Jak chop z babom

[broneknotgeld]

Karlus kajs wele "Huberta"
Gryfny frelki capnoł merta.

[broneknotgeld]

Łomotała chopa siwo
Tu nikogo to niy dziwo.

[broneknotgeld]

Frelki polazły kajś za elwrami
Na pokuszynie wiydli rymami.

[broneknotgeld]

Frelki zbamoncić w jedyn dziyń trzi
Jako? Sowizdrzoł pewnikym wiy!

[broneknotgeld]

We pszynicy wele Pszczyny
Pszociel z Pszowa boł w niyj driny.

[broneknotgeld]

Lepi z babom sztama trzimać?
Mi sie zdo co lepi drzymać.

[broneknotgeld]

Wyśnioł łod dziołuszek
Niyjedyn cycuszek.

[broneknotgeld]

Połonacoł Hajnel Ryni
Że sie dlo niyj cołkym zmiyni.

[broneknotgeld]

Z frelkom zowdy idzie pić
Z frelkom chce sie zowdy żyć.

[broneknotgeld]

Kurde bele - chalom myjna
Jak sie yno wspomna Lyjna.

[broneknotgeld]

Łod kukanio w zdrzadło
zleciało jyj sadło?

[broneknotgeld]

Lepi mieć w galotach gurt
Bo bez tego chop jest furt.

[broneknotgeld]

Kurde bele - zaś te siano
Ślubno na niym niy wyspano
Kurde bele - tym sie tropi
Że chop kajsik poloz popić.

[broneknotgeld]

Łonacyła z niym
Niy yno jo wiym.

[broneknotgeld]

Frela z karlusym ponoć po biyrku
Drapko sie znodli we jednym wyrku.

[broneknotgeld]

Z Ankom se popijoł w Tychach
No bo frela werto grzycha.

[broneknotgeld]

Frela jako muster znoloz
Aż do piekła za niom poloz.

[broneknotgeld]

Ponoć w piekle jest ciekawi
Sie niy yno frelka bawi.

[broneknotgeld]

Pod niyjedyn tron łod króla
Kej za ślubno mioł klachula.

[broneknotgeld]

Kaj klachula w zocy bydzie
Zowdy drapko biyda przidzie.

[broneknotgeld]

We Jaśkowicach Jaśka szukała
Z kuli kerego z bajtlym łostała.

[broneknotgeld]

Boł wyzgerny
Dyć niywierny.

[broneknotgeld]

Ponoć jak kuknoł istny na frela
To jyj prościyła sie dałerwela.

[broneknotgeld]

Jo sie hexow boja
Już z niymi niy broja.

[broneknotgeld]

Myjna hexy mi wyrwały
Bestoż żech strachliwy cały.

[broneknotgeld]

Znodli jom przi sztrasie
I boło po szpasie.

[broneknotgeld]

Kaj szantrapa
Zowdy klapa.

[broneknotgeld]

Kej gyńsipympek

Kej gyńsipympek rozkwito wiosnom
Kej mojik żołci łonki swym kwiyciym
Herske uczucia we sercach rosnom
We dyszach fakla grzeje i świyci

Frelki bez mantlow już w swoji krasie
Kajniykaj słonko chalo promykom
Karlusom ździybko haltować trza sie
Dyć jak te cuda łominońć blikym?

Jako natury prowu łopiyrać?
Ciała som gorke i dusze – wiym to
Mo szac na lipsta yno zazierać?
Ło świynty Jonie – som byś zaślimtoł!

Ech – lato idzie, ze nim spełniynie
Kupluje dusze, ciału folguje
Natura zdo sie dać jedne tchnienie
Kto pszoł, kto pszaje – to forszteluje

Toż niy na darmo – pewnikom wiycie
Tako Ponboczek zocnie świat stworzył
Coby rodziło na nim sie życie
-Zowdy po zimie na nowo ożoł

Kej gyńsipympek wiosnom rozkwito
Kej mojik kwieciym zażółci łonki
Bociek w tym czasie dyć tyż zawito
Na ciosto życia wystyknie monki.