Dodaj do ulubionych

Jak chop z babom

05.05.05, 22:46
Chciolbych tu wyloć kufel słodyczy
A moja ślubno już na mie ryczy.

TY SIĘ NIE PRZEJMUJ

Gdyby me ciało tak bardzo zbrzydło
Że wyglądałbym jak straszydło
- Ty się nie przejmuj

Gdybym też zbudził się wcześnie rano
I byłbym łysy jak kolano
- Ty się nie przejmuj

Gdyby mi wszystkie zęby wypadły
Codziennie tylko kleik jadłbym
- Ty się nie przejmuj

Gdybym zupełnie swój stracił wzrok
I w czarną otchłań postąpił krok
- Ty się nie przejmuj

Gdyby mnie wredna zmogła choroba
Na tamtym świecie była już noga
- Ty się nie przejmuj

Gdyby wieziono mnie w kaftaniku
I wypuszczono gdzieś w Rybniku
- Ty sie nie przemuj

Gdybym Cię kochał bez wzajemności
Choć to tak bardzo może złościć
- Ty się nie przejmuj

TY SIĘ NIE PRZEJMUJ BO ZAWSZE WSZĘDZIE
MYŚL MOJA BLISKO CIEBIE BĘDZIE
Obserwuj wątek
    • broneknotgeld Re: Jak chop z babom 05.05.05, 22:47
      KARLUS
      Jak chodzioł do lipsty na noc
      Ty piyrszy godoł - dobranoc.


      We Rudzie durś trzynsom sie ściany
      Niyjedyn jest bez to zaspany
      Jak gruby fedrujom fest tompie
      A mie zaś sie wtedy śni rzompie
      Już lepi by frelka sie śniyła
      A jeszcze jak cudzo by była.



      Kto fraszki konsztowne pisze
      Dobrze i w łożku sie spisze
      A jak je kery glacaty
      To kochać sie może na raty
      Chocioż jak chce to tak przipnie
      Że dziołszka yno mu zipnie.
    • broneknotgeld Re: Jak chop z babom 05.05.05, 22:48
      Tak se myśla że ciało po to jest nom dane
      By na równo z rozumym było używane.



      Choćby i karlus był złotousty
      T przeca kokot niy mo być tusty
      Dziołchow tu niy ma to powiym skrycie
      Że już u siebie widza to tycie.



      Sylwester!!! Sylwester!!!
      Zadzwonioł żech do Szwester
      By w Niymcach wiodło i sie fest
      Tegoch i życzoł bo mom gest

      I pedziołch tyż do szwagra
      By wyciep w kont ta viagra
      Bo karlus z niego jest ho ho!
      Bez pilow rada z niom sie do

      I chocioż pieścić bydzie dłuży
      Taki sex musi zdrowiu służyć
      Bo nawet jak sie ołpom jest
      Trza zowdy kochać sie na fest.
    • broneknotgeld Re: Jak chop z babom 05.05.05, 22:48
      AROMA
      Woniosz jak łonka wiosynno
      Jak noc majowo noc bezsynno
      Dobrze żeś ciepła cygaryta
      Bo zaś mi woniosz jak kobiyta



      ZMIYNNO
      Nojpiyrw ci godo żeś jest balsamym
      A potym faflo żeś wielkim chamym
      Życio bez ciebie kedyś niy chciała
      Dość pryndko jednak inszego brała
      Tako tyż zmiynność bywo kobiyco
      Rzodko ci spełni co nałobiyco.



      Żodno frela tu niy godo
      Ani staro ani modo
      Beztoż jo se fraszka śla
      Bo te konski ciongnońć trza.
    • broneknotgeld Re: Jak chop z babom 05.05.05, 22:49
      Wadza sie ze ślubnom ło tych stotkow mycie
      Bo dzisioj pomywać niy chce mi sie wcale
      Pryndkoch sie ji poddoł take moje życie
      Ich se topkrac chycioł we namiyntnym szale
      Szorować żech zaczoł talyrze i gary
      Aż sie szło w nich przejrzeć choby w jakimś żdżadle
      Czego to niy musi chop wziońć se na bary
      By durś było dobrze we małżyńskim stadle.


      Puszystyj

      Przipominosz mi Rubynsa
      Te łobrozki pełne miynsa
      Chciołbych przilgnońć do cia zaroz
      Yno by nos chop niy znaloz.



