wiyncy momy
Dyć se przeca jyj strachomy
W ludziach myni jest łodwagi
Potrza PiSu czy Rolwagi
A nojlepi prawie - wodza
Czy jo rymym tymu szkodza?

[broneknotgeld]

Sprzedom fraszka
Za "co łaska".

[broneknotgeld]

Byda biydny jak harynek?
Kaj na fraszki wolny rynek?
Wiela ślonske som we wercie?
Za "co łaska" ich niy biercie.

[broneknotgeld]

"Kryptoreklama"

"Kryptoreklama" to z krypty cosik?
Czy tako śmiertka ło fraszki prosi?

[madohora]

Jutro tu niy przyda, byda fajrowała
bo moja kumpelka robota dostała.
Cały dziyń z niom byda pić
Bydzie nom sie kiwać rz.....

[broneknotgeld]

Toż kumpelki zdrowie!
Halba we połowie.

[madohora]

Upiły my sie sokiem z kartonika
Ot, tako już bywo babsko polityka

[broneknotgeld]

Do gorzoły
wloć se boły?

[madohora]

broneknotgeld napisał:

> Do gorzoły
> wloć se boły?
----------------------------------------------------
Wziyły na tapeta wszystkie pierdoły.
Kupiły sok, a zapomniały gorzoły.

[broneknotgeld]

Ech te baby
Poloć trza by!

[madohora]

broneknotgeld napisał:

> Ech te baby
> Poloć trza by!
**************************************
Jo mom tyla do łoblonio,
że te flaszki mi sie goniom.
Z tego wyjdzie litrów wiela
A niedugo już niedziela?!

[broneknotgeld]

Łotworz trzi ćwierci
Tela se werci.

[broneknotgeld]

Niychej po śmierci mie podeptajom
-Styknie co teroz radocha majom.

[broneknotgeld]

Przeca jo niy skuli łaski
Robia Ruda pympkym fraszki.

[broneknotgeld]

Fraszce dobrze być "popisym"
Tam kaj cisza jom se słyszy.

[madohora]

broneknotgeld napisał:

> Fraszce dobrze być "popisym"
> Tam kaj cisza jom se słyszy.
>
****************************************************
Szukomy szpasu pomiyndzy książkami
A łon za nami chodzi ulicami….
****************************************************
jak mi sie udo anegdotka zrymować
to jom zarozki byda tukej dować

[broneknotgeld]

Fulać kończa czy zaczynom?
-Zowdy dyć z wesołom minom!

[broneknotgeld]

Rym poezjom? Co to znaczy?
Mie łon yno se łonaczy.

[broneknotgeld]

Niychej co roku durś tako bydzie
A wyczimiymy w ty rudzki biydzie.

[broneknotgeld]

Chnet se karczmy zaczynajom
Dlo tych co Barborce pszajom.

[broneknotgeld]

Pod szislongym abo na
Tolerancji zowdy trza.

[broneknotgeld]

Ponoć miywo kij dwa końce
Z kery strony świyci słońce?

[broneknotgeld]

Szpas na sztrasie
W kożdym czasie.

[broneknotgeld]

Jest utropy ze tym trocha
Jednak łoczy zaroz w grochach
Niy sztimujom tam kaj rym
Humor gorom - tela wiym.

[broneknotgeld]

Jo se cisna ku wolności
Co adminow ździybko złości.

[madohora]

Godała somsiadka somsiadce
Że chłop coś wynosi w siatce
W te pyndy leci do garażu
I codziennie to powtarzo
Może zgodnymy to sami
Mie się zdo, że łon tam
loto z halbami

[broneknotgeld]

Halbki łoblykoł?
W garażu rzykoł?

[madohora]

Trójkąt Bermudzki

Jak żech trocha za dużo wypiła
Toch tyż w tym Trójkącie była

[broneknotgeld]

Coby jyzaś se tam zjawić
Jak nojpryndzy trza poprawić.

[madohora]

broneknotgeld napisał:

> Coby jyzaś se tam zjawić
> Jak nojpryndzy trza poprawić.

Jak se w dwójka poprawiymy
To za "Trójkąt" zalecymy

[broneknotgeld]

Dyć to niy szkodzi
Co rymy rodzi.