      Jakoś te dziołchy cicho nom siedzom
      Niczego niy chcom tu wlepić
      Skocza po piwo niych ło tym wiedzom
      W żolu sie musza pokrzepić.
    • broneknotgeld Re: Jak chop z babom 05.05.05, 22:50
      Lipsta

      Z lipstom sie dugo niy chodzi
      Dyć pszoniu to może szkodzić
      Bo przeca we wolnym czasie
      Ze liptom położyć trza sie.



      Niby randka

      Randka z frelkom mi sie marzy
      Na tym forum - wirtualnie
      Może kedyś sie przidarzy
      Było by to richtig fajnie.



      Take pszonie to niy pszonie

      Komputer to je hercowa
      Kery jo nawet niy lubia
      Do mie to prawie harowa
      Durś przi tym trocha sie gubia

      Frela to nigdy niy bydzie
      Cołkym tu pewiyn żech tego
      Do gowy mi to niy przidzie
      Niy widza w tym nic piyknego

      Widza w tym yno narzyńdzie
      Dzisioj poczebne kożdymu
      Tam i tukej i wszyńdzie
      Tak myśla sie po bożymu.
    • broneknotgeld Re: Jak chop z babom 05.05.05, 22:51
      Brak formy

      Coś mi po dwóch piwach
      Palica gupieje
      Widza żech w pokrziwach
      Możno sie pośmiejesz.


      Jakby

      Jakbyś tak spotkoł szaca łod żony
      Jakby i łon był trocha zgoszony
      Jakbyś go spytoł - Co Ci sie stało?
      Jakby łodpedzioł - Twyj ślubny mało!



      Siyła żuru

      A wszysko to skiż tego żuru
      Kerego jo niy znosza
      Przipiyro frelki łon do muru
      I chyba go przeprosza
      Chopy tyż bardzi po nim jurnie
      We łożkach sie sprawujom
      Niy jedzom go dyć yno durnie
      A z nimi jo - tyż ułom.
    • broneknotgeld Re: Jak chop z babom 05.05.05, 22:51
      Biglowanie

      Bigluja koszule bigluja galoty
      Łod lot to noleży do moji roboty
      Dyć jo durś trynuja skiż lepszy połowy
      By kedyś i zmarszczki zbiglować ze głowy.



      Co pobiglowane na bigel se wiyszom
      Z inkszymi ciuchami już tego niy miyszom



      Z samego wiyszanio za mało uciychy
      Jo przi biglowaniu we myślach mom grzychy
      A czasym tyż fraszka mi przidzie do łeba
      Dyć ło tym wiym dobrze - biglować mi trzeba.
    • broneknotgeld Re: Jak chop z babom 05.05.05, 22:52
      Dziołcha z biglym to je tela
      Jakby była durś niydziela
      Szwongu przi ni bydzie wiela
      Aż wykończy cie ta frela.


      Moj syn

      Frelka nago mi sie śniyła
      Chciołch jom macnońć - już zniknyła
      Zbudził żech sie z tego żalu
      No i było już po balu.


      Pionty krziżyk

      Dyć mi już leci pionty krziżyk
      A modo frelka to je ryzyk
      Jak bych jom na noc mioł se cało
      Serce by tego niy szczimało.
    • broneknotgeld Re: Jak chop z babom 05.05.05, 22:53
      No ale jeszcze niy grom za dziada
      Ze swojom frelkom dowom se rada
      Yno tych modych jakoś mi szkoda
      Durś sie dziwuja na ich uroda
      Im czowiek starszy tym widzi wiyncy
      Som take piykne że aż to mynczy.


      Waluś na balu

      Dyć sie nom zbliżo tyn świynty Waluś
      Trza by zaś frelka zdybać na balu
      Ździybko sie prziciś do jyj podołka
      Choć łobleczono myśleć że gołka.


      Karlus

      Karlus sie z dziołchom wcale niy nudzi
      Łona go zawsze mocno pobudzi.
    • broneknotgeld Re: Jak chop z babom 05.05.05, 22:54
      Walynty

      Wreszcie momy tu Walusia
      Zrobiymy sie husia-siusia
      Łon je patron zakochanych
      No i tych w dekel rombanych
      Czynsto jedno to wychodzi
      Radujmy sie - co nom szkodzi.


      Wino, frelka i ...

      "Byczo krew" pioł żech na Bykowinie
      Zarozki fraszka ze tego płynie
      Na bycze wino mioł żech smak wielki
      Teroz mi trzeba goroncy frelki
      Czy to som yno myśli niymondre?
      Czy bycze wino idzie do jonder?


      Dyć jużech wrocioł na łono żony
      I na tym łonie byda spełniony
      "Byczo krew" zowdy przido sie chopu
      Jak zapomino ło tym co w kroku.
    • broneknotgeld Re: Jak chop z babom 05.05.05, 22:55
      Dobrze żech tukej ślubny niy gościoł
      Bo bych bez tydziyń terozki pościoł
      Przidała by sie autocynzora
      Dioboł zaś wyloz bez moja skora
      Łostatnie fraszki przed niom ukryja
      By nudelkulom niy dostołch w ryja.



      Problym mi teroz prziszoł do gowy
      Jo niy je cołkym anonimowy
      Ło ślubny pisza yno do szpasu
      Z tego niy bydzie wiela marasu
      Gorzi jak czyto to tyż kobiyta
      Kero z niczego zrobi ciaplyta
      Ale tych mokwow przeca niywiela
      Szkryflać sie dali tukej łośmiela
      Bestoż niy wytna ze forum sexu
      Choćbych mioł ło to wadzić sie z heksom.


      Jo łostatnio

      Jo łostatnio zaś żech spuch
      Wylazla mi muskla piwno
      Frelki nyńci płaski brzych
      Tako moda teroz dziwno

      Dyć już plaża mi sie marzy
      Woda słono trocha mokro
      Klara co nom ciała praży
      Dziołcha co sie w morzu toplo

      Trza zaś zabrać sie za siebie
      Ściepnońć fetu mocka kilo
      By sie latym czuć jak w niebie
      Z frelkom przi latarni Stilo.
    • broneknotgeld Re: Jak chop z babom 05.05.05, 22:55
      Czy musza...

      Czy musza ciyngym grać piyrsze krzipce
      Może ktoś wlepi choć coś ło cipce
      Trza chyba sexym łostrzy tu sypać
      By insi chcieli tyż cosik wciypać.


      Friza

      Friza na łonie ponoć je w modzie
      Fikuśno - nawet z piorkami
      Dropia sie teroz po moji brodzie
      Bija sie ze myślami

      Dyć inszy kolor na cipce szczimia
      Z uciechom bych nawet gaftoł
      Piorka wihajstry to inszy tymat
      Jo nudelkulom bych czaskoł.


      Weksle

      Chyba dopadła mie ta utropa
      Godajom na to "weksle u chopa"
      Durś na te forum "hicwele" wklejom
      A niych sie insi z tego pośmiejom!
    • broneknotgeld Re: Jak chop z babom 05.05.05, 22:57
      Ze motykom tracisz grosz
      Dyć sie czujesz choby boss.



      I zaś ryma

      Jak mom ryma słysza wdycki
      Wroź sie kichol w mode cycki
      Niy wiym wiela we tym prowdy
      W sznuptuch kichol kłoda zowdy.



      My byki

      Przeca byk je zawsze byczy
      Kożdo krowka to zaryczy
      Mlyczno cielno czy jałowka
      To je byka we tym głowka

      Jo wiym - som tyż te łoporne
      Czynsto u nich to pozorne
      Niy zawadzi jednak czasym
      Postraszyć wilkym i lasym.
    • broneknotgeld Re: Jak chop z babom 05.05.05, 22:58
      Jak teroz ślubno zyrknie na zadek
      Targo do łożka - to niy przipadek
      Potym do ucha powiydz jyj rym
      I właź pod kołdra choby we dym.



      Ślubno srogim je cynzorym
      Moja tyż tu kedyś wdepła
      Buły lycza do tyj pory
      A i tak coś z pieprzym wciepna.



      Szkubnoł bych teroz moja po plecach
      Yno że synek durś niy śpi
      Chyba niy werci sie już podniecać
      A ślubno niych sie tyż wyśpi.
    • broneknotgeld Re: Jak chop z babom 05.05.05, 23:00
      Prziznom sie ze jednak nom inaczy leci
      Bo we wieczor trocha przeszkodzajom dzieci
      Do roboty ida nojczyńści jo rano
      Ślubno tyż w robocie musi być wyspano
      Bestoż już łod downa urlop mi we gowie
      W pszoniu zaległości by nadgonioł czowiek
      Pieścioł bych sie z żonkom we wieczor i rano
      Coby była pewno że jest durś kochano.



      Jak moja warzy
      Idzie sie sparzyć.



      Danka na strona tukej se bliko
      Podobno za nos łostatnio rzyko
      Bo jakoś to Jom wcale niy cieszy
      Że my tu chcymy troszka pogrzeszyć.
    • broneknotgeld Re: Jak chop z babom 05.05.05, 23:01
      Sprośne fraszki

      Co to wynokwioł tyn Kochanowski?
      Łon w sprośnych fraszkach był przeca boski.



      Teroz take som już czasy
      Że chop nosi ciynżke kasy
      A kobiyta z grubszom forsom
      Niby lekszom a niy gorszom.


      "Brzidke" słowo

      Macykura mi na to roz łodpowiydź dowoł
      -"Cipka to jest naprowdy richtig brzidke słowo".
    • broneknotgeld Re: Jak chop z babom 05.05.05, 23:01
      Re: Jak chop z babom
      baba2 26.09.2003 16:26 + odpowiedz

      broneknotgeld napisał:

      > Chciolbych tu wyloć kufel słodyczy
      > A moja ślubno już na mie ryczy.
      >
      > TY SIĘ NIE PRZEJMUJ
      >
      > Gdyby me ciało tak bardzo zbrzydło
      > Że wyglądałbym jak straszydło
      > - Ty się nie przejmuj
      >
      > Gdybym też zbudził się wcześnie rano
      > I byłbym łysy jak kolano
      > - Ty się nie przejmuj
      >
      > Gdyby mi wszystkie zęby wypadły
      > Codziennie tylko kleik jadłbym
      > - Ty się nie przejmuj
      >
      > Gdybym zupełnie swój stracił wzrok
      > I w czarną otchłań postąpił krok
      > - Ty się nie przejmuj
      >
      > Gdyby mnie wredna zmogła choroba
      > Na tamtym świecie była już noga
      > - Ty się nie przejmuj
      >
      > Gdyby wieziono mnie w kaftaniku
      > I wypuszczono gdzieś w Rybniku
      > - Ty sie nie przemuj
      >
      > Gdybym Cię kochał bez wzajemności
      > Choć to tak bardzo może złościć
      > - Ty się nie przejmuj
      >
      > TY SIĘ NIE PRZEJMUJ BO ZAWSZE WSZĘDZIE
      > MYŚL MOJA BLISKO CIEBIE BĘDZIE
      Powiedzmi chopie czy ty żeś przeciep się z innej strony czy moż to w bazie i
      tylko klikosz bo byda se musioł urlop wziąć żeby to czytać.Choć piszerz fajnie.
      >


      • Re: Jak chop z babom
      broneknotgeld 26.09.2003 22:28 + odpowiedz

      Łod grudnia se tak rymuja
      Bestoż wiela tu wciepuja.


      • Re: Jak chop z babom
      broneknotgeld 28.09.2003 10:37 + odpowiedz

      "Aauuaa"

      Te "aauuaa" rozkoszny to ryk
      Dyć łobłap se frelka we mig
      Do tego nojlepsze je zwarcie
      Bo pszoć przeca idzie zażarcie
      Jak już "nudelkula" mosz twardo
      To postow sie łostro i hardo.
    • broneknotgeld Re: Jak chop z babom 05.05.05, 23:02
      Utropa

      Po tym poznać richtig chopa
      Że ze krokym mo utropa
      Jak na wiosna widzi pympek
      Zaś mu w gowie je postympek
      Frelka pympkym chce sie asić
      Jak fojera potym gasić?


      Zowitkow teroz dostatek
      Bo chop je wiynkszy gagatek
      A frelka czynsto go ścigo
      I tyż łod ślubu sie migo.


      My (moja i jo)

      My som już prawie że pełnoletni
      We ty małżyński robocie
      Przeca niy idzie powiedzieć - przetni
      Jak sie mo dwojka tyż pociech

      Choć już sie teroz tak niy pszajymy
      By sie polyła nom pościyl
      To jakoś do sia durś chyntnie lgnymy
      Wiela je jeszcze miłości.
    • broneknotgeld Re: Jak chop z babom 05.05.05, 23:03
      Ze Walcwerka

      Ze Walcwerka znoł żech frela
      Chocioż niy miołch z niom wesela
      Jeji nogi durś pamiyntom
      Dziubek z minom uśmiychniyntom

      Jak minyło lot już mocka
      Roz prziśniyła sie we nocka
      Coch jo wtedy z niom wyprowioł
      Niy byda wom tu łosprowioł.



      Jo wiela pochoł yno we myśli
      To mi do dzisioj zostało
      Bestoż jak czasym frelka sie prziśni
      Łobkusioluja jom cało.
    • broneknotgeld Re: Jak chop z babom 05.05.05, 23:04
      Niy je tak cołkym po myśli Twoji
      Bo ślubno czynsto sie budzi
      Chyba jo we śnie niy paplom moji
      Choć tyż warzechom mie studzi.


      Wiosna

      Już wiym że teroz momy zaś wiosna
      Przeca mi jakoś chyntka urosła
      Yno że u mie za wielko chyntka
      Zawsze sie w końcu zamiynio w yntka.



      Dyć wiosna momy i pora frelek
      Niych Ci zaćwiyrko w ucho cimpelek
      A jak Ci zimno to wlyź do łożka
      Kicholym przitul sie do cycuszka
      Ryma łodleci łod Ciebie w mig
      A chuć poczujesz jak mody śpik.
    • broneknotgeld Re: Jak chop z babom 05.05.05, 23:07
      Ze śmiychu rosnom mi teroz pejsy
      Ździebko a zacznom furgać "olłejsy".



      No richtig piyknie
      Dzisioj lachanio chyba mi styknie
      Galoty wiyncyj niy szczimiom tego
      Już knefle lecom. Pyrsk moj kolego.



      Toś tukej wciepoł problym zaś nowy
      Jo chyntnie pija zdrowie teściowy
      Ze swojom świekrom żyja we zgodzie
      Choć ponoć wcale to niy jest w modzie.
    • broneknotgeld Re: Jak chop z babom 05.05.05, 23:08
      Możno z teściowom niy idzie szczimać
      Jak sie jom czeba za kece czimać
      Jo jednak niy mom problymu tego
      Dyć jyj pomogom jak trza - kolego
      Nigdych tyż ze niom niy był na kupie
      Momy sie w zocy a niy we dupie.



      Grażyna

      Poznoł żech kedyś jedna Grażyna
      Frelka to była fajnisto
      Jak łona srogo zrobiyła mina
      Karlus w galoty aż drzistoł.


      Ale jajo

      Kajsik żech słyszoł ło tych zwyczajach
      Kere sie lyngły zowdy przi jajach
      Jak jakoś dziołcha karlusa pszoła
      To sie tyj magii w jajcach niy boła
      Brała kraszanka tako czerwono
      I jom wciskała mocno we łono
      Jak potym galant te jajco wciamroł
      Już yno ło niyj jynzorym mamloł
      Już yno w głowie mioł durś ta frelka
      Tako jest siyła we jajcu wielka.
    • broneknotgeld Re: Jak chop z babom 05.05.05, 23:10
      Wojna na jajca

      Wojna z jajcami - tymi na twardo
      Wydała kedyś mi frelka hardo
      Potym pisanki swoje straciyła
      Mojego jajca przeca niy zbiyła

      Możno zrobiyła mi taki szpas
      I we tyn sposob godała - pas
      Dzisioj sie myśla że jo był frajer
      Boch zabroł yno tyn myndel jajek.



      Frelek coś niy ma - to mynczy szaca
      Juzaś skiż tego mo wiynkszo glaca.


      Jak baba chopa durś do sia woło
      To łon mo wtedy wysoke czoło.
    • broneknotgeld Re: Jak chop z babom 05.05.05, 23:11
      Na Jurze

      Chytom ściana za wystympy
      W eksploracji mom postympy
      Przeciskom sie jakomś szparom
      Blysk! Co robia z mojom starom?!



      Jak chce sie hajtnońć
      Po co jyj haltnońć?
      Dyć sie zowitkom być tyż niy boji
      Jo bych jyj za to doł piykny mojik.



      Dyć nawet starzik za modom leci
      I chciołby przeca jyj robić dzieci
      Legnie sie w bety - postawi kryka
      A łona wskoczy jak na konika
      No - chyba że już jyj niy postawi
      Wtedy niych z dziołchom sie nic niy bawi
      Bo jakby słyszoł że dziywa stynknie
      Pewnikym drapko serce mu pynknie.

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka